رائعة العملاق الراحل محمد وردي - الطير المهاجر - فيديو مصور

هذا الفيديو إهداء للأخوان:

عماد شمت
سوداني عجوز (عاطف أرنست)
هشام هباني
عماد خليفة
عبدالعزيز عثمان
نشأت الإمام
هوراي نمر

والى كل عشاق ومحبي الفنان الراحل العملاق محمد عثمان وردي. ألف رحمة ومغفرة ونور تنزل عليه.

شكرا كتيرا ياراقي
اخي عزيز عيسي
ولو انت ذاتك الخواجه عزيز
تكون كمان تميت الناقصه وزدت ابداع
اشكرك على زوقك الراقي

أشكرك أخي محمد الهادى عبد الرحيم على شعورك النبيل
وعلى تعليقكم وكلماتكم الرقيقة.
نعم الخواجة عزيز هو لقبي الذي أُعرف به وسط أبناء ودمدني.
مع خالص ودي وتقديري

الصديق عبد العزيز عيسي

تحياتي

وتشكر علي الهدية الجميلة وهو جهد فني رائع اكتشفت من خلاله انك واحد من قبيلة المبدعين في هذا المنبر العام
وفي ضرب راق من ضروب الابداع الالكتروني.

الأخ الحبيب ..
والصديق العزيز .. عبد العزيز ..
عمو عبد العزيز ..
لا .. من حسه .. بقيت .. خواجة عزيز ..

وينك يا رجل .. افتقدناك كثيراً .. ليه مسجل غياب ..
عليك الله ما تنقطع مننا .. ومن وجودك على هذه الساحة ..
يا زول بمبرنا .. أخير من عنقريبكم ..

يا أخى .. هذا العمل الفنى الرائع .. حقيقة لهو مجهود جبار ..
و أغنية الطير المهاجر .. لها تاريخ حنين معى ..
لاكين .. الله يسامحك يا عمو عبد العزيز ..
قلبت علينا المواجع .. مواجع السودان .. مع الفراق الحراق ..
ومع ذكريات هذه الأغنية بالذات .. لاكني أقول شنو ..
أقول ليك .. الله يسامحك .. حسه داير لى .. علبة مناديل .. تشو بيبر ..
لاكين . كله يهون .. نعمل ايه بس .. مع القليب الرهيفون ..
الصغيرون .. الصغيرون .. تقول جايبينو من العيلفون ..

وبعيدين .. نقول ليك يا أخوى .. على الرغم من هذا وذاك ..
نشكركم أخى جزيل الشكر على إهدائكم هذه
الأغنية لنا .. كتر خيرك كتير يا عبد العزيز ..
الرب يبارك حياتكم ..
أخوكم و عمكم العجوز ..
عاطف
+++

Quote: وتشكر علي الهدية الجميلة وهو جهد فني رائع اكتشفت من خلاله انك واحد من قبيلة المبدعين في هذا المنبر العام وفي ضرب راق من ضروب الابداع الالكتروني.

الأخ والصديق العزيز هشام هباني،

شكراً على كلماتك الراقية والإطراء بحقي
والتي أعتبرها شهادة قيمة من إنسان عزيز أكن له كل تقدير وإحترام.
وهي بالطبع تشجيع ودافع لكل فنان لأظهار مواهبه في المجال الذي يجيده ويتقنه.
يا هشام هذا العمل بدأته منذ أكثر من عام ولكن لظروف المشغوليات لم أسطع
إكماله إلا خلال الأيام القليلة الماضية.

شكراً لك مجدداً مع خالص ودي وتقديري

Quote: لا .. من حسه .. بقيت .. خواجة عزيز ..

الأخ والصديق العزيز والجار عمو عاطف إرنست أرجانوس جبران،
تحياتي يا زول يا حنين

آي بقيت خواجة وآيه رأيك كمان بتكلم عربي.

Quote: وينك يا رجل .. افتقدناك كثيراً .. ليه مسجل غياب ..

أخوك متواجد ومتابع للمنتدى من وقت لأخر متى ما سمحت الظروف.

Quote: يا أخى .. هذا العمل الفنى الرائع .. حقيقة لهو مجهود جبار .. و أغنية الطير المهاجر .. لها تاريخ حنين معى ..

كلماتك شرف أحملها تاج على رأسي.

بالمناسبة يا إخوان هذا السوداني العجوز إرنست يسكن في نفس الحي الذي أسكنه
وعلى مسافة قريبة جداً من منزل عائلة (بيونسي). ومعرفتي به تمتد الى عام 1990
إنسان شفيف وسمح وجميل بكل ما تحويه الكلمة من معنى وفي منتهي الرقة
والأدب والظرافة لم أصادف إنسان حنين جداً الى الماضي ويحب السودان
حتى النخاع مثلما يحبه هذا السوداني الطيب المخلص.
جاب كل مناطق السودان شماله وجنوبه شرقه وغربه.
ويحتفظ بذاكرة متقدة يحسد عليها عن ماضي السودان الجميل.
زول حكاي وموسوعة علمية فذة لم أسأله أسئلة إلا ويجيبني عليها بكل أريحية.

إرنست أتشرف دائما بصداقتك وكأخ عزيز وكريم
محبي التي تعرف