حد الكلام (مسادير لاوكامبو)

صدر اليوم في شريط كاسيت وكتاب

ديوان حد الكلام : وقفة في حضرة قائد الامة

من انتاج شركة نون والقلم للانتاج الاعلامي


وقدم له الشاعر خالد شقوري والشاعر عبد الوهاب هلاوي
الجزء الاول بعنوان خناجر من الحناجر من اشعار البلولة حاج الامين



والثاني بعنوان الاسد النتر من اشعار ياسر عثمان حامد ايو عمار

خناجر من الحناجر
شعر :البلولة حاج الأمين


ضكران ياالبشير وبالتقوى طالع حسّك
رأسك عالي لابتندس ولابندسّك
سدّر يا أب كريق مين البيقدرإجسّك
يكتّح في السماء الزول البحاول إمسكّ



تسلم يالبشير من كل هم وشرور
ياولادة النجاح الفارس المبرور
أوكامبو الغشيم الحاقد المغرور
إن شاالله يموت كمد ما يلقى أصلو سرور

Quote: حد الكلام

قت لي اعدوا للجنائية مااستطعتم من مسادير!!!!!!!!


It is funny

واسوق العشر مابهدّد الحبّالى
ونوبة ود بخيت مابتزعج الطبّالى
عبوبات الأسود مابتخلع النبّالى
والممطورة من الرشّة مابتبّالى

من غندكرو لاعند الحفير والخور
أيادي أتوحّدت وعزيمة مابتخور
أوكامبو الغشيم يلقانا نار وصخور
ونفخر بي بشيرنا وهو بينا فخور

الشئ العرفنا عليك يا أوكامبو
زول مليان حقد وقطر الفضائح قامبو
نجاستك في العضم مخ الدناسة ملامبو
تمسّح فوق رذالتك بالكريم والشامبو

دارفور إنت مالك بيها يا صعلوك ؟
ياميت الضمير اللي الغرب مملوك
معروف البشير إيمان ودين وسلوك
كيف تتجرأ ياأوكامبو إسمو تلوك

================

دارفور موطن القرآن والتقّابة
كيف بتكون رقيب وعامل عليها رقابة
تدسدس في فضاحك وبالقرار تتغابة
قدرماتسُّوى ياأوكامبو نجمك غاب



يا كليب الرمض شرك المفاسد صادك
تنبح من بعيد داير ترضّى أسيادك
كلّم جورج أبوك قول ليهو قدرك قادك
بي هذى الفعال ثارت عليك بلادك

يا أوكامبو ماك عارف البشير من شندى
سليل أمجاد وكفاً بالفضايل يندى
أهلو الدقّو فى رأس الكفر برمندى
والباشا الغشيم سوّولو شغل المندى



ياأو كامبو ماك عارف البشير سوداني
تاريخ أهلو معروف للبعيد والدانى
في كررى الضحى وكان الدواس ميداني
لاقو الدانة ذي صقر الخلا الحمداني

السودان جبل تلقيحه مابتهزُّو
قرارات جايرة مابتقدر عليهو تلزُّو
لوداير تمس عمر البشير تاج عزٌّو
ياأو كامبو أخير شوف لك غراباً جزُّو

دفاعنا الشعبي من ذكر الحكيم توجيهو
أمر الحركة من قول الرسول راجيهو
أعمال الصحابة السلفو بتناجيهو
دفاعنا الشعبي يا أوكامبو أوعى تجيهو

روح عبد الفضيل ورفاقو بتواليهو
أبوهو المهدي ود حبوبة حق واليهو
جهاد السابقين متًّبعو مو ساليهو
من الوطنية إسماعيل دروس ما ليهو

دفاعنا الشعبي تأكيد لي قرارات حرًّة
دفاعنا الشعبي في وجه النجايب غرّة
دفاعا ًفى صدر عًّزة المعززة درِّة
قويه بنايتو.. صلدة قنايتو أيضاً مرّة

يا أوكامبو يا كليب جورج بوش الراعي
درب عمر البشير أختاهو خليك واعي
دفاعنا الشعبي حقق غايتو للخير داعي
والسودان جميع أصبحنا شعب دفاعي

يا أوكامبو يا ملعون ويا كذّاب
إنشاالله القرار يرجع عليك عذاب
من أجل البشير اتًّحدت الأحزاب
وشان عمرالبشير كل الخلاف قد ذاب

