Post: #1 Title: رحلة مميزة ..في حضرة مبدعي أهلنا السروراب.. اهل الحضارة .والكرم والجود Author: عفاف ابوكشوه Date: 09-03-2011, 08:35 PM Parent: #0
هلت بشايرنا وعم الفرح رحلتنا
رحلة بورداب الخرطوم وضيوفهم الكرام
بمزرعة آل حبيب نورة بالسروراب
كانت مميزة ورائعة ,,في حضرة أهلنا السروراب
أهل الحضارة والكرم والجود والبشاشة
استقبلونا بحفاوة كبيرة وحملونا في حدقات عيونهم
لهم منا الشكر والتقدير والحب والاحترام
ونخص بالشكر السيدة ناهد جبارة شقيقة
الصديق حبيب نورا - يس جبارة- واسرتها الكريمة
الذين وقفوا في خدمتنا حافي الاقدام
وقدموا لنا طعام شهي وغمرونا بكرمهم الفياض
فلهم منا كميات من الحب لاتحده حدود
كما نشكر الفنان الطروب الاستاذ يوسف أحمد
وفرقته للتراث الشعبي بالسروراب
الذي أطربنا بأغاني التمتم - علي اصوله-
وحلق بنا في فضاءات التراث الشعبي لاهلنا بالسروراب
ونواصل
تحياتي وودي
Post: #2 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: المكاشفي الخضر الطاهر Date: 09-03-2011, 08:44 PM Parent: #1
الشكر كل الشكر لأهلنا في السروراب اهل الكرم والجود والفراسة والتقابة والشاية والراية والكتاب والركاب منبع الحكمة والشعر والشعراء احفاد سيدي الشيخ احمد الطيب البشير الاصيلين ، لهم جميعا شكرنا وتقديرنا ونخص بالشكر كل من اسهم في إخراج هذا الاحتفال بهذه الصورة الجميلة وعلى رأسهم عمنا جبارة عبد الفتاح والد الاخ ياسين والاخ ياسين والاخ منصور عبد الله المفتاح ( عضو البورد) وهو من كندا اشرف وتابع بالجوال لحظة بلحظة وكأنه يرحل في الكراسي والصواني والصحانة معنا له تحية خاصة ،، كذلك نشكر الاخ قرمة على مجهوداته الكبيرة في إثراء الجو ببدائع الشعراء وتنظيمه لهذا الاحتفال .. وكذلك كل الاهل والاخوان بدون فرز الذين كانو في حركة دءُوبة حتى خرج هذا اليوم بهذه الصورة
نشكر الاخ ياسن احمد الطيب مداح الشيخ ابراهيم الدسوقي ومن زامله في تقديم المدائح ونشكر الفنان الشعبي الحماسي يوسف وفرقته التى تتغني بأمجاد السروراب وأشعار الاساتذة ابراهيم يوسف نور الدائم والحماسة الضاربة الجزور في السروراب ونشكر أيضا الشعراء حسن حسونة ومحمد ونشكر كل من كان في هذه الحديقة
اكيد بجيكم راجع لأني نسيت لي كم واحد كدا لكن غايتو صدقوني الرحلة دي ما كانت تكون بهذا النجاح لو كانت في اي حتة غير السروراب اهلنا في السروراب قاموا بكل شيء ولم يحوجونا لأي شيء ونسيت ان اشكر اخي ودفعتي المهندس فيصل المفتاح واقول ليهو شكرا يا فيصل وبارك الله فيكم
Post: #3 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: معتصم محمد صالح Date: 09-03-2011, 08:46 PM Parent: #2
تحياتي وتقديري اختي عفاف يا سلام على السروراب وأهل السروراب اهل الكرم والجود والدواخل النقية البيضاء ... وأرضهم الطيبة شئ اخر خضرة ممتدة على مد البصر سترونها في الصور لاحقا خضرة ترد الروح ونسيم عليل ...
Post: #4 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-03-2011, 09:04 PM Parent: #3
يوم مشهود لاهل الكرم والجود يوم مكتوب في التاريخ مرصود من السروراب محبة وخلود اهلي الطيبين طيبة بلا حدود
مع خالص امتناني وشكري وودي لاهل السروراب الذين اكرمونا بخاطر طيبهم بجمعوهم الودية وصفاء قلوبهم وانا ما قادر اكتب عبارات اكثر من حقتهم لان كل كلمة عنهم ناقصة بل الفيديو اكثر شاهد ودليل لكرمهم الفياض وخلوكم معنا في الفيديو والصور
Post: #5 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: عفاف ابوكشوه Date: 09-03-2011, 09:04 PM Parent: #3
شكرا
للاعزاء
المكاشفي
ومعتصم
علي المرور الجميل
واعتذر عن مواصل ةالحكي والتفاصيل
النعاس والارهاق
وموعدكم مع مشاهدة فديو كامل للرحلة
وكميات من الصور المدهشة
مودتي
Post: #6 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: عفاف ابوكشوه Date: 09-03-2011, 09:21 PM Parent: #5
مساء الخير
ذو اليد
ارجو تنقيح الصور والفديو قبل النشر
ومراعاة ما هو خاص
وماليس للنشر
وخاصة الشابات
مودتي
Post: #7 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حبيب نورة Date: 09-03-2011, 09:42 PM Parent: #6
المهم هسه زي ما قالت عفة تعب وفتر ونجاض شديد كدي ننتظر الصور والفيديو وإنشاء الله الرهيفة تنقد
كتر خيركم وبجيكم صاد
Post: #8 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-03-2011, 11:45 PM Parent: #7
اثناء تحركنا من بيت الفنون
Post: #10 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-04-2011, 00:11 AM Parent: #8
استقبلنا مجموعة في الطريق لتوصيلنا الى مكان الرحلة وكان في مقدمتهم الفكي بدرالدين اسحق وهبه و وليد الشفت واحمد حنين
Post: #9 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: عمر صديق Date: 09-03-2011, 11:47 PM Parent: #7
فعلا ياعفاف هي رحلة مميزة من حيث الترتيب وروعة المكان واهله
فالشكر لكي ولكل من اسهم في تنظيمها والشكر لحبيب نورة واهل السروراب جميعا ومبدعيهم
وشكرا ان قابلنا من بورداب امريكا كل من الاخ عبد الرحيم منصور ودكتور عبد الحميد
وظهر بعد غيبة كل من وهبة وتبلدينا ومنال الاستثنائية وغادة مكي
ووجدنا من بورداب السروراب كل حفاوة والجزيرة اسلانج كل حفاوة وتقدير وهم كلهم مبدعون ومتميزون فالتحية والتجلة لكل من :
حبيب نورة ودكتور المكاشفي وياسر علي نائل منصور المفتاح واسعد العباسي
ونشكر للاخ ذو اليد قيامه بتوثيق ابداعات رحلة السروراب صورة وصوت
Post: #11 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: abdelrahim abayazid Date: 09-04-2011, 00:16 AM Parent: #9
والله يا استاذة عفاف مع احترامي للجميع
الناس في شنو والناس المشو السروراب في شنو
Post: #12 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: baha eassa Date: 09-04-2011, 00:21 AM Parent: #11
Quote: الناس في شنو والناس المشو السروراب في شنو
هو في حاجة تمنع الرحلة ولا شنو ؟
Post: #14 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: قاسم المهداوى Date: 09-04-2011, 00:30 AM Parent: #11
برجوازى مندس زعلااان منك يا حبيب واحدة فى البنات
بدلا عن هامش مكرر مركز تحياتى لمام عفاف
قاسم المهداوى
Post: #13 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-04-2011, 00:22 AM Parent: #9
اول الفيديوهات عند مدخلنا الى الجنينة وهاكم الطلة البهئية والنسمة النهارية على امتداد البصر خضرة في حضرة بورداب سودانييز اون لاين
Post: #15 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-04-2011, 01:02 AM Parent: #13
المطرة كانت حاجز لدخول السيارات افضل وسيلة لنقل معدات الرحلة (كارو) اهل الكرم
Post: #16 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: تاج السر محمد حامد Date: 09-04-2011, 03:41 AM Parent: #15
الاخوة والاخوات .. بورداب الخرطوم .. سلام .. وسلام وكل عام والجميع بألف خير ..
التحية لكم جميعا محملة بكل أرايح الفل والياسمين لكم منى ومن أخوتى بورداب جدة كل الحب والتقدير سائلا المولى بأن يجمعنا وأياكم فى الساعات الطيبة بنفس تلك الروح السمحه .. مرة أخرى تحياتنا لكم جميعا وفردا فردا .. مودتى
تاج السر
Post: #17 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: د.نجاة محمود Date: 09-04-2011, 05:53 AM Parent: #16
Quote: برجوازى مندس
لوووووووووووول يا قاسم برجوازي الهينة دي الزول طلع اقطاعي كبير ياخي
التحية ليك ولحبيب نورا وناس الخرطوم يا اجدع ناس
وكل سنة وانتم لامين وتامين
Post: #18 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Abdelrahim Mansour Date: 09-04-2011, 07:28 AM Parent: #17
الأخت: عفاف
سلامات
== إنهم أهلي البقيف في الدارة وسط الدارة و أقوال للدنيا ديل أهلي ==
اللقاء كان رائع بروعة بورداب الخرطوم و شهامة و كرم أهل السروراب الذين تفننوا في إكرامنا
قد سعدنا جدا كالعادة، بلقاء بورداب الخرطوم،
شكرا لكم أختي عفاف و التيم المشرف على اللقاء الجميل، و شكرا حار و خاص لأسرة حبيب نورة
و إن شاء الله دايما ملمومين في ساعة خير.
