ناس تزازي بين غينيا وجزر السحاحير،،صاحبي مفلس دقش مليار من معمل جبنة...

ناس تزازي بين غينيا وجزر السحاحير،،صاحبي مفلس دقش مليار من معمل جبنة...
والحكاية ارزاق...
عندو اتوس شغال بيها طرحات،،مدني الحصاحيصا
ناس المرور جننو...
باعا...
سو بيها معمل لصناعة الجبنة...
اول امس مشي لمستشفي البست كير
حيث ترقد اختي
دفع فاتورة العملية
قال بتحاسب معاي لاقدام
اتصلت به
قلت ليه شكرا اصبر علينا
قال لي انت اظنك غبيان
صاحبك الخليتو مفلس
معمل جبنة صغير غناهو
قلت لا تخبر الناس
قال لي يازول اناهسع مافارغة معاي
بفكر في معجزة اخري

يا عبدالعزيز يا اخوي يا متأمل إنت عينك لي أهم خصلة فيهو شهامتو تقوم تتحدث لينا عن ثروته؟

يابشري،،يااستاذي وحبيبي..
شكرا لالتقاطك المهم..
فوالله ما اتيت بتلك الا لهذا..
ولرجولته
وشهامته
وعطائه فتح الله عليه كل قبل الرحمات والارزاق
وهذا هو المحك...
تصدق قال لي قنعت من الجبنة
داير اغامر بشئ اخر
ذكره لي...
قلتلو يازول ات مودر...
ضحك وقال لي وات ملاوز
تاتي بالافكار،،وتخاف منها..
اقسم بالله يابشري
تشاركت معه هذه الافكار في حوش ديوانا
ذقت انا
ونفذها هو..
لانه شجاع مقدام مؤمن حازم متوكل
له التحية
والله لو لا رفضه ذكر اسمه
لقلت

فسلاما ايها الصديق النبيل...
سلاما...
والف تحية وعرفان..
وليحفظك الله..
بس ياخي المغامرة صعبة..
ودايرالا مقداما مثلك
هميم
ومتوكل.
وفقك الله.

عزيز سلامات ..
اعجبني موقفكـ صاحبكـ وشهامته ..
لكن إنت كان مابتستاهل وزولاً ضو ...
تأكد ما كان دفع عنكـ حق العمليه ..
وده من أصلكـ الطيب يأخ ..

عارف ...
أغلب الناس بتغنى من فكره صغيره ..
ولو طرحها صاحبها لمن حوله لرأوها هايفه ..
لكن العبره بالاقدام على تنفيذ هذه الفكره ..
والتجاره كلها مغامره ..
ياخابت ياصابت ..
ولاتخضع مطلقاً لمعايير المعقول واللامعقول ..
تابعت ذلكـ مع بعض أقاربي .. والجمتني الدهشه ..
ربنا يغني الجميع من فضله ..

الناس بيقولوا التجاره شطاره ..
ولا زلت متمسكـ بكلامي ..
التجاره مغامره .. وفكره يتشبث بها صاحبها ..
لينطلق بها الى حيز التنفيذ ..
فتصبح مصدر سعده وغناه ..
ودخوله عالم الأغنياء ..
غايتو ...
كان جاتكـ فكره طوالي أشرع في التنفيذ ..
وكوس ليكـ رأس مال ..
وماتتردد ..
ربما كانت سبب غناكـ ..
ومن حولكـ ...

قول اتنين والتالت كان في بوست لك عن مشروع الجزيره .

السلام عليكم وحمداً لله على سلامة اختك
علا انت كان ما كنسلت لك اقامة زول ما بترتاح وانا براى متسبب
زوجتى وكت اقول ليها عايز امشى السودان تقول لى يا راجل انت ماك شديد
هو الناس الهناك دايرين يمرقوا ماشى تشتغل شنو ؟