بشرى ساااارة...الأنيق محمد عبدالقادر ضرار...عضواً بالمنبر..

قبل أن أزف البشرى لأسرة المنبر العام عامةً وبورداب جدة بصفة خاصة

بإنضمام الأنيق محمد عبدالقادر ضرار للمنبر العام ،،،

أرجو أن تسمحوا لي أن أتقدم بالشكر الجزيل للباشمهندس بكري أبوبكر لمنحه العضوية...

وأن أتقدم بأحر عبارات الترحيب بالجميل محمد عبدالقادر ضرار واستميحه العذر

في تقديم يليق بقامته ومقامه ،،،، فالرجل حقيقةً من أفضل المتابعين والمهتمين بالمنبر العام

اهتماماً بلغ مرحلة حفظ المداخلات وأسماء كتابها...فإذا دار الحديث في جلساتنا عن سودانيزأونلاين

يمكنك اعتباره ذاكرةً وأرشيفاً لكل موضوعات المنبر العام – ما شاء الله يا قدورة...عيني باردة..

ينضم إلى أسرة بورداب جدة...مستنداً إلى خلفيته المعرفية العريضة...

فاااا...مرحباً به..

أرجو أن يطيب لك المقام..

وأبقى داخل...فمثلك تنحر له الذبائح....

..

..

..

يا سلام ويا مليون سلام
ومليون مرحب
وشكرا جزيلا حبيبنا محمود لهذا الخبر الجميل

اميرة السيد
ود شيقوق
ود المنسي
ود اب سن
الفاضلابي
عبيد الطيب
جيبوا العنكوليب والشعيرية وتعالوا نقعد في ديوان الزول الوسيع دا

Quote: فاااا...مرحباً به.. أرجو أن يطيب لك المقام.. وأبقى داخل...فمثلك تنحر له الذبائح....

حبابك والمكان انار بطلعتك

ونحن فرحون لان مقدمك الينا فنان بجدورايه موثوق فيه

حبابك تانى واهطل

ونحن فى انتظار مواعينك

شكرا فنانا الجميل محمود

على جنبة :

مشتاقين

بشارات فرح وغبطة وسرور

بإنضمام الرائع الأستاذ محمد عبدالقادر ضرار للبورداب

وجدة الليلة بتكبر كرعينه من الفرح

زي ما قال شاعرنا الدوش
في قصيدة سعاد

( كبرت كراعي من الفرح )

حبابك استاذنا كنت بيننا دوماً نسمع سيرتك يرددها الأحباب

كلما جاءت الصدفة وذكر أسمك ننتظر السماء

اليوم أسرجت معنا فرسك

ننتظرك في ساحة الإبداع

ومرحباً بك بين أحبة جدة وعلى اسفير سودانيزأون لاين

ألف مرحب محمد عبد القادر ضرار
وشرف عظيم لبورداب جدة
ويا حودة زولاً من طرفك قطع شك جميل ورائع يا فنان

مرحب حباب محمد عبدالقادر وبلاشك
سيكون اضافة جميلة للمنبر
تسلم محمود

الف مرحب بيك
بين اخوتك نتمني ليك
اقامة طيبة ان شاء الله

حبابك و الله جابك
جيتا جيت
نتمني ان تكون دعما للوعي والانسانية
وتحياتي لأسرتك

جايييييييييكم مشنق يا محمود والطاقية مشنقة في الهامة

وتاااااااااااااااااح الكراع في الواطة لامن العلال يكتل في السماء ابتهاجا بقدوم ود ضرار

مرحبا بالأخ محمد عبد القادر
قرينا ليه كثيرا من الفيس بووك و سعيدين بالقراءة و التفاعل معه في البورد إن شاء الله

وزي. ما قال لينا ود البوش حنجيب. الشعيرية-لكن ما العنكوليب-عشان نرحب
بمحمد عبد القادر الذي اتحفنا من الفيس بوك بروائع الحديث..وانا ارتب نفسي
للذهاب للمطار بفارهة البسمة قرات خبر انضمامه وقلت ان اخر مداخلة لي في
نيويورك حتكون ترحيب به واكيد حيكون رقم صعب في المنبر العام
فالف مرحبا ..والله يديه العافية
والله يديكم العافية

