لم اتوقع ان تكون نيروبي اجمل من الخرطوم واغلي من الدوحة ... ( صور + فيديو )

كل الافارقة ماشين لقدام الا نحن
ومن عجب ماشين في كل شيء ( سلوك + تنمية )

الامطار شغالة يومين وقالوا من قبل كانت شغالة اكثر من اسبوع وبصورة مستمرة
ومع هذا تخرج للشارع ولا تجد موية . تصريف اغلبه مكشوف وبدائي في شكله ولكنه فعال بصورة تحيرك
المطر شغال والناس في شغلها عادي ثقافة المظلات سائدة ( كل زول شايل مظلتو وحايم كانو ليس هناك مطر غزير )
العمل يجري عادي ( دواوين الحكومة + المدارس + القطاع الخاص + حتي الباعة المتجولين شغالين )

والعجب انو المدينة رغم هطول الامطار اغلب السنة ما فيها باعوض ولا ملاريا ولا ذباب ولا حشرات تذكر
واديس ابابا تشبهها في هذه الحالة

فكيف يكون الحال لو صبت امطار في الخرطوم لمدة ثلاثة ايام متوالية ؟؟؟

ناس درست الهندسة وطبقتها علي ارض الواقع علي حسب الامكانيات ولم تتحجج بقلة الامكانيات
واحسب ان مصارف الامطار في اديس ابابا ونيروبي في كفأتها تنافس امريكا واروبا

اما عن المواصلات العامة فحدث ولا حرج
وسوف اتناول ذلك بالصور ( الصور سوف تتأخر شوية )

والعربات بصورة عامة لا يوجد فيها هكر وكراكيب ( تتفوق علي الدوحة في ذلك )
وخارج العاصمة نيروبي يوجد هكر وكراكيب

تحياتي يا جادات

بس اعمل حسابك من العصابات..

أكان لقوا فيك فرقة جري ما بتمرق.. هاها

تحياتي

Quote: والعجب انو المدينة رغم هطول الامطار اغلب السنة ما فيها باعوض ولا ملاريا ولا ذباب ولا حشرات تذكر واديس ابابا تشبهها في هذه الحالة

سلام
الأخ الفاضل
صلاح جادات
نيروبي عاصمة كينيا من أجمل مدن دول شرق إفريقيا وفيها مقر للأمم المتحدة في أفريقيا والشرق الأوسط.
والمدينة معقمة من الباعوض علي ماإعتقد
والمعيشة فيها غالية جدآ كما ذكرت
تحياتي

صلاح جادات..

نيروبى ما أجمل من الخرطوم..
وبعدين و..س..خ..ا..ن..ة شديد..
وفيها مشكلة صحية كبيرة اللى هى مشكلة الصرف الصحى..
والشحادين فى كل ركن..
وكمان بغنوا ويدقوا الدلوكة وهم بيشحدوا..
وفى نسبة جريمة عالية جدا..
وهى ايضا من المدن الآفريقية اللى فيها الايدز منتشر بشكل وآسع..

كراهيتنا للكيزان ما تخلينا نكره البلد...

عزيزنا جادات
سلام مربع
لا لا يا أخوي
لفينا عوأصمنا الافريقية عاصمة عاصمة .
مافي زي الخرطوم في الجمال كلوكلو ..
الخرطوم يا أخ صلاح سماحة الله .. يعني ربنا هو الخلق الخرطوم جميلة .
لا شغل محافظ لا شغل معتمد .. دي هندسة ربنا ..
ياخ وين في الدنيا في عاصمة بين أجمل وأحلي نهرين ؟
دي عاصمة مهما جلبط فيها المجلبطون , ومهما نهب من وأفر خيرها المفحطون
فهي عروسة تترتر في سجادتها العجيبة .
ليك التحية حبيبتي الخرطوم .

