Post: #1
Title: تصوير الزملاء في سرير المرض و عرض صورهم في المنبر .. عادة غير محمودة ...
Author: يحي قباني
Date: 10-31-2014, 10:45 PM
من اضعف لحظات المرء في حياته حينما يكون مريضاً ...
و من اضعف تلك اللحظات حينما يكون ملازماً لسرير المرض ...
لا ادري من منا يحب ان يراه الغير وهو في تلك الحالة ؟
و لماذا نترك تلك الصورة تعلق في أذهاننا ...
من اين اتت تلك العادة الغير محمودة .؟
نصور المريض في فراشه ...
و نصور الميت في وقت دفنه !!!
الله يشفي مرضانا ...
و يرحم موتانا ...
فقط ... ارحمونا من هذه العادة الدخيله ...
|
Post: #2
Title: Re: تصوير الزملاء في سرير المرض و عرض صورهم في المنبر .. عادة غير محمودة ...
Author: يحي قباني
Date: 10-31-2014, 11:00 PM
Parent: #1
يريد البعض ان يأتي بتلك الصور لكي يطمئن بها الآخريين ...
اقول لهم ... يكفي زيارتهم و ( إخبارنا ) بتمام صحتهم ...
ما زالت صورة الراحل الجميل زيدان ابراهيم و هو في سرير المرض فى القاهرة
عالقة في الذهن ...!!
لماذا ...نترك كل صوره الجميلة ... و نترك تلك الصور المؤلمة تعلق في الاذهان ؟
|
Post: #3
Title: Re: تصوير الزملاء في سرير المرض و عرض صورهم في المنبر .. عادة غير محمودة ...
Author: محمد البشرى الخضر
Date: 10-31-2014, 11:34 PM
Parent: #2
سلام عليكم يا هندسة
من أسخف الصور التي رأيتها جثمان الراحل محمود عبد العزيز في المشرحة أو مكان شبيه في المستشفى و في اتنين واقفين متصورين و عاملين بقروا عليه الفاتحة!!
تخيل في لحظة زي دي وقفوا و اتخذوا وضعية التصوير عشان المصور ياخد اللقطة وما تستبعد يكون عادوها كم مرة لغاية ما وصلوا للقطة المناسبة !!
|
Post: #4
Title: Re: تصوير الزملاء في سرير المرض و عرض صورهم في المنبر .. عادة غير محمودة ...
Author: elhilayla
Date: 11-01-2014, 00:19 AM
Parent: #3
شكرا أستاذي قباني علي الملاحظة التي لا تغيب علي فطنتك
إنها فعلا عادة دخيلة
لكن نسوي شنو
مع الكسب السياسي الرخيص
تحياتي
____
الحليلة
|
Post: #5
Title: Re: تصوير الزملاء في سرير المرض و عرض صورهم في المنبر .. عادة غير محمودة ...
Author: يحي قباني
Date: 11-01-2014, 03:53 AM
Parent: #3
Quote: سلام عليكم يا هندسة
من أسخف الصور التي رأيتها جثمان الراحل محمود عبد العزيز في المشرحة أو مكان شبيه في المستشفى و في اتنين واقفين متصورين و عاملين بقروا عليه الفاتحة!!
تخيل في لحظة زي دي وقفوا و اتخذوا وضعية التصوير عشان المصور ياخد اللقطة وما تستبعد يكون عادوها كم مرة لغاية ما وصلوا للقطة المناسبة !! |
شئ مؤلم حد الاستياء يا ود البشري...
|
Post: #6
Title: Re: تصوير الزملاء في سرير المرض و عرض صورهم في المنبر .. عادة غير محمودة ...
Author: يحي قباني
Date: 11-01-2014, 03:58 AM
Parent: #5
Quote:
شكرا أستاذي قباني علي الملاحظة التي لا تغيب علي فطنتك
إنها فعلا عادة دخيلة
لكن نسوي شنو
مع الكسب السياسي الرخيص
تحياتي
____
الحليلة |
عادة بايخة و ثقيلة يا حليلة ...
الميت خلي ... ما حاسي و لا اهلو حاسين بالبياخة دي ...
لكن منتهي عدم الاحترام للمريض ...
ما في حرمات بقت و لا اختشا ...
الرجل في سرير المرض في اسوأ حالاته ...
مجرد التفكير في تصويره في حد ذاتها سخافة ...
|
Post: #7
Title: Re: تصوير الزملاء في سرير المرض و عرض صورهم في المنبر .. عادة غير محمودة ...
Author: محمد أبوالعزائم أبوالريش
Date: 11-01-2014, 10:47 AM
Parent: #6
سلام قباني،
كلامك صحيح وشخصياً موافق عليه.
لكن برضو ما ننسى إنو في مرضى بيكونوا عايزين الصور دي تتنشر، كأنو المرض فيهو قشرة ........ يذكرني الكلام ده واحدة من النكات الحايمة في الواتساب (أكيد مرت عليك)، لما واحدة طالعة من العملية وخاتين ليها أنبوب واللاّ مصيبة في حلقوما وهي بتأشر للدكتور .... الدكتور لما غلبو يفهم هي عايزة شنو ...... شال الأنبوب وسألها، قالت ليهو: كلمو أختي تكتب في قروب الواتساب إنو حليمة عيانة.
قبل يومين شفت أحد أعضاء المنبر عامل ثامب أب  للصورة ........ يبقى أكيد هو موافق عليها.
|
Post: #8
Title: Re: تصوير الزملاء في سرير المرض و عرض صورهم في المنبر .. عادة غير محمودة ...
Author: يحي قباني
Date: 11-01-2014, 07:21 PM
Parent: #7
Quote: سلام قباني،
كلامك صحيح وشخصياً موافق عليه.
لكن برضو ما ننسى إنو في مرضى بيكونوا عايزين الصور دي تتنشر، كأنو المرض فيهو قشرة ........ يذكرني الكلام ده واحدة من النكات الحايمة في الواتساب (أكيد مرت عليك)، لما واحدة طالعة من العملية وخاتين ليها أنبوب واللاّ مصيبة في حلقوما وهي بتأشر للدكتور .... الدكتور لما غلبو يفهم هي عايزة شنو ...... شال الأنبوب وسألها، قالت ليهو: كلمو أختي تكتب في قروب الواتساب إنو حليمة عيانة.
قبل يومين شفت أحد أعضاء المنبر عامل ثامب أب Thumb Up للصورة ........ يبقى أكيد هو موافق عليها. |
قريت و شفته و الله يا صديقي ...
حاجة تحير ... و عادات بايخة بياخة لا يعلمبها الا الله ..
| Quote: قبل يومين شفت أحد أعضاء المنبر عامل ثامب أب Thumb Up للصورة ........ يبقى أكيد هو موافق عليها. |
ده ما براهو ده ...
غايتو نصبر نعمل شنو ؟
|
|