تأسيا بليبيا والعراق وسوريا واليمن مطلوب تدخل دولي عاجل لحل أزمة السودان

أزمات السودان السياسية والافتصادية والاجتماعية يمكن اكبر من أزمات الدول الغارقة في المشاكل من حولنا لكن السودانيين شايلين الصبر بس
الوضع في السودان في طريقه للانفجار غن لم يتم تداركه

يا مهديييييي! تحية واحتراماً:
وهل حل التدخل الدولي العاجل مشكلات هذه الدول؟

مساء الخير الاخ صلاح

Quote: وهل حل التدخل الدولي العاجل مشكلات هذه الدول؟

مثالا طازجا في العراق التدخل الدولي اوقف تمدد ارهابيي داعش
وتحرك مجلس الامن نحو ازمة اليمن يرجى منه ان يخفف من الازمة ويوقف انحدار الوضع لحرب اهلية
ونحنا كدولة فاشلة وبعد ما غلبتنا اخير نسلما للمجتمع الدولي على الاقل ينفتح باب امل لإنتشال السودان من وهدته وتخليصه من مافيا الاخوان الطلعت زيت الناس

طيب ده مجرد يأس!
أنحنا عملنا شنو لحد ما نعلن أنها غلبتنا!
الحل الحقيقي للمشكلة في رأيي واضح جداً:
(حركة)(نضال)(سلمي)(دؤوب)
ولا أعني بها حركة غضب وتعبير عن سخط!
لا!
جربنا كلّ شيء من المفاوضات المايعة،
إلى الحركات المسلحة التي لا تزيد النار
إلا اشتعالاً!
لكن:
(حركة)(نضال)(سلمي)(دؤوب)،
يتعرض قادته للسجون والزنازين والموت!
لكن ليس لأنهم كتبوا شعارات معادية،
أو عملوا حركات ما عندها معنى!
بل لأنهم سعوا من أجل الارتقاء بالمواطن:
رفعاً لمستوى وعيه!
وإعانةً له على تصريف أمور معيشته!
وحاجات زي دي!
مثل هذه الحركة ما جربناها!

طيب ده مجرد يأس!
أنحنا عملنا شنو لحد ما نعلن أنها غلبتنا!
الحل الحقيقي للمشكلة في رأيي واضح جداً:
(حركة)(نضال)(سلمي)(دؤوب)
ولا أعني بها حركة غضب وتعبير عن سخط!
لا!
جربنا كلّ شيء من المفاوضات المايعة،
إلى الحركات المسلحة التي لا تزيد النار
إلا اشتعالاً!
لكن:
(حركة)(نضال)(سلمي)(دؤوب)،
يتعرض قادته للسجون والزنازين والموت!
لكن ليس لأنهم كتبوا شعارات معادية،
أو عملوا حركات ما عندها معنى!
بل لأنهم سعوا من أجل الارتقاء بالمواطن:
رفعاً لمستوى وعيه!
وإعانةً له على تصريف أمور معيشته!
وحاجات زي دي!
مثل هذه الحركة ما جربناها!

Quote: بهاءالدين برعي الصاحب · Omdurman وهل حل التدخل الدولي العاجل مشكلات هذه الدول؟ شوفهم كانوا ويين و بعد التدخل العاجل البتنادي بيه بقوا ويين ثم ياخ اذا عندنا مشاكل الدنيا و الاخره, تفتكر ناس التدخل الاجنبي البتدعوهم ديل, لو ما عندهم مصلحه او عائد مادي بيتدخلوا. ما تقول لي حيجوا عشان حقوق الانسان السوداني و الشعارات البراقه الما جايبه تمنها دي, لانه ده ما حصل في كل الدول الذكرتها في عنوانك, ارقام القتلي في العراق بالملاين. خلونا في طائفيتنا و احزابنا البائسه, اخير لينا مليون مره من التدخل الاجنبي.

مصلحة المجتمع الدولي في التدخل هو ان المسار الموضوع عليه السودان والذي يتهدد الوطن بالانهيار سيخلق دولة فاشلة مضطربة أخرى تهدد السلم العالمي

والله يا صلاح الكيزان ديل لن يترجلوا عن السلطة حتى وبعد ان ادت سياساتهم لتمزيق السودان وإفقار العباد والبلاد
وعندما يتحسسون اي خطر يتهدد سلطتهم يكشرون عن انيابهم وتشتغل حيلهم ... شي عنف وشي محاولات للاغراء لمعارضيهم بالاشراك في السلطة والايام دي جابت ليها تلفيق تهم جنائية للمعارضين السياسيين