Post: #1
Title: النيابة تأمر بالقبض على بكرى ابوبكر مدير موقع سودانيز اون لاين
Author: مزمل خيرى
Date: 09-23-2014, 09:49 AM
Parent: #0
امرت نيابة الجرائم المعلوماتية بالقاء القبض على امين موقع سودانيز اون لاين
حسب ماجاء بصحيفة السودانى الصادرة اليوم
|
Post: #2
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: عبد العزيز محمد عمر
Date: 09-23-2014, 09:52 AM
Parent: #1
تحياتي مزمل
هل توجد تفاصيل ...؟؟
|
Post: #3
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: مزمل خيرى
Date: 09-23-2014, 10:03 AM
Parent: #2
http://www.0zz0.com
|
Post: #4
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: أيمن محمود
Date: 09-23-2014, 10:15 AM
Parent: #3
سودانيزاونلاين دوت كم والا سودانيزاونلاين دوت اورغ؟
|
Post: #5
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: محمد البشرى الخضر
Date: 09-23-2014, 10:21 AM
Parent: #4
سودانيزاونلاين.كوم يا ايمن ست الإسم زاااااااتها
دا قالوا ولد!!
|
Post: #6
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: أيمن محمود
Date: 09-23-2014, 10:35 AM
Parent: #5
يا محمد البشرى طبزتها في حتتين:
1. ضيقت واسعاً ( الخبر لم يحدد ياتو سودانيزانلاين فيهن ... قمت كتمتها في دوت كم)
2. وسعت ضيقاً ( جيبتك للرابط والماشاف حا يشوف وساهمت في المزيد من انتهاك خصوصية البت دي)
ثم ... 
|
Post: #7
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: الهادي ابوبكر
Date: 09-23-2014, 10:40 AM
Parent: #6
إذا صح إن المطلوب المنبر بتعنا ده !
هل المطلوب بكري شخصيا أم صاحب البوست ؟
|
Post: #10
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: محمد البشرى الخضر
Date: 09-23-2014, 11:56 AM
Parent: #6
أيمن محمود قوم لف :)
|
Post: #8
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: أيمن الطيب
Date: 09-23-2014, 11:00 AM
Parent: #5
سلامات يا مزمل,,
بكرى أبوبكر بقول المكتوب والمنشور هنا على مسؤولية كاتبه و ناشره,, شخصيا ما فاهم هل دا بيخلى مسؤوليتك تماما أم
مسألة إنو أنت من وفر الوسيلة قد تلقى عليك بعض المسؤوليه,,
على كل حال لا بد من وجود ضوابط وحدود وخطوط لأنه الواضح إنو إساءة إستعمال التكنولوجيا وصلت للعب بأعراض الناس
والتعدى على حرماتهم والدليل القدامنا دا وأدلة أخرى كثيرة رأيناها هنا وليست صورا فقط بل صور وكتابات وإتهامات
تسئ لأبرياء وتعرض اسر للتفكك والمشاكل ..
ياخ العالم بقو يشيلو ويغرفو من الواتساب والفيس بوك وأو أى موقع تانى ويجى يكبو هنا!!!
بدون تفكير بدون تأكد وبدون منطق زول كبيييييييير يخم كلام جابو ليهو زول هو زاتو ما عارفو
منو ويقرر إنو ينشرو على آلاف الناس والقراء والمشاهدين وغالبا ما يوجد تعدى أو إنتهاك
فيما ينشره ولكن يكون الضرر قد وقع!!
تحياتى
|
Post: #9
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: بريمة محمد
Date: 09-23-2014, 11:15 AM
Parent: #8
بكرى أبو بكر ما عليه مسؤولية .. لوائح المنبر تبرئه ..
بريمة
|
Post: #11
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: سيف النصر محي الدين
Date: 09-23-2014, 11:58 AM
Parent: #9
ياخ السودان كلو ممثلا في مجموعات الواتساب التي لا يهدأ النشاط فيها
لا بالليل و لا أطراف النهار أتبادل الصور دي و علق عليها!
الناس ديل لو جادين يمشوا يفتشوا اول زول نشر الصور دي و غالبا هو شخص معروف
لديهم.
