عـــــزام فرح حا اكرر التجربة معك

......

وانا البخوفك وبتخاف منه

بس ردك للدين ريحنى ايها الاعجمى بل هى نادرة
وفيها حمافة كما تقول العرب ...

يابدرالدين سلام ياراقي ولعلك بخير عليك الله فط السطر ده
وياعزام الله يرضا عليك اقفل الباب ده وحكموا عقلكم
التحية لكم الاثنين

Quote: يابدرالدين سلام ياراقي ولعلك بخير عليك الله فط السطر ده وياعزام الله يرضا عليك اقفل الباب ده وحكموا عقلكم التحية لكم الاثنين

المسلمى الداعشى هههههه كيفك ياصاحب
وبعدين هذا المدعو عزام جرابو فاضى وجبــان كمان وقليهو خليك شجاع لمن يشتموك بالعربى رد بالعربى مش تتضارا وراء الرطانة
وانا حقى مابخلى ان بالكيبورد او بالقانون اوبلضراع بس خليهو يجى مارق

Quote: المسلمى الداعشى هههههه كيفك ياصاحب وبعدين هذا المدعو عزام جرابو فاضى وجبــان كمان وقليهو خليك شجاع لمن يشتموك بالعربى رد بالعربى مش تتضارا وراء الرطانة وانا حقى مابخلى ان بالكيبورد او بالقانون اوبلضراع بس خليهو يجى مارق

يابدرالدين ياكبير القوم سلام تاني ماسمعت ماورد في الشعر العربي ( ان ارسلوا لي طير نحسا ارسلت لهم طير سعد وليس سيد القوم من يحمل الحقد) لست ناصح لك ولكن متوسم ومتعشم الخير فيك وفي الاخ عزام انكم الاثنين اكبر من ان تصيروا مجرد حكي للناس وكمان في الاسافير ختوا الكورة واطة وقولوا بسم الله ليس بينكم طين اوزرع اوثار قديم فانتم اخوة جمعتكم الغربة في مكان واحد وكل حسب عمله ومقامه والامر كله اظنه اختلاف راي لاغير لكن اديتوه حبة شمار فماداعي يكون بين الناس الكعب وانت هنا وفي الدوحة شخص ماساهل كبر اللفة من الموضوع ده وخلي البساط احمدي ولك مني كل الود والتقدير


__________
بعدين الرطانة ديل ناس حلوين وطيبين ورطانتهم مابخلوها لكن الحمدلله اصبحنا نفهم منها الكثير
كنت قبل ان اناسبهم استغرب كيف يتكلمون وهاك يارطانة مافاهم منها الا كلمة اربي اربي سالت
زوجتي ام احمد الجماعة ديل بقولوا في شنو قالت لي بقول ليها انها تزوجت عربي شفت الكلام
ده كيف

Quote: <... لَقَدْ جَاءَكُمْ رَسُولٌ مِّنْ أَنفُسِكُمْ...> التوبة (128). هذا خِطاب لِلعرب عامة ولِقُرَيش خاصة. أنا -وحسب وصفك لي بالأعجمي- ما داخِل في حِته <مِّنْ أَنفُسِكُمْ> دي ياخ، نحنا وضعنا كنوبيين غير.. غير ومُمَيزين -في شأن الدين- بِحاجات:- خُـد عِنْدك مثلاً... (1) أصحاب حضارة مغروسة في عُمْق التاريخ الإنساني بـبَـربَـنْـدي عُمرو (5) ألف سنة قبل ميلاد السَيِد المسيح ابن مَرْيَمِ. (2) قبل دخول الإسلام كُنا مُوحِدين، على دين المسيح ابن مَريم، وهو دين الله حينذاك في الأرض. (3) (بلادِ النوبيين) البلد الوحيدة -أُكرِر الوحيدة- الدخل فيها الإسلام طواعِية (حتى بكة دخل فيها الإسلام بِالسَيف/أذهبوا فأنتُم الطُلقاء). (4) نحنا آخر أمة -عِرق- دخلت الإسلام (1252 م-يعني قبل 762 سنة بس). ودكتور/ يوسُف فضل في تاريخو قال ما معناه: [كُل الشِمال النيلي مِن الرحم النوبي] والرأي التاريخي ده، بخلي وضعك/وصفك يا بدرالدين في واحِد مِن إتْنين:- (1) ناكِر (ناكِر صِلتك الرِحِمِية بِالنوبيين سُكان البِلاد الأصليين). (2) مُسْتلب (ناجِر ليك نسب عُروبي يُكَذِبه التشريح السريري والفحص النووي). والناكِر والمُسْتلب لِشِفاء إن رضي بِالفحص النووي الشريف! تبًا لك

وقع ليك كلامى يامسلمى صاحبك الجــبان ماداير يجى بالدرب وهسى المستلب فينا منو
زوجاته الاثنين جعليات وبكتب شعر الدوبيت والمسدار حق العرب الاقحاح واولاده وبناته مافيهم واحد مسميهو اسم نوبى
وبرضو اتنافخ فخرا باصله النوبى وبرضو يامسلمى تقول لى كبر اللفة حرم ما أكبرها مع هذا المستـلب
المتخــلف دافع الجزية وهو صاغر
وانا ولدك ياحرم بت على الجدها العباس هههههههههه

