Post: #1
Title: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-20-2014, 04:31 AM
Parent: #0
هو بوست غير تقليدي ...
بوست مفتوح لكل من ( طمت ) بطنه من مواضيع و بوستات المنبر العام ...
مثال:
تفتح المنبر العام ... تلقي زول مترصد ليهو زول من الصباح ...
قاتح ليهو بوست بي اسم الزول و هاك يا شتايم ...
تقوم بطنك ( تطُم ) ...
اها بدل ما تقفل المنبر و تمشي ...
تجي غاشي البوست ده و تفضفض مغستك ...
و تطلب ليك اغنية ...
نقوم نجيبها ليك في خلال 24 ساعة ... ان الله هوّنها ...
تجي تان يوم تسمعها و تستمتع بيها زى الليمونه للزول القرفان ...
و برضوا كان في باقي مغسه تكملها ...
و هكذا ...
_____________________________________
ضربة البداية ليمونة امها بت عم ابوها ...
محمد وردي الله يرحمه بطل يغنيها لما كبر في السن ...
لكنها من اروع ما غني وردي و اجمل ما كتب السر دوليب ...
|
Post: #2
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-20-2014, 04:35 AM
Parent: #1
من شروط طلب الاغنية ( الليمونة ) ...
ان يفك الطالب مغسته اولاً بالاشارة الي البوست المسبب للطُمام ...
و الشخص المُطمم ...
و ذلك حتي لا يتحول البوست الي ما يطلبه المستمعون فقط ...
|
Post: #3
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-20-2014, 04:49 AM
Parent: #2
و ابدا بي روحي و طمة بطني من بوستات الهجوم علي المبدعين و الانقاص من قدرهم ...
و اهدي رقبتي ( ليمونة ) غير كل الليمون ...
و اقول ليهم و اذكرهم عمر الدوش قال ...
زمان كُنّا بنَشيل الوُّد
ونَدِّى الوُّد
وفى عينينا كان يكْبَر
حناناً زاد
وفات الحدَ
__________
حسي الظاهر بقينا
نتأسّف ...
على الماضى اللّى ولَّىَ وراح
|
Post: #4
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-20-2014, 04:55 AM
Parent: #3
اها قبل ما انوم ...
لقيت ود الباوقه ( صاحي ) من النوم و كاتب بوست اسمو
سيدي الرئيس أنتم صمام أمان المرحلة المقبلة .....
بطني طمت من العنوان ...
طوالي لحقت ليمونة مناسبة للبوست و اهديها لاخونا ود الباوقة
قصيدة بصوت الحاردلو عن النميري ...
و الدكتاتور بالدكتاتور يذكر ...
|
Post: #5
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: Artiga Gilani
Date: 10-20-2014, 07:27 AM
Parent: #4
بسم الله الرحمن الرحيم
الجميل / يحي قبانى
غايتو داير ليك لوارى لمحاربة
كمية الطمام المستوطن المنبر هذه الايام
انا غايتو زول هجيج عايز اغنية الليمونة شخشياُ
وذلك بسبب كمية الطمام الجابتو لى بوستات العنصرية
ارتيقا
|
Post: #6
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: ود الباوقة
Date: 10-20-2014, 07:59 AM
Parent: #5
اخونا قباني
لو وقفت على الطمام
كويس
مع التحية
|
Post: #7
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: قصي محمد عبدالله
Date: 10-20-2014, 08:49 AM
Parent: #6
Quote: لو وقفت على الطمام
كويس |
الكلام الحساسية
|
Post: #17
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-21-2014, 03:20 AM
Parent: #7
و ( للأخ ) قصي ...
ياخي وجهك المنور و تقواك دى كلها مع ( غُرة ) صلاتك ...
ما بتتخيل انو بتمرق منك كل الغلظة و الالفاظ العجيبة ...
بصراحة حأضطر اجيب لي ليمونة اعدل بيها الحال منك ...
|
Post: #8
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: Haytham Ghaly
Date: 10-20-2014, 08:51 AM
Parent: #6
قباني يا جميل
فكرة البوست حلوة وجميلة زي صاحبا تماماً
وانا عايز اطلب طلب خاص جداً لاني بطني طامة طووولت
من بوست فتحتو انت نفسك ايها الانيق وكان عن عن صولة
العازف البارع مجدي العاقب في اغنية الطير المهاجر
المهم جات مني سيرة اغنية نادر خضر (اشتقت ليك)
فاذا بالزميلة العزيزة سلمى الشيخ سلامة تقتنصني ظلماً
من نافذة الفيس بوك وتطلعني مسطح سااااكت بدعوى ان الاغنية
للفنان محمد ميرغني مع اني ادركت تماماً انها قد تشابهت لها
اسماء الاغاني لانو محمد ميرغني عندو غنية اسمها اشتقت ليك ونفس
الشي المرحوم نادر خضر عندو اشتقت ليك والمشكلة اني جبت الاغنية
ورفعت البوست كم مرة على امل انك انت والزميلة سلمى تعتذروا عن اتهامي
بالتسطيح لانك وافقتها في الرأي ولكن لم يحدث هذا والمشكلة انها عايزة تشكيني لي الله كمان 
ومنذ ذلك الوقت انا بطني طامة لاني حسيت انكم اخطأتم في حقي  واستكترتم الاعتراف بالخطأ والاعتذار
وعشان كدا يا قباني يا حبيب انا بطلب اغنية المرحوم نادر خضر
مشاركة الاداء في برنامج اغاني واغاني طه سليمان وشوف يا قباني
اداء طه هنا مليئ بالاحساس كيف.
