قيادة السيارات ... و مبايض المرأه ...!! ( اللهم زدنا علماً ) ...

قال ليك فسيولوجياًً ...

و الله ما ( فسيولوجياً ) الا انت ...
________________________

و الله الدكتور عجبني جنس عجب ...

طلعوا اي كلام ...

طيب ... الاهتزاز ده الا في كرسي السواق.؟

و لا كمان المرأه تمشي كداري احسن !!

قال ليك ...

و لذلك تجد في أوروبا ... خاصة في الارجنتين !!!

فعلاً ما انتبهنا ...

طالما زمان ( البعير ) كان يؤثر علي المرأه ...

اذا اللاندكروزرات و ( الجموس ) لازم يكون عندها مفعول سالب ...

ههههه
سلام يا قبانى
طبعا انا ما شاهدت الفديو لانى ما بقدر استمع لى عقليات زى دى ..بس شكرا ليك اختصرت لينا الموضوع فى العنوان

لكن شفت جيل ناس اللحيدان والسويدان والسجيمان والرميدان لو ما اختفوا من وجه الارض الاسلام ما بتقوم ليه قائمه
غايتو بعد ميه سنه اصحاب الافكار دى بكونوا فى متحف التخلف..... لكن بينى وبينك صاحبك بتاع البوست البى الانجليزى
معاهو حق....

تحياتنا

Quote: ههههه سلام يا قبانى طبعا انا ما شاهدت الفديو لانى ما بقدر استمع لى عقليات زى دى ..بس شكرا ليك اختصرت لينا الموضوع فى العنوان لكن شفت جيل ناس اللحيدان والسويدان والسجيمان والرميدان لو ما اختفوا من وجه الارض الاسلام ما بتقوم ليه قائمه غايتو بعد ميه سنه اصحاب الافكار دى بكونوا فى متحف التخلف..... لكن بينى وبينك صاحبك بتاع البوست البى الانجليزى معاهو حق.... تحياتنا

زينب يا صديقه ...

نص عمرك ضايع لو ما استمتعي بمشاهدة الدكتور وهو بمرمط في الشيخ و فتواه ...

بالله اللحيدان ده مش ياهم النزلت فيهم سورة الكافرون ...

( لكم دينكم و لي دين ) ...

عان يا قباني :
قالوا جا مسطول ماشي
بي جمب القصر الجمهوري قام كتب في الحيطه بتاعه القصر (ط م 11)
أها يازول قاليك البلد كلها قامت وقعدت عشان تعرف معني الشفرة دي
صدفة جاهم مسطول ماري شاف الشفرة قام قعد يضحك . جماعتك قالولو بس تورينا الزول ده قاصد شنو نديك اي حاجه قاليهم
الزول ده قاليكم (طلعتو ميتينا واحد واحد ) ههههها هههها
دحين يا قباني شيخ اللحيدان القايل ده طلع ميتينا وأحد وأحد

Quote: عان يا قباني : قالوا جا مسطول ماشي بي جمب القصر الجمهوري قام كتب في الحيطه بتاعه القصر (ط م 11) أها يازول قاليك البلد كلها قامت وقعدت عشان تعرف معني الشفرة دي صدفة جاهم مسطول ماري شاف الشفرة قام قعد يضحك . جماعتك قالولو بس تورينا الزول ده قاصد شنو نديك اي حاجه قاليهم الزول ده قاليكم (طلعتو ميتينا واحد واحد ) ههههها هههها دحين يا قباني شيخ اللحيدان القايل ده طلع ميتينا وأحد وأحد

و الله يابو عفان ده مش ط م 11

ده ط د الفضل زاتو ...

قال ليك لذلك تجد الواحده في اوروبا و امريكا معاها ( ولدان ) او ثلاث

ليس من اجل تحديد النسل لاااا...

و انما من أجل خلل وظيفي عضوي ...
___________________________
تعرف يا عثمان بعرف واحد هنا عنده 5 عيال

و زوجته ماشاء الله حامل في شهرين ...

المشكله زوجته دي سايقه عربيه ( يوكون ) .. الليل و النهار جاريه بي ورا وليداتها ...

يعني لو كانت سايقه كرولا كان جابتهم كم؟ ...

و لو سمعت كلام اللحيدان ده كان تمتهم تيم كوره ولا كيف ؟

كما قال الدكتور هو كلام
شيوخ وليس كلاما علميا
الشيوخ في مجتمعاتنا الاسلامية يتحدثون عن كل شيء
وفي كل شي الشيخ محرج اشد الحرج في هذه الكلام الغير مسؤل

مودتي

Quote: كما قال الدكتور هو كلام شيوخ وليس كلاما علميا الشيوخ في مجتمعاتنا الاسلامية يتحدثون عن كل شيء وفي كل شي الشيخ محرج اشد الحرج في هذه الكلام الغير مسؤل مودتي

سلامات عزيزنا محمد الطيب ...

المشكله مافي الشيوخ و ( دجلهم ) ...

المشكله في البصدقوهم ... و بيكونوا في حالة انبهار من كلامهم ده ...

و ما اكثرهم في هذا الزمان العجيب ...

العقل السلفي النجدي يحدد موقفه مسبقا تبعا لأكثر العادات محافظة في مجتمعه .. يجد اية من المصحف تدعم موقفه ... و يبحث عن تبرير ( عقلاني ) واهي

العقل السلفي السوداني المستلب يتبنى موقف العقل السلفي النجدي بسلبية تامة .. سلبية تمتد إلى حالة و ( إستلاف ) المشاعر .. فتجدهم مهمومين بالخطر الشيعي الإيراني .. و يحملون ضغائن عظيمة تجاه ( المجوس) و كأن إيران و السودان يفصلهم خور !

Quote: العقل السلفي النجدي يحدد موقفه مسبقا تبعا لأكثر العادات محافظة في مجتمعه .. يجد اية من المصحف تدعم موقفه ... و يبحث عن تبرير ( عقلاني ) واهي العقل السلفي السوداني المستلب يتبنى موقف العقل السلفي النجدي بسلبية تامة .. سلبية تمتد إلى حالة و ( إستلاف ) المشاعر .. فتجدهم مهمومين بالخطر الشيعي الإيراني .. و يحملون ضغائن عظيمة تجاه ( المجوس) و كأن إيران و السودان يفصلهم خور !

تلخيص في محله يا حبيب ...

وصفت الحاله المتأخره بدقة شديده ...

قال ليك و هي جالسه الحوض يرتد !!!

و يظغط ( يضغط ) علي المبايض !!!

طيب لما المسكينة دي قاعده تطبخ و تعجن و تغسل ... ( حسب ما هم دايرين ) ...

حوضها ده ما ( بيرتد ) مالو ؟

طيب لما هم بكونوا ( جادعنها ) في صندوق الونيت ابو غمارتين ...

الاهتزاز مع الجلسه مالو ما بخليهو يرتد؟

ابوكم ياخ ... والله بطريقتهم دى حيخلو العالم كلو ( يرتد ) ...

بالله دي مشكلة هسي؟؟

ما يخلوا المراة تسوق وقافي

عشان الحوض ما يرتد..

هههههههههه

هباش يا قباني انت ياخ..

وحاة حوضي مشتاقين:)

Quote: هباش يا قباني انت ياخ.. وحاة حوضي مشتاقين:)

و الله بالغته ...

يا زول انت وين؟

بالله نتكلم باكر انشاء الله نشوف الخبر شنو ...
_______________________________
هباش انا ولا جنس الدجل ده ...

لكن الدكتور ريحني يا نوباتيا ...

اداهو في ( الحوض ) هرس ليهو ( مبايضو ) ...

بالله عليك شفته سغالتوا وهو بيبتسم لما يقول ( يرتد )

الود قال معلومه خطيره ... كشف السر يعني ...

ابو اهلك !!! ما تختشي ...

سلامات يا قبانى...


الفتاوى والتناظير العجيبة دى مهمة عشان الناس تكون بتحسس فى عقولا بصورة مستمرة
يعنى ممكن تكون مفيدة كرياضة عقلية زيها وزي الشطرنج مثلا والما عندو عقل أو معطل
عقلو فليركب مع هؤلاء العاطلين,,,

يا قبانى رسل لى تلفونك والله عندى ليك فتوة من شيخ سودانى على ما أظن ممكن تكون
محور نقاش جيد جدا,,

تحياتى..

