ظرفاء كوستي

لقا الجماعة ملمومين في الميدان
سأل ديل شنو
قالو ليهو تبرع بالدم
قال ليهم
هو عمر خلا لي زول دم
خلي يفتح يفتح الانادي
زمان لازول عندو فقر دم ولا فشل كلوي
يضرب المريسة دم ونضافة كلي

كابتن كير
ذكي وسريع البدبهة كان لاعبا حريفا وصار مدربا رحمه الله
بدرب ونادي الفاضل كاك احد لعيبة كوستي
يا الفاضل الله كم
الفاضل استغرب قال ليهو
واحد
قال ليهو
الله وين
قال ليهو
في كل مكان
رد ليهو الكابتن
الله زاتو لو قال لبك اديني باص تجدعو غلط

أبوسن
يا رائع كيف حالك
مبروكييييين المولود ..يتربى فى عزكم
دائما تاتي بالجديد
ظرفاء كوستى كثر ...
كوشيب .. جميل كوستى .. وغيرهم
واصل متابعين معااااك من بعيد

تحياتى

كابتن كير لاعبين مع فريق الجامعة . جدعو باص للاعب من الجامعة وعمك معاهو . قاليهو اوفر
عمك ما فاهم اوفر . الباص جا بي فوق واللاعب قام واداهو هيد
المرة التانية . برضو اللاعب قال ليهو اوفر
جدعو اللكورة وكانت فوق . اللاعب قام معاها لقا الكابتن قام قدامو واستلم الكور هيد وباصاهو لي زولو
اتلفت للاعب بي فخر
اوفر !؟ معاكم للجامعة

شكرا محمد
يلا صفقوا معانا للننعش الذاكرة

فوق
حين
شبكة
sen zain

فوق
حين
شبكة
sen zain

في هوجة ااانقاذ الاولي قالت نحول كوستي لأسم ام ديبكرات
وعملت احتفال كبير في ام ديبكرات و.لمة وخطب . وهي منطقة خلوية ساي . خسروا فيها خومة قروش وفاتو خلوها لي خلاها
المهم
اعلنوا تكريما لام ديبكرات حا يسمو كوستي ام ديبكرات
سألو كوشيب رايك شنو
قال ليهم
وطيب صلاح كوستي دة يبقا اسمو شنو
قال ليهو حلايب دي مصرية ولا سودانية
قال ليهم
ما بعرفا . لكن ما حصل يوم واحد سمعت يقام المأتم بحلايب

شكرا كتيرا عبد الحفيظ الرائع

قبضوهو مرة وهو ومجموعة في انداية . رفعوهم بي بنابرم
بالليل داك اندفعت الرشاوي . وكل زول دفع للعساكر اتخارج
وبيتو هم في الحراسة
تاني يوم عرضوهم للقاضي
قال للقاضي
نحن معترفين سكر انين امبارح .لكن شوف عدد البنابر ونحن خمسة بس . البنابر كم وتلاتين
ف كدي اسأل عساكرك ديل رفعو بنابر فاضية ساي ولا فيها ناس
القاضي نادي التيم ونهزر م وفكاهم بدون عقاب

وشوف الناس ديل يا عبد الحفيظ
عاديييين، مأكلهم زي مأكل فقراء الناس، وملبسهم كذلك
تلقاهم قاعدين في القهاوي وقدام دكان الحلة والمكتبة
لا شئ يميزهم عن جارك، أياً كان جارك دا
ورغم ذلك شوف الضحكة اللي بيدوك ليها وتقعد معاك لغاية نهاية اليوم
ثم تُخلّد إلى عشرات عشرات السنين، كما تفعل بها أنت الآن
ثم يموتوا بدون أي صور وتصريحات في وسائل الإعلام والتواصل الاجتماعي
ما عايز اتفلسف، لكن شوف كيف ممكن زول عادي جدا ممكن يقدَم شنو للإنسانية
حتى لو إنسانية كوستي بس..
الضحكة، الضحكة التي تغفر للحكومة وللأقدار ( ! ) كل هذه الإخفاقات

ههههه، قال ليهو: الله الموجود في أي حته، برضو تديهو باص غلط؟!!
شوف وسع الخيال دا بالله

