أنا مستأ جدا جدا

يعنى ما تتخيلو كيف بطنى طامه من أى شى البيحصل ده شى مقرف جدا معقول ده السودان ليه عملتو فى البلد كده ما لكم الحصل عليكم شنو ما كتو كويسيين واولاد ناس تستمتعوا بالحرية فى الجامعات والمدارس الشعب السودانى ما قصر معاكم قطع من لحمو عشان تقروا وتتعلموا فى احسن المدارس والداخليات وعلى يد ارفع الاساتذة والمعلمين والجامعات فتحت ليكم ابوابها لاقرش لاتعريفة داخليات نظيفة ووجبات دسمة وحوار وسياسة وفكر ..البلد بلدكم مافى زول ضايقكم فيها ...ليه عملتو فى الناس كده والله انا مستغرب جدا ما كان ممكن تحكموا البلد بدون ما تعملوا العملتو ده بسم الله الرحمنالرحيم بس تقول غنم جيعانه فكوها فى زراعة ما خلت شى واقف تاكل وتكسر وتبعر وتبول ده شنو والله فضحتونا وندمتونا على اليوم البقينا فيه اخوان مسلمين اتاريكم كده كل قصتكم بناء عمارات وعربات وعرس وسفر ومناصب وسفارات وينو الدين وربط قيم السماء بالارض ياها دى دولتكم الاسلامية وشريعتكم الغراء الله يعلم انها منكم براء ما بتخجلوا من الاولاد القلتو ليهم الاسلام والجهاد وصدقوكم منهم من قضى نحبه ومنهم المعاقين والمصابين وغيرهم ..يخصى عليكم ما كت قايلكم صغار كده الله لاكسبكم ولابارك فيكم ..ده شنو ده يا عواليق يا ارزقية يا جيعانين لسه ما شبعتو ما كفاكم البلد عدمتموها الحبه البلد يبست تب قضيتوا على الاخدر واليابس الجنوب فصلتوا ودارفور اشتعلت فيها النار وجنوب كردفان ...جيل كامل من الشباب حائر ما عارف يعمل شنو ..راسو مقطوع ...ارتفعت نسبة العنوسة بشكل رهيب والطلاق.. واكتظ مركز المايقوما بالاطفال مجهولى الابوين ...

تبرأ منهم يا عمار بشكل واضح ,
عسى ربك يغفر ليك صراخك وكوراكك أيام الدراسة الجامعية .
أنت ساهمت بشكل أو باّخر في تقوية هذا الحزب القاتل السارق ,

ولو شلت السلاح من أجل اسقاطهم يكون كويس كمان .


----------------------------------------
وكل سنة وانتا طيب ,

يعنى ما تتخيلو كيف بطنى طامه من أى شى البيحصل ده شى مقرف جدا معقول ده السودان ليه عملتو فى البلد كده ما لكم الحصل عليكم شنو ما كتو كويسيين واولاد ناس تستمتعوا بالحرية فى الجامعات والمدارس الشعب السودانى ما قصر معاكم قطع من لحمو عشان تقروا وتتعلموا فى احسن المدارس والداخليات وعلى يد ارفع الاساتذة والمعلمين والجامعات فتحت ليكم ابوابها لاقرش لاتعريفة داخليات نظيفة ووجبات دسمة وحوار وسياسة وفكر ..البلد بلدكم مافى زول ضايقكم فيها ...ليه عملتو فى الناس كده والله انا مستغرب جدا ما كان ممكن تحكموا البلد بدون ما تعملوا العملتو ده بسم الله الرحمنالرحيم بس تقول غنم جيعانه فكوها فى زراعة ما خلت شى واقف تاكل وتكسر وتبعر وتبول ده شنو والله فضحتونا وندمتونا على اليوم البقينا فيه اخوان مسلمين اتاريكم كده كل قصتكم بناء عمارات وعربات وعرس وسفر ومناصب وسفارات وينو الدين وربط قيم السماء بالارض ياها دى دولتكم الاسلامية وشريعتكم الغراء الله يعلم انها منكم براء ما بتخجلوا من الاولاد القلتو ليهم الاسلام والجهاد وصدقوكم منهم من قضى نحبه ومنهم المعاقين والمصابين وغيرهم ..يخصى عليكم ما كت قايلكم صغار كده الله لاكسبكم ولابارك فيكم ..ده شنو ده يا عواليق يا ارزقية يا جيعانين لسه ما شبعتو ما كفاكم البلد عدمتموها الحبه البلد يبست تب قضيتوا على الاخدر واليابس الجنوب فصلتوا ودارفور اشتعلت فيها النار وجنوب كردفان ...جيل كامل من الشباب حائر ما عارف يعمل شنو ..راسو مقطوع ...ارتفعت نسبة العنوسة بشكل رهيب والطلاق.. واكتظ مركز المايقوما بالاطفال مجهولى الابوين ...

كلاام فى الصميم ياعمار ودوام الحال من المحال ياعمار


انا متفائل انو بكره حيكون احلى

كل سنه وانت طيب

انت شكلك مستاء وممحن في الحاصل دا عشان كدا وصفك جاء دقيق

Quote: بس تقول غنم جيعانه فكوها فى زراعة

دي مصيبة

لأنو الاشجار الـ بتقضمها الغنماية من دون باقي الحيوانات تاني ما بتقوم ليها قائمة

يعني نقنع من السودان دا

شكرا يا عمار بس يبدو ان الزعل خلاك تكتب مستاء (مستأ) في العنوان

أحييك يا صديق وكل عام وأنت بخير ولا بد لليل أن ينجلى وياما تظهر فضائح

تجعل الولدان شيباً.