وصول وفد مصلحة الأراضي إلى السعودية

بسم الله الرحمن الرحيم

وصول وفد مصلحة الأراضي إلى السعودية
جدة : عصام محمد يوسف

تفيد القنصلية العامة لجمهورية السودان بجدة
عن وصول وفد من مصلحة أراضي ولاية الخرطوم اعتبارا من يوم السبت الموافق 22/11/2014م إلى يوم الثلاثاء 25/11/2014م وسوف يتم بيع أراضي بولاية الخرطوم حسب التفاصيل التالية :

قائمة أسعار البيع بالريال السعودي
م المربع الدرجة المساحة إجمالي القيمة
1 (36) الوادي شرق النيل الأولى 500م2 11.100 ريال
2 (90) الوادي شرق النيل الأولى 400م2 11.100 ريال
3 (93) الوادي شرق النيل الثالثة 300م2 7.400 ريال
4 (1) المطار الجديد أم درمان الثانية 380م2 إلى 400م2 11.100 ريال
5 (2) المطار الجديد أم درمان الثالثة 380م2 إلى 400م2 10.000 ريال
6 مربع المعالي ( الخرطوم ) الأولى 600م2 132.000 ريال
7 مربع المعالي ( الخرطوم ) الأولى 500م2 112.500 ريال
8 (12) الصفيرا أم درمان الثالثة 600م2 33.600 ريال
9 (58) دار السلام ( أمبدة ) الثالثة 216م2 9.720 ريال
البيع مباشر في القنصلية
جدة : من يوم السبت 22/11/2014م إلى 25/11/2014م
المدينة المنورة : ( دار السمان ) من يوم 26/11/2014م إلى 29/11/2014م
الدمام : ( فندق الدمام ) من يوم 30/11/2014م إلى 3/12/2014م

Quote: وسوف يتم بيع أراضي بولاية الخرطوم حسب التفاصيل التالية : قائمة أسعار البيع بالريال السعودي

السلام عليكم ورحمة الله وبركاته،
شكرا الأخ عصام يوسف للخبر ،
وفود الأراضي دائما تأتي للمغتربين لتبيع ولم تأتي لحل مشكلة إسكانهم بمنحهم خطة إسكانية مجانية أو منحهم قروض ميسرة للبناء،
حتى أسعارهم أعلى بكثير من أسعار تجار الأراضي بالخرطوم،
مسكين المغترب السوداني حتى الجهات الرسمية لا تساعده في العودة والإستقرار في بلاده،
حسب التجربة نصيحتي لكل من عنده الرغبة لشراء أرض فليذهب وليشتري بنفسه،
الســــــــــوق أرحم بكثير من تجار أراضي وفود مصلحة الأراضي،

مع تقديري وإحترامي،

مواسير راكبة طيارات عابرة للقارات تهبط في السفارات.

أوعكم يا مغتربين تضيعو أموالكم وتشترو الترماي

شكراً عصام ..
وأنت دائماً في الخير ..
ما قصرت .. من يوم غداً سوف نمر على الجمعيات ونوزع الخطابات
ودعوات الجميع لك ..
لك التحية من أكثر 260 جمعية من أهلنا في جدة

Quote: من يوم غداً سوف نمر على الجمعيات ونوزع الخطابات ودعوات الجميع لك ..

لنا ان نظن الخير ونتوقع بان توزيع الخطابات الغرض من منه انتفاع الناس( وهذا محور الحديث ) وليس مهمة مدفوعة الاجر .........

Quote: مواسير راكبة طيارات عابرة للقارات تهبط في السفارات.

الاخ دينق .. مع التحية والتقدير .. يا أخي أهلنا ديل ماعارفين غير الاستثمار في قطعة أرض ..
تعرف يا دينق ناس الاراضي منهم خوف .. كلن نعمل إيه
أنا في إجازتي القاتت مشيت البلد هناك في اقصى الشمال ضواحي الدنيا ( البرقيق .. مشروع الدفوفة )
المساح ما يطلع معاك إلا تدفع مليون ونصف تقريباً الف ريال سعودي ..
أفسد مكاتب في السودان هي ( الاراضي ) وفي كل الولايات
لكن مافي خيار آخر ..
واحد عنده تحويشة ( 7 او 8 او عشرة آلآف ريال سعودي ) ما يعرف غير يشتري
وينتظر سنين .. قدرنا كده .. الدولار كل يوم هبوط ..