بهديها من على البعد الى اختنا الجميلة سلمى سلامة
ودمتم بخير
|
Post: #9
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: شهاب الفاتح عثمان
Date: 10-20-2014, 09:10 AM
Parent: #8
Quote: قباني يا جميل
فكرة البوست حلوة وجميلة زي صاحبا تماماً
وانا عايز اطلب طلب خاص جداً لاني بطني طامة طووولت |
الطمام كميات من بوستات العنصرية الفجة وس خ فها وبوستات النفاق
المهم الطمام خف شوية بقلة البوستات دي الان , وخف بفوز الاحمر الوهاج بكاس السودان بثلاثية
بعد زنقة عالية وواحده من اجمل مباريات الديربي
فكرة البوست واحة مميزة تحياتي يا مبدع,,
ولان المزاج رايق اهديك باغالي وضيوفك , قصيدتي هذه
وكذا الاسود زئيرك جولة
واذا عزمت فانت ذو عزمات
وكذا الاسود عرينك منعة
تساندك صفوة بكل ثبات
وكذا الاسود قدلتك متعة
ويحب خطوك يا رائع الخطوات
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
|
Post: #10
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: khaleel
Date: 10-20-2014, 09:21 AM
Parent: #9
قباني ازيك
عايز اغنية الكانو قبلك شالو العندي راحو
من محمد ميرغني شخصيا ما عايزا بصوت مصطفي سيد احمد
عليك الله يا عراب اغطس في المدينة وهاتا
|
Post: #25
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-21-2014, 05:19 AM
Parent: #10
Quote: قباني ازيك
عايز اغنية الكانو قبلك شالو العندي راحو
من محمد ميرغني شخصيا ما عايزا بصوت مصطفي سيد احمد
عليك الله يا عراب اغطس في المدينة وهاتا |
خِلّي يا صديقي ...
نصبرك بي ( حلو العيون ) ... لغاية ما نلقي ليك طلبك ...
دى بتفك الحيره و بتودر بعض ( الطُمام ) برضها ...
بس ورينا البطن طامة من منو ...؟ :)
|
Post: #20
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-21-2014, 03:36 AM
Parent: #9
Quote: الطمام كميات من بوستات العنصرية الفجة وس خ فها وبوستات النفاق
المهم الطمام خف شوية بقلة البوستات دي الان , وخف بفوز الاحمر الوهاج بكاس السودان بثلاثية
بعد زنقة عالية وواحده من اجمل مباريات الديربي
فكرة البوست واحة مميزة تحياتي يا مبدع,, |
شغلك نضيف يا صفوة ...
و مريخنا فوق ...
يستاهلك و تستاهلوا ...
|
Post: #19
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-21-2014, 03:33 AM
Parent: #8
| Quote: ومنذ ذلك الوقت انا بطني طامة لاني حسيت انكم اخطأتم في حقي واستكترتم الاعتراف بالخطأ والاعتذار |
حقك علينا و ليمونك علينا كمان ...
لكن و الله انا في البوست نفسه وضحت القصة و ماني زول تجني يا ( غالي ) ...
و لو ما عندك الرابط ... ( أخوان البنات ) بجيبوهوا ليك قبل ان يرتد اليك طرفك ...
لكن برضوا سامحني غلطان بتعذر ...
و هاك الشفيف الراحل المقيم نادر خدر ...و اشتقت ليك ...
علها تزيل آثار الطُمام القديم ...:)
|
Post: #26
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: Haytham Ghaly
Date: 10-21-2014, 05:47 AM
Parent: #19
Quote: حقك علينا و ليمونك علينا كمان ...
لكن و الله انا في البوست نفسه وضحت القصة و ماني زول تجني يا ( غالي ) ...
و لو ما عندك الرابط ... ( أخوان البنات ) بجيبوهوا ليك قبل ان يرتد اليك طرفك ...
لكن برضوا سامحني غلطان بتعذر ...