استاذنا قبانى .. سلامات ياخ

Quote: قال ليك ... و لذلك تجد في أوروبا ... خاصة في الارجنتين !!!

كان يتمها ويقوليك بالذات فى مدينة جوهانسبيرج

Quote: سلامات يا قبانى... الفتاوى والتناظير العجيبة دى مهمة عشان الناس تكون بتحسس فى عقولا بصورة مستمرة يعنى ممكن تكون مفيدة كرياضة عقلية زيها وزي الشطرنج مثلا والما عندو عقل أو معطل عقلو فليركب مع هؤلاء العاطلين,,, يا قبانى رسل لى تلفونك والله عندى ليك فتوة من شيخ سودانى على ما أظن ممكن تكون محور نقاش جيد جدا,, تحياتى..

ايمن الطيب يا جميل ...

قاليم المرأه في السياره وهي ( تقود ) علي شرط ...

سينشغل منها ( الفكر ) و ( الذهن ) و ( العقل ) ...!!!

التلاته تخيل !!!

ياخي فعلا مسليين المشايخ ديل ...

Quote: استاذنا قبانى .. سلامات ياخ Quote: قال ليك ... و لذلك تجد في أوروبا ... خاصة في الارجنتين !!! كان يتمها ويقوليك بالذات فى مدينة جوهانسبيرج

سلامات يا بشاري ...

عمك ده كان خلوهوا براهو في الحلقه دى ...

كان ورانا عجب ...

يحي
مشتاقة ليك ياخى

ههههههههههههههههههههههههه
غايتوا زى ما بتقول جدتى يطرشنا ما سمعنى بي جنس دا
قرينا واتخرجنا ما طقش اطانة زى دا

يحي
ياخى ديل سعودين متخلفيين وهم ما عاوزين المراة تسوق بس

سلامات يا قباني
عمك ده شايل هم المبايض المدكنات جوووة ديل
و فاتح للبتاعات المدلدلات برة الجسم ليه؟
منطق هو و للا كلام سلفيين ساكت؟

تحياتي قباني

أما عثمان موسى فقد أتى بالمفيد :

عان يا قباني :
قالوا جا مسطول ماشي
بي جمب القصر الجمهوري قام كتب في الحيطه بتاعه القصر (ط م 11)
أها يازول قاليك البلد كلها قامت وقعدت عشان تعرف معني الشفرة دي
صدفة جاهم مسطول ماري شاف الشفرة قام قعد يضحك . جماعتك قالولو بس تورينا الزول ده قاصد شنو نديك اي حاجه قاليهم
الزول ده قاليكم (طلعتو ميتينا واحد واحد ) ههههها هههها
دحين يا قباني شيخ اللحيدان القايل ده طلع ميتينا وأحد وأحد

***

هذه تكملة لفقه رضاعة الكبير وتحريم خلع الملابس للزوجين وهلم فتاوي

الأخ / يحى قباني ....

الفيديو الذي نشرته ليس للشيخ اللحيدان --- إنما تلفيق على الشيخ صالح اللحيدان ....

أرجو الإعتذار عن هذا الخطأ ....



كلام الشيخ صالح اللحيدان عن قيادة المرأة للسيارة

ثانيا --- الملاحظ أن من يدعي شيخ وهو جاهل لم يستند في رأيه على أي سند من الكتاب والسنة .... وقوله مردود عليه طالما لم يكن لديه سند ....

إنما كلام والسلام من عنده --- وهو إجنهاد منه يتحمل وزره هو فقط ...

لأن منهج أهل السنة والجماعة مبنى على ما ورد في القرآن الكريم ....

وما ثبت عن السنة النبويه .....

سلام شيخ احمدونا

أعتذر عن شنو يا زول ...

ما زولي ياهو صالح اللحيدان ...

كدى نشوف الفيديو ده سوا و بعد داك نشوف منو البعتذر

يا أخ / يحى قباني ...

أورد صالح سعد اللحيدان --- في سيرته الذاتية أنه مستشار قضائي خاص ( يعني في السعودية --- محامي ) ومستشار للصحة النفسية ---
وهو ليس رجل دين ... واقواله مردوده عليه ....

ويوجد لبس وخلط في الإسم مع رجل الدين المشهور الشيخ / محمد صالح اللحيدان --- عضو هيئة كبار العلماء بالمملكة العربية السعودية ...

وله كرسي دورس دينية وفتاوي في صحن الحرم المكي ...

Quote: تحياتي قباني أما عثمان موسى فقد أتى بالمفيد : هذه تكملة لفقه رضاعة الكبير وتحريم خلع الملابس للزوجين وهلم فتاوي

ابا جهينة ...

سلم يراعك يا جميل ...

و الجاي الله اعلم يكون كيف !!!

Quote: سلامات يا قباني عمك ده شايل هم المبايض المدكنات جوووة ديل و فاتح للبتاعات المدلدلات برة الجسم ليه؟ منطق هو و للا كلام سلفيين ساكت؟

بلد ذكوري يا دكتور ...

الرجال ممنوعين من الصرف ...

يا رجل ديل الواحد فيهم لو ما انجب ...

( المتعلم ) فيهم بيرسل زوجته للعلاج ... وهو لأ !!!

وكان ما ولدت ... ترجع بيت ابوها ...

جنس كلام اللحيدان ده بيكون الجماعة ابان مساويك ديلاك مبهورين بي علمه الغزير ...

قال اهتزاز قال ...

Quote: يحي مشتاقة ليك ياخى ههههههههههههههههههههههههه غايتوا زى ما بتقول جدتى يطرشنا ما سمعنى بي جنس دا قرينا واتخرجنا ما طقش اطانة زى دا يحي ياخى ديل سعودين متخلفيين وهم ما عاوزين المراة تسوق بس

سلام وضاحة ...

وسلامة الوالد مرة تانية ...

ياخ ما نحنا في كندا .. ما بعيدين كان تطلونا ...:)

الفيديو الجبتيهو لكن تحفه ... سخرية مبالغ فوقها ...

Quote: يا أخ / يحى قباني ... أورد صالح سعد اللحيدان --- في سيرته الذاتية أنه مستشار قضائي خاص ( يعني في السعودية --- محامي ) ومستشار للصحة النفسية --- وهو ليس رجل دين ... واقواله مردوده عليه .... ويوجد لبس وخلط في الإسم مع رجل الدين المشهور الشيخ / محمد صالح اللحيدان --- عضو هيئة كبار العلماء بالمملكة العربية السعودية ... وله كرسي دورس دينية وفتاوي في صحن الحرم المكي ...

اذا وجب عليك الاعتذار يا شيخنا ...

لاني شيخك المشهور ده انا ما جبت سيرتو ...

رؤية في قيادة المرأة للسيارة


ليس هناك نص للتحريم أو الإباحة من القرآن الكريم أو السنة النبويه لقيادة المرأة للسيارة.....

Quote: اذا وجب عليك الاعتذار يا شيخنا ... لاني شيخك المشهور ده انا ما جبت سيرتو ...

أخ / يحى قباني ---

الفتوى الدينية في المملكة لا تصدر إلا من هيئة كبار العلماء بقيادة المفتي ...

من بث شريط الفيديو يعلم من هذا النكره الذي أوردته -- ومن هو الشيخ / صالح اللحيدان .... عضو هيئة كبار العلماء...

والهدف إستغلال تطابق الإسم للطعن في الإسلام .... بمثل هذا الرأي الأخرق الذي لا يستند الى دليل.....

صدقني الشخض الذي أورته لأول مره أشاهد في حياتي ...

أما الشيخ / صالح اللحيدان -- عضو هيئة كبار العلماء --- حضرت له دروس في الحرم المكي ....

Quote: صدقني الشخض الذي أورته لأول مره أشاهد في حياتي ...

كَبُرَ عليك الاعتذار اخي احمدونا بعد اتهامك لي ؟

انت مش طلبت مني الاعتذار لأنو ده ما صالح اللحيدان ...

وقام طلع صالح اللحيدان !

