شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن )

تُحفة البادية يا الحيرتي ريف وبنادِر
جلَّت قُدرة الســواكِ نِعم القــادِر
ما بتعرِف كِريم دا جمال طبيعي ونادِر
لُطفك يا كريم ود شيقوق كِتِل في ام بادِر

.
.
الصورة نقلاً عن بوست / الرائع عثمان موسى !
وأتعبنا بها / الرائع عبد المنعم سيد احمد ؟

.
.
تُحفة البادية يا الكمَّلتي الجمال والروعه
من قومتَ الجَهَل سمحه وبهية طلْعه
لو كان شافه قيس لابُد تصيبه الزلعه
من يوم شافه ود شيقوق دخل في خُلعه

.
.
كباشيه قول، كاهليه قول لا تكاجِر
من عين الحسود يحميها ربي الساتِر
رويانه من ضُروع ألْبِل شخيباً حاضِر
لبناً من دُرار أُمـّاتو ما هـول تاجِر

الأخ محمد فضل الله المكي
سلامات

دي جمالها مؤصل
لا كريم لا مسحوق مبجل
لو وصفوها الوصف يخجل
قادر الله الفي خلقه مكمل..

سعادة المستشار شيقا سيقيم فيك الشرع!!


تحياتي

يا جنابوا خاف الله فيني الدنيا جمعة - مالك مولع نيراني يا العشاء اب لبن؟


ود عيسى



جابتك الشماتة ولا شنو ؟

حقوا تراعوا فروقات الوقت

نحن هنا الجمعة على وشك وفي ناس هسه عطرابة ............. داقة في السقف

وناس ماسكة اللالوبة عدييييل

وناس ساربة بالجمال في صقيع البطانة

دي يا ود المكي ياها ذاتا القال فيها عمك ود الرضي القام نداهو يهتف

.
الحبيب شيقا

والله مشتاقين
آهااااا الليلة دي يحلك خالك !
التقيل ورى

كل المودة

Quote: جابتك الشماتة ولا شنو ؟ حقوا تراعوا فروقات الوقت نحن هنا الجمعة على وشك وفي ناس هسه عطرابة ............. داقة في السقف وناس ماسكة اللالوبة عدييييل وناس ساربة بالجمال في صقيع البطانة

يا مولانا
حبابك
والجمعة مباركة..


نحن كان بنشمت بنشمت في الناس الساربة بالجمال هنــــاك في صقيع البطانة!!!!!!!!!!


غايتو ما بقدر أقول ليك أركز....!!

Quote: دي يا ود المكي ياها ذاتا القال فيها عمك ود الرضي القام نداهو يهتف

تهتف ايديك ملانات قصب يا الغبيان
لن يكون لي شغل شاغل في مقبل الايام من هسع تيا تي
غير الحصول على هاتف ام عبدالله عشان تهتف سمح

نسيت اسلم عليك يا المكي من زعلي على الغبيان دا
لكن حمالتك علي تاني ما اجي بيجاي
كدي اللقدر اجي

.
.
قت لي كيف ؟
متأكد منها كاهلية ؟
انا ذاتي قت كدا
ناسنا ديل اصلن كدا
مالو الكلام غلبني كلو كلو
الله كريم ورحيم
والسلام عليكم ورحمة الله تعالى وبركاته
وجمعة مباركة

Quote: لُطفك يا كريم ود شيقوق كِتِل في ام بادِر

هذا نوع من القتل الرحيم الذي لا يستوجب الدية!
سلام الجنرال الاديب محمد فضل الله المكي والتحايا عبرك لمستشارنا شيقا.


محبتي

.
الحبيب الفاتح

طلتك تزيد الموضوع ألقاً وقيمه
شيقا دا دايرلو إبر من هكذا نوع ، عشان يصحى معانا .

شوقي ليك بلا حدود

سلام يا جنابو ود المكي
يا دوب عرفتا لي شيخ العرب ود شيقوق وجيتو في بوهيتو

ما ياهو دا زاتو البجنن بوبي.

شلخك والزمام والكشمة منهن الله
والجلة أم شقيريب بي هينة ما بتنقلا
ودشيقوق يتاوق وفي المليل ينملا
ينده في الشيوخ ما تشوفو أم عبدالله

.
الحبيب ود البوش
الشوق ليك بحر

عاد يجيبِك الله يا أم عبدالله .. كمان جابت ليها دُخان ؟

كُل المحبة

Quote: نحن كان بنشمت بنشمت في الناس الساربة بالجمال هنــــاك في صقيع البطانة!!!!!!!!!!

