Post: #1
Title: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-12-2014, 09:00 AM
الحقوا نفسكم سريع
قبل ان يفوتكم القطار
وشكرا
|
Post: #2
Title: Re: الدولار في طريقه لـ ( 5 ) جنيهات فقط لا غير ....
Author: وائل حمزه الزبير
Date: 10-12-2014, 09:04 AM
Parent: #1
أخونا في الله ود الباوقة تحية وتقدير
وليس على الله ببعيد
|
Post: #3
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-12-2014, 09:07 AM
Parent: #2
اخي وائل ان سارت الامور على هذه الوتيرة
اتوقع ان يكون 1.65 من الجنيه
في 2017
شكرا ليك
|
Post: #12
Title: Re: الدولار في طريقه لـ ( 5 ) جنيهات فقط لا غير ....
Author: عبد الله شم
Date: 10-12-2014, 09:37 AM
Parent: #3
الكترااااااااابل
انتو بتفوتو متين يا عمر
|
Post: #16
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-12-2014, 09:54 AM
Parent: #12
Quote: الكترااااااااابل
انتو بتفوتو متين يا عمر |
اخونا عبد الله
لس امامنا الخطة الربع قرنية المقبلة باذن الله
انتو بعد البلد خيراتها ترقد دايرين شنو تاني
|
Post: #36
Title: Re: الدولار في طريقه لـ ( 5 ) جنيهات فقط لا غير ....
Author: عبد الله شم
Date: 10-12-2014, 05:18 PM
Parent: #16
في بلدة صغيرة تبدو مهجورة تماماً، تمر بظروف إقتصادية صعبة والجميع
غارق في الديون، ويعيش على السلف.
فجأة ، يأتي رجل سائح غني إلى المدينة و يدخل الفندق ... ويضع
1000 جنية على كاونتر اand#65273;ستقبال، ويذهب لتفقد الغرف في الطابق
العلوي من أجل إختيار غرفة مناسبة.
- في هذه اand#65271;ثناء يستغل موظف اand#65273;ستقبال الفرصة ويأخذ 1000 جنية
ويذهب مسرعًا للجزار ليدفع دينه.
- الجزار يفرح بهذه الجنيهات ويسرع بها لتاجر الماشية ليدفع باقي
مستحقاته عليه.
- تاجر الماشية بدوره يأخذ 1000 جنية ويذهب بها إلى تاجر العلف
لتسديد دينه .
- تاجر العلف يذهب لسماسرة المدينة لتسديد ما عليه من مستحقات
متأخرة ...
- السمسار يركض مسرعا لفندق المدينة ( حيث يعمل موظف اand#65273;ستقبال
في أول القصة ) والذى يستأجر فيه الغرف الخاصة لخدمة زبائنه ويعطي
لموظف اand#65273;ستقبال 1000 جنية لتسديد ديونه.
- موظف اand#65273;ستقبال يعود ويضع 1000 جنية مرة أخرى مكانها على
الكاونتر قبل نزول السائح الثري من جولته التفقدية.
ينزل السائح والذي لم يعجبه مستوى الغرف ويقرر أخذ 1000 جنية
ويرحل عن المدينة !!
وand#65275; أحد من سكان المدينة كسب أي شيء ,,و سدد الجميع ديونهم ؟؟
...
هكذا ، تدير الحكومة السودانية إقتصاد البand#65276;د
|
Post: #4
Title: Re: الدولار في طريقه لـ ( 5 ) جنيهات فقط لا غير ....
Author: Abu Baker Ahmed Abdel Rahman
Date: 10-12-2014, 09:14 AM
Parent: #1
خزن
|
Post: #6
Title: Re: الدولار في طريقه لـ ( 5 ) جنيهات فقط لا غير ....
Author: أحمد ابن عوف
Date: 10-12-2014, 09:18 AM
Parent: #4
5000 جنية!!