ياخ سلّم على كل من يمر في ذلك الزقاق لغاية ما نلاقيهم

تعرف يا معاوية كأنك تقرأني . التوثيق لهؤلاء الناس العاديين مظهرا المتفردين مخبرا . الناس ام عرقا يجهر السرها يوم حيبين
الناس التنضح سكر
شوف الناس دي كانت مكتملة الجمال الانساني . يحتفظون بعلاقات طيبة مع كل الناس . لا يملكون سوي اشاعة البهجة بتلقائية وسط الناس
يضحكون ولا يمسون طرف احد بسؤ
وقابلتهم كوستي بمحبة . اهل كوستي التي كانت لا يتجاوزونهم الآن . يقفون معهم فرادا وجماعات
عمنا كوشيب بلغ من العمر عتيا وانحني ظهرة وكما قال بقيت ترتار . وانخفض صوته حتي صار همسا . ولازال الناس يحتفون به ويفرحون ويكرمون وجوده
جميل كوستي تملكه المرض . فتتبع الناس اخباره خارج الوطن ويسألون عنه ويطلبون صورة ويضعونها في حب كصور بروفايل
حين مات عمنا كابتن كير وهو في طريقه للخرطوم للعلاج في رمضان . تقاطر الناس نحو داره وهم يتناقلون خبره رغم ان العيد لم يتبق له سوي يوم
شيعوه في موكب مهيب في ود وحب
هؤلاء من يصنعون التاريخ

تعرف يا معاوية كأنك تقرأني . التوثيق لهؤلاء الناس العاديين مظهرا المتفردين مخبرا . الناس ام عرقا يجهر السرها يوم حيبين
الناس التنضح سكر
شوف الناس دي كانت مكتملة الجمال الانساني . يحتفظون بعلاقات طيبة مع كل الناس . لا يملكون سوي اشاعة البهجة بتلقائية وسط الناس
يضحكون ولا يمسون طرف احد بسؤ
وقابلتهم كوستي بمحبة . اهل كوستي التي كانت لا يتجاوزونهم الآن . يقفون معهم فرادا وجماعات
عمنا كوشيب بلغ من العمر عتيا وانحني ظهرة وكما قال بقيت ترتار . وانخفض صوته حتي صار همسا . ولازال الناس يحتفون به ويفرحون ويكرمون وجوده
جميل كوستي تملكه المرض . فتتبع الناس اخباره خارج الوطن ويسألون عنه ويطلبون صورة ويضعونها في حب كصور بروفايل
حين مات عمنا كابتن كير وهو في طريقه للخرطوم للعلاج في رمضان . تقاطر الناس نحو داره وهم يتناقلون خبره رغم ان العيد لم يتبق له سوي يوم
شيعوه في موكب مهيب في ود وحب
هؤلاء من يصنعون التاريخ

احد ظرفاء النصر مربع 8 . يوميا بلعبوا حريق في ضل الضحي
يوم داك عمنا ام عيالو مدوراهو واسمها ستنا . دورتو والموضوع ما خلس . نادوهو للحريق
قعد وقافل قفلة علي كرت واحد ولا متوقع الفتوح
فكو ليهو الكرت حق الفتوح . عمك انخلع
وقف علي طولو
ستناااااااا
والجماعة انفقعو بالضحك

ود ابو سن ....

واصل الحكى الجميل عن كوستى وظرفائها

عن جميل كوستى وكابتن كير رحمة الله عليه

وعن كشيب .... الذى واصبح زى الترتار ....

حتى تنتعش الذاكرة لنا عوده ....
دمتم وضيوفكم الكرام ....
عصام سيك .... احد الظرفاء الشباب ... نخليهو لود الزبير *