ثم الصور الشفناها ما كان فيها اي شعر طويل :)
|
Post: #12
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: حمد عبد الغفار عمر
Date: 09-23-2014, 12:37 PM
Parent: #11
أنا من أول يوم ما اقتنعت بقصة ولد دي
طيب بعد التحقق من أوامر النيابة يلزم أعتذار كبير يناسب ما حدث من أضرار من كاتب البوست ومن بكري يسلم شخصيا لأسرة المتضررة
ويُنشر هنا وعبر الفيسبوك والواتسب والصحف نفيا للحادثة وتبرئة لجانب سودانيز.
بس السوداني ومن أجل مصداقة أكثر كان تنشر أوامر القبض مع الخبر إمكن هي ذاتا كايسة الإثارة وبس
|
Post: #13
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: محمد المسلمي
Date: 09-23-2014, 01:00 PM
Parent: #12
| Quote: ثم الصور الشفناها ما كان فيها اي شعر طويل :) |
يادكتور سيف النصر قالو ليك الصورة قبل سبعة سنة (
____________
وده بلاغ اعمل من البت دي نائم (
|
Post: #14
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: ذواليد سليمان مصطفى
Date: 09-23-2014, 01:01 PM
Parent: #12
ولماذا لا يتم امر قبض لمؤسس الفيس بوك؟
وهذه اكبر كارثة
|
Post: #15
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: منتصر عبد الباسط
Date: 09-23-2014, 01:55 PM
Parent: #14
والغريب أن كاتب البوست ...(التطفلي) يدعي الديمقراطية والعلمانية؟!!!
نحن لا لاقينها من أدعياء للدين يجهلون ما فيه من قيم انسانية فوق التصور ولا من أدعياء للحرية والديمقراطية كذباً
|
Post: #16
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: جمال ود القوز
Date: 09-23-2014, 02:32 PM
Parent: #15
وهل صاحبة الصورة التي وضعت صورتها في وسائط النت ..
والمعروف أنها لا خصوصة فيها ..
ماغلطانه !!! ..
كان غلطانه ..
لازم تتحمل نتيجة خطأها ..
ومابحلها كان تشتكي بكري ..
ولا تشتكي غيرو ..
زماااان تحدث الناس ..
عن موضوع الصور الخاصة ..
ونشرها في النت والتعامل بعفوية في هكذا أمور ..
يعني انتفت الجهالة وعدم العرفه ..
وبعد ما تقع الفاس في الراس ..
يجيك الواحد يس###### ويقول ليك خصوصيتي .. وبتيختي ..
هنا مافي خصوصة .. ولا يحزنون ..
وبرضو مافي يمه ارحميني ..
هنا في ناس بتسوط وتكوجن ليل ونهار ..
ومفهوم الصاح والغلط ومنظومة الاخلاق ..
دي كلها حاجات تخضع للتقدير الشخصي ..
والتوازن النفسي للفرد .. وفهم الناس لها جد متباين ..
وكمان في هناك المرضى النفسيين وما أكثرهم ..
والباحثين عن الاثارة ..
وفشاشين الغباين واللاعبين بالاعراض ..
عييكـ يمين قائمة لا ليها أول لا ليها آخر ..
زماان قالوا البلعب التح ..
مابقول أح ..
فلتدع فلانة دي عنها حكاية خطيبي خلاني ..
وراجلي طلقني .. وتشتكي بكري ..
ده كلووووو .. مابحلها ..
وكلو تحصيل حاصل ساي ..
الصورة في النت تشابه الكلمة ..
وكلاهما كالطلقة ..
ان مرقت من ماسورة بندقية ..
مافي زول بيقدر يرجعوها ...
ولا حيعرف مداها المحتمل.كمهو .
ولا يستطيع تحديد مدى الضرر الممكن تسببو ..
يبقى التخم وتصر ..
|
Post: #17
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: وضاحة
Date: 09-23-2014, 02:40 PM
Parent: #16
Quote: وهل صاحبة الصورة التي وضعت صورتها في وسائط النت ..
والمعروف أنها لا خصوصة فيها ..
