اللوتري 2016 .... مرحبا بالجميع

سلامات وتحية وود للجميع وعيد سعيد اعاده الله علينا وعليكم باليمن والخير والبركة

حا نحاول المرة دي نشرح الموضوع في شكل ونسة اولاد حلة .

التقديم حا يبدا في يوم واحد اكتوبر 2014 بنتهي في يوم تلاتة نوفمبر 2014. ( 33 يوم ) ......النتيجة بتظهر في يوم واحد مايو 2014, يعني بعد التقديم يقفل بي ( ستة شهور ) ....... والبفوزوا حا يخشوا امريكا في سنة 2016.

طيب يا اهلنا عشان ما نطول في الشرح نخش في المفيد او النجيضة كما يقولها صديقنا ود الصايم المختفى بكثرة هذه الايام

يا ود الصايم سنتك السطة وكل سنة انت واسرتك الكريمة بالف خير


اها قلنا النجيضة ..... النجيضة اي زول ناوي يقدم لازم اووووووول حاجة يتاكد انه عنده صورة سليمة ومطابقة لمواصفات التقديم ...... طيب الصورة السليمة والموافقة لمواصفات التقديم دي
اجيبها من ويييييين واعرف مواصفات التقديم دي كييييييييف ؟؟؟؟؟ سؤال جميل وحا نرد عليهو بمهلة لانه الجزئية بتاعة الصورة دي يا اهلنا اهممممم شي في التقديم وكما اورد الخواجة في كتاب
اللوتري انه البتصور صورة ما زي ما قلنا ماااااااااا حا نفوزوا باللوتري ..... دا كلام الخواجة ما كلامي والله ...... مكتب الهجرة الامريكي قال داير صورة تكون 60 بكسل في 60 بكسل وتكون مقبل
فيها وشك عدييييييييييييل ومفتح عيونك فنجان وقالو برضو دايرين خلفية الصورة تكون بلون محايد ( ويفضل اللون الابيض) بس كمان ما تلبس ابيض والخلفية تكون بيضاء عشان اكتفاك ما حا تظهر
وقالو برضو كلام كتييييييير تاني بخصوص الصورة دي لكن القلناهو دا هو الاهم ...... غالبا اي بتاع استديو بكون عارف المواصفات المطلوبة والتقنيات المفروض تكون في الصورة ..... عشان كدا يا اهلنا
ما تنشغلو بموضوع تفاصيل الصورة دي كتير .... الواحد يمشي لبتاع استديو ويقول ليهو صورني صورة لوتري وهو اكيد بكون عارف حا يعمل شنو ...... طيب الصورة دي مفروض يديك ليك في فلاش درايف
او ديسك عشان تقدر تختها عندك في كمبيوترك او في الكمبيوتر الحا تقدم منه....... حا اخت ليكم صورة نموذجية لمواصفات الصورة المطلوبة وحاول قارن صورتك بالصورة الحا اختها دي

<

بالنسبه للنساء برضو في حاجة مهمة لازم نذكرها بخصوص الصورة وهي هل الحجاب مقبول ام لا ؟ وهل للمحجبة ان تظهر اذنيها ام لا؟

طيب داير ااكد انه الصورة بالحجاب مقبولة مية المية ولا يجب علي المحجبة ان تظهر اذنيها.

طبعا الخواجة قال اي صورة تكون مرجعيها دينية - طالما انه ملامح الوجه كلها ظاهرة - فهي صورة مقبولة

يعني نقاب ما معانا لانه ما بيظهر ملامح الوجه اما التوب والطرحة فديل مرجعيتهم ثقافية اكثر من انها دينية عشان كدا ما مقبولات علي حسب كلام الخواجة يعني

برضو يا اهلنا الداير يعرف تفاصيل اوفى بخصوص الصورة ممكن يخش علي الرابط ادناه وبلقى تفاصيل اوفى

الرابط : /http://www.dvlotteryhome.com/photo-requirementshttp://www.dvlotteryhome.com/photo-requirements

الخير يا حبيب
كيفك وكيف أخبارك

متابعين بالتفصيل

نتمنى التوفيق للجميع

واصل بدون فواصل

كل الوُد والشوق

الصور التحت دي كلها خطأ لاسباب مختلفة يمكنكم مراجعتها وهي من موقع الهجرة الامريكي

طيب يا اهلنا دي بعض التفاصيل الهامة بشأن الصورة

طيب نفترض انك جهزت الصورة وقمت ختيتها عندك جااااهزة في كمبيوترك يللا الخطوة الجاية شنووووووو؟؟؟ الخطوة الجاية وهي ملئ بيانات التقديم
وعلي ما اعتقد هي نفسها البيانات التكون في كل سنة ...... تقوم تخش علي موقع الهجرة وتملا البينات وتعمل اتشامنت للصورة وترسل طلبك وتنتظر النتيجة

طيب البيانات المطلوبة هي شنووووو؟ البيانات المطلوبة هي :

الاسم :
كتير من جوازاتنا السودانية دي بكتبو فيها الاسم رباعي مثلا : محمد علي خالد ابوبكر
الاسم الاول تكتب ( محمد ) والاسم الاخير تكتب ( ابو بكر ) والاسم الاوسط تكتب ( علي خالد )
هـــــــــــــــــــــــــــــــــــــام
علي مقدم الطلب كتابة هذه البيانات باللغة الانجليزية تمااااااااااما مثل ما هي موجودة بجوازات السفر او اي مستندات
رسمية اخرى. وددت التنبيه لهذه النقطة لاهميتها...مثلا... مقدم الطلب اسمة (محمد) بنلقي انه
هذا الاسم يمكن ان يكتب بعدة استهجاءات (Mohamed, Mohammed, Mohamad, Mohammad, Muhamed, Muhammed
Mouhamed, Muhammad.......الخ) عشان كدا ضروري بيناتك تكون مطابقة لمستنداتك الرسمية.

-----------------------------------------------------------------------------------------------------------------------

ثانيا تاريخ الميلاد:
لو ما كان عندك شهادة ميلاد وتمتلك فقط شهادة تسنين يجي عليك ان تكتب تاريخ ميلادك تماما كما هو في شهادة التسنين
ولازم تراعي انه تاريخ ميلادك المكتوب في شهادة التسنين هو نفسه المكتوب في جوازك وكل مستنداتك الرسمية ... يعني لازم يحصل توافق تام ما بين مستنداتك
والبيانات اللي حا تنزلها في فورم التقديم لانه لو اختلفت البيانات دي في الغالب حا تترفض لما تمشي تعمل المقابلة في السفارة .
في ناس كتار سألوني بانه في اختلاف بين شهادة ميلادهم وتاريخ الميلاد المكتوب في جوازات سفرهم .......طبعا دا سؤال ما عندي ليهو اجابة والحاجة الوحيدة البقدر
انصح بيها الزول الوضعه كدا انه لااااااااازم تكون بياناته في كل مستنداته مطابقة لما سيقوم بكتابته في فورم التقديم .... غير كدا الخواجة ما بتفاهم معاك هههههههههه

a/ يوم الميلاد
b/ شهر الميلاد
c/ سنة الميلاد وفي هذه الخانة تكتب اربعة ارقام مثال لذلك
(1973) يعني مافي زول يكتب (73) ساي لازم تكون اربعة ارقام

ملحوظة : لاحظت انه في كتير من جوازاتنا السودانية دي ما بتكتبو فيها يوم وشهر الميلاد ..... بكتبو بس السنة ..... في الحالة دي لما تجي تملا فورم التقديم تكتب اليوم والشهر والسنه
الاتولدت فيهم متطابق تماما مع شهادة ميلادك او تسنينك.

