فديو جديد انتشر بعد فديو سعد .. وصلنا لمرحلة المجاهرة !!!

أما آن لنا أن نوقف هذا المشروع الحضاري
هذا المشروع الذي افسد البلاد والعباد


فديو جديد مثير يعبر سماوات الواتس وعم الكرة الارضية
لسوداني وسودانية وفي الحوش على طريقة من كان قبلهم
وهم يمارسون الرذيلة في ابشع صورها.
وثالثة تصور المشهد وهي تضحك .
مقطع يندي له الجبين ، ويشيب له الولدان، ويصيبك بالدهشة أن وصل حال السودان لهذا الحد المتردي.

صراحة الموضوع زاد عن حده
لا ادرى هل هو مرض نفسى غرضه التباهى بتصوير مثل هذه الاشياء
ام ان الامر سذاجة وبلاهة فى التعامل مع الاجهزة الحديثة فتتسرب مثل هذه الاشياء الى العلن
انا ما قادر افهم اصلا يعنى حتى لو فرضنا انى ابتليت بهذه الممارسات ياخى ما امارس وخلاص التصوير لزومو شنو ؟؟
وكيف تضع الفتاة نفسها موضع ابتزاز وتشهير وهى تسمح للاخر بتصويرها هكذا ؟؟
ربنا يستر

سلام وتحية اخى الهادى

اسأل الله السلامة
بالجد بقت ظاهرة خطيرة وللاسف الشديد التصوير يتم بكل برود وتلذذ
مرات قد تكون البنت ضحية لشريكها حيث يتم تصويرها دون علمها
لا عليك الا ان تكتب في البحث (اي حاجة عن الشغلة دي) وتشوف البلاوي
ليتهم يستتروا وما يعملوها ظاهرة كده
بالتأكيد الظاهرة كونية وليست مقصورة على بلدنا وحده ، لكن محاربتها واجبة
سلامات صاحب البوست

بكدا ما الفرق بيننا و بين النظام العام بتاع الانقاذ
لماذا مطاردة الناس الى بيوتهم و مخادعهم و (شنابيرهم)
هل اذا ذهبت الانقاذ سوف تستمر هذه الملاحقات العجيبة
دعوا الناس و هم احرار في الاتهم يفعلون بها ما يشاؤؤن، مادام هناك من لم يتضرر
لو كنت كوزا فسوف استغل هذا البوست و التعليقات التي اتت وليدة حسن النية لتنفيذ
مزيد من القمع و القهر و ابتزاز مشاعر الناس باسم الحفاظ على الاخلاق

من اراد ان يرى تاثير الة الانقاذ الدعائية على تفكير الناس فلينظر لهذا البوست و تعليقات القراء عليه

يا ربي يا الله تسترنا في الدُنيا والآخرة...

حقيقي أمر مُؤسف أن تصل ببعض الناس الجُرأة للمجاهرة بالمعاصي!!! نسأل الله السلامة...

Quote: صراحة الموضوع زاد عن حده لا ادرى هل هو مرض نفسى غرضه التباهى بتصوير مثل هذه الاشياء ام ان الامر سذاجة وبلاهة فى التعامل مع الاجهزة الحديثة فتتسرب مثل هذه الاشياء الى العلن انا ما قادر افهم اصلا يعنى حتى لو فرضنا انى ابتليت بهذه الممارسات ياخى ما امارس وخلاص التصوير لزومو شنو ؟؟ وكيف تضع الفتاة نفسها موضع ابتزاز وتشهير وهى تسمح للاخر بتصويرها هكذا ؟؟ ربنا يستر سلام وتحية اخى الهادى

أخونا هشام

والله المسألة بقت سفور وتحدي ...

أما قصة الابتزاز دي استبعدها خالص لأنها أقرب للتباهي والدعاية ...
حسبي الله

يا جماعة الحل تفكيك هذه الدولة الفاسدة فساد الحاكم يؤدي لفساد المجتمع

الناس على دين ملوكها ،،

لمتين ح نقعد نشتكي ونتباكا على وطن ضايع ولسه ح يضيع ...

