هل يمكن أن نطلق على ( ود أبو ) مأسورة سغيروني ......؟؟؟؟؟

Post: #1
Title: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-12-2014, 05:48 PM

يا اخي دا ماعنده التكتح في فن الكاركتير

متهجم بدون اي ادوات فنية...

رحمة الله تنور قبرك يا عزالدين عثمان

Post: #2
Title: Re: هل يمكن أن نطبق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-12-2014, 05:49 PM
Parent: #1

الزول دا مافي زول قريب ليهو يحاول يتكلم معاه

Post: #3
Title: Re: هل يمكن أن نطبق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-12-2014, 05:53 PM
Parent: #2

ما تضيع زمنك وتضيع زمنا معاك في شخابيط لاخبيط

Post: #5
Title: Re: هل يمكن أن نطبق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-12-2014, 05:54 PM
Parent: #3

عمر دفع الله برضو ماسورة

لكنها ( مخروطية ) من الجهتين

Post: #4
Title: Re: هل يمكن أن نطبق على ( ود أبو ) مأسورة سغيروني ......؟؟؟؟؟
Author: ismeil abbas
Date: 10-12-2014, 05:54 PM
Parent: #2

والله يا ودالباوقة كاريكتير معبر........التحية له......وفيهو طرفة ومعنى وفكرة.

Post: #6
Title: Re: هل يمكن أن نطبق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-12-2014, 05:56 PM
Parent: #4

Quote: والله يا ودالباوقة كاريكتير معبر........التحية له......وفيهو طرفة ومعنى وفكرة.

يا اخي سمعة عجور شنو وبطيخ شنو

دا كلام شرم برم

Post: #7
Title: Re: هل يمكن أن نطبق على ( ود أبو ) مأسورة سغيروني ......؟؟؟؟؟
Author: Deng
Date: 10-13-2014, 08:28 AM
Parent: #6

الإنقاذي ود الباوقة.

أركـــــــــــــــــــــــــــــــــــــــــــــــــــــــــــــــــــــــــــز

Post: #8
Title: Re: هل يمكن أن نطبق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-13-2014, 08:49 AM
Parent: #7

الزغلباني دينق ... انت قالو ا هوايتك لعب البلي ... صحيح الكلام دا

Post: #9
Title: Re: هل يمكن أن نطبق على ( ود أبو ) مأسورة سغيروني ......؟؟؟؟؟
Author: سيف اليزل الماحي
Date: 10-13-2014, 11:39 AM
Parent: #8

.

السودان لو فيهو فنان تشكيلي واحد فقط إسمه محمد ود أبو، لكفاه!

لكن ..السودان مصيبته مصيبة كبيرة لو كان فيه الف واحد زي ود الباوقة!
حتى وان كان يعرف عز الدين عثمان، ياخي حتى ولو كان هو من إكتشف البنسلين!

.

Post: #13
Title: Re: هل يمكن أن نطبق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-14-2014, 04:35 AM
Parent: #9

سيف اليزل

بطل هظار عليك الله

Post: #10
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: محمد المسلمي
Date: 10-13-2014, 01:14 PM
Parent: #1

المجاهد ودالباوقة حياك الله

Post: #11
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عباس محمود
Date: 10-13-2014, 01:32 PM
Parent: #10

Post: #12
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: محمد المسلمي
Date: 10-13-2014, 02:09 PM
Parent: #11

المجاهد ودالباوقة الله يعينك

Post: #53
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 05:26 PM
Parent: #12

شيخي المسلمي

كيفنك وصحتك كيف بالله

Post: #14
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-14-2014, 05:48 AM
Parent: #11

عباس محمود

بتفرفر مالك

Post: #15
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-14-2014, 06:03 AM
Parent: #1

السلام عليكم ياود الباوقة
اللذيذ تفاحة
انا ما عرفت تقصد شنو بى ما سورة !!لكن الكلام ما عجبنى
(سغيرونى ) دى كمان موضوع تانى
لكن الموضوع بشكل عام (التفاصيل بتعمل ليك قرحة فى البنكرياس ) استحملنى
محمد ابراهيم ود ابو ده فنان تشكيلى خريخ معهد الكليات سنة 1980م
انت كنت وين الزمن داك كنت مولود ؟؟؟؟
عمل فى دار النشر التربوى (مجلة الصبيان) ما اظنك قريتها ولا شفتها (كتار زيك ما براك )
حتى تم فصله للصالح العام بعد انقلاب (اعداء الفن والفنانين )
سبحان الله انا بسال نفسى دايما وين الصالح العام فى فصل الخبرات !!!!!!
ده سنة 1990 اظنك كنت صغير الزمن داك يا تفاحة الباوقة

شوف صفخات سودانيز كلها ما بتكفينى لو كتبت عن ود ابو
هاتر فرح / معاوية وكل من تحب مهاترتهم
الا المبدعين من ابناء هذا الوطن الغالى على انا شخصيا
ما بسكت ليك يا تفا حة ديل (زى المقدسات )

من حقك تنقد العمل الفنى بصورة موضوعية وتخت رايك
ونحترموا ونقدروا ونقدرك
وعدم فهم العمل الفنى ايا كان نوعه ما بديك الحق فى المساس
بالشخص
وقع ليك يا تفاحة الباوقة
بس ما يقع منك وقارك

الود لكل من مر هنا والعذر لهم

Post: #16
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-14-2014, 06:04 PM
Parent: #15

سغيرونى
اها دى الموضوع التانى
انت يا اللذيذ ما راجعته
التركيبة اللغوية للعنوان قبل الارسال
لانو سغيرونى دى ما راكبه مع ماسورة فى الصياغ اللغوى
(رغم عدم عروبتى ) اكتشفت هذا الخطاء بسهوله ويسر
(انتظرتك تعديل العنوان عشان نفهم ونرد عليك )
كيف يكون الحال لو فتشوك اولاد عرب حصيفين فى لغتهم
ما زى
عديل عديل عنونك ده
يالذيذ تفاح الباوقة

Post: #17
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: خالد حاكم
Date: 10-14-2014, 09:57 PM
Parent: #16

اى كاراكتير يزعج ودالباوقة معناه معبر والفكرة والمعلومة وصلت للناس
احييكم اخوانى ودابو وعمر دفع الله وانتم تورمون فشاش ودالباوقة ومن هم على شاكلته من طبالى النظام الفاسد والحقير !

Post: #18
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: سيف اليزل الماحي
Date: 10-15-2014, 10:04 AM
Parent: #17

.

Quote: بطل هظار عليك الله

يا ودالباوقة
من هو مكتشف البنسلين؟
سؤال جاد.

.