---------------------------------------------------------------------------------------

السؤال التالت هو النوع ميل وللا فيميل :)
------------------------------------------------------------------------------------

السؤال الرابع : اسم المدينة التي ولدت بها ودي لازم تتكتب بنفس الاسبلنق المكتوبة بيهو في جوازك
بالنسبة للناس العندهم شهادات ميلاد اصلية ارجو الرجوع لشهادة الميلاد لتكتب اسم
المدينة التي ولدت بها مطابقا لما في الشهادة.
ملحوظة : ما تكتب اسم الولاية او المحلية او اي شي غير اسم المدينة تحدييييييدا الاتولدت فيها.
------------------------------------------------------------------------------------

السؤال الخامس وهو اسم البلد التي ولدت بها
---------------------------------------------------------------------------------------
السؤال السادس دا يا جماعة اهم اهم اهم سؤال لانه بحصل فيهو لت وعجن شديد هههههههههه طيب انا حا اشرحه براحة براحة كدا ونحاول نفهم الخواجة داير شنو
السؤال دا يا جماعة ( ما هو بلد الاستحقاق )
طيب مثلا لو انت مولود في السودان بلد استحقاقك هو السودان لو مولود في السعودية مثلا بلد استحقاقك هو السعودية حتى لو كنت عايش الان في السودان ... بلد الاستحقاق
ما عنده اي علاقة بانك هسي عايش وين........ بلد استحقاقك غالبا هو البلد الذي ولدت فيه.

يعني انت لو مولود في قطر وجنسيتك سوداني ولديك شهادة ميلاد تثبت ميلادك في قطر فيحق لك التقديم ضمن إستحقاق قطر حتى لو ما كانت عندك جنسيتها والمطلوب فقط شهادة الميلاد،
فهناك أعداد كبيرة من السودانيين مولودين في دول الخليج وناس الخليج ما قاعدين يقدموا للوتري ولا سمعوا بيه حتى.. فالسودانيين المولودين في دول التنافس فيها أقل من السودان احسن ليهم يقدموا منها لتوسيع فرص فوزهم.

لكن وبشكل عام ارجو ان لا ينزعج الناس في اجابة هذا السؤال اذ ان بلد الاستحقاق لمعظم السودانيين
هي نفسها بلد الميلاد..... يعني لو كنت مولود في السودان بس القي ليك نظرة سريعة علي السؤال حا تلقى العلامة موضوعة في ( نعم)
تقوم تطنش السؤال وتسيبو في حالو وتمشي لغيرو.

------------------------------------------------------------------------------------------------------------------------------------

السؤال السابع وهو ( الصورة ) وقد تحدثت في بداية البوست عن موضوع الصورة باستفاضة .... ارجو الرجوع لاولى مداخلات البوست
----------------------------------------------------------------------------------------------------------------------------------

السؤال الثامن : وهو العنوان البريدي : طبعا العنوان معمول بطريقة من الاسهل انه يتكتب فيها عنوان زول في امريكا وظني ان معظم المتقدمين لديهم اقارب او اصدقاء او زملاء
مقيمين في امريكا فاحسن شي يتكتب عنوان بريدي لزول مقيم في امريكا ان وجد ..... اما وان لم يوجد فيمكنك كتابة اي عنوان في بلد بيحترم المعاملات البريدية .... عموما موضوع
العنوان دا هسي ما موضوع مهم شديييييييد خالص والسبب في انه ما مهم لانه زمان الناس الكانو بفوزو كان برسلو ليهم نتايج الفوز في البريد وهسي البفوز بعرف من النت اون لاين
انه فاز وحتى الخطاب بتاع الفوز برسلوه ليك مع النتيجة ورقم الفوز وكللللللو اون لاين فما بقى موضوع مهم خااااالص يعني موضوع العنوان البريدي دا...... طبعا في مراحل تانية واللهي
بعد الفوز الزول ممكن بعد كدا يشوف ليهو عنوان موثوق بيهو لانه بعد الفوز الكلام بكون دخل الحوش والحاجات بتبقى جاااااادة شديد :)
-----------------------------------------------------------------------------------------------------------------------------


السؤال التاسع: البلد الذي تقيم به الان. والسؤال دا تحديدا بكونو
عايزين اجابتو عشان كان فزت تعمل المعاينة في اقرب سفارة امريكية
واذا كنت في بلد مافيها سفارة امريكية بحددو ليك المقابلة في اقرب
سفارة امريكية من البلد المقيم فيها. افتكر لغاية السنة الفاتت
السودانيين البفوزوا كانوا بيعملوا المعاينة في القاهرة.
----------------------------------------------------------------------------------------------------------------------------

لسؤال العاشر:
رقم التلفون ودا سؤال اختياري ما مهم انك تخت رقم تلفونك لكن لو ختيتو بكون احسن

السؤال الحادي عشر: البريدي الاليكتروني ودا مهم برضو انك تتاكد بانك تكتبو بالصورة الصاح..... طبعا البريد الاليكتروني دا مهم شديد انك
تتذكره لانه هو بقى الحل الوحيد انك ترجع بيهو الكونفيرميشن نمبر بتاعك اذا ضاع ...... زمان لو الكونفيرميشن نمبر بتاعك ضاع خلاص بتفقد فرصتك
هسي لو ضاع ممكن تستعيده لو اتذكرت الايميل الكتبتو في تقديم الطلب.
----------------------------------------------------------------------------------------------------------------------------

السؤال رقم اطناشر المؤهل الدراسي طبعا ثانوي رسوب غير مقبولة .
----------------------------------------------------------------------------------------------------------------------------
طيب السؤال الثالث عشر:Unmarried
Married
Divorced
Widowed
Legally Separated

ما متزوج عليك بالاولي
متزوج عليك بالتانية.... بس.... عندي توضيح هنا لو كتبت متزوج طلب التقديم
دا حا افتح ليك ليك نافذة جديدة واللي هي (part two) عشان تقوم تكتب فيها
بيانات الزوج/جة والاطفال ان وجدو.

اما اذا كتبت غير متزوج وما عندك اطفال الابلكيشن بتاعك بتهي لغاية السؤال 14

طيب مش ممكن تكون ما متزوج وعندك اطفال ههههههههههههه الحركة دي طبعا كتيرة هنا
انو تكون ما متزوج وعندك اطفال... المهم... ما اظن عندنا غرض كبير نحن بالجزئية
دي لانها ما قاعدة تحصل عندنا.