ماغلطانه !!! .. |
دا كلام سليم
هى ما حافظة على خصوصياتها كيف عاوزة الغير يحافظ عليها
وبعدين خطيبها دا بكون ببحث عن سبب لانوا لو صحيح بحبها وبثق فيها وعارفة هى شنو لو ضبحوا ما بخليها
لكن شكلوا ما صدق لقى لى سبب
فالوا غار غير ماسوف عليه
وبكرى مسكين يلقها من وين ولا من وين منتدى زاتوا بقي عامل زى السراي الصفراء لامى كل طيف
|
Post: #18
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: جعفر محمد امام
Date: 09-23-2014, 03:29 PM
Parent: #1
المتداخلين و صاحب البوست
سلام عليكم
اخونا / بكري ابوبكر بتحمل جزء من مسؤلية نشر المادة الواردة في اي بوست
سواء كانت مصورة او منقولة او مفبركة ، و مسوليته بتنتهي بعد ان يبلغ السلطات ببيانات مقصلة عن صاحب المادة المنشورة
او المفبركة الا اذا كان هو من نشرها بشخصه وهي مسؤلية اقرب لمسؤلية رئيس تحرير الصحف الورقية ( يعلم او لديه العلم او يفترض به العلم )
و ما موجودة من تنبيه بعدم مسولية الموقع عما ينشر بستوجب الافصاح عنه و الا بعتبر مشترك في الجريمة اذا تحقق وقعها باجراءات قضائية
و حتي النقل من الفيس بوك او اي موقع اخر ما بكون عزر للاعفاء من المسولية لانو تحقق الضرر بكلا الحالتين و يجوز كما
تعرفون ان تطلب السلطات القضائية في اي دولة من ادارة الفيس بوك اي بينات لصاحب صفحة متي ما تحققت ( ادارة الفيس بوك )
من ان النشر يشكل او شكل او سوف يشكل جريمة
نهايتو
ما اظن الجميع لا يدرك ذلك و ما حدث مع بعض الاخوان هنا بذات الخصوص عنكم ببعيد
|
Post: #19
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: muntasir
Date: 09-23-2014, 04:03 PM
Parent: #18
ود البشرى انا لو محل بكري بعلق لي بوست في المنبر فوق يكون عنوانه ودالبشرى وكيل سودانيزاونلاين بالامارات والسودان
ياخ في بوست تاني بتاع شيشه في الفاشر بس انت حالف تركب قطر الليبرالية
|
Post: #20
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: منتصر عبد الباسط
Date: 09-23-2014, 05:56 PM
Parent: #19
على الأخ بكري سحب البوست محل الإشكال الأن لضرورة إنسانية ...
ومن باب حب لأخيك ما تحب لنفسك وأكره له ما تكره لنفسك.
|
Post: #21
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: Alshafea Ibrahim
Date: 09-23-2014, 06:21 PM
Parent: #20
وكما ذكر البعض
كل من يفرّط في خصوصايته عليه أن لا يتوقع من الغير الحرص والصون..
وعليه أن يتحمل آثار ذالك الإهمال والتفريط ... ومنفردا .. لا نيابة ولا يحزنون ...
ويا بكري قشة ما تعتّر ليك دربك أخضر ..
عيدكم سعيد
الشفيع
|
Post: #22
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: أحمد أبكر
Date: 09-23-2014, 06:25 PM
Parent: #20
الناس القالوا انو البنت دي هي الغلطانة لانها انتهكت خصوصيتها بنفسها عندما نشرت صورتها في الفيس بوك
نقول لهم انتو راكبين القطر الغلط
التهمة ما في نشر صورها في الواتس أب او سودانيز او غيرو
التهمة في الافتراء عليها و نسج القصة كلها بأنها
ولد وتم القبض عليها وين و وين و كيف و كيف ... الخ
يعني انتو عايزين تقولوا انو الناس الوضعين صورهم في بروفايلاتهم
هنا في سودانيز ديل بيعرضوا خصوصياتهم للانتهاك؟
|
Post: #23
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: محمد البشرى الخضر
Date: 09-23-2014, 08:20 PM
Parent: #22
تمام يا ود ابكر, الواحد بسعد باتفاق افكاره مع عميق - الحقوق للبروف حياه الغمام - مثلك
من يعيب على الفتاة نشر صورتها في "صفحتها الشخصية" في الفيس بووك, لا حظ صفحتها الشخصية يعني خصوصية كاملة الدسم
لأن هناك مرضى وكذّابين وفسّاق وإمّعات وكثيرين عقولهم في آذانهم كمن يعيد ذلك القول المأثور المريح للضمير عندما تشاهد حادثة تحرش بفتاة في المواصلات : هي القاليها امرقي منو, ما تقعد في بيتها!!