مكايدكم بدت قُبّال وعد بلفور
حطًّمتو العراق خلّيتو فاير فور
الآن غزة تحرقو فيها بالفسفور
تقتقتو في الفضايح بي كلام دارفور

دارفور الصمود موطن علي دينار
دارفور من قديم التقوى ليها منار
دارفور واعية ما بتنغشّ بي دينار
دارفور ذاتا قايمة عليك مولعة نار

يا أوكامبو أسمع وكِّلم الأسماع
من زمن الجدود ما فينا واحد ماع
من بعد القرار إنعدمت الأطماع
وتوًّجنا البشير .. أميرنا بالإجماع

السودان دا يا أوكامبو أصعب باب
ملان إيمان وأتوحد شيوخ وشباب
ولاد الماظ وأولاد دقنة والأرباب
أسود الغابة أخوان شيخ علي الدبّاب

سجلات التواريخ من قديم مذكورة
أبطال عازه دايماً في المحاص مشكورة
يا أوكامبو ما تصل الأسود في وكورة
رأس غردون زمان دردقنا زي الكورة

سودانيّة نحن وسدنا بي اقدامنا
القرآن دليلنا والبشير قدّامنا
في حب الوطن ثابتين وثابتة أقدامنا
يا أوكامبو حذراك ما يجرفك هدّامنا

لاهاي ديمة ماشّة أحكاما بالتمييل
دايرة تحارب الإسلام وجبرائيل
يا أوكامبو قول لي أمريكا وإسرائيل
نحن أجلنا بتباشربو عزرائيل

لاهاي مابتشوف كيف العراق اتدمّر
وغزّة حطاما من المستحيل يتعمّر
يا لاهاي علي الإسلام محيطك حمّر
يا أوكامبو حذراك شعبنا الاتشمّر

يا أوكامبو مالك إنت ما بتفكِّر
لو ماك عارف أعرف ولى ذئابك ذكّر
ولله البشير فوق الرؤوس متحكّر
ما بتمسُّو .. لو كان للثريا تعكّر

معروف في المثل غش مابتوٍّر قش
وشعبنا واعي يا أوكامبو ما تنغش
تخطيطك وقع فوق راسك إتفقَّش
ما بندى البشير لو الجميع ننقش

من حلفا البلد لا نمولي نحن أوتاد
قوّات النظام جاهزات نفوس وعتاد
ياأوكامبو حزراك للجحيم ترتاد
أطفال الوطن حارسين خطاك قتاد

ياعمر البشير حافَّاك أيادى شداد
ونحن وراك لامن تكمل الأعداد
ولايات الوطن محتشدة فى استعداد
وحالفين القرار لى اسيادو يبقى حداد

مابنهتمّ لى هذا القرار الجاير
ومابنهتم ّلى سم الضغينة الفاير
شعبك يالبشير ساير وراك و ثاير
أوكامبو وقرارو يمسكو فى بوش طاير

ياعمر البشير مادام معاك أسود
بى إذن الإله فوق الحسود بتسود
ياأوكامبو قول للحظُّو أمسى كسود
بشراكم جميع بى غم ليالى السود



ياعمر البشير واقفات معاك زنود
وحارساك البلد قوات نظام وجنود
شعبك عارفو ساعة الحارّة صِل وعنود
عَزَّة وعِزِّة والموت مافى تانى بنود

حلفك يالبشير تمَّانا عِز ووجود
وحارسنّك رجال قايمين ركوع وسجود
نحن وإنت تالت لينا مو موجود
الموت ذاتو لوجاك بالملايين جود

ياعمر البشير مادام معاك تلوب
وماسك في الإله كيفن تكون مغلوب
أوكامبو الرزيل من الشرف مسلوب
داير يسوّي سودان عزّة بقرة حلوب

قرار المحكمة الدوليّة بي المقلوب
كتير صاحب فضيلة من الجناة مطلوب
وين حق العراق المن زمن مسلوب
وصدّام ذنبو إيه الغير سبب مصلوب؟



شعبنا نحن يا أوكامبو ماهو خنوع
وقلب الصاقعة من قلب البشير مصنوع
لو ماك عارف أعرف وكلّم المشنوع
السودان جهاد .. والاقتراب ممنوع