جميل كوستى مع دكتورة اشراقه مصطفى حامد

http://www.0zz0.com

تشكر محمد الهادي للتشجيع
يدك معانا

عمنا .... من ظرفاء كوستي يحكي عنو
كان مدافع خطير لا يمكن المرور من خلاله . اها لاعبين مع فريق لو انهزمو بنزلو . وقون مع عمنا دة مستحيل
ود اختو مع الفريق قال ليهم خلو علي
ب الليل لبد ليهو جمب كوشة ملس وهي كوشة مشهورة وكبيرة . ومشهورة انها مسكونة
عمنا دة بجي شاقيها نص الليل عادي ما بخاف
دة لبد ليهو جوة الكوشة اللحظة البقا جنبو . مرقو ليهو ممسح بالرماد وعريان وبصرخ . عمنا جرية واحدة لي بيتو
بكرة ما جا الكورة . قالو عيان
المهم الفريق انتصر وصعد
مشي ليهو في البيت
تعرف يا ود اختي امبارح لمت فيني بعاتية اشيلها اختها تحتي ألقاها فوق لي . الليل كلو اصارع فيها
قالو لود اختو
اها كلمتو
فال ليهم
لا .... لو كلمتو بكتلني

هههههههههههههههههه

العيال مشغولين بقيت تمشي تقعد جنب البحر مع المغارب
هههههههههههههههههههههههه

حكي عمي .... وهو رجل طرفة ومرح
قال لي
جاني شيخ الريح وعدد لي كم واحد من مشايخ كوستي المسنين . قال لي جوني البيت المغرب . وهم شيوخ نوبتي . اتفضلوا
قالو عندهم غرض إلا ينقضي
اها غرضكم شنو
دايرين بتك فلانة لي شبخ فلان دة
قال لي بتي في الجامعة وشيخ فلان دة يلداني
قلت ليهم
مقضي تب
اشربو الشاي ونتفاكر .
شربنا الشاي واتونسنا
والعريس مقلق .
اها يا شيخ .... وين العروس النشوفها
قال لي قمت علي حيلي . وقلبت ليهم بي ورا جاي وجاي ..وفعلا عمل لي الحركة لامن كتلني بالضحك
بعد قلبت ليهم كويس . قلت ليهم
اكان بقا حقها اقل من دة .. مرجوعة
قال لي
لمو فيني نابذوني
يا فا سق يا فا جر ( بكري ابوبكر عذبتنا خايفنك تشخبتا)
ومرقو مني
ناس يضحكو وناس ينبذو
قال لي
الناس شيوخي وما بقبلو مني .. وماممكن اديها لي راجل ماشي علي القبر
اللهم ارحمه واغفر له
لي معه حكاوي وونسات

اووووو
صلاح عوض الله النعمان
مرحبا بك في عالم الموبايل
الحديث يغري بعضه بعض
ف شنو
ساعدونا بالطوب ياخ

عبد الحفيظ ابو سن .... سلامات يا زول يا رائع ..

ننعش ليك الذاكرة ..

كوشيب . رجل كبير فى السن وصار الظهر محنى الى الامام . فقابلوه الجماعة قالو ليهو والله يا كشيب كبرت قاليهم والله الانقاذ تعقد سنه الا ابقى ترتار

شقيق كوشيب عمنا بابكر . وهو امام جامع الديك اب حبل رحمه الله . ويرفع البكيات
تلاسن مرة مع شقيقة فب بيت بكا .ولشيخ بابكرعصاة لا تفارقه .فهم بها عليه. فإنطلق كوشيب هاربا حافيا
الجماعة ك كوركو ليهو
كوشيب سفنجتك
دون ان يلتفت عليهم
قال ليهم
جيت بي نيسان

ومن ظرفاء كوستي الاخوان هاشم اخبا وصلاح سكرج ابناء ابراهيم جعفر
جدهم اشتري ليهو بيت في ام ررمان بانت . عشان لو جو الخرطوم ينزلو فيهو . وصار البيت بيت للاسرة كلها
والدنيا طارت . فكما حكي لي سكرج
..... قال نبيع البيت ونتقسمو ورثة
قلت ليهو
والله البيت دة لو وزعناهو مقابر والزول يندفن وقافي ما يحوق فينا

ههههه
ود المنسي
ياخ والله كان يراودني هذا الامر
واستعين بعضويتي في سودانيز ان اكتب عن انسان كوستي
اولئك العاديون الذين يمشون في الارض هونا
انسان كوستي الذي اعرفه قبل غزو الجراد والطفابيع

شاكر حامد
الشهير عندنا ب
شكوكو
وينك يا رجل

, واصل لحكى ود الشيخ ابو سن ....

