ود البوش

باركنا ليك
و تامى بنبارك ليك

شابكنا معارك و سوط عنج
لكن طلعتا فشوش

لا اعرفك الا من خلال ما خطه كي بوردك هنا
و استرجلت على من استرجلت
و انخت على بعير ارتباطك مواقف و مواقف
وحرمت عليها حق الارتباط تحت ظل و صياتك
و علم القاصى و الدانى بذلك

لا اعرفها الا من قراءتنا لها
ولكن يحق القول طالما اشهدتنا على ارتباطك بها
انت زول بياع حب

Quote: لا اعرفها الا من قراءتنا لها ولكن يحق القول طالما اشهدتنا على ارتباطك بها انت زول بياع حب

اتا زول ما عندك موضوع وانا مافضي ليك

جلال الدين يا حبيب
اتباركن ايامك يابا
واشاركك السمح وعديل لعيالك

Quote: لا اعرفك الا من خلال ما خطه كي بوردك هنا و استرجلت على من استرجلت و انخت على بعير ارتباطك مواقف و مواقف وحرمت عليها حق الارتباط تحت ظل و صياتك و علم القاصى و الدانى بذلك

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

الأخ العزيز \ جالدونا ..

لك التحية والتقدير والاحترام .. كما للرجل النشمي الشجاع
الذي احمل له كل ما هو جدير به من تقدير واحترام في زمن افتقدنا
فيه ابسط حقوقنا النسوية من تقدير واحترام خارج وداخل هذا المنبر
من بعض الزملاء !!!

Quote: لا اعرفها الا من قراءتنا لها ولكن يحق القول طالما اشهدتنا على ارتباطك بها انت زول بياع حب

اخي اريد ان اوضح لك ما يفقد من صواب في هذا الاقتباس . وكما تعلم
تاتي الرياح بما لا تشتهي السفن .. كل الذي قام به العزيز ود البوش كان
باستشارتي وعلمي التام والمشاركة لاخر لحظه فيه .. لاننا كما تعلم كل منا
يعيش في بلد كل منها مختلف اختلافآ جذريآ عن الاخر وكذلك تربطنا وتقيدنا ظروف
العمل والظروف الاسرية .. ولقد حاولنا المستحيل لتغيير هذه الاوضاع ولكن اباءات
جميعها بالفشل واسبابه المقنعة ..ولقد حاول اقناعي في كتير من المرات للعيش في
السعودية ولكنني لا استطيع البت العيش في السعوديةوكانت هذه من الاسباب الاساسية
ومن ضمنها ظروف عمله التي لا يستطيع تركه نسبة لظروفه الاسرية .وااكد لك اخي جلال
لم اندم لحظة وحتي هذه اللحظة بمعرفتي ولا علاقتي به مهما كانت نوعها عاطفية ام شئ
آخر لان مبدئي تتويج العلاقات ليست بالوصول للهدف الاستحال بل بالاحتفاظ بها في كل حال .

سلمت اخي المقدر جلالدونا .. وسلم ود البوش درقة بنات الحوش .. ودمتم

ولي قدام ..


واخيرآ .. طلب وليست امر ..

سحب البوست ولو امكن الاعتذار لود البوش بعد ما اتضحت الاسباب الموضوعية

ومالية يدي منك وعارفاك زولآ عليك الرك ..

Quote: جلال الدين يا حبيب اتباركن ايامك يابا واشاركك السمح وعديل لعيالك

اكراما لحق الرد
من هنا و لى قدام
يا زول اختا دربى عديل

عالم تسرح بيك بى سيطان عنج و تخليك تبنى فكرة
ثم فجأة تسطح بيك
قول يا سطيح من الصفيح