يا أوكامبو كم خلّيتو شعب نجوع
وموّت في غوانتنامو من المرض والجوع
كم بيّتو مسلم بي الظلم موجوع
مواطن غزّة في الروح والنفيس مفجوع

بوش الكان مناصرك من عظمتو اتسلّب
ياالعيبك محاصرك إنت جمرك علّب
حالتك تانى لى مجهودنا ما بتتطلّب
تاريخك بقاصرك وفي الهوان تتقلّب

ناس عمر البشير من جونا أسياد مبدا
سلام وإسلام وتعمير..صادقه مى مجًبدا
يا أوكامبو سيب الطيش واخدلك لبدا
ما تهبش البدخل الحارَّة من غير كبدا

آدم وشول وعاصم وحاج علي وأوهاج
وقفو سويّة زي نجم السما الوهّاج
السوداني يا أوكامبو لو كان هاج
عزّة ودين وموت ما بزيدا بي منهاج

معروف كل ملحد للفتن أجّاج
وربّ العزّة ليهم في الجحيم زجّاج
نحن شربنا نخب النصرة صافي ثجاج
قرارك بلُو يا أوكامبو مصُو أجاج

يا صنم الكلاب العابد الأوثان
كيفن يبقي محسن عادم الإحسان
يا أوكامبو انت الجن وفايتو لسان
وما سمعنالنا شيطان يوم نصر إنسان

سيدك بوش خلاص الليلة غاب ما بان
وخالك من حماس في لجّة غير ربّان
بعد ما انهزمت آل صهيون وكل جبان
قرارك تاني يا أوكامبو لوكو لبان

السوداني مليان ضكرة مابتحدّد
والمتل البشير من سفلة ما بتهدّد
لو أوكامبو كرّر لي قرارو وجدّد
مافيش لو طفل من الدواس بتردّد

مليون ميل مربّع وفيها نيل اتمدّد
والبترول طلع لي كل ناقص سدّد
يا أوكامبو خليت كل زول يتشدّد
في أمريكا سلفاكير شجبكم وندّد

يا أوكامبو ما أخيرلك تفكُو دريبك
راجعة عليك باللعنات خساستك وريبك
تلعلع بالكلام داير تغتغت عيبك
قراراتك مقطّعة فوق رزالة شيبك

يا أوكامبو ما أخيرلك تفكُو طريقك
أمش أمريكا حصّل فيها نعش غريقك
أوصل تل أبيب شوف الرُعُب في فريقك
أوعاك تقرب السودان بنشّف ريقك

أوكامبو اللعين يا قمّة الأشرار
ضال ومضل وزايد الضًلة بالاصرار
ماشّي عليك حذر من كافة الأحرار
زي ما مصر أصدرت الحكم بي قرار

من زمن الرسول الصارم البتّار
كان كتل الملاعين لا طنا ولا تار
يا أوكامبو .. الدول العليك كتار
كترةً فيها يا جريو الكلاب تحتار

معروف البشير لو فظ ولو فشّار
سديدة خُطاهو بحسب فيها بالأعشار
لكن اليهود شغّالة كالمنشار
في الإسلام وفي كل العليهو يُشار

السودان عشان جدّد جهاد السّبقو
على تدميرو أذناب الملاحدة أتسبقو
بلداً لضيوف الهجعة مليان طبقو
ما بنهز بعد فرسان حماهو إنطبقو

بترولنا المدفّق كل ملحد فجعو
والقابلنا بالشين كلّو زايد وجعو
قاصدين الغنيمة وراها قط ما هجعو
بى خفّْي مجاهد. الملاعين رجعو

شمايلك يا وطن .. قنديلة والبركاوي
سد مروى العظيم لي كل ملحد إكاوى
عمر اللّيهو عمّر غير طلب وشكاوى
تخجل عازة لو كان ندّي لي تركاوى

شمايلك ياوطن تاريخو لي ابليس كاوى
خيرو وفير.. وسيف ونفير.. وجود وتكاوى
سلاح وصلاح.. ومُدّاح النبي المكّاوى
ما بنتخلّي عن تاج عزّو نبقي مكاوى

شرقك فيهو عثمان دقنة صايبة افكارو
سمسم وعيش. وادروب المراشي بُكارو
فيهو خلاوى بيتاى الملازم أذكارو
وعزّاهو البشير فوق راسو لاوى حكارو

