الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم

الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم


09-13-2009, 05:26 PM


  » http://sudaneseonline.com/cgi-bin/sdb/2bb.cgi?seq=msg&board=471&msg=1261376517&rn=44

Post: #1
Title: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-13-2009, 05:26 PM
Parent: #0



أقيم أمس السبت، الموافق 22 رمضان، الإفطار الجماعي للرابطة السودانية بمدينة نيويورك وسط حضور ضخم و جميل من الجالية السودانية بمدينة نيويورك و ضواحيها، و لم يحدث ان اجتمع حشد سوداني في رمضان بهذه الكثافة منذ زمن بعيد.

و قد جرت العادة أن تتعاقد الرابطة مع أصحاب احد المطاعم لصناعة وجبة الإفطار، أما هذه المرة فقد أتى الإفطار من الأسر السودانية المقيمة في مدينة نيويورك، فبالإضافة إلى جودة الطعام المصنوع، كان يحتوى على كل أنواع الأصناف السودانية المعروفة.

كان اللقاء اسرى و اجتماعي، حيت توافدت الأسر بصحبة أطفالها الذين سعدوا و فرحوا بالتجمع و اللقاء.

أما البورداب، فكانوا كالعادة النجوم بالحضور الأنيق و اللطيف، و كان نجم النجوم الأخ العزيز جدا الكمدان: على سرالختم، الذي حضر من على البعد ليكون بيننا.


تخريمه:
الكتابة كترت، نخلى الصور تتحدث







السيد: حسن عيسى التجانى – رئيس الرابطة السودانية الأمريكية بنيويورك و قائد الركب يرحب و يشكر الحضور على التجمع الراقي و يدعو الجميع للعمل معا من اجل غد أفضل لجاليتنا و أبناؤنا في بلاد الغربة

*
**
Post: #2
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-13-2009, 05:34 PM
Parent: #1



























ترقبوا المزيد من الصور

*
**
Post: #3
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-13-2009, 06:55 PM
Parent: #2





هدية خاصة للأخت الاستاذه: منال محمد على – وفاء بالوعد





*
**
Post: #4
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-13-2009, 06:59 PM
Parent: #3





صوره جماعية للبورداب




ترقبوا المزيد من الصور

*
**
Post: #5
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-13-2009, 07:13 PM
Parent: #4





الكمدان: على سرالختم إبراهيم، ضيف شرف البورداب و نيويورك و الوجيه: محمد ياسين خليفة




ترقبوا المزيد من الصور

*
**
Post: #6
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Elwaleed M. Ahmed
Date: 09-13-2009, 07:41 PM
Parent: #5

رمضان كريم
الاخ عبدالرحيم منصور والاخوة اعضاء الجالية بنيويورك لكم جزاكم الله كل خير كان افطار رائع


الوليد محمداحمد-المحامي-بروكلن-نيويورك
Post: #7
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف الدولة كامل
Date: 09-13-2009, 07:56 PM
Parent: #6

الشكر اجزله لكل اعضاء الرابطة علي هذا اليوم الجميل

والشكر لللاخ الكمندان علي سر الختم علي تشريفة بالحضور

والتعرف علي البورداب وقضاء سهرة جميلة بعد الافطار.

ولفت انتباهي اولادنا الحلويين يخدمون الضيوف ويوزعون

الاكل والبارد علي الجميع,شئ جميل تمسكهم بعادلتنا الاصيلة.

وشكرا ليك يا عبد الرحيم علي التغطية الكاملة للبرنامج.


كل سنة والجميع بالف خير وعافية ودايما متلمين
Post: #69
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 02:05 AM
Parent: #7



المربى الفاضل الأستاذ: سيف الدولة كامل

سلامات

أود ان أشكركم شكر خاص لحضور الإفطار الجماعي، فانا اعلم جيدا كم كنتم مشغولون و لكن أبت نفسكم الطيبة إلا مشارك الأخوان، الله يديك الصحة و العافية، و إن شاء الله لا عدمناكم.

الناس ديل مالم معاك يا زول؟
الناس ديل بحبوك، لكن بكون خانهم التعبير

*
**
Post: #8
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-13-2009, 10:44 PM
Parent: #6




الأخ الأستاذ: الوليد محمد احمد المحامى

سلامات

Quote: الاخ عبدالرحيم منصور والاخوة اعضاء الجالية بنيويورك لكم جزاكم الله كل خير كان افطار رائع

شكرا جزيلا على الحضور، و ربنا يتقبل الصيام و القيام و يجعلنا جميعا من عتقاء هذا الشهر المبارك - آمين

*
**
Post: #9
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-13-2009, 10:57 PM
Parent: #8



السيد: على محمد الحسن




*
**
Post: #10
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-13-2009, 11:02 PM
Parent: #9























**
*
Post: #11
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-13-2009, 11:09 PM
Parent: #10

























ترقبوا المزيد من الصور

*
**
Post: #12
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: الطيب عثمان يوسف
Date: 09-13-2009, 11:23 PM
Parent: #11

*** التحايا عبركم للأخوان

* ( ألى ) سر الختم

* الوجية محمد يس خليفة

* الأخت منال محمد على و زوجها
Post: #70
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 02:13 AM
Parent: #12



جنابو د. الطيب عثمان يوسف

رمضان كريم

شكر على المرور و الكتابة

( ألى ) سر الختم بالجد من النوع البيتبلع بى جزموا، شده ما حبوب و لطيف.

*
**
Post: #13
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: مزمل خيرى
Date: 09-13-2009, 11:26 PM
Parent: #11

عبدتالرحيم
رمضان كريم ،،
وين اخونا سيف الدولة فى الصور دى .؟؟
Post: #14
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: يسرى معتصم
Date: 09-14-2009, 00:13 AM
Parent: #13

الأخوة فى نيويورك
السلام عليكم ورحمة الله وبركاته
كل عام وأنتم بخير
معذرة لعدم الحضور والمشاركة
غادرت للخرطوم فجأة وكان التعويض فى إفطار بورداب الخرطوم
Post: #72
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 02:35 AM
Parent: #14




الأخ العزيز: يسرى معتصم

حمده لله ألف على السلامة، ان شاء الله خير سافرت من غير وداع، ان شاء لقيت كل الأهل طيبين

طبعا فقدناكم كتر

يا زول ما لك تبكى و تتجرس من رمضان في السودان، يا ريت الواحد لو كان معاكم، ما تجى تقول لى كلام خشم ساكت،

فى زول امو و ابو جنبوا يقول رمضان حار؟؟!!

و كل سنة و انت طيب

*
**
Post: #15
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: ذواليد سليمان مصطفى
Date: 09-14-2009, 00:16 AM
Parent: #13

رمضان كريم

وكل سنة وانتم طيبين

نسال الله ان يجمع القولب فى كل مكان

وكل عام وانتم بخير[
وين اخونا سيف الدولة فى الصور دى .؟؟QUOTE]
Post: #16
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Manal Mohamed Ali
Date: 09-14-2009, 01:04 AM
Parent: #15

يالله عليكم وعلي لمتكن السمحة دي

والله العصيدة فاتتني..



يا ناس الرابطة مافي طريقة تعملوا لينا افطار جماعي في الكريسماس لاني مكرمسه في نيويورك الجميلة باذن الله

________
التحية للبورداب كلهم

ولك يا عبد الرحيم على الجهد
وللرابطة
Post: #17
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف الدولة كامل
Date: 09-14-2009, 01:21 AM
Parent: #16

يا مزمل خيري وذو اليد,,


الزول الوجيه اللابس جلابية وطاقية ودقنة مشيبة الجالس علي يمين الصورة اللامة البورداب,

ده يا هو سيف الدولة كامل بعد ما فات فيه الفوات.
Post: #18
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Osman Musa
Date: 09-14-2009, 02:16 AM
Parent: #17

أشرف شنو يعنى لابد كدى عامل فيها مسكين ؟

وبعدين يا سيف الدولة والله بقيت بس هوقهوقن . الشيب ده شنو يازول ؟؟
أنشاءالله ربنا يجمعكم دايما على الخير .
Post: #19
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف الدولة كامل
Date: 09-14-2009, 02:27 AM
Parent: #18

عثمان ,,, كيفينك,,وكيف السودان معاك؟


هوقن أبو شنب ابيض الواقف ده الزعيم ابراهيم عدلان.

اخوك هوقن الجالس ابو دقن شايبة,,

اللمة الجاية معانا ان شاء الله
Post: #20
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Osman Musa
Date: 09-14-2009, 03:48 AM
Parent: #19

يا سيف
وكمان أوعك تقول لى القاعد فى الناصية دا أحمد عابدين ؟
قول لى أحمد قاعد صاصية كدى انت يمنى ؟
وبعدين يا أحمد لا تكتر فى ملاح الكرارة دا .
سلام كتير للشباب
Post: #21
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Ali Sirelkhatim
Date: 09-14-2009, 04:23 AM
Parent: #20

Quote: و كان نجم النجوم الأخ العزيز جدا الكمدان: على سرالختم، الذي حضر من على بعد سبع ساعات ليكون بيننا.


والله نجم النجوم كان الاخ عبدالرحيم منصور كالعادة شعلة من النشاط ..وكان الحضور كبيرا وجميلا ونلت شرف التعرف على بعض الاخوة الاعزاء وانتهز هذه السانحة واحى الاخوةالاحباب..الاستاذ خالد و استاذنا سيف الدولة والحبيب ابراهيم عدلان ومحمد يسن والفاضلابى وعثمان ابوجنة وعبدالرحمن خليفة..واستاذنا المحامى الوليد واستاذنا محمد بابكر ومن لم اذكرهم سهوا لهم العتبى..

كان يوما رائعا والشكر كل الشكر لكل من اسهم فى انجاح يوم الامس ومااجمله يوم وما اجمله حضور

لكم حبى جميعا

على سرالختم
Post: #76
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 03:11 AM
Parent: #21



الاخ الفاضل الكمدان: على سر الختم

أولا حمد لله على السلامة، و ما دايرين نقول متشكرين و مقدرين حضوركم الجميل الرائع، لأننا نشعر إن الكلمات لا تعبر عما يجش به الخاطر لشخصكم الطيب. و ربنا يديم المحبة و الاخوه

Quote:
كان يوما رائعا والشكر كل الشكر لكل من اسهم فى انجاح يوم الامس ومااجمله يوم وما اجمله حضور

العمل عمل جماعي شارك فيه الجميع، كل حسب استطاعته، و دائما يد الله مع الجماعة و لذا كان الإفطار في قمة الروعة.

*
**

Post: #23
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: إحسان عبدالمتعال أحمد
Date: 09-14-2009, 04:41 AM
Parent: #20

أستاذنا و أخونا العزيز و جذوة النشاط التي لا تنطفئ عبدالرحيم ..

سبقتنا كالعادة إلى هذا البوست المميز لهذه المناسبة المميزة .. ربنا يديك العافية و يديمك ذخرا للجالية بنيويورك و التي يطوق عنقها جمائل خدماتك و مجهوداتك ..

كانت أمسية رائعة بحق تلك التي جمعت هذا النفر الكريم من أبناء بلادي في هذا الشهر المبارك و محاولة موفقة لإجترار ذكريات أثيرة إلى النفس و إستدعاء عميق لأيام حبيبة إلى القلب ياما عشناها في ربوع الوطن العزيز و في رحاب هذا الشهر المعظم ..

