ماهى الكلمات التى تؤلمك ... ولاتحب ان تسمعها او تقرأها ولو بالصدفه ...!!!

لفتت نظرى كلمه موجعة جدا جدا فى هذه اللحظه جعلتى انفس لهيب الالم والاسف ولايسعنى الا ان اتضامن مع كاتبها

لكن سأتريث قليلا ثم افصح عن الكلمه ....بعد ان اعرف من البعض نوعية الكلمات التى تؤلم

حتى نتجنب تسديدها فى مقتل للعلاقات الراقيه التى تجمعنا هاهنا

....

احترامى

مرحباً ملهم ؛

عموماً لا أحب قراءة أ وسماع الكلمات البذيئة أو المقرفة

( كوز )


ملهم صباحك زين .

Quote: مرحباً ملهم ؛ عموماً لا أحب قراءة أ وسماع الكلمات البذيئة أو المقرفة

مرحبتين ياهانى
...
العتمه اللامنطقيه التى تصيب عقول بعضنا
تسوقهم الى مرحلة اللاوعى اللفظى ...
والافلاس الفكرى هو
رصيف التفلت اللغوى العجيب
الذى يصدر من اناس يصدمك مايرتكبونه فى حق انفسهم
.....
الالم يأتى بعد العجز عن التعبير او المسانده أوانقاذ مايمكن انقاذه ...ألخ
مثلا
هناك كلمات جارحه يعاير بها الناس بعضهم
ولو فكروا فيها لقادهم تفكيرهم الى سذاجة مايرتكبونه من اذى ربما يرتد الى صدورهم
ولو بعد حين

احترامى

سلامات اخ ملهم وضيوفك الكرام

الكلمات والايماءات التي تدل علي العنصرية و التعالي على الناس.

كلكم لادم و ادم من تراب

صباحاتك الجايات كلهن يامني يكونن زين
ممهورات بي عطور باريسيه
ودعواتي ربي يكفيك شر الشين

طبعا عرفتي و.قلتي من قلبك. الكويز داكا ياهو الشين

قوم لف





عبارة مؤلمة جداً ما بحب أقراها
التهكم بديك إحساس العجز عن النقاش

أي كلمة تدل علي الكراهية .

الله لا يجيب ما يؤلم.
..
التحايا العطرة يا ملك .
منور و ضيوفك .

علي عبد الله كيفك ياوجيه

إلا العنصريه والتعالي والعجرفه
ديل نحنا كلنا سلاح ضد ممارسيها
ومافي عندنا ليهم غير الاسلحه الفعاله ياصاحب
الفضح
التجاهل الاجتماعي
ونقل المعركه لدواخل مثيريها
فالممارسات القبيحه من قول وفعل كالسرطان
أن لم تبترها ثم تطهرها بالعلاج الاشعاعي الكيميائي لن تنجو أو نسلم منها
مودتي الفائقه

أن تؤصف بأنك زول عادي

محمد أحمد عمر كيف حالك ياوجيه
زمااااااااان
كانت بتتقال لردعنا عندما نتجاوز حدودنا وكانت كامله وواضحة المعالم كانت بتتقال من الاقربين أو ناس الحله وصيغتها

قوم لف لفاااااك قطر

أما الآن فهي تقال أما لزجر متطاول اسفيري أو استخفافا
والاخيره هي المؤلمه لما فيها من تحقير وتعالى وعجرفه


وافر إحترامي

صاحبة السمو
.....
أي كلمة تدل علي الكراهية .
...
تقصدين ياسيدتى اى كلمه تدل على الكراهيه التى لا سبب ظاهر من ورائها
نعم
تلك الكراهيه مربكه ومهينه ومرفوضه
....
ما كراهيه المغتصبين واللصوص الكذابين وكل اصحاب الموبقات المنفره بكافة انواعها
فأعتقد ان ذلك لابأس به
لكن
عندما ينال الجناة عقابهم البعض يسامح والاكثر تشددا يستمر فى كراهيته لكل سلوك معيب

موده...واطمئنان
اخبار رجلك شنوياصاحبة السمو ؟؟؟

الوحيه ابو بكر عباس

تعرف زول عادى وزول ساى .... يعنى زول طقوش وكده ...

وياخى
كل زول بشوف نفسو فوق الناس هو زول ساى وزول عادى وزول طقووووش
...
لأنو كل واحد ليهو مواصفات وملكات معينه حباها به رب العباد
فما ممكن اجى طوالى من غير عشره اخويه صادقه او معرفه عن قرب اكيل ليهو الاهانات
...
فالذى يرى الناس صغاراً لايراه الناس بالمره

احترامى ياحبيب