Post: #1
Title: قرار حكيم وشجاع من الحكومة السودانية
Author: محمد عمر الفكي
Date: 09-02-2014, 06:36 AM
Parent: #0
| Quote: السودان يغلق المركز الثقافي الايراني في العاصمة والولايات ويطلب من الملحق الثقافي وطاقمه مغادرة البلاد في غضون 72 ساعة |
وان جاء متاخراً لكنه ممتاز وحكيم ويمهد لتطورات سياسية هامة على المستوى الداخلي وعلى مستوى علاقات السودان الاقليمية والدولية.
ثلاثة ضربات في الراس خلال شهر توجع يا ايران، فقدت المالكي ومن بعده عبدالعزيز بلخادم في الجزائر والان تفقد نفوذها في السودان ومازال بشار يدور في حلقته المفرغة وقطر على الطريق الصحيح.
تمام التمام
بالمناسبة التخلي عن ايران يعني التخلي عن كل ازلامها وتبعاتها وعملائها من شاكلة حماس وحزب اللات والعُزى والجهاد والحوثيين وناس زعيط وعيط.
اها اتلتفتو بعد عودتكم الظافرة من معارككم الدونكشوتية الخارجية لهموم المواطن السوداني وطاحونة الغلاء والفقر والحروب المتنقلة والموت الجماعي والفساد والمرض عسى ولعل ان ينصلح حال البلاد وشعبها.
|
Post: #2
Title: Re: قرار حكيم وشجاع من الحكومة السودانية
Author: Asim Fageary
Date: 09-02-2014, 06:48 AM
Parent: #1
ود الفكي سلام مربع
المشكلة يا ود الفكي ديل هسة لو شموا نفسهم شوية .. بيرجعوا تاني
إنت ما سمعت بالمثل البقول القــحــبة ما بتتوب والموية ما بتروب !
هم نكروا العلاقة وجابوا سيرة المراكز الثقافية الإيرانية يعني في ذمتك الحاجتين ديل بيمشن مع بعض !
ديل زي العــاهرة تماماً قبل ما تطلع من غرفتها بتنكر العملتوا !
تعديل كلمة بيمشن
|
Post: #3
Title: Re: قرار حكيم وشجاع من الحكومة السودانية
Author: جعفر محي الدين
Date: 09-02-2014, 06:55 AM
Parent: #2
صباح الخير ود الفكي
وخشمك فيه اللبن زي ما بقولوا أهلك في بوادي السودان
المهم: على ماذا استند القرار، هل هو نتاج ضغوط إقليمية للتحركات الخليجية؟
هل هو نتاج دراسة للأثر السالب لهذه المراكز؟
هل هو إعادة تقييم للعلاقة الآثمة مع إيران وأثرها على علاقاتنا الإقليمية والدولية ؟
....
ولكن الأهم كما قلت أن يلتفتوا
| Quote: لهموم المواطن السوداني وطاحونة الغلاء والفقر والحروب المتنقلة والموت الجماعي والفساد والمرض عسى ولعل ان ينصلح حال البلاد وشعبها. |
|
Post: #4
Title: Re: قرار حكيم وشجاع من الحكومة السودانية
Author: الزنجي
Date: 09-02-2014, 07:08 AM
Parent: #2
كيف أكتشف عباقرة نظام البشير ـ فجأة ـ أن الملحق الثقافي الايراني يشرف علي التشيع عبر مراكز ثقافية فى السودان لتغلق ويطرد الملحق ؟
منقول
فى مؤتمر صحفي جمعني مع الدكتور مصطفي عثمان اسماعيل واجهته بسؤال عن الوجود الشيعي المدعوم من الحزب والدولة والنظام ،،، انكر لي تمام علمه بذلك ؟
|
Post: #5
Title: Re: قرار حكيم وشجاع من الحكومة السودانية
Author: الصادق صديق سلمان
Date: 09-02-2014, 07:31 AM
Parent: #4
محمد عمر الفكي
صباح الخير يا رجل عليك وعلى ضيوفك الكرام الفوق والبجو بي تحت برضو
دا احلى واجمل واسعد خبر اسمعو من ما جونا ناس الانقاذ ديل
لا والله
الخبر الاول كان فك الارتباط مع مصر والاتجاه الى الاثيوبيين دا كان خبر اجمل من الخبر بتاع ايران
نحن من السنيين والسنيين منا ولا عزاء للشيعة والمتشيعين
|
Post: #6
Title: Re: قرار حكيم وشجاع من الحكومة السودانية
Author: أيمن الطيب
Date: 09-02-2014, 07:33 AM
Parent: #4
سلامات يا بطحانى,,
جماعة حماس وإحساس متعاظم بكبر حجم الزوووووط هذه المرة
اللهم لا شماتة,,,
تحياتى
|
Post: #7
Title: Re: قرار حكيم وشجاع من الحكومة السودانية
Author: محمد عمر الفكي
Date: 09-02-2014, 08:04 AM
Parent: #6
يا عاصم
من مالقيت ود الباوقة بهناك بشتم في الملالي عرفتها دي توبة نصوحة ما فيها اي رجعة 
حباب شيخ جعفر
الله يجعل ايامك كلها سعادة
القرار ما عندي خلفية عن اسبابه لكن اعتقد ان له علاقة بالتحركات التي تدور في الخليج الان.
