عجيب الورد ... شعر

عجيب الورد
ــــــــــــــــــــــــــــــــــــــــــــــــــــــــــــــــــــــــــــــــــــــــ
...
عجيب الورد
ما بِحَمَل
صدى العِطِر
البِجِيبُو .. الغير
ولا فِ الأرض
ما بغنّي الفراش والطير
من الحب
والرحيق
والشوق
غير الورد
... ...
عجيب الورد يا تيسير
برانا
بِنِنَتخِب عيدو
ولا فينا البِيخلا الورد
من إيدو
ولا يكفينا
ما قلناهو
عنّو كتير
ماخد فينا
رمز الحُب
نشمُّو
ونشتريو
نهديهو …
للزول القريب للقلب
ونرسم بيهو
روح البيت .
من الوردِ أنواع
وإبتكار وعطور
منو أظن:
صباح الخير
ومنو..
الياسمين
والفل
ومِّنو :
رموز سلام الطين
وتعبير القلوب
العاشقه والعاشقين
الورده ألوان
ونصفِ إنسان
سكه للمرح القديم
وُرِّقه فى الدم الخفيف
يسلم الورد الكبير
فى اصايص
ما بتشيلو
لونو
فى الطير
ابتسامه
وعمرو فى الارض
السلامه
ويسلم الورد الامير

يسلم صاحب الحرف الورد

تسلم يا شاعر جميل

محمد ود الفاضلابي
فعلا عجيب الورد
وفعلا منظر الورد وريحة الورد وكل شئ في الورد
ليه فعل عجيب في نفس الانسان ويغير مزاج الانسان
الى مزاج جميل واحساس غريب بالتفاؤل
كلامك سمح بالحيل في وصف الورد
وجعل الله ايامك كلها ورود وزهور
..بس ما قلت لينا انت ما ود اخو عبد العزيز الفاضلابي؟؟
والله يديك الصحة والعافية