Post: #19
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-15-2014, 10:08 AM
Parent: #18

Quote: .

.يا ودالباوقة
من هو مكتشف البنسلين؟
سؤال جاد.

مالك

جسمك مسخن ولا شنو

الاكتشفو التمرجي

Post: #20
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: سيف اليزل الماحي
Date: 10-15-2014, 10:13 AM
Parent: #18

.

ود الباوقة لو حا تمشي قوقل عشان تعرف من هو مكتشف البنسلين، خليني اغير السؤال ده!

.

Post: #22
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: اسماعيل عبد الله محمد
Date: 10-15-2014, 06:14 PM
Parent: #20

ياود الباوقة بوستيك طلع ماسورة كبيرة

Post: #42
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 05:54 AM
Parent: #22

اسماعيل عبد الله

اها وصلتو وين

ما قربتو

Post: #21
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-15-2014, 10:13 AM
Parent: #16

Quote: سغيرونى
اها دى الموضوع التانى
انت يا اللذيذ ما راجعته
التركيبة اللغوية للعنوان قبل الارسال
لانو سغيرونى دى ما راكبه مع ماسورة فى الصياغ اللغوى
(رغم عدم عروبتى ) اكتشفت هذا الخطاء بسهوله ويسر
(انتظرتك تعديل العنوان عشان نفهم ونرد عليك )
كيف يكون الحال لو فتشوك اولاد عرب حصيفين فى لغتهم
ما زى
عديل عديل عنونك ده
يالذيذ تفاح الباوقة

يا ابو عابدة

الضمير المستتر تقديره هو في ( سغيروني )

ولا انا غلطان

مع الشكر

Post: #23
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: جلالدونا
Date: 10-15-2014, 09:09 PM
Parent: #21

المجاهد و د الباوقة
اول حاجة عشان اخونا سيف ما يطلع بيك العالى
مكتشف البنسلين هو وليم تيل
و يا سيف بطل الاسئلة المحرجة دى
Quote: يا ابو عابدة

الضمير المستتر تقديره هو في ( سغيروني )

ولا انا غلطان

مع الشكر

الصحيح ماسورة سغيرونة
و فى دى انا صادق ..فى حبك ..
شكرا ود ابو فقد قلقلت ود الباوثة فى قليولته

Post: #24
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-16-2014, 08:00 AM
Parent: #21

يا ابو عابدة

الضمير المستتر تقديره هو في ( سغيروني )

ولا انا غلطان

مع الشكر

برضوا عديل عنوانك
ايها الحصيف فى اللغة
ضمير مستتر مش كدة

تركت الموضوع ومسكته فى ضمير مستتر
ناقش موضوعك عشان نعرف ذاتو المواسير والسيخ
واسطلاحات ورش الحديد والمغالق
ونصل معاك ونطلق ما تود اطلاقة

وبطل نوم النهار واكثر فى الاطلاع وجاوب على السؤال
سيف اليزل !!!!!!

وانا منتظر اثراء النقاش ليستفيد الجميع
من طرحك لهذا البوست الذى ارى انه مفيد
لحد كبير ومدخل لفن الكاريكتير ورواده فى السودان

يا لذيذ تفاح الباوقة
ما طول الغيبة

Post: #25
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عمر عثمان عبد الوهاب
Date: 10-16-2014, 09:09 AM
Parent: #24

اخونا عبدالرحمن يس ايها الحصيف في مفردات اللغه
ومداخلها ومخارجها وتركيباتها

من فهم واستوعب مفردات ود أبو في شخبطاته اكيد حيفهم مفردات
ود الباوقه من شاكله ماسوره وسغيرونه

فصاحبك ان تخرج من اينما تخرج وعمل اينما عمل فهو
يبقي جاهلا بهذا الفن الراقي

مايقوم به ود ابو وعمر دفع الله نظل نسميه بعضا
من هرطقات وقراب مقدودة حتي يكبرو ويطورو نفسهم فيفيدو انفسم
ويفيدو المتلقي

Post: #26
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-16-2014, 03:00 PM
Parent: #25

السيد العزيز عمر عثمان
سلام يصلك اينما كنت

اشكرا لوصفى بالحصافة فى اللغة رغم اعترافى
بعدم المعرفة عشان كدى ممكن صاحبك يمرر على
الضمير المستتر وكده

لكن كدى خلينى من ده ورينى انت فهمك فى شخبتات
عمر وودابو ما تسميتها (هرطقات وقراب مقدودة)
الفهم يا غالى

خايف تكون محرش (المحرش ما بكاتل )
الموضوع هنا ما صاحبى وصاحبك الموضوع فهمك
داير اعرفوا
عشان ما نتكاتل فى شى ما مفيد دايرين الفايدة تعم
ونحن زاتنا نميز الشخبطات من (هرطقات وقراب مقدودة)

الله يديك العافية ورينا

وكدى (هرطقات وقراب مقدودة) دى شنو خايف يكون قراب دى جمع قربة

ما تجى بعدين تقول لى جمع مذكر سالم او جمع تكثير
لك ودى ..................................................عبدالرحمن

Post: #27
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: امجد الجميعابى
Date: 10-16-2014, 03:14 PM
Parent: #26

Quote: بلادي بلادي · متابعة · جامعة القاهرة
حاولت عدم الرد عليك فى كثير من بوستاتك المستفزة للشعب السوداني الفضل ولم استطيع عزرا عمر ( لا تناقش الفن والابداع فده شعر ماعندك ليهو عنقرة خليك مع عيك وعاك وكاك )
رد · أعجبني · 2 · متابعة المنشور · ‏13 أكتوبر‏، الساعة ‏04:06 مساءً‏

ود الباوقة سلام الكلام دا من الفيس
Quote: مأسورة

انت قاصد شنو بالكلمة دي
ماسورة البنعرفها
اما مأسورة دي الا للانثى في الحرب
و لا انا غلطان

Post: #28
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: صلاح عباس فقير
Date: 10-16-2014, 03:22 PM
Parent: #27

ود الباوقة سلامٌ!
النصيحة ود أبو طبعاً إمكاناتو الفنية من ناحية رسم لا خلاف حولها،
المشكلة في عملية الكاريكاتير،
فمن هذه الناحية الزول ده واضح أنه يستفيد كثيراً من النقد الموجه إليه،
ولذلك أعماله في تطور واضح وملفت للنظر!

Post: #29
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: جمال ود القوز
Date: 10-16-2014, 10:17 PM
Parent: #28

رسام دي مافيها اي كلام ..
لكن أفكار مصاحبة للرسم
ليس له ادنى فكره ..
قمة العبقرية
حين لا يحتاج الكركتيرست
لاي كلام او كتابة تصاحب الرسم
لايصال الفكره ..