دي حسادة ساااااي عملتها ظاااااااااااااااهرة يا اللخو ههه

اها عنكوليب أبو حجار ما مرق؟

.
الأخ العزيز ابو عيسى

شوفت الزول نام اليومين ديل قلت أصحيه شويه
باقي الجمعة دي بتكون عنده ضبيحة.
مشاركتك زادت الموضوع قيمة.

كامِل الود

البسام منيل زي مزنة العبادي
والوقل البوح منو القليب ويدادي
ود المكي دير جوز القنابل غادي
أنا إستسلم خلاص والتوبة حق يا دي

قالو السماحه قِسَم أدوها ليكي براكي
يا سُبحانَ من خلق الجمال وأداكي
ما جرَّبتي فسْخ الوشْ أبَد حاشاكي
إلا اتمرَّد التوب الساتِر نِعَم مولاكي

شلخك والزمام والكشمة منهن الله
والجلة أم شقيريب بي هينة ما بتنقلا
ودشيقوق يتاوق وفي المليل ينملا
ينده في الشيوخ ما تشوفو أم عبدالله

الحبيب ود الشيخ ابو سيد احمد

أمانه مااااا ورطت الزول ، إلا أردِم .
مداخلاتك تثري الموضوع وتشعلِل نارو

كامل المحبة

ود فضل يا خيي \ سلام يغشاك نامن يفضل .
والله اشتقت لي سماحة الخيمة هيلتك دي ههههههه .

تُحفة البادية يا الحيرتي ريف وبنادِر
جلَّت قُدرة الســواكِ نِعم القــادِر
ما بتعرِف كِريم دا جمال طبيعي ونادِر
لُطفك يا كريم ود شيقوق كِتِل في ام بادِر

نحن جمالنا من تاجوج وماش لا غادي
بدور القلعة دي الغنولا فوق الـــرادي
نفيسة الدر حقيبة الفن تشيل وتنــــادي
ود البوش فقد يا ربي انت الهــــــادي

لوحة ربانية من سماحة بلدنا ..

نحن جمالنا من تاجوج وماش لا قادي
بدور القلعة دي الغنولا فوق الـــرادي
نفيسة الدر حقيبة الفن تشيل وتنــــادي
ود البوش فقد يا ربي انت الهــــــادي

الغاليه بت عمسيب
مساجلات لنا سابقات ما زالت محفورة في الذاكره ،
وانتِ شاعرة رباعيات لا تُبارى.
وجودِك يزيد الموضوع قيمة

كل المودة

الاغلي \ ود فضل ..

الله يشهد بتذكرك ومو ناسياك بذات لما اكون في الخيمة .
الله يكرمك ويدك الفي مرادك بركة النية السمحة البيناتنا .

وسلمت ودمت ..

ولي قدام .

بت عمسيب و ودالمكي خاصيكم سلام وتحية
وست الصورة فوكا الصالحين جميعية
نده سيدي الحسن أب قبةً لبنية
يحمي المستشار تب ما تسيلو أذية

نعم إنو الرهيف ما بيحمل القرويد
شاشاي في المعاطن يبرا المُهاة والصيد
أكان الحظ طلق والقسمة جات في الليد
فوق ضهر الموورك ينشد غناهو ويعيد

Quote: تهتف ايديك ملانات قصب يا الغبيان لن يكون لي شغل شاغل في مقبل الايام من هسع تيا تي غير الحصول على هاتف ام عبدالله عشان تهتف سمح

عيييييييك اتفاكرني اصينج اديها مويايل لمسكولات ساعة الهجعة

Quote: هذا نوع من القتل الرحيم الذي لا يستوجب الدية! سلام الجنرال الاديب محمد فضل الله المكي والتحايا عبرك لمستشارنا شيقا.

الكتل صحيح خشم بيوت يا ود الميرغني -

هسه بت امبادر دي ما لحظ عينيها في الحالين بلحقك امات طه

راشد

Quote: ودشيقوق يتاوق وفي المليل ينملا ينده في الشيوخ ما تشوفو أم عبدالله

ام عبد الله متابعة و متكيفة بالحيل لنضميك دا شمتانة في البقى على اب جناها

بت عمسيب

والله طالما جيتي بجاي امانة ما بوست ود المكي جلب بالحيل

Quote: تُحفة البادية يا الحيرتي ريف وبنادِر جلَّت قُدرة الســواكِ نِعم القــادِر ما بتعرِف كِريم دا جمال طبيعي ونادِر لُطفك يا كريم ود شيقوق كِتِل في ام بادِر نحن جمالنا من تاجوج وماش لا غادي بدور القلعة دي الغنولا فوق الـــرادي نفيسة الدر حقيبة الفن تشيل وتنــــادي ود البوش فقد يا ربي انت الهــــــادي

