اللاعب البرازيلى كروز ...صاروخ الهلال القادم ..فيديو

سلام عبدالمنعم


الصاروخ دا قادم متين؟؟؟؟

اخونا الجميل عبدالمنعم

لك و للاسرة الكريمة التحايا

غايتو منتظرين يصدق الحدث دا و نشوف الصاروخ دا يجرى فى القلعة الزرقاء

و يا حراس المرمى شيلو شيلتكم كان الزول دا وصل

لا اعتقد ان هناك لاعب برازيلى جيد ياتى الى السودان
ببساطة سيكون على شاكلة روبيرو وكواريزما والعجوز اتلذى رحل قبل ايام
فى موضوع الاحتراف اداراتنا تبيع الوهم للجمهور فلا علمية ولا منهجية ولا دراسة ولا متابعة للامر
هوجة ودوشة تسجيلات ومهرجان مانشيتات واهازيج جمهور غلبان امام اتحاد الكرة ..
راقبو مواهب افريقيا الصغار وتابعوا الدوريات ولن يكلفكم الامر سوى قليل دولارات لاحضار افضل المحترفين الافارقة

تحياتى عبد المنعم

Quote: سلام عبدالمنعم الصاروخ دا قادم متين؟؟؟؟

هاشم حبابك الف
الصاروخ القادم ...يعنى انه فى الطريق اليكم هههههه
لكن متين اللهم يعلم
اخر حاجة سمعناها ..انو حايوقع فى البرازيل
ههههه
غايتو يا المريخاب..لاعب زى ده
مابتدوروا جيتو للهلال اصلكم.
جايكم جايكم..ههههه.

Quote: اخونا الجميل عبدالمنعم لك و للاسرة الكريمة التحايا غايتو منتظرين يصدق الحدث دا و نشوف الصاروخ دا يجرى فى القلعة الزرقاء و يا حراس المرمى شيلو شيلتكم كان الزول دا وصل

حيدر بشير كيفك ياهندسة
نحن بخير ..فقط داهمنا الجليد ...الرهيب
فقد سماهو الروس الجنرال
هذا اللاعب ذو الامكانيات الرهيبة
اذا انضم للازرق ...فسيحلق عاليا
كعادته فى سماء القارة السمراء
اصحابنا ..لو لقو طريقة لسافرو
للبرازيل ...لافشال الصفقة ...ههههه
غايتو لو اتسجل ..قول للحراس جيبو من جوه
لك التحية وللاسرة الكريمة

لك التحية هشام عباس
حتى ذلك الحين ..سيظل الحال كما هو
حركة تنقلات اللاعبين ..صارت سوق عالمية
كما البورصة ..حتى اللعيبة ..صارت لهم اسعار معروفة
الامكانيات المالية لانديتنا ..تسمح لها بالحركة المحدودة
وسط هذا الطوفان المالى.
حتى المواهب الشابة لا نستطيع ان ننافس بالظفر بها
تلتقطهم الاكاديميات التى تتبع للفرق ذات
الدخل المليارى
اما عن هذا اللاعب الذى ينشط الان
فى الدورى البرازيلى ..اذا استطاع
الهلال تسجيله ..سيفيده كثيرا ..فى مقبل الايام
لك التحية لمشاركتك الانيقة.

لاعب الهلال البوركينى

عزيزى عبد المنعم
سلام

يوتيوب اللاعب البرازيلى دا ليه مرفوع لليوتيوب فقط الأن، من سودانى
أى لاعب بسوق نفسه هو ووكيله بيكونوا رافعين فيدوهاتو بإنفسهم
وتواريخ رفعها بتظهر ... أخشى ألا يكون لتغطية هذه التواريخ
فتتكرر إفلام كبار السن .. البرازيليان كوارزما .. وسيرجيو!