Quote: يا ربي يا الله تسترنا في الدُنيا والآخرة... حقيقي أمر مُؤسف أن تصل ببعض الناس الجُرأة للمجاهرة بالمعاصي!!! نسأل الله السلامة...

ابو الحسين
آمين يا رب العالمين ،،، تستر ولايانا و ولايا المسلمين.

رغم أن ما خفي قد يكون أعظم، الا ما يهمنا هنا هذه الجراءة والمجاهرة حسبي الله.

وينو الفديو
كدي نشوف بعدين نقول رأينا
ما بنقدر نصدر الحكم غيابياً

ألأخ الهادى ..السلام عليكم..

أنا ما شفت الفيديو لكن أمثاله فى كثير..والناس دى يا مريضة يا تحت تأثير مخدر........حسبى الله ونعم الوكيل.

فى فيديو واحد قبيح جداً بصور فى إمرأة عريانة بتاخد فى دش فى العراء خارج السكن ..وهو متابعه وجاء صور نفسه معاها وصورته واضحة وصورته واضحة..هل هذا الشخص عاقل..ما بخاف من الفضيحة..؟؟ده شخص ما عادى عموماً...تقديرى وإحترامى للجميع.

Quote: اسأل الله السلامة بالجد بقت ظاهرة خطيرة وللاسف الشديد التصوير يتم بكل برود وتلذذ مرات قد تكون البنت ضحية لشريكها حيث يتم تصويرها دون علمها لا عليك الا ان تكتب في البحث (اي حاجة عن الشغلة دي) وتشوف البلاوي ليتهم يستتروا وما يعملوها ظاهرة كده بالتأكيد الظاهرة كونية وليست مقصورة على بلدنا وحده ، لكن محاربتها واجبة سلامات صاحب البوست

الله يخارجنا ،،، على قول ناصر القصبي ...

المهم يا جماعة لا يستقيم الظل والعود اعوج ... الانقاذ ومشروعها الحضاري هي التي اوصلت الامور الى هذا الحد ...

يجب ان يتحزم الجميع لهدم هذا الصنم المسمى الانقاذ ...

والله دفن الرؤس هذا لن يؤدي الا للمزيد من الدمار وتآكل ما تبقى من المجتمع.

آما لنا من حفتر كحفتر ليبيا ،،،

Quote: بكدا ما الفرق بيننا و بين النظام العام بتاع الانقاذ لماذا مطاردة الناس الى بيوتهم و مخادعهم و (شنابيرهم) هل اذا ذهبت الانقاذ سوف تستمر هذه الملاحقات العجيبة دعوا الناس و هم احرار في الاتهم يفعلون بها ما يشاؤؤن، مادام هناك من لم يتضرر لو كنت كوزا فسوف استغل هذا البوست و التعليقات التي اتت وليدة حسن النية لتنفيذ مزيد من القمع و القهر و ابتزاز مشاعر الناس باسم الحفاظ على الاخلاق من اراد ان يرى تاثير الة الانقاذ الدعائية على تفكير الناس فلينظر لهذا البوست و تعليقات القراء عليه

اخونا عوض سلامات ياخ

معقولة ده تعدي على الخصوصية ،، ياخ دي خصوصية شنو البتجيك في صمت واتس ابك دي ،، قلي ياخ قفل واتس ابك.

القضية ما قضية الممارسة في حد زاتها دي في كل الدنيا في وطالما هناك انسان لا بد من فساد ، ولكن ان نجاهر ونتباها بالرذيلة هذا بهذا الشكل السافر فهذا شيء لا يجب ان نسكت عليه.

وعدم سكوتنا هو ازالة اسباب وجود مثل هذه الظواهر السالبة في المجتمع ، قلنا فساد الحاكم أصاب كامل المجتمع بالفساد، واصبح الفساد مفخرة.
عندما تغلق على الناس اسباب كسب الرزق الحلال ولا يكون امامهم سوى كسب العيش ببيع الجسد والمتعة.
هنا يجب ان نتوقف كمجتمع ونقول بأعلى صوت ... كفاية.