هيييييييييييييييع كع بت عمسيب عافي منك دنيا واخرة

عليك النبي تطبقي النمة

Quote: إلا اتمرَّد التوب الساتِر نِعَم مولاكي

جنابو لا جنابو لا

الشي دا كان فكوا طلاسمو لبكري بشهي البوست دا العافية

آ سعادة المستشار
غايتو البقي عليك ما شفناهو شوف العين عِلا :
(شدرة كان هوززت ترا إلا هبوباي ولا عبلاي) كما يقول الأهل في دارفور
بالصُح كدي البقي عليك شنوهو؟ عشان نعمل بوصية جنابو ونردم
ولا نرفع من الأبنص شان أم عبدالله ترخي يدها من مسكة أم عضيم.
ياخي كتر خيركم كلكم علي الواحات أمات سرف البتفتحوهم مرة مرة
حاكم الزول بدور ينجم من أمبحتي والعك أب عفار القايم علي الدنيا ده

سلمتو وسعيد أبقى وسطكم

Quote: ياخي كتر خيركم كلكم علي الواحات أمات سرف البتفتحوهم مرة مرة

حاجات ود المكي اصلها حولية يا راشد اخوي

زولك بكون متوحم بالنعمة دي من عامنول وما دلاها علا الليلة

أتارييييييهو من الجماعة السُقاهم بالغِب؟
أكان كدي نقنصولو في اللّيا حاكم كراع البقر جيابا
وأنا نعم إنو شدة ما مكوفر أتنسم بالضُلع القصار

تُحفة البادية يا الحيرتي ريف وبنادِر
جلَّت قُدرة الســواكِ نِعم القــادِر
ما بتعرِف كِريم دا جمال طبيعي ونادِر
لُطفك يا كريم ود شيقوق كِتِل في ام بادِر

تُحفة البادية يا الكمَّلتي الجمال والروعه
من قومتَ الجَهَل سمحه وبهية طلْعه
لو كان شافه قيس لابُد تصيبه الزلعه
من يوم شافه ود شيقوق دخل في خُلعه

كباشيه قول، كاهليه قول لا تكاجِر
من عين الحسود يحميها ربي الساتِر
رويانه من ضُروع ألْبِل شخيباً حاضِر
لبناً من دُرار أُمـّاتو ما هـول تاجِر

قالو السماحه قِسَم أدوها ليكي براكي
يا سُبحانَ من خلق الجمال وأداكي
ما جرَّبتي فسْخ الوشْ أبَد حاشاكي
إلا اتمرَّد التوب الساتِر نِعَم مولاكي




ود المكي ...
حُق لكـ ولمن ورد حياض هذا البوست ..
أن تتملكه الدهشه ..
كان من الصوره ..
ولا من هذا الشعر الجزل المصاحب ..
حقاً ..
حُق لي أن أتوجد هاهنا ...
ففي معيه الجمال تكمن الروعه ..

Quote: كباشيه قول، كاهليه قول لا تكاجِر

لكن ..
لي تساؤل أخير ..
هل هذه الفاتنه من باديتنا ..؟
أم هي من البوادي الممتده ....

Quote: جنابو لا جنابو لا الشي دا كان فكوا طلاسمو لبكري بشهي البوست دا العافية

عليك الله ياود شيقوق ..اسمع نضمى
محمد احمد المحجوب قال شنو ..تقول لى
بكرى يغتس حجر البوست الرايع ده ههههههه

ضاق القميص بطامح...
تحت القميص له شبوب
لو كنت املك امره...
لتفتقت عنه الجيوب
ومضى يطاول مايشاء...
فتستجيب له القلوب.
مابين صرعى كبروا ...
والساجدين لهم وجيب
يانهدها ماذا جنى...
عشاق حسنك هل تجيب.

لك التحية محمد فضل الله
ولضيوفك الكرام...
شكرا لجمعك هذا النفر الجميل
عشاق الجمال ...والكلمة الطيبة الرويانة





كوبى الجبنة يابنية

Quote: أتارييييييهو من الجماعة السُقاهم بالغِب؟

استنى يوم الضمي يمكن تلقى ليك جمل ماصع تندرع فيهو

اوعاك من الخلفة يا راشد اخوي

ود القووووووووووز

Quote: تُحفة البادية يا الحيرتي ريف وبنادِر جلَّت قُدرة الســواكِ نِعم القــادِر ما بتعرِف كِريم دا جمال طبيعي ونادِر لُطفك يا كريم ود شيقوق كِتِل في ام بادِر تُحفة البادية يا الكمَّلتي الجمال والروعه من قومتَ الجَهَل سمحه وبهية طلْعه لو كان شافه قيس لابُد تصيبه الزلعه من يوم شافه ود شيقوق دخل في خُلعه كباشيه قول، كاهليه قول لا تكاجِر من عين الحسود يحميها ربي الساتِر رويانه من ضُروع ألْبِل شخيباً حاضِر لبناً من دُرار أُمـّاتو ما هـول تاجِر قالو السماحه قِسَم أدوها ليكي براكي يا سُبحانَ من خلق الجمال وأداكي ما جرَّبتي فسْخ الوشْ أبَد حاشاكي إلا اتمرَّد التوب الساتِر نِعَم مولاكي