حباب الجميل اللذي عرفناه بقلمة السمح وروحه الطيبة من نافذة الفيس بوك متابعا
محمد عبدالقادر ضرار
ألف مبروك الإنضمام لحوش بكري نحن أسرتك الصغيرة ( حوشين اميرة وأبوسن )
بورداب جده أسرتك الكبيرة
المنبر وطنك
فمرحب بك بيننا الحبيب ودضرار على وزن ودشيقوق

تخريمة في ملف
سوف يحضر ( ولا نقول نرسل لأنهم في الأعلى درجة بيننا ) لك للتهاني والمباركة وفد عالي المستوى في جده
برئاسة ود البوش وعضوية أميرة بت السيد والعبيد ود المقدم
تحياتي مودتي

ود ضرار دخري الزمان
نرحب بيك كمان وكمان
يا دخيرنا
أمش أقرأ كلام ود شيقوق في بوست حوش الأميرة أميرة بت السيد
هههههههههه

ولك دخري الزمان يا دُخرينا

ها ناس وينو ود ضرار دا

لحين ميسرة لمايجي ود ضرار
باقي قالوا ضابح لي كبش والناس ملومة في بيتو

حباب الزول السمح
علا يامحمد ضرار ياخوي
شن جابك تقعد مع ناس من زمن احمد عمر الرباطابي
يومتا جِبتَلُن قيقيم ما هضموه يادوب عرفت ود البوش اباهو ليه
اقعد يجن البنوت يفرشن الديوان ويمطِّرن الفرناغة عشان ماتِتْكَتَّح
في ديوان بكري ده.

Quote: ها ناس وينو ود ضرار دا

اوع يكون الانقلاب فشل
باقي الريس ده روحو روح كديس

الاخ الغالي / محمود ( حـــــــــــــــــــــــــــــــودة )

دائماً وابدً وكما قيل ... مبتدأ الكلام السلام ... والذي هو نِعم السفير بين شائق ومشوق ... فالشكر لك على ما اوليتني اياه
من حسن الترحاب وعظيم الاهتمام ... وفيض المشاعر الاخوية الصادقة والنابعة من اناس هم :
اسياد قلبي والاحساس
وسافر في بحار شوقم زماااااان عقلي
اقول بعضي !!!!
الاقيهم يا ( حودة ) تسربوا في مسارب الروح بقوا كلي
انا لو ما جيت من زي ديل ( منكم )
كان اسفاي .. واسفاي .. وا مأساتي .. واااااااا ذلي
والشكر لك مثناها .. وانت ( كالطير المهاجر) تحمل انفاس الصباح ورسائل الاخوة الصادقة ما بين ديار السلطان هناااااك حيث العزيز ( محمد المرتضى حامد )
وما بين عروس البحار ( جدة ام الرخا والشدة ) تنسج لعلائق إنسانية بروح اخوية ... والشكر لك ثالثها إن سألته ، وانت لابد سائله ( ود المرتضى ) هل ( الحب ... أبدي ام مؤقت )
اجبره يا محمود في أن يجيبك لكي ننال نحن منه ( حاجة تشرح القلب !!!) ... قل له كما قال العراقي ( سعدون جابر ) :
اللي مضيع ذهب ... في سوق الذهب يلقاه
واللي مضيع مُحب ... يمكن سنة ويلقاه
بس .. بس اللي مضيع وطن
فين الوطن يلقاه !!!!
ابلغة يا عزيزي وقل له يا ود المرتضى لما النسيان !! قل له : لماذا ( نسيتنا يا مسافر ) وقل له لو عدت يا ود المرتضى ،،، كان يوم المُنـــى ... نفديك بروحنا ودمنا ... لان قلوبنا قد رحلت
معاك لاسمى غايات المُنــــــــــى !!! ... فمعكم عشنا يا محمد المرتضى انت والكثير من ( الطيور المهاجرة ) في عوالم من الروحانيات ... لم يعشه احد سوانا وانتم !!!
فارجع لنا يا ود المرتضى كيما يتسنى لنا في صحبتك : نشوف نعيم امدر حياتي وسعودها !!! ...

Quote: سليمان القرشي : مرحب حباب محمد عبدالقادر وبلاشك سيكون اضافة جميلة للمنبر تسلم محمود

لك كامل وُدي وعظيم تقديري اخي الفاضل / سليمان القرشي ... والجميل يا عزيزنا هو من يرى الناس بعين طبعة الجميل مثلك باالتأكيد ...