اعمل شنو يعني ...اقول للزول الاسمو صالح اللحيدان ده غير اسمك؟

و هل من المفترض انك تعرف كل الشيوخ يا شيخنا ؟

عموماً ... ارجوك لا تطعن في علم شيخي اللحيدان و تتهمه بالجهل لمجرد تطابق الاسماء ...

انت لا تعرفه ... فلا تحكم عليه من مجرد فيديو واحد اخفق فيه القول ...

و بعدين ياخي قصة ارتداد الحوض دى ... و الله لو دفعت فوقها قروش ما تلقاها ...

Quote: سينشغل منها ( الفكر ) و ( الذهن ) و ( العقل ) ...!!!

الشئ شنو يا يحيى؟ مطارق !

ثم مشتاقين يا حبيب

يا أحمدونا اللحيدان المستشار القضائي شخصية معروفة جداً في السعودية
و هو من نفس عائلة اللحيدان بتاع هيئة كبار "العلماء" و جميعهم قصمان.
الرجل من رافعي لواء الحرب على الليبراليين و هو ضيف دائم على قنوات مثل المجد
و يكتب في عدة صحف سعودية، و اتفق معك في انه جاهل.

يا قباني
في مسطول تالت قال :
الفرق بين الشيخ السعودي العاصر علي المبايض وزولنا حسبو ..
هو .. بس حسبو جلابيتو تحت الركبة شوية ههههههههها

Quote: كَبُرَ عليك الاعتذار اخي احمدونا بعد اتهامك لي ؟ انت مش طلبت مني الاعتذار لأنو ده ما صالح اللحيدان ...

أخ / يحي قباني ---

عندما تقول الشيخ / صالح اللحيدان --- عضو هيئة كبار العلماء بالمملكة --- وتكلم بمضوع البوست ...

يعتبر ذلك رأي رسمي ومن حقك مناقشته والتشكيك فيه ...

أما الخلط واللبس وتطابق الأسماء --- وإلصاق ذلك بالإسلام ...

ومسألة منع قيادة السيارة مسألة بسيطه ....

أنتم لديكم في الدول الغربية --- وبالطبع كندا من ضمنها أسوأة من ذلك -- فقدان ولاية الأب على أبناءه بعد سن (18) سنة ...

يعني ممكن البنت ترحل من بيت أبيها وتسكن مع صديقها -- وتمارس حياتها الجنسية بحرية -- ودون ضوابط شرعية !!!!

مثل تلك الحريات مصيبه أكثر من مسألة منع قيادة السيارات ...

Quote: أخ / يحي قباني --- عندما تقول الشيخ / صالح اللحيدان --- عضو هيئة كبار العلماء بالمملكة --- وتكلم بمضوع البوست ... يعتبر ذلك رأي رسمي ومن حقك مناقشته والتشكيك فيه ... أما الخلط واللبس وتطابق الأسماء --- وإلصاق ذلك بالإسلام ... ومسألة منع قيادة السيارة مسألة بسيطه .... أنتم لديكم في الدول الغربية --- وبالطبع كندا من ضمنها أسوأة من ذلك -- فقدان ولاية الأب على أبناءه بعد سن (18) سنة ... يعني ممكن البنت ترحل من بيت أبيها وتسكن مع صديقها -- وتمارس حياتها الجنسية بحرية -- ودون ضوابط شرعية !!!! مثل تلك الحريات مصيبه أكثر من مسألة منع قيادة السيارات ...

يا احمدونا انا رجعت مرتين قريت مداخلات الاخ يحى وما لقيت انه ذكر عضو هيئة كبار العلماء دى
واعتقد انك (افتكرت) انه قاصده .. والواضح انه الاخ يحى اصلا ما بعرفهم وهو علق على المحتوى فقط ..

فما اعتقد انه الاخ يحى وقع فى لبس .. والواضح انك وقعت فى لبس ...

وبعدين مسألة قيادة السيارة ما مسألة بسيطه
دى مسألة مقومه نفس كل السعودييين بدءا بمجلس الشورى ومجلس الوزراء وهيئة كبار العماء ومنظمات المجتمع المدنى ووسائل الاعلام كافة
ليست مسألة بسيطة على الاطلاق .. ...

اما موضوع كندا ده فاعتقد انه تشتييت كورة

Quote: يا احمدونا انا رجعت مرتين قريت مداخلات الاخ يحى وما لقيت انه ذكر عضو هيئة كبار العلماء دى واعتقد انك (افتكرت) انه قاصده .. والواضح انه الاخ يحى اصلا ما بعرفهم وهو علق على المحتوى فقط .. فما اعتقد انه الاخ يحى وقع فى لبس .. والواضح انك وقعت فى لبس ... وبعدين مسألة قيادة السيارة ما مسألة بسيطه دى مسألة مقومه نفس كل السعودييين بدءا بمجلس الشورى ومجلس الوزراء وهيئة كبار العماء ومنظمات المجتمع المدنى ووسائل الاعلام كافة ليست مسألة بسيطة على الاطلاق .. ... اما موضوع كندا ده فاعتقد انه تشتييت كورة

و الله يا وضاح حاجه تحير ...

غايتو الاعتذار ما قايلو صعيب كده ...

بعدين الظاهر حكاية تشتيت الكوره دى جزء من التكتيك المشايخي ...

الما عارفو احمدون اني عشت في السعوديه و شفت الدجل و الخرافات عن قرب ...

و شفت بي عيني دى كتاب العدل بيعملو شنو لارضاء اولياء نعمتهم زى ما بيسموهم ...

Quote: عندما تقول الشيخ / صالح اللحيدان --- عضو هيئة كبار العلماء بالمملكة --- وتكلم بمضوع البوست ... يعتبر ذلك رأي رسمي ومن حقك مناقشته والتشكيك فيه ... أما الخلط واللبس وتطابق الأسماء --- وإلصاق ذلك بالإسلام ... ومسألة منع قيادة السيارة مسألة بسيطه ....

و الله يا احمدون كان كلمة اعتذار بسيطه اخير ليك من المناهدة دى ...

ياخوي خلط شنو و لبس شنو و الصاق شنو ؟

بعدين حاجتين

انا مجلس الافتاء ما جبت سيرتو علي الاطلاق ...

و بعدين كون اني اقول اللحيدان و فتواه ...

الفتوى ممكن تكون علميه او ادبيه و ما مقصوره علي انها دينية و لازم تصدر من مجلس الافتاء ...

ولا شنو ؟

يا احمدون ... الاعتذار من شيم العظماء ياخي ما فيها حاجه ...

Quote: يا قباني في مسطول تالت قال : الفرق بين الشيخ السعودي العاصر علي المبايض وزولنا حسبو .. هو .. بس حسبو جلابيتو تحت الركبة شوية ههههههههها

طينه واحده بس يا عثمان ...
ههه

Quote: يا أحمدونا اللحيدان المستشار القضائي شخصية معروفة جداً في السعودية و هو من نفس عائلة اللحيدان بتاع هيئة كبار "العلماء" و جميعهم قصمان. الرجل من رافعي لواء الحرب على الليبراليين و هو ضيف دائم على قنوات مثل المجد و يكتب في عدة صحف سعودية، و اتفق معك في انه جاهل.

ما تقوم نفسك ساي يا دكتور ...

احمدون ( غلط ) و دايرني انا الاعتذر ...

زي اللحيدان هو الجاب قصة الارتداد و الحوض

و لما اتزنق قال للدكتور تقدر تثبت ؟

Quote: الشئ شنو يا يحيى؟ مطارق ! ثم مشتاقين يا حبيب

مطارق و بس يا ود الزبير ...

ده شرحها تشريح ...

يا زول حمدلالك علي السلامة ...

عزيزى قبانى
مودتى
يلاحظ ان مثل هذا الكلام من شخصية لها وزنها فى ذلك المجتمع ومجتمعنا ايضا انها تؤثر على قرارات مستقبلية.
مثلا فى ازواج يكون عندهم رغبة فى اطفال الانابيب. شيخ عكمونا البعرفو يقول ليهم حرام. يخلو الفكرة.

Quote: عزيزى قبانى مودتى يلاحظ ان مثل هذا الكلام من شخصية لها وزنها فى ذلك المجتمع ومجتمعنا ايضا انها تؤثر على قرارات مستقبلية. مثلا فى ازواج يكون عندهم رغبة فى اطفال الانابيب. شيخ عكمونا البعرفو يقول ليهم حرام. يخلو الفكرة.

