مقطع فيديو لمهاجم القصر الجمهورى يوم أمس ...

ربنا يرحمو .. استشهد من اجل قضية ..

وحسب ماهو ظاهر فى المقطع فان قطعة السلاح الذى تحصّل عليها ( مسدس )

Quote: مقطع فيديو لمهاجم القصر الجمهورى يوم أمس ...

الكضب عندكم زي شراب الموية ..

الفيديو ده قديم ويبدو انه للحادثة السابقة ومنشور في الرابط ادناه بتاريخ 21-3-2013
https://http://http://www.youtube.com/watch?v=WdgJg0XATKUwww.youtube.com/watch?v=WdgJg0XATKU

Quote: الفيديو ده قديم ويبدو انه للحادثة السابقة ومنشور في الرابط ادناه بتاريخ 21-3-2013

شكرًا يا باشمهندس...

Quote: الفيديو ده قديم ويبدو انه للحادثة السابقة ومنشور في الرابط ادناه بتاريخ 21-3-2013 https://http://http://www.youtube.com/watch?v=WdgJg0XATKUwww.youtube.com/watch?v=WdgJg0XATKUhttp://http://www.youtube.com/watch?v=WdgJg0XATKUwww.youtube.../watch?v=WdgJg0XATKU

شكرا يا باشمهندس على التنبيه .. المقطع متداول فى الفيس بوك

Quote: مقطع فيديو لمهاجم القصر الجمهورى يوم أمس ... الكضب عندكم زي شراب الموية

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Quote: الكضب عندكم زي شراب الموية ..

انا لا اعرفك ولا شفتك قبل كدا ولا تداخلت معاك فى بوست ..
من وين عرفت انتا انو انا كضاب ؟؟؟ والكضب عندى زى شراب المويه !!!

إنت جاي مكضب لينا بعنوان قدر الضربة وتنكر كمان؟؟ ..

Quote: إنت جاي مكضب لينا بعنوان قدر الضربة وتنكر كمان؟؟ ..

انا نكرت شنو ؟؟ انتا زول ماك واعى ؟؟؟

المقطع المتداول فى الفيس بوك "

سلام عليكم أخ علاء

Quote: ربنا يرحمو .. استشهد من اجل قضية ..

نعم ربنا يرحمه ويغفر له و يرحم القتلى الذين لا ناقة لهم ولا جمل بقضيته ولا مظلمته
سؤالي ما هي القضية التي استشهد من أجلها, وما ذنب الجنديين المقتولين.

الأخوان منير وعلاء سيد احمد بعد السلام
ما تدّاوسوا ساي بلا سبب.. العرب قالت: الكضب قِلّة أكيدة
وليك يا أخ علاء ما تنقل من الفيسبوك .. الا بعد التحري والتدقيق لان كلام الفيسبوك نصه فارغ ونصه التاني مليان كلام فارغ على حد قول الكاتب الساخر احمد رجب في اخبار اليوم.
زر قناتي في اليوتيوب من فضلك واشترك فيها
https://http://http://www.youtube.com/user/KabbashiSudanwww.youtube.com/user/KabbashiSudan

كبـّاشي الصافي

(العوج راي والعديل راي)

Quote: سؤالي ما هي القضية التي استشهد من أجلها, وما ذنب الجنديين المقتولين.

الاخ المحترم / محمد البشرى الخضر تحياتى

ولو انّ البى بى سى ارجأت السبب مع اسباب اخرى الى اغتصاب اكثر من 200 امرأة فى قرية تابت
ولكن وبشكل عام السبب يرجع الى الفساد الذى استشرى فى السودان ..

وذنب الجنديين المقتوليين .. ربما رآهما يعيقان تحقيق اهدافه لذلك تعامل معهم كما تعاملوا هم معه ..

Quote: وليك يا أخ علاء ما تنقل من الفيسبوك .. الا بعد التحري والتدقيق لان كلام الفيسبوك نصه فارغ ونصه التاني مليان كلام فارغ على حد قول الكاتب الساخر احمد رجب في اخبار اليوم.

شكرا على النصيحة الغالية اخوى الصافى ..

يعني في رايك الزول دا هاجم القصر عشان يقتص من عمر البشير وفي يوم السبت اللي هو يوم عطلة
وعشان الفساد والاغتصاب
والضحية مجرد عسكريين لا ناقة لهما في الفساد ولا الاغتصاب
لهم الرحمة والمغفرة

Quote: الكضب عندكم زي شراب الموية ..

يا علاء سيداحمد

الجاتك في فيلمك سامحتك

عشان دائماً تطلع من الحرج، خليك حريف واكتب عبارة: حسبما وردني فيديو كذا، أو: فيديو مزعوم لكذا وكذا

أعمل حسابك، درب (الطرابيض) ده نهايتو شقا ونهايتو عذاب

شوف منير ده هسع طار ليك جوز كيفن

طبعاً كالعادة، منير وعبدالله شم القبلي المشهور ينزعجان ايما انزعاج عندما يجدان اي شخص يتعرض لهذا النظام الفاسد!!
يا علاء اكتب وانشر مثل ما يحلو لك ولا تعير هؤلاء ذرة اهتمام،
ان وجدت خطأ في المادة التي اوردته فالاعتذار للقراء واجب وليس لهؤلاء
هؤلاء يحركهم حب القبيلة ولا يهمهم قضية احد مهما كانت درجة عدالته يساندون ابناء بطونتهم ظالمين او مظلومين!!
ولذلك فلا تضيع معهم وقتك
والي الذين يصفون الحراس الاموات بالابرياء اقول لهم من يحمي الظالم فهو ظالم ومن يساند الظالم فهو ظالم فلا تصدعوا رؤسنا