و هاك الشفيف الراحل المقيم نادر خدر ...و اشتقت ليك ...
علها تزيل آثار الطُمام القديم ...:)
|
الانيق قباني
ياخي مشكوووور على الفيديو والاغنية جميلة وبها اشجان واشجان
تعرف يا قباني ان تطييب الخواطر دا اجمل ما في هذه الدنيا
يزيل الكثير عن كاهل الناس ويذكر الانسان انه انسان
اعتذارك مقبوووول بالتأكيد لكن برضو ما بحلك من
كم ليمونة كدا على زوقك لانو البورد ما شاءالله تبارك الله
عناصر الطمام فيو اكثر من اللازم وهاك عنوان البوست دا عشان تعرف
| Quote: اختفاء ظاهرة تزويج الآباء لبناتهم بعد تفشي دعاوى حرية المرأة والانفتاح كانت وبالاً على المجتمع |
شوف التفكير الظلامي دا كيف
لك كل التحايا ويدوم الود
|
Post: #16
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-21-2014, 03:12 AM
Parent: #6
Quote: اخونا قباني
لو وقفت على الطمام
كويس
مع التحية |
ود الباوقة ... !!
ضربني و اشتكي ..؟
|
Post: #15
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-21-2014, 02:31 AM
Parent: #5
Quote: بسم الله الرحمن الرحيم
الجميل / يحي قبانى
غايتو داير ليك لوارى لمحاربة
كمية الطمام المستوطن المنبر هذه الايام
انا غايتو زول هجيج عايز اغنية الليمونة شخشياُ
وذلك بسبب كمية الطمام الجابتو لى بوستات العنصرية
ارتيقا |
هاك الليمونة العجيبة دى يا ارتيقا ...
و تبا للعنصرية و للجهوية ...
و انشالله لوارينا جاية محملة بالليمون ...
قام اتعزز الليمون ... بي صوت الامبراطور ...
من برنامج ساعة بالعود اذيعت في بداية 2013 و تم تسجيلها بواسطة الصديق بابكر الصادق يوسف
|
Post: #22
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: محمد علي عثمان
Date: 10-21-2014, 04:01 AM
Parent: #2
هل يمكن أن نطلق على ( ود أبو ) مأسورة سغيروني ......؟؟؟؟؟
ليمونتين يا قباني
|
Post: #33
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-21-2014, 05:44 PM
Parent: #22
Quote: هل يمكن أن نطلق على ( ود أبو ) مأسورة سغيروني ......؟؟؟؟؟
ليمونتين يا قباني |
حالة صعيبة يا محمد علي ...
ليمونتين بس ؟
|
Post: #11
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: قصي محمد عبدالله
Date: 10-20-2014, 10:06 AM
Parent: #1
قباني سلام،
أنا الأغاني دي ، وبوم بيم طخ طاخ كو ري رو دن دن ، مالي بيها شغلة،
حدي كلمات القصيدة، الباقي بالنسبة لي ضجيج وإزعاج.
طلبي فقط عشرة نكات رباطابية،
مع خالص احترامي للرباطاب...
بالعدم خمسة...
ملحوظ: شايف واحد من بعيد طالب أغنية حبشية،
بالله عليك الله رسل ليهو معاها قبانيت خليه يدستر كويس!
تحياتي وتقديري
|
Post: #28
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: Haytham Ghaly
Date: 10-21-2014, 07:02 AM
Parent: #11
Quote: قباني سلام،
أنا الأغاني دي ، وبوم بيم طخ طاخ كو ري رو دن دن ، مالي بيها شغلة،
حدي كلمات القصيدة، الباقي بالنسبة لي ضجيج وإزعاج.
|
ياخ معقول
الموسيقى ازعاج !!!!!!!!!!!
تتحكم الموسيقى الى حد كبير في وجدان الانسان
احياناً تسمع مقطوعة موسيقية فتحزن حتى تبكي
واحياناً اخرى تسمع مقطوعة اخرى فتبتهج حتى ترقص
وايضاً هناك موسيقى تجعلك ثائراً ومتحمساً لدرجة الهياج
فكيف بالله عليك يكون كل هذا مجرد ازعاج؟؟؟؟
|
Post: #29
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: قصي محمد عبدالله
Date: 10-21-2014, 07:09 AM
Parent: #28
Quote: ياخ معقول
الموسيقى ازعاج !!!!!!!!!!!
تتحكم الموسيقى الى حد كبير في وجدان الانسان
احياناً تسمع مقطوعة موسيقية فتحزن حتى تبكي
واحياناً اخرى تسمع مقطوعة اخرى فتبتهج حتى ترقص
وايضاً هناك موسيقى تجعلك ثائراً ومتحمساً لدرجة الهياج
فكيف بالله عليك يكون كل هذا مجرد ازعاج؟؟؟؟ |
ياخ معقول!!!!!!!!!!!