و الله يا ابوبكر مصيبتنا كل يوم بتكبر

Quote: قال ليك ... و لذلك تجد في أوروبا ... خاصة في الارجنتين !!!

الدكتور قال ليهو انت تجالس تفكر في البيت وهو بيتكلم من منطلق علمي
ياخي الشيوخ ديل بس عليهم تعليم النشْ للدين الحنيف ولا عليهم اي فتوى في العلم

تحياتي يحي والضيوف الكرام

مسألة قيادة المرأة للسيارة في السعودية بالغة التعقيد.. المجتمع يحتاج لتربية شديدة حتى ينسجم مع هكذا أشياء..
لا توجد نصوص تحرم قيادة المرأة للسيارة، وإنما الإشكاليات الكبرى تتمثل في شباب طائش لا يلوي عن شيء
منحت له سيارات فارهة ... ومصروف جيب يقارب مرتب الأجنبي، ووقت ثمين لا يعرف أن يستغله
فتراهم هائمين على وجههم، تلفح وجوههم غبرة الانزواء والهزيمة النفسية

ما علينا

لكن الأصح هو أن الشيخ في الفيديو التي أتيت به ليس هو الشيخ صالح اللحيدان عضو هيئة كبار العلماء..
وصاحب الفيديو هو محامي مختص في التسجيلات والنزاعات المدنية وفض الشراكات وقليل من استشارات نفسية
وفتواه هذه مردوده عليه.. فليس كل من تقمص دور المشايخ وظهر في التلفزيون يؤخذ بكلامه وكأنه منزل


الفتوى في السعودية لها أسس ، حتى أنها منعت من كثير من المشايخ، ويجب أن يحصل على ترخيص من
اللجنة العامة للإفتاء ...



الشغيل

Quote: المشكله مافي الشيوخ و ( دجلهم ) ... المشكله في البصدقوهم ... و بيكونوا في حالة انبهار من كلامهم ده ... و ما اكثرهم في هذا الزمان العجيب

سلام يحيى وضيوفه
اتفق معك فيما ذكرت أن المشكلة مافي الشيوخ ولكن المشكلة في الجهل بتصديقهم .
كما قال البعض هذا ليس كلام علمي أنما كلام شيوخ لايسنده منطق.
وفعلا ( ط م11)
احترامي وتقديري لك

يا سى يحيى تمشي كدارى كيفن.. الاحتكاك مع اللباس قايل ما عنده اثر على المبايض؟

Quote: الاخ يحى وما لقيت انه ذكر عضو هيئة كبار العلماء دى واعتقد انك (افتكرت) انه قاصده .. والواضح انه الاخ يحى اصلا ما بعرفهم وهو علق على المحتوى فقط .. فما اعتقد انه الاخ يحى وقع فى لبس .. والواضح انك وقعت فى لبس ...

الأخ / وضاح --- الأخ يحى قباني وقع في لبس إعتقد غير مقصود .... من حساسية مثل هذه الفتاوي ...

عندما يذكر الشيخ / صالح اللحيدان في فتوى --- ذلك يعني أنه عضو هيئة كبار العلماء المخوله لها بالفتوى بالمملكة ....

من وضع الفيديو --- له مقصد بإستغلاله تطابق الاسماء ....

Quote: الأخ / وضاح --- الأخ يحى قباني وقع في لبس إعتقد غير مقصود .... من حساسية مثل هذه الفتاوي ... عندما يذكر الشيخ / صالح اللحيدان في فتوى --- ذلك يعني أنه عضو هيئة كبار العلماء المخوله لها بالفتوى بالمملكة .... من وضع الفيديو --- له مقصد بإستغلاله تطابق الاسماء ....

و الله يا أحمدون خليتني اتخطي مداخلات الاخوة الافاضل و اجي ارد هنا ...

تاني انا وقعته في لبس ؟

و صالح اللحيدان ( المفتي ) لازم يكون زولك ؟

خلاص انا ( آسف ) و لازم اصلح خطأي إذاً ...

زولييا جماعه اسمو صالح اللحيدان ... ( ما سيد الأسم ) ...

و( افتي ) ( ما فتوى دينية ) ... بأن ( حوظ ) المرأه يرتد عند قيادتها للسيارة ( فيظغط ) علي المبايض ...
_____________________________________________________________________
ذكرتني بعادل امام في الزعيم ...

لما صاحبة العمارة دايره تزوجه بتها ( سمسمة ) السمينه

و قال ليهو داير تخلي بالبت بعد ما وعدتها بالزواج ...

قال ليها انا وعدتها ؟

قالت ليهو مش مره قابلتها في بير السلم و النور كان مطفي

و قلت ليها ( مساء الخير ) !!!

قال ليها خلاص ... انا حصلح غلطتي و اتجوزها

لحسن بكره اقول لها ازيك يا سمسمه تطلع حامل في شهرين ...
__________________________________________
و الله يا احمدون غلبك التسويهو ... بس الله غالب نعمل شنو ...

Quote: الدكتور قال ليهو انت تجالس تفكر في البيت وهو بيتكلم من منطلق علمي ياخي الشيوخ ديل بس عليهم تعليم النشْ للدين الحنيف ولا عليهم اي فتوى في العلم

و الله يا زمراوي ياخوي كان ختونا مره واحد اخير لينا ...

بي جهلهم ده النشأ يروح في داهية ...

Quote: مسألة قيادة المرأة للسيارة في السعودية بالغة التعقيد.. المجتمع يحتاج لتربية شديدة حتى ينسجم مع هكذا أشياء..

يا عبد العزيو تعميمك مخل ...

ياخي الناس دى اتعلمت ووعت و فهمت ...

و حتي لو في الاشكال دي ... قيادة المرأة للسيارة مشكلتها شنو ؟

Quote: سلام يحيى وضيوفه اتفق معك فيما ذكرت أن المشكلة مافي الشيوخ ولكن المشكلة في الجهل بتصديقهم . كما قال البعض هذا ليس كلام علمي أنما كلام شيوخ لايسنده منطق. وفعلا ( ط م11) احترامي وتقديري لك

الله يفتح عليك يا فتح العليم

هو كده ... و ربك الستار بس

سلام .. يا قباني .. وضيوفك الكرام ..

بمناسبة قيادة المرأة والمبايض ..
انا سمعت مقطع في نفس الموضوع ...
اسمعووو ...

التحية للدكتور الذي قارع هذا الشيخ المهووس بالحجة والمنطق والعلم

السيرة الذاتية لصالح بن سعد اللحيدان (ليس صالح بن محمد اللحيدان بل شخص آخر)