وحتى مسألة جودة ودقة الرسم اراه شئ ثانوي ..
المهم الفكرة المراد توصيلها ..
وسرعة مناولتها دون رهق .. أو مباشره ..
وهذا ما يفتقده ود ابو ..
ودي بلاشكـ موهبة ..
والموهبة يصعب صناعتها أو حتى اكتسابها ..
وحتى في حال اكتسابها ..
سيكون صاحبها كركتيرست عادي

الكلام ده مكرر ومعاد .....

Post: #30
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ملهم كردفان
Date: 10-17-2014, 03:54 AM
Parent: #29

المنشور يصب فى مصلحة ود ابو..وده المطلوب ياشباب

شكرا ياود الباوقه فقد نجحت فى تسويق الكاريكاتيرست الاستاذ
ود ابو

Post: #31
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: خالد العبيد
Date: 10-17-2014, 04:55 AM
Parent: #30

التحية لصديقي المبدع ودابو ...
زمن طويل يا حبيب لم نلتقي

Post: #32
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: Alshafea Ibrahim
Date: 10-17-2014, 05:01 AM
Parent: #31

جمعة مباركة يالمجاهد
بالله جرّب مع شيوخك ديل قول مشروع الجزيرة بس سرقوه - لا تقول شيء عن الموت والحروب والفتن القبلية والفساد والصحة والتعليم والرخاء ورغد العيش ألخ ...
أين الجهاد الذي به تذكر ؟؟؟
أحي أنا من النفاق
الشفيع

Post: #33
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-17-2014, 08:01 AM
Parent: #32

انتو سيد البوست وين ؟؟؟؟؟؟

منتطر منو يدير النقاش
عشان الموضوع ما يضيع

خايف يكون اجر البوست

يا لذيذعساك بخير
اسرع تعال عود لينا

Post: #34
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-18-2014, 07:43 AM
Parent: #33

عبد الرحمن .. انا مشغول شوية بس

برجع ليك

Post: #35
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 05:21 AM
Parent: #34

صباح الخيرات

Post: #36
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عماد حسين
Date: 10-19-2014, 05:27 AM
Parent: #35

Quote: صباح الخيرات

صباح المسرات يا عمر

Post: #37
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 05:30 AM
Parent: #36

اخونا عماد

حياك الله ومتعك بالصحة والعافية

Post: #39
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 05:36 AM
Parent: #32

Quote: جمعة مباركة يالمجاهد
بالله جرّب مع شيوخك ديل قول مشروع الجزيرة بس سرقوه - لا تقول شيء عن الموت والحروب والفتن القبلية والفساد والصحة والتعليم والرخاء ورغد العيش ألخ ...
أين الجهاد الذي به تذكر ؟؟؟
أحي أنا من النفاق
الشفيع

اخونا الشفيع

نحن امام حالة فنية مزيفة

وليست سياسية

Post: #41
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 05:52 AM
Parent: #30

ملهم كردفان

داعية شنو يا زول

انت عارف ود ابو دا لو علقت كاركتيراتو دي في استاد شتغهاي

زول يجيب خبرو مافي

قال دعاية قال

Post: #38
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 05:33 AM
Parent: #29

Quote: رسام دي مافيها اي كلام ..
لكن أفكار مصاحبة للرسم
ليس له ادنى فكره .

انت عارف يا اخي جمال

اسوأ حاجة تكون ( متعكم ) على مهنة ما حقتك

يعني هس ود ابو

دا مفتكر نفسه كاركتيرسيت

سبحان الله

Post: #40
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 05:48 AM
Parent: #38

Quote: Waleed S. Koko
عليك الله يا عمر ود ابو ده خليه في حاله ارحم بالف مرة من التاني داك لا قاعد يقل ادبه لا شفال بالجماعات الاسلامية و اهل الدين

والله يا وليد

الاثنين

ما فيهم خير

تشكراتي

Post: #44
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 06:15 AM
Parent: #27

Quote: انت قاصد شنو بالكلمة دي
ماسورة البنعرفها
اما مأسورة دي الا للانثى في الحرب
و لا انا غلطان

حبيبنا الجميعابي

الكلمة جمالة أوجه

مع التقدير

Post: #43
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 06:14 AM
Parent: #24

يا لذيذ تفاح الباوقة
ما طول الغيبة

...............................................

ابشر بالخير

اخي عبد الرحمن

Post: #45
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 06:17 AM
Parent: #43

كاركاتير اليوم

قمة في السفاف والابتذال

Post: #46
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 06:17 AM
Parent: #45

الاسفاف

Post: #47
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-19-2014, 12:42 PM
Parent: #46

يا لذيذ تفاح الباوقة
سلام من هنا لعندك
حمدا لله على السلامة
كان شغل ومشغوليات خير
لكن
شفقت عليك من السكة
وحضورك يسعدنا وكمان يفرحنا والله
بس لى هسة ما وريتنا يقولوا على ود ابو شنو ؟؟؟؟؟؟
ولا عدلت العنوان
وكل ما تجى تجيب ليك قليلة تانية
هسه اسفاف دى معناها شنو
ما تعرب ما خطه يدك (معنى )بس
وما تتزاوق من البوست
بمفردات جديدة تضيعنا
ادر فهمك هل يمكن أن نطلق على ( ود أبو ) مأسورة سغيروني ......؟؟؟؟؟
حتى نذهب معك الى ما ترمى اليه ونقتنع بيك وبى فهمك ونتبعك

طول بالك ونفسك معاى وانا الا افهم بحكها كده لامن افهم
فهمنى يا خى
اسفاف دى بجيها صادى
فتشها لمن اجيك تانى
...............................عبدالرحمن

Post: #48
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 04:48 PM
Parent: #47

Quote: ادر فهمك هل يمكن أن نطلق على ( ود أبو ) مأسورة سغيروني ......؟؟؟؟؟
حتى نذهب معك الى ما ترمى اليه ونقتنع بيك وبى فهمك ونتبعك

ابو عابدة

انت مشكلتك وين بالضبط ؟؟؟؟؟

السغيروني

ولا الماسورة

وشكرا

عشان ان مشغول شوية

Post: #49
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 05:10 PM
Parent: #48

عمر دفع الله

اتمنى ان تكون غيبته لمراجعة النفس

الامارة بالسوء

وشكرا

Post: #50
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 05:17 PM
Parent: #49

عمر دفع الله رغم قلة حيلته

يمكن ان يطور نفسه عكس ودابو

الذي لا امل فيه نهائيا

Post: #51
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 05:19 PM
Parent: #50