عبدالرحيم منصور الخرطوم * **
* **
Post: #19 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: عفاف ابوكشوه Date: 09-04-2011, 08:24 AM Parent: #18
صباحات ندية
وشكرا لكل المتداخلين
ولي عودة
Post: #20 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: وليد محمد المبارك Date: 09-04-2011, 08:56 AM Parent: #19
Quote: والله يا استاذة عفاف مع احترامي للجميع
الناس في شنو والناس المشو السروراب في شنو
الكان مشارطني منو امبارح !!!
___________________
انتو اكلتو مراره
وطيب !!!!
بتتكلموا عن كرم اهل السروراب مالكم الما اكل مرارة ما ينضم
___________
اي زول شرب من الحفاظة الخدرا اسمو مكتوب
Post: #21 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: غادة مكى محمد Date: 09-04-2011, 09:07 AM Parent: #20
شكرا عفاف
وتحياتى لجميع المتداخلين وشكرا اهلنا بالسروراب على الاستقبال وكرم السودانيين الاصيل
Post: #22 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: MOHAMMED ELSHEIKH Date: 09-04-2011, 09:10 AM Parent: #20
الأعزاء بورداب الخرطوم اولا كل عام وانتم بخير واعتذاري الشديد جدا لعدم الحضور بعد أن قطعت رحلتي للباوقة في يوم الجمعة وعدت للخرطوم خصيصا لأحظى بشرف اللقاء ولكن اتت رياحنا بما لا تشتهي سفني و اتصلت بالأخ حبيب نورة وأوضحت له أن لدي مشكلة" لوجستية" حيث لم يجد لي من اوصيته الدابة التي تنقلني ,حيث اني لا استطيع لظروف ابنتي الصغيرة ان اتحرك بدون عربة وفضلت في الأنتظار حتى بعد العصر بل وحتى هذه اللحظة "في انتنظار البترول" المهم فاتتنا لمتكم السعيدة ونتمنى لقاؤكم في زواج كبسور باذن الله. مخلصكم ابدا ود الشيخ
Post: #23 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: عفاف ابوكشوه Date: 09-04-2011, 09:20 AM Parent: #22
.
Post: #118 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: أبو عبيدة البصاص Date: 09-06-2011, 05:00 PM Parent: #20
Quote: الكان مشارطني منو امبارح !!!
تكسب والله
Post: #24 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: نوفل عبد الرحيم حسن Date: 09-04-2011, 09:21 AM Parent: #19
بورداب الخرطوم الحلوين والله نورتوا وشرفتوا وسعدنا بيكم لدرجه فوق الوصف كان يوم جميل رغمالتعب و المشقه والمطر الذي وقف بيننا ومكان الرحله الاصلي كحاجز .. فكان تغيير المكان الي مكان آخر كان يوم جميل رغم ضيق الوقت ورغم انف طارق جبريل ذاتو عايز اشكر والدنا والد حبيب نوره واخواته واخوانه وكل الشباب .. ربنا يديكم الصحه والعافيه الواحد برضو سعيد انه قابل الاستاذه عفاف ابوكشوه ( الزوله الهميمه ) بلسم عديل كده تطيب الجروح سعيد انه قابلت لاول مره الحبوب عبدالرحيم منصور ووليد الشفت ونهلة محكر وشاذلي وباقي العقد الفريد .. وبنجي لذكر الاسماء كلها لكن نوجه صوت شكر خاص لشقيقة سفيان نابري ( مني ) ماقصرت تب الزوله دي شكرنا ايضا للجميل فيصل المفتاح وكل المشاركين في البرنامج ونخص ابنة السروراب الاستاذه سحر ميسره الشاعره الانيقه التي كتبت كثيرا من اغنيات ندي القلعه اولها ( عزاز علينا ) رغم انها لم تستطيع المشاركه شعريا لضيق الوقت .... لي عوده
Post: #25 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حبيب نورة Date: 09-04-2011, 10:59 AM Parent: #24
غايتو السروراب هي المستفيد الأكبر من هذا الحضور اللطيف أنا شخصياً تكفيني البسمة الأكتشفتها هذا الصباح في وجه الإمام الأعظم سيدنا أبوي قدّس الله سره وهو بسألني الرحلة الجاية متين ؟؟ هو صحيح الرحلة الجاية متين ؟؟ كعادتي شديد القلق خصوصاً بما يتعلّق بتنظيم اللقاءات والرحلات وكافة النشاطات ولن أخفيكم سراً أني شتمتكم بخبث مقاهي القاهرة ولؤم الذي أضناهُ الإنتظار ودوابكم الأنيقة تتعثّر كسولةً في أسفلت تلك الأصقاع الملقاة علي قارعة التأريخ منذ زمان صانع المراكب والذي صار فيما بعد نبياً شهيراً والمقولة هنا للشفيف الخفيف اللفيف طلال عفيف ولم تغظني إلا نهلة محكر وهي تسخر في لؤمٍ آخر أعتدته وهي تخبرني تلفونياً أنهم بالقرب من تلك اللافتة الموسومة بمدينة السروراب ولعلها تساءلت سراً هل السروراب مدينة وطوكيو أيضاً مدينة ؟؟ وعزاءي الوحيد مقولة أخري للعم والإمام بدري مقبول قدس الله سره؛ عندما ذهب القوم لخطبةِ فتاةٍ لأحد أبناءهم فنهض ممثل أسرة الفتاة وأخذ يتفاخر بعراقةِ أصله ونسبه قال لهم بعد أن أثني علي الله كثيراً وحمده نحن جدنا فلان جاء البلد دي سنة أسكُت وحبوبتنا فلانة جئ بها محمولةً علي هودج الفخار وضجيج السيرة أم قناية ؛ سنة حفرو البحر وعمنا التربال الذي كان يحش في ظهيرةٍ واحدة؛ مقدار ثلاثة جوالات من التمر البركاوي قدم البندر زمن موية الصحة كان بنشلوها من بير ود مختار وآبار علي ! أطال الرجل ولم يوجز وقال ما قال وجلس لا فض فوهُ فما كان من الإمام الأعظم سيدنا بدري إلا أن نهض وقال عبارةً واحدة أسكتت القوم وجعلتهم يضعون الخمسة فوق الإتنين ! قال لهم : نحن ما جينا !!!!! نحن لم نأتِ نحن هنا قبل أن تصك الدنانير ويصلصل الريال أب عشرة في جيوب القوم ! نحن هنا قدوم حوار الإمام سيدنا محمد الخير محمد ود أحمد؛ الذي أكتشفناً لاحقاً بأنه قد ترقّي ليصبح محمد أحمد المهدي ! نحن ما جينا !!!
تلكم هي السروراب التي ضحكت لكم بالأمس شاهدتمونها عندما تعشق تصير مجنونة بعشاقها تهيم مبسوطة بمقدمكم لن تكونوا أول عشاقها وهي لن تهجر العشاق . أصدقائي في سودانيز أول لاين؛ أنتظرناكم طويلاً فلم يخب رجاءنا إني أعلنت الحب عليكم وأشهد الله
سأعود للحكي فقط يجب أن لا أنسي مجهودات بعض الشباب الذين ساعدوا في إخراج هذه اليوم عبد الرحمن قرمة الراجل الهميم الجميل الطيب المهندس فيصل المفتاح الذي لن يكفيني الشعر للثناء عليه فرقة أبناء السروراب للغناء الشعبي بقيادة الفنان الجميل يوسف أحمد وعبد العزيز والباقر والشيخ ونور الدائم والتوم والورداني أشكر أسرتي أشكر السروراب
أشكركم كلكم شكرن كتيرن علي اليوم الجميل ده
لي عودة أكيدة
Post: #26 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حبيب نورة Date: 09-04-2011, 11:02 AM Parent: #25
ح نحكي عن البورداب كمان
أستعدوا
Post: #30 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: الصادق خليفة Date: 09-04-2011, 11:34 AM Parent: #26
يا سلام والله هنيئاً لكم
Post: #27 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: مزمل خيرى Date: 09-04-2011, 11:12 AM Parent: #24
شكراً ياحبيب نورة ويااهل السروراب على حسن الضيافة ... لكن المشوار قطع قلبنا والله
Post: #28 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حبيب نورة Date: 09-04-2011, 11:31 AM Parent: #27
يا راجل
ده مشوار معتاد بنمشيه في اليوم تلاتة مرات
لكن بجد شرفتونا لكن ما حضرتوا الدلوكة كانت في دلوكة قيامة
Post: #37 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: munswor almophtah Date: 09-04-2011, 12:59 PM Parent: #28
بورداب الخرطوم الذين سحبت أشواق السروراب مطاياهم وإنقادت كما الحوت فى الجباد إلى صحن دارها والفرح يفيض منهم ومنها ليسقى بقورها وكبورها لتخضر فرحا أبديا يظل فى ذاكرة شريعتها وحقيقتها أبد الدهر كما أبقت حويصلات أرضها بأسرار العنج والنوبه وما سبقهم وما خلفهم حتى الونى والدواليب ولم تضجر من ذلك لا بل بسخاء الأمهات وصبرهن ظلت ترضعها وتحن كالنوق لحيرانها وتدر وتشبعها لباءا وحليب وها أنتم أتيتموها بهشة وبشة كادت أن تذيب كبدها من الفرح العارم بتشريفكم لها وأنتم تنسلون من أركان المدينة إلى جوفها الذى لا يعرف الجفوة ولا جفاف الإحساس لا بل رقصت عن بكرة أبيها فى خلاويها وصوالينها وحوانبتها طربا ثملت به ومازالت وستظل كذلك لعقود وعهود ستأتى أحبابنا بورداب الخرطوم بذات عفوية إرتجال الحدث إرتجلت لكم السروراب بعض ما صرت من برامجها لتسركم ولكنه الوقت الممحوق فلم يسعفها أن تشرفكم بشاعر ومطرب الدقا منو يا ناس الدقا منو الفنان الطيب أحمد سليمان المشهور بأبى حراحر والتى وسعت دائرة بثها للكل ندى القلعه تلكم التى تذكرنا بشاعرة السروراب وبنت فرسانها سحر ميسره الياس الزبير باشا التى ضاق البرنامج ليمنحها ثقبا تطل به عليكم لتروا وجها وعقلا وقلبا ذوات أفانين وألحان عذاب لا بل كانت هنالك من الأسرار الثمينه لم يتح الظرف فك الغلاف عنها لتروها أعزائى بورداب الخرطوم لا بل كانت تحلم بأن يمتد الإحتفاء بكم إلى مركزها الثقافى لتقدم لكم أكوابا من عصير ثقافاتها وتراثها بروح من الفنيلا الطبيعى ثم يصتنت أهلها إليكم لتملؤن بطين السمع وأذينه وتطربون طبلها ليزداد إقاع الرقص الى صنعتموه فيها أول مرة فيا أعزائى فقد إستنطقتم صناجة السروراب وقيثارها أستاذنا الأستاذ إبراهيم يوسف نورالدائم ليكرمكم ببعض دره من درر القول النضيد لا بل كان يتأهب للحضور إليكم أستاذ الأساتيذ الأستاذ الولى أحمد الولى حصيفنا وفصيحنا ليتلو عليكم من صحف تراث السروراب وآدابها ويزيد كيل بعير فيا أعزائى لكم الشكر من السروراب أبدا ولكم الثناء والتقدير والشكر للأخ حبيب نوره الذى جعل ذلك اللقاء ممكنا وللحاج جباره الذى جبر بالخاطر وجاء إلى حيث جلستم والفرح يغمره بحضوركم والشكر للباشمهندس فيصل المفتاح على التفاعل بسخاء معلوم والشكر لعبدالقادر الزين ولسحر وحسين عبدالحميد وكذا الشكر ليوسف ذلكم الصديق الصنديد المطرب والشكر لأفراد فرقته الميامين والشكر لنوفل وياسر على نايل وللمكاشفى والشكر لمحمد عبدالجليل وأسعد العباسى ولمتابعتهما اللصيقه والشكر لسودانيس أونلاين التى جمعتنا وصنعت فينا الوعى وعلمتنا الحميميه ولكم وللجميع السلام.