يطول عمرك كلامك دا بقى لي زى العيش في علفة الزرزور

هسه الجكس بجي متلب

خليهو يجي يتشمشم بهنا ويقع فيهو عشان اهبدو ليك هبدة طير النترة

منعم

Quote: ضاق القميص بطامح... تحت القميص له شبوبو لو كنت املك امره... لتفتقت عنه الجيوب ومطى يطاول مايشاء... فتستجيب له القلوب. مابين صرعى كبروا ... والساجدين لهم وجيب يانهدها ماذا جنى... عشاق حسنك هل تجيب.

رحم الله محمد احمد المحجوب يا منعم فقد كان من دهاقنة السياسة الذين لا يشق لهم غبار

اما في الشعر فان لم يقل غير الفردوس المفقود لكفاه

Quote: استنى يوم الضمي يمكن تلقى ليك جمل ماصع تندرع فيهو اوعاك من الخلفة يا راشد اخوي QUOTE] همالتك علي إن ما بقن إيداتهن يرقلن ويجمعن في شمالهن ماني متلبب حدب ضهورهن طااااب والخلفة ماني زولها آ الطيب أخوي ... إت ما خابر؟ علا جانبو ضنيتو عندو المحن في قرفتو أم سيور.

---

Post: #39 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: Abdlaziz Eisa Date: 08-29-2014, 05:55 PM Parent: #35 الاعزاء/ ودالمكي وشيقا والضيوف الكرام سلام وتحايا عطرة اتكاءة في اريحية الجمال والكلمة الحلوة ويا مولانا شيقا ياخي انت عسل وربنا يزيدك عسل بس اوعك من العنكوليب وما تكتر فيه بسحروك مودتي

---

Post: #42 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-29-2014, 06:03 PM Parent: #39 بو عزيزي Quote: اتكاءة في اريحية الجمال والكلمة الحلوة ويا مولانا شيقا ياخي انت عسل وربنا يزيدك عسل بس اوعك من العنكوليب وما تكتر فيه ربنا قال ( لا يكلف الله نفسا الا وسعها ) لكنك يا مسنوح قاصد الخراب رغم ادراكك بسعة تحملنا لهذه القنابل البشرية بتبهل ساي بلا حساب انت ؟

---

Post: #43 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 08-29-2014, 07:12 PM Parent: #42 ود المكي ... حُق لكـ ولمن ورد حياض هذا البوست .. أن تتملكه الدهشه .. كان من الصوره .. ولا من هذا الشعر الجزل المصاحب .. حقاً .. حُق لي أن أتوجد هاهنا ... ففي معيه الجمال تكمن الروعه جمال ود القوز يا حبيب والله أديتني أكتر من حقي ، وكلامك دا شهادة اعتز بها . انت أحق مني بالتواجد في هذه المساحة لك محبتي

---

Post: #45 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 08-29-2014, 07:18 PM Parent: #43 . رَبْعه، جمالها طَبعـه فايته زمـانه قالت للقمره قومي واتحكَّرت في مكانه لا جكَّست بورداب لا فسْبَكَت سهرانه ما شافت كِريم(الفُرصه) ديمه دِهانه

---

Post: #46 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 08-29-2014, 07:29 PM Parent: #45 . .منعم سيد احمد أيها الرائع مساهماتك الرائعة تعكس سلامة ذوقك يا فنان بك ازداد الموضوع ثراءً وقيمة لك محبتي

---

Post: #47 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-29-2014, 08:56 PM Parent: #46 Quote: لا جكَّست بورداب لا فسْبَكَت سهرانه ما شافت كِريم(الفُرصه) ديمه دِهانه هههههههههههههههههها والله يا ود المكي بالغت في (لا فسبكت سهرانة )

---

Post: #48 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 08-30-2014, 03:35 AM Parent: #47 نحن جمالنا من تاجوج وماش لا غادي بدور القلعة دي الغنولا فوق الـــرادي نفيسة الدر حقيبة الفن تشيل وتنــــادي ود البوش فقد يا ربي انت الهــــــادي . . .(ود البوش فقد يا ربي انت الهــــــادي) ود البوش .. زايغ وين اخوي؟ علي اليمين بت عمسيب جابت ضقله يكركِب . سلامتك اخوي....إلا اركِز