وماذا تقول الموسيقى؟
|
Post: #30
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: Haytham Ghaly
Date: 10-21-2014, 07:57 AM
Parent: #29
Quote: ياخ معقول!!!!!!!!!!!
وماذا تقول الموسيقى؟ |
الموسيقى بتقول كلام كتييير يا قصي
وعشان الانسان يفهم مغذى الكلام دا ويتفاعل معاو
محتاج لي بعض الاشياء منها
محتاج الى تصالح مع النفس لا حرباً معها
والى حباً في الناس لا بغضاً وكراهية فيهم
والى عقل مشرق غير منغلق يعيش في عصور ظلامية
الموسيقى يا قصي تحتاج لانسان يمتلك وجدان الانسان واحاسيسه
لا ان يكون مثل الصخرة لا وجدان له ولا تحركه المشاعر
كيف لا وقد صارت ذات اهمية قصوى في العلاج النفسي
ويا قصي بكل المقاييس
الموسيقى جميلة جميلة
ومن كانت نفسه بغير جمال
لا يرى في الوجود شيئاً جميلا
|
Post: #31
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: قصي محمد عبدالله
Date: 10-21-2014, 08:32 AM
Parent: #30
Quote: الموسيقى بتقول كلام كتييير يا قصي
وعشان الانسان يفهم مغذى الكلام دا ويتفاعل معاو
محتاج لي بعض الاشياء منها
محتاج الى تصالح مع النفس لا حرباً معها
والى حباً في الناس لا بغضاً وكراهية فيهم
والى عقل مشرق غير منغلق يعيش في عصور ظلامية
الموسيقى يا قصي تحتاج لانسان يمتلك وجدان الانسان واحاسيسه
لا ان يكون مثل الصخرة لا وجدان له ولا تحركه المشاعر
كيف لا وقد صارت ذات اهمية قصوى في العلاج النفسي
ويا قصي بكل المقاييس
الموسيقى جميلة جميلة
|
شكرا لهذا الكلام المفصل،
وشكرا للزمن الذي قضيته في الشرح والتوضيح،
وتركيزا على هذه العبارة وربطها بالكلام الفوق.
Quote:
"""الموسيقى جميلة جميلة
ومن كانت نفسه بغير جمال
لا يرى في الوجود شيئاً جميلا "" |
الموسيقى عامل خارجي و ليس من مكونات النفس، وأثرها في ترقية خلافات نفس الإنسان أكثر من أثرها في المساهمة في التصالح معه.
وحب الناس والتعامل معهم يحتاج في الأول لاحترام المخلوق كبني آدم ،
يتدرج التقرب منه أوالبعد عنه بحسب كثرة وقوة الأفكار والمعتقدات والأفعال و الخصائص المشتركة ، أوقلتها وضعفها.
نفس التدرج في العلاقات من معرفهة ورفيق ومن ثم صديق ، أو ينعكس الحال بسبب أو آخر من صديق ورفيق إلى معرفة ،
وفي حالات نادرة إلى عدو.
|
Post: #12
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: جعفر محمد امام
Date: 10-20-2014, 10:29 AM
Parent: #1
الاخ / قباني
سلام
وسع الماعون شوية خليهو برضو يشمل اهداء لاصحاب بوستات الكويسة و كمان تشمل الاهداءات المدائح و الاناشيد الدينية
و برضو لو في طرقة اغاني من جنة الاطفال عشان الواحد كمان يدي الناس حقها ، و كان جيت و لقيت المنبر واقف كلو الف احمر
طوال نديك القفة بتاعت عمنا الحلفاوي الفي الحج
و من هنا نهدي اغنية الكاشف / لاخونا معتز القريش ، ( ان ما بقطف زهورك ) لبوستيهو بتاع الضفر
و لاخونا ود الباقة غنية وروني العدو و اقيفو فراجا لبوستيهو الاخير بتاع صمام الامان
و تقبل مرورنا
|
Post: #13
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: عاطف عمر
Date: 10-20-2014, 10:52 AM
Parent: #1
قبة يا هندسة يا حبيبنا
| Quote: البوست الموحّد ( للطُمامْ ) ... ما يطلبه ( الطامين ) .. يوجد ليمون .. |
قرأت عنوان ان البوست أكثر من خمسة مرات وفي كل مرة أقرؤه
البوست الموحّد ( للطُماطمْ ) ... ما يطلبه ( الطامعين ) .. يوجد ليمون ..