يطاردون من يفرش الارض عشان يأكل لقمة حلال ويطردونه ليذهب ويبتكر اساليب مخالفة للقانون والاخلاق والاعراف والدين ليكسب عيشه.

زمان الطيب صالح ، عليه السلام ، سألكم :
من أين أتى هؤلاء؟؟؟
موش لأنه ما عارف الإجابة ،
لكن لأنه عارف إنه معظمكم ، زييييييه كدا
عارفين الإجابة ، لكن ماااااااااااا هاميهم
ولااااااااااااا خاصيهم!!!!
كان عايزيكم تتذكروا إنهم من أين أتوا وتحذروهم
وفي اسراعكم في اسراعكم تتخلصوا منهم،
دحين بعد ربع قرن جايين تتباكوا؟؟؟؟
كان لمن تشوفوا أي واحد منهم
أو حتى تسمعوا بي إسمه
تسألوا وتفتشوا دا أبوه منو ؟؟ أمه منو؟؟
اتربى وين؟؟
قبل ما تجروا تصفقوا ليهو ، وتسمعوا خطبه
الويل لكم ، كما قيل ، من دولة السفهاء!!!!
ومن يكون السفهاء سوى أبناء الأراذل
يلا اتباكوا كويس !!!!
قوموا لفوا !!!

Quote: وينو الفديو كدي نشوف بعدين نقول رأينا ما بنقدر نصدر الحكم غيابياً

الاخ حمزاوي

الفديو بشع لا يمكن عرضه كده في الحوش ، رغم انه مصور في الحوش وبنفس الاستايل بتاع عمنا داك ...
لوك الصبر بجيك بي طريقة ما ،، اكان الواتس اكان اليوتيوب اكان غيره ،،،

الله يسترنا في الدارين.

Quote: ألأخ الهادى ..السلام عليكم.. أنا ما شفت الفيديو لكن أمثاله فى كثير..والناس دى يا مريضة يا تحت تأثير مخدر........حسبى الله ونعم الوكيل. فى فيديو واحد قبيح جداً بصور فى إمرأة عريانة بتاخد فى دش فى العراء خارج السكن ..وهو متابعه وجاء صور نفسه معاها وصورته واضحة وصورته واضحة..هل هذا الشخص عاقل..ما بخاف من الفضيحة..؟؟ده شخص ما عادى عموماً...تقديرى وإحترامى للجميع.

هلا يا اسماعيل

في شغف عجيب بالتباهي بالاشياء دي ، وكأنهم بيعرضو بضاعتم لقنوات الاباحة الحايمة في الفضائيات دي ، وبيطلبو منهم يشوفوهم ويدوهم اعتبار ،،،

غايتو جنس محن ربنا يجيب العواقب سليمة ...

Quote: زمان الطيب صالح ، عليه السلام ، سألكم : من أين أتى هؤلاء؟؟؟ موش لأنه ما عارف الإجابة ، لكن لأنه عارف إنه معظمكم ، زييييييه كدا عارفين الإجابة ، لكن ماااااااااااا هاميهم ولااااااااااااا خاصيهم!!!! كان عايزيكم تتذكروا إنهم من أين أتوا وتحذروهم وفي اسراعكم في اسراعكم تتخلصوا منهم، دحين بعد ربع قرن جايين تتباكوا؟؟؟؟ كان لمن تشوفوا أي واحد منهم أو حتى تسمعوا بي إسمه تسألوا وتفتشوا دا أبوه منو ؟؟ أمه منو؟؟ اتربى وين؟؟ قبل ما تجروا تصفقوا ليهو ، وتسمعوا خطبه الويل لكم ، كما قيل ، من دولة السفهاء!!!! ومن يكون السفهاء سوى أبناء الأراذل يلا اتباكوا كويس !!!! قوموا لفوا !!!

