امنعوا ببع مدرسة القومية كوستي

المالية تسعي لبيع مدرسة القومية اولاد التي شيدها اهل كوستي لسد عجز المرتبات
النداء
لأهل كوستي
لأبناء كوستي داخل الحكومة
لكل اهل الوطن
دعوا مدارس الفقراء لاهلها

طرح هذا الامر قبل ثلاثة سنوات ابان فترة ابوعبيدة عراقي معتمدا لكوستي
وفشل البيع لتعاضد اهل كوستي
والآن
يتكرر ذات السيناريو

ود اب سن سلام
كل عام و انتم بخير
لا لبيع المدارس ولا لهدم منارات ودور العلم
اذا كان حكومه ولايه غير قادره توفر رواتب غير جديره بالاستمرار
لكن ما اظن البيع من اجل تدفقات لخزينه الولايه انما اطماع خاصه ودناءه لصوص وعدم خجله وقله حياء وعدم انتماء
وكان الله فى عون الوطن الممحوق ومال الشعب المسروق

شكرا موسي
من اجل كوستي

اكبر مصيبة في اي دولة يا ود ابو سن هي بيع منارات العلم ..
والدول التي تريد ان تتقدم تهتم بالمدارس وتهتم بالمعلمين وتحفزهم بالمرتبات العالية
ولكن حكومتنا الرشيدة تنثر الجهل في كل مكان وبدلا من ان تبيع اماكن الشيشة وأندية
اللهو واللعب التي يرتادها اولاد وبنات البرجوازيين من اعضاء الحكومة تقوم تبيع المدارس
حتى يظل الشعب يعيش في جهالة .. اوقفوا بيع المدارس.. ونتضامن معكم في منع بيع المدرسة القومية ...
ولكن في نفس الوقت يا ود ابوسن ننادي بقفل الجامعات التجارية التي نبتت كالنبت الشيطاني وبدون مؤهلات
وبدون معامل وبدون اساتذة أكفاء للتدريس حيث ان هذه الجامعات تقوقم بتخريج اطباء ومهندسين ومحامين فاشلين
ودمت بالف خير وصحة وعافية

بمناسبة الجامعات في السودان في زول عارف عدد الجامعات الاهلية التجارية البزنسية كم؟ ..

لا لبيع المدرسة القومية في كوستي ولتبقى منارة للعلم ...

العوج راي والعديل راي ..

كباشي الصافي

فوق

المدرسة مطروحة للبيع بمبلغ 2 مليار قديم
ويقال ان تصديق بيعها قد وصل مراحله الاخيرة
كيف لولاية تدعم فريق قدم بالمليارات وتعجز ان تحافظ علي مؤسسة لم تبنها او تؤسسها الحكومة نفسها

فوق

فوق

غايتو ياحفيظو ناس (الشنبلي) ديل كل يوم عاملين كارثه جديدة
اعمل حساب (ضغط الدم) يا حفيظو
مع الشنبلي مش حتقدر تغمض عينيك
ياحليل القوميه اولاد ...

سلامات يا حفيظ

مدرسة كوستي القومية، الوسطى ثم الثانوية العامة ثم المتوسطة وأعتقد أنها أصبحت الأساس حاليا، هي احدى أعرق مدارس المدينة، وقد تم بناؤها بجهد أبناء المدينة، واحدة من خمسة مدارس لمرحلة المتوسط في المدينة -على عهدنا-(كوستي الأميرية والأهلية والقومية والتجاني محمد خير)، ذكرني يا حفيظ ان نسينا أو أخطأنا، وكما أوضح ودأبوسن أن هذه المدرسة قد تم تشييدها بجهدومال أبناء المدينة، وهم المالك الوحيد والذي يحق له التصرف، وأي جهة أخرى تود البيع عليها البحث عن آلية للحصول على موافقة المالك الحقيقي (أبناء كوستي).
ألف باء الادارة تقول "أن أي مؤسسة تقوم بعملية بيع لأصولهاالثابتة (liqudation) للصرف على نفقات التشغيل، عليها تترجل من منصة المسؤولية وتعترف بفشلها...ناهيك أن تكون هذه الاصول هي منارة من منارات العلم وارث تاريخي....


أقترح تنظيم مسيرة احتجاج مع رفع قضية للمطالبة بوقف اجراءات بيع المدرسة وكل مؤسسات شعب كوستي....
شكرا مرة تانية للهمة العالية..وتحياتي لكل أبناء وبنات كوستي.... ً

تانى بيعه وكمان جديده ....