أقوم أقول يا ربي يحيى دا ح يجيب الخيار والجرجير متين عشان ( السلطة ) تكتمل ؟؟
أكون مالي ؟؟
وتكون بطنى طامة من شنو ؟؟
|
Post: #14
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: معتز القريش
Date: 10-20-2014, 11:18 PM
Parent: #13
| Quote: و من هنا نهدي اغنية الكاشف / لاخونا معتز القريش ، ( ان ما بقطف زهورك ) لبوستيهو بتاع الضفر |
ههههههههههه عجبتني والله يا جعفر
تعرف أنا لي زمن من البورد
فتحت البوست بس عشان حرقتني قفلة البوست الأصلي
غبت كم يوم جيت لقيت البوست في جهة وضفر بدر الدين في جهة
واكتشفت إني بقيت فارة ساي في البورد دا
لكن إختيارك موفق شديد والله
|
Post: #18
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: معاوية الزبير
Date: 10-21-2014, 03:30 AM
قباني يا أخوي الكتابة في المنبر دا زي الإدمان
حالتك دي عندها دواء وااااحد
تاخد صنة كم اسبوع كدا، وتساعد نفسك بالعصاير في الفترة دي
وتتحمل الأضرار الجانبية
وفي الأثناء تدي المنبر طلة بين حين وآخر
ولما تقنع إنو مافيش فايدة.. تتخذ القرار المناسب
انت قاليك الناس الخلّوا المنبر خلوهو بالساهلة بين يوم وليلة !
بمناسبة جادات وهباني
هسي انت صحيت ولّ داير تنوم ؟
|
Post: #21
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: عبدالحفيظ ابوسن
Date: 10-21-2014, 03:42 AM
Parent: #18
و
القافلة معاهو يا صاحب
|
Post: #23
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: زينب محمد عبدالله
Date: 10-21-2014, 04:50 AM
Parent: #21
سلام يا قبانى
عليك الله نزل لينا الفديو دا وبعدين نفكر نهديه لى مين
http://www.youtube.com/watch?v=WDZCkM3P2uQhttp://www.youtube.com/watch?v=WDZCkM3P2uQ
http://www.youtube.com/watch?v=WDZCkM3P2uQhttp://www.youtube.com/watch?v=WDZCkM3P2uQ
|
Post: #24
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: ود الباوقة
Date: 10-21-2014, 05:10 AM
Parent: #23
انا زاتي الليلة شعرت لي بي طمام مع شوية دوشة
من بوستات هباني
|
Post: #48
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-22-2014, 02:31 PM
Parent: #23
Quote: سلام يا قبانى
عليك الله نزل لينا الفديو دا وبعدين نفكر نهديه لى مين |
مشتاقين يا زينب يا بت يا دوغرية ...
طمام بطنك انا عااارفه من مية محلة ...
الصبر بس نعمل شنو تراهو الحال البقي عليهو الناس ...
السودانيين انسختوا و الله اعلم ....
|
Post: #41
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-22-2014, 05:42 AM
Parent: #21
Quote: و
القافلة معاهو يا صاحب |
حفيظ يا جميل ...
ما تديها اي وزن ...
خليك زى اخوك كده ... اديها الطرشة ...
الطبل مهما علا صوته ... فهو ( أقرع ) ...
|
Post: #27
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: قصي محمد عبدالله
Date: 10-21-2014, 06:27 AM
Parent: #18
سلام ود المدير
Quote: قباني يا أخوي الكتابة في المنبر دا زي الإدمان
حالتك دي عندها دواء وااااحد
معوية سلام،
تاخد صنة كم اسبوع كدا، وتساعد نفسك بالعصاير في الفترة دي
وتتحمل الأضرار الجانبية
وفي الأثناء تدي المنبر طلة بين حين وآخر
ولما تقنع إنو مافيش فايدة.. تتخذ القرار المناسب
انت قاليك الناس الخلّوا المنبر خلوهو بالساهلة بين يوم وليلة !
|
عشان تخلي المنبر لازم تخلي متابعة الأخبار،
ودي إلا واحد معصور في الشغل.
بمعنى آخر:
أكبر اسفير - بحسب مروري على العديد منها - يجمع الأخبار العامة والخاصة و النقاش حولها هو هذا الإسفير.
ممكن تترك المشاركة والتعقيب، ولكن عند متابعة أخبار البلد والعالمبة ستجد نفسك مار بشارع sudaneseonline.com.
هذا الموقع يمثل صحيفة جامعة لأخبار البلد ، مدنه ، أحائه ، أسواقه وشوارعه ، يأتي بها أناس مستقلون تماما عن الإعلام الرسمي.
|
Post: #32
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: سامى عبد المطلب
Date: 10-21-2014, 09:23 AM
Parent: #27
Quote: انا زاتي الليلة شعرت لي بي طمام مع شوية دوشة
من بوستات هباني |
حلل يا ود الباوقة
|
Post: #35
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: Osman Musa
Date: 10-21-2014, 06:03 PM
Parent: #32
عزيزنا قباني
سلامات
غايتو عمك بكري ابوبكر لو ما شاف لينا طريقة للطمام ده
خايفين الطمان يقوم ينقلب لي Ebola .