تمنياتي للجميع بالصحة و العافية و للوطن بالمنعة و الرفعة و التحية و الإنحناءة للإخوة في الرابطة السودانية الأمريكية بنيويورك على جهدهم الدؤوب من أجل لم الشمل و نثر عبير السودان الآسر فوق سماواتنا ..
Post: #78
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 03:44 AM
Parent: #23



الأخت الإعلامية المتميزة جدا: إحسان عبدالمتعال

أولا حمد لله ألف على السلامة، و نزلتم أهلا و حللتم سهلا

Quote:
سبقتنا كالعادة إلى هذا البوست المميز لهذه المناسبة المميزة ..

يا أستاذه انتو اسياد و عباقرة المهنة، و ما نحن الا كما قال المثل السوداني "غاب اب شنب و لعب اب ضنب"، و أخبار نجاحاتكم الإعلامية في السودان غطت الآفاق.


Quote:
تمنياتي للجميع بالصحة و العافية و للوطن بالمنعة و الرفعة و التحية و الإنحناءة للإخوة في الرابطة السودانية الأمريكية بنيويورك على جهدهم الدؤوب من أجل لم الشمل و نثر عبير السودان الآسر فوق سماواتنا ..

الله يديك الصحة و العافية، و يبارك ليك في أسرتك و أهلك و يحقق ليك كل الأماني الطيبة

*
**
Post: #93
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: أشرف محمد الباقر
Date: 09-16-2009, 07:25 PM
Parent: #18

......

الأخ عثمان موسى تحياتى:

والله دى مامسكنة لكن الحس كان رايح عشان غلب المريخ وكدة.وعشان أستاذنا الفاضلابى مايقول فرحتنا ظاهرة بالفوز وخاصة إنو الصورة كانت معاه و حاولنا أن نحترم حزنه على فرتقة التيم بتاعم.





.....
Post: #75
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 02:59 AM
Parent: #16




الأخت الاستاذه: منال محمد على

سلام من مدينة السحر و الجمال إلى المدينة الطير عجم

Quote:
والله العصيدة فاتتني..

تأملي في الصور

العصيدة كانت خطيرة جد، و الأخطر كان عندنا خيارات في الملاحات، الله يدي نساء نيويورك الصحة و العافية، إخوتنا تب ما قصرن، زيهن مافى.

Quote:
يا ناس الرابطة مافي طريقة تعملوا لينا افطار جماعي في الكريسماس لاني مكرمسه في نيويورك الجميلة باذن الله

إفطار جماعي تانى مافى إلا السنة الجاية، لكن كان الله مد في أيامنا عندنا الاحتفال بعيد الاستقلال، و من الآن انت مدعوه، واحتمال الهجيج وارد.

*
**
Post: #74
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 02:43 AM
Parent: #15



الأخ الفاضل: ذواليد سليمان

سلامات

و ربنا يتقبل الصيام و القيام و الدعاء، و ربنا يجمع الناس على كلمة سواء و يوحد الصف و يصفى القلوب - آمين

شكرا يا ضوء

*
**
Post: #71
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 02:19 AM
Parent: #13



الوجبه: مزمل خيرى

سلامات، تصوموا و تفطروا على خير

Quote:
عبدتالرحيم

ما لك كوجنتا اسمي كدى، رمضان سخن معاكم و لا الشوق للحبيب: سيف الدوله، لكن و لا يهمك

*
**
Post: #22
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-14-2009, 04:34 AM
Parent: #11




الإفطار ناجح بشهادة الجميع، و الشيء الوحيد الذي ينقصه هو حضور الأخ الرائع البشوش، صاحب الابتسامة الدائمة، الصديق: عبدالله الشريف، السكرتير الاجتماعي للرابطة السودانية الأمريكية، و الذي تعرض لحادث مؤلم للجميع الأسبوع الماضي، مع العلم انه كان يعمل بجهد جبار لإنجاح الإفطار الجماعي و هو أيضا الدينمو المحرك للعمل الاجتماعي في وسط الجالية السودانية بنيويورك.

نسأل المولى عز وجل أن يزيل منه كل مكروه و أن يعجل بشفائه، وان يجعل ما أصابه كفاره و اجر.


السيد: عبدالله الشريف، السكرتير الاجتماعي للرابطة السودانية الأمريكية بنيويورك



اللهم رب الناس، أذهب البأس، أشف أنت الشافي لا شفاء إلا شفاؤك، شفاء لا يغادر سقماَ

*
**
Post: #24
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-14-2009, 04:54 AM
Parent: #22




السيد: على آدم – (شيخ العرب) قامة من قامات العمل العام بمدينة نيويورك




*
**
Post: #25
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-14-2009, 05:05 AM
Parent: #24



















*
**
Post: #26
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-14-2009, 05:07 AM
Parent: #25







*
**
Post: #27
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-14-2009, 05:11 AM
Parent: #26















*
**
Post: #28
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-14-2009, 05:16 AM
Parent: #27



















*
**
Post: #29
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-14-2009, 05:18 AM
Parent: #28







*
**
Post: #30
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-14-2009, 05:28 AM
Parent: #29




البورداب

إبراهيم عدلان، على سرالختم، و سيف الدولة كامل




آدم العشا و على سرالختم




الاستاذ: عبدالعزيز الفاضلابى




الاستاذ: الوليد محمد احمد




نصرالدين صلاح و إبراهيم عدلان




الاستاذ: اشرف الباقر





*
**
Post: #31
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-14-2009, 05:42 AM
Parent: #30












































*
**
Post: #32
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-14-2009, 05:48 AM
Parent: #31















*
**
Post: #33
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: الطيب عبد الرحيم خلف الله
Date: 09-14-2009, 07:12 AM
Parent: #32

تحيات مباركات في العشر الآواخر من الشهر الكريم أخي عبدالرحيم

تجولت في الحضور شاخصاً ببصري في الوجوه الطيبة يحدوني الشوق والتعرف على إخوة أعزاء فتعرفت منهم على بروفيسور محمد بابكر والأخ الحبيب سيف الدولة كامل وتعثرت بعض الشيء في إبن أختي صلاح عدلان عله بشحمه ولحمه وحضوره الدائم العامر كان أمام الحضور وللجميع خالص الود،

تقبل الله منا ومنكم خالص كل الدعوات

الطيب عبدالرحيم
Post: #34
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Mohamed Yassin Khalifa
Date: 09-14-2009, 08:16 AM
Parent: #33



عزيزي الفاضل الدكتور عبدالرحيم المنصور

لك من أفضل التحايا وأنبل الشكر والتقدير على مجهودك الغير محدود ولطفك علينا بتوثيق هذة المناسبة الفريدة وهذا التجمع الرمضاني الروحاني الغير مسبوق... وشكري العميق لكل أعضاء الرابطة السودانية بنيويورك ومجلس إدارتها الموقر وعلى رأسه الأفاضل إستاذناحسن عيسى التجانى وأستاذنا حسن حماد... وبقية العقد الفريد

كانت لنا سانحة لننعم فيها بصحبتكم والتمتع بأرقى وأشهى المأكولات والمشروبات والحلويات السودانية الراقية والتي تبرعت بها الأسـر وأعضاء الرابطة الذين أجمعوا على أنهم جميعا يد واحدة تمتد نحو أعمال الخير ودعم نشاطات الجالية المتعددة

ولقد زاد هذة المناسبة إشراقا وصول صديقي العزيز الكومندان علي سرالختم والذي عطر تجمعنا هذا بروحه العطرة وطلته البهية... فكان لقائنا به وحديثنا معه من أروع ما يكون الحديث... وبحق كانت سهرتنا معه في معية الأستاذ سيف الدولة والشقيق إبراهيم عدلان وأنت معنافي "البي ريتجش" تاريخية فاق طعمها طعم الحلويات النابلسية وقيدها وقت السحور

أدعو الله العلي القدير أن يحسن إليكم بقدر ما أحسنتم إلينا وأن يوفقكم ويشد من أذركم

ودمتم....

___________________________

ولعزيزناالطيب عثمان يوسف

يا سعادتك أعمل حسابك إنك السنة الجاية معمر في نيويورك
وليك علي أعمل ليك طابور شرف رسمي من الجيش والبوليس

بس إنت أنوي...
Post: #35
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Deng
Date: 09-14-2009, 11:37 AM
Parent: #34

الاخ عبد الرحيم منصور.

الصور جميلة والحضور والتنظيم ممتاز.
لكن تعال نسألكم يا ناس الرابطة :
وين ناس الهامش ؟ معقول نيويورك دي مافيها ناس من الهامش ؟

كان من الافضل لو كانت الصور تعبر عن السودان الحقيقي بتنوعه العرقي والثقافي.
كل سنة وأنتو طيبين.


دينق.
Post: #36
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: مزمل خيرى
Date: 09-14-2009, 03:44 PM
Parent: #35

سيف الدولة بالله اتاريك عجووووووز ومكعكع ومشيب بعد دا كلوا .!!
وانا اقول سيف دا من ماخشينا سوا الحوش دا وهو صورتو ماداير يغيرا
يادووووب عرفت السر شنو .!!؟



برعى
شكرا على الصور الحلوة دى ،، وكل سنة وانت طيب ...!
Post: #37
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Hatim Elmaki
Date: 09-14-2009, 04:07 PM
Parent: #36

الاخوان ناس نيويورك رمضان كريم وشكرا الاخ منصور بلدكم عامرة باهلها انشاءالله ربنا يدوم المعروف والمحبا بين السودانين


الاخ سيف الدين ياعمك الشيب كملك احسن ليك فول وطعمية ممكن تجييب فائدة معاك


بلدكم ملانا سودانين انا جيت لفيتها كلها مالاقني سوداني انتم ناس ليل سسسسسسسئ
Post: #38
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Mohamed Yassin Khalifa
Date: 09-14-2009, 07:27 PM
Parent: #37

Quote: لكن تعال نسألكم يا ناس الرابطة :
وين ناس الهامش ؟ معقول نيويورك دي مافيها ناس من الهامش ؟


العزيز دينق...

تسائلنا أنا والأخ إبراهيم عدلان عن هذا الأختفاء الواضح لمهمشي نيويورك

والإجابة كانت إنو في مقاطعة متعمدة من الطرفين...
وده ياريت لو عرفنا بيهو قبل اللقاء.. ويمكن كنا طيبنا النفوس

أتمنى ننجح في ذلك يوم العيد...
Post: #39
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: عبدالعزيز الفاضلابى
Date: 09-14-2009, 07:45 PM
Parent: #38

عبدالرحيم ,,يديك العافية ,,
يعنى مصر تجيب صورنا وتفضحنا مع الجكس الـ شايفات كتاباتنا وقايلات القبة تحتها شباب..هو انا كان داير اخت صورتى كان الطويرات ديل بردحن اليوم كلو?
غايتو الفيك اتعرفت تانى حتة فيها انت زوغان على طول ,, الا بعد التأكد من انك كاميرا Free
Post: #40
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف الدولة كامل
Date: 09-14-2009, 08:15 PM
Parent: #39

حبيبنا ,,مزمل خيري,,, الجماعة الشايفهم ديل كلهم

عاملين الفاتح الصباغ ,,لكن نحن علي الطبيعة,,,,,,,

بعدين معظم المتصورين يكاد يكونوا طلبتي الا الفاضلابي

دفعة لكن ما داير الصور,,, تسلم يا حبوب
Post: #41
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف الدولة كامل
Date: 09-14-2009, 08:27 PM
Parent: #40

حبيبنا \ حاتم المكي,,, سلامات


نيويورك مليانة سودانيين لكن ظاهر عليك


كنت بتتحاوم بيغادي,,, لكن ليك علينا


المرة الجايه بنفسحك لامن تفتر بس انوي.
Post: #43
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Amira Elsheikh
Date: 09-14-2009, 08:33 PM
Parent: #41

Quote: وين ناس الهامش ؟ معقول نيويورك دي مافيها ناس من الهامش ؟


دينق...
وحاة الله كان كتلونى ما بقول امريكا دى فيها هامش

ياخ امريكا دى مركز كبير ...الهامش دى دا حدو عندنا ..