اكررها ثانية
لست معنى بالرد اليك
بقدر عنايتى ببيع الجب فى موقف مواصلات الاسافير

الحب فى زمن الافتراض
ود البوش نموذجا

جلال ياحبيب سلامات
بحق الاخوة والزمالة ولو عندنا خاطر
عندك اطلب سحب البوست ماتفسد
للراجل فرحتو وتاني في حاجات
خاصة مابتناولوها هنا المطلوب هنا
انو نشارك الناس في الافراح لكن
خطب منو وعرس منو وحصل كيف
دي كلها امور خاصة مابتهمنا في
حاجة انت معاي في الحتة دي
تسلم

Quote: جلال ياحبيب سلامات بحق الاخوة والزمالة ولو عندنا خاطر عندك اطلب سحب البوست ماتفسد للراجل فرحتو وتاني في حاجات خاصة مابتناولوها هنا المطلوب هنا انو نشارك الناس في الافراح لكن خطب منو وعرس منو وحصل كيف دي كلها امور خاصة مابتهمنا في حاجة انت معاي في الحتة دي تسلم

سليمان القرشي يا حبيب
تحياتي

لا لا ياسليمان ما اسحبو عشان نسابتي الجعليين الغشام ديل اشوفو البوست دا وطوالي اطلقوا بتهم من بياع الحب دا
عشان يكون البوست الرائع دا ادى المهمة بنجاح
غايتو عالم عجيبة

مع انو ما عندك موضوع ولا انا فاضي ليك لكن بوجه السؤال التالي لك ولغيرك
هل ود البوش الزول الوحيد الفي الدنيا دي الخطب واعلن خطوبتو سواء في الاسافير او في الواقع ولم يتزوج خطيبته ؟
ثم انه ما دراك بسبب عدم زواجنا
ثم قوم لف وما تحشر نفسك في خصوصيات الناس
ولو زول بطان تعال احضر العرس معزوم من اسع

[

اطلب سحب البوست
شكرا منى
زشكرا و تقدير سليمان
لكن فى النفس شئ من عسى و لعل

شكرا الاصيلة بت عمسيب اوفيتي وكفيتي
مع انو ماكنتي مطالبة انك توضحي ولكن
تعاملتي بطيب اصلك ربنا يديك
الصحة والعافية والسعادة كيمان كيمان
وياجلال الدين اهو بت عمسيب وضحت
ليك اكتر واتمني ان يزول سؤ الفهم
تسلمو كلكم

تسلم حبيبنا النقي \ ود القرشي يا سباق الخير

والله ما كنت داير اقول بما انه في ناس عارفين الموضوع

وانا قلت بكونوا اداولو بيناتهم وريحوني ههههههههه

اها اضطريت وعشان جلجل دا ختاني في زاوية ما منفرجة

اعترفت هههههههههههه تسلموا كلكم وان شاء الله دائمآ محبين

وبنجب بعض يا رب .

ولي قدام ..

Quote: اطلب سحب البوست شكرا منى زشكرا و تقدير سليمان لكن فى النفس شئ من عسى و لعل

مشكور يا جلالدونا يا ولدي علي جبر الخاطر
وربنا يجبر خاطرك محل ما تقبل .

الاخ المحترم جلالدونا..
مساءك خير..

بما أننى لم أتداخل معك من قبل..
فلا يمكن أن أكتب لك عشان خاطرى..
لانه احتمال ما بتعرفنى من اصله...
ولكن بما أنى من سكان حوش بكرى..
والكل بيعشم فى الكل فى الحوش دا..
ياريت تقفل البوست..
تعرف ليه ؟
أولا لانه موضوع شخصى واصحابه زملاء فى المنبر..
وتانيا لانه بجرح (أحساسات) البعض رغم شجاعة الطرفين وتحملهم لموضوع..
ممكن يكون محرج لآى زول..