أدريس

والله كلامك كلوووووووووووو صحي ،، ونحن نستاهل أكتر من كده
وكمان خلينا ليهم البلد وجرينا بعيد ،،،
والباقين في الطريق مارقين واقفين صفوف

حسبي الله ونعم الوكيل ،،،

Quote: الفديو بشع لا يمكن عرضه كده في الحوش ، رغم انه مصور في الحوش وبنفس الاستايل بتاع عمنا داك ... لوك الصبر بجيك بي طريقة ما ،، اكان الواتس اكان اليوتيوب اكان غيره ،،،

تعجبني دايماً يا الهادي
خليها في الواتس

والله أتعجب من الكلام عن الاكتساب عن طريق بيع الجسد، لوجود فقر!!!!!

الشريفة لا تتكسب بالعهر وإن ماتت

غلطانة الحكومة يا الهادي ..مفروض كل بيت يكون في عسكري شرطة او مباحث
ويحرسوك حرسة قدر الله ...وسين سؤال ماشي وين والمعاك دي منو ..وهات قسيمة الزواج وإلخ إلخ ولخوخة عجين ..

واي رب اسرة لازم يمشي للعسكري ده يعمل جرد حساب لكل الاعمال الفاضحة منها وغير الفاضحة التي تمت داخل المنزل..

واي حاجة كدي ولا كده ينجلد قدام باب بيتو ...والواتس اب برضو يشوفو اخر ظهور ليك متين..



_______

عالم غريب وعجيب ..شابكنا .الحكومة عوك ....واقتلاع النظام .....ياخي كَـ...... النظام واي حاجة ..الحكومة جلدت العريــــانة بدون لباس قعدتو تكوركو..ست العرقي ..
تطير عيشة الحكومة ...

الشينة منكورة يا الهادي...نعم ديل سودانيين بيمارسو في حقهم الطبيعي في الحياة وداخل بيتهم دون الاضرار بأي ناس تانيين ...بس اضرو بالهادي
وخلوهو يجي يلعن النظام هنا ...جرّحوا سمعتك يا المسكين...

غلطانة الحكومة يا الهادي ..مفروض كل بيت يكون في عسكري شرطة او مباحث
ويحرسوك حرسة قدر الله ...وسين سؤال ماشي وين والمعاك دي منو ..وهات قسيمة الزواج وإلخ إلخ ولخوخة عجين ..

Quote: واي رب اسرة لازم يمشي للعسكري ده يعمل جرد حساب لكل الاعمال الفاضحة منها وغير الفاضحة التي تمت داخل المنزل.. واي حاجة كدي ولا كده ينجلد قدام باب بيتو ...والواتس اب برضو يشوفو اخر ظهور ليك متين.. عالم غريب وعجيب ..شابكنا .الحكومة عوك ....واقتلاع النظام .....ياخي كَـ...... النظام واي حاجة ..الحكومة جلدت العريــــانة بدون لباس قعدتو تكوركو..ست العرقي .. تطير عيشة الحكومة ... الشينة منكورة يا الهادي...نعم ديل سودانيين بيمارسو في حقهم الطبيعي في الحياة وداخل بيتهم دون الاضرار بأي ناس تانيين ...بس اضرو بالهادي وخلوهو يجي يلعن النظام هنا ...جرّحوا سمعتك يا المسكين...