عملر دفع الله احيانا يصحو ضميره

ويتالم

بينما ( ود ابو ) يستلذ بالم الاخرين

Post: #52
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-19-2014, 05:24 PM
Parent: #51

المقارنة فقط في اطار الاثنين

وسنأتي لاحقا لمقارنتهما بالفن نفسه

ودرجة كل واحد منهما

حسب سلوكيات المهنة وفنياتها

Post: #55
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-20-2014, 06:23 AM
Parent: #48

ابو عابدة

انت مشكلتك وين بالضبط ؟؟؟؟؟

السغيروني

ولا الماسورة

وشكرا

عشان ان مشغول شوية

شكرا على حضورك رغم مشغولياتك يا لذيذ تفاخ الباوقة
فهمت رغم خطاءك انك مشغول (نحن كمان اكثر مشغولية)
احسن تخلص مشغولياتك وتجى بنتظرك بكل الشوق

انا مشكلتنى فى الاتى
انت فتحت بوست عشان توصل فهم للناس
انو ود ابو(لايفهم فى هذا الضرب من الفن ) ماسورة
يجب ان تكون صاحب فهم لايصالنا معك
اضع دلائلك على البوست وادر الناقش (بدون حجج مشغوليات)
عشان نستفيد من البوست ويستفيد كل من يتقول على ضروب لا يعرفها
ونصل معاك لى (اطلاق لفظ ماسورة والضمير المستتر الذى تقديره هو كما قلت)

كويس كده دى مشكلتى يا لذيذ
منتظرك خلص مشغوليتك وتعال
....................عبدالرحمن

Post: #90
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-29-2014, 10:28 AM
Parent: #43

الى حين عودة باذن الله

Post: #97
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 11-11-2014, 06:12 AM
Parent: #43

ابشر بالخير

Post: #54
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: Othman Al-Hasan Babikir
Date: 10-19-2014, 08:03 PM
Parent: #1

إن كان لنا أن ندلي بدلونا في كاركتير ود أبو فنعيب عليه كثرة الكلام فهو يصرف عربي كتير جداً في الكراكتير وفي بعض الأحيان
يخيل لك الكراكتير وكأنه عبارة عن مقال من كثرة الكلام وهذا يقلل من جودته ففي اللغة العربية الكلام البليغ هو الكلام الذي يتكون من كلمة
أو كلمات قليلة ، والكاراكتير يستمد جودته كلما استطاع صاحبه أن يوصل الفكرة بالرسم فقط أو بكلمات بسيطه ...
هذا من ناحية ومن ناحية أخرى أرى أن المبارة محتدمة جداً بين صاحب البوست والمتداخل عبد الرحمن الذي استطاع أن يحرز أهدافاً كثيرة
وأن يحاصر صاحب البوست في مكان ضيق جداً وما زلنا في انتظار إجابتة على استفسارات الأخ عبد الرحمن حتى تعم الفائده ...

Post: #56
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-20-2014, 06:46 AM
Parent: #54

إن كان لنا أن ندلي بدلونا في كاركتير ود أبو فنعيب عليه كثرة الكلام فهو يصرف عربي كتير جداً في الكراكتير وفي بعض الأحيان
يخيل لك الكراكتير وكأنه عبارة عن مقال من كثرة الكلام وهذا يقلل من جودته ففي اللغة العربية الكلام البليغ هو الكلام الذي يتكون من كلمة

الاخ عثمان لك التحية
اهو ده الكلام الجيد والبنتفق معاهو تماما
(كلام موضوعى )
نقد يفيد الجميع وحتى ود ابو وغيرو
بس لاحظ انو ود ابو ما بكتب التعليق
هو برسم والمتابعين هم بكتبو التعليق

الله يديك العافية يا عزيز

Post: #57
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: يوسف أبو صالح
Date: 10-20-2014, 11:04 AM
Parent: #1

Quote: خليك مع عيك وعاك وكاك

يا خى الزول دا انتهى منك نهاية بطل

Post: #58
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-20-2014, 04:58 PM
Parent: #57

Quote: يا خى الزول دا انتهى منك نهاية بطل

تمنيت لو جاء ردك حول محتوى البوست

وتقييمك لود ابو

Post: #59
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: Othman Al-Hasan Babikir
Date: 10-20-2014, 07:18 PM
Parent: #1

ضع دلائلك على البوست وادر الناقش (بدون حجج مشغوليات)
عشان نستفيد من البوست ويستفيد كل من يتقول على ضروب لا يعرفها

Post: #60
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: علي دفع الله
Date: 10-20-2014, 07:33 PM
Parent: #59

الى الاخ الفنان المبدع ود ابو المحترم

اتمنى الا تهتم بما خطاه درق سيدو ود الباوقة في هذا البوست ،، وكأنك لم تقراه ،، لا لشيء لأن ود الباوقة بقى يستفز كل ما هو ناجح في معارضة نظام سيدو البشير
خاصة من الفنانين والمبدين حتى يقوم يعمله في كاركيكاتير او يعمل يوتيوب لي ود الباوقة ويبهدلو فيه ،، زي ما عمل محمد تروس وعمر دفع الله ومحمد الحلو ،، والارشيف موجود
طبعا باوقشن على طول بعملها سبوبة وبسترزق من وراها لأنو بمررها على الجماعة وبقول ليهم شوفوا الجماعة ديل عاملين فيني شنو لأني واقف وقفة
جامدة في وجههم ،، على طول يطلع ليه بخمشة مانعة ،،
-----------------------
لذا جرى التنوية ،،
---------------
ود الباوقة خلاص شوف ليك سبوبة تاني غير التحرش بالمبدعين انا شايف كع وهيع وطوط ما مقصرة معاك

Post: #61
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-21-2014, 05:18 AM
Parent: #60

اتمنى ان يكون ( غياب ) عمر دفع الله لمراجعة نفسة ومسيرته في عالم هذا الفن

الي تغول عليه خلسة

Post: #62
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-21-2014, 05:39 AM
Parent: #60

Quote: طبعا باوقشن على طول بعملها سبوبة وبسترزق من وراها لأنو بمررها على الجماعة وبقول ليهم شوفوا الجماعة ديل عاملين فيني شنو لأني واقف وقفة
جامدة في وجههم ،، على طول يطلع ليه بخمشة مانعة

انت عارف يا ود دفع الله

مفروض على طول للاتجاه المعاكس

ومعك في الجانب الاخر قريمان

Post: #63
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: سيف اليزل الماحي
Date: 10-21-2014, 07:15 AM
Parent: #62

.

الإساءة للمبدعين تعود لأمرين: الجهل أو سوء الطوية!

.