لمن يرجع زي ما كان 10 جنية كلمنا بالله عشان نلحق القطر وكده
|
Post: #5
Title: Re: الدولار في طريقه لـ ( 5 ) جنيهات فقط لا غير ....
Author: عزالدين عمر
Date: 10-12-2014, 09:17 AM
Parent: #1
إنا منتظروون ..
إن شاء الله ربنا يقدر الفيها خير للعباد والبلاد
|
Post: #7
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-12-2014, 09:20 AM
Parent: #5
ابشر اخي عز الدين
ابشر بالخير
|
Post: #8
Title: Re: الدولار في طريقه لـ ( 5 ) جنيهات فقط لا غير ....
Author: singawi
Date: 10-12-2014, 09:23 AM
Parent: #7
الأحلام حق مشروع يا حبيب
الله يحقق أحلامك ويبلغك مناك
|
Post: #10
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-12-2014, 09:30 AM
Parent: #8
ليست احلام ولكنها الواقع الذي امامنا
يا اخي سنجاوي
|
Post: #9
Title: Re: الدولار في طريقه لـ ( 5 ) جنيهات فقط لا غير ....
Author: فرح الطاهر ابو روضة
Date: 10-12-2014, 09:27 AM
Parent: #7
الانتهازي بق بق
اسمع الكلام
قالوا ليك خزن
الهبات المتدفقة الايام دي حتنتهي في ايام معدودة
بعدين ما قلت لينا
السوق خبروا شنو
كيلو اللحمة
الطماطم
البصل
الزيت
انحنا دخلنا شنو في الدولار وقرعة الحيكومة الممدودة بدون خجل
|
Post: #11
Title: Re: الدولار في طريقه لـ ( 5 ) جنيهات فقط لا غير ....
Author: إسماعيل وراق
Date: 10-12-2014, 09:32 AM
Parent: #9
هات المعطيات التي تدل على صدق قولك يا باوقة.
|
Post: #13
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-12-2014, 09:38 AM
Parent: #11
أكد د. صابر محمد الحسن رئيس القطاع الإقتصادي بالمؤتمر الوطني أن تطبيق السياسات الإصلاحية
سيعمل على تحسن الأوضاع الاقتصادية في المرحلة القادمة وتحريك جمود إقتصاد البلاد.
وقال د. صابر أن معالجة الأوضاع الاقتصادية تحتاج إلى فترة محددة من الزمن، تسمى بـ"فترة
اقبض اخي وراق
الحضانة" تظهر فيها النتائج بطريقة واضحة، تؤكد تأثر الوضع الاقتصاد بالسياسات المتبعة
. متوقعاً أن يؤدي الإنخفاض المتتالي في سعر الدولار بالسوق الموازي
إلى خفض معدلات التضخم وإنعكاسه إيجاباً على الوضع الاقتصادي.
وقال إن المؤشرات تشير إلى إنخفاض الدولار إلى حدود (5) جنيهات في
المدى المتوسط، فى حال حل قضايا التحويلات بالبنوك مع البنك المركزي،
بجانب خفض معدل التضخم، موضحاً أن "التضخم وسعر الصرف وجهين لعملة
واحدة، فإذا تحسن سعر الصرف يتحسن معدل التضخم". عازياً الانخفاض
المتتالي في أسعار الدولار في الفترة الأخيرة إلى إهتمام البنك
المركزي بتوفير النقد للبنوك التجارية والصرافات ووجود تدفقات من
النقد الأجنبي من حصيلة الصادرات غير البترولية، بجانب تنفيذ إجراءات برنامج الإصلاحات الاقتصادية.
|
Post: #14
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-12-2014, 09:50 AM
Parent: #13
قضي الأمر
وكمان لو انبهل بترول الغرب
سيكون 3.3 لصالح الجنية السوداني
الله اكبر
|
Post: #17
Title: Re: الدولار في طريقه لـ ( 5 ) جنيهات فقط لا غير ....