Quote: محمد الطيب محمد : الف مرحب بيك بين اخوتك نتمني ليك اقامة طيبة ان شاء الله

سلمت اخي الكريم وسلم يراعك ... فبوجودكم وبجانب نسائمكم العليلة ... سيطيب لي الإقامة بإذنة تعالى

Quote: عبدالحفيظ ابو سن : حبابك و الله جابك جيتا جيت نتمني ان تكون دعما للوعي والانسانية وتحياتي لأسرتك

الاخ الفاضل / ود ابو سن ... بادئ ذي بدء ... مبارك لكم المولود ... واسأل الله لكم ان يجعله في حياتكم كالقمر الباهر
والبدر الزاهر والنجم الساطع وان يحفظة لكم بحفظه الكريم ... كما احمده وحده بان هدانا إلى ديوانكم العااااامر في تلك البقعة الطاهرة
( ود شيقوق وود البوش وود المنسي هام ) ... حيث وجدناكم يا اخي الفاضل عبارة عن ( مجموعة جوهر نادر ...
تحكي زهور في مناظر ... منتظمة تمثل جوقة ) ... حينها علمت بكم ومن خلالكم عظمة أن يكون للانسان معنى !!!

حبابك محمد عبد القادر ضرار احد أفضل المتداخلين من نافذة الفيس بوك وان شاء الله حتكون اضافة قوية للبورد

Quote: محمد البشرى الخضر : مرحبا بالأخ محمد عبد القادر قرينا ليه كثيرا من الفيس بووك و سعيدين بالقراءة و التفاعل معه في البورد إن شاء الله

الاخ الفاضل / ابو حتحوت ... اقسم بالله ثلاث بأني الاسعد ان اكون معك في صعيد واحد ... بعد أن كنتُ اقرأ لك
من خلال الحجاب الحاجز ( الفيس ) ... اتواصل معك من الحوش ... واسأل الله لك بان يأخذ بيدك وينير قلبك
وان يلهمك صبر ايوب في تحمل البلايا ... بقلب راسخ كالجبال الشوامخ ... والرياح العواتي ... ويا جبل ما يهزك ريح

Quote: اميرة السيد : وزي. ما قال لينا ود البوش حنجيب. الشعيرية-لكن ما العنكوليب-عشان نرحب بمحمد عبد القادر الذي اتحفنا من الفيس بوك بروائع الحديث..وانا ارتب نفسي للذهاب للمطار بفارهة البسمة قرات خبر انضمامه وقلت ان اخر مداخلة لي في نيويورك حتكون ترحيب به واكيد حيكون رقم صعب في المنبر العام فالف مرحبا ..والله يديه العافية ، والله يديكم العافية

الاخت الفاضلة ذات البسمة الفارهه / الاميرة بت الســـيد ... لله در من قال :
لو كان النساء كمثل هذي
لفضلت النساء على الرجال
فالشكر لكِ اجزلة حين منحتينا الفرصة العظمى بعد ان تسكعنا طويييييلاً في شوارع الزمن ... وتهنا في دروب غربتها القصية
بحثاً عن كُوة أمل لم نجدها الا في ( القيلد ) تحت ظلال ( ود البوش - ود ابو سن - ود شيقوق - ود المنسي إنتو ناس سمحين )
هناك وعلى ابواب ديوانك والمبنية على قوائم اربع (ا بناء الوُد اولئك ) ... انخنا مطايانا ، وتيقنت عندها انفسنا أن ارحام حرائر
بلدي ما زالت تهب الجمال للحيــــــــــاة !!
ولذلك الجأ إلى علام الغيوب ومن بيدة أزِمة القلوب ... في ان يهون عليكِ سفرك هذا ... ويطوي عنك بُعده ... إنة على ذلك قدير
ولحين عودتك سالمة غانمة ... اقول لكِ : بزيارتك بيتنا نور والله نور كلوا زينة ... جاتنا بسمة فايحة نسمة والله سمحة ولونا قمحة

Quote: عبدالله ود البوش : يا سلام ويا مليون سلام ومليون مرحب ... وشكرا جزيلا حبيبنا محمود لهذا الخبر الجميل