فيا أخوى قلت شنو ؟

جلال يا حبيب
اسحب البوست ده يا جلال يا ود اختى
وكتر خيرك مابتعصى لخالك امر،،،

ود البوش حرم مليار مبرووووك
وبت عمسيب اوفيتي وكفيتي
صاحب البوست اعتزر واسحب كلامك

Quote: الأخ العزيز \ جالدونا .. لك التحية والتقدير والاحترام .. كما للرجل النشمي الشجاع الذي احمل له كل ما هو جدير به من تقدير واحترام في زمن افتقدنا فيه ابسط حقوقنا النسوية من تقدير واحترام خارج وداخل هذا المنبر من بعض الزملاء !!! Quote: لا اعرفها الا من قراءتنا لها ولكن يحق القول طالما اشهدتنا على ارتباطك بها انت زول بياع حب اخي اريد ان اوضح لك ما يفقد من صواب في هذا الاقتباس . وكما تعلم تاتي الرياح بما لا تشتهي السفن .. كل الذي قام به العزيز ود البوش كان باستشارتي وعلمي التام والمشاركة لاخر لحظه فيه .. لاننا كما تعلم كل منا يعيش في بلد كل منها مختلف اختلافآ جذريآ عن الاخر وكذلك تربطنا وتقيدنا ظروف العمل والظروف الاسرية .. ولقد حاولنا المستحيل لتغيير هذه الاوضاع ولكن اباءات جميعها بالفشل واسبابه المقنعة ..ولقد حاول اقناعي في كتير من المرات للعيش في السعودية ولكنني لا استطيع البت العيش في السعوديةوكانت هذه من الاسباب الاساسية ومن ضمنها ظروف عمله التي لا يستطيع تركه نسبة لظروفه الاسرية .وااكد لك اخي جلال لم اندم لحظة وحتي هذه اللحظة بمعرفتي ولا علاقتي به مهما كانت نوعها عاطفية ام شئ آخر لان مبدئي تتويج العلاقات ليست بالوصل للهدف الاستحال بل بالاحتفاظ بها في كل حال . سلمت اخي المقدر جلالدونا .. وسلم ود البوش درقة بنات الحوش .. ودمتم ولي قدام .. واخيرآ .. طلب وليست امر .. سحب البوست ولو امكن الاعتذار لود البوش بعد ما اتضحت الاسباب الموضوعية ومالية يدي منك وعارفاك زولآ عليك الرك ..

كل الكلام لايوفيك حقك يا الغالية
ولكنه يحفظ للذكرى والتاريخ

صباح الخير عليكم جميعا
ودالبوش الف مبروك ياحبيبنا وانشاء الله تخطب الف موش بالحلال والمشروع ومامطالب بي تبرير

والله العظيم أنا ما كنت فاهم حاجة حتى تداخلت منى عمسيب.
هذه المرأة مميزة بلا شك. والله العظيم.
أنت يا منى مميزة!
والله
و مبروك للأخ ود البوش و تقدير للأخ جلال و شكرا له على قفل البوست

الحبيبة \ نوارة فريقنا وحوشنا بت تاور ..

لك كل التحية المبلسمة ..والشوق العطر.

Quote: وتانيا لانه بجرح (أحساسات) البعض رغم شجاعة الطرفين وتحملهم لموضوع.. ممكن يكون محرج لآى زول..

يا نور احساس شنو البجرح هههههههه هو عليك الله اوربا دي بتخلي
لينا احساس وااااااااحد عشان ينجرح والله يا نور حياة ( طف ) لما نسينا
نفسنا وعنصرنا مذكر ولا مؤنث ههههههههه والله يا نوارة واشهد الله لي
زمن مو بالهين الحياة دي عندي بقت احمد وحاج احمد لدرجة قلت اعرض
نفسي لي طبيب تصدقي بقيت شايفة الحياة لونها واحد لكن كمان انا رجعتو
للغربة واحباطات الوطن وغايتو الشكية لي الله .. تسلمي حبيبتي ..

ولي قدام ..

النشمي \ ود البوش ..

صباحك زين ..