ما هو أصلو القصة كلها Virus .
ياخ ربك يصلح الحال ويطيب النفوس
تحياتي
|
Post: #52
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-23-2014, 04:12 AM
Parent: #35
Quote: عزيزنا قباني
سلامات
غايتو عمك بكري ابوبكر لو ما شاف لينا طريقة للطمام ده
خايفين الطمان يقوم ينقلب لي Ebola .
ما هو أصلو القصة كلها Virus .
ياخ ربك يصلح الحال ويطيب النفوس
تحياتي |
الايبولا قالوا اشاعة ...
ياخ انشاء الله بكري يلحقوا قبل ما القصة تتطرشق ...
لانها بالجد بقت زى ال bubble ممكن تنفجر في اي لحظة
|
Post: #34
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: محمد حيدر المشرف
Date: 10-21-2014, 05:57 PM
Parent: #1
- آيباد ودولة صناعية كبرى في 5 سنوات لود الباوقة..
- طمام وحزن عميق جدا
- 21 اكتوبر, تصور يا يحى
- تحياتي
|
Post: #36
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-21-2014, 06:09 PM
Parent: #34
|
Post: #37
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: Khalid Kodi
Date: 10-22-2014, 02:41 AM
Parent: #36
في ذكري اكتوبر، يقصف النظام في الخرطوم المدنيين في هيبان ... فيقتل منهم من يقتل بما في ذلك سته اطفال ...
... وفي 21 اكتوب والسودانييون يحتفلون بالاثوره التي يكرم الفاشي شعراءها وهم يقبلون التكريم ...يقصف الفاشي مزيدا من المدنيين ..
ومتعلمي السودان وصفوتهم يصابون بالطمام لمن يفسد عليهم انيق ذكرياتهم ... من يشوش علي ناديهم الراقي المحتفي بالكلمات الانيقه ...
اسمحي لي سادتي بمشاركتكم الطمام ... فمايجري مثيرا للتقزز !
.
|
Post: #38
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-22-2014, 05:24 AM
Parent: #37
Quote: الاخ / قباني
سلام
وسع الماعون شوية خليهو برضو يشمل اهداء لاصحاب بوستات الكويسة و كمان تشمل الاهداءات المدائح و الاناشيد الدينية
و برضو لو في طرقة اغاني من جنة الاطفال عشان الواحد كمان يدي الناس حقها ، و كان جيت و لقيت المنبر واقف كلو الف احمر
طوال نديك القفة بتاعت عمنا الحلفاوي الفي الحج
و من هنا نهدي اغنية الكاشف / لاخونا معتز القريش ، ( ان ما بقطف زهورك ) لبوستيهو بتاع الضفر
و لاخونا ود الباقة غنية وروني العدو و اقيفو فراجا لبوستيهو الاخير بتاع صمام الامان
و تقبل مرورنا |
الماعون انشاء الله واسع يا جعفر يا حبيب ...
و انشائ الله كلو يكون علي خاطرك ...
اصلوا البوست ده للناس النفسها طيبه و خاليه من البغض و المكائد ... :)
|
Post: #39
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-22-2014, 05:26 AM
Parent: #38
Quote: قبة يا هندسة يا حبيبنا
Quote: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
قرأت عنوان ان البوست أكثر من خمسة مرات وفي كل مرة أقرؤه
البوست الموحّد ( للطُماطمْ ) ... ما يطلبه ( الطامعين ) .. يوجد ليمون ..
أقوم أقول يا ربي يحيى دا ح يجيب الخيار والجرجير متين عشان ( السلطة ) تكتمل ؟؟
أكون مالي ؟؟
وتكون بطنى طامة من شنو ؟؟ |
عاطف عمر يا صديق الزمن الجميل ...
رايحة ليك دكوة ولا شنو ؟ ههه
ياخي الما بطمم البطن شنو ..
شكل و هبالة ... وعنصرية ... و تشدد رأي ... و شوفوني
و الله السودانيين بقوا يحيروا يا حبيبنا ...
الله غالب بس ...
|
Post: #40
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-22-2014, 05:33 AM
Parent: #39
Quote: قباني يا أخوي الكتابة في المنبر دا زي الإدمان
حالتك دي عندها دواء وااااحد
تاخد صنة كم اسبوع كدا، وتساعد نفسك بالعصاير في الفترة دي
وتتحمل الأضرار الجانبية
وفي الأثناء تدي المنبر طلة بين حين وآخر
ولما تقنع إنو مافيش فايدة.. تتخذ القرار المناسب
انت قاليك الناس الخلّوا المنبر خلوهو بالساهلة بين يوم وليلة !
