عيب يا لجنة القبول! اخجلوا !!

نسبة المتفوق رفم مائة ( 100 ) هي 93% .. ونسبة الدخول ل
كلية الطب جامعة الخرطوم
92.9%
وشوفو في كم واحد من المائة الاوائل ما ممتحن احياء
يعني المائة الاوائل الشايلين احياء كم and#161;and#161;
دة كلو عشان تدخلو قبول خاص
عيب والله

يعني بحساب جانقي ولا حساب حديث
نسبة الترتيب المية يعني مية نفر آخر واحد فيهم جاب 93% ... وحكاية آخر نسبة دخول 92.9% .. شوفو التقارب دة .. يعني ال101 كم نفر ؟
وبعدينك نحن عارفين كناس متابعين داخل السودان دون احصائيات معظم النسب العالية في الحاسوب
ياخ معقولة
يعتي لو الحكومات السابقة كانت بتتاحر زيكم كدة . كان في اسماء شهيرة سودانية وعالمية ما اتعلمت ولا قرت
قبول خاص طب الخرطوم 50 مليون قديم .. الشهر تقريبا 4.2 مليون .. وخليك من سكن واكل وشراب
وروني كم نسبة السودانين الدخلهم قدر دة
يدفع شهريا لي ولدو 6 مليون ويكون قادر علي توفير حياة كريمة لباقي الاسرة
افسدتم حياتنا وتسعون لإفساد حياة اولادنا

يا عبد الحفيظ يا خوي
الجماعة ديل من خزينة الدولة الأصلاً هم فضوها ما عاوزين يصرفوا قرش واحد على الناس
القبول الخاص لتمويل مصروفات الجامعات
و زي التمويل ده في كل المرافق العامة ، يعني المواطن يدفع للخدمات
يا خي ديل في بداية التسعينات ، شوف قبل كم سنة و هم شغالين بالنظرية دي ، و عشان أكون دقيق في الثورة بأم درمان الحارة التانية
كان بيشيلوا من الناس رسوم لبناء كشك بسط الأمن الشامل مع السكر الكان بالبطاقة
من الزمن داك يا حفيظ المواطن بيدفع عشان الأمن ، التعليم ، الصحة ، النفايات ، دعم ،،،، و ،،، و،،،، و،،،
الجا من البترول لهطوه الجماعة
يدخل عليهم بالساحق و الماحق
قول آمين

يعني واحد إجتهد و تعب و أهلوا تعبوا معاهو يجي واحد تاني لأنو عندو قروش ياخد فرصتو في التعليم و الكلية الهو بيستحقها عن جدارة
خليهم يبنوا ميات الجامعات للتعليم بالقروش لكن يخلو حقة الحكومة دي الطلاب يتنافسوا فيها بدرجاتهم و تحصيلهم و تفوقهم

صبحك الله بكل خير
يا عبد الحفيظ
الواحد قرب يقول ليك كدي عيد لي كلامك دا تاني آ جنا
عشان الواحد ما قادر يصدق إنه المسائل وصلت هذا الحد
يعني ثورة تعليم عالي و26 جامعة ووووا دا كله طلع كلام فاضي
إذا كان البجتهد ويجيب تحصيل كويس برضو لازم يكون أبوه غنيان عشان يقرأ
لا حول ولا قوة إلا بالله

تحية طيبة ابسن والناس ديل عايزين العلم والسماحة في جانب والجهل والشنة في جانب زي ما قال المرحوم الشاعر ابوامنة حامد وما عايزين اولاد غبش تاني في الجامعات عشان لا يتذكروا ماضيهم الاغبش ما عارف الناس دي ما بتحكي لي ابنائها عن ماضيهم ودراستهم القديمة زمن الحكومات بتتحمل كل المصاريف حتى المحبرة تلقاها قدامك والداخليات حتى المتوسطة بنين وبنات الغبش والله انا اعرف نوابغ تركوا الدراسة عشان المصاريف وكان يمكن يكونوا اضافة للسودان في اي مجال وربنا يلطف على اولاد الغبش

صدقت يا ود أب سن...
سياسة مجحفه وظالمه من لجنة القبول بالتأكيد المتضرر الأول منها أبناء البسطاء وما أكثرهم .

