Post: #1
Title: سيدي الرئيس يصل لاداء فريضة الحج
Author: محمد عمر الفكي
Date: 10-01-2014, 09:08 AM
حيث كان في استقبال سيدي الرئيس سمو الامير مشعل بن عبدالله أمير منطقة مكة المكرمة
Quote: استقبل صاحب السمو الملكي الأمير سلمان بن عبدالعزيز آل سعود ولي العهد نائب رئيس مجلس الوزراء وزير الدفاع في قصره بجدة مساء أمس، فخامة الرئيس عمر حسن البشير رئيس جمهورية السودان والوفد المرافق له.
ورحب سمو ولي العهد بالرئيس عمر البشير متمنياً له ومرافقيه طيب الإقامة في المملكة، فيما عبر رئيس جمهورية السودان عن سعادته بزيارة المملكة ولقائه سمو ولي العهد، وبالحفاوة وحسن الاستقبال التي حظي بها والوفد المرافق.
وعبر فخامته لسمو ولي العهد عن رغبته بنقل تحياته وتقديره لخادم الحرمين الشريفين الملك عبدالله بن عبدالعزيز آل سعود. ونوه الرئيس السوداني بالجهود المتميزة والمستمرة من المملكة العربية السعودية في خدمة الحرمين الشريفين والمشاعر المقدسة والتوسعات والتطورات التي تشهدها،
إضافة إلى ما يحظى به ضيوف بيت الله الحرام وزوار مسجد رسوله الكريم من اهتمام ورعاية من خادم الحرمين الشريفين الملك عبدالله بن عبدالعزيز آل سعود وسمو ولي عهده الأمين في تسهيل أداء مناسكهم في جوٍ من الراحة والاطمئنان.
وجرى خلال الاستقبال تبادل الأحاديث الودية، إضافة إلى استعراض العلاقات الثنائية بين البلدين، والسبل الكفيلة بدعمها وتعزيزها في المجالات كافة.
حضر الاستقبال صاحب السمو الملكي الأمير خالد بن بندر بن عبدالعزيز رئيس الاستخبارات العامة وصاحب السمو الملكي الأمير محمد بن سلمان بن عبدالعزيز وزير الدولة عضو مجلس الوزراء رئيس ديوان سمو ولي العهد المستشار الخاص لسموه ومعالي وزير الدولة للشؤون الخارجية
الدكتور نزار بن عبيد مدني وسفير خادم الحرمين الشريفين لدى السودان فيصل بن حامد معلا.
فيما حضر من الجانب السوداني وزير رئاسة الجمهورية صلاح الدين خير ووزير الدولة بالخارجية الدكتور عبيدالله محمد ومدير مكتب فخامة الرئيس طه الحسين وسفير السودان لدى المملكة عبدالحافظ محمد. |
صور من اللقاء
حفظ الله سيدي الرئيس في حله وترحاله وتقبل الله منه صالح الاعمال وحج مبرور وذنب مغفور ان شاء الله
انا قررت استلم الملف دا يا باوقة
|
Post: #2
Title: Re: سيدي الرئيس يصل لاداء فريضة الحج
Author: Abdo Mustafa
Date: 10-01-2014, 09:24 AM
Parent: #1
| Quote: حضر الاستقبال صاحب السمو الملكي الأمير خالد بن بندر بن عبدالعزيز رئيس الاستخبارات العامة |
دا اوع يكون شايل...الملف الفيهو الإجتماع المسرب داك
..................
واكيد عمر البشير حا يلتقي بالحجاج السودانيين ويطمنهم .ويقول ليهم ...ذمان ابواتكم وامهاتكم بجو كداري للحج
وبجيبو معاها ويكتم ودقيقم وسمكم الناشف
هسه بتنزلو في فنادق.. واي زول عندو مظلمة يسلما لي هيئة مكافحة الفساد هناك عندنا
|
Post: #4
Title: Re: سيدي الرئيس يصل لاداء فريضة الحج
Author: محمد عمر الفكي
Date: 10-01-2014, 09:29 AM
Parent: #2
عليك الله يا باوقة كلم سيدي الرئيس ما دام جاء الحج والله جابو انه دا فطور حجاجنا
|
Post: #3
Title: Re: سيدي الرئيس يصل لاداء فريضة الحج
Author: ادريس خليفة علم الهدي
Date: 10-01-2014, 09:26 AM
Parent: #1
صبأ ابن عمر ورب الكعبة
|
Post: #5
Title: Re: سيدي الرئيس يصل لاداء فريضة الحج
Author: عمار عبدالله عبدالرحمن
Date: 10-01-2014, 09:32 AM
Parent: #3
مكنة ود الباوقة لا تصلح الا لود الباوقة ,,
المهم
اللهم يا الله يا واحد يا احد يا جبار السماوات والارض يا منتقم ,, الهي نسالك وندعوك
بكل نفس من انفاس حجاج بيتك الحرام بمكه وتسبيحات كل ملائكتك حول البيت المعمور
ان تحرمه من كل خير وعدت به عبادك الصالحين وان تذيقه كل وعيد واعدته به الجبابرة الظالمين ,,
اللهم ارحنا منه يا كريم ,,
|
Post: #6
Title: Re: سيدي الرئيس يصل لاداء فريضة الحج
Author: الجنيد حمد
Date: 10-01-2014, 09:42 AM
Parent: #5
تحية طيبة
ربنا يتقبل حج امهاتنا وابهاتنا ويرجعهم سالمين لي بلادنا
....