منصور
Post: #29 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: طارق جبريل Date: 09-04-2011, 11:34 AM Parent: #27
رحلة بي كارو دي اخير منها الزول يليس ليه حيطة جالوص بي زبالة
Post: #31 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: عفاف ابوكشوه Date: 09-04-2011, 11:52 AM Parent: #29
سلامات
صديقنا
طارق جبرين
اظرف ظرفاء
البورد
الحمد لله الرحلة كانت جميلة
وربنا لطف وما نزلت اي امطار
استمتعنا وطربنا وفرحنا شديد
وبرغم حساتك لكن فاقدنك
وتحياتي وودي
Post: #32 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: محمد أبوالعزائم أبوالريش Date: 09-04-2011, 12:06 PM Parent: #31
خلاص ..... بعدين ما تزاحمونا في الجنة .... أخدتوا حقكم.
Post: #33 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: محمد ادم الحسن Date: 09-04-2011, 12:08 PM Parent: #31
Quote: لكن ما حضرتوا الدلوكة كانت في دلوكة قيامة
عليك الله يا حبيب نورا حضر لينا رحلة أنا وبخيت الحبشي لمن نجي راجعيين. عبده حماد يمتنع.
Post: #34 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: العوض المسلمي Date: 09-04-2011, 12:46 PM Parent: #33
ظروف السفر حالت دون مشاركتكم هذه المتعة .. حبيب نورة لازم تعمل اعد للرحلة دي في الضحية .. كل سنة وانتوا بخير عفاف وكل البورداب الخرطوميين والضيوف ..
Post: #35 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: عمر صديق Date: 09-04-2011, 12:55 PM Parent: #33
طارق جيريل كل سنة وانت طيب
وحظك ودعواتك ومعك اخرين
وامنياتك وحسب نيتك الارادة جابت الرحلة دي احسن بي مليون مرة بس من رحلتك بتاعة بتري
Post: #36 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Mohamed Abdelgaleel Date: 09-04-2011, 12:59 PM Parent: #33
ياخي دي حاجة سمحة خلاس
شكرا حبيب نوره/ شكرا نوفل/شكرا قرمه/شكرا المكاشفي
يا ريت لو كنتا معاكن
حظي كدي .. دايما مقابل الصيف .. وإنتو في المطره
حاسدكن عديل كده يا بورداب الخرتوم
وإنتا يا حبيب نوره ما تدبر ليك مقام في السروراب دي
الرواية هنا بتنكتب
ومسؤول من الخير:
رسلتوا نسخ السعودية؟
نسختي أديها قرمه ..
Post: #38 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: المكاشفي الخضر الطاهر Date: 09-04-2011, 01:00 PM Parent: #33
Quote: حبيب نورة
تاريخ التسجيل: 02-03-2004
الرحلة الجاية متين ؟؟ هو صحيح الرحلة الجاية متين ؟؟
لمن طارق جبريل دا يجي من المغرب وبكري يجي من امريكا
Post: #39 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: معتصم محمد صالح Date: 09-04-2011, 01:36 PM Parent: #38
غايتو يا ذو اليد اذا دي صورك كلها .. مفروض يشيلو كاميرتك او كاميراتك ديل ويكسروهم ليك في رويسك ده ... ياخي الخضرة الممتدة محل تعاين وينا .. ووين المياه الجارية في الجداول .. والنخل واشجار المانجو والبرتقال المتلاصقة والظل الممتد حتى الظلام ..
Post: #40 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: عفاف ابوكشوه Date: 09-04-2011, 01:56 PM Parent: #39
الاعزاء
ذو اليد
محمد صباحي
عبدالرحيم منصور
ارجو تنزيل الصور
عشان الشمات والعرل
ناس ود جبرين
وودالموج ما يكشفو حالنا
مودتي
Post: #41 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: منال Date: 09-04-2011, 03:38 PM Parent: #40
هى الروعة منكم تمشى وين ياناس السروراب
خانى فيكم التعبير ومابقدر غير اسجل اعجابى اللا متناهى بكل شئ واى شئ
Post: #42 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Abdelrahim Mansour Date: 09-04-2011, 04:00 PM Parent: #41
ابتسامة رائعة كروعة الحدث
ترقبوا المزيد من الصور
عبدالرحيم منصور الخرطوم
** *
Post: #43 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Abdelrahim Mansour Date: 09-04-2011, 04:06 PM Parent: #42
ما أجمل لحظات اللقاء
ترقبوا المزيد من الصور
عبدالرحيم منصور الخرطوم
** *
Post: #44 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Abdelrahim Mansour Date: 09-04-2011, 04:09 PM Parent: #43
الطريق إلى المزرعة
ترقبوا المزيد من الصور
عبدالرحيم منصور الخرطوم
** *
Post: #46 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Abdelrahim Mansour Date: 09-04-2011, 04:25 PM Parent: #44
مدخل المزرعة
ترقبوا المزيد من الصور
عبدالرحيم منصور الخرطوم
** *
Post: #45 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: محمد حيدر المشرف Date: 09-04-2011, 04:15 PM Parent: #43
سقوط تقدمى فى أحضان الرجعيه
Post: #47 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: مزمل خيرى Date: 09-04-2011, 05:16 PM Parent: #45
عضو المنبر نوفل فى اول ظهور فى لمة للبورداب ..