Quote: كل الكلام لايوفيك حقك يا الغالية ولكنه يحفظ للذكرى والتاريخ

Quote: كل الكلام لايوفيك حقك يا الغالية ولكنه يحفظ للذكرى والتاريخ

تسلم والذكري والتاريخ سجلت لك من قبلي المواقف والبصمات التي
لم ولن ننساها والانجازات التي من اجلها كان عنوان هذا البوست
والذي سطرته لم يكن غير حقك الذي لا استطيع مطلقآ الاجحاف فيه
وان لعبت اقدارنا وظروفنا في الذي نحن فيه فعزانا الوحيد عسي ان نكره
شئ فهو خير لنا .. ويبقي كل ماهو جميل في الوضع الطبيعي لان هذا هو
الشئ الطبيعي .. ودمت ..

والالالالاف التبريكات مع اصدق امنياتي النبيلة لكم بدوام السعادة والاستقرار .

الأخ الفاضل \ عمر عبد الله ..

لك التحية .. ووافر التقدير .

Quote: هذه المرأة مميزة بلا شك. والله العظيم. أنت يا منى مميزة! والله

مشكور علي رقة المداخلة .. لم اكن مميزة بل انسانة عادية زي باقي
الزميلات .. ولكنني افضل احتكام العقل في كثير من القضايا حتي لو
كانت عواطف واحاسيس وما اعظم العقل عندما يكون حكمآ , ودمت

ولي قدام ..

قلة الشغلة بتعلم القرد المشاط. والله صحي

ناس البكا غفروا و الجيران كفروا

جلالدونا. شن شغلتك فيهم؟ و ليه تدخل الناس في ضفورها لمن منى عمسيب تجي تشرح خصوصياتها؟ سمعنا و سلمنا من جنس ده.

العزيزة \ دينا بت المكي ..

سلام يغشاك يا حبيبة .. ولك التقدير .

Quote: و ليه تدخل الناس في ضفورها لمن منى عمسيب تجي تشرح خصوصياتها؟

يا الحبيبة ما بين الاسرة الواحدة خصوصيات وبما انكم اسرة واحدة وانا منكم وفيكم
لا اري من خصوصيات صدقيني يا دينا واشهد الله انا اسه بتعامل مع جلال جزء
من هذه الاسرة العامة الخاصة بالنسبة لي والله علي ما اقول شهيد . ولك وللآخ جلال
وافر الشكر والتقدير .. وبتمني من الجميع ان يأخد الموضوع بمنتهي البساطة والعفوية
ويجب علينا احترام اراء الجميع سلبية كانت ام ايجابية .. وانا والله ما زعلانة هههههه
فرحااااااااانة ههههههه . تسلمي يا صديقة ..

ولي قدام ..

ود البوش الف الف مبروك وربنا يجعله زواجا مباركا .
بت عمسيب والله انتى اخت عزيزة وغالية وتاكدى تقديرنا ليك ما ليه حدود .
وتشكرى يا ستهن لى حدهن .
وانت يا جلالدونا ابسط حاجة ( اختشى ). وبس

صادق التهاني والتبريكات لأخونا ود البوش

منى يا بت عمسيب جدعة وبت رجال

أهم حاجة البوست يتحول للمباركة لود البوش

وباقي الخرمجة .. التجاهل .. التجاهل .. التجاهل

ونتمنى من زملاء المنبر وضح خطوط حمراء للخصوصيات

لكل الاخوة و الاخوات
و لود البوش و منى
اعتذارى الواضح و الصريح لكم مع التقدير و الاحترام
طلبت هنا سحب البوست و عززت الطلب ب ايميل للادارة
ود البوش من الاعضاء الكنت بتواضل معاهم من قبل نيل العضوية
عبر نافذة الفيس بوك و أكن له تقديرا كبيرا
وكنت سعيد بى ارتباطو و الزميلة منى
و نفسى الموضوع يتم على خير عشان سعادتنا تكتمل
يصراحة اصبت بخيبة امل كبيرة و انا اطالع بوست عقده
و ده كان الدافع من وراء هذا البوست الذى اعتذر عنه تماما
و الف الف مبروك يا بوش و بيت مال و عيال ان شاء الله
و للعزيزة منى اطيب امنياتى بمستقبل اسرى زاهر