الاخ عادل لك التحية
- انت قايلا الخرطوم ....
- نيروبي آمن من الدوحة وفيها منظومة قوية تشبه اديس ابابا وتتفوق عليها وسوف اتحدث عنها بالتفصيل
- عصابات في نيروبي الا يعملوها الكيزان

Quote: تحياتي يا جادات بس اعمل حسابك من العصابات.. أكان لقوا فيك فرقة جري ما بتمرق.. هاها تحياتي

الاخ محمد نور سلام
ولك التحية
وهو كذلك

Quote: سلام الأخ الفاضل صلاح جادات نيروبي عاصمة كينيا من أجمل مدن دول شرق إفريقيا وفيها مقر للأمم المتحدة في أفريقيا والشرق الأوسط. والمدينة معقمة من الباعوض علي ماإعتقد والمعيشة فيها غالية جدآ كما ذكرت تحياتي

آمن من الدوحة ؟
والله حرام عليك يا صلاح . ياخ نيروبي أخطر من نيواورليانز بعد الطوفان .
وأنا بقوليك كلام حقيقة يا أخوي .
والله العظيم يا صلاح قدأم عيني وفي الشارع العام وعلي بعد أمتار من فندق هيلتون . وأحد رجل أعمال نيجيري
ومعاوي سكرتيرتو فيتنامية .
الزول ده أضرب مطاوي خلو بطنو بطيخة و النهار وفي نص دقيقة أتشلح الشنطة والساعة .
...
تحياتي

نور تاور
- انا من راي اجمل من الخرطوم
- في بعض الاحياء كما قلت ######انة ولكن ليس ك###### الخرطوم وحتي في بعض الدول الاروبية والخليجية بتجدي بعض الاماكن ######انة
- ولقد سألت بعض الاخوة عن ذلك قالوا الاحياء التي يتمركز فيها الصومالين الدولة لا تهتم بها
- ما شايف اي مشكلة في الصرف الصحي ولا طفح لها
- بالعكس نسبة الجريمة فيها منخفضة وسوف اوضح ذلك وباختصار هل عندما زرتيها كان فيها هذا :
- عند كل سوبرماركت وكل محل تجاري كبير وكل فندق وكل عمارة كبيرة حرس ومعاهو جهاز للتفتيش ؟
- الحراس منتشرين بصورة عجيبة وتعاون شديد بينهم .. ليل ونهار اضافة الي البوليس مسلح في كل مكان
فكيف تكون هناك جرائم كثيرة ؟
- في الاحياء الفقيرة في نشالين صغار في السن زي اديس ابابا وديل الحذرونا منهم
- الايدز في كينيا ينتشر في المناطق الحدودية لجنوب السودان واثيوبيا وفي نيروبي يوجد الايدز ولكن بصورة اقل
لان معظم سكان نيروبي مسيحين وثقافة الكوندوم منتشرة ( تلقي في الفندق خاتينو ليك في التربيزة مجانا وصندوق كامل )
- القال ليك منو نحن بنكره السودان ؟ عشان قلنا نيروبي اجمل خلاص بنكره السودان !!!
اها طيب لو قلنا سويسرا اجمل من السودان برضو بنكره السودان

Quote: صلاح جادات.. نيروبى ما أجمل من الخرطوم.. وبعدين و..س..خ..ا..ن..ة شديد.. وفيها مشكلة صحية كبيرة اللى هى مشكلة الصرف الصحى.. والشحادين فى كل ركن.. وكمان بغنوا ويدقوا الدلوكة وهم بيشحدوا.. وفى نسبة جريمة عالية جدا.. وهى ايضا من المدن الآفريقية اللى فيها الايدز منتشر بشكل وآسع.. كراهيتنا للكيزان ما تخلينا نكره البلد...

الاخ عثمان سلام
- ده رايك

Quote: عزيزنا جادات سلام مربع لا لا يا أخوي لفينا عوأصمنا الافريقية عاصمة عاصمة . مافي زي الخرطوم في الجمال كلوكلو .. الخرطوم يا أخ صلاح سماحة الله .. يعني ربنا هو الخلق الخرطوم جميلة . لا شغل محافظ لا شغل معتمد .. دي هندسة ربنا .. ياخ وين في الدنيا في عاصمة بين أجمل وأحلي نهرين ؟ دي عاصمة مهما جلبط فيها المجلبطون , ومهما نهب من وأفر خيرها المفحطون فهي عروسة تترتر في سجادتها العجيبة . ليك التحية حبيبتي الخرطوم .