السعودية والامارات اخدت على عاتقها تنظيف الفوضي التي خلفها الربيع الشيطاني.
عليك الله ضيف لي شئ اساسي لقائمة مطالبنا، الحرية والديموقراطية التعددية الحقيقية النابعة من ثقافاتنا وعاداتنا وتقاليدنا وقيمنا مش الهابطة بالباراشوت ولا الجاية مع الدبابة.
الزنجي
كدي خلينا نعاين لقدام وننسى الفات
بالمناسبة
مصطفى عثمان دا تحين ما نكر قبل كدا كلام الشحادين؟
الصادق
عقبال ما تسمع المزيد من الاخبار الطيبة
ايمنوف يا ابو النسب
وحشة وشوق يا راجل
رسل لك جوالك على المسنجر لو تكرمت عشان الواتساب وكدا ههههههههههه
حماس براها يا ايمن
ما تنسى جرذان الناتو عليك الله
|
Post: #8
Title: Re: قرار حكيم وشجاع من الحكومة السودانية
Author: الزنجي
Date: 09-02-2014, 09:15 AM
Parent: #7
الفكر المذهبي بيتحارب بالتفنيد وتوضيح ضعفو
|
Post: #9
Title: Re: قرار حكيم وشجاع من الحكومة السودانية
Author: محمد عمر الفكي
Date: 09-02-2014, 10:12 AM
Parent: #8
الاخ احمد محمد صالح من الفيسبوك
| Quote: الحكومة هذه ليست حكومة قرارات شجاعة دي حكومة لازم تاخذ بالجزمة من جهة ما بعدين تقرر، لعبوا بعقيدة المسلمين وتركوا الروافض الكلاب يعيثون فساداً في السودان ولما راووا العصر الصاح من امريكا والخليج تخلوا عن ايران بعد خراب سوبا |
ان كان هناك عصر وضغط فهو قطعاً ليس من امريكا، فامريكا هذه الايام مشغولة بتحسين علاقاتها مع ايران لتصبح الشرطي الامريكي في المنطقة.
غايتو انا لو محل امريكا وبعد الانتكاسات بتاعاة ايران دي والله طوالي انزل منها الدبابير واشوف لي مستجد تاني ههههههه
|
Post: #10
Title: Re: قرار حكيم وشجاع من الحكومة السودانية
Author: ود الباوقة
Date: 09-02-2014, 10:17 AM
Parent: #9
بارك الله فيك اخي محمد
الان يقومون بتربيط ( عفشهم ) استعدادا للرحيل غير مأسوف عليهم
تتبعهم لعنات كافة اهل السودان
وما يجب فعله من الدولة هو ملاحقة من يعتنقون هذا المذهب الضال واسداء النصح لهم بتركه
والتوبة الى الله والا تتم محاسبتهم بموجب قانون العدالة الناجزة
وشكرا
|
Post: #11
Title: Re: قرار حكيم وشجاع من الحكومة السودانية
Author: خالد حاكم
Date: 09-02-2014, 03:59 PM
Parent: #10
سلام يا ود الفكى
خلاص النظام درب ناسه على فنون التعذيب والاغتيالات الايرانية وما محتاج لايران تانى يا ود الباوقة ؟
|
Post: #12
Title: Re: قرار حكيم وشجاع من الحكومة السودانية
Author: أحمد الطيب بدرالدين
Date: 09-03-2014, 03:46 AM
Parent: #11
اولا: نظام عمر حسن و الحركة الاسلامية
اخر من يوصف بالشجاعة او الحكمة.
كل سياساتهم نابعة من انبطاح و تخبط.
ثانيا: مصائب السودان الان سببها الفاشية
و العنصرية و ليس التعددية الفكرية.
ثالثا: ما يدفع بالسودان الان الى الهاوية هو
الفكر الوهابي الظلامي و الفاشية الاسلامية.
اخيرا: اي موقف تتخذه حكومة القاتل عمر حسن
أقف ضده، تجد نفسك مع الحق...
ياهو دي،،،
|
Post: #13
Title: Re: قرار حكيم وشجاع من الحكومة السودانية
Author: وليد التلب
Date: 09-03-2014, 06:10 AM
Parent: #12
تحاكم منو ياود الباوقة
كدي حاكم رقبتك وناسك علي العمل تو في الشعب السوداني
|
|