Post: #64
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-21-2014, 07:19 AM
Parent: #63

Quote: الإساءة للمبدعين تعود لأمرين: الجهل أو سوء الطوية!

.

يا اللخو

اين الاساءة ؟؟؟؟؟؟؟؟؟؟؟

Post: #65
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-21-2014, 08:16 AM
Parent: #64

يالذيذ تفاح الباوقة
صبحك الله بالخير
ياخى وقت لقيت ليك شوية زمن من المشغوليات
عبرنى و ترد على كلامى

كمل توب الصبر واليوم لبسنا عروض
الانتظار صعب على المثلى

Post: #66
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: سيف اليزل الماحي
Date: 10-21-2014, 10:37 AM
Parent: #65

.

قال .. أين الإساءة .. قال!!

على الأقل الإساءة تجدها في عنوان البوست،
لذلك قلنا لك: ان الإساءة للمبدعين تنم عن جهالة أو سوء طوية!
هما خيارين أمامك،
فعندما تطالع في وجهك على "مراية السجم" يا ود الباوقة ستعرف أيهما أكثر إنسجاما مع صفيحة وجهك،
فإن كنت لا تعرف معنى سوء الطوية، فأحذرك من الوقوف امام المرايا!

.

Post: #67
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: سيف اليزل الماحي
Date: 10-21-2014, 11:21 AM
Parent: #65

.

قال .. أين الإساءة .. قال!!

على الأقل الإساءة تجدها في عنوان البوست،
لذلك قلنا لك: ان الإساءة للمبدعين تنم عن جهالة أو سوء طوية!
هما خيارين أمامك،
فعندما تطالع في وجهك على "مراية السجم" يا ود الباوقة ستعرف أيهما أكثر إنسجاما مع صفيحة وجهك،
فإن كنت لا تعرف معنى سوء الطوية، فأحذرك من الوقوف امام المرايا!

.

Post: #68
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: يوسف أبو صالح
Date: 10-22-2014, 04:23 AM
Parent: #1

Quote: تمنيت لو جاء ردك حول محتوى البوست

وتقييمك لود ابو

انا لست بناقد لكن لا ارى فى كاريكتور ود ابو اسفاف
هو يورد بعضا من خرمجات بنى كوز وتصريحاتهم
ويرد عليها بما يعتمل فى صدور غالب اهل السودان
وان كنت اعيب عليه الكلام الكتير الذى يصاحب الرسم

Quote:
عملر دفع الله احيانا يصحو ضميره

ويتالم

بينما ( ود ابو ) يستلذ بالم الاخرين

انتو تصويركم بحقيقتكم بسبب ليكم الم ، طيب ما فكرت فى الالم الذى
يحدثه نظام حكمكم الفاشى من قتل وظلم ونهب وغير ذلك من الموبقات

Post: #69
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-22-2014, 06:11 AM
Parent: #68

صباح الخير على الجميع
همس فى الاذن اليسار للذيذ تفاح الباوقة

شايف غلبك عديل ادارت الموضوع وبتفتش للمخارجات
الشى الما بتقدر عليهو ما تقربوا
طلعت زول برطاب ساى
والله انا كنت قايلك غير كدة
الواحد فيكم جاكى وراء اكتساب
عدد المشاركات دون موضوع
وفى الاذن اليمين بقول ليك
هوووووووى خليك مطلع
ما تبقى طالع

(ده كلام الببكيك ) اسمعوا

Post: #70
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-22-2014, 06:27 AM
Parent: #69

Quote: صباح الخير على الجميع
همس فى الاذن اليسار للذيذ تفاح الباوقة

شايف غلبك عديل ادارت الموضوع وبتفتش للمخارجات
الشى الما بتقدر عليهو ما تقربوا
طلعت زول برطاب ساى
والله انا كنت قايلك غير كدة
الواحد فيكم جاكى وراء اكتساب
عدد المشاركات دون موضوع
وفى الاذن اليمين بقول ليك
هوووووووى خليك مطلع
ما تبقى طالع

(ده كلام الببكيك ) اسمعوا

اخونا عبد الرحمن

شايف نفسك كل مرة مسخن شوية

اي مخارجات التي تتحدث عنها

انت قلت راي بوضوع في ود ابو

في انه لا علاقة له بهذا الفن اطلاقا

الرسومات الكاركتيرية غالبا ما تعتمد فكرتها على الرسم فقط

دون التعليق بمقال طويل

وهذا يترك لفطنه المتلقى

لا ادري ماذا تريد انت بالضبط

وما الهدف من هذه المساسكة

وشكرا

Post: #71
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: Othman Al-Hasan Babikir
Date: 10-22-2014, 10:47 AM
Parent: #1

كتب الأخ / عبد الرحمن يس

( شايف غلبك عديل ادارة الموضوع وبتفتش للمخارجات
الشى الما بتقدر عليهو ما تقربوا طلعت زول برطاب ساى
........... )

Post: #72
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: Othman Al-Hasan Babikir
Date: 10-22-2014, 06:16 PM
Parent: #1

وما الهدف من هذه المساسكة ؟؟؟ ( ربما يقصد المساككه والله أعلم )

على العموم نحن في انتظار إجابة الأخ عبدالرحمن يس على هذا التساؤل المشروع

Post: #73
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-23-2014, 07:54 AM
Parent: #72

وما الهدف من هذه المساسكة ؟؟؟ ( ربما يقصد المساككه والله أعلم )

شكرا اخى عثمان على التوضيح (كده برد عليهو لان فهمت السؤال )
رغم انى وريت لذيذ تفاح الباوقة ضمن مشاركة سابقة الاجابة على السؤال
بجيب ليك الاجابة من المشاركة المعنية (زولى ده ما بيتعب حالو بالقراية )
المخارجات بفتش ليها بس ما بعرف (مسكين)
اها يسويها ليك نفسك مالو حار وانت داير شنو محاولات يائسة للمخارجة
وتحول الموضوع من العام الى خلق اشكالات شخصية ربما لجرف الطرف الاخر
للخروج من ا طار الموضوع الى المهاتران
من اول البوست كتبت انا داير اعرف فهمو الفتح بيهو البوست (مطلب عادى )
عشان نستفيد منو ( غلطانين نحن )
الوصلت ليهو صاحبى لذيذ تفاح الباوقة بفتش بس للكم فى عدد المشاركات (رغم مشغولياتو )
لا لمحتوى اى موضوع (وده مشروع دراسة ) عن تطوير الذات مش اكتساب عضوية فى موقع والسلام
يعنى البفتح بوست يتولى ادارة البوست ويلخص من المشاركات (تبائن اراءالمشاركين ) نحو الاتجاه
فكرة البوست ويوصلنا الى الفهم الصحيح فى الاخر ويفيدنا كقراء ومشاركين من البوست