بمناسبة جادات وهباني
هسي انت صحيت ولّ داير تنوم ؟ |
انا ما بنوم يا ود الزبير ...
النوم و انا اصلوا ما اصحاب ...
و حياتك عارف الحل ... لكن بي سجمو و رمادو ده
المحله الوحيده البتربطنا بالواقع و اخبار البقعة ...
نعمل شنو ... نموت كمد بي بعادنا ده ...
اديك سر ؟ ....
كل ما ازهج امش اسمع عمك سيف الدسوقي بقول الكلام العجيب ده ...
ازيد طيني بلّه ... و تسح الدموع من جواي ... لانو دمعتي البرانية عصيّه ...
امدرمان ... كلما زاد العمر بنا ... نتمسك اكثر و نشتاق ...
|
Post: #42
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: اسامه العريفي
Date: 10-22-2014, 05:43 AM
Parent: #40
معليش يا هندسة
البوست ده عاوز فيه 2 ليمونة وفوار كزرزار
مع فائق ودي واحترامي
ودالعريفي
|
Post: #43
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: ود الباوقة
Date: 10-22-2014, 05:57 AM
Parent: #42
اسمعوها على الريق لمدة 3 يوم
الكمدة بي الرمدة
|
Post: #44
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: عبدالحليم حامد النعيم
Date: 10-22-2014, 08:52 AM
Parent: #43
..
والله قريت البوست زي ما قراهو الباشمهندس ود عمر ...
بس بالله بوستات ( إنبهلت ) (وصناعة الآيباد ) عاوزة ليها كم شوال ليمون ..
..
|
Post: #45
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: ALWALEED ALSHEIKH
Date: 10-22-2014, 10:16 AM
Parent: #44
| Quote: بس بالله بوستات ( إنبهلت ) (وصناعة الآيباد ) عاوزة ليها كم شوال ليمون .. |
عايزة لواري لواري ما شوالات يا عبدالحليم أخوى
|
Post: #46
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: ALWALEED ALSHEIKH
Date: 10-22-2014, 10:20 AM
Parent: #45
معليش فاتني أن أسلم على صاحب البوست و ضيوفه الكرام لكن نقول شنو قاتل الله الطمام و الطممونا.
تحياتي أخي قباني و احترامي لك و لضيوفك الكرام.
|
Post: #49
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-22-2014, 02:43 PM
Parent: #44
Quote: انا زاتي الليلة شعرت لي بي طمام مع شوية دوشة
من بوستات هباني |
عليك بقليل من الفواكه بعد قيامك من القيلولة ... ثم عشا خفيف ...
يا راجل هباني ده فاكهتنا ... لا طبّل لا زمّر ...
الباقي الناس المرقوها في القصر الجمهوري ...
|
Post: #57
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-25-2014, 10:39 PM
Parent: #43
سمسم يا وجيه ...
مشتاقين ...
|
Post: #54
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-23-2014, 04:18 AM
Parent: #42
Quote: معليش يا هندسة
البوست ده عاوز فيه 2 ليمونة وفوار كزرزار
مع فائق ودي واحترامي
ودالعريفي |
يا عريفي ياحليل الكاسلتزر يا عريفي ...
جنس الحاصل ده الا قلّاب الكاسلتزر حتين يروحو ...
|
Post: #53
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-23-2014, 04:14 AM
Parent: #34
Quote: آيباد ودولة صناعية كبرى في 5 سنوات لود الباوقة..
- طمام وحزن عميق جدا
- 21 اكتوبر, تصور يا يحى
- تحياتي |
تحياتي يا صديقي ...
صدقني بقيت ما اتعجب من اي شئ ...
كل زول بقي عنده اجنده و شغال فيها ...
رغم انفنا و رغم استفزازها للعقل الفينا ...
|
Post: #47
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: Othman Al-Hasan Babikir
Date: 10-22-2014, 01:10 PM
Parent: #1
مصطفى عثمان يبشر الشعب السوداني بالحصول على دعم من السعودية ...!!!
دي عايزه جنينة ليمون والله
|
Post: #50
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: صديق الموج
Date: 10-22-2014, 03:46 PM
Parent: #47
وجود غريبة وابو جنزير بالمنبر داير الف جنينة ليمون،،،
|
Post: #51
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: صديق الموج
Date: 10-22-2014, 05:08 PM
Parent: #47
وجود غريبة وابو جنزير بالمنبر داير الف جنينة ليمون،،،
|
Post: #55
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: هشام المجمر
Date: 10-23-2014, 05:45 AM
Parent: #51
يا قصى
سلام
Quote:
الموسيقى عامل خارجي و ليس من مكونات النفس، وأثرها في ترقية خلافات نفس الإنسان أكثر من أثرها في المساهمة في التصالح معه.