الله يكرم السامعين جزمة الرئيس دي ياتو ماركة
|
Post: #7
Title: Re: سيدي الرئيس يصل لاداء فريضة الحج
Author: بدر الدين الأمير
Date: 10-01-2014, 09:21 PM
Parent: #6
Quote: مكنة ود الباوقة لا تصلح الا لود الباوقة ,,
المهم
|
|
Post: #8
Title: Re: سيدي الرئيس يصل لاداء فريضة الحج
Author: محمد عمر الفكي
Date: 10-02-2014, 06:34 AM
Parent: #7
Quote: مكنة ود الباوقة لا تصلح الا لود الباوقة ,,
المهم |
امانة ما نجيضين في الحسادة، لا بترحمو لا بتخلو رحمة ربنا تنزل
يا اخي ما تقيفو معاي ولو من باب الحسادة لود الباوقة
ما فيكم امل نهائي
|
Post: #9
Title: Re: سيدي الرئيس يصل لاداء فريضة الحج
Author: جعفر محي الدين
Date: 10-02-2014, 07:17 AM
Parent: #8
شيخ العرب
نقيف معاك في محنتك
تطورت شوية بدل عتالي بقيت سواق لوري عديل
ود الباوقة مستحيل يتنازل عن هكذا مهمة
ومالك مشكك في نية الرئيس ... يعني المعنى عايز تقول إنه الرئيس نادوه لزيارة المملكة
وقال يعمل حجة وزيارة في آن
ننتظر منك الأخبار التي تسر البال بعد الحج
|
Post: #10
Title: Re: سيدي الرئيس يصل لاداء فريضة الحج
Author: معاوية المدير
Date: 10-02-2014, 08:17 AM
Parent: #9
يا ود الفكي،
إدريس الخليفة وود اللمير ديل اللِتنين حاسدين،
وحات نضري.
يا زول إنت ماشي كويس جداً، حتي زي السكين في الزبدة،
واصل ولا تلتفت للخلف.
عاين جاي،
عليك الله حدِسو يجيب لي معاهو طاقية وسبحة،
وجركانة موية زمزم، واسعل لي معاك ود الباوقة،
قولو الزول دا مالو بقى وشيو زي القارشلو ليمونة ؟.
وشكراً،
العيد يتبارك عليكم كولكم...
|
Post: #11
Title: Re: سيدي الرئيس يصل لاداء فريضة الحج
Author: محمد عمر الفكي
Date: 10-02-2014, 09:26 AM
Parent: #10
يا شيخ جعفر كل عام وانتم بخير وربنا يتقبل صالح الاعمال
مش ود الباوقة دا؟ اكان اخليهو ليك يتفرج واوقفه ليك في الصقيعة دي
عندنا بدالات جديدة لنج لتكسير التلج بالاضافة الي بعض من المحاولات في شعر الدوبيت الذي لا يجيده ود الباوقة والحنك السنين في هههههههههه
ياخي انا قنعت من الملياردير الظهري ومن ود الفحل ومتفائل خالص بعد البوست دا انه شراكتي مع عبد المجيد شومان و عبداللطيف جميل حتنفض بسرعة كبيرة
والله يا مديري انت ما قاعد تقول الا الحقيقة
وزير الري دا انا كلمته وقلت له عاذرك في اي حاجة تقولها من باب حتى يفيق اما ود اللمير فمناهو يشوف خلق الله دي كلها مفلسة وهو وحيدو العندو القروش ويقيف ويولع كدوسو او سيجارو الكوبي ويتفرج ويعاين فيهم 
غايتو العربي لما يطغى ببقى كعب خلاص
اما بالنسبة لوصيتك للسيد الرئيس فانا السنة دي ما عندي نية حج لكن ان قابلته بكلمه.
العيد مبارك عليكم جميعاً
|
Post: #13
Title: Re: سيدي الرئيس يصل لاداء فريضة الحج
Author: ALWALEED ALSHEIKH
Date: 10-02-2014, 09:44 AM
Parent: #11
Quote: ياخي انا قنعت من الملياردير الظهري ومن ود الفحل ومتفائل خالص بعد البوست دا انه شراكتي مع عبد المجيد شومان و عبداللطيف جميل حتنفض بسرعة كبيرة
|
غايتو بقت عليك قصة وينك انتي وقت الصورة الجماعية
الناس هبرو وملو زمن البترول مدفق في السهلة انت جاييهم وقت بقو يشحدواQuote:
والله يا مديري انت ما قاعد تقول الا الحقيقة
وزير الري دا انا كلمته وقلت له عاذرك في اي حاجة تقولها من باب حتى يفيق |
يا ود الفكي ما تتكلم في الشيوخ بقومو يسختوك
|
Post: #12
Title: Re: سيدي الرئيس يصل لاداء فريضة الحج
Author: محمد مجيدو
Date: 10-02-2014, 09:38 AM
Parent: #1
ود الفكي ...