Author: Sayed Bekab
Date: 10-12-2014, 09:58 AM
Parent: #14
Quote: عازياً الانخفاض
المتتالي في أسعار الدولار في الفترة الأخيرة إلى إهتمام البنك
المركزي بتوفير النقد للبنوك التجارية والصرافات ووجود تدفقات من
النقد الأجنبي من حصيلة الصادرات غير البترولية، بجانب تنفيذ إجراءات برنامج الإصلاحات الاقتصادية. |
ود الباوقة كل عام و انت بخير و ربنا يحقق امانيك إن شاء الله.... و لكن الكلام الفوق ده ما منطقي لانو سبب نزول الدولار هو انو اغلب التجار فى السودان بقو بستوردو عن طريق اثيوبيا بدون جمارك و تنقل البضاعة نقل بري للسودان و هذا علي حسب تحليل احد الخبراء فى بنك السودان و ليس لان الحكومة بتضخ دولار فى السوق ..... و إن شاء الله ينزل ل 3 جنيه و اثيوبيا تغنا و نحن نكون محلك سر ..... المنطق بقول ادعمو التجار المحليين باعفاءات جمركية و ليس اشخاص بعينهم حتي ينهض الإقتصاد السوداني و الجنية السوداني يبقا بدولارين ما العكس لكن البعمل كده منو و لشنو.... تحياتي لك عزيزي
|
Post: #19
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-12-2014, 10:04 AM
Parent: #17
| Quote: ود الباوقة كل عام و انت بخير و ربنا يحقق امانيك إن شاء الله.... و لكن الكلام الفوق ده ما منطقي لانو سبب نزول الدولار هو انو اغلب التجار فى السودان بقو بستوردو عن طريق اثيوبيا بدون جمارك و تنقل البضاعة نقل بري للسودان و هذا علي حسب تحليل احد الخبراء فى بنك السودان و ليس لان الحكومة بتضخ دولار فى السوق ..... و إن شاء الله ينزل ل and#1635; جنية و اثيوبيا تغنا و نحن نكون محلك سر ..... المنطق بقول ادعمو التجار المحليين باعفاءات جمركية و ليس اشخاص بعينهم حتي ينهض الإقتصاد السوداني و الجنية السوداني يبقا بدولارين ما العكس لكن البعمل كده منو و لشنو.... تحياتي لك عزيزي |
المصدر لو سمحت اخي سيد
مع التقدير
|
Post: #18
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-12-2014, 09:58 AM
Parent: #9
ابو روضة
لم تات لحوار
التجاهل
التجاهل
التجاهل
|
Post: #15
Title: Re: الدولار في طريقه لـ ( 5 ) جنيهات فقط لا غير ....
Author: يوسف الطيب احمد إدريس
Date: 10-12-2014, 09:51 AM
Parent: #1
سلام للجميع
يا باوقة السعودية بتنتج حوالي العشرة مليون برميل يومياً وغير المداخيل الأخرى من حج وعمرة وغيره والدولار ب3.75
فكيف يبقى ب5 جنيه في السودان؟ على أي أساس ؟؟
|
Post: #20
Title: Re: الدولار في طريقه لـ ( 5 ) جنيهات فقط لا غير ....
Author: الهادي ابوبكر
Date: 10-12-2014, 10:04 AM
Parent: #15
Quote: عازياً الانخفاض
المتتالي في أسعار الدولار في الفترة الأخيرة إلى إهتمام البنك
المركزي بتوفير النقد للبنوك التجارية والصرافات ووجود تدفقات من
النقد الأجنبي من حصيلة الصادرات غير البترولية، بجانب تنفيذ إجراءات برنامج الإصلاحات الاقتصادية. |
من اين لكي يا حيكومة والاسعار في السوق ما زالت تحسب على اساس الدولار بـ9600 جنيه.
