Post: #1
Title: استقالة
Author: أبوبكر عباس
Date: 10-12-2014, 04:52 PM
الكتابة هنا صعبة خالص
الناس متخندقة وغير قابلة للتزحزح صنت واحد.
صحي بكري حنسني للمساهمة في نشر الوعي الحواري؛ وبدفع لي، لكن أعترف بفشلي الكبير وهروبي النهائي.
مرات يخيل لي انو الناس هنا عندها مداخلات مصرورة في بُقج، يمرقوا منها المشاركات وينزلوها حسب لون البقجة، وبعد داك يمكن يشوفوا موضوع البوست شنو!!
تعديل العنوان بأمر من م الزبير
|
Post: #2
Title: Re: إستقالة
Author: معاوية الزبير
Date: 10-12-2014, 05:09 PM
Parent: #1
غلط يا أبوبكر
استقالة تُكتب بدون همزة، فهي همزة وصل أو ألف وصل
أعِد
|
Post: #3
Title: Re: إستقالة
Author: أبوبكر عباس
Date: 10-12-2014, 06:12 PM
Parent: #2
لو أصلا في وصل ما كان قطعناها يا معاوية
|
Post: #4
Title: Re: إستقالة
Author: صلاح عباس فقير
Date: 10-12-2014, 06:21 PM
Parent: #3
| Quote: مرات يخيل لي انو الناس هنا عندها مداخلات مصرورة في بُقج، يمرقوا منها المشاركات وينزلوها حسب لون البقجة، وبعد داك يمكن يشوفوا موضوع البوست شنو!! |
ههه!
يا زول إنت متين جيت؟!
أبوبكر!
فايتنك بالصَّبر وأن عسى ....
تحياتي واحترامي!
|
Post: #5
Title: Re: إستقالة
Author: kamal omer
Date: 10-12-2014, 06:21 PM
Parent: #3
أبو بكر سلامات
هو بالله في ناس بيدفعو ليها عشان تكتب هنا ؟ و لا أنا فهمت غلط ؟
|
Post: #6
Title: Re: إستقالة
Author: محمد البشرى الخضر
Date: 10-12-2014, 07:03 PM
Parent: #5
يا بكّور ياخي ما معقول!! لسّة ما لاقيناك ولا اتونسّنا معاك ولا حنّست معانا البروف يرجع ولا أقنعت لينا حسبو ولا شاكلناك حتى, تقول ماشّي !
ثم أظنّها الإستقالة الفاتت لسة أون هولد وما تم النظرفيها ولاّ شنو :)
__________________________
ود الزبير إنت بتوصل ساكت ؟؟ دي همزة قطع زي القطع, تقطع ما بين البصلة وقشرتها, تقول لي وصل
لقيت الراجل متشكّك خمّيتو ساي :)
|
Post: #7
Title: Re: إستقالة
Author: Abureesh
Date: 10-12-2014, 08:00 PM
Parent: #6
(صحي بكري حنسني للمساهمة في نشر الوعي الحواري؛ وبدفع لي،)
نحن غايتو صابرين عشان المعايش جبـــارة
|
Post: #8
Title: Re: إستقالة
Author: يحي قباني
Date: 10-12-2014, 08:08 PM
Parent: #7
| Quote: مرات يخيل لي انو الناس هنا عندها مداخلات مصرورة في بُقج، يمرقوا منها المشاركات وينزلوها حسب لون البقجة، وبعد داك يمكن يشوفوا موضوع البوست شنو!! |
اول مره اشوق لي ود من اولاد مدني يرفع الراية ...
حيدر قطامه يقول عليك شنو حسي ؟
يا ود عباس أنسي البُقَج ... و حياتك في النهاية ( لن ) يصح الا الصحيح ...
و ما تستغرب علي الناس ....
هاك الحكمة دي و كان لقيت اجابة الكزني معاك ...
|
Post: #9
Title: Re: إستقالة
Author: قصي محمد عبدالله
Date: 10-12-2014, 08:23 PM
Parent: #8
سلام أخي أبوبكر وجميع المتداخلين،
أتمنى أن تكون هذه الإستقالة المزعومة مجرد خواطر وليست قرارا.
يازول إن زهجت من الهرج أمسك في باب الدعوة والتذكير بالله ، وما أطيب هذا الطريق وأطهره ، ونحن علينا تعتيل منشوراتك الطيبة.