سباب نيويورك كل سنة وانتو طيبيبن ..

لمة شغل وشغل منظم تحياتى للجميع
Post: #62
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف الدولة كامل
Date: 09-14-2009, 10:34 PM
Parent: #43

العزيزة \ اميرة بت الشيخ,,, وانت طيبة ان شاء الله


اها رايك شنو في فطور نيويورك,,, ما قمة في الروعة

عازمنك معلنا فطور العيد,,قولي خير
Post: #84
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 05:01 AM
Parent: #43



الاخت: اميرة الشيخ محمد

سلامات، و رمضان كريم
Quote:
سباب نيويورك كل سنة وانتو طيبيبن ..

لمة شغل وشغل منظم تحياتى للجميع


تسلمي يا زوق، الله يدكم الصحة و العافية، و كان قراب انتوا مدعوين دعوة رسمية للمشاركة في المناسبة القادمة.

*
**
Post: #42
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: abdalla BABIKER
Date: 09-14-2009, 08:33 PM
Parent: #40

اخواننا في امريكا


تجمعكم جميل

احيكم واتمنى لكم التجمع في الخير دائما

الصور جميلة جدا

الماكولات معده بطريقة جميلة


المكاولات السودانية كانها تم اعدادها في السودان وارسلت من هناك


ماشاء الله عليكم
Post: #44
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: معاوية عوض الكريم
Date: 09-14-2009, 08:40 PM
Parent: #42



دا فارز عيشتو براهو مالو ؟
Post: #45
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: عبدالعزيز الفاضلابى
Date: 09-14-2009, 08:51 PM

Quote: دا فارز عيشتو براهو مالو ؟
معاوية رمضان كريم
ده فارز عيشتو لإنو قال نحن ولاد هامش ماشايفو ملظلظ وليهو كضيمات.
Post: #46
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: معاوية عوض الكريم
Date: 09-14-2009, 09:02 PM
Parent: #45

Quote: ده فارز عيشتو لإنو قال نحن ولاد هامش ماشايفو ملظلظ وليهو كضيمات.
Post: #58
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: حسن حماد محمد
Date: 09-14-2009, 09:49 PM
Parent: #46

ألاخ محمد يسن - حضوركم كما عودتمونا دوماً يشرفنا
وحقيقةً المجهود كان كبير والحدلله على النجاح
ونرجو أن يتكرر فى مفاجأة العيد قريباً
أما ياصديقى لا أدرى ماذا تعنى بالهامش
الدعوة كانت عامة لكل السودانيين بنيويورك ومطروحة على سودانيز اون لاين لمدة كافية

أما حديثك عن الهامش وأن هناك سوء تفاهم أو قطيعة من الجانبين فلا ادرى من هو المصدر
أنا كنائب للرئيس أؤكد لك ليس هناك أى شئ من هذا القبيل تجاه أى شخص أو مجمجوعة
بل نحن نسعى بكل قوة لكى نكون فى بوتقة واحدة تعكس جمال الطيف السودانى
ولكن لا أستطيع التحدث باسم الطرف الآخر الذى تعنيه
ان كانت لأى شخص مآخذ علينا قليطرحها علينا

الأخ معاوية عوض الكريم
الشخص فى هذه الصورة هو أخونا وعضو اللجنة التنفيذية
على الحسن وهو من المنظمين للافطار ولم يكن جالس لأنه كان مشقول باستقبال الضيوف
والعمل على ضمان جلوس كل القادمين وكان يعمل على خدمتهم

الأخ الفاضلابى

ياعزيزى ما زلت شباب وطلتك علينا تدخل السرور فى نفوسنا
وأيضاً الأخ سيف ياخى دائماً نجمك ساطع واصرارك على الحضور أثلج صدورنا

وايضاً افتقدنا بقية أعضاء اللجنة التنفيذية وعلى راسهم الأخت عواطف عباس
والأخوة بشارة دوسة ومعتصم وألاخ يحيى وأظنه خلرج البلاد

يا عبدالرحيم نحن فى انتظار المزيد من الابداع ودمت فى خدمة الجالية
مودتى
Post: #47
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Ali Sirelkhatim
Date: 09-14-2009, 09:05 PM
Parent: #45




الاخ الحبيب الفاضلابى

الحق سريع صبغ الشنب ده وما تقولى ده ما شيب كنت شارب لى كورة لبن لانو انا حاضر ماكان فى لبن فى الفطور ..


it was sooooooooooooo nice to see you




اخوكم/ على سرالختم
Post: #49
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Ali Sirelkhatim
Date: 09-14-2009, 09:10 PM
Parent: #47

Quote:
*** التحايا عبركم للأخوان

* ( ألى ) سر الختم

* الوجية محمد يس خليفة

* الأخت منال محمد على و زوجها


يسال منك الخير يا دفعة والله كانت لمّة جميلة جدا جدا وياريتك لو كنت حاضر.. وبعدين انت يا الطيب عامل محمد يسن الوجيه وانا حاف كده من غير وجيه ؟ والله انت يادفعة بتدور الختا ساكت آزول.
Post: #48
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف الدولة كامل
Date: 09-14-2009, 09:07 PM
Parent: #45

معاوية ,, سلامات

علي ده فاكهة الجلسة ,,احلي زول في الناس ديل.

عاوز يتصور مع العصيدة عشان ما يقولوا حنكوش
Post: #51
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: عبدالعزيز الفاضلابى
Date: 09-14-2009, 09:20 PM
Parent: #48

Quote: الحق سريع صبغ الشنب ده وما تقولى ده ما شيب كنت شارب لى كورة لبن لانو انا حاضر ماكان فى لبن فى الفطور ..

جناب اللواء
(ده باعتبار لو لكت الصبر وما مشيت تزازى فى تلج روشستر) كان زمانك بقيت لواء.
البركة الجات فى الشنب ,, الذاكرة بقت ابيض من الشنب ,, الحمدلله شعر الراس خير شاهد على انى مادفعة سيف الدولة كامل ,, شعرو بقى زى خمسة جبنة وواحد فول.
Post: #52
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Ali Sirelkhatim
Date: 09-14-2009, 09:25 PM
Parent: #48

Quote: سباب نيويورك كل سنة وانتو طيبيبن ..


وانت طيبة يا اخت اميرة الشيخ ورمضان كريم..

على سرالختم
واحد من شباب نيويورك
Post: #86
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 05:20 AM




الأخ الأستاذ: معاوية عوض الكريم

سلامات، و رمضان كريم

اول حاجة الف مبروك للهلال

Quote:
دا فارز عيشتو براهو مالو ؟

و اخونا الفارز عيشتوا دا اكل آخر زول اكل بعد ما تأكد انتو كل الناس اكلت و شربت،

يا اخى الزول دا كان عامل ذى أم العروس، طالع و نازل و شغال مع ناسنا الحلوين عشان يخرجوا اليوم بأفضل شكل، و قد كان، التحية لكل الأخوة الذين ساعدوا في إخراج اليوم بهذا الجمال


و شكرا على المرور و الكتابة

*
**
Post: #61
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف الدولة كامل
Date: 09-14-2009, 10:30 PM
Parent: #42

الاعزاء :

الطيب عبد الرحيم خلف الله


عبد الله بابكر


شكرا ليكم يا حلوين وده من زوقكم الجميل

وبالمناسبة ده انتو معزومين عندنا في اي وقت

حبابكم عشرة,, تشرفونا كتيييييييييير بحضوركم.


معزتي
Post: #85
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 05:07 AM
Parent: #42



الاخ: عبدالله بابكر

سلامات، و رمضان كريم، و تصوموا و تفطروا على خير

Quote:
اخواننا في امريكا

تجمعكم جميل

احيكم واتمنى لكم التجمع في الخير دائما

الصور جميلة جدا

الماكولات معده بطريقة جميلة

المكاولات السودانية كانها تم اعدادها في السودان وارسلت من هناك

ماشاء الله عليكم


شكرا كميات للمرور الراقي، و الكلمات الطيبة، و يا ريت لو كنتم معنا لأصبح يوما أروع.

*
**
Post: #83
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 04:56 AM
Parent: #39



الاخ الحبيب الاستاذ: عبدالعزيز الفاضلابى

سلامات،

Quote:
يعنى مصر تجيب صورنا وتفضحنا مع الجكس الـ شايفات كتاباتنا وقايلات القبة تحتها شباب..هو انا كان داير اخت صورتى كان الطويرات ديل بردحن اليوم كلو?


انت يا زول ما سمعت الجكس بيقول شنو و دا طبعا على ذمة الروي، قالوا انو "الشجر الكبار فيهو الصمغ" و فى مقوله "Old is gold" يعنى اذا الكلام دا صحيح أنت الآن في خطر، و نحن نطالب بحظركم و تقيد حركتكم، بالإضافة قطع الاتصالات الهاتفية و فصل الانترنت حتى تزول مظاهر الخطر.

الأيام دى أيامكم أنت و العزيز: سيف الدولة، اقدلوا ساااااااااااااااااااااااااااي :) :) :)

*
**
Post: #82
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 04:43 AM
Parent: #37



الاخ: حاتم المكى

سلامات، ورمضان كريم


Quote:
بلدكم عامرة بأهلها انشاء الله ربنا يدوم المعروف و المحبا بين السودانيين

آمين


Quote:
بلدكم ملانا سودانيين انا جيت لفيتها كلها مالاقني سوداني انتم ناس ليل سسسسسسسئ

ناس نيويورك ديل ناس صفوة و كان عرفوا بى جيتك بيكونوا فى الانتظار بالمطار، و يكرمكم لما تنسى نفسكl و الهدف الجيت من اجلوا، و عشان نعمل ليك بيان بالعمل الجيه الجايه، اضرب تلفون او اعمل ايميل.

*
**
Post: #50
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف الدولة كامل
Date: 09-14-2009, 09:20 PM
Parent: #35

عزيزنا \دينق ,,, سلامات


بطل عنصرية يا دينق,, الفطور فيهو من الوسط والشرق والشمال

والنيل الازرق وكردفان وبعض ابناء دارفور,,,


الماموجودين اولاد عمك وفي نيويورك قلة,, ورابطة ابناء دارفور


مقاطعين,,, يعني انتو بس الهامش ,, بقيت زي جلابة ,,,,,,,


الفطور الجاي عازمنك ما تقول لا
Post: #53
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: معاوية عوض الكريم
Date: 09-14-2009, 09:27 PM
Parent: #50

Quote: معاوية ,, سلامات

علي ده فاكهة الجلسة ,,احلي زول في الناس ديل.