المسلمى نسيب االرطانة
نسيت اقول ليك انو صدقى اللدود دينق لو عندو حسنة واحدة فهى انه طفش هذا الرطانى من المنبر
وعقبال يطفشك انت وانت ظاتك اكان ما اخو العوض انا مابتكلم معاك ههههههههههههههههههه
وبجى احكى ليك قصة الخليفة عبدالله التعايشى مع النور عنقرة وحكاية انا ظاطى ماجاى ههههه

الاخ بدرالدين الامير سلام تاني والعشم كبير فيك والاخ عزام تختوا الكورة واطة
وانت جدك العباس وهو اجداده اصحاب حضارات المشكلة شنو اي شخص
عاجبنه اهله بس القصد انكم الاتنين اكبر من تكونوا حديث اسافير وخلافه وخلي
البوست ده بوست للتصافح والتسامح

Quote: لمسلمى نسيب االرطانة نسيت اقول ليك انو صدقى اللدود دينق لو عندو حسنة واحدة فهى انه طفش هذا الرطانى من المنبر وعقبال يطفشك انت وانت ظاتك اكان ما اخو العوض انا مابتكلم معاك ههههههههههههههههههه وبجى احكى ليك قصة الخليفة عبدالله التعايشى مع النور عنقرة وحكاية انا ظاطى ماجاى ههههه

بدرالدين ياود اربجي دينق ده دواءه هنا عندي ومابقدر يسوي شي الا الجرسة يابكري تعال وشوف ديل عملوا شنوا اما في العلاقة خارج المنبر عندنا دينق اخ وزميل تعرفنا عليه في الاسافير وفي الدوحة اساله قول ليه محمد المسلمي قصر معاك اما اخي الحاج العوض الله يحفظه لينا دائما رافع راسنا عالي واحييك علي تقديره ودي براها تكبر عشمي في انك تترك الموضوع ده مجرد ونسة وتصالح مع الاخ الزميل عزام اما الرطانة نسابتي التحيىة لهم في حلفا القديمة وحلفا الجديدة وفي دول المهجر علي قول اخونا قيقراوي المافي شنو


_____
الشكل مابشبهك

يامسلمى
كتر خيرك وفضلت خيرك
خيالك ما يمش بعيد كل الامرة مزحة ومحاولة لارجاع المتخــلف عزام فرح للكتابة فى المنبر بسجمو ورماده وعنصريته
القضية انه كان سهران معى قبل اسبوعين وترجانى ان اعيره احد الكتب ورفض وقلت له اننى لااعير كتاب لسودانى بحكم التجربة
ترجانى ونحنسنى وبرضو رفضت تدخلت المدام دكتورة منال السر وافقت واعرته الكتاب الخميس المضى جا دق بابى وسلمنى الكتاب
ثم شتمنى بالرطانة وكانت زوجتى حاضرة قام قاليها انا بشكر في هذا العربى الوهم بالرطنانة لانى استفدت كثير من هذا الكتاب وزوجتى
لانها جعلية داقسة صدقته وتحدث هو عن ان النوبة ليست كلعرب يردون الامانات لاصحابها ثم انبرى يبرطم بالرطانة ودخل كلمة اربجى
الفهمتو انو بقول ليها انت البخليك تعرسى عربى اربجى الوهم دا شنو ووهو يبرطم بالرطانة انا عرافت ان زولك الجبــان قاعد يشتم فينى
وانا زول تاجر ترجمة بعرف القصد والمقصود

يابدرالدين المير انا قايلك مستلم وش ضاحك
ياعمك عندنا اجازة وعرفته مجرد ونسة ومزاح قلتة ادورك المافي شنو



_____
لكن فكيت اخرك بسرعة

Quote: لكن فكيت اخرك بسرعة

ياعربى ياوهم الرطانى خاف عليك وحنسنى افك اخرى
وانا مانى الزول البفك اخرو لكن صنوك اتجرس لى
وعشان خاطر العوض ومش عارف مين قمت امتثلت
وسادتنا الصوفية بقولو الامتثال خير من الادب .......
هسى الامتثال خير من الادب دى يترجموها كيف لنسيبك الرطانى

Quote: ياعربى ياوهم الرطانى خاف عليك وحنسنى افك اخرى وانا مانى الزول البفك اخرو لكن صنوك اتجرس لى وعشان خاطر العوض ومش عارف مين قمت امتثلت وسادتنا الصوفية بقولو الامتثال خير من الادب ....... هسى الامتثال خير من الادب دى يترجموها كيف لنسيبك الرطانى

عايتوا الصوفية جمل شيل تردموا فيهم ساهي كان تخلينا نتونس بيه ونشوف البجي منو وتاني تفك اخرك ياحليلك ياعزام كنت تخلينا نشوف الاعداء بجو هنا بقولوا شنو لكن البوست ونسة شوية وكملنا السبت الحمدلله يوم الاحد ده بنشوف ليه طريقة المافي شنو

تحياتي يا بدر الدين

صاحبي عزام حسب عشرتي له الممتدة لاكثر من 17 عاما استطيع ان اقول انه عربي وفي العرب من بني العباس وفي بني العباس من البدو الاقحاح ..هاها

قصة انو نوبي دي "طق حنك" بتاع مثقفاتية ساكت ..او زي ما بقول اخونا طمبل "كلام نمل ساي" ..

لا سيما بعد ان لمت فيهو بتنا الجعلية فحفحت شواربه ونتفت ريشه وجعلته عربيا كامل الدسم مستلبا بالكامل ..

