Post: #1
Title: Glomar Response! !!! شوفوا انتوا بقى!!!
Author: smart_ana2001
Date: 08-29-2014, 10:27 PM
شوفوا انتوا بقى!!!....تقرا بالهجة المصرية
|
Post: #2
Title: Re: Glomar Response! !!! شوفوا انتوا بقى!!!
Author: smart_ana2001
Date: 08-29-2014, 10:28 PM
Parent: #1
القصة (حقيقية) عن ال CIA و الحكومة الامريكية و الاسرار.
|
Post: #3
Title: Re: Glomar Response! !!! شوفوا انتوا بقى!!!
Author: smart_ana2001
Date: 08-29-2014, 10:30 PM
Parent: #2
سنة 1968 لاحظ الامركان نشاط فوق العادة للروس فى المحيط الهادى.
ناس الاستخبارات البحرية قالوا: غالبا الموضوع ده ليه علاقة بغواصة روسية. غالبا انفجرت.
داك كان زمن الحرب الباردة. البحر كله رادارات و اجهزة تصنت.
بعد تحليل للمعلومات, الامركان قدروا يحددوا انه يوم March 8, 1968 فى منطقة معينة، اكيد فى غواصة روسية غرقانة.
ما انفجرت, لكن قابعة فى عمق المحيط.
بعداسابيع الروس قنعوا و رجعوا لنشاطهم العادى
فى July 1968 الامريكان رسلوا سفينة للمنطقة اللى كانوا متخيليين الحطام بتاع الغواصة فيها.
المنطقة كانت حوالى 3 الف كيلو مربع. فتشوا فيها. بعد 3 اسابيع عرفوا وين الغواصة بالضبط.
رسلوا ربوت بكاميرا يصور الغواصة فى عمق البحر. الغواصة كانت على عمق 3 ميل تحت سطح البحر.
الكامير صورت اكتر من 20 الف صورة.
|
Post: #4
Title: Re: Glomar Response! !!! شوفوا انتوا بقى!!!
Author: smart_ana2001
Date: 08-29-2014, 10:32 PM
Parent: #3
سنة 1970 الحكومة الامريكية قررت تطلع الغواصة عشان تعرف اسرار التكنلوجية النووية الروسية. و قالوا لناس ال CIA ... اتوكلوا، و ظبطوا الموضوع ده.
فى زول منكم متذكر الفلم بتاع
The Aviator -2004
. اللى كان بطله دكابريو ?
اها...الزول اللى فى الفلم ده ...اسمه Howard Hughes ساعد ناس الاستخبارات انهم يعملوا مشروعهم بتاع تطليع الغواصة.
عمل فيها انه عنده شركة للتنقيب عن المنجنيز فى قلب المحيط. ناس المخابرات بالاتفاق مع شركة بناء سفن.... بنو سفينة كبيرة جدا عندها يد عملاقة و فيها مخالب عشان تقدر تشيل الغواصم من اعماق المحيط.
بعد 800 مليون دولار و اثناء نشل الغواصة، حصل عطل في اليد العملاقة اللي كان مفروض ترفع الغواصة للسفينة. انكسرنت الغواصة وغطس ثلثها فى
قاع المحيط مرة تانية.
بالرغم من كده طلعوا الرووس النووية -اثنين. و 6 من طاقم الغواصة. ختوهم فى صناديق معدنية عازلة و دفنوهم فى المحيط. كتلوجات بتاعة الغواصة و ابواب الغواصة و حجات تانية كتيرة اتلقت.
|
Post: #5
Title: Re: Glomar Response! !!! شوفوا انتوا بقى!!!
Author: smart_ana2001
Date: 08-29-2014, 10:33 PM
Parent: #4
يقال انه فى سنة 1992 الامريكان اعطوا الروس فيديو فيه جزء من العملية. خاصة الجزء بتاع دفن الفريق الروسى اللي كان فى الغواصة، باحترام.