عاوز يتصور مع العصيدة عشان ما يقولوا حنكوش


عشان كده انا علقت عليهو

يظهر انو زول حبوب ..
Post: #54
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف الدولة كامل
Date: 09-14-2009, 09:36 PM
Parent: #53

تسلم يا معاوية,,, صدقت,, علي راجل حبوب شديد
Post: #55
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Mohamed Yassin Khalifa
Date: 09-14-2009, 09:38 PM
Parent: #50

Quote: الفطور الجاي عازمنك ما تقول لا


والله يا أستاذ سيف الدولة ختفتها من خشمي...

وبالمناسبة

الناس ديل حاقرين بشوية شيبات... نظام تعايرني بالشيب وهو وقار
بصراحة الناس دي ما لقت ليها حاجة فيك تعيرك بيها
ولا يهمك... أنتا أستاذنا وأستاذنا وأســـتاذنا




والله المابعرفك يجهلك...!
Post: #56
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: البحيراوي
Date: 09-14-2009, 09:45 PM
Parent: #55


عبد الرحيم منصور

رمضمان كريم ولكل ضيوفك بالبوست صوراً وتعليق

بالله الزول دا ما يمرق إلا في رمضان خلية يعرش في شرفات الذكريات بالجامعة ويلقي لينا فرقة بالجميل
" />">

بحيراوي
Post: #57
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Kostawi
Date: 09-14-2009, 09:47 PM
Parent: #56

عدم ظهور سفير السودان في هذه المناسبة المباركة ربما يتيح لكم فرصة المنافسة يا نيويورك
Post: #59
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف الدولة كامل
Date: 09-14-2009, 09:51 PM
Parent: #56

تسلم يا محمد يس خليفة,, والاولاد عاوزننا نصبغ وبعدين يضحكوا علينا



لكن ايلقوها عند الغافل,,, شيبنا حلو وعاجبنا,,
Post: #60
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: حسن حماد محمد
Date: 09-14-2009, 10:24 PM
Parent: #59

لأخ بحيراوى انت قاصد منو لأنو الصورة ما ظهرت
Post: #63
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Mohamed Yassin Khalifa
Date: 09-14-2009, 10:59 PM
Parent: #60

عزيزي الأستاذ حسن حماد... تحياتي

أنا سألت: وين بقية أهل نيويورك؟ والإجابة كانت في ناس ما وجهت ليهم دعوات وفي ناس قاطعوا المناسبة
وقصدي من سؤالي هو أن الفرحة تكمل بوجود الجميع في مائدة الرحمن العامرة دي

وأتمنى منك شخصيا يا أبوعلي... لفضل أعرفك بيهو... ومن كبيرنا حسن عيسى إنو العيد يكون لامي لكل الناس

أحنا فقدنا الغايبين... الغايب حجته معاه
خلينا نعمل على تفقد بعضنا البعض...


وتسلم...
Post: #65
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف الدولة كامل
Date: 09-14-2009, 11:11 PM
Parent: #63

الجندي المجهول الذي يعمل في الخفاء لاسعاد الجميع

الاخ الحبيب حسن حماد,, قدر ما نقول ما بنكفيكم حقكم

ربنا يديم عيلكم الصحة والعافية ويجعلكم زخرا لنا.
Post: #64
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Ali Sirelkhatim
Date: 09-14-2009, 11:05 PM
Parent: #60

Quote: جناب اللواء
(ده باعتبار لو لكت الصبر وما مشيت تزازى فى تلج روشستر) كان زمانك بقيت لواء.


عليك الله يا الفاضلابى بعد ما ارجع حتى تقول لى الحكاية فيها لولوة ما كان تكلمنى هناك هسع كان اشتريت لى بيت فى نيويورك قبلى وبقيت جارك ..

مسعول من الخير يا خوى انت عبد الكافى وين لا حس لاخبر؟
Post: #80
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 04:21 AM
Parent: #34




الأخ العزيز جدا: محمد ياسين

تحياتي و احترامي و تقديري


Quote:
وشكري العميق لكل أعضاء الرابطة السودانية بنيويورك ومجلس إدارتها الموقر وعلى رأسه الأفاضل إستاذناحسن عيسى التجانى وأستاذنا حسن حماد... وبقية العقد الفريد

الله يديك الصحة و العافية، و هذا نبل و كرم منكم فقد أنزلتم الرجال منازلهم، و هذه هى أخلاق الرجال


Quote:
كانت لنا سانحة لننعم فيها بصحبتكم والتمتع بأرقى وأشهى المأكولات والمشروبات والحلويات السودانية الراقية والتي تبرعت بها الأسـر

الأسر النيويوركية اثبت و بقوه إنها الافصل دائما و ابدا


Quote:
ولقد زاد هذة المناسبة إشراقا وصول صديقي العزيز الكومندان علي سرالختم والذي عطر تجمعنا هذا بروحه العطرة وطلته البهية... فكان لقائنا به وحديثنا معه من أروع ما يكون الحديث... وبحق كانت سهرتنا معه في معية الأستاذ سيف الدولة والشقيق إبراهيم عدلان وأنت معنافي "البي ريتجش" تاريخية فاق طعمها طعم الحلويات النابلسية وقيدها وقت السحور

الحبيب الكمدان: على سرالختم، كان تفاحة المجلس، و حقيقي هذا الرجل الفاضل كماء البحر كل ما تاخد منه لا تزداد إلا عطشا

*
**
Post: #79
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-15-2009, 03:55 AM
Parent: #33




الأخ الفاضل: الطيب عبدالرحيم

سلامات، و كل سنة و انتم طيبين، و ربنا يتقبل الصيام و القيام و يجعلنا جميعا من عتقاء هذا الشهر المبارك

شكرا كميات على المرور الجميل.

*
**
Post: #66
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-14-2009, 11:24 PM
Parent: #32




أمسية رمضانية مع الرابطة السودانية

من كل حدب وصوب تجمعت الجالية السودانية في منطقة نيويورك الصغرى و الكبرى ليشهدوا منافع لهم لا ادري ماذا تكون المنافع جرعات من الماء البارد .... او حبيبات من التمر ... او عصيدة دافئة ترقص علي حبيبات من " التقلية " علي الطريقة الأمريكية . او ربما لقاء عابر بصديق قديم باعد بينك وبينه هذا الزمان اللئيم ... وتثاقلت الخطوات بينكما في ذلك الركض الدوؤب في ذروة اللحاق بحياة كريمة . وفوق كل ذلك تحقيقا لفريضة انزلها الله تعالي في شهر مبارك وانزل معها القرآن هدي للناس و بينات من الهدي والفرقان.

كان هذا الدفق الطيب والتواتر النبيل في الأمسية الرمضانية العامرة التي أقامتها الرابطة السودانية الأمريكية في نيويورك في ضاحية كوني ايلاند الهادئة التي شهدت لنا بأيام الصبا الباكر. كان هذا في الإفطار السنوي الذي أقامته الرابطة السودانية بمجهودات ذاتية تضاف الي ميزان حسناتها وتؤكد اننا يمكن ان ننجز الكثير بالشئ القليل اذا وجدت فيه البركة و الإحساس الحقيقي بان " ايد لي ايد تجدع بعيد".

الإفطار الرمضاني تقليد تبنته الرابطة السودانية منذ خطواتها الفطيرة .... وصارت شعيرة عامرة يلتقي و بلتف فيها السودانيين المقيمين في نيويورك وضواحيها كل عام ... "يضربون" العصيدة ضربا مبرحا حتي تقول "الروب" .. والروب مسعولين من الخير ... لا يسلم هو الاخر من " الاعتداءات " المدنية الناعمة . كان الإفطار كالعهد به مناسبة لتأكيد وتمكين وحدة السودانيين في السراء والضراء كما ذهب الأخ: حسن عيسي - رئيس الرابطة مشيرا الي انها الوعاء الذي يضم كل السودانيين وان المدرسة السودانية ... التي تؤكد دوما علي قيم اللغة العربية والتربية الإسلامية التي تقف بحياء في منهج أبناؤنا و بناتنا.

وذهب الأخ: عبد الرحيم منصور – الامين العام للرابطة الي ضرورة التكافل الاجتماعي حيث قام افراد من الرابطة بزيارة الاخ: عوض عريبي الذي يرقد في احدي مستشفيات نيويورك لفترة تجاوزت ال18 عاما – زيارة الاخ عوض دعوة الي الوفاء دعوة الاهتمام بكل سوداني وسودانية جار بهم الزمان في ارض المهجر – ولكن كالعهد به ظل الاخ: عريبي عنوانا للصبر . اشار الاخ عثمان ابوجنة امين العضوية الي الاهتمام بها باعتبار انها الركيزة التي يقوم عليها هذا الصرح السوداني اليافع .
كان الإفطار مزيجا من الحداثة و التقليدية .... بالتنوع في الأكلات و الازياء والسحنات وكان الإفطار ايضا مزيجا بين الفوضي والنظام - وهي سجية من سجايا الشعب السوداني ليس من السهل ان يتخلي عنها حتي ولو كان في بلاد العم سام ...!!!! بين هذا وذاك كان الإفطار مناسبة دينية اجتماعية تشاورية تكافيلية تعاضدية تؤكد ان الرابطة السودانية في نيويورك كان حي يتحرك ... يتنفس ...يتواصل – يمر بفترة بيات شتوي ولكنه ينفض الغبار في الصيف ... وتحاول ان تذكر الجالية السودانية اننا " الممثل الوحيد والشرعي للسلطة الفلسطينية .. معذرة السوادنية " . لم تزل هناك تحاول ان تجمع الناس في بيت واحد رغم الفوارق و الفروقات و تحاول ان تلم الشمل رغم قدرة الحياة في التشتت شئنا ام ابينا .

لايمكن ان اتحدث عن المناسبة السارة دون اشير الي البرنامج المبسط الذي وضعته الرابطة وقدمه امينها الثقافى الأخ: الصادق الزين اذي حاول بصوته الجهوري ان "يهرش" الحضور السوداني الجيد . حاول ان يسكتهم و لكنهم ظلوا في غيهم يعمهون ولكن اعتقد انه استطاع ان يوصل الرسالة عبر المتحدثين السابقين وسط الونسة الرجالية ..... والصخب النسائي و الضجيج الاطفالي . بين هذه وتلك قضي الكل امسية رائعة استطاعت بها الرابطة السودانية الأمريكية ان تؤكد علي وجودها واستمراريتها.

هذه المناسبات ليست هي فقط فرصة للتواصل بين افراد الجالية فحسب ولكنها ايضا للتذكير الدائم والمتواتر ان الرابطة وعاء يضم السودانيين حتي ولو كان يعاني من بعض التصدعات التي جاءت نتيجة بعص الممارسات الخاطئة من افراد الا انه ضرورة لحل المشاكل الاجتماعية والاقتصادية التي تعاني منها الجاليات علي وجه العموم وجاليتنا علي وجه الخصوص.

و انا اتجول بناظري بين الاخوة والاخوات اسلم علي هذا و اخاطب هذا لفت نظري شيئين : الاول هو الغياب شبه الكامل لاخوننا اهل دارفور اذا كانت الدعوة لم تصل اليهم فهذه مسئولية الرابطة لانهم ركن اصيل وقمين من اركان الجالية السودانية وحضورهم عنوان لنا و عنوان علي وجودنا المتنوع و المتجدد و الاصيل . اذا كانت الدعوة وصلت و لم يلبوا اتمني ان يكون المانع خير و لا اتمني ان تكون السياسة حاولت ان تدخل حتي في رمضان شهر الطيبة و الحب و الغفران. اقول ذلك و اعلم انه يقطنون عل مرمي حجر من القاعة التي اقيم فيها الافطار .

