Post: #1
Title: فرصه نادره... عربيه تحفه للبيع ... وبالتقسيط المريح ...!!!!
Author: ملهم كردفان
Date: 11-16-2014, 06:46 PM
قعدت افتش لى عربيه تقضى لى مشاويرى
لفيت الشوارع ....فتشت الانترنت ....
اشتغلت لمن ركبى وجعنى
ابت تلفق معاى كلو كلو ....
قلت لو لقيت لى عربيه لادا والا فيات بقضوا الغرض وتمنهم كمان رخيص
وكمان
قلت اخت فيها عدد الشغل واودي بيها الصنايعيه واجيب بيها طلباتى وكده
واحد قال لى عندى طلبك وبى 5 ألف جنيه بس
عايزه كاوتشات وتعمير مكنه ودهان وترقيع صاج وتنجيد فرش وتبقى عال العال
قلت ليهو ورينى ليها ...وورانى ليها ...!!!
قلبى اباها تبببببب.....لكن لو فى زول منكم دايرها مبروكه عليهو ....
تحفه بس..... الركشه مالها عيبوها لى.....!!!
|
Post: #2
Title: Re: فرصه نادره... عربيه تحفه للبيع ... وبالتقسيط المريح ...!!!!
Author: ملهم كردفان
Date: 11-16-2014, 06:56 PM
Parent: #1
ود قلبو ابى السعوديه تب ...
|
Post: #3
Title: Re: فرصه نادره... عربيه تحفه للبيع ... وبالتقسيط المريح ...!!!!
Author: عماد حسين
Date: 11-16-2014, 07:24 PM
Parent: #2
سلامات يا ملهم
تصدق.. القصة دي ممكن تكون باب رزق
في السعودية يوجد ناس لهم هواية في جمع مثل هذه السيارات القديمة
والتي تكون بحالة جيدة.
وكمان عندهم موقع على مستوى الخليج
شوف هنا 4old-cars.com/vb
وحسب علمي مسموح لهم باستيرادها، لكن لا يسمح لهم باستخدامها
شوف الصور دي
الصورة مأخوذة من هنا alriyadh.com/992311
تحياتي
|
Post: #4
Title: Re: فرصه نادره... عربيه تحفه للبيع ... وبالتقسيط المريح ...!!!!
Author: ملهم كردفان
Date: 11-16-2014, 07:45 PM
Parent: #3
عماد حسين مرحب ياخ
تعرف ياعمده تجارة السيارات مربحه جدا في مصر. واحد صاحبي بجيب العربات المكرونه ومغبره
ثالبشوفها في الشوارع طبعا بيشتريها بي تراب القروش وبجيها وببيعها بي اتمان تحيرك
اها انا عندي مشروع أحسن منو وناوي انفذه
مشاركتك دايره ليها ملايين ياعمده والعربيات الفيها غاليات مابنقدرن
|
Post: #5
Title: Re: فرصه نادره... عربيه تحفه للبيع ... وبالتقسيط المريح ...!!!!
Author: عبدالعزيز عثمان
Date: 11-16-2014, 07:55 PM
Parent: #4
ملهم صاحبي اذيك...
يازول انت شكلك اخدت ليك نومة متل الليلة اهل الكهف والرقيم..
وجيت داخل السوق..
الركشة ياصاحبي داقشت ال ٥٠ مليون،،،خمسييييين مش ٥.
قررت ان اركب كجدي ناقة صهباء..
فرس مطهم...
او ممكن حمار روثمان،،ما مكادي وله دبزاوي...
علي الاقل نتقي موت الحديد...
حليلك،وحليلي..
العربات تاني شوفه ماشه في الظلط بس.
|
Post: #6
Title: Re: فرصه نادره... عربيه تحفه للبيع ... وبالتقسيط المريح ...!!!!
Author: ملهم كردفان
Date: 11-16-2014, 08:07 PM
Parent: #5
اوووو عزو يازول ياجميل
غايتو نحنا العربات عندنا في مصر بنقدرن تب وأنا زول شقيان ولازم اجيه نفسي أن شاء الله بي درداقه
العربيات الشعبيه هنا بتتراوح مابين امنيه ألف لي خمسه وعشرين
لوحبيت تشاركني في واحدي لمن تجي مصر كل يوم بفسحك بيها ربع ساعه
منور ياصاحب
|
|