Quote: فهذه نبذة مختصرة في ترجمة شيخنا العلامة المحدث : صالح اللحيدان ـ حفظه الله ورعاه ، ومتع به ـ وذلك وفاء ببعض حق الشيخ على التلميذ ، والله المستعان فهو صالح بن سعد اللحيدان، السبيعي نسباً ، المولود سنة 1372 في مدينة الرياض لقد عرفت الشيخ حفظه الله عن كثب فرأيت فيه من الصفات الحميدة والأخلاق الجميلة ما يزيدك به إعجاباً وتوقيرا و الشيخ يحب العلم وأهله، فلا تجده إلا في درس علمي أو مناقشة مفيدة أو تصنيف كتاب أو رد على سائل كل ذلك مع ما يتحل به من لين عريكة وبشاشة وجه، وتواضع جم، وسعة إطلاع في المعارف وهو حفظه الله ذو فضائل جمة ، لعل من أبرزها ما كان له من العناية والاهتمام التي يوليها تلامذته ، فقد كان يقربهم إليه ويمنحهم حبه وعلمه ولقد زرت الشيخ في بيته عدة مرات فكان يلزمنا بالمبيت عنده وتقديم الضيافة والراحة ، مع انشغال الشيخ فكان مثال في الكرم والجود العلماء الذين أخذ الشيخ عنهم العلم: 1: العلامة عبد الله بن حميد 2: الشيخ ابن طاسان 3: الشيخ العلامة عبد الله ابن عقلة 4: الشيخ العلامة عبد العزيز السلمان قال عنه الشيخ (رجل تعلوه السكينة والبساطة، جم الأخلاق، واسع البال، كان يشرح درسه مرتين بأسلوب شيق، وكان يمازح تلامذته بمداعبة جادة وموزونة. وكان -رحمه الله- جاداً صبوراً واسع النظر، وربما يذكرك بمن سلف من السلف، وكان ذا طول في التأني والتحمل وحسن الأداء وتعلمنا منه النقاش والشعور بالمسؤولية واستنطاق حال النص بشجاعة علميّة وأدبية. ) 5: الشيخ عبد العزيز ابن سبيل 6: وأخذ علم أسباب النزول من والدته حفظه الله ورعاها مناصب الشيخ: 1: عضو اتحاد المؤرخين العرب 2: عضو الجمعية العالمية للطب النفسي 3: المستشار القضائي في وزارة العدل 4: أستاذ كرسي / للدراسات القضائية والحديثية علوم الشيخ: يتميز الشيخ في حبه لعلم الحديث والسند فهو موسوعة في حفظ الأحاديث والرجال ولديه ملكة في الحكم على الحديث والرجال ، وصنف في ذلك مجموعة من الكتب مثل كتاب ( نقد رواة التاريخ ) وغيرها والشيخ نادرة في تفسير الرؤى ولي معه الشيء العجيب في ذلك دروس الشيخ: 1: في التفسير ( ابن كثير والشوكاني والمقدمة لابن تيمية ) 2: في الفقه ( الزاد ) والرحبية 3: الحديث ( البخاري ومسلم وغيرها الكثير) 4: علوم الحديث ( العلل للترمذي والجرح والتعديل لبن أبي حاتم في مدينة الطائف ) 5: في علوم متنوعة الكثير من الكتب كتب الشيخ : 1: كتب تراجم الرجال بين الجرح والتعديل 3 أجزاء 2: النقد العلمي لمنهج المحققين على كتب التراث (وقد تلقى فضيلة الشيخ خطابا من الأستاذ الدكتور شوقي ضيف رئيس مجمع اللغة العربية في القاهرة عبّر فيه عن إعجابه بالجهد العلمي القيّم الذي بذله الشيخ اللحيدان في كتابه النقد العلمي لمنهج المحققين على كتب التراث) جريدة الجزيرة السعودية 3: الجهاد في الإسلام بين الطلب والدفاع 4: حال المتهم في مجلس القضاء ( كان من الكتب المرشحة لجائزة الملك فيصل ) 5: الجريمة من منظور إسلامي 6: السؤالات 4 مجلدات 7: نقد رواة التاريخ 5 مجلدات هذه نبذة مختصرة عن شيخنا المفضال حفظه الله ، وما كان يسعني في ديني أن اكتم محاسنه ، وأدفن فضائله عرفاناً له بالجميل كتبه / عبد الكريم بن خالد الحربي عفا الله عنه في ليلة الثلاثاء الموافق 5/8/1422 الكويت حرسها الله للفائدة هذا موقع الشيخ صالح للرد على أسئلة الناس http://www.almanhaj.com/vb/forumdis...hp?s=andforumid=2http://www.almanhaj.com/vb/forumdis...hp?s=andforumid=2

http://www.saaid.net/Warathah/1/Alhiedan.htm المصدر

لتسهيل مشقة الإعتذار على "أحمدونا" ...




... المهم ....

Quote: مناصب الشيخ: 1: عضو اتحاد المؤرخين العرب 2: عضو الجمعية العالمية للطب النفسي 3: المستشار القضائي في وزارة العدل

شكراً تبارك شيخ الدين للمجهود الحربي ---

..

مفروض تتعمل دراسات علمية جادة لتأثير السواقة على المبايض
و الجهاز التناسلى للمرأة بصورة علمية بدل ما نرمى كلام
الشيخ فى البحر ونسخر منو. الدكتور لم يستطيع ان يؤكد
عدم وجود أثار جانبية لسواقة المرأة. والملاحظ ان حوادث
الطرق تأثر كثيرا جدا على الاجهزة البولية للمرأة بالمقارنة بالرجل
فأقل حادث يتعطن مقعد قيادة المرأة ...والعقلاء من رجال المرور او العامة
اول ما يفعلوه هو صب الماء على المقعد.
لا يعنى ما كتبت اننى موافق لطرح الشيخ ولكن السخرية فى العلم مهما
كان الطرح غريب غير محمودة.

.

Quote: فأقل حادث يتعطن مقعد قيادة المرأة ...والعقلاء من رجال المرور او العامة اول ما يفعلوه هو صب الماء على المقعد.

أأأأأأأأأأأأأأأأأأأأأأأأأأأأأأأأه يارب

ما قلت ليكم مشكله السودان مش من يحكم السودان ولكن كيف يفكر من يحكم السودان

يعنى اللاخ عبدالعظيم مكى عايز الناس والشيوخ يقولو اى كلام ويفترضوا اى فرضيه حتى ولو كانت ساذجه والناس
بعد داك تعمل دراسه !!! يعنى زى ماقال الفنان... قولوا اى كلام انتو يا الشيوخ ونجيكم نحن بالدراسات


قال
.والعقلاء من رجال المرور او العامة
اول ما يفعلوه هو صب الماء على المقعد.

هسى عليك الله يا عبدالعظيم هل شاهدته انت بام عينك موقف رجل مرور صب ماء على مقعد بعد الحادث ولا هو بس كلام عاطفى وونسه حبوبات
و "العقلاء" من رجال المرور ديل جابوا الكلام دا من راسهم ولا دراسه ولا شاهد عيان عشان ممكن دول العالم الثالث زى اروبا وامريكا
يستفيدوا من هؤلا" العقلاء " من رجالات المرور

Quote: لا يعنى ما كتبت اننى موافق لطرح الشيخ ولكن السخرية فى العلم مهما كان الطرح غريب غير محمودة.

[

انت يا زول موافق على كلام الشيخ ونص وخمسه ما تعمل فيها حريف ...انتى ذتا الطين بله وعطنتا المحله

قلت لى السخريه من العلم !!!ياتو علم دا


العزيز يحى قبانى والله شاهدت الفديو فعلا الدكتور كان تمام وعينى بارده تشكر يا سيدى

Quote: ولكن السخرية فى العلم مهما كان الطرح غريب غير محمودة.

العلم!!!!!!
ح اموت من الضحك يا مستر قبانى!!!!!

Quote: مفروض تتعمل دراسات علمية جادة لتأثير السواقة على المبايض و الجهاز التناسلى للمرأة بصورة علمية بدل ما نرمى كلام الشيخ فى البحر ونسخر منو. الدكتور لم يستطيع ان يؤكد عدم وجود أثار جانبية لسواقة المرأة. والملاحظ ان حوادث الطرق تأثر كثيرا جدا على الاجهزة البولية للمرأة بالمقارنة بالرجل فأقل حادث يتعطن مقعد قيادة المرأة ...والعقلاء من رجال المرور او العامة اول ما يفعلوه هو صب الماء على المقعد. لا يعنى ما كتبت اننى موافق لطرح الشيخ ولكن السخرية فى العلم مهما كان الطرح غريب غير محمودة.

كلام الشيخ -ذى كلامك ده- ما بيستاهل حتى نسخر منه.
الكلام بيسخر من روحه براه!!!!!!



يا أمة ضحكت من جهلها الأمم‎

ان تحدد الدراسة العلمية بصورة دقيقة اى الاعضاء
التناسلية للمرأة ستتأثر بصورة كبيرة من قيادتها للسيارة
هل هى الحوض..المبايض..ام قناة فالوب.
الدراسة يجب ان يقوم بها على الاقل طلبة دكتوراه بمستويات متميزة حتى
تعطى النتائج صديقة عالية.
ان تشمل الدراسة مجموعات اثنية مختلفة.
ان تشمل الدراسة الاثار السلبية لقيادة المرأة للسيارات الثقيلة والخفيفة.

Quote: يا امة ضحكت من جهلها الامم

اين الجهل حينما يكون العلم هو الفيصل يا اسمارت انا الفين وواحد.

Quote: فأقل حادث يتعطن مقعد قيادة المرأة ...والعقلاء من رجال المرور او العامة اول ما يفعلوه هو صب الماء على المقعد.

( يتعطن ) كيف يعني ؟

بيحصل شنو يعني ؟
___________________________

تحياتي مجيدو ...