مع التحية ..

الاراض دي واصلاها خدمات والا خلا ساي ممكن يعمر بعد عشرة عشرين سنة؟

سلام يا ايمن
يبدو انك نتفائل وكمان فاكر الحكومة بتخدم في المغتربين!
ياخوي لو الاراضي دي واصلاها خدمات تفتكر الحكومة بتبيعها بالسعر ده ........هذا اذا كانت اصلا هناك اراضي ......ههههههههههه
تحياتي يا ايمن كن حريص علي قول صلاح البندر

قاطعوا مسميات
النهب والسرقه
للكيزان
بيع اراضي تقوم به شركات المؤتمر الوطني تذهب لكي تمتلئ بها كروشهم
تشتري قطعه ارض توجد علي الورق فقط
تدفع الملايين لاستخراج شهاده البحث واحتمال النزع وارد جدا ...... ا
في منطقه لاتوجد خدمات لا يوجد شي (الوادي الاخضر مثلا)
لا ماء
لا كهرباء
بعد عشرين سنه
وبحساب بسيط لو تم استثمار هذا المبلغ في اي مشروع يكون العائد افضل
او شراء شقه في دبي او المغرب حيت الاستثمار مجزي

نصيحة للاخوان بعدم الشراء ولدي تجربة مريرة وكل من اشتري اراضي من اللجان السابقة

1- اشتريت انا ومجموعة من زملائي اراضي من لجنة الاراضي وتم تحرير شهادة بحث وعقد ملكية الارض

2- قامت اللجنة بعد الانتهاء من بيع الاراضي برمي الملفات في مكاتب المغتربين مما تسببت في فقدان حقوق وضياع كثير من الاراضي من اصحابها

خاصة اراضي الاقاليم ومن ضمنها مربع 300 سباق الخيل مدني اللي انا كنت احد ضحاياه

3 - ونتيجة لهذا الاهمال تم التلاعب في سجلات هذه الاراضي من قبل موظفي الاراضي بالجزيرة

4- دفعنا قيمة هذه الاراضي بالدولار في حين انه كان ممكن باقل من القيمة وبالسعر المحلي الحصول علي هذه الاراضي

5- حتي تاريخ هذه اللحظة تفتقر هذه الاراضي الي ابسط الخدمات

6- عدم مطابقة الواقع علي خرائط البيع

اللهم اني قد بلغت فاشهد

Quote: .حسب التجربة نصيحتي لكل من عنده الرغبة لشراء أرض فليذهب وليشتري بنفسه، الســــــــــوق أرحم بكثير من تجار أراضي وفود مصلحة الأراضي، مع تقديري وإحترامي،

رجس من عمل الشيطان اللا وطني فأجتنبوه يا معشر الشتات ...
لا أحد يشهد لهم بالخير والنفع ...
الشفيع

البلد بقت زى صاج اللقيمات
اى محله فاضية رمو فيها عقد واطة

السماسرة عندهم مقولة
محل اشترو ماتشترى
لابعمرو
لابسكنو
لا ببيعو

المحلات دى الجزيرة اقرب منها
___________
كلنا بنستحق قطعة ارض. على الاقل كارباب اسر. الادو فيكم منو؟
انا مامغترب وجيت بى الدرب من 2002 وملفى فى ولاية الجزيرة مركون فى حلتنا العزيزة