ده كلو حلو. قصة. ذيها و ذى اى قصة استخبارات تانية. اكيد الروس عملوا قبل كده عملية اخطر من دى بنجاح. شنو اللى بيخلى القصة دى ...مهمة؟
|
Post: #6
Title: Re: Glomar Response! !!! شوفوا انتوا بقى!!!
Author: smart_ana2001
Date: 08-29-2014, 10:37 PM
Parent: #5
المشروع كله -استخرح الغواصة- كان اسمه اريزونا.
سنة 1975 فى صحفى كان عاوز ينشر عن المشروع. ناس ال CIA قالوا...ابدا...مستحيل.
المشروع لسه شغال و ح يعمل لينا مشاكل دولية. و حاولوا كم مرة انهم يمنعوا نشره.
لكن دى امريكا....الموضوع اتنشر فى الLos Angeles Times و ال The Times و كمان معاه فضيحة ان ال CIA حاولت تمنع نشره.
الموضوع نزل في الجرائد دي كلام ساي. ما في اي وثائق. قاموا ناس الاستخبارات عملو ميتين.
|
Post: #7
Title: Re: Glomar Response! !!! شوفوا انتوا بقى!!!
Author: smart_ana2001
Date: 08-29-2014, 10:38 PM
Parent: #6
فى صحفى اخر....بعد ما سمع بمحاولات ال CIA انها تمنع نشر الموضوع, حاول يتحصل على وثايق من المخابرات عن المشروع.
كيف?
|
Post: #8
Title: Re: Glomar Response! !!! شوفوا انتوا بقى!!!
Author: smart_ana2001
Date: 08-29-2014, 10:40 PM
Parent: #7
فى امريكا فى حاجة اسمها Freedom of Information Act
يحق لاى زول انه يحصل على معلومات عاوزها. بس مفروض تكون عارف انت بتسال عن شنو. ما ممكن تجى تقول لناس المخابرات انا عاوز كل ورقكم. الصحفى ده سال عن وثايق مشروع اريزونا.
ال CIA كانت فى موقف صعب جدا. بين انها دى اسرار عسكرية (المشروع و اى حاجة عندها علاقة بيه) و بين انه الصحفى ده ممكن يوديهم المحكمة لو ما ردوا عليه.
ال CIA كان عندها محامى عبقرى. كتب رد قانونى للصحفى اللى طلب المعلومات. قال ليه فيه:
ان ال CIA
neither confirm nor deny
ما بتعترف او تنكر المشروع.
طيب...الرد عبقرى ليه?
|
Post: #9
Title: Re: Glomar Response! !!! شوفوا انتوا بقى!!!
Author: smart_ana2001
Date: 08-29-2014, 10:41 PM
Parent: #8
لو الحكومة الامريكية اعترفت-الزمن داك- الروس ح يتاكدوا من ان الامركان عرفوا اسرار مهمة و ح يغيروا حجات كتيرة فى غواصاتهم.
لو الحكومة الامريكية نكرت...ح تبقى فى انهم كذبوا و ممكن يقاضوهم و تبقى فضايح.
الرد بتاع
neither confirm nor deny
ده بقى رد المخابرات و الحكومة الامريكية لاى وثايق ما عاوزة تنشرها.
طبع الرد ما بياكل عيش زمن طويل. لكن ممكن يجرجروك فى المحاكم بيه لمدة سنة او سنتين. بعد كده ممكن القاضي يهرش الحكومة. يقوموا يطلعوا المعلومات. بس ناقصة .و تانى تمشي القاضي .و يطلعوا روحك لحدى ما يعترفوا عملوا شنو بالضبط.
|
Post: #10
Title: Re: Glomar Response! !!! شوفوا انتوا بقى!!!
Author: smart_ana2001
Date: 08-29-2014, 10:44 PM
Parent: #9
الرد بتاع الحكومة الامريكية ده اسمه Glomar Response
Glomar هو اسم السفينة الكبيرة اللى استخدمت فى نشل الغواصة.
