عيدكم سعيد وناسف لازعاج المنفوخ وتابعه قوفه

لما الواقع يصبح للسياسي هو تحقيق مأرب تحالفات تخدم مصالحو ومحاولة لدوام الحال بالرغم من كل الفشل والفساد والظلم ولما الساسة يلقوا أعلاميين كمونية يطبلوا ليهم عشان شوية قرشين من طرف الميزانية
ديل عايزين قروش كمان الخرطوم بقيت غالية جدا والبدل المستوردة باتنين مليون ونص غير أحتياجات الحياة اليومية ناس رخص بشكل مقرف وساسة فته عضام بس , والمنفوخ دا كان ما كان أ###### وأبشع من سلفوا ما كان
وصل للمنصب دا ما أتعس أقدارنا توصل سباك لمنصب عالم ذرة وغفير يبقي جراح مسالك بولية وسمسار عربات وزير في رئاسة مجلس الوزراء عجايب !
تعرفوا ياشباب في قصة لازم كل الشعب السوداني يعرف أنو هبة سبتمبر 2013 كان شغل أحرار وهبة عفوية من أولادنا والبداية كانت من أولاد الشعب المسكين قدموا الدم والغالي من أعز وأنبل الشباب ما كانوا حرامية ولا عاطلة بل عاملين وعايشين
بالكفاف شباب وشابات أولاد أسر كريمة أتحدي المنفوخ يقول الشهيد فلان كان مخرب ولا أجنبي ولا شماسي بالجد الحصل دا حاجة مقرفة لو قبلنا نستحق أن نكون عايشين تحت القهر والظلم لكين ما بنقبل في شهداء أطهار كلام فارغ
وأكاذيب زي اللي سمعتوها !
باقي شنو في البلد دي كل شيء أصبح خراب حتي الامن والامان بقي حلم الا تكون مسئول كبير بيتك ما يتسرق أو ما تتعرض لا بتزاز الفوضي ضاربة أطنابه وشاغلين معنا سياسة فرض الامر الواقع الانتخابات في موعدا الحوار لو ما قام الانتخابات
ح تكون ومؤتمر الحزب الحاكم قائم عشان ترشيح قيادات جديدة لانتخابات 2015 المعارضة حسب ظنهم ضعيفة وكمان الشارع خلاص مع القبضة الامنية أصبح مستسلم ما ممكن حسم الاوضاع السياسية بانتخابات كرتونية ولا عمليات
عسكرية ولا بتصالحات بين الاسلاميين مع بعض كان أمبارح كانت أسهل في السيطرة علي خيوط اللعبة اليوم الاوضاع أكثر تعقيد القبلية مشكلة داخل حوش المؤتمر الوطني الجهوية داخل حوش المؤتمر الوطني غيرها من الامراض
الخطيرة الفساد والعنف السياسي اللي أصبح سمة غالبة علي الحياة الساسية تهديد كل وطني طاهر بالتصفية والسجن الطويل
تعرفوا الامور بشكلها دا ح تفجر أوضاع مزعجة لينا وللجيران من حولنا ونحن موعودين أن يتطور الصراع في ليبيا ونكون جرء أصيل فيهو !!!!
عرفتوا كلامي دا
لازم نحارب أعلاميين الكمونية والاكلين علي كل مائدة وساسة بدفعوا ليك لمعني كويس بالله!!!!
وكل أساليب التخويف وأخير لعنة الله علي المنفوخ وتابعه قوفه.
وأعني ما أقول