وطبعا دا لا يقلل من شأن مجهودات بت ابراهيم الجبارة في تكوين المضمون الثقافي والشكلي ليتخذ مضامين اهل البطانة كما وكيفا..

هذا اولا..

ثانيا نحن في شوق لرؤية عزام مجددا بالمنبر .. نتمنى ان يعيد حساباته ويعود ..

فهو اضافة حقيقية وركن نقاش له اهميته..

تحياتي

كل عام وانتم بخير

بالمناسبة قوقل طلع جهاز جديد بسماعات اذن ,تضعو في جيبك وتفتحو
كانك فاتح الموبايل بتاعك وهو بتاع ترجمة فورية لكل اللغات واللهجات
بس يابدر الدين تعمل ليه تيوننق على الرطانة حقت ساهبك دا

وترتاح

Quote: صاحبي عزام حسب عشرتي له الممتدة لاكثر من 17 عاما استطيع ان اقول انه عربي وفي العرب من بني العباس وفي بني العباس من البدو الاقحاح ..هاها

يا عادل
يعني عزام وبريمة الجهني من جنس واحد؟
النصيحة لله، بريمة بزعل
يا امير
اخبارك

أستاذنا بدرالدين ..
بوست دمه خفيف .. لكن خوفتنا في البداية ,, شكراً لود المسلمي الاصيل ..
ياسلام .. أنا ذاتي يا مسلمى كنت مفتكر الحكاية ( خلاف ) لكن ولله الحمد هي مزحة ثقيلة ..
بدرالدين يا الرائع .. قريبي دا زول موهوب .. هو من إثنية خليل فرح شكل ولون وموهبة .. يجيد العربية كما أهل البادية
ويجيد النوبية لأنها الاصل .. فالموهبة كامنه فيه .. ومن الافضل ان تستعين به في الترجمة ..
يا حظ ناس الدوحة ( الامير .. وعزام )

بالنبوبية : عزام .. أننقا .. آرابا .. ورا تر ..
الترجمة : عزام اخوي .. رش الاعراب ..

كمان استاذنا بدرالدين : عندما كلام كثير في إسم ( أربجي )
لأن لفظ ( أربج ) معناه ( يطبق ) .. للمزيد من التوضيح : بطانية أربج ( طبق البطانية )
كلمة من صميم النوبية الدنقلاوية ..

التحية أخي الامير بدر .. خلي بالك من قريبي دا ..
هيروو .. ووو .. بدر ( الى اللقاء أخي بدر )

Quote: لا سيما بعد ان لمت فيهو بتنا الجعلية فحفحت شواربه ونتفت ريشه وجعلته عربيا كامل الدسم مستلبا بالكامل .. وطبعا دا لا يقلل من شأن مجهودات بت ابراهيم الجبارة في تكوين المضمون الثقافي والشكلي ليتخذ مضامين اهل البطانة كما وكيفا..

عادل ياخوى
كلامك دا بلغة الامير الكوشى يشاشة اسمو استلاب وبلغتنا نحن عرب الجزيرة اسمو تلصق
وانت ياعادل ماجيت البلد دى شافع صغيرون مع الوالد والوالدة ودرست كل مراحلك التعليمة هنا حتى جامعة قطر
مالك مابتليس القطرة والعقال وتكتب الشعر النبطى

Quote: كانك فاتح الموبايل بتاعك وهو بتاع ترجمة فورية لكل اللغات واللهجات بس يابدر الدين تعمل ليه تيوننق على الرطانة حقت ساهبك دا

ودالشيخ
ترجمة قوقل لايعتد بها في المحاكم وهذا المستلب انا داير الحقو امات طه

Quote: يا امير اخبارك

ودالفكى ياابوالنسب اخبارى ماهو باين من خبيرك الاممى للمستلب النوبى

Quote: كمان استاذنا بدرالدين : عندما كلام كثير في إسم ( أربجي ) لأن لفظ ( أربج ) معناه ( يطبق ) .. للمزيد من التوضيح : بطانية أربج ( طبق البطانية ) كلمة من صميم النوبية الدنقلاوية ..

على عبدالوهاب
كيفك ياصاحب
اخونا الشفيع الجزولى سعيد المحقق والمؤصل للغة الدنقلاوية اريو قريب من رايك والشفيع بقول قبل خمسمائة سنة الجزيرة دى كلها كانت بطرطن
ومن المعروف ان اربجى اقدم من سنار بــ 38 سنة وهى من اقدم الموانى النيلية والشفيع بقول التخريج بتاع ان كلمة اربجى تعنى ان العرب جو اوالعرب بجى
للتبادل التجارى مع العنصر الافريقى دا تخريج ساكت وغير مسنود
اما قريبك المستلب عزام انا معاهو والفورة مليار بس خليهو يجى مارق

التحية ليك اخي بدرالدين ..
أول انطباع عندما يسمع الواحد لفظ ( أربجي ) أن الكلمة نوبية 100% بدون أي تردد
فتحت لينا باب للبحث في المفردات .. ويمكن ان تكون ( في إتجاه العرب ) او ( تجمع العرب )
وأستخدام الكلمة اليوم في النوبية ( آربج ) بمعني ( مكرفس ، مضغوط ، مطبق ..مضموم الرجلين ...الخ ) ومازالت كلمة حية تستخدم يومياً
معنى ونطق وتنغيم ( نوبي ) .. ولله الحمد طلعت من جينة عزام والشفيع

التحية لأخي الشفيع ابن المناضل سعيد الحزولي ..