لكن الطريقه دى بتخلق عداءات لا تفيد اى شخص (وكدى بنفر القارى ) والمشارك يتحول الى عدو
وتبدى المهاترات التى ليس منها مايفيد وينقسم الناس الى مع وضد ويظهر ما هو ظاهر الان
(الشللية )
والله نشهده على نوايانا ومقاصدنا
واسف للاطاله
.....................عبدالرحمن

Post: #74
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-23-2014, 08:00 AM
Parent: #73

مشاركة سابقة

نا مشكلتنى فى الاتى
انت فتحت بوست عشان توصل فهم للناس
انو ود ابو(لايفهم فى هذا الضرب من الفن ) ماسورة
يجب ان تكون صاحب فهم لايصالنا معك
اضع دلائلك على البوست وادر الناقش (بدون حجج مشغوليات)
عشان نستفيد من البوست ويستفيد كل من يتقول على ضروب لا يعرفها
ونصل معاك لى (اطلاق لفظ ماسورة والضمير المستتر الذى تقديره هو كما قلت)

كويس كده دى مشكلتى يا لذيذ

لو صاحبى قراء المشاركة دة نا كان سالنى تانى !!!!!!!!!!!!!!

Post: #76
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-23-2014, 08:35 AM
Parent: #74

الاخ عثمان
دى كل كتابات لذيذى ود الباوقة وتفاخة فى البوست من البداية والترتيب الزمنى
كدى شوف كان صاحبى قال شىء بخصوص الموضوع بتاعو
هل يمكن أن نطلق على ( ود أبو ) مأسورة سغيروني ......؟؟؟؟؟
انا كنت بحاول (محاولات يائسه ) عشان يخش فى الموضوع ونعرف فهمو
ونتحاور عشان نستفيد
بعد الاطلاع امل الاجابة
وين الموضوع هنا وشنو الفهمتو من البوست ؟؟؟؟
لك الود كله

كتاباتو
للاخر من الاول

يا اخي دا ماعنده التكتح في فن الكاركتير

متهجم بدون اي ادوات فنية...

رحمة الله تنور قبرك يا عزالدين عثمان

2
الزول دا مافي زول قريب ليهو يحاول يتكلم معاه
3
عمر دفع الله برضو ماسورة

لكنها ( مخروطية ) من الجهتين

4يا اخي سمعة عجور شنو وبطيخ شنو

دا كلام شرم برم
5الزغلباني دينق ... انت قالو ا هوايتك لعب البلي ... صحيح الكلام دا
6سيف اليزل

بطل هظار عليك الله

7شيخي المسلمي

كيفنك وصحتك كيف بالله
8عباس محمود

بتفرفر مالك

9عباس محمود

بتفرفر مالك
10 يا ابو عابدة

الضمير المستتر تقديره هو في ( سغيروني )

ولا انا غلطان

مع الشكر
11 اخونا عماد

حياك الله ومتعك بالصحة والعافية
12
اخونا الشفيع

نحن امام حالة فنية مزيفة

وليست سياسية
13 ملهم كردفان

داعية شنو يا زول

انت عارف ود ابو دا لو علقت كاركتيراتو دي في استاد شتغهاي

زول يجيب خبرو مافي

قال دعاية قال

انت عارف يا اخي جمال

اسوأ حاجة تكون ( متعكم ) على مهنة ما حقتك

يعني هس ود ابو

دا مفتكر نفسه كاركتيرسيت

سبحان الله
14 سبحان الله

والله يا وليد

الاثنين

ما فيهم خير

تشكراتي

15حبيبنا الجميعابي

الكلمة جمالة أوجه

مع التقدير
16 يا لذيذ تفاح الباوقة
ما طول الغيبة

...............................................

ابشر بالخير

اخي عبد الرحمن
16 كاركاتير اليوم

قمة في السفاف والابتذال
17 الاسفاف
18
ابو عابدة

انت مشكلتك وين بالضبط ؟؟؟؟؟

السغيروني

ولا الماسورة

وشكرا

عشان ان مشغول شوية

Post: #77
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-23-2014, 08:45 AM
Parent: #76

19
عمر دفع الله

اتمنى ان تكون غيبته لمراجعة النفس

الامارة بالسوء

وشكرا
20
عمر دفع الله رغم قلة حيلته

يمكن ان يطور نفسه عكس ودابو

الذي لا امل فيه نهائيا
21
عملر دفع الله احيانا يصحو ضميره

ويتالم

بينما ( ود ابو ) يستلذ بالم الاخرين
22
المقارنة فقط في اطار الاثنين

وسنأتي لاحقا لمقارنتهما بالفن نفسه

ودرجة كل واحد منهما

حسب سلوكيات المهنة وفنياتها

تمنيت لو جاء ردك حول محتوى البوست

وتقييمك لود ابو
23
اتمنى ان يكون ( غياب ) عمر دفع الله لمراجعة نفسة ومسيرته في عالم هذا الفن

الي تغول عليه خلسة
24
انت عارف يا ود دفع الله

مفروض على طول للاتجاه المعاكس

ومعك في الجانب الاخر قريمان
25 يا اللخو

اين الاساءة ؟؟؟؟؟؟؟؟؟؟؟
26
اخونا عبد الرحمن

شايف نفسك كل مرة مسخن شوية

اي مخارجات التي تتحدث عنها

انت قلت راي بوضوع في ود ابو

في انه لا علاقة له بهذا الفن اطلاقا

الرسومات الكاركتيرية غالبا ما تعتمد فكرتها على الرسم فقط

دون التعليق بمقال طويل

وهذا يترك لفطنه المتلقى

لا ادري ماذا تريد انت بالضبط

وما الهدف من هذه المساسكة

وشكرا

انتهى
اقراء يا اخى عثمان واجب فضلا وليس امرا
................عبدالرحمن

Post: #81
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: Othman Al-Hasan Babikir
Date: 10-23-2014, 09:46 AM
Parent: #77

الأخ / عبد الرحمن يس

تحياتي ..
حقيقة أنا دخلت البوست من أجل الفائدة وكنت متوقع أجد نقد هادف وبناء لأني من محبي فن الكاريكاتير
لا يهمني الكاريكاتيرست مين هو وأيه توجهاته بقدر ما يهمني الرسالة التي يستطيع أن يوصلها بسرعه
للمتلقي فأستمتع بذلك أيما استمتاع .
صاحب البوست واضح من خلال المداخلات التي لخصتها أخي عبد الرحمن لم يستطع أن يلج إلى لب
الموضوع وبالتالي أصابنا الإحباط بعد ما كنا نمنى النفس بالفائدة المرجوه من هذا البوست ..

