Post: #1
Title: صاحبة أشهر مطعم سوداني بتل أبيب تعود للقاهرة ...!!!!
Author: Ridhaa
Date: 10-02-2014, 03:38 AM
جرت المواطنة السودانية فتحية احمد ادم إبراهيم 50عاما صاحبة أشهر مطعم سوداني بتل أبيب بشارع نفي شنان مفاجآت مذهلة ومعلومات خطيرة بعد رحلة السنوات الثلاث التي عاشتها هنالك.. متسللة عبر الحدود المصرية بصحراء شمال سيناء
وقالت لـ(الدار) : عدت للقاهرة بعد أن فقدت زوجي السوداني الجنسية الذي توفي باحدي مستشفيات تل أبيب جراء المرض الذي أصابه من الرحلة القاسية والمضنية قبيل دخولنا إسرائيل عام 2008
وقالت : إن دخولي إسرائيل تم عن طريق سماسرة ووسطاء سودانيين وبدو سيناء حيث دفعت لهم مبلغ (300) دولار لتسهيل عملية دخولي بتاريخ10/12/2008 وكانت الرحلة مضنية من السفر بالهروب عبر الطرق البرية والجبال الوعرة.
وأردفت : استطعت أن أقوم بفتح مطعمي السوداني في شارع (شفي شنان ) بقلب المدينة وتمكنت من كسب العديد من الزبائن الأفارقة والسودانيين إلا أن السلطات الإسرائيلية المحلية أصبحت تضايقني كثيراً ففكرت في العودة الي مصر باعتبار أنني لاجئة تابعة لمكتب المفوضية السامية لشؤون اللاجئين بالقاهرة ..
والان اعمل (عواسة كسرة) باحد المطاعم الشهيرة بمنطقة أرض اللواء بالقاهرة .. ولديّ 8 ابناء وأعيش ظروفا قاسية حيث لا أستطيع العودة الي وطني ولم يقم مكتب اللاجئين بحل مشكلتي ولا حتي الاستماع لي نهائيا.
الدار السودانية
|
Post: #2
Title: Re: صاحبة أشهر مطعم سوداني بتل أبيب تعود للقاهرة ...!!!!
Author: بريمة محمد
Date: 10-02-2014, 03:48 AM
Parent: #1
الأستاذ رضا،
سلامات ..
دى واحدة خاينة .. That is what she gets .. اللهم ورّط كل خائن لوطنه .. ولا شماته.
بريمة
|
Post: #3
Title: Re: صاحبة أشهر مطعم سوداني بتل أبيب تعود للقاهرة ...!!!!
Author: نادر
Date: 10-02-2014, 06:39 AM
Parent: #2
والله يا بريمة أت بتفهم بي وين ما عارف!!
ناس ضاقت بهم الدنيا بما رحبت في وطنهم، فخرجوا طلباً للرزق في أرض الله الواسعة
تقول عنهم خونة!! ودليلك شنو إنو الزولة دي خاينة؟
طيب أنت ما ياك قادينا بي أمريكا أنت خاين يعني؟؟
|
Post: #4
Title: Re: صاحبة أشهر مطعم سوداني بتل أبيب تعود للقاهرة ...!!!!
Author: kamal omer
Date: 10-02-2014, 06:55 AM
Parent: #3
غايتو يا ناس الدار عاوزين توزعو جريدتكم بس
وين المفاجآت المذهلة و المعلومات الخطيرة
سيبك من تل أبيب في السودان ده و المرأة دي بتحمل جنسيتو و ليها حق العمل فيهو ما بتتعرض لمضايقات من السلطات المحلية
و الزيها العاوزات يربن أولادن بي كرامة و بيشتغلن زي شغلها ده في بلدها ما بيتعرضن للمضايقات و الأتاوات
-----------------
يا بريمة استحي على دمك شوية يا خي بدل ما تشوف الأسباب الخلتها تهرب و تدخل بالتهريب لإسرائيل و تتعرض للمخاطر تقعد توزع في صكوك الخيانة و الوطنية
|
Post: #5
Title: Re: صاحبة أشهر مطعم سوداني بتل أبيب تعود للقاهرة ...!!!!
Author: ismeil abbas
Date: 10-02-2014, 08:35 AM
Parent: #4
السلام عليكم....الخبر ركيك ....ما علينا..
ألأخ/بريمة السلام عليكم.
Quote: الأستاذ رضا،
سلامات ..
دى واحدة خاينة .. That is what she gets .. اللهم ورّط كل خائن لوطنه .. ولا شماته.
|
كيف خائنة؟وإمرأة كافحت من أجل ولادها لتعيشهم عيشة كريمة..وتوفى زوجها.....وماذا يكون حال الذين يأكلون أموال الناس بالباطل والفساد الذى أزكم ألأنوف....
تقديرى وإحترامى للجميع.
|
Post: #6
Title: Re: صاحبة أشهر مطعم سوداني بتل أبيب تعود للقاهرة ...!!!!
Author: وضاح عبدالرحمن جابر
Date: 10-02-2014, 09:08 AM
Parent: #5
الله يكون فى عونها
|
|