الأخ صلاح جادات

السلام عليك وعلى ضيوفك الكرام

من حقك تقول ما تشاء ولكن يجب أن لا تلوي عنق الحقيقة
كثير من قراء المنبر زاروا نيروبي وانا منهم
في الحقيقة نيروبي ليست اجمل من الخرطوم
الأمن فيها أسوا من الخرطوم فقد رأيت بعيني في وضح النهار حوادث سلب ونهب في وسط نيروبي
أي امام فندق هيلتون وفندق 68
حكى لي صديق من جنوب السودان كان يقيم في نيروبي انه ذات مساء حوالي السابعة مساء هجمت على منزلهم
عصابة مكونة من 6 اشخاص جاءوا بعربة واقتحموا المنزل بقوة السلاح وجمعوا كل الأدوات الكهربائية والالكترونية زائد
مبلغ عشرين الف شلن كان في المنزل وفتشوا المنزل تفتيشا دقيقا ولم يتركوا شيئا في المنزل
صديق كويتي ترك سيارته امام فندق هيلتون ودخل الفندق للعشاء ولما عاد وجد سيارته مرفوعة على احجار وسرقوا
كل لساتك السيارة.
اليابانيون الذين يزورون نيروبي تسمع منهم عند عودتهم قصص أغرب من الخيال عن الأمن في نيروبي
هذا بالإضافة إلى قصص خرافية تسمعها من الأجانب المقيمين في نيروبي، وحقيقة نيروبي تعتبر أسوأ عاصمة إفريقية من حيث الأمن .

تحياتي ووافر احترامي

صلاح جادات..

نيروبى ما أجمل من الخرطوم..
وبعدين و..س..خ..ا..ن..ة شديد..
وفيها مشكلة صحية كبيرة اللى هى مشكلة الصرف الصحى..
والشحادين فى كل ركن..
وكمان بغنوا ويدقوا الدلوكة وهم بيشحدوا..
وفى نسبة جريمة عالية جدا..
وهى ايضا من المدن الآفريقية اللى فيها الايدز منتشر بشكل وآسع..

كراهيتنا للكيزان ما تخلينا نكره البلد...

...................................................

اشهد بانك وطنية النضال

اختنا تاور

خارج النص\

جادات انت مشيت لي اجتماع الكومسيا ولا شنو

استطلاع رأي حول (نيروبي أجمل وآمن من الخرطوم ، وآمن من العاصمة القطرية الدوحة كمان) :-

الذين اجابوا بـ (لا) من اعضاء المنبر (حتى لحظة اعداد هذه النتيجة) :-
1) عادل ابراهيم احمد
2) نور تاور
3) عثمان موسى
4) جعفر اسماعيل

الذين اجابوا بـ (لا) من الفيس بوك:
5) Abu Ahmed
6) Ahmed M A Salih
7) Mohammed Alsadiq Ahmed
____________________________________________
الذين اجابوا بـ (نعم): صلاح جادات
____________________________________________
عدد الإجابات ب (نعم) = 1
عدد الإجابات ب (لا) = 7

نسبة الذين يعتقدون أن نيروبي أجمل وأأمن من الخرطوم والدوحة (صلاح جادات) = (1÷8)*100 = 13%
نسبة الذين يعتقدون نيروبي (ليست أجمل وآمن من الخرطوم والدوحة) = (7÷8)*100 = 87%

لاحظ عزيزي القارئ أن الغلاط ح يستمر حتى لو اتداخل جميع أعضاء المنبر وقالوا ليه كلامك ما صحيح ... جادات ما ح يتراجع نهائي من كلامه القالوا في الأول ...
نتابع ونشوف ...

Quote: عند كل سوبرماركت وكل محل تجاري كبير وكل فندق وكل عمارة كبيرة حرس ومعاهو جهاز للتفتيش ؟ - الحراس منتشرين بصورة عجيبة وتعاون شديد بينهم .. ليل ونهار اضافة الي البوليس مسلح في كل مكان فكيف تكون هناك جرائم كثيرة ؟

يا ساتر...
نسفت الموضوغ تماما..........