كمان أكرر عزام من جينة خليل فرح .. مقدرة على أكتساب اللغة واجادتها
من أفضل أن تأخذه كنموذج في محاضراتك عن كوامن إكتساب اللغات عند الافراد ..

بوست مهضوم كثير ..

ياعلى
من اعاد لااربجى اسمها القديم هو المربى الجليل الاستاذ عبدالرحمن على طه اول وزير معارف سودانى بعد الاستقلال
والده على طه كان عمدة اربجى وكان تسمى عمارة الجعليين ونشب خلاف او احتجاج على تسميتها بعمارة
الجعلين لان سكان اربجى هم المساعيد والجعليين والبطاحين والمهم فى الامر ان آل على طه هم في الاصل
محس صواردة لذا دوما اردد ان كل القباب القديمة على ضفاف النيل الازرق هى لشيوخ محس كما هو معروف والصديق الباحث
البروف محمد المهدى بشرى تحدث في رسالته لنيل الدكتوراة في ادب الطيب صالح عن الغريب الحكيم قلت له بل الغريب الحاكم
بدليل المحس البقو عمد علينا نحن العرب في اربجى ههههههه

شكراً الامير بدرالدين .. على هذه المعلومة ..
سوف يكون مدار بحث وخيط للتتبع ..
لك التحية .. يا جميل .. واصل ..

Quote: شكراً الامير بدرالدين .. على هذه المعلومة .. سوف يكون مدار بحث وخيط للتتبع .. لك التحية .. يا جميل .. واصل ..

على
انت واحد من القلايل البجبرونى على الادب والتادب والانصراف عن ماهو انصرافى انا لو مافى واحد بيقرا لى غيرك فى هذا المكان لكفانى مثابرة وحرص على التجويد ما اكتب
وان اكون مسؤل امام ما اكتب واكتب بسؤلية
انت ياعلى ممننا ودى زى سلمان الفارسى مننا آل البيت وعلى وزنها برضو عزام النوبى بقى مننا عهههههه

Quote: انت ياعلى ممننا ودى زى سلمان الفارسى مننا آل البيت وعلى وزنها برضو عزام النوبى بقى مننا عهههههه

الامير بدر .. يا اخي نحن هنا في جدة زهجنا من الكفالات ..
يعني كفيل في السودان كمان ( لكن في نطاق أربجي ) .. إنتو في قطر كيف ؟؟
هنا نحن زي ناس سلمان وبلال رضى الله عنهم ..
إن شاء الله ندخل الجنة ..

يا بدر أنا لغتي العامية تعبانة .. حضور عزام واجب ..

تدوم الاخوة .. تعرف اليوم ما إشتغلت بريال واحد للكفيل وقتي كله في سودانيز والسبب هو البوست ده ..
ضغط ناس جدة كمان مرتفع الايامات دي زوار بالكوم وحجاج والسواكني اصغر حجم في الاعلانات 1500ريال
إنتو في قطر لا حج لا عمرة لا جميعات .. مرطبين

لكن يا أمير رغم هذه المعاناة (( بيجوا شيالين الوطن معاهم )) رطانه طول اليوم ( العربي في المسجد بس )

عزام أننقا .. إيلو .. مولانقي .. الترجمة ( عزام اخوي قرب شوية )

شكراً لامير .. إمتددنا كثير في البوست .. معليش ..

Quote: لكن يا أمير رغم هذه المعاناة (( بيجوا شيالين الوطن معاهم )) رطانه طول اليوم ( العربي في المسجد بس )

كدى ياعلى اتصل بى صديقتا الشفيع وخليهو يحكى لك نكتة دناقلا يارسول الله

يعني من اربجي !
والعمارة طه
ياخ طلعنا قرايب عديل كدة

Quote: يعني من اربجي ! والعمارة طه ياخ طلعنا قرايب عديل كدة

يا ابوسن
وهنا برضو يوجد خلط
العمارة طه مازالت العمارة طه بنفس الاسم وهى داخل مشروع الجزيرة
واربجى لفترة كانت تعرف بالعمارة طه وبعدها عمارة الجعليين ودى قصة تانية
كدى امش واسال الوجيه مرتضى ود اربجى

مرتضي وعand#65275; اخوهو
ولنا في اربجي اهل .. وهم اخوال ابناء عمي
فقد تزوج عمي من جعلي اربجي ثم تزوج اولاد بناته منها
وتزوجن بناته من اهل اربجي وتزوج ولده
وممكن اسأل فضل الله خالد

Quote: البروف محمد المهدى بشرى تحدث في رسالته لنيل الدكتوراة في ادب الطيب صالح عن الغريب الحكيم قلت له بل الغريب الحاكم بدليل المحس البقو عمد علينا نحن العرب في اربجى ههههههه

هاهاها..

دي ملاحظة مهمة منك يا بدر حا تدور لينا عزام شوية ..حكاية تحول "الغريب الحكيم" الى "الغريب الحاكم" ..

ولها شواهد :

يعني المحس زاتهم جدهم الكبير جاء من الخزرج وسكن شمال دنقلا وناسب النوبة واولادوا ورثوا اخوالهم .. وبقوا شيوخ دين وحكام..

ومحس الخرطوم وتوتي جو شيوخ دين وسيطروا على اراضي الجموعية وبقوا عمد الخرطوم وبري وتوتي ..