السؤال الرابع عشر: اذا كتبت اي رقم في خانة الاطفال حا تتفتح ليك نافذة تكتب فيها
بيانات هؤلاء الاطفال مع صورهم


وبي كدا بنكون انتهينا من شرح طريقة ملء فورم التقديم
امنياتي للجميع بحظ وافر

الخير ياوش الخير

والله انت راجل جميل

افادك الله وزادك معرفة

وانا ورا اللوتري ده لامن اجيب اجلوا

تحاياي

اكتب لينا موقع اللوترى عشان نقدم

الاعزاء محمد ابو زيد
هارون دياب
مصطفي توفيق

تحياتي واسعدني مروركم ويا مصطفى باذن الله في مداخلة لاحقة ساجلب لك رابط التقديم فقط اريد ان اتاكد من وضع الرابط الصحيح.

السلام عليكم ،
[النتيجة بتظهر في يوم واحد مايو 2014}!!!
2015.
[ صورة تكون 60 بكسل في 60 بكسل وتكون مقبل]!!!
600 بكسل في 600 بكسل
لو قلت ما متزوج، وقررت تجيب زوجتك لابد أن يكون تاريخ القسيمة بعد التقديم،
بخلاف ذلك يعتبر المتقدم بأنه قد أدلى بمعلومات كاذبة، وهذه في حد ذاتها قد تقوده لمحاكم.
الأشخاص المرتبطون بأعمال في السودان أو خارجه يمكنهم إنهاء إجراءات البطاقة الخضراء والعودة إلى مقار أعمالهم في أقل من 40 يوم،
ولمعرفة المزيد حول هذه النقطة يستحسن أخذ معلومات ممن سافر عن طريق اللوتري.
---------
بعد الإستقرار، الناس تحاول تستفيد من الفرص التعليمة في التخصصات الموجودة هنالك،
سواء كانت دراسات مهنية ، تقنية ، كورسات، معاهد ـ جامعات أو دراسات عليا،
حتى تكون رحلة عملية علمية.
حاملي الجواز الأمريكي يتلقون أعلى الرواتب في الدول العربية.
حفظ الله الجميع حيثما ذهبوا ونزلوا واستقروا،
ورد الله غربة الجميع سالمين غانمين.

الاخ المحترم قصي وعليكم السلام ورحمة الله وبركاته

Quote: لو قلت ما متزوج، وقررت تجيب زوجتك لابد أن يكون تاريخ القسيمة بعد التقديم، بخلاف ذلك يعتبر المتقدم بأنه قد أدلى بمعلومات كاذبة، وهذه في حد ذاتها قد تقوده لمحاكم. الأشخاص المرتبطون بأعمال في السودان أو خارجه يمكنهم إنهاء إجراءات البطاقة الخضراء والعودة إلى مقار أعمالهم في أقل من 40 يوم، ولمعرفة المزيد حول هذه النقطة يستحسن أخذ معلومات ممن سافر عن طريق اللوتري.

تشكر يا سيدي علي المعلومة المفيدة والصحيحة مية المية ..... تقبل احترامي

Quote: التقديم حا يبدا في يوم واحد اكتوبر 2014 بنتهي في يوم تلاتة نوفمبر 2014. ( 33 يوم ) ......النتيجة بتظهر في يوم واحد مايو 2014, يعني بعد التقديم يقفل بي ( ستة شهور ) ....... والبفوزوا حا يخشوا امريكا في سنة 2016.

الحبيب الخير محمد عوض

تحية طيبة لك وتقديراً بقدر الأصالة والسماحة الفيك ...لم يسبق لي شرف معرفتك عن قرب ولكني بمطالعتي لماجاء أعلاه وقفت على أنك رجل أصيل وجاي من ناس أصيليين لأنو البساعد الناس ويفتح قلبوا ويقول المفيد العندو لغيرو ده أق ل شيء يوصف بيهو أنو أصيل وتربيتو ماوقعت واطة وبتجي منو إن شاء الله ذرية تشبهو في كل شيء وماداير أكسر ضهرك ولا أمدحك بما قد يشغلك عن ما أنت فيه أيها الزول النجيض وود بلد ياحابي الخير لأخوانك وأهلك .... وملاحظة بسيطة ياريت تعدلها عندك في البوست وهي أ ورود التاريخ تحت خطأ غير مقصود يتهيأ لي أنك قاصد النتيجة تكون في مايو 2015 وليس 2014 ولك مودتي وتقديري

تسلم يا معتصم ولك جزيل شكري لما اوردت من طيب الكلام في حقي واتمنى ان ييسر الله امر ان اكون مفيدا لغيري

كما وجزيل شكري لتصحيح الخطا الطباعي لاني كنت بكتب على الهواء مباشرة دون مراجعة وتدقيق وفعلا المقصود هو ظهور النتيجة في مايو 2015

لك كامل الود والاحترام

Quote: الخير ياوش الخير والله انت راجل جميل افادك الله وزادك معرفة وانا ورا اللوتري ده لامن اجيب اجلوا تحاياي

ابراهومة يا صفوة
الواحد مما يشوفك حايم في بوست اللوتري السنوي حق الخير دا .. بيطمئن انو لا يزال هنالك أمل

شكرا جزيلا

اتمنى ان تفتح منشور لمساعدة من يريد ان يقدم للوترى. كثيرين
حتى بعد الشرح المستفيض لا يرغبون فى التقديم بأنفسهم
فيذهبوا لبعض الوكالات او الافراد الذين يقومون بالتقديم بالنيابة عنهم وعند فوزهم يتم
استغلالهم ابشع استغلال.

انا اتبرع بالتقديم الصحيح ل 5 افراد مجانا. اذا قام
كل منا بدول المهجر بالتبرع بالتقديم لعدد من الافراد لما احتاجوا ان
يذهبوا لتلك الوكالات او الافراد الذين يستغلونهم لاحقا

سلام لصاحب البوست وكل المشاركين
سؤال بسيط

ذول اخر مؤهل دراسي : دبلوما في جامعة السودان
اها يختار شنو من ديل






ولكم التحية

الاخ عبده مصطفى

سلام وتحية
يمكنك كتابة some university courses

الاخ عبد العظيم مكي تحياتي يا رجل

كنت في السابق اقوم بمساعدة من لا يستطيعون لاسباب مختلفة التقديم لانفسهم فاقدم لهم ولكن في هذا العام ونسبة لمشغلوياتي
الكثيرة جدا والتي سوف لن تمكنني في الجلوس والتفرغ تماما لمسألة التقديمات هذه , قررت الاكتفاء بفتح هذا الخيط لتذكير الناس
بمواعيد التقديم وشرح بعض النقاط الهامة حتى يتيسر للمقدمين فهم متطلبات التقديم ولكن فكرتك بان يتولى كل شخص من ذوي الدراية
بعدد معلوم من الناس فكرة جيدة وبتقي كثير من الناس من الوقوع في عصابات التقديم التي تستغل جهلهم بالمواضع وتبتزهم بمبالغ مالية
كبيرة..... لك تحيتي واحترامي.