الشئ الثاني لا اخفي انني افتقدت اخي وصديقي: عبدالله الشريف – شريف الذي اصيب الاسبوع الماضي بكسر في حادث مؤسف – شريف بابتسامته الوضيئة و قلبه الكبير ساعده الممتد دوما لخدمة الاخرين علم من اعلام هذه الجالية وهامة شماء تجدها دوما في الملمات و الليالي المدلهمات رفع الله اخي شريف و اعاده الينا ضاحكا باسما يملا ليالينا فرح و يعطر ايام بهجة و نور شفاه الله ورده الينا فمقعده لم يزل شاغرا و لايوجد من يملاه.

و اولا و اخيرا بعد شكرا لله نشكر كل الإخوة أعضاء اللجنة التنفيذية في الرابطة علي المجهود الذي بذل من اجل نقضي هذه اللحظات السعيدة و اخص بالشكر اخواتنا الفضليات الذين شمروا سواعدهم ربطوا خصورهم " فركوا" لنا العصيدة وبقية الخيرات التحية لهم و دوما علي هذا الدرب سائرون .

صلاح الدين ادريس – صحفي سوداني مقيم في نيويورك

*
**
Post: #67
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف الدولة كامل
Date: 09-14-2009, 11:43 PM
Parent: #66

التحية للريس حسن عيسي,,, صاحب الكرم الفياض


الشباب الحلوين ,, الصادق الزين,علي محمد الحسن.


ويا سلام عليك يا عثمان ابو الجنة دايما في خدمة


الحبايب ,,ربنا يكرمك يا عزيز.
Post: #68
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Mohamed Yassin Khalifa
Date: 09-15-2009, 00:00 AM
Parent: #67

شكـرا صديقي اللغوي والصحفي والمحاسب العزيز صلاح إدريس على المقالة!








دكتور منصور أغفر لي منتجة الصورة لإظهار صديقي وإيفائه حقه...
Post: #73
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: ابراهيم عدلان
Date: 09-15-2009, 02:37 AM
Parent: #68

تقبل الله الصيام و القيام
وجعلنا و اياكم من عتقاء الرحمن
جاء افطارنا السنوي هذه المرة تحفه خيرات الاواخر فكان مباركاً لاماً بذلت فيه نساء نيويورك جهداً متميزاً فلهن التجلة و التحية علي هذه المائدة العامرة فقد نلن ثواب من افطر صائماً جعله الله في ميزان حسناتهن و لا احسب ان نساهم من سبقوني الا سهواً فلهن العتبي حتي يرضين
الاخ العزيز ياسر علي خليل منظم اللقاء من خلف الكواليس لك التحية علي وقفتك الرائعة
علي محمد الحسن و الصادق الزين وود ابوجنة أهل العروس تحزمتم و تلزمتم فكانت روعة اللقاء
بكري عبد المعطي/ ميسرة الكوتش/ بدرالدين جيطي/ صلاح الكاهن الله لا جاب يوم شكركم
ضيفنا الذي زين اللقاء بحضوره الانيق جنابو علي سرالختم كم ابهجنا حضورك
الخال الطيب عبدالرحيم تحاياي تسبقها اشواقي
سيف الدوله ( الكاشف اخوي) هسه سألوك عن هوق هوقن
فاضلابي
سئل امير المؤمنين عبدالملك بن مروان ما الذي عجّل الشيب الي رأسك يا امير المؤمنين فقال كثرة الخُطب و اعتلاء المنابر و سُئل فاضلابي نفس السؤال فأجب يا ابا خالد
الشريف محمد يس الخليفة كنت كعادتك حاضراً اجتماعياً ليس له اسبيرات
حسن عيسي التجاني اهديك اغنية عاجبني الكريم و كفي
منصور وزارة اعلام نيويورك وموثق احداثها موسوعة كلمات الشكر لا تكفي
الآفتر بارتي ايضاً كان عذباً
Post: #99
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-18-2009, 05:29 AM
Parent: #73



الأخ: إبراهيم عدلان

سلامات

Quote:
جاء افطارنا السنوي هذه المرة تحفه خيرات الاواخر فكان مباركاً لاماً بذلت فيه نساء نيويورك جهداً متميزاً فلهن التجلة و التحية علي هذه المائدة العامرة فقد نلن ثواب من افطر صائماً جعله الله في ميزان حسناتهن و لا احسب ان نساهم من سبقوني الا سهواً فلهن العتبي حتي يرضين
الاخ العزيز ياسر علي خليل منظم اللقاء من خلف الكواليس لك التحية علي وقفتك الرائعة
علي محمد الحسن و الصادق الزين وود ابوجنة أهل العروس تحزمتم و تلزمتم فكانت روعة اللقاء
بكري عبد المعطي/ ميسرة الكوتش/ بدرالدين جيطي/ صلاح الكاهن الله لا جاب يوم شكركم
ضيفنا الذي زين اللقاء بحضوره الانيق جنابو علي سرالختم كم ابهجنا حضورك
الخال الطيب عبدالرحيم تحاياي تسبقها اشواقي
سيف الدوله ( الكاشف اخوي) هسه سألوك عن هوق هوقن
فاضلابي
سئل امير المؤمنين عبدالملك بن مروان ما الذي عجّل الشيب الي رأسك يا امير المؤمنين فقال كثرة الخُطب و اعتلاء المنابر و سُئل فاضلابي نفس السؤال فأجب يا ابا خالد
الشريف محمد يس الخليفة كنت كعادتك حاضراً اجتماعياً ليس له اسبيرات
حسن عيسي التجاني اهديك اغنية عاجبني الكريم و كفي


كملت الكلام جت :) :)

*
**
Post: #77
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: أشرف محمد الباقر
Date: 09-15-2009, 03:41 AM
Parent: #68

.....

الأخ العزيز عبد الرحيم منصور

الشكر كل الشكر على هذا البوست التوثيقى الرائع

كانت ليلة رمضانية جميلة و معبرة التقينا فيها بأحبابٍ كُثر. كان التجمع راقيا و أنيقاً من حيث الكمِ العددي و التفاعل التنظيمي للإفطار.



الحضور الكبير و الجميل أثلج الصدور و أبهجها و وضع أعضاء اللجنة التنفيذية للرابطة أمام تحد كبير لتجويد العمل و السعي لكل ما يفيد و ينفع الجالية بنيويورك. و ربنا يوفق الجميع للارتقاء بالعمل الطوعي و تقديم ما ينفع أبناء بلادي في بلاد العم سام.


أما بخصوص الدعوة فلقد قامت الرابطة بوضع الإعلان على سوادنيز أونلاين منذ وقتٍ كافي قبل الإفطار. و قد قام السكرتير العام: عبد الرحيم منصور بإرسال الدعوة عبر الإيميل إلى الكثير من المنتسبين للرابطة. أيضاً قامت الرابطة بوضع مطبوعات إعلانية و ملصقات في أماكن تجمعات الجالية السودانية بنيويورك.


فقد كانت الدعوة عامة و مفتوحة لجميع ألوان الطيف السوداني بغض النظر عن الانتماء العرقي أو السياسي أو الديني فالرابطة رابطة اجتماعية، ثقافية و ذات دوافع إنسانية محضة.



الشكر أجزله لكل الحضور و أخص بالشكر الأسر السودانية التي شاركت مشاركةً فعالة ومقدرة فلهم منا التحية و التجلي.


والتحية و الإكبار لكل الإخوة البورداب الذين شاركونا الحضور فلقد كانوا نجوماً بارزين بحضورهم ومشاركتهم الفعالة وعطائهم الجم و الأنيق.




.....
Post: #81
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف اليزل برعي البدوي
Date: 09-15-2009, 04:38 AM
Parent: #77

منصور يا رائع

التحية لك ولكل الجالية والبورداب

حقيقة لمة رائعة

وناس وشباب زهر الوجوه

والفرحة نابعة من القلب

سلام يا ناس يا طاعمين

وربنا كده يلمكم ديمة في السمح والعديل

تقبلوا سلامي وتحيات كل جالية بوسطون بدون فرز

وشكرا علي المجهود


لكم خالص ودي

سيف اليزل
Post: #87
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: أسامة خلف الله مصطفى
Date: 09-15-2009, 06:23 AM
Parent: #81

أخى العزيز حسن حماد

أخى العزيز دينق

سلامى وأخائى


شكرا على التساؤلات التى ذكرتها وإهتمامك بسودان حقيقى...



أخى حسن حماد

Quote: أما ياصديقى لا أدرى ماذا تعنى بالهامش
الدعوة كانت عامة لكل السودانيين بنيويورك ومطروحة على سودانيز اون لاين لمدة كافية

أما حديثك عن الهامش وأن هناك سوء تفاهم أو قطيعة من الجانبين فلا ادرى من هو المصدر
أنا كنائب للرئيس أؤكد لك ليس هناك أى شئ من هذا القبيل تجاه أى شخص أو مجمجوعة
بل نحن نسعى بكل قوة لكى نكون فى بوتقة واحدة تعكس جمال الطيف السودانى
ولكن لا أستطيع التحدث باسم الطرف الآخر الذى تعنيه
ان كانت لأى شخص مآخذ علينا قليطرحها علينا



مرحبا بك فى هذا المنبر وأسف على تأخرى فى إستقبالك على عتبة الباب...
أولا أُثمن الجهود التى قامت بها الرابطة فى حشد هذا الجمع الكريم....

ثأنيا: حديثك هنا جانبه الصواب وأنت تعلم تماما بأن المشاكل تُحل بالمواجهة والحوار لا بالتستر عليها وحديث "كل شىء على ما يرام"....

أنت تعلم تماما لماذا قاطع أبناء دارفور مائدة الإفطار ولكن لا أدرى لماذا تدعى أنك لا تدرى السبب؟؟؟

لقد سمحت الرابطة فى آخر إنتخابات لها لأخى محمد عبد العزيز بتنفيس سمومه العنصرية على مرأى ومسمع من المنصة ولم تحرك ساكنا ولم تصدر الرابطة أى إجراء فى حقه....

لقد كان الأخ محمد كلما ترشح أحد من أبناء دارفور لمنصب أن يقف وبأعلى صوته ويقول "هذا عدل ومساواة" ثم يجرى الى نهاية القاعة ولينفس سمومه العنصرية ويظهر أثرا ذلك لحظيا عدد المصوتون للشخص المعنى......
أتذكر حينما إمتلاءت القاعة عن بكرة أبيها بأبناء الشمال وبتحريض وتخطيط واضح من الذين ينشرون العنصريه الذين تحويهم الرابطة أمثال أخى محمد عبد العزيز وكثيرون حينما روجوا لاشاعة أن أبناء دارفور سوى يأتوا لكى يستأثروا بمقاعد الرابطة...

وألكثيرون جلوس ومنهم من كان يستلذ بهذا التهريج....

ولقد أدى ذلك الى نسف كل العملية التصويتية وإكمالها ولم تكمل الجمعية العمومية عملية التصويت وإنتهت بمهزلة ، ثم أصبحنا بلجنة تنفيذية جديدة لا ندرى من أين أتت،؟؟؟ حتى منصب الرئيس أعطى لأخى حسن عيسى ( الذى لا أشك فى كفأته مع إختلافنا) وقد كان بالخارج .....