Quote: التحية للدكتور الذي قارع هذا الشيخ المهووس بالحجة والمنطق والعلم

الدكتر ريحني يا قرضية راحة ما بعدها راحة ...

وده اول الطريق لتحجيم هؤلاء الجهلاء ...

Quote: السيرة الذاتية لصالح بن سعد اللحيدان (ليس صالح بن محمد اللحيدان بل شخص آخر) http://www.saaid.net/Warathah/1/Alhiedan.htmhttp://www.saaid.net/Warathah/1/Alhiedan.htm المصدر لتسهيل مشقة الإعتذار على "أحمدونا" ...

باقي ليك وقع ليهو ؟

Quote: انت يا زول موافق على كلام الشيخ ونص وخمسه ما تعمل فيها حريف ...انتى ذتا الطين بله وعطنتا المحله قلت لى السخريه من العلم !!!ياتو علم دا العزيز يحى قبانى والله شاهدت الفديو فعلا الدكتور كان تمام وعينى بارده تشكر يا سيدى

يا زينب الزول ده شكلو بيضحك بس ...

لانو ما في زول عاقل بقول جنس القالو ده ...

ولو كان جادي ... يتم تحويله الي بوست
Go Back حقي البلإنجليزي

Quote: لانو ما في زول عاقل بقول جنس القالو ده ...

رجال المرور العقلاء بتاعين عبدالعظيم ديل ما عاجبينك؟






... المهم ....

Quote: العلم!!!!!! ح اموت من الضحك يا مستر قبانى!!!!!

يا اسمارت لا حياء في العلم ...

و تاني لازم الزول يسأل من العربية المستعمله

لو كانت استخدام ( طبيبه ) ... ما يشتريها تجنباً لاي ( تعطين ) قديم ...

او لو كانت عامله حادثه قديمه و صلحوها ... نسأل الكان سايق رجل أم ( حُرمه ) ...

و الله العظيم ( عبده ) بالغ ...

Quote: رجال المرور العقلاء بتاعين عبدالعظيم ديل ما عاجبينك؟

بالحيل ...

وكل رجل مرور عاقل لابد ان يكون معاهو باغة موية في سيارته تحسباً لأي تعطين ...

و ينصح بارتداء الDiapers المخصص للكبار في الشوارع المزدحمه ...

معاكم فى المنشور الممتع دا الى ان يقضى الله امرا كان مفعولا.
انتو العلم مابينو مالكم...خايفين يوافق كلام الشيخ.

اخونا عبدالعظيم مكى...
الناس ما بتمشي تعمل دراسات كده بس عشان ترضى الشيوخ.
الدراسات بتتعمل لما يكون فى مشكلة. وحاليا ما فى مشكلة. يعنى ما فى سيدة شكت من الم او عدم انجاب من السواقة. الخواجيات (و السودانيات الان) الواحدة بتسوق من اليوم ال لى تمت فيه 16 سنة. و ما سمعنا بانه فى وباء او انقطاع نسل. قاعدين يولدوا و ما لين البلد. وعشان الشيخ المغفل (ايوه, مغفل) ما يقول الخواجيات بيلولدوا اتنين بس, المورمن ديل ناس دينهم بيشجعهم على الانجاب. اقل واحدة فيهم عندها 6 اطفال. و ديل برضوا سايقات من عمر 16 سنة.
ده غير ان الان سواقة اكبر شاحنة ذى سواقة اى مرسيدس سدان. التكنلوجيا خلت السواقة ما محتاجة عضلات, محتاجة مهارات اخرى. سواقة شاحنة كبيرة محتاجة مهارات تانية خالص غير العضلات.
يا اخى قولوا ما عاوزين النسوان يسقوا بس كده. مزاج.
لكن ما تفضحونا فى العالم.

يا قباني
شايف شيخنا في حديث المبايض كسح لاعند دول سنترال أميركا بي هناك .
قوليهو والله بي هناك بنات فيرجسون سايقات شاحنات الجينز التقيلة وبي الستيانة ساكت .
بين المكسيك ومستودعات ثاوث كارولاينا .. تقولي مبايض ؟
يا شيخنا عضل بنات فيجسون تبش والمبايض السليمة في الكامري القديمة ههههها .

ايام كنت في السعودية
اكد لي صديق سعودي اثق فيه جدا
ان المراة السعودية في المناطق الريفية تقود السيارة بصورة عادية

التحية لهن
والعار للبعير

Quote: Mohammed Elsadig Ahmed · الأكثر تعليقا · ‏‎Sales‎‏ في ‏‎International Company for Furniture‎‏ غايتو أحمدونا بالغ خت حاجة في راسو وحاول بكل الطرق يركبا فيك وفي النهاية كمان طالبك إنك تعتذر فتأمل هههههه

أحمدونا راسو والف سيف الا قباني ده الغلطان يا ود الصادق ...

غايتو الصبر بس ... اعتذاروا طال ... لكن صبرنا حدودوا غريق ...

سلام يا يحيى والجميع
وجدت الفيديو هنا في سودانيزاونلاين امبارح ولم أجد فرصة لمشاهدته إلا صباح اليوم. لكن البوست أظرف من الفديو ذاته خاصة ط م 1 1. طبعا عشان برضو الزول يشوف النصف المليان من الكوب المتمثل في كلام الدكتور اختصاصي النساء.
برضو الواحد يلاحظ شيء ايجابي آخر وه مستوى التعليقات في موقع يوتيوب.
وشر البلية ما يضحك.
لاحظت أن القناة الأمريكية في الشريحة التي وضعتها الدكتورة وضاحة خلطت فوضعت صورة الشيخ صالح اللحيدان رجل الدين المعروف بوصفه هو مطلق فتوى المبايض. بينما صاحب المقولة هو صالح اللحيدان آخر.

طبعا صالح اللحيدان رجل الدين المعروف هو ايضا ضد قيادة النساء للسيارت في السعودية كما يتضح من الشريحة التي وضعها أحمدونا.

ياسر

Quote: لاحظت أن القناة الأمريكية في الشريحة التي وضعتها الدكتورة وضاحة خلطت فوضعت صورة الشيخ صالح اللحيدان رجل الدين المعروف بوصفه هو مطلق فتوى المبايض. بينما صاحب المقولة هو صالح اللحيدان آخر.

سلام يا يحيى

و شكرا على البوست

ولدى سؤال للذين قالو بعدم وجود نصوص واضحة فى القرآن او السنة تمنع او تبيح قيادة المرأة للسيارة

هل توجد نصوص ت واضحة فى القرآن او السنة منع او تبيح قيادة الرجل للسيارة؟

سؤال للشيخ اللطيف اللحيدان اذا كان الاهتزاز يؤثر على مبايض المراة التى هى هناك داخل الجسم فما تاثير الاهتزاز على خصيتى الرجل التى هى مصنع السائل المنوى و التى تقع مباشرة فوق الكرسى الذى يهتز؟

Quote: يا اخى قولوا ما عاوزين النسوان يسوقوا بس كده. مزاج. لكن ما تفضحونا فى العالم.

الا يقولوها ليكم عديل ؟

اقعدوا في بيوتكم ... بلا سواقه بلا لمه ...

دايره تسوقي ؟ سوقي حلة الملاح ...

و اكسري يمين علي طشت الغسيل ....

و ارجعي خلف علي العده المكومة دايره غسيل دى ...

غايتو بعد رجال المرور العقلاء يكبوا جردل الموية على مقعد السواقة تاني ما عندها
اي طريقة تنكر و تقول انها ما "عطنت" المقعد

خلو الشيخ بتاع المبايض ...صاحب الموضوع زاتو قال ليكم ما تسوقو
وما تقولو لى احسن الاقتباس لانو شايف اى واحد بيقتبس من الحتة البتريحو.

Quote: دايره تسوقي ؟ سوقي حلة الملاح ... و اكسري يمين علي طشت الغسيل ....

ولسة سؤالى قائم مالكم مابيين الدراسة العلمية...ول خائفين كلام الشيخ يطلع صاح.