*وعن الحاج دنقور احكى

بدري كان ناس اللبن بجو من الحلال . وبرجعو المغرب باللواري . اها بكونو خاتين التمن حقت اللبن والعليقة في نص اللوري وراكبين في الجنبات . كراع برة وكراع جوة
هاشم اخبار قال
عاملين زي مشابك الغسيل

جميل كوستي
ألطف شخصية

جميل كوستي شخصية اخذت شهرة واسعة .
هو شاب دميم بمقايس الجمال والتناسق واللبس . أحبه الناس للطفه وطيبته . فكأنهم نظروا داخله فرأوا جمال جوهره . فسموه جميل .. ثم احسوا ان جمال داخله يفيض علي كل اهل كوستي فسموه جميل كوستي
لا تجد مناسبه في كوستي وإلا كان جميل حضورا فيها
يرقص بشكل كاريكتوري . ويختار الحسان كأنه الزين في الطيب صالح !
ويخطب وده الشباب تقربا للحسان
يداعبه الناس حين دخوله الحلبة .. ويحول الرتابة والهدؤ لصخب وفوضي
كأنه شارلي شابلن لا يرتدي مقاسه . فدائما تراه يلبس اكثر ثوب ممسكا ببنطاله ان لا يقع رغما عن الحبل المربوط كحزام
لا تجد صفحة كوستاوي في الفيس وإلا اتي فيها ذكر جميل مرة
استعارت صورته احد القروبات المصرية وكالت له السب والسخرية من شكله . فتداعي لها اهل كوستي بالفيس حتي اغلقت
جميل كوستي وصبرة واب تمرة وابوالجيوب وشاتر و حبيبة و عبدالرحيم وغيرهم . اناسا فقراء معدمين حفظت لهم المدينة حبا وود ورفعت ذكرهم

عمنا دنقور تاريخ كوستي الحي
ولا زال شابا
جهير الصوت . عمل ممرضا وكان لاعبا مشهورا
يحفظ تاريخ كوستي لأنه مشاركا فيه
ألح علي الصديق العزيز
عبدالوهاب همت
كثيرا أن اوثق له . ولكن شغلتنا الانقاذ في اكل عيشنا

بين كوستي والجزيرة ابا بحر وبنطون
والبنطون بقيف 5 ظهرا لذا يستعجل الناس للحاق به
وقرب الجزيرة ابا جناين طيبة . تأتي نساء طيبة بالفواكهة لكوستي صباحا . ويعدن عصرا
اها قالو كوشيب جاي من جبهة البنطون لاقتو مرة منكربة وسألتو
دحين يا ولدي البنطون بلفا ( بحصلو يعني )
قال ليها
البنطون بالبا يا حاجة

بين كوستي والجزيرة ابا بحر وبنطون
والبنطون بقيف 5 ظهرا لذا يستعجل الناس للحاق به
وقرب الجزيرة ابا جناين طيبة . تأتي نساء طيبة بالفواكهة لكوستي صباحا . ويعدن عصرا
اها قالو كوشيب جاي من جبهة البنطون لاقتو مرة منكربة وسألتو
دحين يا ولدي البنطون بلفا ( بحصلو يعني )
قال ليها
البنطون بالبا يا حاجة

بين كوستي والجزيرة ابا بحر وبنطون
والبنطون بقيف 5 ظهرا لذا يستعجل الناس للحاق به
وقرب الجزيرة ابا جناين طيبة . تأتي نساء طيبة بالفواكهة لكوستي صباحا . ويعدن عصرا
اها قالو كوشيب جاي من جبهة البنطون لاقتو مرة منكربة وسألتو
دحين يا ولدي البنطون بلفا ( بحصلو يعني )
قال ليها
البنطون بالبا يا حاجة

فوق

Quote: الله زاتو لو قال لبك اديني باص تجدعو غلط

قالُّو والله انت يا ود أُمحُمَّد كان جيت تشوت الواطا دي تَجَلِّي
كيفك يا ابوسن ـ ياخ عملتلنا شنو في الـOffer بتاع النسب
الـ بي هناك داك ,, ؟