الرابط ادناه يقودك لفورم التقديم مباشرة

https://http://http://www.dvlottery.state.gov/application.aspxwww.dvlottery.state.gov/application.aspx

وهذا الرابط يقودك لكل التعليمات بصورة اشمل

http://travel.state.gov/content/visas/english/immigrate/diversity-visa/instructions.htmlhttp://travel.state.gov/content/visas/english/immigrate/dive...sa/instructions.html

امنياتي للجميع بالتوفيق ولو في اي سؤال فستجدونا على اتم استعداد للاجابة عنه باذن الله

Quote: علي مقدم الطلب كتابة هذه البيانات باللغة الانجليزية تمااااااااااما مثل ما هي موجودة بجوازات السفر او اي مستندات رسمية اخرى. وددت التنبيه لهذه النقطة لاهميتها...مثلا... مقدم الطلب اسمة (محمد) بنلقي انه هذا الاسم يمكن ان يكتب بعدة استهجاءات (Mohamed, Mohammed, Mohamad, Mohammad, Muhamed, Muhammed Mouhamed, Muhammad.......الخ) عشان كدا ضروري بيناتك تكون مطابقة لمستنداتك الرسمية.

الاخ الخير يجيك الخير محل ما تقبل (قول امين).

عندي استفسار ..انا اسمي مكوجن ومعجون عجن في جوازات اولادي غير مطابق لشهادة الميلاد (شهادة ميلادهم الاسم صحيح HUSSAIN ).

وفي جوازات اولادي مكتوب بثلاثة طرق (hussein ) و(hussien ) ..وكمان لولدي الثالث قرروا حذف حرف (S ) واصبح (husein ).

اها دي تتعالج كيف؟

لك ودي واحترامي

تخريمة: عوض اخوك زميل متعب شديد رافض يديني رقمك هههههههههه

Quote: متزوج عليك بالتانية.... بس.... عندي توضيح هنا لو كتبت متزوج طلب التقديم دا حا افتح ليك ليك نافذة جديدة واللي هي (part two) عشان تقوم تكتب فيها بيانات الزوج/جة والاطفال ان وجدو.

سلام
عندى صورة للبت قبل سنتين. ؟تنفع؟

هسى فى ولد جديد؟ انا زاتى ماشفتو؟ ديل يحلوهن كيف لو مالقيت صور. اجازف كيف؟

سؤال صغير: املا لى المدام براها كفرصة واناكفرصة تانية ولا الخواجة بعوقنا

انا بعيد وهم ابعد والانترنت فى تمبول يجيرك الله
شكرا

بارك الله فيك يا الخير

الاخ Mohamed Foto7li

تسلم يا ابو حميد وجزاك الله خيرا وافرا

سلامات يا ابو بكر

تعرف يا ابا بكر الخواجة داير صورة حديثة يعني القبل سنتين دي ما بتنفع والحاجة التانية البيبي الجديد ربنا يجمع ليك بيه شوفة قريب لااااااازم يكون
عنده صورة لحاله بس الكويس انهم ما بيتمسكو بالتفاصيل التقنية كتير في صور البيبي لانه في الغالب صورة البيبي الوجه بيكون مالي جزء كبير جدا
من الصورة بس المهم الخلفية تكون بلون محايد ويفضل الابيض.

بالنسبة لسؤالك عن التقديم للمدام دا سؤال كويس جدا والاجابة عليه كالاتي:

الزول لو متزوج بتكون عندة فرصتين للتقديم.
الفرصة الاولى تملا فورم ليك انت وتعبي فيهو بيانات زوجتك وعيالك
الفرصة التانية تملا فورم باسم زوجتك وعبي فيهو بياناتك وبيانات اطفالك

وبكدا بتكون مليت فورمين لو فزت انت اوتماتيكلي زوجتك واطفالك بكونو فازو معاك
لو فازت زوجتك بتكون اتوماتيكلي انت واطفالك فزتو معاها.

---------------------------------------------------------

هام : في معلومة تانية مهمة داير اذكرها وهي:
لو في الوقت القدمت فيهو ما كنت متزوج لكن حصل واتزوجت بعد التقديم ما هو مصير الزوجة

طيب يا اهلنا في الحالة دي اصلوووو مافي مشكلة لانه حا يرسلو ليك ضمن خطاب الفوز سؤال وهو هل انت متزوج الان؟ تقوم تقول ليهم ايوة بقومو يقولو ليك
ادينا بيانات زوجتك تقوم تديهم ليها بقومو يرسلو ليها برضو معاك مواعيد لمقابلة السفارة وعادي جدا تخش معاك المقابلة بس لااااااااااازم تتاكد من انك شايل القسيمة
معاك عند المقابلة عشان تثبت ليهم بيها انك اتزوجت فعلا بعد ما قدمت لي اللوتري.

حسين كيفك يا حبوب وربنا يتقبل دعاك

كما علمت ان مكتب الهجرة في السودان ما عندهم مشكلة كبيرة في تصحيح الاخطاء الاملائية في الاسماء فعادي جدا ممكن يصححو ليك اسماء
اطفالك خصوصا باللغة الانجليزية بس توريهم انت دايرو يتكتب كيف ولو بديت في المسالة دي من بدري بكون احسن عشان لو ربنا قدر ليكم الفوز
تكونو جاهزين للمقابلة طوالي لانه اهلنا الخواجات ديل في النهاية دايرين مستندات المقدم كلها تكون متطابقة للبيانات العبا بيها الفورم

تخريمة : عمنا عوض دا زول متعب سيبك منو ههههههههههههه تحياتي ليهو ولاسرته الكريمة .

الخير الجميل

كم تمنيت أن أكون ضمن أعضاء سودانيز أون لاين !!
والحمد لله أصبحت منهم
وكم تمنيت أن أقدم لللوترى أو الحلم الذى يتمناه الكل .. ولاكننى عجزت السنه الماضيه والسنين الفائتات

المهم قلت طال ما أنا بقيت ضمن الأعضاء فحتما هذه السنه سوف أستطيع أن اقدم كما ينبقى

طالما أن هناك أمثال الخير يأتون بالبشريات والمساعدة الي النهايه

وهنا تأتى مشغوليات الخير لتقيف سداً منيعا لتقديمى ....لا أخفى عليك أخى فإنى عقدت العزم هذا العام أن أكون ضمن الفائزين هههههه ..

ربنا يسهل الأمور وعــــام ممسح بالفال عليك ..