بالعدم خلي الباب مفتوح ، خذ جمة كده كم شهر وتعال..
وخير دليل على ذلك أعضاء مسجلين قبل أكثر من 7 سنوات ومشاركاتهم لم تصل الــ 100
المهم حاول ما تنسى بيانات الدخول..
تعود الايام.
|
Post: #10
Title: Re: إستقالة
Author: الامين موسى البشاري
Date: 10-13-2014, 01:03 AM
Parent: #9
ما لسه بدري يا (هليفه) ياخ!
بكور خليك قاعد يا زول الحلة البهناك اتفرتقت تب
زمان قلنا ليك اللعب بجاي خشن وفي ناس بتشوت ضفاري
هنا والله كان (كحيت) ساي تلاقي الدار الوطنية للكابشر كبشرتها ليكـ 
معليش انت جيت في الزمن الضائع وسودانيز والنت عموما بقى محل لفش الغبائن
ويا حليل زمن المحنه
لما كانت الدنيا جنـــه
كل زول بعين اخـــوه
ومافي بين الناس مظنه
الخ الخ الى آخر الابيات
وبعدين هنا ماف استقالات ما عجبك (البكان)
تشيل نعلاتك وتتخارج ... والله صحي ( )
والسلام .. ختام
|
Post: #11
Title: Re: إستقالة
Author: ABDALLAH ABDALLAH
Date: 10-13-2014, 02:12 AM
Parent: #10
| Quote: صحي بكري حنسني للمساهمة في نشر الوعي الحواري؛ وبدفع لي ، لكن أعترف بفشلي الكبير |
يا أستاذنا الكبير ما دام فشلت فى نشر الوعى الذى تريده بيننا نحن البورداب
رجِع لأخينا العزيز بكرى أبى بكر قيمة ما دفعه لك .
ويا دار ما دخلك شر .
|
Post: #12
Title: Re: إستقالة
Author: معاوية الزبير
Date: 10-13-2014, 02:41 AM
Parent: #11
مشكلة صديقي الأثير أبوبكر إنو دخل المنبر دا هازئاً والناس ماخدنو جاد
(يا أبوبكر... الأثير دي علاقتها بالإذاعة شنو؟)
أبوبكر دا والله لا ياخد أي حاجة محمل الجد إلا إذا كانت متعلقة بي ألبل (البوش)
فما تتعبوا روحكم ساكت
لكن بالجد، (إ) ستقالته من المنبر خسارة لا تعوض، بالنسبة لنشر الوعي لاب لاب لاب لاب لببببب
والله صحي. على قول البشاري
|
Post: #13
Title: Re: إستقالة
Author: عبدالحفيظ ابوسن
Date: 10-13-2014, 04:26 AM
Parent: #12
يعني بكري عامل خيانات
يرسل لي شيك إلا اصرفو في امريكا ..
يا ابوبكر
كن استثناء
او كما قال
اقعد ياخ
عليك الله
الشاي في النار
|
Post: #14
Title: Re: إستقالة
Author: muntasir
Date: 10-13-2014, 04:41 AM
Parent: #13
ضاع في التوربو خاتمو ياخ معقوله انت لسه ما أتثبت داير تستقيل قبل ما
بكري يودي البوست الخور اعمل حسابك البقعه دي البهبشها بتزوزي بيه وثانيا ياخي انت لو كنت دكتور أسنان كان حميتنا المرقة?
|
Post: #15
Title: Re: إستقالة
Author: أبوبكر عباس
Date: 10-13-2014, 05:18 AM
Parent: #14
لاقيت محسن خالد في زيارتو الأخيرة للامارات وشكيت ليهو مشكلتي مع همزتي الوصل والقطع يا ود البشرى؟؟
أداني قاعدة من نوع:
"أخي هاك علماً حازه غير خاسر"
قلت ليهو دا كلام كتير، أنا أكتبن حسب الصوت زي ما الأمريكان بعملوا مع الإنجليزي.
يا فقيري يا أخي، أنا زول قديم جداً يالمنبر دا، ما يخدعك تاريخ التسجيل دا.