تعرف يا بشير لو سبقتني بهذه المداخلة لما احتجت للتداخل
اسع لو لمو ناس النظام العام في الناس الديل الموضوع اكان الليلة في طاولة مجلس الامن
و تحت طائلة الفصل السابع
يا ناس ليه تخلو الحكومة تدخل يديها في اخلاقكم و ما تمارسونه في بيوتكم
اسع الناس ديل لو وصلو المحمكة يحاكموهم بياتو تهمة
يعني عششان تسجلو نقطة ضد الانقاذ تقومو تدخلوها غرف نومكم و حيشانكم
بعدين ما تقولو لي واتساب و يحزنون
ب كليك ممكن تقفل الفيلم
و لو ما انتو بتعاينو للحاجات دي ما ممكن زول يتجرا و يوصلا ليكم في تلفوناتكم

تقومو تهابشو الحكومة في الحتات دي بكرة بتابوها
علي الجزيمة اي تسعة موبايلات من عشرة فيها حاجة زي دي
و لو عملو كشه تلاتة ارباع اصحاب ال اسمارت فون حا يبيتو في الحراسات

فدعو الاحباش ما تركوكم
و داروا الفواحش فيما بينكم
فاكثر متداولي هذه المواد يتداولونها من باب التسلية لا اكثر

يا الهادي
أنا دخلت البوست وفي راسي تعليق محدد بس لقيتك كتبتو
وبرضو بضيفو
لا يستقيم الظل والعود أعوج
الأفضل ألا نترك ال ح مار ونمسك في البردعة
الجذور الجذور الجذور
لا حل إلا بإقتلاع الإنقاذ من جذورها
الله احفظنا واحفظ كل السودان
______
الحليلة

الهادي لازم الناس تطلع مظاهرات وتسقط النظام
عشان الصور الفاضحة وعشان هي اشترت لي
الناس التلفونات وشركة الواتساب حقتها تسقط
الحكومة من اجل الحفاظ علي الشعب الذي جاهر

-------
جنس محن الله يخارجنا منها

Quote: عالم غريب وعجيب ..شابكنا .الحكومة عوك ....واقتلاع النظام .....ياخي كَـ...... النظام واي حاجة ..الحكومة جلدت العريــــانة بدون لباس قعدتو تكوركو..ست العرقي .. تطير عيشة الحكومة ... الشينة منكورة يا الهادي...نعم ديل سودانيين بيمارسو في حقهم الطبيعي في الحياة وداخل بيتهم دون الاضرار بأي ناس تانيين ...بس اضرو بالهادي وخلوهو يجي يلعن النظام هنا ...جرّحوا سمعتك يا المسكين...

وبلعن ابو النظام يا بشير احمد
وتاني بلعن كمان
ياخي انا ما عارف انت ما عندك احساس ولا نخوة ياخي ، أنت ياخي حكومتك العاجباك دي وبتسبح وبتحمد باسمها، ياخي دي ما القطعت عيش اكثر 300 الف مواطن بي جرت قلم، وخلت حريمكم يطلعن يبيعن شاي في الشوارع ويتونسن مع الرجال.
ياخي حكومتك دي ما ياها القتلت 300 الف مواطن في دارفور لاسباب ما كان يستحق يذبحوا ليها خروف، مش ده كلام رئيسك في الفديو، مش الحكومة دي المعيشها الشعب في ضنك وفقر ومعيشها 5% من باقي الشعب كله في بحبوحة وترف.
مش الحكومة دي يا بشير احمد اللي حرمت الناس التعليم المجاني والعلاج المجاني وبعد ده بتصرف على الامن وكوادر التنظيم من جيب المواطن بالضرائب والأتوات المفروضة على حتى سائق الدرداقة.

ياخي هي ال ش رم ط ة العلنية دي انت قايل اسبابة شنو وانتشارها بالشكل المفخيف ده شنو، ياخي ما تتقي ربك وقول كلمة حق واحدة قبل ما تموت .


وبعدين وين الحكم البتقول عليه ده ، نظامك مسير من مجلس الامن والمحكمة الدولية وامريكا، حتى سيادتنا راحت في داهية ، حلايب لحسوها المصريين عينك يا تاجر ، وهسع دخلوا 17 كيلو متر داخل حدودنا في وادي حلفا، والفشقة والجنوب اديتوه مقابل كراسيكم، ياخي عليك لله يا بشير احترم عقولنا شوية، حكومتك العاجباك دي يمين هم زاتم ما عاجباهم.