Quote: أعطى الإتحاد السوداني لكرة القدم الضوء الأخضر لنادي الهلال لبداية إجراءات التعاقد مع البرازيلي ماغنو داكروز وإرسال تفاصيل العقد لسفارة السودان بالبرازيل وذلك لتوقيع اللاعب أمام السفير عبدالغني النعيم عوض الكريم سفير السودان لدى البرازيل في أو قبل الثلاثين من نوفمبر الجاري ووافق أمين خزانة الإتحاد السيد أسامة عطا المنان على الطلب الذي تقدم به الهلال عبر أمينه العام عماد الطيب للموافقة على هذه الخطوة حتى يتسنى للنادي إكمال التعاقد مع اللاعب البرازيلي الذي تعذر وصوله للسودان قبل نهاية فترة الإنتقالات وتفيد متابعات الصحيفة بأن نادي الهلال سوف يكمل إجراءات التعاقد مع اللاعب عبر السفير الذي سيتكفل بعد ذلك بإرسال المعلومات لاتحاد كرة القدم السوداني ومن بعدها سيقوم نادي الهلال بإدخال البيانات في (السيستم ) ويحولها للإتحاد لطلب شهادة النقل الدولية .. الجدير بالذكر ان اللاعب الذي كان من المفترض أن يصل الخرطوم نهار الأمس إعتذر عن الحضور بسبب اشتراط ناديه لأداء مباراة حاسمة في التاسع والعشرين من الشهر الجاري مما أجبر اللاعب على البقاء في البرازيل رغم استلامه للتذاكر وتأشيرة الدخول للسودان .

لك التحية العزيز نادر
اعتقد ولست جازما ..بان هذا الفيديو
لهو اجتهاد من محبى الازرق...
خبر صحيفة قوون اعلاه ..يؤكد انه
لاعب رقم ومهم فى فريقه البرازيلى..
يبقى فقط الا تنهار الصفقة..
لاعب واضح انه سياتى فى كامل لياقته
ونتمنى ان يكون اضافة حقيقية للبلوز
كما نخشى الا يوفق كما حدث
للعديد من المحترفين الذىن
انضموا للاحمر والازرق.
لك التحية ..لحضورك الانيق دائما.

ثلاثى الهلال الجديد...
الازرق يتزين بالنجوم ..المتلألئة.

Quote: **اها الوالى بتين حايغريهو للإنتقال ؟؟؟**

ابو محمد ...كيف حالك
شايف الكاردينال ...قاليهم ماجايبكم
للدورى المحلى ..جايبكم للبطولة الافريقية
اها بعد داك ...حلال على الوالى ....هههههههه.

Magno Alves de Araújo (Aporá, Bahia, Brazil, 13 January 1976) is a Brazilian football player who is currently playing for Ceará.[1]

عبد المنعم مبروك عليكم ابو 38 سنة ده ...
هاكم الطرماج ده هو فى لاعب برازيلى عليه القيمة يلعب فى السودان؟

Quote: Magno Alves de Araújo (Aporá, Bahia, Brazil, 13 January 1976) is a Brazilian football player who is currently playing for Ceará.[1] عبد المنعم مبروك عليكم ابو 38 سنة ده ... هاكم الطرماج ده هو فى لاعب برازيلى عليه القيمة يلعب فى السودان؟

قالوا اوكرا دة لعاب لكن حسب التقارير الطبية فانه مصاب بقطع جزئي في الرباط الصليبي

واصابة بسيطة في الغضروف الهلالي ،،،ويمكن علاجه حسب نوع العلاج سواء طبيعي او عملية جراحية ،،،،

يعني كلها تلاتة شهور ويرجع
كوورة سودانية
............
ود الموج ...كيفنك
اللاعب الاسمو الفيس دا ماتبعنا
التبعنا ...اسمو ...كروووووز ..هههههه
بقيتو تهضربو من اسه
الوالى ...سجليكم واحد ملجن مرة واحدة
انتو الكشف الاولانى ...ماوراكم تلجينتو
تانى ...لفيتو سجلتوهو
ههههههه
انت عارف 3 شهور ويرجع دى معناتو
المريخ يبدى من التمهيدى ..ويطير
من 32
والدورة الاولى ...تنتهى ...بحصلكم
الدورة التانية ...تلعبوهو ضدنا 10 دقايق
تحللوا قروشكم وتشطبوهو
...
والله الواحد حزين ..لما يحدث
فى الهلال والمريخ
فى وجود كمية السماسرة ديل
بطلوا الكبكبة دى
كروز ده زاتو ..يمكن الصفقة تفشل
ههههههه

الجميل ..لؤى
اتانا بالخبر اليقين
تسلم ياولدنا...دعواتك معانا
وخلينا نشوف ..الغزال ده ..فى
استاد الهلال ...
خلى الجماهير الوفية دى
تستمتع بالتابلوهات البرازيلية
كروز سيتوشح بالازرق قريبا