Quote: والي الذين يصفون الحراس الاموات بالابرياء اقول لهم من يحمي الظالم فهو ظالم ومن يساند الظالم فهو ظالم فلا تصدعوا رؤسنا

خلاس يا محمود
كل ناس الجيش
وكل قوات الشرطة
والدفاع المدني
والبلدية
والموظفين
والمدرسين
واهلهم
واقاربهم



كووولهم ظلمة ومجرمين
وات براااك البريء ومخلص وامين

سلام

Quote: والي الذين يصفون الحراس الاموات بالابرياء اقول لهم من يحمي الظالم فهو ظالم ومن يساند الظالم فهو ظالم فلا تصدعوا رؤسنا

صدقت. من يحمي الظالم فهو ظالم ومن يساند الظالم فهو اظلم. ومااظلمهم من يصمتون عن الظلم الذي يحيق باهلنا.

التريث واجب في مثل نقل هكذا اخبار

لانو كشفها سريع جدا

الله المستعان

سلام علاء والمتداخلين
لا يمكن وصف ما قام به صاحب البوست بالكذب فالفيديو متداول وبكثافة في الفيس بوك وفي الواتس وقد اتاني في من اكثر من جهة
وكثير من الناس مرت عليهم هذه الرسالة واعتقدوا انها لنفس الحادثة وانا نفسي صدقتها في البداية فكيف لي ان اعرف انها حادثة قديمة
ولكن معلومة من صديق في الفيس كان شاهدا للحادثة انو المرحوم كان لابس بنطلون وفانيلة خلتني اتردد في تصديق الفيديو حتى اتانا اليقين بالفيديو الاصلي وتاريخ نشره القديم


معليش يا علاء المرة الجاية خليك حريص عند النقل من الفيس والواتس لانو فيها كثير من الاشياء الغير الحقيقية والقليل من الحقيقة

زي المدعو محمود علي ده متفرجخ في آخر الدنيا وعاوز ناس كوكو كافي يمشوا يحاربوا ليهو الحكومة ويموتوا عشان يجي يحتفل بالجنازة في الأسافير ..

نديك سيف تمشي تكابسهم في القصر يا عنتر-اسفير .. ؟؟

يا باشمهندس محمدابراهيم علي ، سيد البوست كاتب عنوان كاذب .. يبقي لفَّاح وكضَّاب ونكّار ونسّاي ..

ياAhmed Mohammed
قاضية شنو؟ ده كله من محمدابراهيم علي ، أجهز عليه من قولة تيت ..

وعلي أي حال مفروض علاء سيداحمد يعمل حسابه - كما نصحه الأخوان - من الواتساب والفيسبوك وباقي البلاوي لأنو هذه الوسائط جابت معاها الكفوة - والشعوب عموماً تحب الشمار والشمشرة وفي السودان خصوصاً الناس اصبحت جنها خبارات وقاموا لقوا الوسائط الساهلة دي فامتلأت البلد بالشائعات والأكاذيب التي انتشرت إنتشار النار في الهشيم .. مجتمع هش قاعد علي الهبشة ..
زي بوست علاء ده نقدر نقول عليهو لقاها عايرة وأداها سوط ..

Quote: وعبدالله شم القبلي المشهور ينزعجان ايما انزعاج عندما يجدان اي شخص يتعرض لهذا النظام الفاسد!!

محمود الكذاب وين انا انزعجت عشان زول هاجم النظام ؟؟؟
انت يا زول بتقرا من الخلف ولا شنو
يا زول زول جاء هاجم ليهو عسكريين وقتلهم بدون اي جريرة وتجي تقول لي دا نضال وبطيخ
ما كان يمش لاي مسؤول فاسد ويطعنو ولا بس بقت علي العساكر المساكين الحق الفطور ما عندهن وناس بتعول في اسرهم رغم الظرف الاقتصادي الضاغط

انا شخصيا جني وجن اللفح

مهما كان

سلام يا محمود

Quote: والي الذين يصفون الحراس الاموات بالابرياء اقول لهم من يحمي الظالم فهو ظالم ومن يساند الظالم فهو ظالم فلا تصدعوا رؤسنا

المرحومين جنود بسطاء رتبهم لم تتجاوز العريف - اقل من رتبة المرحوم صلاح - هما لم يتسببا في ايقاع الظلم عليه وكانوا بأدوا في واجبهم - حراسة القصر
من ناحية أخرى المرحوم صلاح - حسب الرواية - كان جنديا في ذات الجيش و شارك في معارك ابكرشولا و غيرها من متحركات وعمليات الإنقاذ فا هل كان يحمي الظالم و يساند الظلم أيضا؟

Quote: من ناحية أخرى المرحوم صلاح - حسب الرواية - كان جنديا في ذات الجيش و شارك في معارك ابكرشولا و غيرها من متحركات وعمليات الإنقاذ فا هل كان يحمي الظالم و يساند الظلم أيضا؟

في التمانيات

حريف كالعادة يا ود البشرى

الاخوة المرور الكرام

شكرا لكم جميعا المسيئين منكم والمحسنين

اعتذر لكم عن التأخير لبعض المشغوليات وسأقوم بالرد عليكم فردا فردا

والى حين ميسرة ..

Quote: كتب منير : يا باشمهندس محمدابراهيم علي ، سيد البوست كاتب عنوان كاذب .. يبقي لفَّاح وكضَّاب ونكّار ونسّاي ..

Quote: سلام علاء والمتداخلين لايمكن وصف ماقام به صاحب البوست بالكذب فالفيديو متداول وبكثافة فى الفيس بوك وفى الواتس ...

شكرا جزيلا يا باشمهندس محمد ابراهيم .