عيب والله ...
لوم الضحية و غض النظر عن من سرق صورتها ابتداء ثم كذّب فيها و الطامة الكبرى عن من يفترض فيهم الوعي و المعرفة و التبشير بالحقوق ورغم كل ذلك قاموا بترويجها و التعليق عليها و السخرية
في سودانيزاونلاين هذه ليست المرة الأولى ولن تكون الأخيرة, طالما الناس مدية عقولها إجازة ومستعدة تصدّق اي فاسق يأتي بنبأ ولا محل لتبيّنوا من الإعراب !
وطالما الناس حساسيتها معدومة في مسألة الخصوصية دي خاصة إذا كان في الأمر "فرقة" نضال و نيل من الحكومة لا يهم من سنالهم هذا النضال المزعوم ولا هل لديهم اسر و اقرباء يتاثرون أم لا
يا منتصر قطار الليبرالية طاير مالي بيه, يكفيني كارو إتسّاقي في بحر التناقض المخجل دا :)
|
Post: #24
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: حسين عمر الفكي
Date: 09-23-2014, 09:05 PM
Parent: #23
Quote: بكرى أبو بكر ما عليه مسؤولية .. لوائح المنبر تبرئه ..
|
|
Post: #25
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: صديق الموج
Date: 09-24-2014, 04:36 AM
Parent: #24
ما يقبضو كان قابضنه ابو صلعه ده
ننزل بوست اطلقوا سراح المناضل بكرى لما يفكو وخلاص!!
لوووووووووووووول،،،
|
Post: #26
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: عباس الدسيس
Date: 09-24-2014, 06:14 AM
Parent: #25
Quote: ما يقبضو كان قابضنه ابو صلعه ده
ننزل بوست اطلقوا سراح المناضل بكرى لما يفكو وخلاص!!
لوووووووووووووول،،، |
اوامر القبض بتاعت النيابة بقت زي الشيكات الطائرة
موضوع بكري بتاع الصورة خلو عملو شنو في الصادق المهدي وبتو بتاعين الجرائم البتودي حبل المشنقه
جرائد السودان عايزة مادة وموضوع كلام جرائد كما يقولون
|
Post: #27
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: وضاح عبدالرحمن جابر
Date: 09-24-2014, 06:24 AM
Parent: #25
الموضوع ده فيهو ملاحظتين
الاولى : الناس بتتسرع فى نشر كل ما يصل ليها وبالتالى بتكون شريكة فى نشر الاشاعات
التانية : مسألة وضع الصور (شبه) الخاصة جدا .. والخاصة جدا .. فى الفيسبوك وغيره .
ليه يعنى ولزومو شنو الناس تخت صورها وهى بتتحنن وهى بتحلق وهى وهى وهى ..الخ .. خصوصا اذا كانت بتضرر من نشرها على نطاق واسع
ومسألة قروب خاص وصفحة شخصية وووووووو كلها ما بتحمى ولا بتمنع انو الصور تتنشر .
غايتو اى واحد .. يخت صورة فى موقع الكترونى .. ممكن تسبب ليهو مشكلة اذا اتنشرت ..يكون غلطاااااااااان
|
Post: #28
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: kamal omer
Date: 09-24-2014, 06:51 AM
Parent: #27
الحاجة البتحير في الناس البتقول غلطان البيضع صورتو ، و يتحمل نتايج عملو ده !!!
