Post: #1
Title: مختارات الأحد 3 ( الريلة )**محمد وردي
Author: Moawia Mohammed
Date: 11-16-2014, 02:25 PM
Parent: #0
الريلة
محمد وردي
كلمات: إسماعيل حسن
|
Post: #2
Title: Re: مختارات الأحد 3 ( الريلة )**محمد وردي
Author: وضاحة
Date: 11-16-2014, 03:26 PM
Parent: #1
الريله
الشاعر اسماعيل حسن
الله ليلى شن تشبه بلا الداسنو فى بطن المطامير
لي دروبك انتى ما شقن بوابير
يا قشيش نص الخلا الفوق فى العتامير
البكركر رعدو وديم سماهو عكير
السمح مرعاك يا قش التناقير
الله ليلى ....
الزول الولوف لى قلبى خراب
انا بمشى واتلفت لما النهار غاب
حديثك لى اكيد انا .. ولا كضاب
حد لما لملموهن خاطرى ما طاب
يا حليل امونة فى غرب الضياباب
الله ليلى ...
يا عجو المحس التقيل فدع العراجين
انتى ما بدوكى لى زولا مسيكين
الا واحدا نخلو مقرون فى البساتين
سواقيهو تصحى الكانوا نايمين
حليلك يام جبين يا بدر دورين
صديرك عام تقول غرر الوزازين
الله ليلى ...
جات تندلى بالوديان عديلة
الكاحلة بلا كحل بت القبيلة
تمشى قدم قدم فى المشية ريلة
وتشكى من الطريحة تقول تقيلة
نفيسك شمعوه جوة الفتيلة
الله ليلي.. ليلى
الله ليلى!!
الله ليلى نا ليل يا ليلى
تانى ليل يا ليلى نا
ليلى نا ليل
يا ليلى !!
الله عليك يا معاوية يا جميل
شوف بساطة الكلمات وجمال الوصف
الناس زمان كانت بتحب شديد وبصدق
دا الزمن الجميل زمن ناس رشا
|
Post: #3
Title: Re: مختارات الأحد 3 ( الريلة )**محمد وردي
Author: Moawia Mohammed
Date: 11-16-2014, 03:40 PM
Parent: #2
سلمتي سلمتي
يا الصباح الباهي لونك
|
Post: #4
Title: Re: مختارات الأحد 3 ( الريلة )**محمد وردي
Author: Moawia Mohammed
Date: 11-17-2014, 06:24 AM
.
|
|