والله حيرتونا يا اهل القياده الرشيده .....
لا لبيع مدرسة كوستى القوميه بنبن

فوق

حكومة السجم..دمرت التعليم.. وشردت الطلاب.. ودايرة تبيع مدارسهم...

لعنة الله عليهم الحرامية..

نقف معكم..

نمنع كيف ونحن قاعدين بعيد كدا يا اب سن
لو الكتابة بتغيّر ما كان بشير السجم دا مترشح تاني
قاليك عايزين يبنوا كلية طب وصيدلة في فداسي ويهدموا القومية
هسي دي مش فداحة
المهم يا عبد الحفيظ، المشتري منو ؟؟

معاوية البائع لسة ..
امنعوا بالنشر سيمتلك غيرنا المعلومة

في البدء لابد لي من تسجيل اعتراضي على بيع اي مؤسسة تعليمية ..إلا إذا كان المشتري يريد إقامة مؤسسة تعليمية أفضل
اقول ذلك ...لأن المدرسة القومية كانت في عهدنا 1974-1977 عندما درسنا الثانوي العام من (ابأس ) المدارس الثانوية العامة شكلا وبنية تحتية
المدراس الثانوية العامة وقتها كانت
الاميرية - الاهلية - المعهد (حي النصر) -التجاني - القومية - الخدمات (السكة حديد)...ثم اضيفت مؤخرا (منيب عبد ربه)

كانت القومية و المعهد تضم اقل عدد من الطلاب و الاثنتان كانتا تملكان بنية تحتية غاية في السوء
فبينما كانت المدراس الاخرى تمتلك المسارح و الميادين الرياضية و المعامل و العدد الكبير من الطلاب
كانت القومية و المعهد قمة البؤس ...

لالالالالالالالالالالالالالالالالالالالالالالالا
غايته ناس الورنيش ملمعى الرمتاله العايزنها فى كوستى عملوها
و الخوف نصحى ونلقى جرس الدلاله مدقوق فى مواطن النيل الابيض ذات نفسه

يا اخى ديل بخيانه خائب باعوا مزرعه العباسيه واقفه على حيلها وحرموا ناس المدينه من متنفس
وقطعوا ارزاق مزارعين كانو عايشين عليها والمشترى منه او بالاصح الاتقاسموها منه ومنه
الناس ديل الماباعوا شنه ديل قشه مره ماعندهم والله الواحد ياكل رحط بته
الا العيب مافى المتاعيس وخايبين الرجا الما لقو اخوان بنات حادبين على مصلحه البلد يوروروا ليهم
و الاحر من بيع المدرسه سكاتنا .

بعدين دى مدرسه وملك شعب الولايه
والدليل على انها ملك الشعب كان كل طالب مقبول بها ملزم بكرسى يجلس عليه

درست بها فى منتصف الثمانيات
والتحيه لجميع الاساتذه الاجلاء الذين درسونا ونذكر منهم
الاستاذ المربى الفاضل / شيخ الريح
الاستاذ المربى الفاضل اشتاذ الرياضيات الاستاذ / جمعه
و الاستاذ المربى الفاضل النشط جدا الاستاذ المحامى / هاشم بلول
ورحم الله الشاعر التجانى يوسف بشير

(وَدَّعت غَضّ صِباي تَحتَ ظِلاله وَدَفنت بيض سني في مِحرابـهِ

نَضّرت فَجر سنـي مِـن أَندائِـهِ وَاشتَرت ملء يَديّ مِن أَعنابِـهِ

هُوَ مَعهَدي وَلَئن حَفظت صَنيعه فأَنا ابن سرحته الذي غَنـى بِـهِ)

Quote: لكل اهل الوطن دعوا مدارس الفقراء لاهلها

بل دعوا أرض السودان لأهلها

ياود ابسن ! ياشيخ العرب!