Quote: تعرف يا بشير لو سبقتني بهذه المداخلة لما احتجت للتداخل اسع لو لمو ناس النظام العام في الناس الديل الموضوع اكان الليلة في طاولة مجلس الامن و تحت طائلة الفصل السابع يا ناس ليه تخلو الحكومة تدخل يديها في اخلاقكم و ما تمارسونه في بيوتكم اسع الناس ديل لو وصلو المحمكة يحاكموهم بياتو تهمة يعني عششان تسجلو نقطة ضد الانقاذ تقومو تدخلوها غرف نومكم و حيشانكم بعدين ما تقولو لي واتساب و يحزنون ب كليك ممكن تقفل الفيلم و لو ما انتو بتعاينو للحاجات دي ما ممكن زول يتجرا و يوصلا ليكم في تلفوناتكم تقومو تهابشو الحكومة في الحتات دي بكرة بتابوها علي الجزيمة اي تسعة موبايلات من عشرة فيها حاجة زي دي و لو عملو كشه تلاتة ارباع اصحاب ال اسمارت فون حا يبيتو في الحراسات فدعو الاحباش ما تركوكم و داروا الفواحش فيما بينكم فاكثر متداولي هذه المواد يتداولونها من باب التسلية لا اكثر

يا العوض صباح الخير

يا زول مجلس امن شنو ومحكمة شنو
دي قضية بقت ظاهرة والظواهر وتعدت كونها تكون مشكلة يمكن تتحل بي شرطة نظام عام او غيره.
النظام في الظاهر حاكم البلد بالحديد والنار وفي الداخل ياهو ده اللي انت شايفه ده،
مرة يجينا شيخ شاهر ما عارف شنو في وشنا ، ومرة شيخ ماسكنه في شقق مفروشة مع بنات في عمر بناته ومره شيخ ماسكنه في خور مع زميلته.
الفساد ده كله من الكبار لم الكبار يفسده يبقى العوام عادي ممكن يفسده.
بعدين القضية ما قضية الممارسة في حدها، ياخ دي في الدنيا كلها في، وأكون كذاب لو قلت في بقعة أرض في الأرض ما فيه الحاصل ده.
لكن كمان الناس تبقى بالفحس لدرجة التصوير ونشر المقطع يبقى مافي حياة مافي دين مافي اخلاق مافي اي شيء...
وده كله سببه النظام المعفن ده، لغى دور الابوية والعائلة والمجتمع الصغير في الحارة واصبح الناس مايجين وسايطين كل يفعل ما يريد ، بس ابعد من السياسة ، انت قايل نحن ما عارفين قهاوي الشيشة والجبنات اللفي اسطح العمارات او المراقص اللفي البدرومات، او الشقق اللي على طريقة شقق دبي، والشقق على حسب المستويات.

يا جماعة عليكم الله ، الخلق الناس ديل ما خلق غيرهم، بس القلوب ماتت باكل السحت والحرام، والناس بقت تشوف الحلال والحرام شيء واحد، والا حرم الحاصل ده ابدا ما بيرضى زول .

Quote: يا الهادي أنا دخلت البوست وفي راسي تعليق محدد بس لقيتك كتبتو وبرضو بضيفو لا يستقيم الظل والعود أعوج الأفضل ألا نترك ال ح مار ونمسك في البردعة الجذور الجذور الجذور لا حل إلا بإقتلاع الإنقاذ من جذورها الله احفظنا واحفظ كل السودان ______ الحليلة

هي لكن يا الحليلة نسوي شنو مع جنس ديل
بعد الا تبقى علينا حكاية جحا والحكاية بعيدة من بيتي

وبعدين شوف مكنتم شنو، يقول ليك ديل اسلاميين ما ح ندي فرصة للعلمانيين والشيوعيين واللبراليين فرصة، عشان كده ديل احسن السيئيين، ياخي ده فهم شنو ده نخليها تصل بيوتنا عديل بعده ، وممكن لو الحال مشى بالطريقة دي، بكرة بعد بكرة واحد يلقى اخته بت اخته بت اخوه في مقطع.
ياخ دي حالة شنو دي، قرف يقرفنا ياخ.