ومحس شرق النيل زحوا عرب البطانة شرقا وسيطروا على ضفة النيل الازرق الشرقية ناس العليفون وغيرهم..

وعندكم في اربجي كذلك مسكوا العمودية ..

لو ما كانوا منجضين اللغة العربية وماسكين في الدين سمح ماكانوا سيطروا..

لذا عزام حسن فرح اخير ليهو ينجض اللغة والدين .. ويسبوا من قصة "اللغة النوبية" ..هاها

تحياتي لكما

Quote: وممكن اسأل فضل الله خالد

ابوسن فضل الله خالد خالى

فضل الله دفعة وصديق شقيقي احمد أكبر البيت .. سكنوا سويا في الداخلية وتصادقا .. وجانا اكتر من مرة في كوستي وهو طالب .. واتعبونا بمراسيل الموية والشراب ونحن اطفال
يعرفني معرفة وثيقة
تحياتي له

ابوسن
خالد فى الرياض بالسعودية وزانا في الدوحة قبل فترة
طبعا خالد عجز وكركب والوجها ديك راحت ومليان بنيات واولاد

كان وجيه ومهتم بي شعرو وحنكوش
عارفو في الرياض وتوفي ليهو زول قبل كم سنة .. كلمني احمد اخوي ومشي ليهو في اربجي
عمي متزوج المرحومة ام نعيم الخضر بشير

ابوسن
مرتضى ابن عمى ماداير اكبرك واقول انت بتكون دفة ناس فايز الجمهورى كما نكنيه

فايز درسني في الابتدائي .. ومتزوج اسماء العبادي .. كان عنيف وجلاد جلد .. مرة ضرب طالب جلاهو قد سبورة الخشب
ههههه
عand#65275; الدين اكبر مني كتير والله
مرتضي من ظرفاء كوستي

Quote: واربجى لفترة كانت تعرف بالعمارة طه وبعدها عمارة الجعليين ودى قصة تانية

دي بلد شنو دي الما عندها اسم ثابت دي؟ والله اكان ذكرتني المتغير سين وصاد في الرياضيات
في النهاية
انت عربي ولو لبست البدلة وعزام نوبي ولو قرا لينا الحمدو بالقلبة
ياخي من زمن اتابع لي بوست تقدر تقول عليه مفيد

بدر الدين الامير التحية لك ولضيوفك الكرام

أها بعد ده كلو وصاحبنا ما ظهر
تعرف مشكلة الرطانه ديل شنو انو بيفكرو بالرطانه وبعد داك يترجموا بالعربي
وبعد داك اللسان يا جابا صاح ميه الميه يا ....

Quote: لو ما كانوا منجضين اللغة العربية وماسكين في الدين سمح ماكانوا سيطروا..

ديل نحن بنعتبرهم عرب مستعربة
ونحن البنصدر الصكوك مش جدنا قصى ابن كلاب

Quote: أها بعد ده كلو وصاحبنا ما ظهر

يايحى
الرطانى راقدلو فوق راى

Quote: دي بلد شنو دي الما عندها اسم ثابت دي؟ والله اكان ذكرتني المتغير سين وصاد في الرياضيات في النهاية

يابطحانى
هل تعلم ان اهلك البطاحين في اربجى تحولو المزارعين وتركو الابل والرعى كيف حدث ذلك افيدنا يابطحانى البندر

يا بدر ...(كيفنك) ...
طبعاً (كيفنك) دي بتاعت عزام ....
ياخي انا من البوست دا كولو ما يهمني ترسيخ كلمة (رطانة)
ننافح كنوبيين هذه الكلمة التي ادخلها العرب من قبيل الاستعلاء على اللغة النوبية
هي لغة نوبية كما رددها وصححها كثيرا الفرعون وردي لعلم الدين حامد
ومن قبله باحثون كثر منهم مكي علي ادريس الذي يستعد هذه الايام لاصدار قاموس للغة النوبية
لذا نحاول ان نشحذ همم المستنيرين من امثالكم نبذ هذه الكلمة وابدالها ب (نوبي)
هو رجاء وليس امر يا حبيب

Quote: هو رجاء وليس امر يا حبيب

طاهر
كيف انك
يعنى انتو يالنوبة تسخرو من عروبتنا وكمان تصغرها لعريبى ودايرننا نسكت ههههههه
ياسيدى لعلنى من المتابعين مع لمهتمين بشان اللغة النوبية منهم الاصدقاء الباحثين الشفيع الجزولى سعيد
والدكتور محمد هاشم جلال وكلمة رطانى هنا بنقولها من باب اللمالحة وغيظ الاصدقاء امثال عزام ياخى
عزام النوبى بشتمنا بالقران حقنا ههههههههههههههههه

