Post: #1
Title: رجل يطلق زوجته لارتدائها البنطال وهو العائد حدثيا من غربة طالت !
Author: زهير عثمان حمد
Date: 11-01-2014, 09:47 PM
رمى رجل عائد من الاغتراب حديثا يمين الطلاق على زوجته بسبب تمسكها بارتداء(بنطال وبلوزة) أثناء تأهبها للخروج معه في زيارة اجتماعية. بعد غضبة مضرية من سلوك الزوجة
وأفادت المتابعات بأن نقاشاً دار بين الرجل العائد من الاغتراب وزوجته حول تعمدها عدم ارتداء الثوب النسائي وتمسكها بارتداء(البنطال والبلوزة) بحجة أنها (غير معتادة على الثياب وجميع ملابسها
من ذات الشاكلة التي يرفضها الذي غاب عمر وهو عارف طريقة لبسي دي يعني شنو جاب كم توب عايز يتحكم بيهم فيني)
، وأمام تعنت الزوجة وأصرارها علي أرتداء البنطال فاجأ الزوج أسرتها بإعلانه للطلاق منها أمام الجميع وسط دهشة الكل لان المغترب أيضا لم يكون ملتزما بالزي
الوطني وقيل أن الرجل كان مغتربا لسنوات طوال تغير كثيرا فيها عن ما كان عليه
و لقد جمع الزوج أغراضه ورحل في نفس الليله
*زولكم مبيت نيه غايتو !
|
Post: #2
Title: Re: رجل يطلق زوجته لارتدائها البنطال وهو العائد حدثيا من غربة طالت !
Author: عمر عثمان عبد الوهاب
Date: 11-02-2014, 12:21 PM
Parent: #1
Quote:
بسبب تمسكها بارتداء(بنطال وبلوزة)
*زولكم مبيت نيه غايتو !
|
شكلها هي زاتا كانت مبيته النيه
يفترض تنزل عند رغبتو وماتلبس بنطلون ويادار مادخلك شر
وممكن تلبسو في البيت اذا كان خلاس يعني النفيسه فيهو
اليومين دي ظهرت حاجات كده تتقاطع فيها
الاراء والرغبات والحريم بقن يسون حاجات كده تمحن
عموما حصل خير
وتستاهل تلات طلقات في نص راسه
|
Post: #3
Title: Re: رجل يطلق زوجته لارتدائها البنطال وهو العائد حدثيا من غربة طالت !
Author: عزالدين عباس الفحل
Date: 11-02-2014, 12:27 PM
Parent: #2
الحمد لله نسوان الحشمة كتار ،
عافي منو ،
ربنا يكثر من أمثاله ،
،،،،
...
.
عزالدين عباس الفحل
ابوظبي
...
|
Post: #4
Title: Re: رجل يطلق زوجته لارتدائها البنطال وهو العائد حدثيا من غربة طالت !
Author: خالد المبارك
Date: 11-02-2014, 12:46 PM
Parent: #2
في الفترة الاخيرة اعتادت الفتيات لبس البنطال و ترك الثوب السوداني
ضرورات اتت بها الجامعات
و صار من الصعب الرجوع للبس الثوب حتى بعد الزواج
بنطلون ؟؟؟
بالله ده كلام
تتحكم فيني ؟؟؟
عبارات سنسمعها كثيرا و كثيرا جدا
و الفضل يعود لدعاة تحرير المرأة بالطبع
تحرير المرأة من لونها
من شعرها الاجعد
من لبسها الغير مواكب و الثوب السوداني المتخلف
من الذكورية
لازم يكون في ندية
خدعوها فاصبحت مسخا مشوه
و نحن في ظل الدعاوى العرجاء لصالح المرأة فقط سنشهد مجتمع انثوي يفرض على الرجل لبس الثوب و على المرأة لبس البنطال
و سيعلم اؤلئك قريبا و لكن بعد فوات الاوان
و بعد هدم المجتمع و بعد وقوع الفاس على الراس
سيعلمون كم كانوا مخطئون
حينما جعلوا المرأة كالرجل
...
بنطلون و غصبا عن الراجل كمان ؟؟؟؟
دي مصيبة شنو دي
ربك يستر في الجايات
جيل الجامعات
|
Post: #5
Title: Re: رجل يطلق زوجته لارتدائها البنطال وهو العائد حدثيا من غربة طالت !
Author: وضاحة
Date: 11-02-2014, 01:20 PM
Parent: #4
ابو الزوز ازيك
غريبة هى فى السودان كان تلبس ثوب لو بتعرف تلبسوا
او تلبس تنورة طويلة وبلوزة طويلة وشيلة ما ضرورى البنطلون فى السودان
كلنا بنعمل كده لما نمشي السودان
كان يتفاهموا دى مشكلة ما بتصل لي طلاق لكن يبدوا فى حلقة مفقودة دا ما سبب للاطلاق
|
Post: #6
Title: Re: رجل يطلق زوجته لارتدائها البنطال وهو العائد حدثيا من غربة طالت !
Author: nour tawir
Date: 11-02-2014, 01:23 PM
Parent: #4
الراجل مبّيت النية..
والزوجه ما هاميها الزوج ولا الزواج بسبب عدم احترامها لرغبته..
ومسألة يتحكم فينى دى..
أغنية بتغنيها الفتيات السودانيات فى شكل جماعات كبيرة..
وبتقول..
you don't own my body.
أها تانى فضل شنو فى الحياة الزوجية السودانية ؟
|
Post: #7
Title: Re: رجل يطلق زوجته لارتدائها البنطال وهو العائد حدثيا من غربة طالت !
Author: ملهم كردفان
Date: 11-02-2014, 01:39 PM
Parent: #6
هيافه ضحيتها الأطفال غباء وقصر ننظر هدام
|
Post: #8
Title: Re: رجل يطلق زوجته لارتدائها البنطال وهو العائد حدثيا من غربة طالت !
Author: د.محمد بابكر
Date: 11-02-2014, 01:49 PM
Parent: #7
ابو الزوز انت متأكد انه بنطال ما بنطلون..لانها بتفرق كتير .موضوع البنطلون ده طفّش ناس كتار من البلد لكن البنطال ده سيرته مافى فى القانون الجنائى ..كدى اتأكد..
|
Post: #9
Title: Re: رجل يطلق زوجته لارتدائها البنطال وهو العائد حدثيا من غربة طالت !
Author: عصام الدين نصر ابراهيم
Date: 11-02-2014, 01:55 PM
Parent: #8
سلاااااااااام يا زهيروووون ابقي مارق
وين دنياك يا الحبيب
|
|