---

Post: #49 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 08-30-2014, 04:59 AM Parent: #48 هههههههههههههههههها والله يا ود المكي بالغت في (لا فسبكت سهرانة ) يعني يا شيقا قايل خاته ليها حِزمة عنكوليب مِتلك وقاعده تطقِّع في الكيبورد الليل كله ؟

---

Post: #50 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-30-2014, 06:35 AM Parent: #49 Quote: يعني يا شيقا قايل خاته ليها حِزمة عنكوليب مِتلك وقاعده تطقِّع في الكيبورد الليل كله ؟ لكن يا سعادتك غير العنكوليب والكي بورد اسوى شنو ؟ وحياتك كان زهجت منهم الاتنين طوالي بتلهم ليك ام عبد الله ونسة ساااااااااي بالايمو واللاين والاسكايبي لامن بطارياتنا تكمل باقي لما اعمل ليها مسكول طوالي تكورك لاقرب واحد من جناها يجي يربط ليها ا لاسلاك حقات الاسكايبي او الايمو و عيييييييييييك شمارات للصباح

---

Post: #51 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: مني عمسيب Date: 08-30-2014, 09:38 AM Parent: #50 سماحة الخلقة والبسمة وقوام مربوعـــة والروق والتقل حاشاها مـــو مفزوعــــة يا ترب الحسان الديمة عامرة ربوعهـــا حاشاهــا الشكل حاشاها غزت كوعهـــا هذه المرابيع اهداء خاص .. للرزين ( شيقوق ) شيقاا شيقااا شيقااااااااااااااااااا .

---

Post: #52 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 08-30-2014, 10:07 AM Parent: #51 ... .. . . ود شيقوق شَهَق، التوب فَلَت من جيده إتناولت بي إيد والسـاتره كانت إيده قال لازْمَ الحـدود لا آهَـه لا تنهيده إلا السرقه بي طرف العيون هو بريده

---

Post: #53 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبدالله ود البوش Date: 08-30-2014, 10:13 AM Parent: #48 Quote: .(ود البوش فقد يا ربي انت الهــــــادي) ود البوش .. زايغ وين اخوي؟ علي اليمين بت عمسيب جابت ضقله يكركِب . سلامتك اخوي....إلا اركِز . . شفت ليك مجنون بركز ؟ هههههههه خلي صاحبك النصيح دي اركز

---

Post: #54 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الفاتح ميرغني Date: 08-30-2014, 10:44 AM Parent: #53 " طق طرق يا بن القهوه كيف ومزاج خلي النعدل الراس ونحصل الترماج"* شكرا عزيزنا/ عبد المنعم سيد احمد على جلب هذه الصورة البديعة. فوووووق للمزيد من العصر على شيقا .! محبتي *الترماى

---

Post: #55 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-30-2014, 12:19 PM Parent: #54 بت عمسيب Quote: سماحة الخلقة والبسمة وقوام مربوعـــة والروق والتقل حاشاها مـــو مفزوعــــة يا ترب الحسان الديمة عامرة ربوعهـــا حاشاهــا الشكل حاشاها غزت كوعهـــا هذه المرابيع اهداء خاص .. للرزين ( شيقوق ) شيقاا شيقااا شيقااااااااااااااااااا . عاد وقت جابت ليها نميم صلحي القعدة عشان تسمعي الكلام الفيك بت عمسيب في نص البنات حاشاها مي مهبولة سمحة خصالا مي قوالة طاعم قولة الديفة الرزينة الفي القعاد معدولة ست كل الحريم طيبة وعتيقة اصولة ياخلايا هوي انا تب فقدتا الحيلة دي ام ديسا غزير راقية وحنينة واصيلة ممشوقة قوام لاماكنة لاها نحيلة جننت الشباب فاقت بنيات جيلا زي بت بلدي تب معدوم واصلا ماف سمحة اخلاقا طيبة مكملة اوصاف عالية قامة كاحلة عين وضامرة هاف وديسا نازل للركب ومغتي للاكتاف

---

Post: #56 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-30-2014, 12:27 PM Parent: #55 الجنرال ود المكي Quote: ود شيقوق شَهَق، التوب فَلَت من جيده إتناولت بي إيد والسـاتره كانت إيده قال لازْمَ الحـدود لا آهَـه لا تنهيده إلا السرقه بي طرف العيون هو بريده ياكا الولد البخاف من القبيلة تلومو يخلف ساقو فوق تيسا رقيق قدومو أما جاب رضوة البهم المنقد فومو اما اتكاتحا كوم الرماد حرومو

---

Post: #57 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-30-2014, 12:30 PM Parent: #56 البوش Quote: شفت ليك مجنون بركز ؟ هههههههه خلي صاحبك النصيح دي اركز جيت تباري بجاي خلاص خليت المدرسيب للمنسي وود اب سن؟