ليه يعني عشان بت ؟
المفروض اليتحمل نتائج عملو هو الشخص البيستخدم صور ناس تانين لأغراض سيئة و كمان بي قوة عين ياخدا يقشر بيها و يألف حولها قصص .
الحاجة التانية كمية السخرية و التعليقات السخيفة الاتكتبت لما قالوا البت دي ولد ، و الأعمى جا شايل المكسر
أها الناس دي حا تنتقد نفسها ، أو على الأقل تقول نحنا غلطنا ، و لا حا تعمل رايحة ؟
-----
الناس قالوا أي شخص من حقو يلجأ للقانون عشان ياخد حقو ، و في ناس طبقوا الكلام ده عملي ، فا البت دي شافت إنها تضررت و لجأت للقانون مش من حقها برضو ؟
على الأقل يا خي الناس تتردع لو ما استحت شوية على دمها
|
Post: #29
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: Mohd Ibrahim
Date: 09-24-2014, 07:33 AM
Parent: #28
يااخوانا بعض الاخبار التي ترد في هذة المواقع وحتي سودانيزاون لاين يتكون ذي القطيعة او الونسة بين الناس لكن علي مستوي اكبر ..في واحد يقدر
يحاسب زول قطع في زول حتي لو في شهود ماهو كلام في الهوا واذا كان بالمنطق دا اي زول جاهو الواتساب وقام رسلو لي زول تاني مفروض يتحاكم
دي واحدة من مساؤي التكنولجيا وكيفية استعمالها ممكن واحد تاني يكتب قصيدة في جمال البت دي ودا يكون سبب في شهرتها ويبخطبها خمسية زول
انا شايف انو كونو خطيبها فرتق لي صالحها لانو فعلا راجل بفركش عشان سبب ذي دا مازول مستقبل !!!!وما مفروض تندم عليو ..العقاب الذي سنينالة
صاحب البوست هو عقاب معنوي حيث لن يصدقه احد مرة اخري وبكري ليس لدية اية مسؤولية تجاة هذة الحادثة وماتفعلة النيابة هو دليل علي عدم المامهم
بقوانين الشبكة العالمية ......
|
Post: #30
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: Asim Fageary
Date: 09-24-2014, 09:45 AM
Parent: #29
انا غايتو شايف مناقشة موضوع زي دا هو تبديد للوقت والجهد .. غلا من باب التسلية والتعبيرات الطريفة
أما موضوع الخصوصية هو متين في المجتمع السوداني الخصوصيات بتتراعى .. دا إلا أي واحد يبقى عشرة على خصوصياته !
بعدين لو الصورة دي صورة بت ما فيها حاجة
لو صورة ولد يكون يعني ولد شــأذ وهو حر في إختياراته لكن المفروض يراعي مشاعر المجتمع اللي هو فيهو
عشان كدا قلنا الحاجات دي بتحكمها الرقابة المجتمعية أكتر من القوانين علمانية كانت أم دينية
ثم قوموا إلى أعمالكم يرحمكم الله
|
Post: #31
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: الهادي ابوبكر
Date: 09-24-2014, 10:26 AM
Parent: #30
يا جماعة معليش اسمحو لي بي مداخلة تانية
بالله البوست بتاع اخونا / قصي محمد عبدالله
ويدعو فيه بوضع صورهم الشخصية في البروفايلات
http://www.sudaneseonline.com/board/470/msg/1411096424.html
رجاء ربطه كجزئية يجب الرجوع اليها لاثبات الحالة دي وحالات كتيرة مشابهة، اقربها للاذهان صور اخونا التاني وائل حمزة وما فعل بها
يا جماعة ما ممكن انا اخت صور شخصية وعائلية في شبكة ما معروف نهايته من اولو واجي بعدين الوم الناس انهم انتهكو خصوصياتي
واظن ان الفيس فيه خاصية الخصوصية دي وواضحة جدا، بس في كتير من المستخدمين ما بينتبه لي الحاجة دي.
عليه اعتقد ان البنية دي هي اول ما انتهك خصوصيتها بنشرها صور خاصة في صفحة مفتوحة في شبكة مترامية الاطراف.
|
Post: #32
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: ABUHUSSEIN
Date: 09-24-2014, 10:36 AM
Parent: #30
ثقافة احترام خصوصيات الناس دي عند السودانيين غير موجودة و المنبر خير مثال...