Quote: ديل نحن بنعتبرهم عرب مستعربة ونحن البنصدر الصكوك مش جدنا قصى ابن كلاب ,,,,,,,,,,,,,,,,,,,,,,,,,,,,,,,,,,,,,,,و,,,,,,,,,,,,,,,,,,,,,,,,,, بدر الدين الأمير والزملاء المتداخلين والمعلقين هذا بوست من البوستات الظريفة جدا والممتعة بحق....وآسفة اذا دخلت بدون اذن.. انا ما عاوزة ادافع عن النوبيين او الرطانة كما يسميهم البعض هنا,, لأني ما نوبية ولكني عاشرت النوبيين واعرف خصالهم وعاداتهم السمحة ممثلة في صديقتي التوأم اميرة بنت مصطفى.. وشايفاك يا بدر الدين بتقول جدكم قصي بن كلاب.. وصديقتي المحسية بتقول ليك ان جدهم هو قس بن ساعدة فصيح العرب وخطيبهم ايام الجاهلية وصدر الإسلام . وهو الذي خطب في سوق عكاظ خطبته الشهيرة:" يا ايها الناس اسمعوا وعوا وإذا وعيتم فانتفعوا إنه من عاش مات ومن مات فات وكل ما هو آت آت، مطر ونبات وارزاق وأقوات وآباء وأمهات وأحياء وأموات جمع وشاتا وآيات وارض ذات رتاج ، وبحار ذات امواج ، ما لي ارى الناس يذهبون ولا يرجعون ، ارضوا بالمقام فأقاموا بالمقام أم تركوا هناك فناموا أقسم قس قسماً لا حانث فيه ولا آثماً ان لله دينا هو أحب إليه من دينكم الذي انتم عليه ونبياً قد حان حينه واظلكم اوانه فطوبى لمن آمن به فهداه ، وويل لمن خالفه وعصاه ثم قال تباً لأرباب الغفلة من الامم الخالية والقرون الماضية ، يا معشر إياد اين الآباء والأجداد واين ثمود وعاد واين الفراعنة الشداد واين من بنى وشيد وزخرف ونجد وغره المال والولد ، اين من بغى وطغى وجمع فأوعى وقال انا ربكم الأعلى، الم يكونوا اكثر منكم اموالأً واطول منكم آجالا وابعد منكم آمالأً فطحنهم الثرى بكلكله ومزقهم بتطاوله فتلك عظامهم بالية وبيوتهم خاوية عمرتها الذئاب الخاوية ......."" معقولة يا بدر الدين ناس جدهم من يقول مثل هذا الكلام ما يكونوا فصيحين في العربية .... واذا جينا للحق فإن هناك أدباء وكتاب نوبيين يكتبون باللغة العربية الفصيحة بنفس مقدرة كتابة شكسبير باللغة الإنجليزية الفصيحة.. ودمت بألف خير وصحة وعافية

---

Post: #47 Title: Re: عـــــزام فرح حا اكرر التجربة معك Author: علي عبدالوهاب عثمان Date: 09-29-2014, 06:30 PM Parent: #46 الأمير الحبيب .. أعرف أنك من عشاق المرحوم مصطفى سيداحمد وكمان حميد .. عشان النوبية عمق لدى حميد ومصطفى سوف آتي بمثال عبارة نوبية ( كون شبر ) يغتي غشان تفهم حميد وتطرب لاغنية مصطفى لهم الرحمة لابد ان تستنجد بالشفيع وعزام لك التحية وهذه هدية نوبية مني إليك بمناسبة عيد الحج والاضحية : سمسونايتك زمزميى كون شِبِر .. طوريى .. مُنجَل سِبحِى .. فانوساً مدردح ومن شاهقات المدن والاسامي والاشكال الاجنبية ومقتنياتهم الحديثة ربما عرف حميد التربال إسم السمسونايت وجعلها رمزية هنا لتوضيح علاقة ادوات العمل بين كل من تلك التربالة وتلك الحسناء المدنية فهذه تقتني السمسونايت وهي رمزية عن قبح العالم الصناعي .. وتلك تقتني زمزمي .. كون شبر .. طوري .. منجل .. سبحي فانوس .. وهنا تلاحظ حميمة العلاقة بين التربالة وادوات العملوبعض مقتنياته .. حتى تنتهي بتلك السبحة وهي رمزية ذكر الخالق عز وجل ودليل على التمسك بالقيم .. بينما لا يسحب نفس الوصف العميق على تلك الحسناء الاخرى لأن ثقافة المدن مختصرة في ( شارع وبشر وفضاء ضيق وسماء بلا نجوم وقمر ..الخ) والمقارنة ما بين حملة السمسونايت رمزية التطور وحياة المدن ورمزية السبحة والطورية والمنجل والكون شبر فيها مدلولات قيمية وانسانية .. ولكن اليوم اصبح هناك اندماج ما بين السمسونايت والمنجل والطورية والكون شبر لأن الزراعة اخذت منحى التكنولوجيا والبيوت المحمية وما عادت كوديك وطورية ومنجل ومن هذه الرموز التي ذكرها شاعرنا (كون شبر ) بالرجوع الى المصطلحات النوبية التي تناولها اهلنا الشوايقة واضافوا اليها جمالاً ولحناً ومعنى وقيمة وحملوها بأنغامهم الجميلة الى كل انحاء القطر الواسع وبها ادرك بعض المهتمين بهذا النوع من المفردات وقاموا بتأصيلها لخلق نوع من الترابط بين النوبة والقادمين عليهم . ولفظ ( كون شبر ) في النوبية هو ( كوديه شبر ) وهي عبارة مقطف (قفة) من سعف الدوم في الغالب .. ومنها نوعان .. نوع صغير يمكن للمزارع يعمل بها في حفر ( الكوديك بالعربية ) اوالكوديه بالنوبية هو الجدول الذي يربط الساقية بالنهر وفي فصل الشتاء يحتاج ذلك الجدول الى حفر يومي مع الصباح الباكر وهنا يستخدم المزارع ( كوديه شبر) لنقل التربة او الطين خارج الكوديه ويمكن استخدامها في مهمات اخرى داخل المزرعة .. والنوع الاخر هو على شكل قرطاس او مخروطي الشكل مفتوح من الاسفل وحجمه اكبر ويستخدم في نقل التربة من مكان الاخر ويمكن ان يستخدم ظهر الحمار او الجمال في بعض المناطق ويتم تفريغها دون انزالها وهي غالباً ما تكون معلقة في عارضة خشب واحدة من اليمين والثانية من اليسار ويكون مفتوح من المؤخرة ويتم سحب قطعة القماش وتتدفق التربة ويتم التفريغ .. وفي السابق كان ( كوديه شبر ) يستخدم في ردم الجدول الرئيسي الذي يفصل بين السواقي وهو الحدود بين الساقية والاخرى ( ملتي ننودي) او الجدول الضكر مثلما ينطقها بعض الاعمام الناطقين بالعربية .. وعندما يذكر شعارنا ( كون شبر ) ويقصد به ( كوديه شبر ) فهو رمز للخير واحدى المعينات التي يحتاج اليها المزارع طوال يومه .. للردم وجلب التراب من اطراف الساقية .. ولا يغير كثيراً من معنى الكلمة او حتى حروفها عندما تحول من ( كوديه شبر ) الى ( كون شبر ) وكما ذكرت في السابق فإن التنغيم باللسان الشايقي هو اضافة جمال وموسيقى للكلمات النوبية وتعميمها الى كافة الوطن ..