يا كمال ديل بدفعونا تمن الرصاصة البكتلونا بيها
بندفع كل الخدمات الما قاعدين يقدنوها لينا .. ندفع قروش الموية الما بتجي لانو من غيرها مافي كهربا
وهم
بياخدوا حوافز للعمل البياخدو عليهو اجرشهري
التقرير ليهو حافز
الاجتماع ليهو حافز
العمل ليهو حافز

يا جعفر يا اخوي ثورة شنو تعليمية
قطعو راس الجامع عملوهو مطعم ( وش غاضب غير ضاحك )
قفلوا المدارس الثانوية ووزعو طلابها .. وشايلو يافطة الثانوي وعلقوا يافطة جامعة
وجابو الخريجين الاول امس استاذة جامعة

حوش خارجي
جرايد الليلة
حملة لناس المرور وتم حجز العربات المخالفة
مع التذكير
الدنيا عيد وعيد ضحية كمان
اي عقلية تاجر جشع تدير هذا الوطن

من خارج الحوش
استقتالات من اساتذة كلية الفنون لتعين معيد صغير
التمكين

دي العوجة يا عزالدين
السلطة والتعليم في اتجاه والشعب والجهل في اتجاه
وسنتصدر قائمة الدول الفاشلة
دولة تتخلي نوابغ ابناءها وتهتم بأغبياء اغنياءها سنتتج فشلا في كل المجالات

اي والله يا احمدونا
والبغيظ كل اعضاء الحكومة والوزارات قرو مجانا
ولولا المجانية ما كان اتعلموا
اضاعوا المواطن وماشين يضيعوا مستقبل الوطن

فوق
امكن بخجلو
امكن

ابوسن سلام
المعروف ان نسبة المقبولين علي النفقة الخاصة لا يتجاوز 25% ، 10% سودانيين و 25% منهم مخصصة لابناء الاساتذة، و15% للاجانب

المائة الوائل قد يتجاوز عددهم 130

والـ 0.1% الاخير ممكن جدا يتزاحموا فيهو 300 او اكثر، لان القبول للنسبة الاخير يقاس بالمجموع التفاضلي


بامكانك مراجعة موقع القبول بعد الانتهاء من الخاص والدور التاني، عادة تنشر احصاءات

وعليكم السلام الشفيع
ممكن المية الاوائل كترتيب ما يكونو مية كعدد
لكن لو الاول مشتركين تلاتة بتسقط خانة التاني والتالت وبكون الرابع
برضو ماكلهم احياء . والمنطق بقول وفقا للسابق صعب انو 0.1% يشتركو فيها عدد مهول .
رأي لجنة الامنحانات شنو في امتحان لا بستطيع فيه ان يكافئ المتفوق .. إذا امتحان المتفوقبن فيه بدفعوا قروش شان يقروا . وينساوا مع غيرهم ببقا في خلل الامتحان زاتو . لأنو الامتحان لتمبيز الناس
سأعود

كما يقولون ان الامتحان ليس هو المقياس الحقيقي للتفاضل والتمييز بين الطلاب . ولكن لا يوجد غيره
لذا يتم معالجة هذا الخلل بنوعية المقرر ونوعية الامتحانات وطريقتها وكيفيتها
حين يكافأ الطالب المتميز يكون هذا دافعا له .. ويعطي مؤشرا لتطور الدولة بأن العامل والنوظف الكفء سيكافأا
ولكن ان تكون دولة بين الاغنياء فهذا سيقود لكارثة آجلة
حكامنا مغرمين بتطبيق ما يحدث غربا .. ولكن غربا دخل الفرد فيها مختلفا وما تقدمه الدولة مختلفا . وبل تعطي راتبا علي البطالة وتعطعي المنح المجانية الكاملة للمتفوقين ..ليس في النتيجة بل وحتي في مادة واحدة .. والرياضين والموهبيين
الطلاب هم وراث الوطن رغم انف السلطة فقد شاء الله ان يكون لنا اعمار لا نتجاوزها
انكم تهدرون طاقات الوطن الوضعية