Post: #48 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: عفاف ابوكشوه Date: 09-04-2011, 07:15 PM Parent: #47
مساءات ندية
شكرا استاذ
عبدالرحيم منصور
علي تزين البوست بالصور الجميلة
التي تعكس العلاقات الاجتماعية الحميمية بين بورداب الخرطوم
برغمم المساجلات الساخنة وفهلا ان اختلاف الرأي لايفسد للود قضية
مودتي
Post: #49 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: صلاح غريبة Date: 09-04-2011, 07:33 PM Parent: #48
فاتتني .... والله
المرة الجاية معاكي .... انشاء الله
Post: #50 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: صلاح غريبة Date: 09-04-2011, 07:41 PM Parent: #48
فاتتني .... والله
المرة الجاية معاكي .... انشاء الله
Post: #51 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: munswor almophtah Date: 09-04-2011, 07:57 PM Parent: #50
بورداب الخرطوم الذين سحبت أشواق السروراب مطاياهم وإنقادت كما الحوت فى الجباد إلى صحن دارها والفرح يفيض منهم ومنها ليسقى بقورها وكبورها لتخضر فرحا أبديا يظل فى ذاكرة شريعتها وحقيقتها أبد الدهر كما أبقت حويصلات أرضها بأسرار العنج والنوبه وما سبقهم وما خلفهم حتى الونى والدواليب ولم تضجر من ذلك لا بل بسخاء الأمهات وصبرهن ظلت ترضعها وتحن كالنوق لحيرانها وتدر وتشبعها لباءا وحليب وها أنتم أتيتموها بهشة وبشة كادت أن تذيب كبدها من الفرح العارم بتشريفكم لها وأنتم تنسلون من أركان المدينة إلى جوفها الذى لا يعرف الجفوة ولا جفاف الإحساس لا بل رقصت عن بكرة أبيها فى خلاويها وصوالينها وحوانبتها طربا ثملت به ومازالت وستظل كذلك لعقود وعهود ستأتى أحبابنا بورداب الخرطوم بذات عفوية إرتجال الحدث إرتجلت لكم السروراب بعض ما صرت من برامجها لتسركم ولكنه الوقت الممحوق فلم يسعفها أن تشرفكم بشاعر ومطرب الدقا منو يا ناس الدقا منو الفنان الطيب أحمد سليمان المشهور بأبى حراحر والتى وسعت دائرة بثها للكل ندى القلعه تلكم التى تذكرنا بشاعرة السروراب وبنت فرسانها سحر ميسره الياس الزبير باشا التى ضاق البرنامج ليمنحها ثقبا تطل به عليكم لتروا وجها وعقلا وقلبا ذوات أفانين وألحان عذاب لا بل كانت هنالك من الأسرار الثمينه لم يتح الظرف فك الغلاف عنها لتروها أعزائى بورداب الخرطوم لا بل كانت تحلم بأن يمتد الإحتفاء بكم إلى مركزها الثقافى لتقدم لكم أكوابا من عصير ثقافاتها وتراثها بروح من الفنيلا الطبيعى ثم يصتنت أهلها إليكم لتملؤن بطين السمع وأذينه وتطربون طبلها ليزداد إقاع الرقص الذى صنعتموه فيها أول مرة فيا أعزائى فقد إستنطقتم صناجة السروراب وقيثارها أستاذنا الأستاذ إبراهيم يوسف نورالدائم ليكرمكم ببعض دره من درر القول النضيد لا بل كان يتأهب للحضور إليكم أستاذ الأساتيذ الأستاذ الولى أحمد الولى حصيفنا وفصيحنا ليتلو عليكم من صحف تراث السروراب وآدابها ويزيد كيل بعير فيا أعزائى لكم الشكر من السروراب أبدا ولكم الثناء والتقدير والشكر للأخ حبيب نوره الذى جعل ذلك اللقاء ممكنا وللحاج جباره الذى جبر بالخاطر وجاء إلى حيث جلستم والفرح يغمره بحضوركم والشكر للباشمهندس فيصل المفتاح على التفاعل بسخاء معلوم والشكر لعبدالقادر الزين ولسحر وحسين عبدالحميد وكذا الشكر ليوسف ذلكم الصديق الصنديد المطرب والشكر لأفراد فرقته الميامين والشكر لنوفل وياسر على نايل وللمكاشفى والشكر لمحمد عبدالجليل وأسعد العباسى ولمتابعتهما اللصيقه والشكر لسودانيس أونلاين التى جمعتنا وصنعت فينا الوعى وعلمتنا الحميميه ولكم وللجميع السلام.
منصور
Post: #52 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Ahmed Abdallah Date: 09-04-2011, 08:14 PM Parent: #51
Post: #53 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: baha eassa Date: 09-04-2011, 08:51 PM Parent: #52
الصور بائسة شديد يا حبيب نورة .. نجيكم ولا شنو ؟
Post: #54 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-04-2011, 10:41 PM Parent: #53
وكمان شوفو ناذر الخليفة صاحب الانامل الذهبية مع فنان الحقيبة عوض الله عملو شنو ولمن راجعين
الفيديو يغنيكم
Post: #55 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حبيب نورة Date: 09-04-2011, 11:25 PM Parent: #54
ههههههههههههههه
جاييكم الصبُر
Post: #56 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ABUHUSSEIN Date: 09-04-2011, 11:32 PM Parent: #54
الله يديم المحبة و الأفراح
Post: #57 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: عمر صديق Date: 09-05-2011, 01:57 AM Parent: #56
بعد تناول وجبة الغداء واستئناف برنامج الرحلة علمنا ان الاهل بالسروراب قد اعدو برنامجا متكاملا يشتمل علي مختلف صنوف الابداع التي تتميز بها منطقتهم العريقة التي يعود تاريخها لااكثر من سبعة قرون
ولذلك اتحتا لهم المجال و توجد نماذج من الغناء الشعبي والمدائح والشعر في الفيديو علي الرابط ادناه
Post: #58 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Abdelrahim Mansour Date: 09-05-2011, 04:54 AM Parent: #57
ترقبوا المزيد من الصور
عبدالرحيم منصور الخرطوم
** *
Post: #59 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Abdelrahim Mansour Date: 09-05-2011, 04:59 AM Parent: #58
ترقبوا المزيد من الصور
عبدالرحيم منصور الخرطوم
** *
Post: #60 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-05-2011, 05:55 AM Parent: #54
ديل ناس السروراب ديل اهل الكرم والجود ونسخة من حاتم الطائي شوفو ابداعاتهم واكرامهم لنا حضرو بفرقتهم الشعبية واشعارهم الجميلة
Post: #61 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: نوفل عبد الرحيم حسن Date: 09-05-2011, 09:14 AM Parent: #60
Quote: عضو المنبر نوفل فى اول ظهور فى لمة للبورداب ..
نان تقوم تظهرني زي مومياء قدماء المصريين ؟
عامل كاميرتك الشينه دي
Post: #62 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: نوفل عبد الرحيم حسن Date: 09-05-2011, 09:21 AM Parent: #60
ياراجل ده بس ذو اليد عجبتو الخيران ما شاف حيضان البرسيم وشجر المنقة ولون المنقة
والوزين العايم في رقصة الدلوكة
Post: #81 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Abdelrahim Mansour Date: 09-05-2011, 02:08 PM Parent: #76
صوره اعتز بها جدا
ترقبوا المزيد من الصور
عبدالرحيم منصور الخرطوم
** *
Post: #83 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Abdelrahim Mansour Date: 09-05-2011, 02:10 PM Parent: #81
بدونكم خربانة يا أستاذة: عفاف
ترقبوا المزيد من الصور
عبدالرحيم منصور الخرطوم
** *
Post: #84 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Abdelrahim Mansour Date: 09-05-2011, 02:12 PM Parent: #83
ترقبوا المزيد من الصور
عبدالرحيم منصور الخرطوم
** *
Post: #77 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Hadeer Alzain Date: 09-05-2011, 01:36 PM Parent: #72
عفاف يا جميلة جدن .. ليه ما إغتنمتوا السانحة الطيبة دي ولمة الأهل والأحباب والأصحاب وعقدتوا لي حبيب نورا دا؟ إنشاالله بت الجيران ياخ!
حبيب نورا فرصة ########تها ..! كان الرحلة الجاية تكون رحلة عرسك وتحقق أمنيات الوالد الإمام شيخ جبارة في رحلة قريبة!
طارق جبريل بنصحك ما تجي حاييم بجاي لحدي ما المطرة الجبتها ليهم دي تجف وإلا .... , هههه
ربنا يديم الود والمحبة بينكم يا رائعين
Post: #78 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: طارق جبريل Date: 09-05-2011, 01:46 PM Parent: #77
Quote: طارق جبريل بنصحك ما تجي حاييم بجاي لحدي ما المطرة الجبتها ليهم دي تجف وإلا .... , هههه
Post: #79 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-05-2011, 01:48 PM Parent: #71
Post: #82 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-05-2011, 02:08 PM Parent: #79
المدخل الرئيسي للجنينة
نومة العافية يا بدرالدين احمد حنين يتأمل في جمال الطبيعة عبدالرحيم منصور و وهبه
طارق جبريل وود الموج الصور الاولى ديل مناظر الفلم دا الفلم في بداية العرض بس قاعدين للحسادة والقطيعة
Post: #85 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حبيب نورة Date: 09-05-2011, 02:26 PM Parent: #82
أردم يا ود المنصور أردم يا ذو اليد
أردموا ردمهم بلا
Post: #86 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: طارق جبريل Date: 09-05-2011, 02:26 PM Parent: #82
بدر الدين دة متين وصل الرحلة وجاتو ملاريا
Post: #87 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-05-2011, 02:32 PM Parent: #82
Post: #88 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: مزمل خيرى Date: 09-05-2011, 03:08 PM Parent: #87
يا برعى الناس ديل شكلهم قلبوا البلد بعد مشينا نحن ! وين ناس تبلدينا والوفد المرافق ليهو ؟ وكمان يا وليد اوع يكون مشى على الحفاظة الخدرا واتبطح ليكم فى الفرشة زى الرحلة الفاتت ...
Post: #89 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: بدر الدين اسحاق احمد Date: 09-05-2011, 03:13 PM Parent: #87
السروراب ::
الكبار والصغار الرجال والنساء الشيب والشباب النساء والشابات الشعراء الفانيين العازفين الكورس ناس العمم نساء السروراب حبيب نورة ان شاء الله تتعلو وترتقو فى الدنيا والاخرة وكتر خيركم (وقالو السواى مو حداث ) خيركم الرد عليهو تكليف شخصـى إفترضتو على نفســى .. والله يقدرنى عليهو جزاكم الله خيـر ..
Post: #90 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ناذر محمد الخليفة Date: 09-05-2011, 03:48 PM Parent: #89
هسي أقول شنو ولا ما أقول ولا أعمل شنو ..!!
الداير اقولو الناس قالوهو ..!! تاني لو عدتو بمسخ الشغلانية ..
Post: #91 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: سارة علي Date: 09-05-2011, 04:26 PM Parent: #90
كل سنة وانتو طيبين.. متلمين دايما في الافراح يا رب.. _______ دايرين نصيحتي؟؟ ذو اليد دا تاني اعملو ليه تفتيش قبل اي تجمع بورداب على اساس انو ما يكون شايل كاميرا ياخ الفيديو النزلو بتاع الحفلة دا داير مونتاج ههههههههه في الربع الاخير في مشية المغارب في حادث "وقع" غلبك يا ذو اليد تمسحو؟؟؟ انشاءالله بس ما تكون جاتكم عوجة..