عثمان لك التحية
كلامك ده متين حدد تاريخ ؟
ونفس السؤال المطروح علي نور تاور برضو بنطرحو عليك
تعرف كلامك ده وكلام الباقين انا بيعني لي شيء معين
الا اكون قاعد في مدينة اخري غير نيروبي
وان شاء الله سوف اتكلم عن الامن بالصور

Quote: آمن من الدوحة ؟ والله حرام عليك يا صلاح . ياخ نيروبي أخطر من نيواورليانز بعد الطوفان . وأنا بقوليك كلام حقيقة يا أخوي . والله العظيم يا صلاح قدأم عيني وفي الشارع العام وعلي بعد أمتار من فندق هيلتون . وأحد رجل أعمال نيجيري ومعاوي سكرتيرتو فيتنامية . الزول ده أضرب مطاوي خلو بطنو بطيخة و النهار وفي نص دقيقة أتشلح الشنطة والساعة . ... تحياتي

Quote: وان شاء الله سوف اتكلم عن الامن بالصور

الامن بالصور والدفاع بالنظر

_______________

Quote: كلامك ده متين حدد تاريخ ؟

اها اللولوة بدت يا اخوانا ... قولوا واحد :)

المزوراتي قسم الفضيل
- دي المرة الثالثة نضبطك مزور وبالدليل
- وفعلا عمرو ديل الكل ب ما يدعدل
- حتي في الاستطلاع البسيط ده لحقت تزور ومن غير خجلة ها ها ها
- مداخلة محمد نور ليه ما دخلتها في الاستطلاع هل هي مداخلة في بوست تاني !
- في اي محل شغلكم خج وبعد ده عينكم قوية
تعال ابلع من سكات ( ثلاثة مرات شفتا الله بفضح فيك كيف يا منافق )
- غلاط شنو .. لو انت بتفهم انا المدينة البتكلم عنها موجود فيها حاليا ولم يحدثني عنها احد
- ذكرتني الدجاج الالكتروني . بالصور والفيديو نقول في مظاهرة يجو يقولو ليك نحن هسع كنا هناك مافي حاجة

Quote: استطلاع رأي حول (نيروبي أجمل وآمن من الخرطوم ، وآمن من العاصمة القطرية الدوحة كمان) :- الذين اجابوا بـ (لا) من اعضاء المنبر (حتى لحظة اعداد هذه النتيجة) :- 1) عادل ابراهيم احمد 2) نور تاور 3) عثمان موسى 4) جعفر اسماعيل الذين اجابوا بـ (لا) من الفيس بوك: 5) Abu Ahmed 6) Ahmed M A Salih 7) Mohammed Alsadiq Ahmed ____________________________________________ الذين اجابوا بـ (نعم): صلاح جادات ____________________________________________ عدد الإجابات ب (نعم) = 1 عدد الإجابات ب (لا) = 7 نسبة الذين يعتقدون أن نيروبي أجمل وأأمن من الخرطوم والدوحة (صلاح جادات) = (1÷8)*100 = 13% نسبة الذين يعتقدون نيروبي (ليست أجمل وآمن من الخرطوم والدوحة) = (7÷8)*100 = 87% لاحظ عزيزي القارئ أن الغلاط ح يستمر حتى لو اتداخل جميع أعضاء المنبر وقالوا ليه كلامك ما صحيح ... جادات ما ح يتراجع نهائي من كلامه القالوا في الأول ... نتابع ونشوف ...

سلام

اعتقد ان اثيوبيا لم تصرف اي قروش على مصارف الامطار .......طبيعة اديس ابابا الجغرافية هي سبب تصريف المياه بكل هذا السهولة

عكس الخرطوم ...فالخرطوم منبسطة يصعب تصريف مياه الامطار منها .......

سوف ابدأ في تنزيل الصور ثم ارجع للرد علي المتداخلين

وسوف ابدأ بسنتر المدينة الذي يسمي بالتاون وهو يشبه سنتر الخرطوم
وفيه ركزت علي المواصلات . وسوف اعلق مع الصور
مع العلم كل المواصلات الباصات وحتي السفرية صناديقها مركبة في كينيا وهي ذات ديزاين واحد
مع اختلاف الالوان ( يستوردوها شاسي ومكنة فقط ) وكده طبعا ارخص اضافة الي تشغيل العمالة الكينية في تصنيع الصندوق
وعدد الباصات مهول جدا وسوف تلاحظوا ذلك في الصور . في كل مكان مواصلات ويكركو ليها بالصف
مع العلم مافي شماعة ابدا . والشماعة مخالفة كبيرة وفي كل الاوقات متوفرة لدرجة وقوفها بالصف
وفي الحافلات الصغيرة ( الهايس وغيرها ايضا متوفرة بصورة تحير )
وفي الركشات ( مقفلة بابواب )
وفي المواتر العادية ( دي في كل ناصية شارع موجودة )
لا اظن في العالم كله في دولة وفرت المواصلات المريحة لمواطنيها مثل كينيا
والباصات بالارقام
وطبعا في التكاسي ودي ايضا علي قفا من يشيل ( وفي الطرحة ارخص طبعا من المشوار )
مع العلم ان التاكسي فيها اغلي من دول الخليج
معظم العربات في كينيا شغالة بالغاز والديزل ( لا يوجد تلوث الا الغبار في بعض المناطق )
اخليكم مع الصور ولاحظو المواصلات منتشرة كيف