فوق

الحبيب عبد الحفيظ ابوسن

في الحقيقة دي اول مرة اقرأ فيها هذا البوست الظريف عن ظرفاء مدينة كوستي والسبب
ان بنت مصطفى عندها بنت خالتها- سلافة - مقيمة في مدينتكم كوستي وضربت لي تلفون بالغلط
امس لأنها مفتكراني ينت خالتها - وهي تركت تلفونها عندي . وهي دائما على اتصال معنا
من زمان وقالت هي بتعرف اخبار كوستي من مقالات عبد الحفيظ ابو سن.. وقلت ليها
وانتي قاعدة وين .. ما تعرفي الأخبار براكي وانت قاعدة في المدينة.. قالت الأخبار لمن نقراها
من مقالات عبد الحفيظ بتكون ليها شكل ثاني.. وهي تحييك وتقول ليك الله يعطيك العافية( عادتها بنت خالتها)
ودمت بخير وصحة وعافية

الفاضلابي كيفك ياخ
تعرف يقيف صف بس
وهو صف طويل

Quote: قالت هي بتعرف اخبار كوستي من مقالات عبد الحفيظ ابو سن.. وقلت ليها وانتي قاعدة وين .. ما تعرفي الأخبار براكي وانت قاعدة في المدينة.. قالت الأخبار لمن نقراها من مقالات عبد الحفيظ بتكون ليها شكل ثاني..

ياخ دا كلام جميل خلاص يا أميرة
فعلا نحن في غمرة المعيشة والالتهاء بالتفاصيل الدقيقة الضرورية نحتاج من يلخّص لنا في نهاية اليوم، ما جرى.
وعبد الحفيظ خير من يفعل ذلك، مثله مثل أي أستاذ قدير في الكيمياء
وفوق ذلك هو مهموم بتوثيق تاريخ مدينة كوستي ولو بما تيسر من أدوات، خشية أن يظن الجيل الجديد أن ما يحدث الآن
هو الطبيعي، ولا شئ غيره، والأمر بالطبع ليس كذلك. هذا ظرف شاذ وطارئ و زبد، وسيبقى ما ينفع الناس
ليكم التلاتة كل الود. ولكوستي والسودان الله

الاميرة بت الامير وبت مصطفي وسلافة
عاطر الثناء والاحترام
سعيد ان ما أكتبه يفيد شخصا شكرا سلافة
كوستي تزخر بالحياة كمسرح يونانيا قديما .

نعم معاوية ما هكذا طبيعة الاشياء
كنا اجمل من ذلك
كل السودان كان اجمل
وشوف وصلنا وين
رسالة لافة بدون خجل في الواتس
ليس عيبا ان تولد في السودان
العيب ان تظل فبه
والسودان ما حق زول
وحقنا فيهو اصيل
وليس مثل من اكلوا خيارته وارسلوا اولادهم خارجه

Quote: Salma Salama · الأكثر تعليقا · Cedar Crest College متعك الله بالصحة والعافية يا اجمل زول شكرا لك على هذه المتعة ن فى كتابه اصوات وحناجر كتب شيخى وعمى الدكتور احمد الطيب احمد ما معناه " اكتبوا عن الذين تحبونهم والذين لاتحبونهم فهم تاريخنا " رد · أعجبني · متابعة المنشور · ‏7 سبتمبر‏، الساعة ‏08:40 مساءً‏

ياخي انت سلمى دي متجاهلها الوكت ده كلو ليه
عارف تعليقات الفيسبوك ما بتظهر عندك، حبينا نلفت النظر

بعيد عن البوست ممكن تسلم لى على الكابتن عبد الرحيم عيسى وبشدة
امانه فى زمتك دى تقول ليه صديق الموج ببلغك تحياته،،،

ودالموج
وهو يبلغك تحاياه وقال يدوك رقمو
0124024555

شكرا الحبيب معاوية الزبير للتاييد والدعم المعنوي .. كلامك جميل وفي محله تمام..
ودمت بألف خير وصحة وعافية

الحبيب عبد الحفيظ ابو سن
وايضا ننقل اليك تحيات سلافة كوستي..
وبعدين ما سلافة براها المتابعين اخبارك الممتعة عن كوستي .. ولكن اذا قرأت في نافذة الفيس بوك ، زي ما قال ليك معاية الزبير، فهناك متابعين
ومنهم سلمى ، واسامة الطيب ابو ضرس الذي كتب ما يلي:_
ودمت بالف خير وعافية،،،