بالنسبة لى الرد ده ذى عبارة المصريين....شوفوا انتو بقا
.
The End
|
Post: #11
Title: Re: Glomar Response! !!! شوفوا انتوا بقى!!!
Author: عبدالحفيظ ابوسن
Date: 08-30-2014, 06:00 AM
Parent: #10
سلام اسمارت
ههههه
بقرا داير اعرف النهاية فاجأتني ز اند
دي زي
تهمة لا انكرها وشرفا لا ادعيه
جمل مطاطة لو حاولت تمنطقها بتلقاها محض هراء
السي اي إي ديل اذكياء وموضوعين
قريت كتاب بوب وود رو
The veil
وهو عن الحروب الامريكية السرية لل سي اي اي
قدرة علي التآمر والتخطيط مذهلة
|
Post: #12
Title: Re: Glomar Response! !!! شوفوا انتوا بقى!!!
Author: smart_ana2001
Date: 08-30-2014, 05:06 PM
Parent: #11
سلامات عبد الحفيظ.
الكتاب ده لما تقرأه، تقول تاني اصلي ما ح اسمع اخبار. اي خبر في الأخبار اكيد مطلعنوا ناس المخابرات عشان عندهم أجندة معينة.
|
Post: #13
Title: سمارت انت
Author: mustafa mudathir
Date: 08-30-2014, 06:36 PM
Parent: #12
سمارت فعلاً
بوست مثير و معروض بطريقة آخذة للأنفاس!
|
Post: #14
Title: Re: سمارت انت
Author: smart_ana2001
Date: 08-31-2014, 05:00 AM
Parent: #13
شكرًا مصطفي مدثر. تسلم
|
Post: #15
Title: Re: Glomar Response! !!! شوفوا انتوا بقى!!!
Author: نعمات عماد
Date: 08-31-2014, 08:54 AM
Parent: #1
العزيزة smart
كتاباتك دائما ممتعة
رجاءا واصلى و ما تغيبى ...
|
Post: #16
Title: Re: Glomar Response! !!! شوفوا انتوا بقى!!!
Author: Asim Fageary
Date: 08-31-2014, 09:04 AM
Parent: #15
التحية ليك وأجمل شيء في الموضوع طريقة السرد ... إنتي المفروض تدرسي أجيالنا الجاية من الأطفال عشان يحبوا التعليم والمعلومة
دا قدرات فنية عالية جداً
وتعرفي ذكرتيني كان عندنا أستاذ تاريخ في الإبتدائي بس هو عكسك تماماً كهرنا حاجة إسمها تاريخ لو لميتي فيهو ودربتيهو شهر كان بقى أستاذ فعلاً
مرة أخرى تحياتي وتقديري
|
Post: #17
Title: Re: Glomar Response! !!! شوفوا انتوا بقى!!!
Author: smart_ana2001
Date: 09-01-2014, 07:07 AM
Parent: #16
سلامات يا نعمات. يديك العافية.
شكرًا عصام فقيري. تعرف انا حياتي كلها في السلم التعليمي كنتا بكره التاريخ جداً. قبل كم شهر نزل علي حب استطلاع عن موضوع كده و بديت اقرأ في التاريخ.
اتاري التاريخ دي شيء ممتع جداً جداً جداً. ده غير ان مريوم- يديها- العافية- الايام دي بتدرس فينا تاريخ الامبراطورية البريطانية.
سلامات يا مستنير، شكرًا جزيلا. تسلم.
سلام أخونا ناجي اسماعيل. ده من اجمل البرامج الإذاعية. على الإطلاق.
|
Post: #18
Title: Re: Glomar Response! !!! شوفوا انتوا بقى!!!
Author: smart_ana2001
Date: 09-02-2014, 06:27 PM
Parent: #17
..
|
|