قصة ما مفهومة اصلا ،، نكون صدرنا شنو الايام الفاتت دي ... (ذهب - نحاس - فضة - قطن - قمح)
أم (خراف - صمغ عربي - كركدي - ابل - فحم).
يا جماعة ما تقولو لينا كلام يخش الراس، نحن ما بنكره الخير للناس ، الا بنكره الكذب والتخدير...
|
Post: #21
Title: Re: الدولار في طريقه لـ ( 5 ) جنيهات فقط لا غير ....
Author: singawi
Date: 10-12-2014, 10:11 AM
Parent: #20
الانخفاض النسبي الحاصل أحد أهم عوامله هو وقف إستيراد السيارات
بجميع موديلاتها مما قلل الطلب بصورة كبيرة على الدولار
|
Post: #22
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-12-2014, 10:18 AM
Parent: #21
اخي
بكري ابوبكر
بالله ( شعلق ) لينا البوست دا فوق
لاهميته الاقتصادية
|
Post: #23
Title: Re: الدولار في طريقه لـ ( 5 ) جنيهات فقط لا غير ....
Author: إسماعيل وراق
Date: 10-12-2014, 10:49 AM
Parent: #22
يا ود الباوقة
كلام صابر الفوق دا غير مقنع
التحكم في سعر العملة إما يكون دون تدخل من الحكومة وفقا للحالة الاقتصادية و متطلبات السوق يعني عرض وطلب والحالة التانية تحدث نتيجة تحكم الحكومة بسياسة اقتصادية تقررها في ظل نظام السعر الثابت للصرف والكلام دا الحكومة طبقته لفترة بعد اتفاقية نيفاشا وظهور البترول ولكن السيد الجنيه السوداني سرعان ما أنهار أمام العملات الرئيسة خاصة الدولار.
خلاصتو يا باشا.. عندك انتاج.. وبتقدر تعمل صادر.. وبتقدر تخفض التضخم وتحافظ على توازن ميزانك التجاري في الحالة دي ممكن أن يستقر سعر الصرف لفترة طويلة.. لكن حسب ما هو واضح أن كل المعطيات ضد الحكومة وسياساتها الإقتصادية.. يعني ضخ دولار في السوق بواسطة شحدة ليس هو الحل..
كسرة:
انا أتوقع بأن يكون قيمة الدولار 12 ألف جنيه في الربع الثالث للعام 2015م.
|
Post: #24
Title: Re: الدولار في طريقه لـ ( 5 ) جنيهات فقط لا غير ....
Author: ismeil abbas
Date: 10-12-2014, 11:10 AM
Parent: #23
السلام عليكم وكل عام وأنتم بخير..ودالباوقة والمتداخلين...
ودالباوقة بطل هضربة..
| Quote: فإذا تحسن سعر الصرف يتحسن معدل التضخم |
ده فى كل العالم إلا السودان.....
|
Post: #26
Title: Re: الدولار في طريقه لـ ( 5 ) جنيهات فقط لا غير ....
Author: النعمان خوجلى
Date: 10-12-2014, 11:50 AM
Parent: #24
ود الباوقة والاخوة المتداخلين السلام عليكم ورحمة الله
مصادر العملة الصعبة معروفه للجميع انتاج زراعى وحيوانى وتصنيع وبالتالى تصدير
وهذه الاشياء غير موجوده بسبب تدمير المشاريع الزراعية والصناعية ومحاربة الرأسماليه النظيفة
اما المكافئة المقبوضة بسبب طرد الملحق الثقافى فهذه تاثيرها محدود جدا ايام معدودة ويرجع الوضع كما كان عليه
|
Post: #25
Title: Re: الدولار في طريقه لـ ( 5 ) جنيهات فقط لا غير ....
Author: Sayed Bekab
Date: 10-12-2014, 11:30 AM
Parent: #22
| Quote: احد الخبراء فى بنك السودان ..... |
يا ود الباوقة ما مسموح لي اصرح باسماء الناس لو ما سمحو لي لانو النقاش كان ودي و ليس رسمي .
|
Post: #27
Title: Re: الدولار في طريقه لـ ( 5 ) جنيهات فقط لا غير ....