ناس الشمارات و حب البعض لكشف عورات غيرهم هو الدافع لي ختف الكثيرين اي شئ بسرعة لكسب السبق في النشر
سكوت بكري عن نقل الزبالة للمنبر و الاكاذيب طمعا في كسب المزيد من الكلكات ... نعم جاتو كلكات ناس الشمارات و فقد كلكات الباحثين عن الثقافة و المصداقية ...
خسارة كبيرة جدا للموقع ارتباطه بي حدث بهذه القذارة و دي حا تفقد الموقع المزيد من القراء المهذبين المستنيرين و المتعلمين
و بالمقابل حا يكون قبلة لي ناس الشمارات
|
Post: #33
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: محمد البشرى الخضر
Date: 09-24-2014, 10:52 AM
Parent: #32
لا زال الطعن في ضل الفيل مستمرا و القاء اللوم على البنت في نشر صورتها في (صفحتها الشخصية) لاحظ الشخصية في الفيس بووك
الموضوع هنا مش قاصر على تطفل على صورة شخصية الموضوع نسج اكذوبة هائلة و تصديق الناس لها وترويجها وجلبها من الواتساب للمنبر بدون تثبت من الحقيقة ولا حتى تريّث
ثم كما ذكر الخ كمال التعليقات الساخرة و الأغرب نسب الموضوع للحكومة و اعتباره ثغرة للنيل منها!!
ثم يا خوانا التحجج بان الموضوع اتنشر في الواتساب ليس مبررا لنقله للمنبر كأن الضرر اصلا وقع
الواقع أن الواتساب لازال محدودا مقارنة مع الفيس بووك و يخضع للمعرفة و مداها ومدى رفع الكلفة و شبكة الشخص و اصدقائه
انا شخصيا اول مرة رايت الصورة هنا وأول مرة سمعت عن أو رأيت فيديو السكران الي اتهم به الوزير هنا
وكذا عن فيديو الشباب يغتصبون الحبشية و رسائل التشاتم وغيرها
فا الناس حقو تبطل نقل الواتساب وما فيه للمنابر العامة هذا مجرد نشر للفضائح و الرذائل مهما تحجج البعض بأنه مناقشة وتعرية للظواهر
في النهاية من ارسل لك في الواتتساب يعرفك وبينك وبينه العلاقة تسمح بالتبادل لكن المنابر العامة يختلف الأمر
|
Post: #34
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: hassan bashir
Date: 09-24-2014, 12:04 PM
Parent: #33
نصيحة خالصة للإبنة المتضررة
باعتبار أنو the damage is already done
فلن يفيدك استصدار امر قبض بحق أي شخص ساهم - حسب وجهة نظرك - في نشر القصة المفبركة والصورة حتى لو كان ذلك بصورة غير مباشرة وعن غير قصد، وإلا، فعليكي أن تضمي للمتهمين مستر انترنت مخترع الانترنت ومبتدع فكرة الواتساب ومبتدع فكرة ومالك موقع الفيس بوك.
عليكي أن تبدأي حملة الـ damage control بمناشدة لكل من عمل فعلياً على نشر الصورة والقصة المفبركة أن يعمل على مسح أي شيء له علاقة بتلك الفبركة السخفية متى ما استطاعوا، ولن يستطيعوا، بدلاً عن توزيع اتهامات لا تسمن ولا تغني عن جوع . تضامننا معك في هذا الانتهاك السافر لخصوصيتك وخصوصية أسرتك
|
Post: #35
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: مزمل خيرى
Date: 09-24-2014, 03:07 PM
Parent: #34
مشكورين ياشباب على المرور واثراء البوست بما هو هادف ومفيد
نتمنى نسمع اراء الاخوة القانونيين فى الحتة دى "قانونيا" هل يدان بكرى ام تبرئه مقولته الشهيرة :-
(الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها )
|
Post: #36
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: د.عبد المطلب صديق
Date: 09-24-2014, 08:44 PM
Parent: #35
معظم دول العالم تعاني من امية مفرطة في معالجة قضايا المعلوماتية وانتهاك حقوق الملكية او الخصوصية او الاساءة والكذب الضار واشانة السمعة، وحتى الدول التي
اصدرت قوانين تغطي عالم المعلوماتية لا يتوفر لديها ارث قانوني يرشد القضاة ويضمن عدالة الاحكام الصادرة.