____________
البركة فى بيت ابا
اختو شرك ام كيك

احترامي لصاحب البوست اخونا العزيز عصام
متعك الله بالصحة والعافيه فانت لاتتوانى فى نقل المفيد لاخوانك
لكن !!!!
ياجماعه الخير الاراضى دى وفى ارض الواقع تقدر تشتري بنفس السعر أو اقل كمان
وهنالك ميزه اخرى انك عندما تشتري فى السودان تحدد موقع (القطعه) بالضبط ويمكنك اختيار الناصية او المواجهه للميدان وهكذا
بعكس اجراءات وفد الاراضي والتى تعمتد فيها على سحب (القرعه)
لدى قريب اشترى قبل سنتين من القنصليه بجده فى الوادى الاخضر ولم يستلم شهادة بحث حتى الان !!!!
الجماعه ديل عايزين فلوس وبس
اراضيهم المعروضه معظمها غير ممسوحه وبعضها به تعديات ومنازعات مع الاهالى كما فى بعض مربعات الوادى الاخضر !!

اللهم قد بلغت فاشهد

الاخوة الافاضل السلام عليكم ورحمة الله وبركاته اتقدم لكم بالشكر جميعا على المداخلات والمشاركات التى افادتنا كثير
واحب ان اوضح بحكم اننى اعلامى بنقل معلومة لتعم الفائدة لكل الاخوة المغتربين وقد سجلت زيارة لوفد الاراضى
والتقيت برئيس الوفد وسوف انشر التصريح فيما بعد كما ابشر الجميع بان الاسعار تناقصت حيث تم تخفيض سعر
الاراضى الى 25% وايضا علمت بان هنالك شقق وبيوت سكنية معروضة واليكم التفاصيل

قائمة أسعار البيع بالريال السعودي بعد التخفيض 25%

م المربع الدرجة المساحة إجمالي القيمة
1 (36) الوادي شرق النيل الثالثة 300م2 5.718 ريال
2 (90) الوادي شرق النيل الأولى 400م2 8.554 ريال
3 (93) الوادي شرق النيل الأولى 500م2 8.554 ريال
4 (1) المطار الجديد أم درمان الثانية 380م2 إلى 400م2 8.554 ريال
5 (2) المطار الجديد أم درمان الثالثة 380م2 إلى 400م2 7.712 ريال
6 مربع المعالي ( الخرطوم ) الأولى 600م2 إلى 668م2 112.487 ريال
7 مربع المعالي ( الخرطوم ) الأولى 500م2 84.212 ريال
8 (12) الصفيرا أم درمان الثالثة 600م2 25.766 ريال
9 (58) دار السلام ( أمبدة ) الثالثة 216م2 7.493 ريال

غايتو زمان قالوا السعيد من يتعظ بتجارب غيره .. وطبعاً أكيد الشقي هو الما بيتعظ وبيمشي يجرب المجرب ويقع طاااااااااااااااااخ

أي حاجة إسمها لجنة ، وفد، فيها بيع جايا من طرف البتعرفوهم ديل أبعدوا منها

نصيحة لله ورسوله ما عاوزين مقابل ولا رسوم إستشارة


____________________________

بالمناسبة عملوا شنو في موضوع الجواز الإلكتروني لسه ما جابوا ناس الجوازات من السودان عشان الناس تطلع الجوازات الإلكترونية في جدة ؟

أخي عصام وضيوفك الكرام .. تحياتي،

Quote: قائمة أسعار البيع بالريال السعودي بعد التخفيض 25%

والله خصم مغــــري ... ويبعث على التوجس في آن..

يعنــــي المعنى الجماعــــة بايعين بايعين..

وأنهم قد عقد العزم على ألا يعودوا إلا وهم متأبطين ريالات المغتربين الغلابة..

يا مســــهل ............

http://www.gulfup.com/?ks2LeD

http://www.gulfup.com/?RIjRzA

http://www.gulfup.com/?IAPaXV

http://www.gulfup.com/?2rRkht

http://www.gulfup.com/?3esu0n

http://www.gulfup.com/?fQBGnq

http://www.gulfup.com/?24OSFu

http://www.gulfup.com/?3rxT8y

http://www.gulfup.com/?s5TSv4

الداير يشتري يحول القروش دي ويشتري احسن من المعروض في القنصلية..

اووووووووووووووووعى تتغشوا..