شوف الامير سلمان .. والكبكبه كيف في ريسنا ......
|
Post: #14
Title: Re: سيدي الرئيس يصل لاداء فريضة الحج
Author: مصطفى البشارى
Date: 10-02-2014, 09:56 AM
Parent: #12
بختكـ يا عمكـ ..
تمرق من نبي .. يعترلك خبير .. تلقى فى وشك رئيس
ــــ
ماشة معاكـ باسطة
|
Post: #15
Title: Re: سيدي الرئيس يصل لاداء فريضة الحج
Author: Hisham Ibrahim
Date: 10-02-2014, 10:16 AM
Parent: #14
يا الله دا الظلم الشعب السوداني كلو ..
وكتل نصو .......
يا الله جاك لحدي عندك أنتقم منو وورينا فيهو عجائب قدرنك ..........
|
Post: #16
Title: Re: سيدي الرئيس يصل لاداء فريضة الحج
Author: وضاحة
Date: 10-02-2014, 10:17 AM
Parent: #15
محمد عمر
انت سبت المليونير قلت اخير حرامى مضمون من مليونير مجهجه
|
Post: #17
Title: Re: سيدي الرئيس يصل لاداء فريضة الحج
Author: محمد عمر الفكي
Date: 10-02-2014, 11:30 AM
Parent: #16
الاخت وضاحة والاخوة الاعزاء الكرام
اشكركم على مروركم الكريم الذي ان دل علي شئ انما يدل على نبل معدنكم وطيب اصلكم في احساسكم بمعاناة اخ لكم في الانسانية.
كدي النسعلكم اول حاجة، ود الباوقة لشنو ما جاء البوست دا؟ مع انه قاعد اتداخل معاهو في بوستاتو وقاعد يدلعني يقول لي يا ابو عمر
يا شيخ عمر النفوس ان اتطايبت العنقريب بشيل الف
ابشركم
تلقيت اتصال تلفوني من شومان وجميل وقالو لي تعال بعد العيد عشان نفض الشراكة دي، في جهات عليا اتصلت بنا لحل هذا الموضوع، من هنا اتقدم بجزيل الشكر لهذه الجهات وطمعان منها في قطعة ارض في كافوري او الصافية وبالعدم شمبات الاراضي (تكون فاتحة في شارع الانقاذ) ولو القطعة مبنية 5 ادوار تكونو ما قصرتو تب، ويا سلام ياخ لو فتحتو لي حساب بالعملة الاجنبية بمبلغ مبدئي مكون من ستة اصفار في اي بنك هههههههههههه
ياخي لو عارفين تعبي مع ود الفحل ومليونيره بتدوني ياهن
ثم من جهة اخرى يا جماعة عندي بوست فتحتو اليوم عن مفقودات جاتني بالغلط بعد ان تبدل الكيس حقي مع كيس الزول التاني دا، عليه ارجو منكم دعمي بقوة في العثور على صاحب الكيس، ما عشان انا امين؟ لا لا عشان كيسي فيهو حاجات مهمة جداً بالنسبة لي وعليكم الله ما تسالوني حاجاتك شنو
تحياتي للجميع
|
Post: #18
Title: Re: سيدي الرئيس يصل لاداء فريضة الحج
Author: ود الباوقة
Date: 10-02-2014, 11:32 AM
Parent: #17
اقبض قبضك مورلي
|
Post: #19
Title: Re: سيدي الرئيس يصل لاداء فريضة الحج
Author: محمد عمر الفكي
Date: 10-02-2014, 12:48 PM
Parent: #18
جبت لي صور الرئيس وهو في المطار؟ هههههههههه
اصبر لي شوية بجيب لك صوره وهو بلبس في العمة ويودع في ناس البيت
|
Post: #20
Title: Re: سيدي الرئيس يصل لاداء فريضة الحج
Author: أحمد الطيب بدرالدين
Date: 10-02-2014, 01:30 PM
Parent: #19
فريضة؟؟ دي فضيحة ما فريضة!
فسحة على حساب الشعب المسكين،
و انبطاحة ل ال سعود بعد فضيحة التسريبات...
عمر حسن! أسوء صورة لزول سوداني..
|
Post: #21
Title: Re: سيدي الرئيس يصل لاداء فريضة الحج
Author: محمد عمر الفكي
Date: 10-02-2014, 02:29 PM
Parent: #20
يا يوسف إدريس
اكان جاتني دقة بتتقاسمها معاي؟
|
Post: #22
Title: Re: سيدي الرئيس يصل لاداء فريضة الحج
Author: محمد أبوالعزائم أبوالريش
Date: 10-02-2014, 02:35 PM
Parent: #21
إسمو "سيد ود الباوقة"
|
|