انت جايي تقول لينا وقفوا بيع المدرسة؟
ياود ابسن خلينا تعمل كلنا على وقف بيع البلد كلها
ضفاف النيل من حلفا للجبلين مبيوعة لسادة حكامنا،
جكامنا ليتهم كانوا سادة يبيعون ويشترون لأنفسهم
حكامنا مجرد خول وخدم للأجانب
المناصير طلعوهم من ضفاف النيل ورموهم في الصحراء
عشان يبيعوا أرضهم لسكان الصحراء ، وما في زول وقف معاهم
أخصب الأراضي تباع لكل شذاذ الآفاق من كل مكان
بألامس اهل العيلفون وقفوا وقالوا لا وقدموا شهيدهم
وما في زول وقف معاهم
بكرة بيتك وبيتي حيتباعوا وما في زول حيقيف معانا
صدقني أنا شايف بالطريقةدي
أولادنا وأحفادنا حيشتغلوا خدامين في البيوت البنيناها ليهم.
أراذل الفلسطينيين باعوا الأرض لليهود
وانطلق شعبهم شحادين ومتسولين نضال أمام أبواب اللئام
صدقني لو ما وقفنا ضد البيع الحاصل دا، وضد هؤلاء الخدم
أولادنا وأحفادنا ماحيلقوا الحجارة اللي يقاوموا بيها
إذا كانت مقاومة الحجارة بتتسمى مقاومة.

لا ...
لبيع مدرسة القومية كوستي ..

مرحبا درديري
بعد الانتفاضة كثر الجديث عن كنس آثار مايو . واعادة الجقوق ولم تكنس آثار مايو وما عاد سوي جق آل المهدي !
ف شنو لو بيعت القومية فلن تعود ثانية . ليس للقتال جبهة واحدة

عزيزي ،
إذا كان الناس ما حيستفيدوا
من الانتفاضتين السابقتين ،
خليهم اليقعدوا كدا!!!
من هسع لازم كل الحرامية ، حرامية الخارج
السرقونا عن طريق خدامنهم ، من ورا ضهرنا،
لازم يعرفوا إنهم ماعندهم شي معانا ،
وبعدين يرجعوا قروشهم من الشالوها منهم،
لأمن نرفع الشعار دا ، عالي ولكل العالم ،
كل زول حيعمل حسابه....
وبغير كدا ....
نحن ماخصانا!!!
نحن ما مستعدين ، بعد كل دكتاتورية ، وانتفاضة ،
نلقى روحنا انسرقنا أوانطة ، وما نعمل حاجة

تحياتي

فوق

صباح الخير عليك يا عبد الحفيظ وعلى كوستي
-----------------

Khali Khalil L Khalil · الأكثر تعليقا
هذا الكلام موجه للذين يريدون بيع المدرسة : ما تفعلونه عار وتدمير لإنسان السودان ولا يحق لكم ذلك ... ومن حق أهل كوستي التظاهر والعصيان المدني ورجمكم بالحجارة فأنتم غير مؤتمنين على مملتكاتهم وثرواتهم أخزاكم الله.
خليل
رد ·
· أمس في الساعة ‏09:30 صباحاً‏
----------
Hussein Musa Mohamed · Belarusian State University
هو بعد دا الناس راجية شنوا ....التصفية بالتصفية...يانصفيهم ياااصفونا
السودانن يبقي حلال عليهم...
رد ·
· منذ ‏20‏ ساعة
---------------

Nafisa Dablouk · University Of Khartoum
سلام ابو سن - باعوا المستقبل - باعوا الامل - وها هم يبيعون التاريخ - بدلا من الترميم البيع -- و احسرتاة على سوداننا وعلى كوستينا --
رد ·
· أمس في الساعة ‏02:32 صباحاً‏

شكرا للجميع
وشكرا لناس الفيس
وشكرا معاوية فلا ار تعليقات الفيس

....ويا حسرتاه على سودانا وعلى كوستينا Quote
----------------------------------
الحبيبة نفيسة دبلوك
هذه اجمل عبارة حب قيلت لمدينة (كوستينا)،،فاثبتي فعلا
انك تحبي مدينتك كوستي ووضعتيها في مكانة وطنك الام
وجنبا الى جنب مع سودانا...وكل يوم نقرا شئ جديد يحببنا
الى كوستي ....وطبعا من اليوم وتعبيرا لحبي لمدينتي عطبرة
ساناديها عطبراوينا...اتبراوينا...
ودمتي بالف خير وصحة وعافية