Post: #75
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالعزيز حسين عبدالرحيم
Date: 10-23-2014, 08:15 AM
Parent: #73

ود أبو ما فنان بل زول سافل ببتذل في الفن البسوي فيه دا أبتذال لفن الكراكتير لأنه ما عنده فكرة نهائي والطرافة موهبة من الله بديها للزول والرسم موهبة عند ناس كتار بس خفة الروح والطرافة عند ناس كتار برضه الشخص البجمع الموهبتين ديل بكون فنان كراكتيري حقيقي أم زول يكون عنده موهبة الرسم وفاشل وفيهو كمية السماجة والسخف والسطحية زي ودا أبو ياهو أنتاجو بكون العوارات البنشوفها

بعدين إساءة شنو للمبدعين دا لمن يكون ود أبو مبدع دا زول جزمة

الحقير دا قام اتعولق مع الطرابيد ديل ورسم لي كاراكتير سخيف بدون ما يكون عندي معاهو مشاكل ووضح انه هو طرف في الطربدة والعولاق الحاصل في البورد وقام رسله ليهم ونشروه هنا وختنو في بروفايلاتهم السجمانين ديل انا قادر أأدبهم جيبو لينا ود ال###### دا عضو هنا عشان نوريك عولاقو وسقوطو

يا ودال###### أنا عارفك قاعد تقرى الكلام دا وقسما ما اخليك طول ما أنا حي وأندمك اشد الندم على تعرضك لي وحقي في الرد محتفظ بيه بالكامل

Post: #78
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-23-2014, 09:02 AM
Parent: #75

بعدين إساءة شنو للمبدعين دا لمن يكون ود أبو مبدع دا زول جزمة

Post: #79
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عمر عثمان عبد الوهاب
Date: 10-23-2014, 09:21 AM
Parent: #78

موضوع العلم وماادراك مالعلم القادننا بيهو ده

اقول لود ابو وزمرته بان هنالك علمان

علم الدوله المصريه وعلم خاص بالرئيس كونه وزيرا
للدفاع
يعني علم تشريفي ومسئولية برتكولات الرئاسه

وقصر الاتحاديه نفس المكان ومع السيسي والذي تم استقبال سيادة الرئيس البشير فيه
لايوجد فيه الا علم واحد
حتي رؤساء امريكا جلسوا في نفس المكان بوجود هذا العلم فقط
دون وجود العلم الامريكي

خليتو كل شي ومسكتو في ماختو علم السودان
دون ا لدخول في التفاصيل التي خرجت بها هذه الزياره
من فائدة لكلا البلدين

قلنا ليك تحري الدقه ولو قليلا ياود ابو
وقلل من قصصك الطويله والممله في شخبطاتك
وخليك زول لماح وخفيف دم ومرة واحده في حياتك شخبط واكتب (بدون تعليق)

ولن نفهم, لانو شخبطاتك ضعيفه حد الملل

Post: #80
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عمر عثمان عبد الوهاب
Date: 10-23-2014, 09:28 AM
Parent: #79

كسره
--

يخسأ اولاد بمبه عدم وضعهم علم السودان
في حضرة الرئيس البشير وعن قصد

Post: #82
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عمر عثمان عبد الوهاب
Date: 10-23-2014, 09:47 AM
Parent: #80

كسره تانيه
---

ولتعلمو ان هذا السيسي وامام السيد الرئيس
البشير وفي هذا الوقت والظرف

ماهو الا نمر من ورق

كلما يثار من قضاياتخص مصر والسودان
الان ,, نحن نتسيد

فاشنو

موتو بغيظكم

Post: #84
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-24-2014, 07:25 AM
Parent: #79

عمر عثمان عبد الوهاب
يااخوى انت لا هندسة ولا قراءان
كدى ورينى العلاقة شنو بين بوستنا دة
وكلامك ده بى كسراتو

انت وكت بتعرف البرتكولات الرئاسية
مفروض تكون عارف بروتكولات البوستنا كمان

لمتين حتكون كدة ؟؟؟؟؟؟

سكرتير بدون رقم فى السلك المحاشى
انسخ كلامك ده وامشى افتح بيهو بوست تانى

برضو المحرش ما ب......................
اكمل الفراغ
ووعد منى اجيك فيهو

Post: #83
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-24-2014, 06:58 AM
Parent: #75

لحقير دا قام اتعولق مع الطرابيد ديل ورسم لي كاراكتير سخيف بدون ما يكون عندي معاهو مشاكل ووضح انه هو طرف في الطربدة والعولاق الحاصل في البورد وقام رسله ليهم ونشروه هنا وختنو في بروفايلاتهم السجمانين ديل انا قادر أأدبهم جيبو لينا ود ال###### دا عضو هنا عشان نوريك عولاقو وسقوطو

يا ودال###### أنا عارفك قاعد تقرى الكلام دا وقسما ما اخليك طول ما أنا حي وأندمك اشد الندم على تعرضك لي وحقي في الرد محتفظ بيه بالكامل

السيد عبدالعزيز حسين عبدالرحيم
ياسيد كلامك ده ما محلو افتح بوست واعمل فيهو الدايرو
ودال###### الانت عارفو امشى ليهو فى داعى لى زى ده

البوست ده للنقاش وليس للصراع وتصفية الحساب

Post: #85
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: Othman Al-Hasan Babikir
Date: 10-24-2014, 10:55 AM
Parent: #1

انت ملاحظ يا أخ عبد الرحمن صاحب البوست ذاتو اختفى ...!!!! يعني بقينا نحن شغالين عتالة في البوست ..!!!

Post: #86
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-25-2014, 06:04 AM
Parent: #85

ملاحظ
وكم مرة سالتو ما يمشى يطول الغيبة
نصيبنا نبقى عتالة يا عثمان اخوى
وننش الضبان البجينا فى قعدتنا
صاحبى فتح البوست بس
والله كان ما المشغوليات كنت بقول ليك تعال نحفر حفر سيجا
ونحرسو اكان يجينا

Post: #87
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عمر عثمان عبد الوهاب
Date: 10-25-2014, 10:26 AM
Parent: #86

Quote:

عمر عثمان عبد الوهاب
يااخوى انت لا هندسة ولا قراءان
كدى ورينى العلاقة شنو بين بوستنا دة
وكلامك ده بى كسراتو