وحب الناس والتعامل معهم يحتاج في الأول لاحترام المخلوق كبني آدم ،
يتدرج التقرب منه أوالبعد عنه بحسب كثرة وقوة الأفكار والمعتقدات والأفعال و الخصائص المشتركة ، أوقلتها وضعفها.
نفس التدرج في العلاقات من معرفهة ورفيق ومن ثم صديق ، أو ينعكس الحال بسبب أو آخر من صديق ورفيق إلى معرفة ،
وفي حالات نادرة إلى عدو. |
جبت الكلام ده من وين؟ هل هو كلام من عندك؟ او من كتاب علمى؟ او من حديث لاحد شيوخكم؟
يا يحيى حسه كلام قصى ده ما بطمم البطن وفى بوست الطمام كمان...هههههههه
اسرع ياخ جيب لينا غصن الرياض المايد بصوت ود حلتنا الراحل محمود عبد العزيز
|
Post: #56
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-25-2014, 06:19 AM
Parent: #55
أغنية تزيل الطمام المزمن ...
عثمان الشفيع ...
يغني لعثمان حسين ... !!!
و لشاعر لم تنصفه الايام هو الراحل يس الخليفه ...
طيبة الأخلاق ...
|
Post: #58
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: عبدالله ود البوش
Date: 10-25-2014, 10:48 PM
Parent: #56
السلام على قباني وكل ضيوفه
.
.
عسى ولعل
|
Post: #59
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: صلاح عباس فقير
Date: 10-26-2014, 03:57 AM
Parent: #58
هههه
غايتو البوست كلو يا قباني عبارة
عن ليمونة كبيرة!
وتحياتي لك ولضيوفك!
|
Post: #60
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: محمد أبوالعزائم أبوالريش
Date: 10-26-2014, 06:37 AM
Parent: #59
Quote: ما بتتخيل انو بتمرق منك كل الغلظة و الالفاظ العجيبة ...
بصراحة حأضطر اجيب لي ليمونة اعدل بيها الحال منك ... |
يا دفعة، ليمونة شنو ........ جيب معاك مكتبة الأغنية كلها،،،،،، خلينا نغرف بس.
لحدي ما تجيبها، عندك حاجة لي (حسن الهاوي)؟
|
Post: #61
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-26-2014, 04:01 PM
Parent: #60
Quote: يا دفعة، ليمونة شنو ........ جيب معاك مكتبة الأغنية كلها،،،،،، خلينا نغرف بس.
لحدي ما تجيبها، عندك حاجة لي (حسن الهاوي)؟ |
مكتبة كاملة لحسن سليمان الهاوى ... بس انت تامر يا حبيبنا
و عندنا كمان قصصهم كمان لما كانو بيلبدوا يسمعوا خليل فرح مع اخوهو الكبير و هم بيغنو ...
انت قايل المكتبة دى هينة ولا لينو يا ابو الريش
|
Post: #62
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-30-2014, 04:25 AM
Parent: #61
لا فايده ... طُمام في طُمام ...
لعل و عسي ...
|
Post: #63
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: محمد مجيدو
Date: 10-30-2014, 07:07 AM
Parent: #1
الاخ قباني .. وضيوفك الكرام .. السلام عليكم ,,
غايتو انا مرات كده بجي اتاوق في عناوين البوستات هنا ..
وفعلا بجيني طمام شديد مع غثيان .. لامن الواحد يشك في نفسو
كمان لاحظت انو في كم نفر كده مكررين نفسهم شديد
ومواضيعهم تقرف وبجيبوا الغثيان للقاري ... دا اذا الواحد قراء ليهم ...
انا اقترح مع الليمونه تجيب لينا امفتفت كمان .. خليها تفك مره واحده ....
[IMG]http:
|
Post: #64
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: يحي قباني
Date: 10-31-2014, 05:08 AM
Parent: #63
| Quote: انا اقترح مع الليمونه تجيب لينا امفتفت كمان .. خليها تفك مره واحده .... |
دى ... كان ما فكتها يا مجيدو ...
ما في شي تاني بفكها ...
ده ليمون ( مزدوج ) ...
|
Post: #65
Title: Re: البوست الموحّد ( للطُمامْ ) ... ما يطلبه ( الطامين ) .. يوجد ليمون ..
Author: معاوية الزبير
Date: 11-06-2014, 05:34 PM
Parent: #64
أها الطمام راح ولّ شنو؟
البوست دا نكتّو من الصفحة الرابعة
وعايز أبقيه وأمثاله التي تدعو دعوته وبوستات الجمال نفسها، في الصفحة الأولى
كلما تيسر لي الوقت
ونشوف من سينتصر ويبقى في النهاية
ما ينفع الناس أم الزبد ؟
|
|