Post: #1
Title: الدكتور / عبد الرحيم حمدي .. يصف الدولة السودانية ب (المفلسة)
Author: جمال المنصوري
Date: 09-17-2014, 03:26 AM
وصف الدكتور /عبد الرحيم حمدي (الخبير الأقتصادي) في برنامج (حتي تكتمل الصورة) الدولة السودانية بانها مفلسة حاليا...
والنظام الحاكم بانه ليس لديه رؤية لكيفية ادارة الدولة...
والبرنامج الثلاثي بانه (فاشل)
البرنامج ضم الي جانب الدكتور / حمدي .. كلا من:
- البروفيسور/ حسن بشير (استاذ الاقتصاد السياسي بالجامعات السودانية)
- الطاهر ساتي....(الصحفي بصحيفة السوداني)
- الدكتور / حسن احمد طه..(امين الامانة الاقتصادية بالمؤتمر الوطني)
الكلام ده بيعني شنو ؟
- رؤية ::: مافي..
- دولة.... مفلسة..
- برامج فاشلة..
|
Post: #2
Title: Re: الدكتور / عبد الرحيم حمدي .. يصف الدولة السودانية ب (المفلسة)
Author: جمال المنصوري
Date: 09-17-2014, 04:03 AM
Parent: #1
المؤتمر الوطني استمتع بموارد الدولة لمدة 25 عاما...
ويريد ان يفرق دم (السودان) علي جميع الأحزاب..
اريد حوارا... يعني .. اريد حلا..
|
Post: #3
Title: Re: الدكتور / عبد الرحيم حمدي .. يصف الدولة السودانية ب (المفلسة)
Author: جمال المنصوري
Date: 09-18-2014, 04:24 AM
Parent: #2
من اسوأ المبررات التي اوردها الدكتور / حسن احمد طه، ويوردها انصار الحكومة (مؤتمرون شعبي ووطني)- وقد جاءت عرضا - في شأن انفصال الجنوب ونيفاشا قوله: (المعارضة هي اول من دعا الي تقرير المصير، في قرارات اسمرا) ....
نان يا سمح يا زين داير تقول انو الحكومة كانت حاضرة قلبا وقالبا في اسمرا الوكت اك ولا الحكايي شني بالظبط؟
وكمان وكت حكومة الانقاذ بي تسمع كلام المعارضة وتنفذوا .. نان جات لي شني؟
مش ياها المعارضة القعدت في اسمرا دي هي الكان جزء كبير ورئيسي (الاتحادي والأمة) في الحكم سنة 1989 حتي 30 يونيو ووصفتها الانقاذ بكل الصفات السيئة ؟
مش التلفزيون كان بي يجيب صورة السيد/ محمد عثمان الميرغني والدكتور / جون غرنغ دي مبيور ، علي هيئة مصاصي دماء ولا واحدين تانين ؟
غايتو السودان ده بلد هملي خلاص...
واوسع من ان يحكمه الاقزام (حكومة ومعارضة)
|
Post: #4
Title: Re: الدكتور / عبد الرحيم حمدي .. يصف الدولة السودانية ب (المفلسة)
Author: جمال المنصوري
Date: 09-20-2014, 08:25 AM
Parent: #3
- البروفيسور/ حسن بشير (استاذ الاقتصاد السياسي بالجامعات السودانية)
قال الازمة ازمة سياسات...
وده صحيح جزئيا... لأنو الازمة الحقيقية ازمة اخلاق تتمثل في :-
- الفساد.
- المحسوبية.
-الظلم..
|
Post: #5
Title: Re: الدكتور / عبد الرحيم حمدي .. يصف الدولة السودانية ب (المفلسة)
Author: جمال المنصوري
Date: 09-21-2014, 08:31 AM
Parent: #4
بدر الدين محمود - وزير المالية - خلال مخاطبته القطاع الاقتصادي للمؤتمر الوطني:( ان من اولويات الحكومة احتواء معدلالتضخم، واستقرار سعر الصرف، وقصر الانفاق علي الضروريات ورهن الوزير نجاح البرنامج بالقضاء علي مظاهر الاحتكار والغش و الطمع وسط التجار)
افتكر انو خلاصة كلام وزير المالية هي: البرنامج الثلاثي والخماسي كان يشوف النجاح يشوف حلمة ودنو ...يقابلها بالسوداني (يلحس كوعو)....
|
Post: #6
Title: Re: الدكتور / عبد الرحيم حمدي .. يصف الدولة السودانية ب (المفلسة)
Author: جعفر محي الدين
Date: 09-21-2014, 09:00 AM
Parent: #5
الأخ جمال المنصوري
السلام عليكم ورحمة الله وبركاته
القاصي والداني يعلم أن حكومة الإنقاذ مفلسة
وفوق ذلك هي عاطلة عن ابتكار أي حلول لمشاكل الدولة السودانية
وأن الحياة في السودان تزداد صعوبة يوما بعد يوم
إثر ازدياد تكاليف المعيشة بصورة متوالية يصعب على المواطن السوداني مجاراتها
وبعد كل هذا يكابرون ويستمرون في خداعهم وغشهم للشعب السودان
ويكذبون كل يوم بشكل ممنهج لإلهاء الشعب عن ماسأته
|
Post: #7
Title: Re: الدكتور / عبد الرحيم حمدي .. يصف الدولة السودانية ب (المفلسة)
Author: جمال المنصوري
Date: 09-21-2014, 09:34 AM
Parent: #6
الأستاذ/ جعفر محي الدين
السلام عليكم ورحمة الله تعالي وبركاته
كلام سليم مية مية مافي اي خلاف عليه...
لكن ممكن نضيف مسألة تانية غريبة حبتين من وجهة نظر شخصية جدا ، افتكر انو في قطاع كبير من الشعب السوداني بقي عندو لا مبالاة بكذب الانقاذ، او ممكن تقول بقي يستمتع بانو يغشوه ويكذبوا عليه،
من الممكن ملاحظة المسألة دي بتركيز شديد في النساء، لأنو من السهل ان تجد مجموعة كبيرة منهم متركزة في مكان واحد....
تصدق يا (جعفر)
لاحظت في كل انتخابات (الانقاذ) النساء بيشكلوا اغلبية الاصوات التي يحوز عليها الانقاذيون...
مرة سألت نساء الحلة قلت ليهم : انتو كل يوم تشتكو من الحكومة دي ، طيب ليه بتمشوا تدوها اصواتكم ؟؟
تصدق جوابهم كان شنو ؟
(لكن نعمل شنو الناس ديل حلفونا المصحف في الخلوة عشان نديهم اصواتنا، وبعد الحليفي دي يجونا بي باصاتهم لحدي عندنا ويطلعونا واحدي واحدي من بيوتنا، اكان ما مشينا واطاتنا اصبحت)..
شفت الامور وصلت لي وين ؟؟
استغلال كامل الدسم للنفوذ والسلطة والدين ..
معني كده ... يا جعفر ..انو طيلة ما في مؤسسات دينية(مساجد.. مسائد.. خلاوي) تتبع للدولة والحزب، او تمول من الحزب والدولة يبقي من الصعوبة بمكان (ولا اقول استحالة) ازالة او تغيير هذا النظام الا بما شاء ربنا سبحانه وتعالي..
اخي / جعفر..
الانقاذ طال الزمن او قل رايحي رايحي بس افتكر المسألة الملحة جدا جدا ويجب التفكير فيها من دلوكت هي: كيف يمكننا ازالة اثار (الانقاذ والانقاذيين) ؟؟..
محبتي
|
|