---

Post: #48 Title: Re: عـــــزام فرح حا اكرر التجربة معك Author: بدر الدين الأمير Date: 09-29-2014, 09:13 PM Parent: #46 Quote: وصديقتي المحسية بتقول ليك ان جدهم هو قس بن ساعدة فصيح العرب وخطيبهم ايام الجاهلية وصدر الإسلام . وهو الذي خطب في سوق عكاظ خطبته الشهيرة:" الف مرحب باميرة وصديتها المحسية يعنى يا المحسيىة خلاص قنعتو من الحضارة النوبية العمرها سبعة الف سنة كماتقولون والاهرمات ووالخ وجاين تتلصقو قس بن ساعدة غايتو الله شافك كونو صحبى الامير الكوشى بشاشة مافى مشى يلقط الدورات وعزام حردان المنبر كا جو مرقوك من الجنة وسقطها وشبكوك نوبية نص كم ومستعربة وباقى الديباجات شخصيا في تقديرى لايوجد سودانى كائن من كان فى دمه نقطة واحدة لدم عربى واى سودانى ماعندو لغة غير العربية دا بكون جابتو لقمة العيش بس لو صح قولك ان جدكم قس بن ساعدة الموحد الفيلسوف الفصيح وهو من اوائل العرب الاعتنقو المسيحية وسابها وبعد داك بقى مستنى ان ياتيهى الوحى بل كان مقتنع تماما بحكم اطلاعه الواسع بالاديان انه النبى القادم بس الوحى ماجاهو ولله في خلقه شؤن بكدا بفهم انتو ليش وقفتو الاسلام في الباب منعتوهو من دخول السودان ستمائة سنة وبتدفعو الجزية عناد وحسادة ههههههههه تحياتى ومحبتى للاميرة المحسية وللاميرة الجعلية اهو خوف ساكت قدما الاميرة المحسية على ستها الجعلية ههههههههههههههههههههههه

---

Post: #49 Title: Re: عـــــزام فرح حا اكرر التجربة معك Author: عبد الله شم Date: 09-30-2014, 06:10 PM Parent: #45 Quote: عـــــزام فرح حا اكرر التجربة معك عنوان البوست ووجود اسم عزام فيه دلالة واضحة على شكلة لا رب السماء بس طلعت سليمة لوم وعتاب واستفزاز حميد للعودة مجددا للمنبر عزام رغم قساوة حرفه الا انه يكتب ما يحس به دون مواراة او خجل تحياتي له ولك يا بدر الدين ولعه يعود

---

Post: #56 Title: Re: عـــــزام فرح حا اكرر التجربة معك Author: بدر الدين الأمير Date: 10-03-2014, 08:17 AM Parent: #45 Quote: المُسْتعرِب بدرالدين الأمير.. تقول: [(...) عن الغريب الحكيم قلت له بل الغريب الحاكم بدليل المحس البقو عمد علينا نحن العرب في اربجى] (إنْتهى) ــــــــــــــــــــــــ وضعك في "أربجي" كفرد مِن رعايا الحاكم النوبي، أفضل مِن إذا عُدت إلى بكة كعبد عزام الرطانى انت وكت عندك راى جنس دا ماتجى تقوله بالدرب مالك بتاوق من الشباك

---

Post: #50 Title: Re: عـــــزام فرح حا اكرر التجربة معك Author: الرشيد السر البخيت Date: 09-30-2014, 06:51 PM Parent: #1 بوست جميل: اجمل ما فيه هو محاولة للنحت حول ان الموضوع هو العلاقات التاريخية بين قومية الجعليين والوسط وقومية النوبيين. لانه اى عمل فى الاتجاه دة سيؤدى الى نتيجة حتمية وهى الاصل الواحد للقوميتين. لا يصح الاستناد على التقسم القبلى الحالى لبناء تصورات عن اصول مختلفة للسودانيين لان التقسم القبلى حديث نسبيا مقارنة بى تاريخنا ككوشيين افارقة فى وادى النيل. الجعليين والنوبيين والبجا واخرون كلهم كوشببن ولا وجود لفروقات الا فى نقص معلوماتنا وتوهاننا عن هويتنا وتاريخنا الحقيقي. كنتيجة لاستنادنا على انتاج المركزية الاوربية والمصرية والعربية. الاستاذ على عثمان: من المتابعين لطرحك حول اللغات النوبية والعربية : اتمنى ان تقدم اعمالك دى فى دراسات وكتب تنشر للفائدة العامة.