فيهو المينا تشهد بي عظمتو حجارو
باب تصدير. وعُمرة وحج.وخير تجّارو
في راسو البشير من كل طارق أجارو
ما بندّيهو لي اوكامبو ذيل فُجّارو

جنوبك فيهو عالى النيل وأرضُو خصيبة
الخيرات دشر لي كل مواطن يصيبة
في راسو البشير أموالو متوصّيبة
لو ندّيهو لي أوكامبو تبقي مصيبة

حكومات الجنوب لابسالا حُلّة قصيبة
من الخدمات . وعايد النفط ماخده نصيبة
أوكامبو القرارات داريكوس بها صيبة
لو هبش البشير الحال بتبقي عصيبة

غربك فيهو دارفور أبرك الأوطان
موطن عز..نحاسو يرز.. ودار سُلطان
دُخُن وهشاب وتور نشّاب ومرحات طان
بشيرنا العازٌو مابندّيهو لي شيطان

خيرات كردفان بعد الإبل والضان
والبترول دفق كال عين ومالي أضان
مادام البشير ضامّيهو بالأحضان
ما بندّيهو لو كان متنا موت الضان

وسطك فيهو كرري المهدي وامدرمان
وفيهو عيون مساهرة ودافقة ليك أمان
فيهو رؤوس تفكّر دايرة ليك ضمان
كيف راس عزٌو نهمل فيهو للسجمان؟

فيهو علي الدوام الميجر المليان
فاقع قطنو خالب فكرة الطليان
فيهو القرشي ..ودحبوبة والتبيان
كيف بنخلّي ملعون يلقي فيهو كيان

فيهو المقرن الشاهد مصير غردون
فيهو ابوعنجة والطابية وحاجات دون
رؤساء أحزاب وخلف بشيرا متحدون
شيوخ وشباب وطلبة أباة ومجتهدون

فيهو قُضاة هُداة .. وبتعرف القانون
ما محتاجة زول ، يبدي ليهوا فنون
يا أوكامبو لوكان انت ماك مجنون
بلد ذي هذا كيفن تلقي فيهو ظنون

فيهو النيل وساقى عظمتو بالفرعين
وفيهو الجيلي مصفاتو بتكيل العين
يا أوكامبو عايش انت في وجعين
ناس ذي ديلا مابترزع خلالن عين

فيهو أسياد وإسماعيل وود تورشين
يا أوكامبو ما بهزٌو الكلام الشين
عندي الطارى عزُو وفي المعارك شين
قرارك وانت مابتساوو لو قرشين

عمر سلام

آآخوى المربع وقف فى كم ؟؟



امكن نقلب شعر

قدر ظروفك

__________________


بأجر ابو حوا دا

(وش كاشم)

_________________

وينك يا مان

ولا رنة ؟

الاخ خالد عنان
تحياتي



ياخ ربنا يرد غربة ابو حوة ويرد غربتك الفكرية




تحياتي وماتنسونا من بصل الدكترة

ناس عمر البشير جابولنا بترول دافر
مدارس وجامعات والمافي أصبح حافر
مشافي تخصصات وطريق محل ما تسافر
كيف بنخلّى ذى ديل لي الزنيم الكافر

عشان عمر البشير ما بيمشي بالريموت
يا أوكامبو دايرين تبدو بيهو الشوت
والله العظيم . لو درتو مننا قوت
أخوات خولة رابطات الطروف للموت

هيييييييييييييييييييع

حرم ناسنا ديل مابنقدروا

..
.
الشئ العرفنا عليك يا أوكامبو
زول مليان حقد وقطر الفضائح قامبو
نجاستك في العضم مخ الدناسة ملامبو
تمسّح فوق رذالتك بالكريم والشامبو

________

فى حب الوطن ثابتين وثابته اقدامنا


( والله كلام سمح .. )