Quote: الهادي لازم الناس تطلع مظاهرات وتسقط النظام عشان الصور الفاضحة وعشان هي اشترت لي الناس التلفونات وشركة الواتساب حقتها تسقط الحكومة من اجل الحفاظ علي الشعب الذي جاهر ------- جنس محن الله يخارجنا منها

الناس تطلع مظاهرات احسن من بكرة الحكاية تبقى ليبيا او سوريا ، لو منظمات المجتمع المدني قامت بدورها المفروض عليها، كان ممكن الحكاية نتحاشى قصة ليبيا وسوريا واحتمال الصومال.

والناس تطلع مظاهرات عشان تغير المنكر والفساد والعفن ده، انت يا زول ما عندك احساس ولا فيك نخوة، ح تنتظر لحد ما الحكاية دي تجي جمب بيتك بعدين تقول ياريت اللي كان ما كان.
الله عرفوه بالعقل ول شافوه بالعين، نظام فاسد لازم وحتما المجتمع يكون فاسد.

سلام للجميع،
الفساد ظاهرة منتشرة بين الأغنياء والفقراء ولا يحتاج إلى مال،
ليس كل الأمور تنسب إلى الحكومات.
ما يحدث داخل المنازل مسئولية شخصية.
أغنى مناطق العالم المسلمة هي دول الخليج،
كل أنواع الفساد فيها ، ولكم أن تتابعوا الصحف.
أوروبا وأمريكا حدث ولا حرج.
وسائل التواصل هي التي ساعدت في سرعة نقل الاخبار، خيرها وشرها.
وبلاشك النسبة تزداد بحسب عدد الأشخاص.
بدأت جرائم القتل منذ أن كان في الأرض ستة أشخاص:
آدم وحواء وأبناءهم الاربعة.
أي ، حسب إحصائيات اليوم قتيل بين كل ستة أشخاص,
أي كانت نسبة الجرائم في ذاك العام حوالي ال 17 % من عدد سكان العالم.
---------
نسأل الله السترة للجميع ،
في الدنيا والآخرة.
تحياتي وتقديري

Quote: أين وصل المشروع الحضارى الاسلامى السودانى؟ حكومة الانقاذ عندما استولت على الحكم فى بداية حكمها بثت فى بيانها الاول ملامح المشروع الحضارى الاسلامى السودانى وتوالت القرارات والخطب والمنابر والتنظيمات فى هذا المشروع حتى ظن الشعب بأن يصبح السودان دولة الاسلام العظمى ومن ضمن أهداف المشروع الحضارى الاسلامى السودانى : ترسيخ تعاليم الاسلام قولا وعملا فى الشعب . محاربة الفقر والجوع . توفير العلاج والتعليم مجانا . المحافظة على وحدة تراب الوطن . محاربة الفساد . التنمية ودعم الاقتصاد والمحافظ على اسعار العملة الصعبة مع توفرها . نشر الدعوة الاسلامية بين الشعوب . الحث على الجهاد والاستشهاد. العدالة والمساواة بين الشعب . دعم ونصر الشعوب الاسلامية والوقوف معهم .

