Post: #1
Title: المشروعات الصغيرة والمتوسطة الطريق الى جمع الثروات
Author: صلاح الدين نزلاوى
Date: 10-14-2014, 08:37 AM
سلام عليكم
بعد غيبة طويلة
نعود
المرة دى عاوزين نكشف ليكم افضل طريق لجمع الثروة
بعد ان خضنا تجربة تربية الابقار الحلوب
اكتشفنا سر اللعب
والى أولى حلقاتنا
|
Post: #2
Title: Re: المشروعات الصغيرة والمتوسطة الطريق الى جمع الثروات
Author: صلاح الدين نزلاوى
Date: 10-14-2014, 08:45 AM
Parent: #1
الموسم الزراعى نجح هذا العام والحمد لله
فى زيارة الى غرب النيل الابيض بدأ حصاد السمسم
معظم السمسم أحمر يعنى لانتاج الزيت
السمسم الابيض طبعا لانتاج الطحنية والحلويات
الخطوة الاولى
شراء السمسم الاحمر فى بداية الموسم فى حدود 100 طن
ممكن الشراء بتمويل من بنك
اذا كنت تمتلك بعض الاموال فالافضل ان تشترى بها معصرة زيت سمسم فى حدود 120,000 جنيه
المعصرة تعصر طن سمسم فى اليوم
نواصل
|
Post: #3
Title: Re: المشروعات الصغيرة والمتوسطة الطريق الى جمع الثروات
Author: محمد الأمين موسى
Date: 10-14-2014, 09:09 AM
Parent: #2
طبعا نسأل مجرب ولا نسأل طبيب.... مرحبا بعودة رسول الاستثمار بالمنبر غانما سالما.
|
Post: #4
Title: Re: المشروعات الصغيرة والمتوسطة الطريق الى جمع الثروات
Author: الهادي ابوبكر
Date: 10-14-2014, 09:34 AM
Parent: #3
دخلت من قبل في تجربة تجميع مكائن البلوك (block making machine)
الفكرة كانت تمكين شرائح صغيرة من انتاج البلوك فقمت باحضار تصميم لآلة فلبينية تعتبر يدوية وسهلة الاستخدام لدرجة يمكن عمل المصنع داخل حوش البيت .
العقبات كانت في استيراد القالب بمواصفات خاصة يتطلب تصنيع خاص في الصين وهذا يرفع التكلفة وتصنيعه في السودان شبه مستحيل.
المشكلة الثانية ان الجميع يطلب نوع مكائن بياضة وعدد 4 بلوكات في المرة الواحدة ، هذا النوع يصعب تصنيعه محليا واستيراده يزيد من سعره فيهرب الزبون بسبب ارتفاع السعر، مجرد ذكر السعر يقول مافي منه مستعمل.
المخططات ما زالت معي والماكينة تصنيعها سهل وتعتبر سريعة اكثر من مرة ونص بالنسبة لباقي المكائن اليدوية لسهولة استخدامه ...
حاجة تانية ارقتني ان الشعب السوداني اصبح يبحث عن الكسب السريع الغير متعب ، يعني ممكن يقعد تحت شجرة جمب ست الشاي اسبوع اسبوعين في انتظار فرصة بيع قطعة ارض بيت سيارة ، قد تعوضه مصاريف الاسبوعين ديل، ولا يرهق نفسه ، ودي مصيبة كبيرة وعائق كبير لتسويق مكائن الانتاج من اي نوع.
|
Post: #5
Title: Re: المشروعات الصغيرة والمتوسطة الطريق الى جمع الثروات
Author: يوسف أبو صالح
Date: 10-14-2014, 10:49 AM
Parent: #1
السلام عليكم ورحمة الله
| Quote: حاجة تانية ارقتني ان الشعب السوداني اصبح يبحث عن الكسب السريع الغير متعب ، يعني ممكن يقعد تحت شجرة جمب ست الشاي اسبوع اسبوعين في انتظار فرصة بيع قطعة ارض بيت سيارة ، قد تعوضه مصاريف الاسبوعين ديل، ولا يرهق نفسه |
مصداقا لى كلامك يا الهادى قبل فترة كان عندنا بنيان وما فى عمال مونة وفى واحد
بحفر الاساس بالمقاولة دار بينيى وبينه هذا الكلام :
قلت ليه عندك شغل قال لى لا قلت ليه خلاص تعال اشتغل معانا
يومية وكانت وقتها بى اربعين جنيه تخيل قال لى انا شغل اقل من مية وخمسين ما بنفع معاى
قلت ليه ربنا يديك ويزيدك لكن انت هسى قاعد ساى لما تلقى ابو مية وخمسين امشى ليه قال لى
يا زول انا احسن اكون قاعد ساى ولا اشتغل يومية بى اربعين ههههههههههههه
.......................