دي الباصات وشكلها شبه واحد

والباصات من الداخل كلها زي ده :

ودي الكمسارية شايلة رقم البص وبتكورك
مع العلم الزول التحت ده عندو جهاز بفتش اي راكب وسوف انزل صورة للجهاز
( في كل مكان في حارس شايل جهاز حتي السوبرماركت ما بتدخلو قبل تفتش وسوف تلاحظو ذلك عندما اتكلم عن الامن )

ودي الحافلات الصغيرة

ودي التكاسي
واول صورة ده صف الطرحة :





معظم التكاسي الدايزاين بتاعها زي العربية الفي نص دي وكلها شغالة بالغاز :




تكسي يشبه الحافلة

ودي الركشات : ( نكتفي بعينة واحدة ) :

ودي المواتر ( بكرة حانزل صورة لكثافتها في المدينة ) :

وديل ناس الكداري
وبكرة ان شاء الله سوف ننزل بقية الصور ( مع العلم المناطق الجميلة لسع ما جيناها ) :

نيروبي اخيصلاح بعد سياسة الانفتاح علي السوق العالمي وخاصة
اليابن والصين غزت السوق بشكل رهيب فاصبح تطاول البنيان والعمارات السمحة الانت
شايفها دي المشكلة في كينيا ونيروبي علي وجه الخصوص
الامن
انعدام الامن هو مشكلة تواجه كل من يسكن نيروبي
العصابات المسلحة التي تهدد امن الملايين في نيروبي

ثانيا:
الفساد فانت تتحدث عن رجال الشرطة المدججين بالسلاح
هم راس الرمح في الفساد في كينيا تراهم هكذا ولكن هم وبشكل قانوني
يقومون بنهب المواطنيين والاجانب نهارا جهارا وباسم القانون في كينيا
فرجل الشرطة في نيروبي يعتمد علي الشارع في معيشته وهو ما يدعو للاندهاش
وليس ببعيد التفجيرات الاخيرة التي حدثت في نيروبي وقبل مرور ساعة زمن تم تحديد الجهة التي قامت بالعملية
وبعدها مباشرة تم استهداف الصومالين المقيمن هناك علما بان الغالبية منهم يحملون الجنسية الكينية ولهم اعمل تجرية
ضخمة هناك الشرطة في نيروبي اذا علمو بانك مقيم في قطر دي مصيبة احسن تبقي مارق يا راجل دي نصيحة من اخ

ثالثا:
الحكومة من الرئيس وحتي اصغر موظف في الدولة فاسدين وحرامية وهذه هي ميزة تميز القارة الافريقية عن غيرها من قارات العالم
انت لم تسكن هناك اتمني عن تذهب اليوسط المدينة وتقابل السودانين وتسالهم وسوف يحكون لك حكاوي لا يمكن ان تصدقها ملم تكن عايش في نيروبي

ونديك نصيحة تانية الكيزان في ظل تلك البيئة الفاسدة موجودين وبكثرة في نيروبي
يصولون ويجولون مع هذه العصابات الفاسدة
ابقي مارق يا راجل
نتمني ليك السلامة

مودتي

كدي الواحد يسلم عليكم اول حاجة...

الواحد يشكر صلاح جادات علي البوست ...

دي نوع بوستاتى المحببة وهي مقارنة السودان بدول الجوار خاصة الإفريقية منها عشان ما نمش بعيد...

عشان نشوف الناس الحولنا واقفين وين ونحنا وين...

بعدين حقو نفصل موضوع الأمن وما نخلطوا مع موضوع الجمال.