---

Post: #51 Title: Re: عـــــزام فرح حا اكرر التجربة معك Author: خالد حاكم Date: 09-30-2014, 07:07 PM Parent: #50 Quote: لذا عزام حسن فرح اخير ليهو ينجض اللغة والدين .. ويسبوا من قصة "اللغة النوبية" ..هاها Quote: تعرف مشكلة الرطانه ديل شنو انو بيفكرو بالرطانه وبعد داك يترجموا بالعربي وبعد داك اللسان يا جابا صاح ميه الميه يا .... ؟؟؟؟؟؟؟؟؟؟ !!!!!!!!!!!!!!!! سلام يا بدرالدين الامير

---

Post: #52 Title: Re: عـــــزام فرح حا اكرر التجربة معك Author: عبد الله شم Date: 09-30-2014, 07:10 PM Parent: #50 Quote: الجعليين والنوبيين والبجا تعرف التلاته ديل بعد اقل من مائة سنة فقط لن تجدهن بتسميتهم الحالية لن تجد جعلي لا يتربط ارتباط من الدرجة بالبجا والنوبيين والعكس كذلك ستجد من يشاتر ليسئ لاحد القوميات ليدافع عنها بن عمه لان نصفه من القومية التي يسأ لها والمسئ له يكون نصفه من هذه القومية وووو مرحب بيك يا السر

---

Post: #53 Title: Re: عـــــزام فرح حا اكرر التجربة معك Author: الرشيد السر البخيت Date: 09-30-2014, 07:35 PM Parent: #1 حبابك يا استاذنا عبدالله شم: فى رايي انهم فى الاساس من اصل واحد . الاشكال فى نقص المعلومات وفى التعصب المبنى على النقص دة: وفى استنادنا على اعمال وكتابات وضعت بعناية لانتاج التشرذم الحالى.

---

Post: #54 Title: Re: عـــــزام فرح حا اكرر التجربة معك Author: علي عبدالوهاب عثمان Date: 10-01-2014, 08:15 AM Parent: #53 الامير بدرالدين .. انت بقيت أخطر من ملاسي في جذب الناس الى بوستاتك .. الامير هي دي الطريقة السودانية كلما إرتفعت درجة الاخوة بين الناس كان الهظار خشن والعكننة من نوع الثقيل لأنك واثق من اخاك او صديقك سوف يتحمل .. هذه الممارسة حقيقة ثابتة في مجالسنا في القرى والمدن .. ودليل على قوة الرابط الاخوي Quote: عزام رغم قساوة حرفه الا انه يكتب ما يحس به دون مواراة او خجل نعم صدقت اخي عبدالله شم .. هكذا عزام .. مباشر وبدون دبلوماسية .. أخي الرشيد .. التواصل للغوي بين مكونات الوطن مهم لأنه يوجد ويجمع ولدي مشروع كتاب .. وإذا كنت في جدة سوف تكون هناك ليلة بحثية بعد العيد إن شاء الله عن ( قراءة نوبية في شعر حميد ) في فندق نباريس ( مبادرة من أبناء محلية دنقلا ) وابناء محلية مروي .. الدعوة لك للحضور رقم الجوال في البروفايل ..

---

Post: #55 Title: Re: عـــــزام فرح حا اكرر التجربة معك Author: بدر الدين الأمير Date: 10-01-2014, 07:13 PM Parent: #54 Quote: بحثية بعد العيد إن شاء الله عن ( قراءة نوبية في شعر حميد ) في فندق نباريس ( مبادرة من أبناء محلية دنقلا ) وابناء محلية مروي .. الدعوة لك للحضور ياسلام ياعلى الشعر موسيقى والموسيقى عالم تجريدى والحروف نغمات تتوحد بنوتت التضاد من المعروف في الموسيقة اى حرف فيها هو ضد الحرف الاخر لكن حين تتوحد بقانون النوته تدينا ذلك العالم الجميل الاسمو الموسيقى حاسدكم على هذه الجلسة الفريدة والمتفردة وشخصيا الشعر عندى فن مسموع اكثر من مقروء وانا بطرب جدا جدا حين اسمع الشفيع الجزولى يلقى الشعر الدنقلاى والشفيع عندو موهبة فى فن القاء الشعر الدنقلاوى وكثيرا ما اقوليهو عليك الله القى شعر بالرطانة رطانتكم ياعلى المسحناها نحن بدينا ولغتنا هههههههه طبعا ياعلى العيد قرب واليومين ديل انا حارس الشربوت واخوى الكاش الرطانى عزام ولانه مستلب ومتزوج من اتنين جعليات مابقدر يجيب سيرة الدكاى ولوجابها حايطرد في الحين تصدق لمن يشتهى التركين بمشى لاختو نازك بالدس ويقول لزوجاته انو ماشى لبدرالدين الامير وهن كونو ماشى لود اعمهن فهو في يد امينة وبرضو انا مستنيهو يجى بالدرب لهذا البوست بس مابقدر يجى .....