حسب قوانين الصحافة والتشريعات الاعلامية الصادرة بشان عقوبة الكذب الضار واشانة السمعة فانها تختلف من قانون الى اخر والقانون الفرنسي مثلا كان يمثل المرجعية
لمعظم القوانين في الدول العربية ومعظم الدول النامية وكانت العقوية تصدر بالتضامن بين كاتب الخبر كمتهم اول يليه بالتضامن في الجرم رئيس التحرير وكذلك الناشر والطابع.
وفي دول أخرى يتحمل رئيس التحرير وحده المسؤولية كاملة ، وكل هذا ينطبق على الدول التي تحترم سيادة القانون وتضمن الفصل بين السلطات وتوفر الحقوق الكاملة في الدفاغ وفي الاتهام ايضا وهذا نادر في دول العالم الثالث ان لم يكن غير موجود اصلا.
كذلك الكذب الضار له اركان معنوية ومادية واشانة السمعة كذلك ويجب اثبات الضرر ويكون العقاب بحجم الضرر...
مثلا وفق للقانون الفرنسي لو ان موقع سودانيز اون لاين محجوب في السودان مثلا او لا يمكن الوصول اليه الا في العاصمة الخرطوم مثلا فسوف يكون من المتعذر على المدعي اثبات حدوث الضرر من اشانة السمعة لان الركن المادي لحدوث الاشانة هو وصول الوسيلة الاعلامية للجمهور وتكون العقوبة بحجم هذا الانتشار. وتثبت الادانة بالاشانة بشهادة ان النص او الصور فهمت بالفعل على النحو الذي راه الشاكي المتضرر في القضية.
توجد بوستات اخطر بكثير من موضوع البنت هذه لو رفعت دعاوى بشانها ستسبب رهقا للكثيرين خاصة ما يتعلق باشانة السمعة والكذب الضار.
اما معظم القوانين العربية هي من نوع "امسك لي واقطع ليك " وتتوقف على من الشاكي ومن المدعى عليه وليس على القضية نفسها.
اما قصة الرسائل المنشورة على مسؤولية كاتبها ، فهذا يفيد في التبرئة من الانتماء الى الفكرة او تاييدها من عدمه ولكن لا علاقة له بالمسؤولية الجنائية والا لكتبت كل صحيفة
هذه المقولة وردحت في اعراض الناس كما تريد.
|
Post: #37
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: محمد حيدر المشرف
Date: 09-24-2014, 09:23 PM
Parent: #36
اعتقد انو المستفاد من الموضوع ده انو الناس تحاول الحفاظ على طبيعة المنبر الحوارية ..
ويخلو الوتسبه للواتساب ..
والهي ها لل هي ها (ال هي ها دي تقريبا مفهوم أشمل من شمارات ويمثل نمط حياة .. كأن تكون حفلة عيد ميلاد فلانة حدثا كونيا ياستحقاقات كونية :)
..
من جهة أخرى مفروض -بحسب رأيي- الناس تفكر في الموضوع من زاوية تانية ..
هذه الاخت فتحت بلاغ في منبرنا ..
ادبيا منبرنا ده في قفص اتهام "ليس بكري في شخصو" ..
والتهمة قبيحة جدا وهي التسبب في اذى نفسي واجتماعي لاسرة سودانية ..
اعتقد انو الموضوع جدير جدا بالتفكير والاعتبار !!
|
Post: #38
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: محمد البشرى الخضر
Date: 09-25-2014, 03:22 AM
Parent: #37
Quote: ادبيا منبرنا ده في قفص اتهام "ليس بكري في شخصو" ..
والتهمة قبيحة جدا وهي التسبب في اذى نفسي واجتماعي لاسرة سودانية ..