ولقد جلسنا بعد هذة المهزلة مع أخى الهادى الشيخ مع أبناء دارفور لكى تلتئم الجراح ولتنفيس الغضب العارم ممن سمحت له المنصة بنسف عمل دوؤب إشتغلنا علية مع إخوة كرام لمدة أربع شهور متواصلة....

قل لى يا أخى حماد ( نائب الرئيس) ماذا فعلت اللجنة التنفيذية التى نصبت نفسها ( بعد إنتهاء الجمعية العمومية بمهزلة) لكى تعاج هذة المشكلة وهذا التباعد العرقى الذى ورثناه أبأ عن جد وظهرت آثاره المدمره فى الجمعية العمومية؟؟؟

إنتظرت حتى تشابك أبناء الوطن الواحد بالأيادى أمام ألأمم المتحدة نحن أنظار العالم....

أم أن الرابطة رسالتها فقط تجميع الناس فى رمضان والعيدين وحفلات غنائية لا نهاية له؟؟؟

حتى المنتدى الثقافى الذى كان يمكن أن يكون متنفس للانفعالات وآثار الماضى من خلال الحوار، قل لى ماذا قدم فى مشكلة الثنائيه العرقية بين أبناء الرابطة فى نيويورك التى سوف تقضى علينا جمعيا إذا لم نكن جادين فى حلها؟؟

حينما يصرخ الطفل الرضيع أخى حسن لا يكفى أن تضع الغشاشة على فمه ولكن أبحث عن سبب يكائه ثم عجل بالحل العملى....
Post: #88
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: علي الكرار هاشم
Date: 09-15-2009, 08:24 AM
Parent: #87

الاخ عبد الرحيم
ومجموعة نيويورك
تقبل الله طاعاتكم
يظل الاسلام عظيما وهو يجمعكم بكل هذه الروعة والجمال
ويظل سوداننا شامخا وأنتم تمثلونه في تلك الاصقاع
كل عام وأنتم بخير
Post: #89
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Mohamed Yassin Khalifa
Date: 09-15-2009, 05:03 PM
Parent: #87





عزيزي الأستاذ أسامة خلف الله تحياتي....

هل شعارك التجاهل.. التجاهل... ثم التجاهل ولا شنو.....
أنا شايفك فطيطني ورحت بعيد خلاص
يا سيدي برضو كتر خيرك... أنا ما لقيت نفسي في كلامك أعلاة غير في الشافع البيصرخ وبيدوهو الغشاشة
وأنا رضيان بالغشاشة لأني عارفها... وهي بداية لحل جذري

أنا عارف أنو أخوانا الحسنين ماكان عندهم علم بالجاي ولا الحايغيب
وأناعشان كده قلتا لحسن حماد الغايب عذره معاه...
وطلبتامنه ومن حسن عيسى أنهم يوسعو الدعوة للقاء العيد
البنطلب فيهو من بعض العفو والعافية لله

وحسن عيسى قال يا أخوانا ما تزعلو مننا... والحاضر يكلم الغايب
وأنا والله عندي ثقة تامة فيهم وفي الغايبين
وأحنا البيغيب بنفقده وبنسأل عليه
سيدي خلي نفسك بارد وشيل ليك غشاشة زيي ... فهي مفيدة علشان الضروس
وما بتفطر الصايم!


وتســـلم....
Post: #90
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Adam D.El-Asha
Date: 09-15-2009, 08:03 PM
Parent: #89

الإخوة الأعزاء

لكم التحية والتجلة وانتم تتوافدون الي مائدة عامرة بالتحنان وطيب اللقاء ...تحس بذلك من مودة الغريب حيث لا غرباء البتة...الكل موسوم بالالفة...وحتي الذين التقيناهم للوهلة الأولي مدوا جسور الود' لا عائق ولا غرابة ( الكمندان علي سر الختم مثالا )

الشكر لرئيس الجالية الأخ حسن عيسي ونائبه الأخ حسن حماد ( فقد أجاد الحسنين )

والتحية لروح الفريق ومحركه الأخ عبدالرحيم منصور لنشاطه الدؤوب لأخراج هذا الملتقي بتلك الصورة الزاهية... وفق الله الجميع لما فيه الخير والصلاح .

الشكر لكل أعضاء الرابطة وأسرهم لحضورهم الفعال وإذكاء جذوة الفرح والإستقبال البهيج.

لهم جمعيا باقات العرفان ونسعي كرابطة لترسية أواصر المحبة...حتي لا ينطبق علينا قول الشاعر: ـ

أنا بالفعل خنت بشاشتي
وعقرت ناقة ملتي ...
ياقوم ضاع الود مني في المدن الشقية.


هذه المدن الأسمنتية حارقة كخرافة ..يجب أن نتحد لتصير لنا مرافئ نسأل عن بعض ونتفقد الآخر في تجمع كالذي صار وبذلك نكون قد أرسينا اللبنة الاولي..

حتي لقاء في عيد آخر لكم كل الحب .



آدم العشا
Post: #100
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-18-2009, 05:39 AM
Parent: #90




الأخ العزيز:آدم العشا

سلامات

Quote:
الشكر لكل أعضاء الرابطة وأسرهم لحضورهم الفعال وإذكاء جذوة الفرح و الاستقبال البهيج.

شكرا على الحضور، و الله يديك الصحة و العافية، و نحن عارفين أنت اجتهدت شديد من اجل تكون بيننا، فكان حضوركم جمل و رائع، ربنا يديم المحبة و الأخوة.

*
**
Post: #95
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-18-2009, 04:44 AM
Parent: #81



الأخ العزيز: سيف اليزل

سلامات، و ربنا يتقبل من الجميع صالح الأعمال


Quote:
التحية لك ولكل الجالية والبورداب

حقيقة لمة رائعة

وناس وشباب زهر الوجوه

والفرحة نابعة من القلب

سلام يا ناس يا طاعمين

وربنا كده يلمكم ديمة في السمح والعديل

تقبلوا سلامي وتحيات كل جالية بوسطون بدون فرز

وشكرا علي المجهود

شكرا كميات يا حبيب على الكلمات الطيبة

الإفطار كان قمة الروعة و كنا نتمنى حضوركم، و الآن انتم مدعون للاحتفال بالعيد معنا في نيويورك، و نتمنى و نرجو حضوركم

*
**
Post: #96
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-18-2009, 04:46 AM
Parent: #81






*
**
Post: #101
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-18-2009, 05:47 AM
Parent: #77




الأخ الفاضل: أشرف الباقر

سلامات

Quote:
الحضور الكبير و الجميل أثلج الصدور و أبهجها و وضع أعضاء اللجنة التنفيذية للرابطة أمام تحد كبير لتجويد العمل و السعي لكل ما يفيد و ينفع الجالية بنيويورك. و ربنا يوفق الجميع للارتقاء بالعمل الطوعي و تقديم ما ينفع أبناء بلادي في بلاد العم سام.

التحدي يكبر يوم بعد يوم، و نحن امام تحدى اكبر لتوفير البيئة الصالحة لتربية أبنائنا في بلاد الغربة، و هذا لن يحدث أبدا إن لم نكن يد واحدة تعمل من اجل غد أفضل لجاليتنا.

حقيقي أنت مكسب كبير لجالية نيويورك :)

*
**
Post: #91
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: حسن حماد محمد
Date: 09-15-2009, 11:26 PM
Parent: #1

الأخ الحبيب المناضل أسامة خلف الله
لك التحية والشكر على الاستقبال (الحار)

أولاً أود الاستئذان من صاحب البوست على الرد على بعض التساؤلات التى اوردتها فى مداخلتك
تحدثت بإسهاب عن اجتماع الجمعية العامة فى العام المنصرم وما جرى فى ذلك الاجتماع. ونحن نوافقك الرأى بأن البعض قد حاد عن الحكمة والعقلانية عندها ولكننى أختلف معك فيما جرى بعد الاجتماع. ولولا طرحك للموضوع على البوست وامكانية أن يطلع عليه البعض ممن لم تتح لهم الفرصة على الوقوف على ما جرى أثناء وبعد الاجتماع لكان ردى على تساؤلاتك بصورة خاصة ولكن لتصحيح بعض النقاط للجميع حتى لا يلتبس الأمر فى ألاذهان استميح صاحب البوست عذراً على هذه المداخلة مع العلم انها ليست ذات صلة بموضوع الافطار.

لعلك يا صديقى وأنت حاضر اجتماع الجمعية العامة تذكر بأننى و بمجرد خروج الجميع من القاعة بكل غضب كنت أول المنادين بأن يرجع الجميع للقاعة حتى نتتدارك ونصحح مجريات الأحداث ولمعرفتى اللصيقة جداً وعلاقتى الخاصة بالكثير من اخوتى من أبناء دارفور نجحت فى اقناع الكثيرين بالعودة( مع الاشاره بأننى لم أكن الوحيد فى ذلك المسعى) . وللتاريخ أتمنى أن ينبرى أى من الحاضرين ليدلى بشهادته فى هذه النقطة بالتحديد. وتحدث الجميع وأجمعوا على ادانة ذلك السلوك بلغة واضحة لا لبس فيها . وتم التأمين على ضرورة الاستمرار والمضى للامام ومعالجة الأمر من داخل اللجنة التنفيذية .

وتم الاجتماع الأول وكان بحضور كل الاخوة المنتخبين بما فيهم أخوتى من دارفور وتم تشكيل اللجنة التنفيذية التى أرجو أن تتطلع على أسماء مكاتبها . وبعدها ولنفس الأسباب التى دارت فى اجتماع الجمعية العامة رفع الأخوة من أبناء دارفور احتجاجهم على ما دار فى الاجتماع ورفضوا مواصلة العمل ضمن اللجنة التنفيذية قبل تصحيح الخطأ . وهنا كان المحك. حيث أجمع أعضاء اللجنة التنفيذية على عدم تجاوز هؤلاء الاخوة والعمل بكل السبل على معالجة الأمور. ولم يكن الأمر سهلاً . نحن كسودانيين لا ننكر ولا ندعى بأن ما يحدث داخل الوطن الحبيب من تحارب واختلاف لا يلقى بظلاله علينا هنا فى المهجر ولكننا لا نحمل أنفسنا أكثر من طاقتها ، ولا ندعى بأننا نملك عصى موسى (وليتنا كنا) وأنت تعلم يا صديقى بأن الناس يختلفون فى تناولهم وفهمهم لمجريات الأمور وفى التعبير عن ارائهم. واجبنا وقناعاتنا كانت وما زالت بأن ما يجمعنا أكثر من ما يفرقنا وأنه لا خيار لنا سوى التدافع سوياً من أجل خلق أرضية يحترم فيها الجميع وتصان حقوقهم . وكان ما أجمعنا عليه فى اللجنة التنفيذية هو العمل بكل جد وصدق على لم الشمل والعمل كسودانيين دون الخوض فى جهويات أو تكتلات أى كانت وما زلنا نكافح من أجل هذا الهدف على صعوبته . ولتحقيق تلك الغاية لم نترك طريق الا سلكناه . ولجأنا لشخصيات من كبارنا خارج اللجنة وعكفنا أكثر من شهرين فى اجتماعات شبه اسبوعية ( على الرقم من المشاغل والمسئوليات فى هذه المدينة الصاخبة السريعة الايقاع) . وتمكنا بحمد الله وتوفيقة من لم الشمل وأنخرط كل الأخوة فى العمل داخل اللجنة التنفيذية وتصافينا فى مشهد رائع قل ما يوجد عند أى امة غيرنا ، وتم الاعتذار والقبول وتجاوزنا تلك المرحلة وانطلقت الرابطة بمجهودات جميع الاعضاء وتمت انجازات لا داعى لسردها الآن . وحقيقةً يا أخى اسامة وعمرى فى نيويورك يقارب ال 25 سنة لم أرى بوتقة تشمل مختلف السودانيين بقبائلهم ومناطقهم مثل بوتقة هذه اللجنة الحالية . وأيضاً لم أحظى فى طيلة الفترة الفائتة بأن رأيت انجازات مثل ما تم فى هذه الدورة وأبشرك الجايات كتار ، بس أبقى لى قدام كما عهدناك وكبر جيبك وتعال.