---

Post: #58 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-30-2014, 12:38 PM Parent: #57 الفاتح Quote: فوووووق للمزيد من العصر على شيقا .! ود الميرغني - حباب العطرو عمه وفاح سيرتك جات تسابق نسمة البياح كملت الفهم والمــــرفا ليك مباح راجنك قبيـــل والدنيا لسه صباح هيييييييييييييييييييع كع خصمتك بالنبي تشرح الكلام دا للجكس بتاع طوكيو يمكن يجيني مسكول في صمة خشمي دا

---

Post: #59 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: فيصل محمد خليل Date: 08-30-2014, 01:42 PM Parent: #45 صديقي محمد فضل الله المكى شيقا دا ما تشوف حركاتو دي اكتر واحد مهذب انا لساني فالت و بدخل علبهو بالطول يجيني في الخاص و ينبذني نبذ السواد هههههـ بقول ليهو ما قوتو نوبة المسنوح هز يا وز

---

Post: #60 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 08-30-2014, 02:47 PM Parent: #59 . فيصل يا صديق زولك مزنوق زنقة حلاق يوم الوقفة ويا شيقا جاتك تاره....فيسل قال ليك ما قُلتو نوبه ؟ كل الأشواق فيصل

---

Post: #61 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-30-2014, 03:33 PM Parent: #60 Quote: صديقي محمد فضل الله المكى شيقا دا ما تشوف حركاتو دي اكتر واحد مهذب انا لساني فالت و بدخل علبهو بالطول يجيني في الخاص و ينبذني نبذ السواد هههههـ بقول ليهو ما قوتو نوبة المسنوح هز يا وز هلا هلا - يا سعادتك - باقي لي لخلخت حجباتك فيسل مايكرو ويف البوستات جاك متدلي طااااب انت بس ما تتكلم معاهو ابعد منو بجيهو ليك انا طااااااب

---

Post: #62 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: Abdlaziz Eisa Date: 08-30-2014, 04:05 PM Parent: #61 محل ما تمشي يا شيقا... العنكوليب والجمال وراك وراك...

---

Post: #63 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: مامون أحمد إبراهيم Date: 08-30-2014, 04:48 PM Parent: #62 سعادتو ود فضل الله المكي ،، سلامات وتحية ... كيف الأهل والأولاد انشاله بخير .. دي نكتها من وياتو بادية ؟!! تعرف يا سعادتك في السبعينيات ونح في نهاية المرحلة الوسطى ، طلعنا حملة تطعيم الجدري مع وزارة الصحة ،، في كل مديرية الخرطوم وضواحيها !! كانت حملة ناجحة جداً ومدعمة بضباط الصحة ومناديب من المجالس البلدية ومجهزة مما جميعو !! ... طبعا اتحركنا وكنا لافين حوالي شهرين بأرياف مديرية الخرطوم ،،، لكن الحصل بالنسبة لى موضوع الجمال الرباني ده كالآتي : يوم كنا في منطقة ورا المرخيات أنا وزملائي كانوا اتنين من الإخوة الجنوبيين ،، وفجأة وقفنا قدام خيمة من خيام الرحل ،،، أها طبعاً كالعادة صفقنا وسلمنا ،، سلا هوي أهل الدار ،،، أها لما الجماعة ديل طلعوا ،، أم خمسينية ( وشابتين 17- 18 سنة ) وثلاثة أربعة صبايا كتاكيت !! طبعاً العيون شبه الفناجين ،، القمر بوبا شنو يا زول !!! كل واحدة أشد من التانية !!! .... أها بعدما طعمناهم وأديناهم الإرشادات اللازمة وقلنا أها مع السلامة مع السلامة ،، طبعاً صاحبي الجنوبي المعاي غلبو الكلام ،، قام عاين لي كده وقال لي : ياخي ده بنات ده والا كلام فارغ ؟!!! ...... قلت ليو والله يا جون ده كلام فارغ جداَ !!!! ها ها ها والله كانت أيام ! تعرف يا جنابو : ايمان الرحمن ناس زي ديل ، في السينما ما لاقيت زيهم ،،، واتمنيت لوكانت معاي كاميرا !!!