امشي امسحو سرررريع قبل طارق جبريل ما يشوفو.. لانو واطاتكم ما حتصبح لو شافو..
بتبااااالغ يا ذو اليد ياخ
Post: #92 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ناذر محمد الخليفة Date: 09-05-2011, 04:40 PM Parent: #91
سارة علي كل سنة وانتي طيبة ...
Quote: في الربع الاخير في مشية المغارب في حادث "وقع" غلبك يا ذو اليد تمسحو؟؟؟ انشاءالله بس ما تكون جاتكم عوجة..
بالله انتي لاحظتي في الضلمة دي ؟!!
هههههههه
ولا حكوليك ؟!!
Post: #94 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: نوفل عبد الرحيم حسن Date: 09-05-2011, 05:33 PM Parent: #92
Quote: حبيب نورة ....
جهز العتوت ..
لقيت خبرو ؟
البتاع دا كلنا قافلين عليهو بي كرت يا ناذر
Post: #95 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: بله محمد الفاضل Date: 09-05-2011, 05:56 PM Parent: #94
علي بجملة أي حاجة شهيتونا الباقي من السودان دا يا اخي تطير عيشة الغربة يا اخي وإنعل أبو أي حاجة
خلاص يا اخي بلاش صور
متضامن مع صاحبي اللدود طارق جبرين
Post: #96 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Abdelrahim Mansour Date: 09-05-2011, 06:18 PM Parent: #95
العضه
ترقبوا المزيد من الصور
عبدالرحيم منصور الخرطوم
** *
Post: #97 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: سارة علي Date: 09-05-2011, 06:44 PM Parent: #96
ناذر كل عام وانت بخير
Quote: بالله انتي لاحظتي في الضلمة دي ؟!!
يعني في الضلمة دي لو ما شفتا ما بسمع وردلوووب دي؟؟ ههههههههههههههه وانحنا ماشين في المغيرب ترلم ترلم ترلم بس وحاتك ما عرفت المجني عليه/ه وشكلو عليها على حسب كاميرا ذو اليد
Post: #98 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ود الباوقة Date: 09-05-2011, 06:55 PM Parent: #97
يا جماعة الصناديق الجنب شيخ بدر الدين دا
ما تكون حقت زخيرة وانتو ما جايبين خبر
لمة حلوة وصور احلى
تحياتنا لكم جميعا
وتحية خاصة لاهل السروراب الاوفياء الكرماء
شكرا
Post: #99 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: سفيان بشير نابرى Date: 09-05-2011, 07:15 PM Parent: #95
الأنذار ضرب والناس تصيح فى الميناء ويات من إقول الصاقعة وقعت فينا يا جنيات سرور ختولنا كلمة ثمينة في حنك هناك الناس تخبر الفينا
السروراب اهلي الحنان اهل الهمم شم الجباه لى حيهم قرب تعال
يا سلام ... يا سلاااام يا سلااااام على اهل السروراب و يا سلااااام على هذا اليوم اهل رماح وسيوف وخيل اهل كرم وجود و سماحة وبشاشه توافد علينا كبارهم و نسائهم يخدموننا و حملونا على اكف الراحة قسماً لهم من الشباب السباقون و أنا اول من وصل لارض الرحلة كان معي صاحب الساوند سستم و لان المسافة طويلة جداً وبالرجلين حملو معنا الساوند و هي اربعة سماعات كبيرة وتقيلة جداً حملوها معنا ووفروا لنا دابة (اتنين كارو) حملنا فيه الساوند سستم بكل معداته و سلوكه وسبياته و كان قبلها شاب و يا له من شاب اسمه نور الدائم قسماً وجدناه بطوريته يحفر و يعبد فى الطريق لنا و مصر أن يجعله سالك لمرور العربات نور الدائم هذا خدمنا و فرح معنا فرح عظيم و منذ وقعت عيننا عليه علمنا انه غيض من فيض فتوافد علينا رجال و نساء وشباب آل السروراب كل يحمل معنا و لسانهم يفيض بالاعتذار عن مشوار الارجل و نحنا اسعد ما نكون بهذه المروج الخضراء الممتده و هذا الجمال الذي يسكن الروح . السروراب في فى مشهدها للعين توضح حقيقة امرها بأنها فى الاصل بلد كامل التفاصيل لها بعدها التاريخي فهي كما ذكر (الولد المشاغب حبيب نورا) - نحنا ما جينا- وهي اقدم بكتير من أم درمان المهدي و أن السيد المهدي محمد أحمد - عظم الله سره- جاءها مهاجر وطاب له المقام فيها و هو زغب الصباء وهي ارض لاهل ذكر و محبة و وجد وعلم تقابة يمتد سهلها إلى نيلها بعلوم الدين الصوفي و علوم الكد والجهد بالزراعة و ترعرت فيها الأجيال جيل بعد جيل في خلاوي إلي الأن تقوم منها خلاوي العارف بالله سيدي البدوي - السوداني- و العلوم متعددة فكان لاهلها و قفتهم للتعليم منذ عهود بعيدة فنهض التعليم دون تحيز نوعي فتجد الرجل الفقير عارف الله و المرآة الفقيرة حافظة لكتاب الله صنوان ينهلان من منهل طيب للشاربين كذلك كانت علوم المدارس لا تفرق بينهم فهم أبناء و بنات ارض و احده لذا بز بعضعهم البعض و بعضهن البعض فكان منهم الشاعر و كانت منهم الشاعرة ولكم أن تحصوا لو كنتم تستطيعون من لدن العباسي حياه الغمام مروراً بالناصر قريب الله طيب الله ذكراه و الأتنين لهم مالهم من آمتداد محبة لكل السودان و (لمليط) ذكرى خالده عند جل السودانيين بفضل ابن السروراب العباسي و فى الشعر لا يمكن أن تقف من ذكر اسماء و تعددها فهم كما قلنا لا يحصون فقل الحبر وقل سيف الدسوقي وقل حسين عبد الحميد وقل أمام بخيت و أديب الأمام و للسروراب فى عضمة عضمها كبلد و عشيرة شعرائها المجيدين القوميين و ذكراهم أتمنى أن يمنحنا لها أخي و صديقي و أستاذي منصور المفتاح أو أخي و أستاذي الطيب العباسي . و الأبداع متواصل لم يقف فمازال اهالي السروراب يتبارون في كل الضروب و عمنا قرمة قائد الركب الحالى و الفنان يوسف أحمد ابو حراحر و اخونا فيصل المفتاح و و استاذنا منصور المفتاح نفسه و استاذنا الطيب العباسي و الأستاذه سحر ميسرة و لا زال العطاء ينقل من جيل لجيل إلي أن و صل إلي ياسين جبارة .
نحن بورداب الخرطوم لا نملك شئ نقوله و انا تحديداً كنت اظن أن كتابتي لن تتوقف لكن لا املك ما اقوله فانا تحت الأقامة الجبرية و الحراسة المشدده لمحبة اهل السروراب و علمهم وآدبهم وكرمهم . ولو استجمعت شجاعة التقدير عندي ساعود .
شكراً لكم اهالي السروراب ومتلكم لا يكفيه الشكر .
Post: #100 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-05-2011, 09:05 PM Parent: #90
نتمنى من بورداب الخرطوم قيام رحلة ثانية
Post: #101 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: احمد التجانى احمد Date: 09-05-2011, 11:18 PM Parent: #100
رحلة رائعة والله ربنا يديم الود والمحبة
ان شاء الله طيب ومبسوط ياخ
Post: #102 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: صديق الموج Date: 09-06-2011, 06:42 AM Parent: #101
طارق جبريل ايويووووووووووووووى ربح البيع ابشرك قالو المطر عملت فيهم عمايل.. وحات خوتك عفاف ابوكشوة لى هسه مشركة لى نعلاتا ما جمعت شالتن الموية وعلى البحر راس وجندو ناس النخيلة فى الضفة الشرقية للنهر ورامين شباكهم راجين النعلات وواحدين مشركين بى رماى والطعم ورنيش.لوووووووووووول. والمهم لى هسه مالاقين ربع متر ناشف عشان يشدو فيه اللحم. الاكل طحنية ساااااااااااااكت.. وانت قايل فى عربية قدرت تدخل للمزرعه قالو ناس انعام حيمورة والبنات متوقيات وشايلات الحلل والكوانين فى روسيهن زى الامبررو بس فرقة جاز كل زول شايل ليه اله فى يده.. الخروف احمد حنين وناذر وصلوه لاكبدة لاكلاوى. قول الكلاوى الخروف اتبرع بيهن لى اخوه الكبدة مشت وين؟؟ سوف اوافيك بالتفاصيل حال ورودها من وكالة انباء الريف الشمالى..
Post: #103 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حبيب نورة Date: 09-06-2011, 08:44 AM Parent: #102
Quote: وحات خوتك عفاف ابوكشوة لى هسه مشركة لى نعلاتا ما جمعت شالتن الموية وعلى البحر راس وجندو ناس النخيلة فى الضفة الشرقية للنهر ورامين شباكهم راجين النعلات وواحدين مشركين بى رماى والطعم ورنيش.لوووووووووووول.
Post: #104 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ناذر محمد الخليفة Date: 09-06-2011, 08:45 AM Parent: #102
Post: #105 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ناذر محمد الخليفة Date: 09-06-2011, 08:47 AM Parent: #102
اخونا ذو اليد ..