عبدالعظيم مكى :

Quote: ولسة سؤالى قائم مالكم مابيين الدراسة العلمية...ول خائفين كلام الشيخ يطلع صاح.

smart_ana2001 :

Quote: اخونا عبدالعظيم مكى... الناس ما بتمشي تعمل دراسات كده بس عشان ترضى الشيوخ. الدراسات بتتعمل لما يكون فى مشكلة. وحاليا ما فى مشكلة. يعنى ما فى سيدة شكت من الم او عدم انجاب من السواقة. الخواجيات (و السودانيات الان) الواحدة بتسوق من اليوم ال لى تمت فيه 16 سنة. و ما سمعنا بانه فى وباء او انقطاع نسل. قاعدين يولدوا و ما لين البلد. وعشان الشيخ المغفل (ايوه, مغفل) ما يقول الخواجيات بيلولدوا اتنين بس, المورمن ديل ناس دينهم بيشجعهم على الانجاب. اقل واحدة فيهم عندها 6 اطفال. و ديل برضوا سايقات من عمر 16 سنة.

الشيوخ قايلين السواقة دى حلاوة عشان النسوان عاوزنها???
انا شخصيا لو لقيت زول ساق لى (و ياريت لو كانت سيدة, ما عاوزة راجل غريب معاى فى العربية من مول ل مول) ما عندى اى مشكلة. ما بحب السواقة و بالنسبة لى ضياع زمن. لو لقيت سواقة سيدة تسوق لى يكون تمام خالص.
المشكلة انى ما ح القي زول يسوق لى 24 ساعة. اى وقت عاوزة امرق. و ح ابقى تحت رحمة زول تانى. وده هم اللى عاوزنه الشيوخ ديل. عشان كده قاعدة اسوق براى. ده غير انه انا عاوزه (ما اسوق) بمزاجى, موش عشان فى شيخ (ما عارف كوعه من بوعه) بيالف فى الطب.
ما سمعنا بشيخ قال الدنقير طول اليوم للمسح و النظافة مضر للظهر.
____________________________
الفيديو ده فضيحة. ذيها و ذى فضيحة اختراع الجيش السودانى علاج للايدز

Quote: الدراسات بتتعمل لما يكون فى مشكلة

ومين قال يا اسمارت انا الفين وواحد انو الدراسات بتتعمل لمن تكون فى مشكلة.
معظم الدراسات العلمية بتقوم على فرضيات...وفرضية الشيخ دى ما ترموها فى الواطة.

تعمل دراسة وافية كما فصلتها فى رد سابق...طلع كلام الشيخ صحيح تتوقفوا من السواقة...طلع ما صحيح تسوقو.

As Simple as That

هناك جانب آخر للمسألة..

أسي السعوديات ديل لو سمحوا لهن بالقيادة، فهذا يعني ضمن ما يعني خروج قطاع مقدر من العمالة الأجنبية من سوق قيادة السيارات هذا، وهو عدد ضخم للغاية، تقريباً أكثر من نصف العمالة الأندونيسية من الرجال موجودة في هذا القطاع..

بالإضافة للكثير جداً من الجنسيات الأخرى.. وفيهم سودانيين بطبيعة الحال..

يعني تخيل إنو كل أسرة سعودية لديها سائق واحد فقط.. بخلاف كون بعض الأسر لديها أكثر من سائق واحد.. ده غير الأجانب الذين يعملون في مهن ترحيل المعلمات وطالبات الجامعة من وإلى المدارس والكليات

قطع شك ديل ما حا يغادروا كلهم.. بل سيتجه بعضهم لمزاحمة الأجانب الآخرين في المهن الأخرى والأصلاً بقت تضيق بما يسمى بالسعودة..

بعدين يا هباني في مسألة انت ما ختيت ليها بالك.. وهي أن المجتمع السعودي مجتمع ليهو "خصوصيته" كما يدعي رجال الدين والإعلام والدولة هناك.. وكما يزعم بذلك قطاع كبير من المجتمع السعودي نفسه..

وبالتالي فربما بسبب من هذه " الخصوصية " المدعاة أن تكون مبايض نسائهم أكثر اختلافاً عن مبايض نساء الدنيا دي كلها وأكثر تأثراً بقيادة السيارات من غيرهن في دول العالم :)

انتو مالكم يا جماعة

طالما الشغلانة كدا إذن ما يركبن عربات نهائي مفروض الحرّوم ديل ... الداهية الاهتزازات دي موجودة في مقعد السواق بس يعني (وش بضحك و متحير شديد) ههههههههه
واله الراجل دا made my day

عظمة ... يا عظمة ...

Quote: تعمل دراسة وافية كما فصلتها فى رد سابق...طلع كلام الشيخ صحيح تتوقفوا من السواقة...طلع ما صحيح تسوقو.

يعني المشكلة العلمية التي تستدعي الدراسة ... هي مزاعم هذا الشيخ !!!!

ما كانش حد غُلُب ... يا قول امينة رزق ...

(واهو بالمرة المعهد القومي للصحة بأمريكا يكرم "عقلاء رجال المرور السودانيين" بى دراسة علمية بخصوص "عطن المقاعد" )




... المهم ....

Quote: تعمل دراسة وافية كما فصلتها فى رد سابق...طلع كلام الشيخ صحيح تتوقفوا من السواقة...طلع ما صحيح تسوقو

*

كلام الشيخ مستحيل يطلع صاح. الان احنا شايفين بعيوننا انه ما صح. غلط و كلام فارغ و ما بيستاهل حتى الكم كيلو بايت اللى قاعد فيهم فى الشبكة العنكبوتية.
نعمل دراسة برضو ان الشيوخ عندهم جينات غباء....و نمنعهكم (الان) من الكلام فى التلفزيون و مع الناس عموما. نعمل دراسة, لو طلع كلامنا صح (الشيوخ اغبياء) نواصل منعهم من الكلام. و لو طلع ما عندهم جينات غباوة نخليهم يتكلموا.
رايك شنو?
خايفين من الدراسة ليه?


التدخين مضر بالصحة و الدراسات و نتائجها جااااهزة.
عدم الرياضة مضر بالصحة و الدراسات و نتائجها جااااهزة.
الاكل الكتير و السمنة مضرات بالصحة و الدراسات و نتائجها جااااهزة.

لكن المنع و الوصاية على النساء و حريتهم.


الختان مضر بالصحة و و الدراسات و نتائجها جااااهزة.
زواج البنات القصر مضر بالصحة و الدراسات و نتائجها جااااهزة.
لبس النساء للاسود و عدم تعرضهم للشمس مضر بالصحة و الدراسات و نتائجها جااااهزة.

حتى منع المارسات اللى ممكن تفيد البشرية والنساء ما فى زول شغال بيها.
يمنعوها ليه و هى لارضاء شوخنا الاجلاء????
__________________________
*من حسن حظى انى من بلد حقوق المراة فيه متقدمة عن بلد شيخكم ده. و ما فى زول بيقدر يوقفنى من السواقة.
رغم محاولة حسبو نسوان و امثاله انهم يرجعونا للخلف!!!!

Quote: (واهو بالمرة المعهد القومي للصحة بأمريكا يكرم "عقلاء رجال المرور السودانيين" بى دراسة علمية بخصوص "عطن المقاعد" )

فكرة جيدة يا تبارك...والاجود ان نقوم بدراسة علمية وافية عن هذه الظاهر.

Quote: نعمل دراسة برضو ان الشيوخ عندهم جينات غباء....و نمنعهكم (الان) من الكلام فى التلفزيون و مع الناس عموما. نعمل دراسة, لو طلع كلامنا صح (الشيوخ اغبياء) نواصل منعهم من الكلام. و لو طلع ما عندهم جينات غباوة نخليهم يتكلموا.

ما فى ما يمنع ان تقوم اى جهة علمية بهذه الدراسة.

Quote: خلو الشيخ بتاع المبايض ...صاحب الموضوع زاتو قال ليكم ما تسوقو وما تقولو لى احسن الاقتباس لانو شايف اى واحد بيقتبس من الحتة البتريحو.

بي جدَّك ؟

Quote: سؤال للشيخ اللطيف اللحيدان اذا كان الاهتزاز يؤثر على مبايض المراة التى هى هناك داخل الجسم فما تاثير الاهتزاز على خصيتى الرجل التى هى مصنع السائل المنوى و التى تقع مباشرة فوق الكرسى الذى يهتز؟

وين يا دفعه ...