ولم تكن تلك هى العقبة الوحيدة التى تغلبنا عليها بالجهد والمصابرة ولكن أتت بعدها مطبات ومصاعب ولكن رغبة الجميع فى العمل أوصلتنا لما نحن فيه الآن من افراح متتالية ، فقد أصبحت الاحتفالات بالأعياد سنة ينتظرها صقارنا قبل الكبار وتوالت الندوات وتلتها الحفلات ومدارس الأطفال التى تنتظر المعلمين والمربين أمثالك لوضع بصماتهم عليها حتى تقوى ويشتد عودها . وبالأمس القريب جاءنى أخ يمنى طالباً الحاق ولديه بمدرسة الرابطة السودانية بنيويورك . أرجو الا تظن بأننى ارسم صورة وردية لا وجود لها وأنت تعلم بأننى قل أن اجامل أو أتملق (لا افتخار والحمدلله) لكنها الحقيقة أخى أسامة التى تستدعى منى ومنك ومن كل غيور بذل المزيد من الجهد فى صمت حتى نتمكن من ايجاد صورة مشرفة يتشبث بها أطفالنا وتكون الواحة التى تضمهم وتجعلهم يمرحون أمام أعيننا كسودانيين أولاً وأخيراً ولا غير.
عذرى للجميع على الاطاله ويالمنصور اذا أخطأت ثانيةً فى حقك فعذرى أننى برلوم – مودتى مع شوية بليله
Post: #92
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Elwaleed M. Ahmed
Date: 09-16-2009, 03:48 PM
Parent: #91

Quote: رمضان كريم
الاخ عبدالرحيم منصور والاخوة اعضاء الجالية بنيويورك لكم جزاكم الله كل خير كان افطار رائع


الوليد محمداحمد-المحامي-بروكلن-نيويورك
Post: #94
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: سيف الدولة كامل
Date: 09-18-2009, 04:09 AM
Parent: #92

مرحب بالمناضل اسامة خلف الله
Post: #97
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-18-2009, 05:06 AM
Parent: #94



الأخ: علي الكرار

سلامات، و كل سنة و أنت طيب، و ربنا يجعلنا من عتقاء هذا الشهر المبارك.
Quote:
الاخ عبد الرحيم
ومجموعة نيويورك
تقبل الله طاعاتكم
يظل الاسلام عظيما وهو يجمعكم بكل هذه الروعة والجمال
ويظل سوداننا شامخا وأنتم تمثلونه في تلك الاصقاع


أوجزت و أوفيت

علي الكرار - اسم على مسمى

*
**
Post: #102
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: صديق الموج
Date: 09-18-2009, 06:24 AM
Parent: #97





الغريبه قالوا فى امريكا دقيق العصيده العفينه دى بالدولار
والله هملتك يا الدولار..لوووووووووول،،،
Post: #103
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: عادل نجيلة
Date: 09-18-2009, 07:40 AM
Parent: #97



الأعزاء أعضاء الرابطة السودانية بنيويورك

أحيكم من على البعد من ولاية أريزونا في داركم العامرة بالناس و بالأنشطة والتي و بفضلكم أكتسبت شهرة واسعة على نطاق أميركا وبالسمعة الحسنة التي تتمتعون بها .. ولقد إستضافتنا داركم العامرة في الإجتماع التأسيسي لساسل .
وحقيقة شدني الحوار الموضوعي بين تساؤلات الأعزاء دينق و أسامة في معرض ماحدث في إحد إجتماعات الجمعية العمومية.. وأعجبني رد الأخ حسن حماد وسرده لمحاولات لم الشمل و تجميع المختلفين معهم.. وقارنت هذه المحاولات الجادة والمخلصة لرأب التصدع في العمل العام بما يجري في ولاية أريزونا المنكوبة والتي أصبح العمل العام فيها يستهدف الأشخاص ليدمرهم لا ليصلح من شأن العمل العام .. وفي الختام أحييكم مرة أخرى و أحيي جمعكم,
Post: #105
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: أسامة خلف الله مصطفى
Date: 09-18-2009, 11:24 AM
Parent: #97

أخى وشقيقى محمد يس

لك العتبى......
Post: #98
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: صديق الموج
Date: 09-18-2009, 05:07 AM
Parent: #94





والمع اشرف ده صديقى خالد البيلى وقطع شك الاكل المجهبز ده خالد له فيه يد
التحية لخالد البيلى وعلى فكرة خالد ده ابن خالتى حسنه محمد عبد الرحيم
يعنى ابن عمة هاشم بدر الدين لزم،،،
Post: #104
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-18-2009, 11:22 AM
Parent: #98




مواصلة للافطارات الجماعية بمدينة نيويورك، دعا السيد: بكرى عبدالمعطى رئيس فريق نيويورك لكرة القدم و الناشط الاجتماعي الجالية لفطور رمضان و كان في مقدمة ركب المدعوين و الحاضرين سعادة سفير السودان بالأمم المتحدة د. عبدالمحمود عبدالحليم، الذي عاد من توه من ارض الحبايب السودان، و أبت نفسه إلا ان يشارك الجالية هذه المناسبة الطيبة.

و كان للرابطة السودانية الأمريكية بنيويورك حضور جميل و رائع كالعادة بقيادة ربان الجالية السودانية بنيويورك السيد: حسن عيسى التجانى و أيضا حضر الإفطار عدد كبير من رجالات العمل العام الاجتماعي منها و السياسي.

المأدبة تحدثت عن كرم فياض و كفى











































*
**
Post: #106
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: أسامة خلف الله مصطفى
Date: 09-18-2009, 12:10 PM
Parent: #104

أخى الغالى حسن حماد

لك كل التحايا والأخاء

إسلوبك فى الحديث يوضح أنك إضافة نوعية لهذا الرابطة التى عجز بعض أعضائها على فهم أن الإمور العامة لا تعالج كالإمور العائلية بالتستر والإحساس بالمرارة من نقد الناقدين وتحويل ذلك لعداوات شخصية....

للاسف بعضنا ما زال عاجزا على هضم فضيلة النظام الديمقراطى هنا وهى الحوار وأن النقد العام ليس رذيلة....


أثمن الجهود التى قامت بها اللجنة فى رأب الصدع وأتسأل لماذا لا تُملك الحقائق للاعضاء ونشرها فى وسائل الإعلام المتاحه؟؟ فماشاء الله الرابطة ليست ناقصة إعلام ولا دين...

ما الذى تم إتخاذه من إجراءت بحق العضو محمد عبد العزيز الذى عاث فساد ذلك اليوم وخرب إنجازا عملنا عليه ولمدة أربعة شهور؟؟؟؟




ثم أن التصافى والمصافحة لا بد أن تتبعها حوارات ثقافية لمناقشة المشكلة من جذورها وزوايا اخرى.....

فالذين يبذلون الجهد فى تصافى الأخوان على المستوى الشخصى لماذا لا يخرجون بالمشكلة من دائرة الخاص وذلك بفتح المنبر الثقافى للحوار المفتوح.....

أهل تنكر أخى أن الندوات التى تتحدث عنها أنت حورب فيها الرأى الأخر من داخل اللجنة وصنف بعض الناس على حسب أهواء بعض أعضاء اللجنة الى مغضوب عليهم ومرضى عنهم وظهر ذلك فى إختيار المتحدثين أنفسهم....

حتى فرص النقاش العابرة للمغضوب عليهم قوبلت بالمقاطعة المتعمدة والهرج المقصود....

لا أدرى إن كان بعض أعضاء الله يفهمون أن الحرية الإنسانية هى هبه ربانية لن يستطيع أحد منهم نزعها تحت مسميات الوطنية وإطلاق المسميات ك : ديل ناس مشاكل".....


Quote: وتم الاجتماع الأول وكان بحضور كل الاخوة المنتخبين بما فيهم أخوتى من دارفور وتم تشكيل اللجنة التنفيذية التى أرجو أن تتطلع على أسماء مكاتبها


دعنى أختلف معك مرة أخرى أخى حسن فى مصطلح " الأعضاء المنتخبون" لان الجمعية العمومية لم تكتمل بعد أن سمحت المنصة للتهريج وبعض دعاة العنصرية من العبث بمقدساتنا وهو إنتخاب لجنة تنفيذية حرة قوام أعضائها العظاء وخدمة ألوان الطيف السودانية هنا من غير تمييز عرقى أو دينى....

كنت أتمنى أن تسمى اللجنة الحالية نفسها بأى مسمى غير اللجنة التنفيذية ( بفترض تكوينها نهاية عملية الإقتراع) حتى لا نقع فى حرج عدم المصداقية ........

ثأنيا ترضية أبناء دارفور لا يتم بصفقات من لا يملك فاللجنة ليست من حقها إعطاء مناصب لاحد لانها لم تكتسب شرعيتها وأن هذا الإسلوب هو إسلوب متبع فى سياسات النظام الحالى أثبت فشله الذريع......

قم باصلاح ذات البين كما شئت ولك أجرها ولكن لا تساوم بما ليس لك....
وإننى هنا أسأل بعض أبناء دارفور الذين دخلوا هذا اللجنة عن قبولهم بهذا المساومات ؟؟؟ والصفقات الهشة التى تفقد الإنسان قدره وكرامته؟؟؟؟
فالشرعية شرعية إنتخابات وليس صفقات غرف مغلقة...

وفى حديثى هذا لا أريد أن أنتقص من قدر أعضاء اللجنة الحالية من عمل دوؤب وإنجازات ولكن تبقى الحقائق غير قابلة للمجاملات والتحريف......

أتمنى لك صوما مقبولا وعيدا سعيدا، والسلام
Post: #111
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-19-2009, 10:07 AM
Parent: #98



الاستاذ: صديق الموج

سلامات، و كل سنة و أنت طيب

Quote:
والمع اشرف ده صديقى خالد البيلى وقطع شك الاكل المجهبز ده خالد له فيه يد
التحية لخالد البيلى وعلى فكرة خالد ده ابن خالتى حسنه محمد عبد الرحيم

معنا هنا في نيويورك مجموعة طيبة جدا من أسرة البيلى، خالد، كمال، و الفاتح و آخرين لا اعرفهم، لكن هذه المجموعة من خيار الناس، يقطنون حي كونى ايلاند ببروكلين، و دائما من المشاركين و الحاضرين للنشاطات الاجتماعية و الثقافية للرابطة السودانية الأمريكية.