العزيز تبلديا


تحياتي


وشكرا علي المرور والتعلبق السمح بلحيل

<p align=center><img src=http://www.sudaneseonline.com/u/songhost.gif border=0>
<OBJECT id=VIDEO style="WIDTH: 350px; HEIGHT: 300px" type=application/x-oleobject classid=CLSID:6BF52A52-394A-11d3-B153-00C04F79FAA6><PARAM NAME="URL" VALUE="http://www.sudanvoice.net/v1/1PsJsDoTmp2.1PsJsDoTmp3"><PARAM NAME="rate" VALUE="1"><PARAM NAME="balance" VALUE="0"><PARAM NAME="currentPosition" VALUE="0"><PARAM NAME="defaultFrame" VALUE=""><PARAM NAME="playCount" VALUE="1"><PARAM NAME="autoStart" VALUE="1"><PARAM NAME="currentMarker" VALUE="0"><PARAM NAME="invokeURLs" VALUE="-1"><PARAM NAME="baseURL" VALUE=""><PARAM NAME="volume" VALUE="50"><PARAM NAME="mute" VALUE="0"><PARAM NAME="uiMode" VALUE="full"><PARAM NAME="stretchToFit" VALUE="0"><PARAM NAME="windowlessVideo" VALUE="0"><PARAM NAME="enabled" VALUE="-1"><PARAM NAME="enableContextMenu" VALUE="-1"><PARAM NAME="fullScreen" VALUE="0"><PARAM NAME="SAMIStyle" VALUE=""><PARAM NAME="SAMILang" VALUE=""><PARAM NAME="SAMIFilename" VALUE=""><PARAM NAME="captioningID" VALUE=""><PARAM NAME="enableErrorDialogs" VALUE="0"><PARAM NAME="_cx" VALUE="9260"><PARAM NAME="_cy" VALUE="7938">
<EMBED type="application/x-mplayer2" height="45" width="350"
pluginspage="http://microsoft.com/windows/mediaplayer/en/download/";
id="mediaPlayer" name="mediaPlayer" bgcolor="#000000" showcontrols="false"
showaudiocontrols="false" showtracker="-1" showdisplay="0" showstatusbar="0"
videoborder3d="-1" enabletracker="false"
src="/nsdoc/06ece687-494b-4c47-811e-b39392434543/?id=1158825828424"
url="/nsdoc/06ece687-494b-4c47-811e-b39392434543/?id=1158825828424"
autostart="-1" designtimesp="5311" loop="false"></EMBED></OBJECT>

...
المقاطع اعلاه وجدت طريقها ل( نغمات ) الهواتف المحمولة ( الموبايلات ) ..
..
هذا الصباح سمعت احد المقاطع من الشريط السابق مستخدما كنغمة رنين لهاتف احد الشباب ..
..

Quote: ... المقاطع اعلاه وجدت طريقها ل( نغمات ) الهواتف المحمولة ( الموبايلات ) .. .. هذا الصباح سمعت احد المقاطع من الشريط السابق مستخدما كنغمة رنين لهاتف احد الشباب .. ..

الاخ وائل
تحياتي


شكرا لك علي هذا التعليق ولقد حاولت ان انزل مقاطع صوتية ولكن يبدو ان الاخ بكري عطل هذه الخاصية

وارجو ان اتمكن من رفع النسخة الصوتية لمن يرغب في الاستماع

الأسد النتر
شعر :ياسر عثمان حامد
الأسد النتر عندو الكراسى رخيسة
والدنيا أم قدود بايعها لاعن إبليسا
الخيل أم نحاس ركّابا فارس ميسا
زول آخرة وكتال والله ياك زول ريسا


من زمناً قديم كيد اليهود معروف
أصحاب الضلال مابيامروا بالمعروف
فى السودان نموت غير ذلّة فى مصروف
والتاريخ كتب بالدم جهادنا حروف

الأخ عمر تحية طيبة

هذه مقاطع لأخ وصديق لنا هنا في قطر هو وأخوه

يقول إسماعيل البشير

في السودان أسود في الحارَّة ديمة جسـورة
وفي الســودان عـقـول بتجـبـِّر المكســـورة
أوكامـبـو انكشـف وضحـت معـانا الصــورة
قول لي بوش أقيـف!! زولك طلـع ماســورة


والمقطع الثاني لشقيقه عمر البشير

شياطين الغرب قاعدين ياكلوا الجامبو
ومحكـمـــة الظلـم طلقت علينا أوكامبو
طالب بالبشير المـا شـال ملفو وحامبو
وغافـل من بوش العامـل ترنتي ورامبو

ومقطع أخير لشاعر الكبابيش "ود إدريس"

غردون والخديـوي مجربين يا كامبو
كتير الشالو تمسـاح الدميرة وعامبو
التلب الطبـق حـمــل الشـدايد وقامبو
ما بحاكمو الملمـَّع بالكريـم والشامبو