الاول 97% والمرتبة المائة 93%
اي خانة فيها مشتركين بتسقط الخانات البعدها . يعني اول زول ترتيبو المية هو فعلا الطالب المية ممكن يشتركوا معاهو ناس
ف كيف الفرق بتاع 4% درجات والل هي بتساوي 40 درجة من حقت لجنة القبول ( 93%/92.9% ) يكون فيها مية شخص او لنفترض بالاشتراك 120 طالب .. وكل الناس يتكابسوا للاشتراك في النسبة 92.9% !!!!!!
ممكن لجنة القبول تورينا عدد الطلاب من المدارس الحكومية المقبولين حكوميا في الكليات المرغوبة

رواب

لجنة القبول تضيف هما لهموم المواطن البسيط
قديما استثمر الناس ابناؤهم.. وفروا لهم ما جعلهم يواصلون تعليمهم لينهضوا بأسرهم لاحقا
ولكن الآن
لا يستطيع متوسطي الحال دعك من الفقراء من تعليم اولادهم تعليما لائقا
يكاد يكون كل رجالات الدولة والعلماء ومن لديهم مقاليد الامر خرجوا من اسر فقيرة . بعد ان وفرت الدولة لهم تعليما مجانيا
التعليم الجامعي المجاني حق . وليس تفضلا من الدولة .. فالدولة وكل اجهزتها تعيش عالة علي المواطن

استغلال غفلات الطلاب
عدد لا يستهان من الطلاب اخطأوا في ملأ الاستمارة ألكترونيا . سيتم استبعادهم وتوفير فرصهم للقبول الخاص

عشان دموع اطفالنا ما تضوق الهزيمة

عشان عيون اطفالنا ما تضوق الهزيمة

استاذ عبدالحفيظ
شكرا للموضوع
دا كلو كوم ومعاملة طلاب الشهادة العربية كوم
اولادنا وبناتنا كان طعم العيد فى حلوقهم حنظلا بسبب لجنة القبول وظلمها الكبير لهم
ارجو تسليط الضؤ على هذا الجانب اذا كانت لديك معلومات فى هذا الجانب
وشكرا

مرحبا عادل وعيد سعيد
الشهادات العربية دي كوم براها . شي نسبة وشي امتحان وشي معادلة
يعني النسبة حقت ولدك ممكن تنقص من النسبة الجاباها
وبإفتراض انو امتحاناتنا اصعب لأننا اشطر !
دة كان زمان .. زمن اولنا نسبتو كم وسبعين .. هسة نسبنا بقت سوا سوا مع الجماعة . اهو بقا متفوقنا يعجز عن دخول الجامعة
والمغترب هو الدجاجة التي تبيض ذهبا فكيف يقرا ولدهم يقرا مجانا لازم يبيض
ولشقيقي تجربة مريرة في ذلك

I do agree
this is a plan to get more money for the universities
but why they reward the professors by more points for their kids
this is unfair

مرحبا سودانية
دي استراتيجية ماكرة
اي موظف حكومي جبائي له نصيب كنسبة فيما يتحصله
وand#65275;
استثناء
من موظف الضرائب للمهندس لي متحصل النفايات للمحاكم ل... ل....

الدراسة في ماليزيا ارخص من السودان وافضل
معقولة
دة مستقبل وطن
وواضح جدا من الدعوات للوتري

**

شكرا آدم
ول
حين ميسرة