خلاص يا بت السيد التأشيرة تلقيها من عبد الحفيظ
لكن النكلمك من هسه، زمااان وقت "الزمن الجميل"
كان لما يجونا ضيوف من الخرطوم وكسلا وبورتسودان والأبيض وغيرها
كنا نحتار نفسحهم وين لأنو جمال كوستي ليس في شكلها الخارجي السياحي
بل حاجة كدا مدسوسة في نفوس الناس، تآمر جميل على الحب مضمر في القلوب
اتفاق على مقاسمة السعادة بين الجميع، والكل يريد أن يكون نصيب الآخر هو الأكبر
والفقر أيضا كان سمة مشتركة، ليس الفقر المدقع إنما البساطة في الرزق
ولسبب ما كنا نحب الأغنياء ونحترمهم، ربما لأنهم (الأخيرون) كانوا يوزعون مما أعطاهم الله على الأكثر فقرا
فيتساوى هؤلاء مع متوسطي الحال وتنقص درجة الأغنياء قليلا، لأنهم كانوا يبدون وكأنهم خجلون من ثرائهم
وأديك أمثلة لهؤلاء (أمثلة فقط) من حلتنا حي النصر:
حامد علي الخير، خوجلي عبد الله يعقوب، منيب عبد ربه، بابكر بردسول، آل شلقامي، محمود الحلو،
عبد الحميد الصايم، محمد النعيم الجعلي، آل سلطان....
ما كلموني شفتهم بنفسي بل كنا نشارك في توزيع عطاياهم من منتجات مصانعهم ومزارعهم
على الفقراء ومتوسطي الحال ونحن من هؤلاء
فااا شنو ختي الحاجة دي في بالك عشان ما تتفاجئ بالقبح الذي صارت إليه (كوستينا)
نحن مرقنا منها للأسف تنفيذا لمشيئة الأقدار والمصائر
لكن البركة في ناس زي عبد الحفيظ أب سن وصلاح عوض الله وغيرهما من حراس الذاكرة
دمتي بخير

الحبيب معاوية الزبير
اذا انت بتتكلم عن قبح المدينة من الخارج فهذا لا يهم
كثيرا لان المهم ما بداخل نفوس سكانها واهلها فاذا
كانت النفوس طيبة ومليئة بالود والحب واغنيائها يحسنون
لفقرائها فسنرى مدينة كوستي وكانها دبي في جمالها
الخارجي اما اذا انت تقصد ان نفوس اهلها تغيرت
واصابها لؤم ناس الخرطوم البيجروا وراء بنت جعانة
سرقت دجاجة عشان تشبع جوعها فسنرى منظر
كوستي الخارجي كاي مدينة متخلفة في احراش افريقيا
الوسطى او ليبيريا حتى ولو كانت في جمال باريس
ولكن ما قلته انت عن وجهاء كوستي الاغنياء وعن
برهم واحسانهم لاهل مدينتهم يجعلني اتفاءل بانني
ساجد مدينة كوستي طما تم وصفها في هذا البوست
(بسمات) واحتمال احتاج لتاشيرة فعلا عشان جواز
سفري امريكي ..لكن عندي باك اب لاني محتفظة
بجواز السفر السوداني لاني معتزة وفخورة بسودانيتي
ولم نلجا لنيل الجواز الاجنبي الا لتسهيل السفر
بعد ان اصبح الجواز السوداني مشبوها في الكثير
من مطارات العالم بسبب السياسات الخرقاء لهذا
النظام الحاكم الاخرق
ودمت بخير وصحة وعافية

كلا كلا أهل كوستي مهما جارت بهم الأيام لن يكونوا مثل المصنوعين الجدد في الخرطوم
فيطاردوا صبية أخفت جدادة في صدرها، فأهل الخرطوم هم أهلها الذين استقبلونا
بكل ما كان فيهم قبل أن تجبرهم الظروف على الإنزواء بعيدا عن غول الإنقاذ المتوحش
ليفسحوا المجال للمسخ الجديد المتولد من سياسات النظام الممسوخ
إنما عنيت المظهر الخارجي القديم لكوستي الذي كان يتناسب مع جوهرها بساطة وجمالا

يااااااه
حباب بت بلدي نفيسة دبلوك وسلام ليك ولاسرتك وعيالك ..
زمنا يمص الضؤ من عينيك
يصلب وجهك المنسي في الدرج العتيق
ورحم الله سند
الاميرة بت الامير
تشرفي حرم . وكل البيوت والقلوب مفتوحة ليك شارع
شكرا معاوية
شكرا يا صاحب
لازلنا هناك نقع ونقوم