معليش يا سيد صلاح خرمجنا فى بوستك شوية
|
Post: #6
Title: Re: المشروعات الصغيرة والمتوسطة الطريق الى جمع الثروات
Author: Haytham Ghaly
Date: 10-14-2014, 11:05 AM
Parent: #5
| Quote: المعصرة تعصر طن سمسم فى اليوم |
سلامات يا نزلاوي وبركة بالعودة
المعصرة دي شكلها كيف
اوع تقول لي البحركا الجمل بزعل منك ياعملات ابوبكر عباس
تحياتي وسلامي ومتابعين
|
Post: #7
Title: Re: المشروعات الصغيرة والمتوسطة الطريق الى جمع الثروات
Author: Hashem Mubarak
Date: 10-14-2014, 01:04 PM
Parent: #6
تحياتنا يا استاذ صلاح
بالله قبل ما تخش فى الزيت ممكن تتكرم وتعمل لينا ملخص لموضوع الأبقار اكيد بعد سنتين خبرة او اكتر بتكون اكتشفت حاجات جديدة و مفيدة
مع الشكر و التقدير و حمدالله على السلامة
|
Post: #8
Title: Re: المشروعات الصغيرة والمتوسطة الطريق الى جمع الثروات
Author: حماد الطاهر عبدالله
Date: 10-14-2014, 01:34 PM
Parent: #7
عودا حميدا يا صلاح
مسالة الإستثمار باينة وواضحة، ولها محددات، مثلا رأس المال، العمالة، الأرض، خبرة ورغبة المستثمر... السوق.. القوة الشرائية...
وأسهل هذه الأمور هي التجارة ( قلبة سريعة)، ثم الزراعة ... وأكثر الإستثمارات بطئا هي الصناعة... وحينما بدأت أنت بالأبقار
فقد صنفتك بأنك ( صبور) لكون شغل الأبقار أقرب للصناعة، والتدرج الطبيعي لك أن تستمر زراعة + تجارة منتجاتها ثم صناعة (أ########+ تجارة)،
وتتخصص أكثر فأكثر... وقلبتك للسمسم بصراحة غير مطمنة....
|
Post: #9
Title: Re: المشروعات الصغيرة والمتوسطة الطريق الى جمع الثروات
Author: Mandingoo
Date: 10-14-2014, 02:01 PM
Parent: #8
مرحبا بصاحب البوستات المفيدة.. مرحباً بصلاح الدين نزلاوى
وفي انتظار المفيد من تجاربك وأفكارك النيره
Quote: العقبات كانت في استيراد القالب بمواصفات خاصة يتطلب تصنيع خاص في الصين وهذا يرفع التكلفة وتصنيعه في السودان شبه مستحيل.
المشكلة الثانية ان الجميع يطلب نوع مكائن بياضة وعدد 4 بلوكات في المرة الواحدة ، هذا النوع يصعب تصنيعه محليا واستيراده يزيد من سعره |
الأخ الهادي ابوبكر
حسب علمي فإن السودانيين فيهم فنيين وخراطين يصنعون أي شئ، على الأقل في الأجيال السابقة.. يعني ممكن تسأل عن برادين قدامى معاشيين وسيصنعون لك ما تشاء..
|
Post: #10
Title: Re: المشروعات الصغيرة والمتوسطة الطريق الى جمع الثروات
Author: عبدالعزيز عثمان
Date: 10-14-2014, 02:16 PM
Parent: #9
ياعزيزنا صلاح،،التحايا والشكر..
انت عارف ثقتنا في رايك...
بس قبل ما تقترح جديد..
انت خضت تجربة بكل معيناتها العلمية...
تجربة البقر والالبان...
دايرين بالمختصر..
تقييم التجربة
واجابات سريعة
ل...
سعر البقرة
طبعا متنوع
انتاجها
تكلفتها
ومنصرفات
العائد السنوي لها
عشان نقيم معاك ونشوف رايك فيما جربته
بعد داك
ابدا اقتراحاتك الجديده
|
Post: #11
Title: Re: المشروعات الصغيرة والمتوسطة الطريق الى جمع الثروات
Author: الهادي ابوبكر
Date: 10-14-2014, 04:09 PM
Parent: #10
الاخ صلاح صاحب البوست
الاخوة المتداخلين جميعا لكم التحايا والتقدير ،،،
الاخوة يوسف ابو صالح وماندنقو
اتأسف على فتل البوست وسأتوقف عن سرد بقية التجربة الى ان يكمل الاخ صلاح الرد على تساؤلات الاخوة كلها...
لكم العتبى حتى ترضوا ،،،،
|
Post: #12
Title: Re: المشروعات الصغيرة والمتوسطة الطريق الى جمع الثروات
Author: أيمن دياب
Date: 10-22-2014, 08:44 AM
Parent: #11
مرحبا بالأخ صلاح نزلاوي صاحب المشاريع المميزة والأفكار النيرة..
نتمنى عودتك للبوست لإثرائه بالمزيد من التجارب والنصائح..
|
Post: #13
Title: Re: المشروعات الصغيرة والمتوسطة الطريق الى جمع الثروات
Author: El-Saddig Abdalla Abbas
Date: 12-04-2014, 09:49 AM
Parent: #1
في انتظار الأخ صلاح نزلاوي لرفدنا بأفكاره وتجاربه العملية المفيدة والمثمرة والعميقة
|
Post: #14
Title: Re: المشروعات الصغيرة والمتوسطة الطريق الى جمع الثروات
Author: أحمد الشايقي
Date: 12-04-2014, 01:53 PM
Parent: #13
شكرا أخ نزلاوي,
تجاوز جماعة الجبايات أهم ما يجب حسابه ... بالذات بالنسبة للصناعة
لك التحية
أحمد الشايقي
|
Post: #15
Title: Re: المشروعات الصغيرة والمتوسطة الطريق الى جمع الثروات
Author: ناذر محمد الخليفة
Date: 12-04-2014, 07:56 PM
Parent: #14
|
|