لو سمحت دايرين منك فيديو الربة الأخيرة الكانت تحت أضواء القمر والعربات ديك ..!!
Post: #107 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: نوفل عبد الرحيم حسن Date: 09-06-2011, 10:13 AM Parent: #105
Quote: كدة تمينا تلطاشر نفر
والله فعلا زي ما قال الحكيم ... كل سر تجاوز الاتنين انتشر مافي حاجه بتدسه في المنبر دا أصلو ؟ هههههه
حنيت علي العتوت والمصير الراجيهو والله
زول شوف لي عبدالرحيم منصور زول امريكا وحقوق الحيوان وين دي ح تكون مجزره عتوتيه
Post: #108 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: وليد محمد المبارك Date: 09-06-2011, 10:46 AM Parent: #107
سواق اللوري ده منو ؟
Post: #109 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: المكاشفي الخضر الطاهر Date: 09-06-2011, 12:18 PM Parent: #108
صلاح ابودية و مزمل ديل شكلهم ما شبعو بيعانو لزيادة اللحم
Post: #110 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: المكاشفي الخضر الطاهر Date: 09-06-2011, 12:21 PM Parent: #109
طارق جبريل جرجرة ازيال الهزيمة ورجع بلا عودة
طارق جبريل تاني بتجي بلا عكاز
ههييييييييع كع
Post: #111 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: نهلة محكر Date: 09-06-2011, 01:11 PM Parent: #110
وزعني لي كل البيوت منديل عشم .. لكل خالة وكل أم لفلفني في الراس زي عمم هامات فخار .. جود وكرم ما انسد بابهم في الوشي
حين كتبتها سابقاً .. لم ألتق أهل السروراب ولكنني أحسسته من خلال ابنهم وقد أثبتوا لنا فعلاً ... أنهم .. هامات فخار .. جود وكرم نسائهم ورجالهم وصغارهم وكبارهم فلكم التحية أهلنا السروراب .. ولك التحية آلاف صديقي العزيز ياسين ولكم التحية جميعاً الإخوة الكرام من بورداب الخرطوم وضيوفهم من بورداب الخارج
Post: #112 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: طارق جبريل Date: 09-06-2011, 01:37 PM Parent: #111
هزيمة شنو يا المكاشفي ياها الرحلة العايزين يتموها بي عتوت دي ولا شيتا تاني وكمان علي العليكم في واحدة وقعت ليها في حفرة سايفون في آخر الرحلة
صاحي معاك انا يا سارة علي
Post: #115 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: نوفل عبد الرحيم حسن Date: 09-06-2011, 02:28 PM Parent: #112
Quote: ياها الرحلة العايزين يتموها بي عتوت دي
غايتو العتوت دا الا نعمل منو كوبي زي العملوهو في النعجه دوللي داك
Quote: هسي دة مدخل بتاع رحلة ولا محل عرقي
المدخل الرئيسي دقشتو مطره من نجيهتك دي وربنا فتح لينا باب الريان دا
Post: #113 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: محمد أبوالعزائم أبوالريش Date: 09-06-2011, 01:40 PM Parent: #111
يعني الما بيعرف حبيب نورة .... يعرف الصنقيرة.
إنتو دي ماركة مسجّلة؟
Post: #114 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: طارق جبريل Date: 09-06-2011, 02:08 PM Parent: #113
هسي دة مدخل بتاع رحلة ولا محل عرقي
Post: #116 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Balla Musa Date: 09-06-2011, 03:23 PM Parent: #114
جلابة يارسول الله
كيفك يا ابعمة وكل سنة وانت وبورداب الخرطوم طيبين
وليد ياشفت
عايز تستبق الأحداث كجلابى مستهبل يحتفل بتحرير النيل الأزرق فى السروراب؟!!
أحمد حنين ياحركة شعبية
ترقص وعقار مزنوق؟
إنتو ماعارفين حبيب نورة كان غواصة فى القاهرة ورجع السودان بترقية؟؟
أها ياهو دا ورطكم بالتعاون مع الفكى ود اسحق!!!
Post: #117 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: سارة علي Date: 09-06-2011, 04:47 PM Parent: #116
ينفي شنو يا ناذر؟ هو خاتي الفيديو هنا.. تابع نهاية فيديو الحفلة من الشمس كانت مفتحة جوة المزرعة فتح عينك يا طارق
Post: #119 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: أبو عبيدة البصاص Date: 09-06-2011, 06:31 PM Parent: #117
بعد التحيه للناس الناس الكانت هناك بي بساطه يمين لي الليله ماقلتوا شي توصفوا بيهو هذه الرحله ...حتى حبيب نورا الشايفنوا ده يمين ده سائح عربي ساي اصبروا علي لما اجي احكي ليكم عن الرحله وقالوا الكلام سمح في خشم سيدو وانا سيد الحكي عن السروراب لاني حرصت ان اتشرب كل اللحظات منذ القيام وحتى العوده ...
Post: #124 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: عفاف ابوكشوه Date: 09-06-2011, 07:43 PM Parent: #119
مساءات نديه
حقيقة بعتذر عن المشاركة في المداخلات
نزلت الشغل وغرقت في تفاصيلو
وسعدت كثير بالمشاركات
وضحكت لما بكيت
يا سلام علي طلتكم البهية
وانسكم الجميل وقفشاتكم الحلوه
بالجد الرحله عمقت العلاقات الاجتماعية بين البورداب
وخلقت الفه ومودة وتواصل
واكيد التفاصيل والحكي حيكون بمشاركة الجميع
ولي عودة
Post: #120 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حمزه بابكر الكوبي Date: 09-06-2011, 06:40 PM Parent: #117
Quote: هسي دة مدخل بتاع رحلة ولا محل عرقي
غايتو يوم بتكتلك زول اقطع ضراعي من هنا كان ماطارق جبريل ده كان من رواد كمبو الطلح الفي بحري
Post: #121 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حمزه بابكر الكوبي Date: 09-06-2011, 06:45 PM Parent: #120
تحيه لكل الاحباب في هذه الرحله الجميله وكل سنه وانتم طيبين وجقيقه فعلا ناس السروراب اهل اكرم ويكفي انه حبيب نوره منهم والكل يشهد له بكرمه ونخوته واصالة معدنه وكل من زار القاهره كان هذا الرجل خير معين له وانا اشهد له بذلك رجل ونعم الرجل
Post: #122 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حبيب نورة Date: 09-06-2011, 07:14 PM Parent: #121
Post: #123 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: طارق جبريل Date: 09-06-2011, 07:25 PM Parent: #122
Quote: اقطع ضراعي من هنا كان ماطارق جبريل ده كان من رواد كمبو الطلح الفي بحري
اها قمنا لي اشانة السمعة
Post: #132 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: المكاشفي الخضر الطاهر Date: 09-07-2011, 09:59 AM Parent: #120
Quote: غايتو يوم بتكتلك زول اقطع ضراعي من هنا كان ماطارق جبريل ده كان من رواد كمبو الطلح الفي بحري
حمزة عليك الله اردم طارق دا اصلو اليومين ديل لاقي فينا فرصة نسويليهو شنو
Post: #125 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: المكاشفي الخضر الطاهر Date: 09-07-2011, 06:12 AM Parent: #110
فوق كيتاً على طارق جبرائيل
Post: #126 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Abdelrahim Mansour Date: 09-07-2011, 06:56 AM Parent: #125
عبدالرحيم منصور الخرطوم ** *
Post: #127 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حبيب نورة Date: 09-07-2011, 07:46 AM Parent: #126
عبد الرحيم منصور
أردُم
أردُم ياخ
Post: #128 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: omar alhag Date: 09-07-2011, 08:31 AM Parent: #127
رحلة البورداب ... وكرم اهل السروراب قصة رحلة بعيدا عن العدسات اللاصقة لي ناقلات الصور والوسائط الاخري الاكثر دقة في بث الحدث (سمع وشوف) ........... مشاهد لمرتحلين (1) كعادة المرتحلين (اي ناس الرحلة) شعورك من الليلة التي تسبقها وانت بين بين إما متحفز لدرجة ان يتصل هاتفك بقابس الكهرباء مباشرة (للشحن) او ان تساسق لمحل الرصيد توزع الدعوات والتأكيدات علي المرتحلين .. هذا علي صعيد انو تلفونك ما (خط) فصاحب (الخط السعيد) يتنقل صاحبه بكل خفة بين عواصم العالم (لبورداب الخارج) مهاتفا وممازحا وماكيدا نحن بكرة ماشين الرحلة وبنفس الخفة والنفس الطويل يحوم ماهتفا ناس الخرطوم (ومن يهمهم الامر). ومشهد ثالث لمرتحل لم يوفق مره بعد (إحتمال امشي) واحيانا يجد المحفز القوي من صوت ناعم يدعم موقفه (بالمشي سيرا علي الاقدام) فياهتف اخر والله ما كان عندي نية امشي لكن (عارف اخوك حنين) .... وانا وصاحبي تمحركنا (تمحرك السنيين) رغم التاكيدات بالحضور مبكرا واصابتنا مواعيدا ضربناها في مقتل حتي انتصف اليوم علينا في شوارع الخرطوم الجافة وإشارات مرورها (المتواطئة) لتفويت الفرصة علينا ..... نواصل
Post: #129 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: وليد محمد المبارك Date: 09-07-2011, 08:57 AM Parent: #128
يا طارق
العركقي كان في الحفاظة الخدرا
Post: #130 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حبيب نورة Date: 09-07-2011, 09:26 AM Parent: #129
عمر الحاج
واصل من غير محركة
Post: #131 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: معتصم محمد صالح Date: 09-07-2011, 09:28 AM Parent: #129
Quote: العركقي
وليد انت جادي ؟؟
Post: #133 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: طارق جبريل Date: 09-07-2011, 10:27 AM Parent: #131
Quote: يا طارق
العركقي كان في الحفاظة الخدرا
يعني الجماعة يستحقوا يقام عليهم الحد
Post: #134 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: بله محمد الفاضل Date: 09-07-2011, 10:49 AM Parent: #133
Quote: يا طارق
العركقي كان في الحفاظة الخدرا
يعني الجماعة يستحقوا يقام عليهم الحد
قاليك العركقي يا اخينا ودا منتج جديد وارد السروراب
Post: #135 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: محمد عبد الماجد الصايم Date: 09-07-2011, 10:51 AM Parent: #134
كل سنة وإنتو طيبين والله العظيم!!