فوق

Quote: Hussein Musa Mohamed · Belarusian State University محجوب شريف ... غنى يا خرطوم غنى ياخرطوم غنى شدى أوتار المغنى ضوى من جبهة شهيدك أمسياتك واطمئنى نحنا منك ريح وهبت نار وشبت فى وجوه الخانو اسمك ياجميلة ونحن ياست الحبايب من ثمارك فى دروب الليل نهارك وقبل مايطول انتظارك نحن جينا وديل أنحنا القالو متنا وقالوا للناس انتهينا جينا زى ما كنا حضنك يحتوينا... لما فارسك فينا هبَّ وعبَّ حجرك بالمحبة وبالأماني صحى نار الثورة تاني وجانا داخل زي شعاع الشمس من كل المداخل وهز بالمنشور وبشر ياما فرهد فى عيونك غصن أخضر وفرحة أكبر من شجونك والسلاسل يا جميلة يوم ما كان ميلاد شهيدك يلا غني ولاقي عيدك ولى ثمارك لقي ايديك جيل مكافح حلَّ قيدك فى غضبنا الحر ولافح وياما باكر وفى زنازين العساكر نبني مجدك ومهرجانك وكل قطرة دم عشانك ولى جديدك يا جميلة مشاهدة المزيد رد · أعجبني· منذ ‏5‏ ساعات اضافة رد... .. Hussein Musa Mohamed · Belarusian State University الاخ الصديق معاوية حياك الله..لا تظلموا اهل الخرطوم وهم اهل وجعة وفجيعة..هذا المسخ الذي احل بالخرطوم واهلها ما بشبها..هذا المبغي الذي حدث كارثة وزلزال هزا كل السودان والسودانيين والانسانية جمعاء...احححححح...لمتين مواعدك سراب..مودتي رد · أعجبني· منذ ‏5‏ ساعات

أخوي حسين تحياتي
هذا ما عنيته بالضبط في مداخلتي. ها هي اعد قراءتها، و.. ثوري يا خرطوم

Quote: كلا كلا أهل كوستي مهما جارت بهم الأيام لن يكونوا مثل المصنوعين الجدد في الخرطوم فيطاردوا صبية أخفت جدادة في صدرها، فأهل الخرطوم هم أهلها الذين استقبلونا بكل ما كان فيهم قبل أن تجبرهم الظروف على الإنزواء بعيدا عن غول الإنقاذ المتوحش ليفسحوا المجال للمسخ الجديد المتولد من سياسات النظام الممسوخ إنما عنيت المظهر الخارجي القديم لكوستي الذي كان يتناسب مع جوهرها بساطة وجمالا

تحياتي حسين
لا عليك
الخرطوم الان لم تعد خرطوم التمانينات

Quote: يااااااه حباب بت بلدي نفيسة دبلوك وسلام ليك ولاسرتك وعيالك .. زمنا يمص الضؤ من عينيك يصلب وجهك المنسي في الدرج العتيق ورحم الله سند الاميرة بت الامير تشرفي حرم . وكل البيوت والقلوب مفتوحة ليك شارع شكرا معاوية شكرا يا صاحب لازلنا هناك نقع ونقوم

ود اب سن انت نسيت موضوعك والا شنو؟؟؟

ما تورينا عاوز من الناس بعملوا شنو !!!!!!!


تحياتي

فوق

Quote: ود اب سن انت نسيت موضوعك والا شنو؟؟؟ ما تورينا عاوز من الناس بعملوا شنو !!!!!!! تحياتي

أستاذ الدرديري يا صاحب
تُبذر البذرة لإنبات شجرة لجني ثمارها، ومنها الظل
نتسامر في أرجائه.. يتشعب السمر كما الأغصان
إنها هموم وأشجان (كوستينا)
لكن صحي لا بد من اقتراحات لخطة عملية توقف هذا المشروع الكيزاني الشيطاني

سلام وأشواق

فوق

Quote: ألف باء الادارة تقول "أن أي مؤسسة تقوم بعملية بيع لأصولهاالثابتة (liqudation) للصرف على نفقات التشغيل، عليها تترجل من منصة المسؤولية وتعترف بفشلها...ناهيك أن تكون هذه الاصول هي منارة من منارات العلم وارث تاريخي....

قلتها يا نادوس ..

يا ود أب سن، النهاية شنو؟ .... ما فضل شئ ما باعوه ....

قبل فترة إستولى الغول على سوق شعبي في منطقتي (بري) ..... الناس طاروا ووقعوا وحكومة السجم ومتنفذيها عملوا العايزينو رغم أنف المواطن.

بكره بيطلعونا من بيوتنا، عشان فلان والا ود فلان عجبو المكان.

بعد كده مافي غير حقك تقلعوا حمرة عين

حسب كلام عمنا
علي عمسيب
رئيس مجلس الآباء
استدعي من قبل جهاز الامن .. وشرح لهم
ةتعهدوا بأيقاف البيع