يا سلااااااااام ود البوش بي جلالة قدرو !! هلا بالعزيز الغالي ... ويا مليووووون هلا بمن نستنشق عبير كلماتة وحلو تصاويرة
ويا مراحب بمن ظنناه بعيداً ... ونراه الا قريباً ... وتحية معزة ومحبة لي ود البوش وهو يحمل فوق جبينة وهامتة العزيزة سمات
الاخ مقنع الكاشفات ... شكراً لك يا ود البوش كرم الضيافة متمثلاً :
إنتوا تكرموا الضيفان تعزوا الجيرة
إنتو الجودكم زي برق السواري الشال
وإنتو الجودكم ما بِكَمل خريفكم وصيفكم
والوعد يا ود البوش في ( جـــــــــــــدة ) بحول الله تعالى ... لنطرب بمقدمكم الميمون ... ونتغنى في بهاء حضوركم الاخاذ :
جدة إتنورت واطربت يا فرحها
ولك وُدي وتقديري ...

Quote: الطيب شيقوق : جايييييييييكم مشنق يا محمود والطاقية مشنقة في الهامة وتاااااااااااااااااح الكراع في الواطة لامن العلال يكتل في السماء ابتهاجا بقدوم ود ضرار

يا رباه ما احلاها من ليلة تعبق بالمسك ... تحمل انسام الشمال ... وود شيقوق بروحة العطرة تنفح نفح المسك والعنبر
يجذبنا فية بحب وإخاء كيما ننهل من صفاء كلامة ... اعذب وصف واصدق حرف ... سلمت يا الطيب وسلمت الهامة
الربتك ورعتك وسلمت البطن الجابتك والنبعة الصااااافية السقتك صدق الكلام وبساطة الإنسان ... واصبحت بها كالدر
المنثور ... مع نسائم الاسحار على صفحات الانوار ... وليعلم الجميع بانة لمثل الطيب شيقوق وتحت اقدامة تنحر الجزور
وله تُهدى اطايب الحياة :

محمد عبدالقادر ضرار يا أخي الف مرحب
وأهلا بك في بورداب جدة يا غالي

Quote: خالد ود المنسي : حباب الجميل اللذي عرفناه بقلمة السمح وروحه الطيبة من نافذة الفيس بوك متابعا ... محمد عبدالقادر ضرار ألف مبروك الإنضمام لحوش بكري نحن أسرتك الصغيرة ( حوشين اميرة وأبوسن ) ... بورداب جده أسرتك الكبيرة المنبر وطنك ... فمرحب بك بيننا الحبيب ودضرار على وزن ودشيقوق

ااااه يا خالد ... لو علمت بمقدمك الباسم وترحابك الباذخ ... كيف سرت بين جوانحي المسرة واقترنت بقلبي لكم المحبة ... لم لا وفي امثالكم
اطلقها ( يوسف البنا ) صرخة داوية تزلزل الابدان ، وتخلع الالباب من اماكنها ... قائلاً :
إنتو نفسكم ما بتدرعوها المابيها
إنتو ولاد معزة صحيح وولاد جيهه
إنتو البتدفعوا العادي البشق التيهه
يا خالد اقسم لك بانة ... قد اينع زرع خواطركم وذكرياتكم التي غرستموها بمداد اقلامكم ، والدر الثمين من انفاس كلماتكم
في وديان الجمال ( ودالبوش وود شيقوق ، ود المنسي هام ) و ( ودالبوش ، ود ابو سن ، ود شيقوق ، ود المنسي : انتو ناس سمحين ) ... اثمر
عن حب لكم جميعاً مس شغاف القلب ... واسفر عن عشق بااااالغ حد الولة والجنون لوطن ( حنيــــــــــن ) وجدناه بين ثنايا احرفكم الزاااااهية ...
ومن خلال ذلك اقول لكم :

ومن عجب أني احن إليكم ... وسأل عنكم من لقيت وأنتم معي
وتَطلُبَكُم عيني وأنتُم في سوادُها ... ويشتاق قلبي وأنتم بين أضلعي

و وخلااااااااااس يا وليد كفاك أنا تهت في الاشواق :

حباب محمد عبد القادر ضرار
قلما حصيفا وأديبا أريبا في سودانيزأونلاين
ومرحبتين وألف سهلا بك عضوا فاعلا في بورداب جدة