Post: #136 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: صلاح أبودية Date: 09-07-2011, 11:03 AM Parent: #135
بختك يا حبيب نورة .. أهلك سروراب وأصحابك بورداب !! ــ بجيك راجع .. باقى دموعك غالية يا ودجبارة !!
Post: #137 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: وليد محمد المبارك Date: 09-07-2011, 11:16 AM Parent: #136
يا جماعة ما تاخزونا
بايتا معانا من اليوم داك
Post: #138 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: نوفل عبد الرحيم حسن Date: 09-07-2011, 11:28 AM Parent: #137
Quote: بايتا معانا من اليوم داك
انا ذاتي قلت ونستكم ديك ما طبيعيه
انت مش قالوا ليك احذر الحافظه الخدرا ؟
وتيب ؟
Post: #139 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: صلاح أبودية Date: 09-07-2011, 11:42 AM Parent: #138
Quote: انت مش قالوا ليك احذر الحافظه الخدرا ؟
والله أنا الحمد لله الحمرا خليتـأ .. البودينى شنو للخدرا...!!!
Post: #140 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: omar alhag Date: 09-07-2011, 11:44 AM Parent: #136
تملصنا بأعجوبة من شارات المرور وبعض مُلاك الطريق (العاملين فيها الشارع حق ابوهم) .. شغف الخروج من غابات الاسمنت الي براحات اوسع وفضاءات خضراء ذات غطاء نباتي متمرد علي شالكة (علي كيفي) يتمدد بجانب الطريق السريع او يبتعد في تتبع عجيب لمجري النيل ينحني معه في تناغم ويستقيم معه حبا وكرامة وكل ذلك في إطار غير (مخل) باللوحة الام لجمال الطبعية وغير مقيد ب(هئية للتجمل والتطوير) وعبث الانسان وتدخله (في خلقة الله السمحة) ... تقاسم اللوحة تضاريس متدرجة في الجمال وموغلة في تواريخ بعيدة فاديم الارض هناك لايكشف ما في باطنه ( باخوي وأخوك) .. فلانسان يتماهي مع طبيعته والطبيعة تتماها مع إنسانها في معادلة مدهشة وتلك ميزة يكتشفها سكان المدن متي ما خرجو منها ولو لكليومترات معدودة .. تصرخ بداخلهم معادلة المدينة وتخرج الي العلن بصوت مسموع (الناس دي هنا عايشة كيف) ...... فتستعصي عليهم الاجوبة ويحرجهم واقع المعايشة وبشاشة انسان المنطقة ورضائهم التام (حامدين شاكرين) تحرجهم الاوصاف بانهم (كذا وكذا) معتبرين ذلك من ادق اسرارهم الاجتماعية وتفاصيل معاشهم اليومي ...... نواصل
Post: #174 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حبيب نورة Date: 09-17-2011, 05:35 PM Parent: #82
فووووووق
Post: #141 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: عفاف ابوكشوه Date: 09-07-2011, 12:09 PM Parent: #19
فليبقي عاليا
Post: #142 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: نوفل عبد الرحيم حسن Date: 09-07-2011, 12:32 PM Parent: #141
Quote: فليبقي عاليا
انت ناس الشغل ديل قالوا الا يخلصوا منك حق الاجازه ولا شنو ؟
البوست محروس ما بتجيهو عوجه تب كان ختا طارق جبريل
Post: #143 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: المكاشفي الخضر الطاهر Date: 09-07-2011, 12:38 PM Parent: #141
Quote: تملصنا بأعجوبة من شارات المرور وبعض مُلاك الطريق (العاملين فيها الشارع حق ابوهم) .. شغف الخروج من غابات الاسمنت الي براحات اوسع وفضاءات خضراء ذات غطاء نباتي متمرد علي شالكة (علي كيفي) يتمدد بجانب الطريق السريع او يبتعد في تتبع عجيب لمجري النيل ينحني معه في تناغم ويستقيم معه حبا وكرامة وكل ذلك في إطار غير (مخل) باللوحة الام لجمال الطبعية وغير مقيد ب(هئية للتجمل والتطوير) وعبث الانسان وتدخله (في خلقة الله السمحة) ... تقاسم اللوحة تضاريس متدرجة في الجمال وموغلة في تواريخ بعيدة فاديم الارض هناك لايكشف ما في باطنه ( باخوي وأخوك) .. فلانسان يتماهي مع طبيعته والطبيعة تتماها مع إنسانها في معادلة مدهشة وتلك ميزة يكتشفها سكان المدن متي ما خرجو منها ولو لكليومترات معدودة .. تصرخ بداخلهم معادلة المدينة وتخرج الي العلن بصوت مسموع (الناس دي هنا عايشة كيف) ...... فتستعصي عليهم الاجوبة ويحرجهم واقع المعايشة وبشاشة انسان المنطقة ورضائهم التام (حامدين شاكرين) تحرجهم الاوصاف بانهم (كذا وكذا) معتبرين ذلك من ادق اسرارهم الاجتماعية وتفاصيل معاشهم اليومي ...... نواصل
عمر الحاج كيفك يا حبيب سعدت كثيرا بالالتقاء بكم
عمر الحاج انت شكلك شربت من الحفاظا الخدرا لانو الكلام دا ما بقولوا الا زول شرب مممن الحفاظا الخدرا مووووووووووووششش
Post: #144 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: omar alhag Date: 09-07-2011, 02:05 PM Parent: #143
الخروج من جسد المدينة (الناعم) الي هناك تحسه من خلال صرير إطارات السيارة وإلتفاف الاسفلت (محل النيل ما قبل) وجنبات الطريق اشد خشونة بلافتات وحدات الجيش ومقاره عكس ما تركناه خلفنا من غنج ملحوظ لمحال تجارية تضج بالموضة ووجبات خفيفة (واشياء اخري مفيدة) ثم ميلان الارض ناحية النيل وإرتفاع (الزلط) بمقدار إظهار هيبة الاسلفت من قبل من يجهلون طبيعة المنطقة التي طوعت ماهو اشد من الاسفلت لصالحها ولولا حبها لسكانيها لثارت عليه وما إستطاعو سبيلا ...... الخيران ثم الحيران صراع التاريخ والجغرافيا روحانية الانسان ومريدي الشيوخ الخلوات والفلاوات ....إصرار النيل علي تجميع كل قطرة ماء بداخله من خلال اوردته السرية والعلنية غير ابه بان يترك بعض الاثر (علي وجه الارض) كاريزما النيل ومعاندة بعض المنخفضات وتحدي الشمس صراع الطبيعة في ابهي صوره ... كل ذلك ومكيف السيارة يضخ ما تيسر من (الهوا البارد) نتلذذ بأحديث متقطعة نسابق الوقت للوصل في (زمن مناسب)
نواصل
Post: #145 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: صلاح أبودية Date: 09-07-2011, 02:32 PM Parent: #144
ليس بعيداً منكم تجبرنى عربة عسكرية ضخمة إلى النزول من الاسفلت ونتبادل اللعنات .. وأجتهد مرة أخرى في العودة إلى الطريق المسفلت وأشعر قليلاً ببعض الوحشة والوحدة كان يجب على أن أختار رفيقاً لهذا الطريق الموحش المتعرج المتعسكر . أعبر الآن كبرى المعنويات وهو الكبرى الذى يفصل بين المدنية والعسكرية بالنسبة لطلبة الكلية الحربية السودانية وأجد نفسى أصيح كالمجنون أرضاً معنويات .. سمى الطلبة الحربيين هذا الكبرى بكبرى المعنويات فهم حين خروجهم يوم الفسحة وعندما يمرون من فوق هذا الكبرى ترتفع معنوياتهم وتعلوهم البهجة والسرور فالكبرى يمثل لهم آخر معلم للكلية الحربية فيتصايحون أرفع المعنويات بالعدد جماعة .. واحد !! وعند عودتهم يمثل لهم نفس الكبرى قمة الإحباط والشعور بالقهر فيهمسون سراً : أرضاً معنويات !! وتمر بخاطرى أيامى في الكلية الحربية وقصة تحولى من مدنى إلى عسكرى !!!