ولاية دارفور أجمل من ولاية الخرطوم. هل لانه دارفور تعانى من مشاكل في النواحي الأمنية يعنى إنها ما أجمل من الخرطوم ؟

بعدين موضوع مقارنة الأمن بين الخرطوم ونايروبي موضوع نسبي..لأنه بدخل فيه أمن صحي وغذائي وعسكري وكل أنواع الأمن..

أن كتبت بوست في المسألة الأمنية والحالة التى تعيشها نايروبي من خوف وهلع وموجود في الربع ده. ولازال الوضع كما عليه بالعديد من التغيرات بالذات في نايروبي..

نايروبي فعلا أجمل من الخرطوم من ناحية الطبيعة والبنية التحتية والخدمات الأساسية والأماكن السياحية ..

لكم التحايا..

الاجازة في العاصمة الخرطوم 2014

شارع النيل امدرمان 2014






_________

تحياتي؛؛
حج وبيع سبح.

البنية التحتية والخدمات الأساسية والأماكن السياحية أفضل من الخرطوم (هذه حقيقة )
بعد سياسة الانفتاح علي السوق العالمي تقدمت نيروبي كثيرا عن الخرطوم ( هذه حقيقة )

لكن المشكلة الأمنية تتفوق فيها نيروبي على جميع العواصم الإفريقية
فأنت تمشي في وسط نيروبي في وضح النهار وتتوقع الشر في أي لحظة

Quote: ناس درست الهندسة وطبقتها علي ارض الواقع علي حسب الامكانيات ولم تتحجج بقلة الامكانيات

الاخ صلاح
تحياتى
نحن نعانى من قلة ضمير فى السودان

يا جادات طمنا عليك ... ما تكون عصابات نيروبي شلّعت لاب توبك وموبايلك ولحقوك امات طه :) ... مختفي ليك يومين !!!!

اعتقلتني السلطات الكينية بسبب الصور
واتهمتني بالانتماء للقاعدة والشباب الصومالي
سوف افصل لاحقا

يا جادات اولا حمد لله على سلامة شوفتك ياخي ...
ياخي انا الوحيد الفقدتك في المنبر دا ... ولا كلمة شكرا ما في ؟؟؟ ليه كدة يا جادات ياخ ؟؟؟

Quote: سوف افصل لاحقا

الخُلعَة لسه ما مرقت منك ولا شنو ؟؟؟
تاني قول نيروبي آمن من الدوحة :) ... ذكرتني نكتة ادروب القال فيها الحمد لله ما قلنا شطة مافي ...

صلاح جاكات

حمد الله على السلامة والاعتقال بتاعك الكان يوم 14 سبتمبر واستمر لاربعة ايام يعني لحدي يوم 18 سبتمبر خلانا فتقدك

ولقد قمنا بابلاغ بكري ابو بكر ان احدهم كان يستعمل باسويردك في غيابك ويفتح بها بوستات

الرجاء تغييير كلمة السر حتى لا تسرق اثناء اعتقالاتك المستقبلية

شكرا
لكن صورك دى كلها كلوز اب.. ما فيها بانوراما واحدة عشان كاد الحكم صعب
صور اشخاص أو بص أو واجهة مبنى

قسم الفضيل المزوراتي
جاي تشمت يا لسواد قلوبكم وحقدكم يا كيزان
ولكن هيهات

Quote: يا جادات طمنا عليك ... ما تكون عصابات نيروبي شلّعت لاب توبك وموبايلك ولحقوك امات طه :) ... مختفي ليك يومين !!!!

الصادق الحرامي المشاطة
لانك غبي وهل يفهم الغبي شيئا في الحساب
- همك اني اقيف من المنبر يا كل ب الكيزان الاجرب باي وسيلة
عاوز ترتاح من المسح بالارض يا حقير
جريت جري لبكري ليوقفني يا لبؤسك وخيبتك

Quote: صلاح جاكات حمد الله على السلامة والاعتقال بتاعك الكان يوم 14 سبتمبر واستمر لاربعة ايام يعني لحدي يوم 18 سبتمبر خلانا فتقدك ولقد قمنا بابلاغ بكري ابو بكر ان احدهم كان يستعمل باسويردك في غيابك ويفتح بها بوستات الرجاء تغييير كلمة السر حتى لا تسرق اثناء اعتقالاتك المستقبلية