شنو .. خلاص وصلتوا المرحله دى ؟

لكن و الله اللحيدان لطيف بالجد يا هشام ... مُسَلِّي ...

Quote: لاحظت أن القناة الأمريكية في الشريحة التي وضعتها الدكتورة وضاحة خلطت فوضعت صورة الشيخ صالح اللحيدان رجل الدين المعروف بوصفه هو مطلق فتوى المبايض. بينما صاحب المقولة هو صالح اللحيدان آخر. طبعا صالح اللحيدان رجل الدين المعروف هو ايضا ضد قيادة النساء للسيارت في السعودية كما يتضح من الشريحة التي وضعها أحمدونا. ياسر

شايف يا ياسر ...

احمدونا اقتبس الجزء العجبه في كلامك ...

طيب يا احمدونا و الحل شنو هسي ...

انا و الله تعبت من الوقفه منتظرك تعتذر ولو بكلمه ...

Quote: قوليهو والله بي هناك بنات فيرجسون سايقات شاحنات الجينز التقيلة وبي الستيانة ساكت . بين المكسيك ومستودعات ثاوث كارولاينا .. تقولي مبايض ؟ يا شيخنا عضل بنات فيجسون تبش والمبايض السليمة في الكامري القديمة ههههها .

شيخنا ده يا عثمان النوع القايل الحصان ( ببيض ) ...

Quote: ايام كنت في السعودية اكد لي صديق سعودي اثق فيه جدا ان المراة السعودية في المناطق الريفية تقود السيارة بصورة عادية التحية لهن والعار للبعير

سلام ود العبيد ...

من زمني انا الهناك .. كانوا بيرعن غنمهم بالونيت ...

البدويه سايقه بوكسيها و داقشه الخلا زى الما حاصل شي ...

Quote: بي جدَّك ؟

وانتو بى جدكم فى الردود على تعليقاتى.
هل فقدنا روح الدعابة ام تعليقى الاول كان جاد لدرجة التصديق.

Quote: انا و الله تعبت من الوقفه منتظرك تعتذر ولو بكلمه ...

الأخ / يحى قباني --- خلي عنك مصداقية ....

جايب فيديو بتاع واحد مؤرخ يفتى من رأسه ... وفاتح بوست ....
كتب يحى قباني...

Quote: من زمني انا الهناك .. كانوا بيرعن غنمهم بالونيت ... البدويه سايقه بوكسيها و داقشه الخلا زى الما حاصل شي ...

تلفق وعايز إعتذار ....

Quote: الأخ / يحى قباني --- خلي عنك مصداقية .... جايب فيديو بتاع واحد مؤرخ يفتى من رأسه ... وفاتح بوست ....

جابت ليها اساءه كمان ...

ما اتوقعت منك غير كده ... أخلاق سلفيين ( مشُوبه ) بالوهابية ...

Quote: كتب يحى قباني... Quote: من زمني انا الهناك .. كانوا بيرعن غنمهم بالونيت ... البدويه سايقه بوكسيها و داقشه الخلا زى الما حاصل شي ... تلفق وعايز إعتذار ....

ألفق ؟

ممكن توريني وين التلفيق يا بطل ؟

البعرفو انا عن الناس ديل ...انت ما بتقدر تستوعبوا ولا فهمك بقدر عليه لانو زى فهم شيوخك ديل ...

الله يتقبل يا مولانا ...

Quote: Abo Alkhalifa · Jeddah, Saudi Arabia انت يا قباني احمدونا ده سعودي !! فعلا سلفية السودان مشاعرهم مستلبه لسلفية السعودية .. ملوك اكثر من الملك .. لعن الله الريال الذي يجعلك تابع بدون فكر .. رد · · منذ ‏3‏ ساعات

سلام يا عبدو ...

يا ريت ... !! سعودى شنو كمان ...

بس يخلوهوا كده ... تابع و مشتاق ...

شر البلية ما يضحك ...

الليلة ضرب لي واحد صديق بيسأل من شاب سوداني خطب بتهم ...

و قال لي انت بتعرف اهلوا ... و بتعرف الولد ...

بس دايرين نعرفوا ملتزم ...اخلاقوا كويسه ... متدين ... و شغله كيف ...

قلت ليهو الفيهو النصيب و الحقيقة الولد مافوقوا كلام ...

انبسط الرجل و قال لي خلاص ان ببلغ ابو البت ...

قلت ليهو دقيقة دقيقة ...

انحنا كمان عندنا سؤال عن بتكم ...

وبصراحة انا داير اتأكد انو الكلام السمعناهوا صاح ولا لأ ...

اتخلع صاحبي ... و سامع صوت ريقو في التلفون ...

و بعد صنة ... قال لي انتو سمعتو شنو ؟

قلت ليهو في زول جنبك ؟

قال لا ياخي و اتفضل قول لو سمحته !!!....

قلت ليهو ... بي صراحه احنا سمعنا انو بتكم بتسوق عربيه !!!
___________________________________________
طبعا القصة دي حصلت الليله ... و ريقي نشف و انا بحاول احكي ليهو عن البوست ده

و عمنا اللحيدان قال شنو ...

بصراحة الراجل زعل مني وشكلوا ما استحسن الهزار حقي ده ...

انا اشهد بان قباني كان قاصد الشيخ صالح اللحيدان المفتي المعروف...

ظااااااااهر من خطو...

اعتذر ياقباني وبطّل مكابرة:)

بعدين انا ما عارف ناس اسمارت ديل مضايقيين من كلام عبدالعظيم دا في شنو

قبل فترة في مرا اسبانية دخلت فيني بالفان بتاعها لمن نزلت من عربيتي

لقيت الفان بتاعها يشرشر من تحت وانا من سذاجتي قلت احتمال اللديتر اتقدا:)

وانا عربتي نقطة ما طلعت منها (انا الكلس)اها قولكم شنو مش دي دراسة عملية؟؟؟

Quote: انا اشهد بان قباني كان قاصد الشيخ صالح اللحيدان المفتي المعروف... ظااااااااهر من خطو... اعتذر ياقباني وبطّل مكابرة:) بعدين انا ما عارف ناس اسمارت ديل مضايقيين من كلام عبدالعظيم دا في شنو قبل فترة في مرا اسبانية دخلت فيني بالفان بتاعها لمن نزلت من عربيتي لقيت الفان بتاعها يشرشر من تحت وانا من سذاجتي قلت احتمال اللديتر اتقدا:) وانا عربتي نقطة ما طلعت منها (انا الكلس)اها قولكم شنو مش دي دراسة عملية؟؟؟

ما عندكم رجال مرور عُقلاء في بوسطن ولا شنو يا حسين ؟

الله يضحك صباحك يا نوباتيا
أنا ذاتي بشهد معاك
كنت وافق على الرصيف، مستني

ما هو تأثير القيادة على المبايض مع مشاكل كراسي الماكينة والتي تتسبب في هزّة السيارة ؟
ومتى يتم تغيير البواجي للسيارة التي تقودها المرأة ؟

وأيّهما أشدّ ضرراً عليها سيّارات الدفع الأمامي أم الدفع الخلفي أم الدفع الرباعي ؟



ثمّ تحياتي يا يحيى ،،،

Quote: وانتو بى جدكم فى الردود على تعليقاتى. هل فقدنا روح الدعابة ام تعليقى الاول كان جاد لدرجة التصديق.

قول داير أزوغ .. ما فيها حاجه ...

زاغوا قبلك شيوخ في البورد ده يا ود مكي ...

و من هنا بهدي ليك ...

قالو لي في الخرطوم ( البت تسوق عربية )

و يا رااااابيي متين أسوق عربية ..
__________________________________________
ما كانو عارفين ( مغبة ) قيادة السيارات في ذلك الوقت ...

Quote: قول داير أزوغ .. ما فيها حاجه ... زاغوا قبلك شيوخ في البورد ده يا ود مكي ...

الحقيقة ما ذكرتها لك...ما عندى علاقة بى مبايض المرأة ولا قيادة سيارتها
والموضوع من اساسه بالنسبة لى اعتبرته ملحة لتغيير رتابة المنبر.
ويا يحيى يا اخوى لو ما ردى الاول الموضوع دا كان مات من اول المداخلات.
لو عاوز تصدق ما اقول فلك ذلك وان لم ترد فمن حقك.
تحياتى