Post: #146 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: صلاح أبودية Date: 09-07-2011, 03:08 PM Parent: #145
أتجنب إجترار ذكرياتى وأركز في الطريق المتعرج وبحذر شديد أحاول قراءة لافتة كتبت على عجل تشير إلى ثلاجة لبيع الثلج أتجاوزها وأستوعب ما مكتوب بعد حوالى المائة متر أحاول إبطاء سير العربة المندفعة حتى أوقفتها تماماً يمين طريق الأسفلت أختلس نظرتين سريعتين لمراية الجنب وأستدير عائداً إلى مكان الثلاجة وأتوقف بالقرب منها تماماً بعد أن إستدرت مرة أخرى وعدت إلى طريقى السابق .. عندك تلج .. أيوا اللوح بى تمانية .. كويس أدينى لوحين ! أنزل وأساعد صاحب الثلاجة في وضع الثلج في صندوق السيارة الممتلئ بالمشروبات الغازية التى كلفنى أخى بدر الدين بإحضارها معى ...نضع الثلج في أكياس بيضاء كل ربع في كيسين متقابلين بالرأس ويصر صاحب الثلاجة على زيادة الثلج بحجة ان الثلج بائت وقد يكون نقص بسبب الذوبان .. أجزل شكره وأسأله على إستحياء عن مدينة السروراب .. لسه قدام شوية .. خير .. سلام عليكم .. وعليكم السلام ..
Post: #147 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: المكاشفي الخضر الطاهر Date: 09-07-2011, 05:05 PM Parent: #146
عمر الحاج وصلاح ابودية
انداحو واردموا ود جبريل دا بي دانتين اربي جي
Post: #148 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: المكاشفي الخضر الطاهر Date: 09-07-2011, 05:52 PM Parent: #147
نسال المولى يحفظنا من العين برعيتو يتولى نلاقي في الدنيا العظمة والصولى يتم هنانا نفوز برضا المولى
شوف سعادتنا بقدوم محبوبنا الرحمة طلتنا سحب الحنان والريد والعاطفا ظلتنا بعد طول البين من تاني لمتنا
Post: #149 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-07-2011, 10:46 PM Parent: #148
Post: #150 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Abdelrahim Mansour Date: 09-08-2011, 09:21 AM Parent: #149
* **
Post: #151 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حبيب نورة Date: 09-08-2011, 09:27 AM Parent: #150
انتو الفتل البوست منو ؟؟؟
أعدلو ياخ
Post: #152 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: الشاذلى خيرى عبد الله Date: 09-08-2011, 10:54 AM Parent: #151
تانى يا حبيب نورة كان لقيتك بتتكلم عن الهامش بفلقك ..
ياخ انحنا المهمشين والله ..
شكلك كنت بتجامل بهاء ومهداوى ديل ساى يا حبيب ..
ــــــــــــــــ
جزيل شكرى للجميع على اليوم المشهود ..
اما ناس السروراب فتركت امر شكرهم لله .. فهو القادر والمستعان ..
Post: #153 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حبيب نورة Date: 09-08-2011, 12:42 PM Parent: #152
الشاذلي ياخ تسلم
كدي خلينا نفضي من جنس الحالة دي ونشوف الحاصل بيجاي شنو
تشكر ياخ
Post: #154 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: baha eassa Date: 09-08-2011, 02:51 PM Parent: #151
Quote: انتو الفتل البوست منو ؟؟؟
ياريت ذو اليد يعدل الصورة الاخيرة ويصغرها شوية ..
Post: #155 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-08-2011, 06:52 PM Parent: #154
Post: #156 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: حامد محمد حامد Date: 09-08-2011, 07:29 PM Parent: #155
.
Post: #157 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-08-2011, 08:04 PM Parent: #156
Post: #158 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-08-2011, 09:14 PM Parent: #157
الردم الردم اردم يا عبدالرحيم منصور
Post: #159 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: baha eassa Date: 09-08-2011, 10:19 PM Parent: #158
Post: #160 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-09-2011, 09:06 AM Parent: #159
شكرا لك بهاء عيسى على الملحوظة الحمدلله شلناهم والبوست استعدل تب وحبيب نورة شايل حيلي بهناك منو الفتل البوست
Post: #161 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: عفاف ابوكشوه Date: 09-09-2011, 09:10 AM Parent: #159
حلويين حلاوة
غاليين غلاوة
مودتي
Post: #162 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: داليا الكباشى Date: 09-09-2011, 09:43 AM Parent: #161
وحشتـــووني
Post: #163 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-09-2011, 10:11 AM Parent: #162
Quote: وحشتـــووني
يا داليا كل عام وانت بخير الوحشة دا يا دكتورة الا تشيل معاك تمبس وتجي السروراب
Post: #164 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-09-2011, 10:37 AM Parent: #163
جمعة مباركة
Post: #165 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: ذواليد سليمان مصطفى Date: 09-09-2011, 10:41 AM Parent: #164
والد الاديب والراوئي / حبيب نورة العم جبارة
Post: #166 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: baha eassa Date: 09-09-2011, 02:18 PM Parent: #156
يا حبيب نورة شايف حامد عامل شنو في مداخلتو ؟
Post: #167 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: نوفل عبد الرحيم حسن Date: 09-10-2011, 09:18 AM Parent: #166
Quote: وحشتـــووني
مفقوده والله
Post: #168 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: أسامة البلال Date: 09-10-2011, 10:12 AM Parent: #167
الأستاذة عفاف أبوكشوة وبورداب الخرطوم الرائعين
كل عام وأنتم بألف خير
ويا سلام علي رحلتكم الجميلة وكان بودي أكون معاكم ولكن ما كان باليد حيلة صادفت الرحلة يوم السفر
التحية لكل بورداب الخرطوم وشكرا علي حفاوة إستقبالكم لنا في إفطار رمضان
وحتي الملتقي مرة أخري لكم الود والتقدير
Post: #169 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: مزمل خيرى Date: 09-10-2011, 11:12 AM Parent: #168
... ياذو اليد فردك ديل شايفهم ماشاء الله طوالى حضور معاك فى لمات البورداب ياخ ماتكلم بكرى يديهم العضوية ماتبقى انانى كدا ياخ .. هههههه
Post: #171 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: omar alhag Date: 09-10-2011, 12:31 PM Parent: #169
الصورة قد تنقلها الوسائط رغم الدقة والوضوح لكنك لاتحسها وتتنسمها لتنشرحك حواسك بفضاءات (الله السمحة) .... ربما يكون مرافقي (متبندرا .. نسبة للبندر) وعلي شاكلته اخرين قد سبقونا الي مقر الرحلة (وشقة الخلاء) تكون بمثابة مظهر رجولي وقوة تحمل ... علي عكس ابناء تلك المناطق واصحاب الواقع المشابه من مناطق اخري ... فنكثر من الملاحيظ و تدفقق علي الالسنة كلمات علي شاكلة (السرابة والتقند والدنكوج) وهي مفردات نتدوالها عند (شقة الخلاء) وهي بالنسبة (لغير الناطقين بها) مجرد نتوءات ومصطلحات (شعبية ) تتعلق بالارض ومرحلة الاستعداد للزراعة ... رائحة (الخبوب والطين) ودعاش البحر مختلط (بحابل) بالجروف و(نابل) الجناين مارا ومداعبا حيضان الجرجير واب سبعين وكل بتلات نبتت علي حواف الجدوال يصيبك بالانتعاش ويدخل البهجة في النفوس... لا احد يمني نفسه بان (تنكسر ليهو شوكة في كراعو .. او الوخزه كما دونها الالم علي قول خالد عباس) فحتما سيأل عن المركز الصحي والطبيب المداوي .. راودني ذلك الاحساس وانا اري ضراع احدهم قد زينته ( سكين) وتأكد لي وجود (مُنقاش) يرقد في جفيره متحفزا( للفزعة) بصفته أداة جراحة ناجعة في ازمنة ما قبل اكتشاف ( صندوق الاسعافات الاولية) وهذاء ما ننشد في حالة (إنكسار شوكة) فالرجل اشبه بالجراح مكتمل الادوات .. أعجبني اصرار الحمار علي تلذذه بمضغ نجيل ملتصق بالارض رغم وفرة الحشائش وحيضان البرسيم وكحال المنقاش يتحفز هو الاخر ل(شيل التقلية وخصوصا والبحر مضيوف) كيف لا هو السيد من قبل اكتشاف (سيارات الاسعاف) ومن بعدها ايضا . نواصل
Post: #170 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: بدر الدين اسحاق احمد Date: 09-10-2011, 11:29 AM Parent: #168
Quote: ويصر صاحب الثلاجة على زيادة الثلج بحجة ان الثلج بائت وقد يكون نقص بسبب الذوبان ..
عشان كدا الناس ديل سمحين فى التجارة .
شكراً كثير وجزيــل ..
الاخوة الذين كان ظننــا بهم انهم من اهل التكليف حتى دون مشورتهم * د. المكاشفى * صلاح ابو ديـة * وليد الشفت * الاحباب اعضاء لجنة المشروبات
ان شاء الله يوم شكركم ما يجــئ * مياه باردة 100% * مشروبات غازية 100% * مشروبات غير كحوليــة ( النظام العام وكدا ) 100% * عصائـر 100% * السكر والشاى زول هبب ليهم مافــى * ثم بعض الحفاظات ( ذات الالوان الفاقعة ) لاعلم للجنة المشروبات بمحتوياتها لكنها برضو 100%
عليه مقترح : (( تثبيت وتسمية وتعيين المذكورين اعضاء دائمين فى لجنة المشروبات )
ترمــة .. معتصم فى صنقورك صندوق بزيانوس للتكرم بالعلم ..
Post: #172 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: المكاشفي الخضر الطاهر Date: 09-10-2011, 07:28 PM Parent: #170
Quote: عليه مقترح : (( تثبيت وتسمية وتعيين المذكورين اعضاء دائمين فى لجنة المشروبات )
أثنّي
في إقتراح مضاد ولا نجيز هذا الاقتراح بالتذكية ؟؟
Post: #173 Title: Re: رحلة مميزة ..في حضرة مبدعي أهلنا السروراب.. اهل الحضارة .والكرم وا Author: Abdelrahim Mansour Date: 09-16-2011, 07:22 AM Parent: #150