ودى

الاخ / الخير ،،، تحياتي ليك وبارك الله فيك فانت الخير حقا وحقيقة

ايه رايك في المكتب ده ممكن الواحد يقدم عن طريقه وبالتالي يتحاشى الاخطاء باعتبارهم حسب تعريفهم عن الخدماتهم التي تتوافق تماما مع المطلوب والاشتراط للوتري من حي النماذج والمعلومات والمستندات

مميزات خدمة USAFIS
دع المجال للخبراء في مجال الهجرة كي يدعموك خلال عملية تقديم الطلب للحصول على أفضل النتائج.
تقديم طلبك في الوقت المناسب وبالدقة المطلوبة لبرنامج قرعة الغرين كارد الأمريكي
مراجعة الطلبات وتقديمها
تحويل الصور رقميا وتعبئة الطلبات الكترونيا بحسب المواصفات الفيدرالية
دعم مهني ومن مصادر رائدة في المجال في أمريكا على يد خبراء هجرة متمرسون
خدمة زبائن على مدار 24 ساعة يومياً و7 أيام في الأسبوع وبعدة لغات

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

عن مؤسسة
مع 12 عاماً من الريادة في هذا المجال، مؤسسة USAFIS ساعدت أناساً على الهجرة أكثر من أي مؤسسة أخرى حول العالم. خبراؤنا في مجال الهجرة سيضمنون بأن يكون طلبك للغرين كارد المقدم للسلطات الأمريكية كاملاً ومقدماً في الموعد وبالشكل المطلوب بحيث لا يتم إقصاؤه في أي مرحلة من مراحل الاختيار. إعرف أكثر عن خدماتنا المهنية على موقعنا: http://http://www.usafis.orgwww.usafis.org
لا تجازف بعمل الأخطاء
هل تعلم بأن الآلاف من الناس يتم اقصاؤهم كل عام بسبب أخطاء صغيرة شائعة في طلباتهم؟
معنا، تضمن تقديم طلبك بشكل مثالي!

http://lp.usafis.org/newg_lp/usafis/UsafisGLP3?lid=7andutm_term=usafisGLP3andaf=wiz_2072http://lp.usafis.org/newg_lp/usafis/UsafisGLP3?lid=7andutm_ter...afisGLP3andaf=wiz_2072


الرجاء الافادة والنصح

مودتي

الرحـــال

عيد سعيد وعمر مديد باذن الله يا حبينا الخير..تشكراتي على التوضيح.

الواحد انشاء الله يقدم ليهم خلال الايام القادمة..لانو الفترة قصيرة.

وفيما بعد نقوم بتعديل الأسم.


لك ودي واحترام

المحترم اشرف الرحال تحية طيبة وسنة سعيدة عليك وكما وشكري لطيب الكلام في حقي

اما بخصوص النصح فانصحك يا اخي ان تبتعد عن التعامل مع اي شركة تتعامل بالقروش في هذا الموضوع وهذا النصح ابزله لك
لان كثير ممن خاضوا هذه التجربة لم يجنو سوى السراب ولان هذه الشركات تتقاضى مبالغ مالية ضخمة في حال فوزك والموضوع
بجرجر كتير رغم انهم في اعلاناتهم بخلو ليك الموضوع شكله ساهل وانه هم المنقذ الوحيد ووووو بينما انه الموضوع كله عبارة عن حظ
في المقام الاول والحاجة التانية الموضوع دا بسيط جدا جدا جدا ولو حاولت براك اكيد حا تنجح في انك تقدم لوحدك بس اتبع الارشادات
الكاتبها انا فوق دي وباذن الله ما بتجيك عوجة تب لو غلبك فهم اي سؤال او حصل ليك اي التباس ما فاساكون متواجد بالبوست ديا وساقوم
بقدر ما اعرف وما استطيع بمساعدتك.

تثبل احترامي وكل عام وانت بخير

الاخ نجم الدين سعدابي

تحية واحترام
اولا ابارك لك الانضمام لسودانيز اون لاين واتمنى لك اقامة سعيدة خالية من الدقداقات والحفر
كما وامنياتي لك بالتوفيق والتقديم بنفسك ولو تعسر عليك اي شي في موضوع التقديم ارجو كتابته لي هنا وسيسرني ان اقوم بشرحه لك

تقبل تحياتي وامنياتي

كل عام وأنتم بخير أيها الجميل الخير،،، حاولت مرات عدة للدخول إلى موقع اللوتري حسب اللنك الذي أرفقه شخصك الكريم بعاليه،، ولكن دون جدوى

الاخ الجيلي تحاتي

يبدو لي عندي مشكلة في وضع الرابط بصورة صحيحة في البوست هنا لكن حاول اخانا قوقل بجيبو ليك

تحيتي واحترامي

طريقة جيدة للشرح

part two

سلام الخير ..... وكل عام والجميع بألف خير

استفسار بسيط ... أنا فوزتا بالوتري 2015 ولم يتم الرد علي حتي الأن لمقابله السفارة ... هل يجوز لي التقديم للوتري 2016


ولك جزيل الشكر

الاخ المحترم الخير
شكرً كتير علي مساعدتك للناس ودا من اصلك الطيب واخلاقك الرفيعة.
انا مشكلتي كبيرة مع الصورة ولحدي الان اتصورتا اكتر من اربع مرات وبرضو القصة مازبطت هل ممكن تساعدني في تعديل الصورة؟
المشكلة التانية في بلد الاستحقاق انا مولود في السعودية ومقيم في الامارات وسوداني طبعاً عايز اقدم علي كوتة السعودية بصورة سليمة عشان الفرصة بتكون اكبر فأرجو الشرح
المستفيض للحتة دي.

.الاستاذ الخير ... السلام عليكم

ربنا يديك الصحة

الاخ الخير بارك الله فيك ياخي على ما تقدمه للاخوان ...
عندي استفسار ... السنة الفاتت كان في موقع بتضع فيه الصورة وبيقوم بتصليحها زي ما هو مطلوب بالضبط زي الصورة أدناه ...



بس شايف الرابط ما بدخل على الموقع والرابط حق السنة الفاتت هو http://pixlr.com/editor/http://pixlr.com/editor/
فياريت لو عندك موقع بتضع فيه الصورة وبتقدر من خلاله تصلحها زي ما هو مطلوب بالضبط من ناحية موقع العيون والفم ... الخ ... تكون ما قصرتا معنا ...

وأدناه رابط بوست للاخ السر جميل من السنة الفاتت فيه معلومات مهمة ...

الهجرة الأمريكية 2015

اتفضل
http://travel.state.gov/content/dam/passports/FIG_cropper.swfhttp://travel.state.gov/content/dam/passports/FIG_cropper.swf
http://www.greencardphotocheck.com/enhttp://www.greencardphotocheck.com/en
الاخ الخير نحن في انتظارك

الله يفتحها عليك في الدارين يا اخ معتصم خليفة ... ودا الضبط الرابط الانا كنت بدور عليه ...
انسخ الرابط من http:/ لغاية swf والصقه في صفحة جديدة ...