Author: باسط المكي
Date: 10-12-2014, 12:36 PM
Parent: #25
الجاك
زي صلاة العيد في كاااودة
|
Post: #28
Title: Re: الدولار في طريقه لـ ( 5 ) جنيهات فقط لا غير ....
Author: قصي محمد عبدالله
Date: 10-12-2014, 12:37 PM
Parent: #25
تحياتي وتقديري لصاحب المنشور و للجميع،
الدولار دا زي الارنب...
طريقو ما في زول بعرفو!
يغطس فجأة ويظهر فجأة في مكان غير في الحسبان!
ولا داخل في المنطق، أو المتوالية الإقتصادية..
لكن نسأل الله أن يصل - 5 جنيه،
أي يكون الجنيه يعادل 5 دولار،
ولا غنى لنا عن بركة الله.
نسأل الله أن يغني الجميع بحلاله عن حرامه، وبفضله عمن سواه.
تحياتي وتقديري
|
Post: #29
Title: Re: الدولار في طريقه لـ ( 5 ) جنيهات فقط لا غير ....
Author: البشير دفع الله
Date: 10-12-2014, 01:34 PM
Parent: #28
| Quote: الدولار في طريقه لـ ( 5 ) جنيهات فقط لا غير .... |
تحياتي يا ود الباوقة
وكل عام وانتم بخير
كل الناس تتمنى ذلك , ولكن أكيد لديك رؤية وسبب لتوقعك لانخفاض الدولار الى 5 جنيهات أرجو انك ترفد بيها البوست دا اضافة الى السبب الرئيسي الى انخفاض سعر الدولار في الأيام الفاتت , وكمل جميلك وادينا فكرة عن آثار انخفاض سعر الدولار على معيشة المواطن .
وشكرا
|
Post: #30
Title: Re: الدولار في طريقه لـ ( 5 ) جنيهات فقط لا غير ....
Author: Elhadi
Date: 10-12-2014, 01:50 PM
Parent: #29
| Quote: الدولار في طريقه لـ ( 5 ) جنيهات فقط لا غير |
قصدك خمسة ( ريال) ؟؟؟
احتمال لأنو أسعار البترول بدأت في الانخفاض بشدة بعد الاكتشافات النفطية في الولايات المتحدة ، "النفط الصخري" واتجاه الولايات المتحدة لتقليل الاعتماد على نفط الشرق الأوسط مما قد يؤثر على اقتصاديات دول الخليج وبالتالي على عملاتها
وسط عجز الدول الخليجية على اتخاذ قرار بخفض الانتاج لوقف تدهور الأسعار بسبب الظروف السياسية في المنطقة..
|
Post: #31
Title: Re: الدولار في طريقه لـ ( 5 ) جنيهات فقط لا غير ....
Author: نصر الدين عثمان
Date: 10-12-2014, 02:38 PM
Parent: #30
| Quote: الدولار في طريقه لـ ( 5 ) جنيهات فقط لا غير .... |
لو حدث ذلك في ظل هذه الظروف الراهنة لألحق اقتصادنا المتهالك أصلاً أمات طه..
ما كل أهة وراها نار ولا كل انخفاض للدولار محمدة!؟
|
Post: #49
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-14-2014, 05:28 AM
Parent: #28
Quote: الدولار دا زي الارنب...
|
وبالملوخية كمان
يا شيخ قصي
|
Post: #42
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-13-2014, 05:28 AM
Parent: #20
Quote: من اين لكي يا حيكومة والاسعار في السوق ما زالت تحسب على اساس الدولار بـ9600 جنيه.
|
اخونا الهادي
راجع نشرة بنك السودان
وشكرا
|
Post: #32
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-12-2014, 04:54 PM
Parent: #15
Quote: يا باوقة السعودية بتنتج حوالي العشرة مليون برميل يومياً وغير المداخيل الأخرى من حج وعمرة وغيره والدولار ب3.75
فكيف يبقى ب5 جنيه في السودان؟ على أي أساس ؟؟ |
اخونا يوسف
الجنيه السوداني
في وقت من الأوقات كان يساوي 3 دولار وشوية
صاح ولا انا غلطان
|
Post: #33
Title: Re: الدولار في طريقه لـ ( 5 ) جنيهات فقط لا غير ....