هسع عليك الله، يا كمال، أنا وأبو الريش ديل ما بنستحق بكري يدفع لينا؟!
|
Post: #16
Title: Re: إستقالة
Author: kamal omer
Date: 10-13-2014, 06:46 AM
Parent: #15
| Quote: هسع عليك الله، يا كمال، أنا وأبو الريش ديل ما بنستحق بكري يدفع لينا؟! |
هههههه
و الله يا أبا بكر يا خوي أنا زول جديد هنا و ما كنت عارف موضوع الدفع ده ، في ناس مشاركاتهم عشرات الألوف لو من الناس البياخدو بيكونو فلسو بي بكري ابوبكر عديل كده
لكن بالجد الناس ببتماحك مرات بس برضو في شوية رقشة ( إشراقات ) أمسك فيها قوي ، و دفها لي قدام .
يا ود البشرى سلامات يا خي و كل سنة و أنت و أسرتك بخير.
|
Post: #26
Title: Re: إستقالة
Author: Hani Arabi Mohamed
Date: 11-25-2014, 03:26 PM
Parent: #3
حسع يا شاب بدل تستقيل كان باصيت لي الوظيفة دي
:)
|
Post: #17
Title: Re: استقالة
Author: فتح العليم محمد أبوالقاسم
Date: 10-13-2014, 06:58 AM
Parent: #1
سلاام يادكتور
شكلك زعلان من قصى لذلك قررت الرحيل .
المسألة هنا ليس ساهلة تكتب وتقراء لنفسك فقط في كثير من الاحيان .
امشى شوف اصدقائك في سودانيات مكانك هنالك وليس في سودانيز اون لاين .
وطاالما إستقالة لانتوقع منك مداخلات ، خلاص ارمي القلم واتوكل .
وامكن بعد كم سنة تفكر في العودة .
محبتى ومودتي لك
وعيدك مبارك
|
Post: #18
Title: Re: استقالة
Author: قصي محمد عبدالله
Date: 10-13-2014, 07:49 AM
Parent: #17
| Quote: شكلك زعلان من قصى لذلك قررت الرحيل |
ربما!
|
Post: #19
Title: Re: استقالة
Author: أبوبكر عباس
Date: 10-13-2014, 10:05 AM
Parent: #18
سلام يا قباني،
عليك الله، أول حاجة أعفي لي قطيعتي أنا ومعاوية الزبير فيك
معاوية قال: قباني بكتب كنابات جميلة جداً
أنا قلت ليهو: صاحبك دا فيهو رقّة، ح يلم فيهو واحد من طرش سودانيز ديل يتسبب في حرديهو.
المهم:
مشكلتي مع المنتدى دا ما الخشونة؟؟ الخشونة مقدور عليها، لكن المشكلة هي الحوار الموضوعي حول الموضوع المطروح في البوست المعين دون إستصحاب ردود الأفعال القديمة.
شوف كمية الزوغان المارسوهو كبر وعشاري في بوست الرق
الطريقة بتاعت الحوار هنا مستنسخة من أركان النقاش بجامعة الخرطوم في السبعينات والتمانينات،
والرواد في عدم الإلتزام بموضوع النقاش والأسئلة كانوا الجمهوريين (دالي والقراي)، يليهم الشيوعيين والكيزان.
|
Post: #20
Title: Re: استقالة
Author: Sabri Elshareef
Date: 10-13-2014, 11:48 AM
Parent: #19
ابوبكر
قف تمهل قليلا
ففي جرابك المفيد
وانت الان اصبح لك قراء من الرجال والنساء
اعلم كم ارهقتك الفضاءات الاسفيرية
لكن ياهو ده الحال
وحقيقه افكر في الاقلام التي ابتعدت بحجة
او بغيرها عن تدني مستوي الكتابة
او الاحساس بان هذا المطان غير لائق
عن نفسي اعرف انك ليس من هؤلاء
والدفع تستاهلو
يسال عنك الناس بهنا
وود نفاش تحديدا
|
Post: #21
Title: Re: استقالة
Author: أبوبكر عباس
Date: 10-13-2014, 03:50 PM
Parent: #20
سلام يا شيخ قصي،
يا سيدي التاعبني في النقاش هنا عدم الإتساق، والغريبة بالرغم من إختلافي الجذري معك إلا أنني أعتبرك رجل متسق جداً في كتاباتك مع ما تؤمن به، وما في زول بفوتك في الإتساق دا غير شيخي شيخ تبارك شيخ الدين.
|
Post: #22
Title: Re: استقالة
Author: أبوبكر عباس
Date: 10-13-2014, 03:59 PM
Parent: #21
Quote: يا أستاذنا الكبير ما دام فشلت فى نشر الوعى الذى تريده بيننا نحن البورداب
رجِع لأخينا العزيز بكرى أبى بكر قيمة ما دفعه لك .