*
**
Post: #110
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-18-2009, 10:57 PM
Parent: #91




الاخ الفاضل: حسن حماد

سلامات

Quote:
أولاً أود الاستئذان من صاحب البوست على الرد على بعض التساؤلات التى اوردتها فى مداخلتك

إذنك معاك، و أهلا و مرحب بكم في كل الأوقات

الاستئذان و الاستئناس أدب رفيع و راقي يدل علي حياء صاحبه و شهامته و تربيته و أخلاقه

"يَا أَيُّهَا الَّذِينَ آمَنُوا لَا تَدْخُلُوا بُيُوتاً غَيْرَ بُيُوتِكُمْ حَتَّى تَسْتَأْنِسُوا وَتُسَلِّمُوا عَلَى أَهْلِهَ"

انها اخلاق الرجال - تشبه بالرجال ان لم تكن منهم ان التشبه بهم فلاح

*
**
Post: #107
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: حسن حماد محمد
Date: 09-18-2009, 06:39 PM
Parent: #1

الأخ المنصور

نحن والاطفال فى انتظار اليوم المفتوح أول أيام عيد الفطر على
الافينو 18 مع شارع ال 86
وهناك أيضاً مسابقات للكبار - اعمل حسابك وتعال مذاكر دروسك كويس
القاعة يا صاحبى محجوزة كل اليوم - والدعوة عامة

وبالامس كان افطار الأخ بكرى روعة وتجمع طيب نرجو أن يجعله الله فى ميزان حسناته
الأخ بكرى كان وما زال يعمل على لم الشمل وربط أبناء الجالية ببعضهم
طلب بسيط يالمنصور - شوية كدة من صور فطور امبارح - فقط للذكرى

بعدين ياخى عايزين بوست خاص للعيد

مودتى للجميع
Post: #108
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: معتصم احمد صالح
Date: 09-18-2009, 09:30 PM
Parent: #1

Quote:


الماموجودين اولاد عمك وفي نيويورك قلة,, ورابطة ابناء دارفور


مقاطعين,,, يعني انتو بس الهامش ,, بقيت زي جلابة ,,,,,,,

هل كان الحضور بالروابط ؟ ام بالاحياء؟ ام ان الحضور فردي!
لا اعتقد ان هنالك اجماع وسط ابناء دارفور لمقاطعة الافطار واعتقد ان عددا معتبرا منهم كانوا حضورا من خلال ما شاهدناهامن صور ..
مثلهم مثل اولاد المحس واولاد النوبة واولاد ام درمان واولاد العباسية وغيرهم..
يقيني ان الدعوة لم تكن لتوجه وفقا للتجمعات الاثنية او للروابط.. ولا اعتقد ان الاخ سيف جانبه التوفيق بمقولة ان رابطة ابناء دارفور مقاطعين..
يذكر ان هنالك افطارا رمضانيااخر وجهت دعوته لغالبهم وقبل ان تعلن الرابطة السودانية افطارها..
وارجو ان لا توضع علاقة الرابطة السودانية باعضائها على اساس جهوي بحيث يميز بعضهم على انهم ابناء حلايب والاخرين اعضاء الرابطة.. فمثلا لم ار حضورا مميزا للاخوة المحس ومع ذلك لم يجرو احد ان يقول ان المحس مقاطعين رغم انهم ياتوا في المرتبة الثانية ان تكن الاولى وسط اعداد السودانيين بنيويورك..
هذا لا يدحض مشروعية تساؤل الاخ دينق..فالحقيقة ان الرابطة السودانية الامريكية لم يكن من بين اعضائها على مستوى الجمعية العمومية او اللجنة التنفيذية اي شخص من جنوب السودان او جبال النوبة .. كما ان ما اورده الاخ اسامة الله خلف من حيثيات صاحبت انعقاد الجمعيةالعمومية ما ادت الي الغاء الاجتماع فهي صحيحة.. وهي نفسها الاسباب التي ادت الي تكوين لجنة تنفيذية من كل الذين تم ترشيحهم للجنة والذين بلغ عددهم 23 شخص معالجة لفشل اكتمال الجمعية العمومية.. ولما كان العلاج بالبنج او التخدير الموضعي لم تستطع اللجنة تفادي الالم المصاحب بعد انتهاء التخدير فتعثرت عملها بشكل او بآخر ..ومن بين الاعضاء ال 23 (دستورا 11 عضو) من لم يتسن لنا حتى التعرف لهم لعدم حضورهم ربما لاي اجتماع ..
اما الحقيقة الاخرى فان الرابطة تدير مدرسة للنشئ السوداني لتعليم اللغة العربية والتربية الاسلامية.. بدار الرابطة الذي ظل ابوابه مفتوحة بمجهود مالي مقدر من اعضاء اللجنة التنفيذية وبفضل كرم رئيسها الاستاذ حسن عيسى التيجاني .. وهناك بعض الانشطة الثقافية التي نظمت بدار الرابطة او بخارجها اما مجهودات عبدالرحيم منصور فلا يحتاج الي تعليق..
Post: #109
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: معتصم احمد صالح
Date: 09-18-2009, 10:37 PM
Parent: #108

Quote: وإننى هنا أسأل بعض أبناء دارفور الذين دخلوا هذا اللجنة عن قبولهم بهذا المساومات ؟؟؟ والصفقات الهشة التى تفقد الإنسان قدره وكرامته؟؟؟؟
فالشرعية شرعية إنتخابات وليس صفقات غرف مغلقة...

الاخ اسامة سلام..
يذكر ان هنالك حوارا دار بعد الحيثيات التي صاحبت انعقاد الجمعية العمومية .. حيث انعقد اجتماع مشترك مع اللجنة الاستشارية وبعد نقاش مستفيض خلص المجتمعون على معاقبة محمد عبدالعزيز وعبدالله الشريف بحرمانهم من دخول اللجنة التنفيذية وتجميد عضويتهم مع تقديم اعتذار واضح وصريح عما بدر منهما من سلوك في اجتماع الجمعية العمومية.. كما طالبنا باعادة انعقاد الجمعية العمومية ولكن هذا الخيار رفض بحجة ان الجوء غير مناسب لهذا الاجراء في الوقت الراهن. واما الخيار الاخر فكان بتكوين لجنة تنفيذية عمرها سنة يتم بعدها الدعوة لجمعية عمومية جديدة.. على ان يكون ذلك من الذين حصلوا على اعلى الاصوات
في اجتماع الجمعية العمومية المنفض ..واتفق الجميع على اجتماع اخر .. في هذا الاجتماع فوجئ الجميع بحضور كل الذين تم ترشحيهم للجنة التنفيذية.. وقررت اللجنة الاستشارية ان تكون اللجنة من كل هؤلاء على ان يعتذر محمد عبدالعزيز فقط .. كنا على علم ان عمل كهذا لا يمكن ان يكتب له النجاح.. ولاحظنا امرا واحدا وهو ان اللجنة وكذلك الحضور يريدون شيئا واحدا الا وهو تكوين اللجنة فحسب لا غير .. ورأينا ايضا الا نكون مبررا للبعض ان المسالة معلقة بايدينا فشلا او نجاحا.. اشترطنا بعئدئذ ان يعتذر محمد عبدالعزيز بجانب ما اتفق عليها من عقوبة كشرط الموافقة لاي خطوة لاحقة.. وقاطعنا كافة الاجتماعات الي ان حضر محمد عبدالعزيز وتقدم باعتذار لما بدر منه من تصرف.. اما عبدالله الشريف فاعتبر ان تصرفه مع شخص محدد وتقدم هو الاخر باعتذاره لذلك الشخص.. وانتهى المأتم بإنتهاء مراسم الدفن.. واختفى اعضاء البرلمان منذئذ وبعدهم الي الأبد..
اما الآن وقد مضى عام على هذه اللجنة التي استمدت شرعيتها من اللجنة الاستشارية فحسب.. يجب الدعوة لجمعية عمومية جديدة تنتخب لجنة تنفيذية مستمدة شرعيتها من الجمعية العمومية وقوة الدستور..
هذا فيما يتعلق من تسوية للاشكالات التي التي صاحبت الجمعية العمومية.. ولم يكن هنالك اي صفقات او مساوامات ولكنا حرصنا على علاقة غير متوترة على المستوى الاجتماعي وسط الجالية السودانية قدر ما امكن وتفويت الفرصة للمتربصين لتخديش هذه العلاقة..
مودتي
Post: #112
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-19-2009, 10:29 AM
Parent: #109




الأخ العزيز: عادل نجيلة - ملامح

سلامات، وكل سنة و انتم طيبين و ان شاء الله السنة الجاية كما ترضوا و تبغوا
Quote:
أحيكم من على البعد من ولاية أريزونا في داركم العامرة بالناس و بالأنشطة والتي و بفضلكم أكتسبت شهرة واسعة على نطاق أميركا وبالسمعة الحسنة التي تتمتعون بها .. ولقد إستضافتنا داركم العامرة في الإجتماع التأسيسي لساسل.

شكرا أستاذي: عادل، و نحن سعدنا باستضافتكم في الاجتماع التأسيسي لاتحاد ساسل، و ها نحن نرى اتحاد عملاق أنجز العديد من الدورات الناجحة، و قد كنت شاهد عيان في دورة د. محمد عبدالرحيم، بولاية فرجينا خلال عطله عيد الاستقلال التي كانت قمة في الإعداد و التنظيم.

Quote:
وحقيقة شدني الحوار الموضوعي بين تساؤلات الأعزاء دينق و أسامة في معرض ماحدث في إحد إجتماعات الجمعية العمومية.. وأعجبني رد الأخ حسن حماد وسرده لمحاولات لم الشمل و تجميع المختلفين معهم.. وقارنت هذه المحاولات الجادة والمخلصة لرأب التصدع في العمل العام بما يجري في ولاية أريزونا المنكوبة والتي أصبح العمل العام فيها يستهدف الأشخاص ليدمرهم لا ليصلح من شأن العمل العام

إن العمل العام للجالية السودانية في بلاد الغربة كالدواء للمريض، لا يريد ان يتعاطها و لكن لابد منه، فالعمل الجماعي سنة كونية و ضرورة حتمية.
و لا يوجد عمل بلا اخطأ او إخفاقات او نقص، و لكن ان يكون ديدن البعض هو البحث عن الأخطاء و الزلات و إشعال نار الفتنه التي لعن الله من أيقظها، و ان يهيج النعرات القبلية و العنصرية النتنة، التي امرنا ان ندعها، فهذا هو المرفوض و هذا هو المرض الذي لا شفاء منه.

وقد مرت الرابطة بظروف مخاض قاسية و صعبة قله هم الذين آمنوا بها و تدافعوا لها، و قدموا الوقت و المال لتسير العمل و قبلوا التحدي مع التاريخ، و قد نجحوا في خلق كيان قوى و شامل يشار له بالبنان يحتوى الجميع الصغار قبل الكبار، و المرأة قبل الرجال.

التحية لهم فقد نالوا الأجرين اجر الاجتهاد و الإصابة.

*
**
Post: #113
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-20-2009, 05:20 AM
Parent: #108




الاخ: معتصم أحمد

سلامات،
ربنا يتقبل الصيام و القيام،
و كل سنة و انتم طيبين.

شكرا على الكتابة و التوضيح الذي كان شافي و كافي للتساولات العنصرية التي يطرحها البعض و لست أدرى لماذا؟

ربنا يكتب السلامة، و نشوفكم غدا ان شاء الله

*
**
Post: #114
Title: Re: الإفطار الجماعي للرابطة السودانية بنيويورك، حضور ضخم، أكل تمام ، بورداب كميات - صور بالكوم
Author: Abdelrahim Mansour
Date: 09-20-2009, 05:45 AM
Parent: #113
































*
**