الاخ قسم الفضيل
شكراً علي الدعوة الجميلة وربنا يوفقنا كلنا لبلوغ بلاد العام سام
انا استفساري معلق وفي انتظار حضور الاخ الخير لسه الصورة ما اتضبطت ولا عرفتا حعمل شنو في بلد الاستحقاق.
بتمني واحد من اعضاء المنبر يقدر يساعدني.

بالنسبة للصورة يا اخ معتصم أنا ممكن اساعدك فيها ... وأي شخص عنده الرغبة في ضبط الصورة ممكن يراسلني على الايميل التحت وح اقوم بضبطها وارسالها له مرة أخرى ...


بالنسبة لبلد الاستحاق .. سؤالك هو شنو ؟؟؟ لو راجعت البوست دا بتلقى اجابة لسؤالك الهجرة الأمريكية 2015

تحيتي واحترامي لكل من تداخل في فترة غيابي القسرية

وساقوم بالرد تباعل لاسئلة المتداخلين باذن الله

الاخ علاء الدين حسين
سلام وتحية

Quote: سلام الخير ..... وكل عام والجميع بألف خير استفسار بسيط ... أنا فوزتا بالوتري 2015 ولم يتم الرد علي حتي الأن لمقابله السفارة ... هل يجوز لي التقديم للوتري 2016

الفازوا في 2015 لم تجرى لهم المقابلات مع السفارات الامريكية بعد - علي حيب علمي - ولكن لو تأكدت انت ان المقابلات قد بدأت
فعليك بالاتصال بمكتب الهجرة بكنتاكي ولازم لما تتصل تكون شايل معاك الكيسر نمبر بتاعك عشان دا اول حاجة بسالوك منها عشان
يردو ليك علي اي استفسار.... تقبل تحيتي وكل الامنيات.

الاخ المحترم معتصم خليفة سلامات يا رجل

Quote: المشكلة التانية في بلد الاستحقاق انا مولود في السعودية ومقيم في الامارات وسوداني طبعاً عايز اقدم علي كوتة السعودية بصورة سليمة عشان الفرصة بتكون اكبر فأرجو الشرح المستفيض للحتة دي.

بالنسبة لموضوع الصورة فالاخ قسم الفضيل سيتولى امرها ومحلولة باذن الله اما بلد استحقاقك فانصحك بان تكتبها السعودية عشان توسع فرصتك لانه ناس السعودية ما بقدمو كتير للوتري

تقبل امنياتي

الخير ..

ازيك ..


بالله قدم لي معاك ..

Quote: لخير .. ازيك .. بالله قدم لي معاك .

دهب يا دهب كيفك يا حبوب كدي تعال لي واتسبيا عشان نتفاهم يا عمك

اخونا الخير نستأذنك في وضع المداخلة التالية ... ومشكور على الاستضافة يا خي ... ومعليش لأني محتاج انزل المداخلة دي بعد مداخلتي الفوق ليها مباشرة ...

___________

في نقطة مهمة بالنسبة للصورة ... واللي هي انك تطلب من صاحب الاستديو والتشديد عليه بعدم تعديل الخلفية الى اللون الأبيض لأنه نماذج الصور في الموقع لا توجد بها خلفيات بيضاء تماما ... واعتقد أنه أنه أي صورة خلفيتها بيضاء ... صاحب الاستديو في الغالب بيكون عدل فيها ... فارجو التشديد على عدم تعديل الخلفية الى اللون الأبيض بواسطة الفوتوشوب ... وأدناه نماذج من موقع الهجرة للصور الصحيحة ونلاحظ أنه خلفياتها جميعا غير بيضاء تماما ...



ودي نماذج لصور اطفال وهي صور نموذجية ... ونلاحظ علامة الصاح بالأخضر أسفل يمين الصورة ...




في حال الرغبة في ضبط صورتك بواسطة شخصي ارجو كذلك عدم ارسال صورة 600*600 ولكن اطلب من صاحب الاستديو ان يعطيك الصورة بالمقاس الأصلي الذي تم تصويرها بها مع خلفيتها الأصلية بشرط ما تكون الخلفية بلون داكن مثل الصورة أدناه ... مع ضرورة وجود مساحة في الصورة فوق الرأس ويمين ويسار الصورة ... حتى يتم ضبطها بسهولة بالطريقة النموذجية ...



وهي صورة غير مطابقة للمواصفات بسبب الخلفية الداكنة ... والموقع فيه نماذج كتيرة للصور الصحيحة والخطأ ...

_______

بالتوفيق للجميع ... ونشكر الاخ الخير مرة تانية ...

تشكر اخي سيف لطيب الدعاء ولك مني الاحترام

المحترم قسم الفضيل

تحيتي واحترامي

الحمد لله انه الاخ فضل حل ليك المشكلة يلا انت كمان حل ليهو مشكلته ( وش باسم ) طبعا يا اخوتي سعدت جدا بفكرة المساعدة التمت بينكم دي واللهي بتصب
في فكرة البوست الاساسية اتمنى ان ييسر الله لنا جميعا امر ان يساعد كلانا الاخر ولكم محبتي.

سلام عليكم

الاخ الخير وجه الخير كيف حالك ان شاء الله طيب

انت زول رائع جدا ما تقوم به من مجهود مساعدة الشباب من اجل التقديم عمل ما ساهل نشكرك كثيرا

لدي سؤال هل يمكن للشخص ان يتقدم باكثر من طلب بصور تم تصويرها كل على حدا للشخص الواحد مع اختلاف في بسيط في حروف الاسم.

شكرا جزيلا ...

تحياتى الأخ الخير.
شخص متزوج من سودانية لديها جرين كارد(هى تحمل الجرين كارد من 2008 و تزوجا فى 2013 ) و أنجبا طفل قبل شهرين تقريبا،الطفل يحمل الجواز الأمريكى، كيف يمكن لهذا الشخص أن يقدم للوترى؟.........

الاخ الخير بالنسبة لحتة بلد الاستحقاق انا لمن اكتب اني مولود في السعودية وبلد استحقاقي السعودية وعنواني في الامارات معناها
كل الحاجات الكتبتها دي مافيها اي دلالة علي اني سوداني وبعدين في الفرز حدخل مع كوتة السعودية الكلام دا بعدين ماحيأثر علي فرصتي لو فزتا ان شاء الله

الاخ معتصم خليفة مرحب بيك مرة تانية
كتبت

Quote: الاخ الخير بالنسبة لحتة بلد الاستحقاق انا لمن اكتب اني مولود في السعودية وبلد استحقاقي السعودية وعنواني في الامارات معناها كل الحاجات الكتبتها دي مافيها اي دلالة علي اني سوداني وبعدين في الفرز حدخل مع كوتة السعودية الكلام دا بعدين ماحيأثر علي فرصتي لو فزتا ان شاء الله

طبعا اول معلومة لازم نتذكرها انه انت مقيم وين هسي دي ما عندها اي علاقة بالموضوع لانه هم بكونو دايرين يعرفو انت مقيم وين هسي لسبب بسيط وهو انك لو فزت يعرفو يحددو
يعملو ليك المقابلة في ياتو سفارة ودا السبب من السؤال بتاع انت مقيم وين هسي. الحاجة التانية بلد الاستحقاق دي زي ما وضحت انا في بداية البوست ممكن تعملها السودان لو حابب لكن
انا بنصحك بالسعودية لانه السعودية بتكبر فرصتك في التقديم وهم عارفين تماما انه البلاد العربية دي ما بتمنح جنسيتها للناس البتولدو فيها وعادي جدا جدا انك تكون سوداني ومولود في
السعودية واحب ان ااكد لك مجددا انه لو قدمت علي كوتة السعودية الكلام دا ما حا ياثر علي فرصتك لو فزتا نهاااااائي.