Author: أحمد ابن عوف
Date: 10-12-2014, 04:57 PM
Parent: #32
بقى بي عشرة جنية القديم وللا نمشي ننوم شوية ونجي؟؟
|
Post: #34
Title: Re: الدولار في طريقه لـ ( 5 ) جنيهات فقط لا غير ....
Author: أحمد ابن عوف
Date: 10-12-2014, 05:01 PM
Parent: #33
عليييييكم الله ما نقولو لي دا مستوى ود الباوقة الداير يحاورنا بيهو
Quote: اخونا يوسف
الجنيه السوداني
في وقت من الأوقات كان يساوي 3 دولار وشوية
صاح ولا انا غلطان |
مبالغة لكن
|
Post: #35
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-12-2014, 05:09 PM
Parent: #34
Quote: عليييييكم الله ما نقولو لي دا مستوى ود الباوقة الداير يحاورنا بيهو
|
بن عوف
يا اخوي البوست دا ليس للحوار
قلنا ليك الدولار في طريق للهاوية
ودللنا على ذلك بحديث الخبير الاقتصادي دكتور صابر
ان لم تقتنع ما عليك الا مغادرة البوست بنفس الطريق
الذي دخلت منه
مع امنياتي لك بطيب الاقامة ان اردت البقاء
وشكرا
|
Post: #37
Title: Re: الدولار في طريقه لـ ( 5 ) جنيهات فقط لا غير ....
Author: حمد عبد الغفار عمر
Date: 10-12-2014, 05:32 PM
Parent: #35
يعني بعد 21 سنة
حضانة؟ الناس دي حافظة ليها مصطلحات وأهو بتطلق فيها
ياخ أي اقتصاد في الدنيا دي عشان يتعافى محتاج لموارد عشان تتوفر ليهو سيولة يتم تحريكها بين قطاعات الاقتصاد المختلفة
عندو الموارد دي لحضانة ولا تفقيس ؟
|
Post: #38
Title: Re: الدولار في طريقه لـ ( 5 ) جنيهات فقط لا غير ....
Author: التيجاني عبد الباقي
Date: 10-12-2014, 07:03 PM
Parent: #37
Quote:
أكد الاتحاد العام للصرافات أن سوق النقد الأجنبي بدأ يرجع إلى وضعه الطبيعي بعد انخفاض سعر الدولار بالسوق الموازي،
ووصوله يوم الأحد لـ 8,25 جنيه. ودعا إلى ضرورة تشجيع المستوردين لشراء العملات الأجنبية من النوافذ الرسمية.
وقال الرئيس المناوب لاتحاد عام الصرافات عيد عبدالمنعم، في تصريح للمركز السوداني للخدمات الصحفية،
إن توفر الموارد من النقد الأجنبي عبر المنافذ الرسمية سيمكن الصرافات من الإيفاء بالتزاماتها لتغطية الطلب الكبير
للمستوردين والمسافرين للخارج بغرض العلاج والتعليم.
|
6 سبتمبر 2014 سعر الدولار 9.330 ج
6 اكتوبر 2014 سعر الدولار 8.900 ج
12 اكتوبر 2014 سعر الدولار 8.250 ج
معلومات مؤكدة من الخرطوم **
هناك ركود في الطلب على العقارات والسيارات لا ادري ما هو السبب !!!