---

Post: #64 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبد المنعم سيد احمد Date: 08-30-2014, 05:08 PM Parent: #63 الفاتح يازول ياجميل السودان رافدا للجمال والاصالة تسلم يازوق

---

Post: #65 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 08-30-2014, 06:30 PM Parent: #64 . الأخ والصديق الحبيب مامون ..المامون على بنوت فريقو التحيات الطيبات الزاكيات لك ولأسرتنا طرفكم . لا لا لا لا لا ناس غرب ام درمان ديل كمان حاجة تانية يا المامون ! يا خوي السماحة فيييييي البوادي دي .. جمال طبيعي وما مزور ( أو كما قال ) ياخ عمك حسن نجيله وعمك العباسي انكسروا في البادية ، إلهام الأدب وشيطان الشعر لقوه هناك ! أنا يا المامون لمن كنت في الكلية الحربية ، تمانيه سنه شغلي غرب ام درمان .... من جبال المرخيات و لا غرِب .. أمانه ماشُفت العجب ! مشاركتك اعطتنا دافع للمواصلة أخي مامون . على أمل ان نلتقي التعديل لأن الكي بورد دقس

---

Post: #66 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-30-2014, 06:47 PM Parent: #65 Quote: العنكوليب والجمال وراك وراك... أي - يا عزو - اصلي بخيت بس ما تلبهوني يقوم الجمل ينكّس يشتت العن###### في الصقيعة

---

Post: #67 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-30-2014, 09:22 PM Parent: #45 تُحفة البادية يا الحيرتي ريف وبنادِر جلَّت قُدرة الســواكِ نِعم القــادِر ما بتعرِف كِريم دا جمال طبيعي ونادِر لُطفك يا كريم ود شيقوق كِتِل في ام بادِر

---

Post: #68 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبد المنعم سيد احمد Date: 08-31-2014, 01:56 AM Parent: #67

---

Post: #69 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 08-31-2014, 05:55 AM Parent: #68 Quote: تُحفة البادية يا الحيرتي ريف وبنادِر جلَّت قُدرة الســواكِ نِعم القــادِر ما بتعرِف كِريم دا جمال طبيعي ونادِر لُطفك يا كريم ود شيقوق كِتِل في ام بادِر تحيَّات نواضر ودالمكي وودشيقوق ولكل من "سايل" العيطبول البهنانة....! الدَّعجة العيونها ملاقي.....! أظنها ماسكة دوداب الورود ، وبتنوني في خلاها.... ل مولاها... شوفها زاردة "السِّدرانة" دي كيف....! والسِّدرانة يا رعاكم الله، هذا الزَّي الذي تلبسه، وتحديدا ما علي صدرها ، هذه الملفحة نسميها "السِّدرانة" وكأني بها تُنيخُ، اشبطا من النجائب، وتضع علي سنامه الكور، وتُشبل فوق قربوصه القرب والسُّقا،وتمتطي صهوته، نحو خور الوكيل، ذلكم الوادي الذي خلده سيدي الشيخ الناصر بن قريب الله الطيبي،والكاهلية الشهيرة ، ونهدها الذي كحُقّ العاج ، والذي يُضاهي موج الوادي حين يداعب كليهما الرياح.... وفتاة لقيتها ثَمَّ تجني ثمر السنط في إنفراد الغزال تمنحُ الغصن اسفل قدميها ويداها في صدر آخر عالِ فيظل النّهدان في خفقان الموج والكشح مفرطٌ في الهزال ولمثلها شدا العبيد ودالطيب بناتَن ديمة لي توب المحامِد زاردة دوداب وِردَهِن دي سادرة هاديك وارْدة دي ملكن هواي صيد الرَّوينة الشاردة نفَلْ البادية قول نفْسَن وهيطة وباردة وعندما أنظر إلي سمحة المحيا حسناء بت عمسيب ، وأديمها الذي يُحاكي رمال الصحاري ، كأني بكاعبة أُخري، لحقت بفتاة الجنرال ودالمكي في الطريق، ومع خضرة التلال وتغريد الطيور ، صاحت إحداهنَّ مُنشدة ومن غنا الجراري: يا قلبي اللِّنهَرَد وكيف فشفاش المرض أبوجبَّة كاك كان ورد مابقضالكُن غرض فتجاريها صاحبتها يا ودعِي الكشكشتو والهدَّاي عطشتو الصيد بايت فتشتو ونضرك مادقشتو ولمثل هاتين الفتاتين قال أبوالبرعي هِنّا إتنين عنانيف شرْق نواوير عاطفة لا ضاقَن سموم لاحرق إدين مهدولة لا بتحمِل غَزِلْ لا طَرق وشَعَر من لونو دهرابَن بفجُّو البرق صباحكم زين

---

Post: #70 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 08-31-2014, 06:31 AM Parent: #69 . .لله درك ود المفدم ما جاء ذكر البادية إلا وكنت مجنونها ! وما أُفرِدت لها مساحة إلا اتحكرت فيها فأنت عاشقها ! وما جاء ذِكرُ حِسانها إلا ونزلت دساتيرك .. لا بل شوطنت عديل كِده والله بي حنين إليك أخي العبيد نجمة الهجعه الباتت رفيقتي وزادي أنا ليلي انقسم وشلع برِق عبادي مهرِك ألْبِـلاً بالميــه ما فرّادي يا ود المقدم الصــادني ما بمرادي كل المحبة