Quote: عندما كلف الله سبحانه وتعالى نبينا محمد بن عبدالله عليه افضل الصلاة والسلام بالدعوة للدين القويم للناس وسبحانه وتعالى عالم بمحمد بن عبدالله عليه الصلاة والسلام يتيما وفقيرا ويعلم بكفر وعناد قومه . إستجاب وتشرف نبينا الكريم لهذا التكليف والمسئولية وهو يعلم بأن الله الخالق ذو القوة المتين قادر على نشر الدين ونصر نبيه الكريم وهو الذى غفر له ما تقدم من ذنبه وما تأخر وهو يعبد الله حتى تفطرت قدماه ليكونا عبدا شكورا بعد المغفرة لذنوبه . بدأ نبينا الكريم عليه الصلاة والسلام فى الدعوة سرا ثلاثة سنين ويدعوا من يثق به ولم يأمره الله بالجهر بالدعوة فى بداية الدعوة لحكمة كما ذكرها أبن المباركفورى فى الرحيق المختوم وذلك لكيلا يفاجىء أهل مكة بما يهيجهم ، وأستجاب بعدها للامر الخالق عز وجل بالجهر عندما نزل عليه قول الله تعالى : ( فأصدع بما تؤمر وأعرض عن المشركين ) وإستمر النبى فى الدعوة حتى أسلم سيدنا حمزة وأبن الخطاب وعندما علما الاخيران أن هذا الدين على حق إستأذنا النبى الكريم على الخروج والجهر بالدعوة علنا والصلاة فى الكعبة وإستمرت الدعوة ثلاثة وعشرون عاما فتحت خلالها بلاد كسره وقيصر وإنتشر الاسلام . لنسأل الآن هل نحن عملنا بتلك المبادىء وهل عبدنا الله لنكون عبادا شاكرين وهل بدأنا بمشروعنا الحضارى سرا داخل وطننا لنرسخ تلك التعاليم والقيم فى شعبنا وهل وصلنا مرحلة الثقة بالله لينصرنا على أعدائنا . ولنسأل مره أخرى عن مشروع الانقاذ الاسلامى الحضارى أين وصل بعد 25 سنة ونحن نرى الانتشار الشيعى وأكرر كلمة الشيعى لينتبه أهل العلم والسلطة للمخاطرة القادمة . وكذلك الانحلال والانحراف الاخلاقى والمجاهرة به فى الشوارع وإنتشار الفقر وإنعدام الدواء أو قيمته وغلاء المعيشة وتدنى التعليم وتدهور الاقتصاد وندرة العملة الصعبة وإرتفاع سعرها مقابل الجنية وتمزق البلاد وكثرة الحروب وعصابات الاجرام وانتشار الفساد وخيانة الأمانة حتى اصبحنا نسمع ونشاهد جرائم دخيلة على المجتمع لم تكن حاصله سابقا ، اصبح هناك تفكك الاسرى وإنعدمت المروة والتكافل بين الناس والكل يبحث عن الثراء . هل هى نتائج فشل المشروع الحضارى لنرى انتشار الفساد بدل تعاليم الدين الحنيف ونرى شبابنا يقلدون النساء ويجاهرون فى مواقع اليوتوب (شباب حفرة الدخان) ونسمع عن بناتنا يجاهرنا بالمعصية والرذيلة فى القنوات امثال ( عزة سلطان) ومن يقتلون والديهم من أجل الزواج أو الوراثة أشياء لم تكن معروفة عن الشعب السودانى ولا من أخلاقه ولا عاداته ولا صفاته وأصبحت وسائل الاعلام والناس يتحدثون عن أمانة الراعى كأنها صفة جديدة فى هذا الشعب . إين تفعيل القانون الاسلامى الرادع وأين متابعة ولاة الأمر وأين تخفيف غلاء العيشة وتوفير الدواء وضبط الجامعات وأين دور الرقابة على الوزارات الحكومية ومؤسسات الدولة وعلى الشارع السودانى . قال تعالى : (يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ * وَالَّذِينَ كَفَرُوا فَتَعْساً لَهُمْ وَأَضَلَّ أَعْمَالَهُمْ) [محمد:7/8] . أين نصرنا لدين الله لينصرنا الله ، هل تمسكنا بحبل الله المتين ، هل استنكرنا الباطل ، هل حاربنا الفساد ، هل هى لله بصدق وإيمان وتقوى كما رفعنا شعارها . أم المشروع الحضارى الاسلامى المقصود يختلف عن ما يفهمه الشعب .

http://www.sudaneseonline.com/articles-action-show-id-14106.htmhttp://www.sudaneseonline.com/articles-action-show-id-14106.htm