انت وكت بتعرف البرتكولات الرئاسية
مفروض تكون عارف بروتكولات البوستنا كمان

لمتين حتكون كدة ؟؟؟؟؟؟

سكرتير بدون رقم فى السلك المحاشى
انسخ كلامك ده وامشى افتح بيهو بوست تانى

برضو المحرش ما ب......................
اكمل الفراغ
ووعد منى اجيك فيهو

اخونا عبدالرحمن

موضوع البوست ود ابو وكاراكتراتو الفطير

بعدين انت عندك رخسة دولية؟؟
تخش بوستات غيرك وتقعد تنظر؟؟

سكرتير شنو وسلك شنو؟؟

وان كان هنالك فراغات لتملآ املاها براك

وان كلامي وجعك انداح وعبر ياللخو مافي حد حايشك

هسع خليك من ده كلو

زولك ده كراكتيرو الفوق ده معناتو شنو؟؟

Post: #88
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-26-2014, 06:27 AM
Parent: #87

اخونا عبدالرحمن

موضوع البوست ود ابو وكاراكتراتو الفطير

بعدين انت عندك رخسة دولية؟؟
تخش بوستات غيرك وتقعد تنظر؟؟

سكرتير شنو وسلك شنو؟؟

وان كان هنالك فراغات لتملآ املاها براك

وان كلامي وجعك انداح وعبر ياللخو مافي حد حايشك

هسع خليك من ده كلو

زولك ده كراكتيرو الفوق ده معناتو شنو؟؟

عمر عثمان عبدالوهاب كويس
متفق معاك انو البوست عن (هل يمكن أن نطلق على ( ود أبو ) مأسورة سغيروني ......؟؟؟؟؟
ولم تقل انت ولا فاتح البوست شىء يفيد الموضوع
عشان كدة انا بنظر لانو لو كنت عملت اضافة مفيدة الزى ما بجى ينظر !!!!!
كدى نظر معاى واعمل ليك اضافة مفيدة للموضوع يا صاحب الرخصة الدولية
بالمناسبة الرخصة بطلعوها من وين ؟؟؟ داير لى واحد ة عشان ما عندى

الفراغ الداير تملاها وما فهمتو يا لذيذ (محل ود الباوقة الفتح من البوست )
بالله (انداح ) دى لقيتا وين ومعناها شنو لانى ما بعرفها
السلك مفرد اسلاك (اتمنى انى اكون جاوبت على تساؤلاتك كلها ) الا
زولك ده كراكتيرو الفوق ده معناتو شنو؟؟ لانى ما عارف هو قاصد بيهو شنو
بس انا فهمتو بطريقتى وضحكت جنس ضحك لمن جيرانا دقو الباب
وسالونى يازول خير مالك ؟؟؟ قلت ليهم ماسكانى ام فريحينا
...................عبدالرحمن

Post: #89
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 10-27-2014, 06:20 AM
Parent: #88

الفاتح البسام
نرحاك بى تحنان
عارفك عطوف فنان
حن على اخو عثمان

........................عبدالرحمن

Post: #91
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 10-29-2014, 10:38 AM
Parent: #89

لم اختفي

كنت في وطني الحبيب لمدة 3 ايام

مع التقدير

Post: #92
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 11-03-2014, 06:11 AM
Parent: #91

حمدا لله الف على السلامة
مشتاقين
اها يا اخوى حتجينا ولا نمشى نخليك

Post: #93
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 11-03-2014, 06:15 AM
Parent: #92

اخونا عبد الرحمن تمشي كيف

يااخ

نحن شفنا حاجة

Post: #94
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 11-03-2014, 06:37 AM
Parent: #93

اهلا بمقدمك الكريم يا عمر
عشان ما نمشى
ورينا هل يمكن أن نطلق على ( ود أبو ) مأسورة سغيروني ......؟؟؟؟؟
عشان يحلو النقاش
ورينا فهمك دايرين نستفيد
يالذيذ تفاح الباوقة

Post: #95
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: ود الباوقة
Date: 11-03-2014, 06:41 AM
Parent: #94

اخونا عبد الرحمن فهمي واضح

هذا الفن يعتمد على الرسم تعبيرا

مع كلمات رمزيه اسفل التعليق

ود ابو

ياتي بالرسم ومعه كراسة من الانشاء

مما يفسد الرسم والهدف

عليه لابد من تركه هذا الفن والاتجاه الى مجال اخر

Post: #96
Title: Re: هل يمكن أن نطلق على ( ود أبو ) مأسورة سغيروني ......؟؟؟؟؟
Author: عبدالرحمن يسن حسين
Date: 11-03-2014, 09:34 AM
Parent: #95

يا ودالباوقة اللذيذ تفاحة
سلام تانى و......الى ما لا نهاية

نعم هذا النوع من الرسم تعبيرى ويوازى المقال او العمود
الصحفى وربما اعلى منه قيمة واسرع وصولا للمتلقى
لسهولة تعبيرة (عشان كده قلنا تعبيرى )انا وانت
وله ميزات كثيره اهمها اطلاق العناق للمتلقى فى الفهم
والانفعال والتفاعل
ويمكن للاخوة التشكيليين ان يضيفوا تعرف علمى الى فهمنا ده
وكل المهتمين بهذا النوع من الفن

اما اذا ما اخذنا الاستاذ ود ابو فهو كما ذكرت لك فنان لا يشق له غبار
ليس كلاما بل ابحث وناقش الذين يستطيعوا تقيمه ليخبروك بهذا
اما عن كراسة الانشاء الملحقة مع رسوماته
هنا اقل لك ان ودابو لا يكتب اى تعليق كلها من القراء والمتابعين لرسوماته
وربما يرسم احيانا بعد قراءة تعليق وهذا ما اظنه
لكنى انافش فى اننا لا يهمنا من هو الرسام بقدر ما يهمنا الموضوع
كقراء مقالات واعمده وهكذا دون ان نعرف احيانا من يكون الكاتب
هنا لا استطيع ان اقول فلان وعلان وفرتكان بل ارد على الموضوع من زاوية
النقد على الموضوع لا مهاجما فى شخص الكاتب او الراسم اوغير هم
لكن اقدم نقدا للموضوع بما اراها ادله تاكد نقدى ولو وصلت الى ان نقدى غير صحيح
اتقدم باعتزارى لا للشخص (للموضوع وقراءه )
وما دفعنى للصبر على هذا الموضوع هو انك لم تضيف اى قيمة للعمل الفنى
بل ذهبت الى شخص الراسم (ود ابو وعمر دفع الله ) وكان اجدى وانفع ان تقول ما قلته الان من اول البوست
لتاخذنا معك الى ما يفيدنا ويفيدهم
امل ان اكون قد اوصلت لك فكرتى وهدفى
بدون نفسى الحار الحرو لافح
بس غير العنوان
ب (هل يمكننا ان نرتوى من ماسورة ود ابو الما سغيرونى !!!!!

ودمتم