شكرا ود الباوقة
|
Post: #39
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-12-2014, 08:29 PM
Parent: #38
النوم كبس.. بكرة باذن الله نواصل معكم
|
Post: #40
Title: Re: الدولار في طريقه لـ ( 5 ) جنيهات فقط لا غير ....
Author: Idris Logma
Date: 10-12-2014, 08:41 PM
Parent: #39
حلم الجوعان رغيفة !!!!!!!!!!!!!!!!!!!!!!!!!!!!!!!
|
Post: #41
Title: Re: الدولار في طريقه لـ ( 5 ) جنيهات فقط لا غير ....
Author: Deng
Date: 10-13-2014, 01:37 AM
Parent: #40
ود الباوقة أختشي.
|
Post: #43
Title: Re: الدولار في طريقه لـ ( 5 ) جنيهات فقط لا غير ....
Author: الهادي ابوبكر
Date: 10-13-2014, 09:20 AM
Parent: #41
Quote: اخونا الهادي
راجع نشرة بنك السودان
وشكرا |
ود الباوقة ياخ المسألة ما نشرات ، النشرات موجودة من زمان بس انت عارف ان لم تمشي تطلب دولار في اي بنك بكل بساطة الاجابة مافي .
طيب فرضياتك ما ليها اي اساس على ان الدولار في انخفاض بسبب اجراءات اقتصادية سودانية .... زي ما اجاب بعض الاخوة هي عملية عرض وطلب فقط.
|
Post: #44
Title: Re: الدولار في طريقه لـ ( 5 ) جنيهات فقط لا غير ....
Author: معتصم سليمان كاشف
Date: 10-13-2014, 11:54 AM
Parent: #43
السلام لجميع المشاركين
زمانك انا قريت لى مجلد اسمو SUDAN COMMERCIAL DIRECTORY مكتوب فى العام 1971 و فى صفحتها الاولى وجدت البيانات التالية
الاسم : جمهورية السودان الديمقراطية
المساحة : مليون ميل مربع
العملة : الجنيه ويعادل 3.84 دولار
وقتها يا صديقى كانت صادرات السودان تتمثل فى القطن والحبوب الزيتية والثروة الحيوانية
واذكر فيما اذكر انك كتبت هنا ياود الباوقة قبل عام او اكثر (على ما اذكر) ان السودان يستورد 850 الف طن قمح بمعنى ان فاتورة الاستيراد زادت بضاعة استراتيجية علما بان مشروع الجزيرة والمشارع الصغيرة كانت تغطى احتياجات الشعب من هذه السلعة
بالرغم من زيادة فاتورة الاستيراد تدنت الصادرات الى مستوى اقرب الى الصفر .. اذا من اين لك هذه الدولارات التى يمكن ان تغطى فاتورة الاستيراد علما باننا بدءنا تستورد كل شى ولا تصدر شيئا (راجع برنامج حتى تكتمل الصورة) عبد الرحيم حمد وحسن احمد طه والطاهر ساتى وبروفسير اقتصادى
فشلت الدولة فى تأهيل المشاريع التى كانت ستدر ذهبا لكنها لجأت الى المضاربة والتعامل بنظرية قانون العائد السريع وتحكم الراسمالية الطفيلية فى ادارة دولاب السوق.. اما المشاريع طويلة الاجل ففى رحمة الله (مشروع الجزيرة مثالا)
فشلت الدولة فى استقطاب اموال المغتربين.. اين دولارات المغتربين يا رجل وكيف يتم تحويلها ؟ هل تدرى يا ود الباوقة؟؟ بالسوق الاسود وخارج النظام المصرفى السودانى (برة برة)
فشلت الدولة فى استقطاب المستثمر الاجنبى لاسباب قبيحة لا تمت للخلق السودانى بصلة (سمسرة وفساد وغش) برضو تقول لى الدولا 5 جنيه.
اخيرا صادراتك اكتر من وارداتك (عملتك قوية) والعكس صحيح
تحياتى
|
Post: #45
Title: Re: الدولار في طريقه لـ ( 5 ) جنيهات فقط لا غير ....