الاخ محمد لك التحية
لا اوافقك في اغلب ما جئت به في هذه المداخلة
الفساد الكتير والتنمية والجمال والمعمار خطا متوازي
لقد صورت نيروبي كانها مقديشو
ومع هذا اعترفت بالعمارات السمحة والانفتاح
مع العلم ما نزلته من صور لا يمثل سوي 5% من جمال ومعمار وتنمية نيروبي
فعلا الكيزان منتشرين ومتنقلين مابين جوبا وكمبالا ونيروبي
وتنظيم العالمية ايضا منتشر

Quote: نيروبي اخيصلاح بعد سياسة الانفتاح علي السوق العالمي وخاصة اليابن والصين غزت السوق بشكل رهيب فاصبح تطاول البنيان والعمارات السمحة الانت شايفها دي المشكلة في كينيا ونيروبي علي وجه الخصوص الامن انعدام الامن هو مشكلة تواجه كل من يسكن نيروبي العصابات المسلحة التي تهدد امن الملايين في نيروبي ثانيا: الفساد فانت تتحدث عن رجال الشرطة المدججين بالسلاح هم راس الرمح في الفساد في كينيا تراهم هكذا ولكن هم وبشكل قانوني يقومون بنهب المواطنيين والاجانب نهارا جهارا وباسم القانون في كينيا فرجل الشرطة في نيروبي يعتمد علي الشارع في معيشته وهو ما يدعو للاندهاش وليس ببعيد التفجيرات الاخيرة التي حدثت في نيروبي وقبل مرور ساعة زمن تم تحديد الجهة التي قامت بالعملية وبعدها مباشرة تم استهداف الصومالين المقيمن هناك علما بان الغالبية منهم يحملون الجنسية الكينية ولهم اعمل تجرية ضخمة هناك الشرطة في نيروبي اذا علمو بانك مقيم في قطر دي مصيبة احسن تبقي مارق يا راجل دي نصيحة من اخ ثالثا: الحكومة من الرئيس وحتي اصغر موظف في الدولة فاسدين وحرامية وهذه هي ميزة تميز القارة الافريقية عن غيرها من قارات العالم انت لم تسكن هناك اتمني عن تذهب اليوسط المدينة وتقابل السودانين وتسالهم وسوف يحكون لك حكاوي لا يمكن ان تصدقها ملم تكن عايش في نيروبي ونديك نصيحة تانية الكيزان في ظل تلك البيئة الفاسدة موجودين وبكثرة في نيروبي يصولون ويجولون مع هذه العصابات الفاسدة ابقي مارق يا راجل نتمني ليك السلامة مودتي

ده الجهاز التفتيش المنتشر في كل مكان ( مطعم + باص + سوبرماركت + فندق + بنك + غيرها )
وده في سوبرماركت ( اي الة حادة ما بتدخل بيها سكين مقص وغيرها ) :
ولعلمكم قدام اي محل حارس خاص لا علاقة له بالحكومة ( ليل ونهار )

نسيت معلومة :
كل العربات في كينيا الدركسون يمين والحركة يمين

لا يمكن صنع بنية تحتية قوية في ظل انهيار امني
الامن مستتب

Quote: البنية التحتية والخدمات الأساسية والأماكن السياحية أفضل من الخرطوم (هذه حقيقة ) بعد سياسة الانفتاح علي السوق العالمي تقدمت نيروبي كثيرا عن الخرطوم ( هذه حقيقة ) لكن المشكلة الأمنية تتفوق فيها نيروبي على جميع العواصم الإفريقية فأنت تمشي في وسط نيروبي في وضح النهار وتتوقع الشر في أي لحظة

حرية العقيدة اجمل ما في كينيا
المساجد في كل مكان ومن عجب كل مراسم الصلاة تتم بالمايكرفون الخارجي ( مافي زول بقول ده ازعاج )
معابد الهنود منتشرة وجميلة

ابو الريش
لو قريت فوق انا قلت سوف اركز علي المواصلات وبعدها المنظومة الامنية
ثم المناطق الجميلة
وشاءت الاقدار ان لا اخوض في بقية ماذكرته

Quote: شكرا لكن صورك دى كلها كلوز اب.. ما فيها بانوراما واحدة عشان كاد الحكم صعب صور اشخاص أو بص أو واجهة مبنى

الاخوة المتداخلين سلام
ولكم التحية

استثمارات كبيرة جدا للصومالين في نيروبي !!!