اعتقد انو الموضوع جدير جدا بالتفكير والاعتبار !! |
كمان يا ود المشرف مش فقط قباحة التهمة بل شوف مع من أيضا: سودان ناو - ودا لا اعرف عنه شيئا
لكن المصيبة المتهم التالت: صفحة اسمها شمشرة بالنهار!!
تخيّل! سودانيزأونلاين بقضه وقضيضه و عضويته و قراؤه ... وهلم جرا, مرجع الشأن السوداني المعتمد لدى الكونغرس* واقف في صف عرض مع صفحة اسمها شمشرة بالنهار كتفا بكتف!
وهذا بفضل بعض مهووسي أيقونتي عاجل و حصري ومحبي أكل لحم إخوانهم ميتا.
______________________________________________
* ما متأكدمن مدى دقة المعلومة وعمّا إذا كان بها كوز كوزين.
|
Post: #39
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: مصطفى البشارى
Date: 09-25-2014, 03:58 AM
Parent: #38
| Quote: * ما متأكدمن مدى دقة المعلومة وعمّا إذا كان بها كوز كوزين. |
هههههههههههههههه
جردل يا قريبكـ .. جردل
|
Post: #40
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: محمد البشرى الخضر
Date: 09-25-2014, 06:11 AM
Parent: #39
ههههههههههههههههه
يا زوول !! يعني ملبسننا العمة من الفين وستة :)
|
Post: #42
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: محمد البشرى الخضر
Date: 09-25-2014, 10:50 PM
Parent: #41
ترصد شنو الله يهديك, يترصدو ليك شنو زاتو؟
ثم انت خايف من شنو, وعايز تنكر شنو؟ يداك اوكتا وفوك نفخ
ما لفحت صورة وفتحت بيها بوست؟
|
Post: #43
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: Osman Musa
Date: 09-26-2014, 00:32 AM
Parent: #42
عزيزنا مزمل
سلامات
غايتو يا مزمل بكري كان أنقبض حظو وحظك أنت كمان .
وحظ الموقع .. الشهرة حتندفق بحر . علي أخونا اليانكي بكري أبوبكر .
وحيجيبوك يا مزمل في الوأشنطن بوست كوأحد من المدافعين عن أصحاب الصحف العالمية المنتشرة .
ما أصلو كل الحاجات بتبتدي كدي وتكبر .
تحياتي
|
Post: #44
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: عبداللطيف حسن علي
Date: 09-26-2014, 08:15 AM
Parent: #43
وشوف كمان الاحوص الوهابي كاتب شنو
Quote: والغريب أن كاتب البوست ...(التطفلي) يدعي الديمقراطية والعلمانية؟!!!
نحن لا لاقينها من أدعياء للدين يجهلون ما فيه من قيم انسانية فوق التصور ولا من أدعياء للحرية والديمقراطية كذباً
|
برضو مابعرف الفرق بين اليمقراطية والعلمانية
واحوص شايف البوست بتاعي الماعندو علاقة بخبر القبض علي امين الموقع
وبين البوست الذي ورد الخبر بسببه وجاي يسئ مجانا ساااي
هنا البوست كان بتشوف بعين واحدة
ورينا العلاقة بين الصورتين يامدمن الاساءة
http://www.sudaneseonline.com/board/470/msg/1409647570.html
|
Post: #45
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: أيمن الفاضل
Date: 09-26-2014, 10:47 AM
Parent: #44
عبداللطيف حسن علي
إنت غلطت في حق البنت
وإلا شايف نفسك ما غلطان؟
|
Post: #46
Title: Re: النيابة تأمر بالقبض على بكرى ابوبكر مدير موقع سودانيز اون لاين
Author: مني عمسيب
Date: 09-26-2014, 10:58 AM
Parent: #45
التحية للجمييييييييع ..
اقتباس من الاخ منتصر !!!
| Quote: والغريب أن كاتب البوست ...(التطفلي) يدعي الديمقراطية والعلمانية؟!!! |
يا منتصر اها انت مؤيد ولا ضد ولماذا ؟ عشان عندي اسئلة ملحق .
|
|