Post: #1
Title: حليل ( مُسْتراحنا ) و قعدتو ... الناس سوت منه ( ملايين الدولارات ) في امريكا !!!
Author: يحي قباني
Date: 11-15-2014, 02:44 PM
Parent: #0
انا من عشاق برنامج Shark Tank
و امس بتفرج علي الحلقة الجديدة و اذا بي اشوف المفاجأه دي ؟؟؟
امشو للدقيقة 20 و اتفرجوا علي الجماعة ( الاخترعوا ) الحاجه دى و عملوا منها ملايين !!!
ما ياها ( جلسة ) الحُفر زاتها ؟
حليل بيت الأدب !!!
|
Post: #2
Title: Re: حليل ( مُسْتراحنا ) و قعدتو ... الناس سوت منه ( ملايين الدولارات ) في امريكا
Author: Osman Musa
Date: 11-15-2014, 03:41 PM
Parent: #1
عزيزنا القباني سلامات أنا برضو يا قباني من المعجبين بي برنامج Shark البرنامج نجح في تقديم خدمات ومشاركات وسلفيات مالية للكتيرين من طالبين العون والمساعدة . أنا كان عندي بوست في المنبر عن بتنا بت نيويورك المليارديرة باربره وهي من أعمدة Shark . الزولة دي يا قباني زولة جادة وقوية ورايعة وبتقدم خدمات التسليف للمكافحين عشان هي تعبت في البداية وكافحت . دخلت سوق الريل أستيت وعمرها أربعة وعشرين سنة .. دخلت بي ألف دولار بس .. الليلة زولتك مليارديرة . هيع . ... ههههها مستراحاتنا فيها الخير والبركة . تحياتي
|
Post: #3
Title: Re: حليل ( مُسْتراحنا ) و قعدتو ... الناس سوت منه ( ملايين الدولارات ) في امريكا
Author: يحي قباني
Date: 11-15-2014, 06:58 PM
Parent: #2
Quote: زيزنا القباني سلامات أنا برضو يا قباني من المعجبين بي برنامج Shark البرنامج نجح في تقديم خدمات ومشاركات وسلفيات مالية للكتيرين من طالبين العون والمساعدة . أنا كان عندي بوست في المنبر عن بتنا بت نيويورك المليارديرة باربره وهي من أعمدة Shark . الزولة دي يا قباني زولة جادة وقوية ورايعة وبتقدم خدمات التسليف للمكافحين عشان هي تعبت في البداية وكافحت . دخلت سوق الريل أستيت وعمرها أربعة وعشرين سنة .. دخلت بي ألف دولار بس .. الليلة زولتك مليارديرة . هيع . ... ههههها مستراحاتنا فيها الخير والبركة . تحياتي |
سلامات ابو عفان ...
صاحبتك باربارا شديده في عمرها ...
و الله كلهم ما هينين عملوا اشياء من مافي...
لكن بالله شوف الجماعة الباعوا البمبربالملايين ديل ؟
كلوا عشان يجيبوا القعدة زى صنقرتنا الليها مليوون سنة !!!
|
Post: #4
Title: Re: حليل ( مُسْتراحنا ) و قعدتو ... الناس سوت منه ( ملايين الدولارات ) في امريكا
Author: يحي قباني
Date: 11-16-2014, 08:23 PM
Parent: #3
يعني مئات بل الالف السنين انحنا ( قاعدين ) القعده دى ...
يجو اولاد العم سام يخمو الفلّة بالطريقة دى ؟
|
Post: #5
Title: Re: حليل ( مُسْتراحنا ) و قعدتو ... الناس سوت منه ( ملايين الدولارات ) في امريكا
Author: عبدالحفيظ ابوسن
Date: 11-16-2014, 09:33 PM
Parent: #4
ام قللو دي قالوا بتساعد في الاخراج وتمنع الامساك يا قباني وبتقوي عضلات البطن في مجهود بيبذل
|
Post: #6
Title: Re: حليل ( مُسْتراحنا ) و قعدتو ... الناس سوت منه ( ملايين الدولارات ) في امريكا
Author: يحي قباني
Date: 11-17-2014, 04:36 AM
Quote: ام قللو دي قالوا بتساعد في الاخراج وتمنع الامساك يا قباني وبتقوي عضلات البطن في مجهود بيبذل |
يا صاحبي لكن الجماعة يعملوا ملايين و تسجيل ملكية للاختراع و العملية ابسط من كل الكلام ده ؟
حفرنا الزمان ديك ( صنقروا ) فوقها ادباء و شعراء و مثقفين مافي واحد جاتو فكرة البمبر ده ليه لما دخلت المقاعد الأفرنجية علينا ؟
بالله جماعتك في السعودية يطلعوا فوق المقعد الافرنجي بي كرعينهم !!!
|
|