احترامى وكل الامنيات

الاخ عثمان صديق سلامات يا رجل

Quote: شخص متزوج من سودانية لديها جرين كارد(هى تحمل الجرين كارد من 2008 و تزوجا فى 2013 ) و أنجبا طفل قبل شهرين تقريبا،الطفل يحمل الجواز الأمريكى، كيف يمكن لهذا الشخص أن يقدم للوترى؟.

مافي اي مشكلة انه يقدم وتقديمه بكون عادي جدا .... طبعا كونه طفلهم بيحمل الجواز الامريكي دي ما عندها اي تاثير وتاريخ زواجهم ما عندة اي علاقة بمسالة التقديم للوتري . انا طبعا بفترض انه زوجته تكون قدمت ليهو انه يجي
علي الوضع بتاعها كحاملة للقرين كارد وفي الغالب في الحالة دي ما بردو ليها سريع وبتاخد وقت طويل عشان يردو ليها عشان كدا خليه يقدم عادي لي اللوتري ولو فاز وسالوه في السفارة انه لماذا لما يقدم عبر زوجته ممكن يشرح ليهم بانه زوجته
قدمت ليهو كمقيمة في امريكا وكحاملة للقرين كارد ولكن المسالة بتاخد وقت وعشان كدا قرر انه يقدم عبر اللوتري وبكدا ما بكون عنده اي مشكلة .... تقبل تحيتي واحترامي.

احترامي وودي

الاخ احمد عجيب

تحيتي واحترامي

Quote: دي سؤال هل يمكن للشخص ان يتقدم باكثر من طلب بصور تم تصويرها كل على حدا للشخص الواحد مع اختلاف في بسيط في حروف الاسم.

قانونا طبعا المسالة دي غير صحيحة ولو اتكشفت ممكن تاثر عليك مستقبلا في دخول امريكا عليه انصحك بعدم اللجوء لهذه الطريقة وزي ما ذكرت انفا انه كل المسالة دي حظ
وكان ربنا كاتبها بتفوز حتى لو وسط ملايين الطلبات بتفوز...... تقبل تحيتي واحترامي.

اها كنا وين :)

كتر خيرك يا الخير.
احد أبنائي تاريخ ميلاده بالهجري في شهادة الميلاد والجواز!!!
هل هنالك مشكلة؟

الاخوة المحترمين الخير وقسم الفضيل
الحمد لله اتممت عملية التسجيل ونسأل الله التوفيق

ألاخوة المهتمين بأمر اللوتري
كل سنة كنت بقدم لعدد محدود للوتري...وفاز من فاز ومنهم من يحاول وينتظر
السنة دي المجموعة فاقت ال 20
وهنا لدي بعض الملاحظات......والشكر ل صاحب البوست ما قصر
-- السودانين بقدمو بطريقة عشوائية شديد وعندهم قناعة بعد اللوتري يقع ليهو كل شي ممكن يتحل
-- تبدأ من كتابة الإسم كما موجود بالأوراق الرسمية...
الغريبة في الإسم أعتقد بتملا الإستمارة للجواز بالعربي
وعلي الزول النزل بياناتك يختار الطريقة البطريحو في كتابة اسمك بالإنجليزي
-- يعني لو مقدم وما عندك جواز ...لو ما كنت قاعد جمب الزول دا ...اسمك ممكن يكون مختلف تماما
-- مكان الميلاد ...احيانا تلقا مكان الميلاد في شهادة الميلاد المدينة ( س) وفي الرقم الوطني المدينة (ص) وفي الجواز المدينة (ع)
-- كل الجوازات الجديدة ....لو مولود في اي قرية وانت تبع محلية الحصاحيصا ....بتلقا في جوازك مكان الميلاد الحصاحيصا
دي انا بالزات ما فاهمها واكيد دا في كل المحليات...
(اعتقد في خانة مكان الميلاد ..الناس دي في الكومبيوتر عندهم قائمة بختارو منها بدل ما تكتب مكان الميلاد
وهذه الملاحظة في الجوازات الطالعة من السودان ومن السفارة في الرياض..وهذه طريقة مخالفة للواقع والمنطق وامكن القانون زاتو)
يعني كيف زول جوازو القديم مكتوب فيهو مكان الميلاد مدينة أو قرية معينة يجي يطلع جواز جديد يكتبو ليهو مدينة تانية
مع انو في الإستمارة كتب اسم القرية
-- تاريخ الميلاد . دا مشكلتو اتناقشت في كل حتة والناس بقت تركز علي التسنين
--اما الصورة دي ....فا.. بعملو فيها عمايل...القاعدين في السعودية...بشتغلو فيها تعديل وتبيض و(تمليس)
ناس السودان مافي اهتمام شديد بالنقاء او الخلفية
-- فرجاء زي ما ذكر احدهم فوق .. الناس العندها رغبة فعلا محتاجين مساعدة
مش في تنزيل البيانات ولكن في مراجعتها مراجعة دقيقة جدا
والتاكد تماما من صحتها قبل التقديم

ونسأل الله التوفيق للجميع

كتر خيرك يا الخير.
احد أبنائي تاريخ ميلاده بالهجري في شهادة الميلاد والجواز!!!
هل هنالك مشكلة؟

الاخ عبد الحي علي موسي
تحية طيبة

ذكرت بان شهادة ميلاد وجواز احد ابناءك مكتوبان بالهجري

يا عبد الحي لو لاحظت او كما تعلم او كما هو يفترض انه فورم التقديم لابد ان يكون بالتاريخ الميلادي
يعني ما ممكن تملأ فورم التقديم بالتاريخ الهجري اذن من المنطق ان هنالك مشكلة في حالتك دي واحد
اتنين عشان تقدم لازم تعرف تاريخ ميلاد ابنك بالتاريخ الميلادي وتطلع ليهو شهادة ميلاد بالتاريخ الهجري
دا طبعا اذا قدر لك الفوز وفي مواقع كتيرة جدا في النت ممكت تحول التاريخ الهجري للتاريخ الميلادي وبالعكس
دا طبعا اذا ما متذكر تاريخ ميلاد ابنك بالميلادي ومن المواقع دي ممكن تجرب دا

http://www.ihijri.com/http://www.ihijri.com/

واخيرا اتمنى لكم التوفيق ووافر الحظ

الاخ الحبيب الخير

تحياتي و بارك الله فيك

سؤال
اذاكان الاسم مركب كيف يكتب

مثل محمدعلي اسم مركب كيف يكتب
الاسم كامل مثلا الصادق خليفه ادم محمدعلي

ولك فائق التقدير

الاخ الصادق خليفة
تكتب في خانة الاسم الاول الصادق
وفي خانة الاسم الاوسط خليفة ادم
وفي خانة الاسم الاخير محمد علي طالما ان الاسم مركب