Author: Alshafea Ibrahim
Date: 10-13-2014, 04:50 PM
Parent: #44
Quote: أخونا في الله ود الباوقة تحية وتقدير
وليس على الله ببعيد |
========== أمسك في كلام صاحبك الكوز الكبير الفقيه العارف ببواطن الاقتصاد والأمن والاجتماع =======
لكن قالوا - ارتفاع شديد في صادرات القطن ..
الشفيع
|
Post: #46
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-13-2014, 06:37 PM
Parent: #45
اسف شاغل قد شغلني لعدم الردود عليكم
|
Post: #47
Title: Re: الدولار في طريقه لـ ( 5 ) جنيهات فقط لا غير ....
Author: Hafiz Bashir
Date: 10-13-2014, 09:46 PM
Parent: #46
في يناير القادم سيتخطى سعر الدولا العشرة جنيهات
و مثلي لا يسأل من مصدر
|
Post: #48
Title: Re: الدولار في طريقه لـ ( 5 ) جنيهات فقط لا غير ....
Author: ود الباوقة
Date: 10-14-2014, 05:14 AM
Parent: #46
كشف وزير الدولة بوزارة المالية د. عبد الرحمن ضرار عن توقف
المضاربات «الكبيرة» في سوق الدولار من قبل السماسرة.
وقال إنهم يتوقعون انخفاضاً متوالياً للعملة الأجنبية خلال الأيام المقبلة. وأشار إلى
أن ارتفاع حجم الصادرات السودانية المختلفة خلال الفترة الماضية وانخفاض الواردات كان له
الأثر الكبير في تدني سعر العملة الأجنبية وارتفاع العملة الوطنية. وقال الوزير:
«هناك مفاجآت لن نفصح عنها في الوقت الراهن تبشر بانخفاض متوالٍ للدولار».
واعتبر ضرار أن المؤشرات الجيدة لخريف هذا العام وزيادة الإنتاج النفطي
وما يدخل الخزينة العامة من إنتاج الذهب، جميعها أسباب أدت إلى استعادة
الجنية السوداني لعافيته الاقتصادية بصورة تدريجية. وتابع: «جميع أسباب
انخفاض سعر الدولار أصبحت متوفرة، والجنيه يحاصره تماماً وهناك بشريات جيدة قادمة في الطريق».
.................................................................
لعناية الاستاذ / التجاني عبد الباقي
|
Post: #50
Title: Re: الدولار في طريقه لـ ( 5 ) جنيهات فقط لا غير ....
Author: عثمان دغيس
Date: 10-14-2014, 08:55 AM
Parent: #48
يا ود الباوقة ..
قول لي وزيركم ده قوم لف بالله ....! مفاجأة وما ح يفصح عنها ؟ بالله ؟
من الآخر كده لو لم يتوقف هذا الفساد الذي بات يزكم الأنوف وفي كل مفاصل الدولة ... إن صحت تسميتها ...
وده ما بيتم إلا بنظام محاسبي ورقابي دقيق ...
وهو ما يستحيل أن نتوقعه من نظام غارق حتى أخمص قدمي أتفه ######## في أتفه إدارة حكومية ...
إذن .... فلا تحدثني عن إقتصاد دولة ولا عن دولة من أساسو ...
|
Post: #51
Title: Re: الدولار في طريقه لـ ( 5 ) جنيهات فقط لا غير ....
Author: الهادي ابوبكر
Date: 10-14-2014, 09:07 AM
Parent: #50
| Quote: «هناك مفاجآت لن نفصح عنها في الوقت الراهن تبشر بانخفاض متوالٍ للدولار». |
دي رسالة واضحة لتجار العملات في السوق الموازي على قولكم والاسود على قولنا ...
في العالم الحديث حتى البيت الابيض ما عاد لديه اسرار ،،،
|
|