ويا دار ما دخلك شر . |
بالعكس يا عبد الله، أنا البطالبو ببقية الأتعاب؛ بكري ما وراني قبل العقد أنو الحالة ميئوس للدرجة دي.
عموما رسائلو لي بالخاص تتطاقش، ولو ساواني بتبارك؛ بقعد، وزي ما قال أبوريش: "المعايش جبارة"
|
Post: #23
Title: Re: استقالة
Author: اميرة السيد
Date: 10-13-2014, 06:32 PM
Parent: #22
بالعدم خلي الباب مفتوح ، خذ جمة كده كم شهر وتعال..
>>>>>>>>>>>>>..................>>>>>>>>>
الحبيب ابوبكر عباس
واحتمال كبير جدا ونحن بوراك....بغض النظر عن إختلاف الأسباب... وبعدما قرينا نصيحة قصي هناك احتمالين : احتمال تكون دي آخر مداخلة في المنبر( ما دام في مسح بالإستيكة) او ناخد جمة
طويلة ونخلي الباب مفتوح ...
ودمتم بألف خير وصحة وعافية
|
Post: #24
Title: Re: استقالة
Author: ABDALLAH ABDALLAH
Date: 10-13-2014, 08:23 PM
Parent: #23
| Quote: وما في زول بفوتك في الإتساق دا غير شيخي شيخ تبارك شيخ الدين. |
الأخ أبوبكر عباس
ما دام عندك شيخ وشيخك تبارك شيخ الدين قطع شك إنت زولنا تب
عشان كدا غيرت رأى وأطالب ببقائك زى ما طالبك الأخ صبرى الشريف .
ويا حبيب العفو والعافيه .
|
Post: #25
Title: Re: استقالة
Author: نبيل عبد الرحيم
Date: 11-25-2014, 02:23 PM
Parent: #24
أخي معاوية
إذا كان بابكر شيخه زي ماكتب هو تبارك الشيخ يبقي بابكر صاحب مزاج عالي مساء الخيرررررررررررررر
|
Post: #27
Title: Re: استقالة
Author: معاوية الزبير
Date: 11-25-2014, 03:41 PM
Parent: #25
يا نبيل، في داعي للإحراج دا
الراجل بعد ما قال استقال، رجع براااحة يكتب وكأن شيئا لم يكن
تجي تذكّر الناس تاني!
بيني وبينك ناس المنبر دا ما بظهر فيهم (ولّ شنو كدا ما عارف)
احسن بكري يديهو باقي المستحقات بتاعت العقد
ويفك تسجيلو لي دكتور حسن موسى وأستاذة نجاة، عسى ولعل يكون أكثر فائدة
مودتي لك
|
Post: #28
Title: Re: استقالة
Author: عماد حسين
Date: 11-25-2014, 04:02 PM
Parent: #27
أخونا أبوبكر
قرأت لك.. ووجدتك تقف في الضفة الأخرى.. وبيننا بحر يحتاج كبري
لكن رغم ذلك أرجو أن تبقى
_____________
حكمة
قال حماد بن زيد، قال: قال لنا أيوب السختياني: «إنك لا تبصر خطأ معلمك حتى تجالس غيره، جالس الناس».
أخرجه ابن عبدالبر القرطبي المالكي في كتابه: جامع بيان العلم وفضله.
|
Post: #29
Title: Re: استقالة
Author: عواطف ادريس اسماعيل
Date: 11-26-2014, 05:06 AM
Parent: #28
لا لا لا لا لالالالالا
لا تنهزم ...
فالطرق ليست كلها معبدة
وأصابع الواحدة ليست متساوية
لا تنهزم ....
ومن لا يعشق صعود الجبال
يعيش أبد الدهر بين الحفر
لا تنهزم أرجوك ...
معزتي ...
|
Post: #30
Title: Re: استقالة
Author: عبد الخالق عابد
Date: 11-27-2014, 12:50 PM
Parent: #29
انحنا ضد استقالة جملة وتفصيلا ياخى انحنا ما صدقنا كسبنا مثقف وكاتب قصص كبير تقولى استقالة يا دكتور ده كم تقولوا لى زول ما عندو حديدة
وبعدين هو انت متين جيت عشان تمشى لسه برلوم اقعد ساكت عليك الله ما تقعد تلاوز بينا يااخ
كن بخير
|
|