تحيتي

وبعد النجاح فى التقديم لابد من الاحتفاظ برقم confirmation number والذى يبدأ بـ 2016 كما فى الصورة وذلك للدخول به لمعرفة النتيجه ابنداءاً من شهر مارس 2015

اتمنى للجميع التوفيق

http://www.gulfup.com/?kyhaAg

Quote: وبعد النجاح فى التقديم لابد من الاحتفاظ برقم confirmation number والذى يبدأ بـ 2016 كما فى الصورة وذلك للدخول به لمعرفة النتيجه ابنداءاً من شهر مارس 2015

تشكر يا عماد ودعواتنا ليك بالتوفيق

تبقت ثلاثة ايام وتنتهي فترة التقديم

سيقفل باب التقديم في الثالث من نوفمبر لهذا العام ارجوا ان يتشجع من تكاسل في التقديم ان يسرع قبل انتهاء المدة

ارجو ممن يستطيع ان يساعد علي رفع وابقاء البوست عاليا فيما تبقى من ايام التقديم لتذكير الناس.

تحيتي وكامل الامنيات للجميع

بارك الله فيك يا الخير يا وجه الخير
جعله الله في ميزان حسناتك
عندي سؤال:
تداخل احد الاخوان وقال بان الخلفيه البيضاء ربما تكون مشكلة في اعتماد الصورة
ارجو طمأنتنا عن هذه الجزئية
مشكووور وفائق احترامي

لا اعتقد بان هناك مشكلة فى خلفية الصورة البيضاء ... انا قدمت بخلفيه بيضاء وقبلت الصورة ...
اعمل اولاً validation للصورة

تحياتي

سلام من الله عليكم يا احباب

يا عماد ساتي ردك علي هيثم التوم ربما لم يكون بالدقة المطلوبة ولكن دعني اشرحه تفصيلا
اولا الخلفية البيضاء ما فيها مشكلة اطلاقا بل هي المفضلة دائما
لكن
فيما يتعلق بمل فوتو فادليديشن اجابتك يا عماد ما كانت دقيقة لانه ما اي صورة اتعمل ليها فوتو فادليدشن في موقع الهجرة وجاتك النتيجة بانه الصورة صالحة للتقديم معناها انها فعلا صالحة للتقديم
انا حاولت كتير انه الناس للجزئية دي وهي انك لو مثلا اخدت صورة لشجرة وعملت مقاسات الصورة دي 6000 بكسل في 600 بكسل ومشيت ختيتيها في موقع الهجرة في الفوتوفالديشن حا تجيك النتيجة
بانها صورة صالحة....... وهي طبعا ما صالحة لانها صورة شجرة ...... يبقى موقع الهجرة في الحتة بتاعة الفوتو فالديشن دي فقط براجع مقاسات الصورة اكرر فقط المقاسات وليس اي شي اخر والصورة كما تعلم
يا اخي الكريم لها موافات عديدة منها درجة وضوح الصورة والخلفية والراس ما يكون مغطي الجزء الاكبر من الصورة ووووو حاجات كتيرة. الحاجات الكتيرة دي الفوتو فالديشن بتاع موقع الهجرة ما براجعها وانما فقط
يراجع مقاسات الصورة لو كانت سليمة بقول ليك الصورة صالحة للتقديم ولو ما كانت سليمة بقول ليك الصورة غير صالحة للتقديم عشان كدا انا ما داير الناس تعتمد كتير علي الفتوفالديشن بتاع موقع الهجرة دا.

تحيتي وشكري

تحية
تشكر على المساعدات الرائعة
اذا كان تاريخ الميلاد يالجواز مختلف من شهادة الميلاد ,, ايهما تنصح بالتسجيل وشكرا

Quote: اذا كان تاريخ الميلاد يالجواز مختلف من شهادة الميلاد ,, ايهما تنصح بالتسجيل وشكرا

انصح بالتسجيل وفقا لما هو موجود بشهادة الميلاد وفي حال الفوز يجب عليك تغيير الجواز ليتوافق مع شهادة الميلاد

تحيتي

شكرا للاخ عماد ساتي علي اجتهاده وحبه للخير
والامتنان للاخ صاحب البوست مره تانية
فعلا انا كنت بقصد الدقة الاتحدث عنها الاخ الخير لاني بعرف انو قبول الصورة علي الموقع لا يعني انها مطابقة للمواصفات المطلوبة مائة بالمائة ...
نرجو من المهتمين الانتباه للموضوع ...
موفقين باذن الله

مشكورين على التوضيح ... كنت اعتقد بانه مجرد عمل فاليديشن خلاص الصورة مقبوله من كل المتطلبات ...
الحقيقه نقطه مهمه خالص التى اوضحتها ...
شكرا واتمنى للجميع التوفيق

السلام عليكم يا الخير ، طبعا مشكور ودي اول تجربة لي في التقديم المهم الامور ظابطة وبالنسبة لمقاس الصورة 500X500 ولكن عند التأكد من صلاحية الصورة كانت الاجابة صالحة
وتم استلام الطلب مع رقم التاكيد الذي يبدا 2016 مش كده
سؤال ممكن اعرف تاني تفاصيل الفورم لو ادخلت اي حاجة من المعلومات المدخلة او الاستعانة برقم التاكيد

اتا زول سمح بجد يالخير

الاخ حسين عبد المجيد

جوزيت خيرا وفيرا يا حسين لاخلاصك النية في شخصي

Quote: وبالنسبة لمقاس الصورة 500X500 ولكن عند التأكد من صلاحية الصورة كانت الاجابة صالحة وتم استلام الطلب مع رقم التاكيد الذي يبدا 2016 مش كده

ارجو اعادة قراءة آخر مداخلاتي التي اسهبت فيها في شرح هذا الموضوع وستجد الاجابة ان شاء الله, اما سؤالك عن امكانية معرفة

Quote: فاصيل الفورم لو ادخلت اي حاجة من المعلومات المدخلة او الاستعانة برقم التاكيد

فلن تستطيع معرفة اي معلومات قبل يوم خمسة مايو 2014 وهذا هو اليوم الذي ستعلن فيه النتائج والمعلومة الوحيدة في ذلك اليوم
والتي يمكنك معرفها هي هل تم اختيارك وفزت ام لم يتم اختيارك ولم تفز.

اتمنى لك التوفيق وحسن الحظ