Khartoum University
شكرا أخي العزيز عبد الحفيظ أبوسن و نحن نتابع كتاباتك الجميلة عن كوستي - أسامة أبوضرس
رد · · ‏7 سبتمبر‏، الساعة ‏11:31 مساءً‏

شكرا
معاوية
اميرة
للاسف ما بتظهر لي في الموبايل
اسعد دوما بمتابعة سلمي واسامة
ف
سلمي عينا نجيضة وقراية
و
اسامة
من اصدقاء الزمن الجميل ثم تقطعت بنا السبل لسنوات وضاعت اخباره حتي رأيته هنا
تحية سلمي واسامة وشكر

فوق

شكرا يا عزيزنا أبوسن

اعتقد انو كشيب نال الريادة في الجانب ده خاصة أن كثيرا من طرفه ارتبطت بوقائع ومشاهد حية
كنا محظوظين زمان عندما كان يعمل في هندسة السكة حديد نتابع طرائفه أول بأول عبر احد كبار
متابعيه ومعجبيه (ابن عمتنا عبدالواحد محمد سعيد ).
مرة قال ــ عندما فرضت الانقاذ ان يركب الرجال للمواصلات بالباب الخلفي للبص ــ
ان كشيب رأى امرأة تهم بوضع رجلها على سلم الباب الامامي للباص وهي تحمل دجاجا يتوسطه ديك
، فصاح فيها (يا وليه يا وليه افرزي الديك وخليهو يركب معنا ورا)
لكن لعلك تتفق معي في أن هنالك كثيرين غير معروفين على نطاق واسع تصل لطافتهم للدوائر القريبة منهم،
وانا لاحظت الظروفاء بتوزعوا على قطاعات ومجموعات ، مثلا هنالك أشخاص ارتبطوا باستاد كوستي
( ابو قوته والفاتح فلاقش والراجل بتاع نادي الجهاد ) وغيرهم في السنما وأيضا مواقع العمل

متابع ..
توثيقك لكل ظرفاء كوستي ..
والبلد كما نعلم بها الكثير من الظرفاء ..
وأصحاب البديهة الحاضرة والنكته ..
وأقوالهم لا تخلو من حكمة ..
تتبطن ثنايا كلامهم ..

عبد الحفيظ ابو سن..
لا شك انك بقيت نجم من نجوم كوستي.. وهنا عندي طلب من عزيزتنا سلافة وبعض صديقاتها اللاتي يتابعن مقالاتك الظريفة
عن مدينتهم كوستي.. وهن عازوات يعرفن معلومات عن : اشهر اسواق كوستي لشراء الملابس واشهر مكتبات كوستي لشرء
الكتب الرخيصة الثمن عشان أغلى حاجة في السودان ، بعد الأكل الكتب.. وكأن السودان كله بقى مثقفين وبيهرولوا وراء الكتب..
ومن هم اشهر نجوك كوستي في مجتمع الفن، ومجتمع الأدب، ومجتمع الطب، ومجتمع الآدب، والمجتمعات الأخرى..
وهناك اسئلة كثيرة وجدتها في البريد الإلكتروني ... وساعود اليها اذا وجدت عندك استعداد لمجاراتهن في اسئلتهن.. ورديت
لعزيزتنا وقلت ليها انتي عاوزة تحضري ماجستير عن مدينة كوستي ولا شنو.... فأجابت انها من كوستى ولا تعرف عن كوستي
الكثير لأن المدينة توسعت والناس انشغلت يا بالمذاكرة ويا بالعمل ليل نهار من اجل لقمة العيش.... وقلت لها ربما يكون في واحد\
كتب كتاب عن كوستي وبتلقيها ضروري في المكتبات... او امشي راجعي قوقل.. فقالت ان ناس قوقل ما بيعرفوا الأخبار البيعرفوها
ناس عبد الحفيظ ابوسن .. وان ناس قوقل اخبارهم بايتة من القرن الماضي...
ودمت بألف خير وعافية

اميرة
جدا
مافي مانع
ودالقوز
الشهير عندي ب ود عكر
كثير شوق