---

Post: #71 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-31-2014, 06:31 AM Parent: #69 Quote: وفتاة لقيتها ثَمَّ تجني ثمر السنط في إنفراد الغزال تمنحُ الغصن اسفل قدميها ويداها في صدر آخر عالِ فيظل النّهدان في خفقان الموج والكشح مفرطٌ في الهزال شكرا - يا العبيد - وانت ترسم هنا لوحة مستمدة من الخيال الرومانسي في عوالم الواقعية السحرية Quote: ولمثلها شدا العبيد ودالطيب بناتَن ديمة لي توب المحامِد زاردة دوداب وِردَهِن دي سادرة هاديك وارْدة دي ملكن هواي صيد الرَّوينة الشاردة نفَلْ البادية قول نفْسَن وهيطة وباردة الله الله من دوداب وردهن دي سادرة وهاديك واردة Quote: نواوير عاطفة لا ضاقَن سموم لاحرق إدين مهدولة لا بتحمِل غَزِلْ لا طَرق وشَعَر من لونو دهرابَن بفجُّو البرق والله دا طراني قوقاي جمعة ود الكباشي لما قال : مرقت مِنَّهِن راخيا القدم في فتور وبِتْوازن رزيز الهزَّة والحنجور الدّيس جرَّ فوق حِجْلَن رطَنْ معصور وشُبَّال ام سماح حرَْمان علي البزُّور تِتمايح فِريع بانة وحرير مجرور وتتفدَّع تقول دابي وصديرها نفور

---

Post: #72 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-31-2014, 06:44 AM Parent: #71 اها يا جنابو ود المكي اسمع تغريدة اخيك العبيد ود الطيب هنا : فاصوات حلقوم وحناجر الزيقاني وتنيده نادي تعتبر من الشجن الدفين فلذا نجد ايقاع ضربات ايديهم وارجلهم تعزفان علي اوتار قلوب الحسان بعذوبتها وحمحمتها التي تشبه هديل الحمام فتأتي الجميلات مسرعات ويتمايسن كما الخيزران ويدخلن حلبة الرقص بعد ان يرخين اقدامهنّ في فتور ويشرئبن باعناقهن فتنقصم وتنفدغ ظهورهنّ وتنفدع خصورهنّ التي تصبح كحجاب المتصوفة الذي يجيد صنعه اهلنا الفلاتة أو كما يصقهن طقاق توية:- رقيص الزول ابو ريشيمات خبيب شناق زماناً فات وضمير الزول ابو ريشيمات حجاب فلاتة ابو طيَّات عِيون الزول ابو ريشيمات قلوتَاً في الحجر واقعات وسنون الزول ابو ريشيمات بيض القوقا في فريعات وايدين الزول ابو ريشيمات سيطان بي النايلو مجدولات ومصابع الزول ابو ريشيمات ظروف التلفض الطلقات الاحمر دا يا العبيد تعديل منى انا ساي

---

Post: #73 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 08-31-2014, 09:13 AM Parent: #72 Quote: والله بي حنين إليك أخي العبيد نجمة الهجعه الباتت رفيقتي وزادي أنا ليلي انقسم وشلع برِق عبادي مهرِك ألْبِـلاً بالميــه ما فرّادي يا ود المقدم الصــادني ما بمرادي والقلوب شواهد يا الحبيب نجيمة الهجعة واللَّود البنقرو الشَّادي ودعاشن رسلو البرق الدَّفر من غادي خلاَّ منامي غارز وفوق عيوني سُهادي ورحل يا المكي قلبي مع هوادج البادي معزتي

---

Post: #74 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 08-31-2014, 09:23 AM Parent: #73 هذه الفتاة أمرها عجب..........! أخي الطيب تصويبك صحيحا مائة المائة وهي كذلك بارك الله فيك أهديكم هذا الحوار الشفيف الذي دار بين الشاعر وبعيره في شكل مجادعة دوبيت وكل من أجل هذه العيطبول ..........! بوادي الكبابيش ..البَدَوِيُّ والبعيرُ والعيطبول البهنانة عبيد الطيب "ودالمقدم" اللَّيل كُلُّو نومى خَزازْ فاقد العينو ساعة و فصْ خلقتو قَزَازْ ؤكت يفكر عَلَىْ نوم قرنها النزَّازْ بتطلق فيَّا كِبْرِيتى و صفيحتين جازْ بربِّك هل ضممتُ إليك ليلي قًبيل الصَّبحِ أوقبلتَ فاها وهل رفَّت عليكَ قرون ليلي رفيف الأقحوانة في نداها شبيهة اللَّدغَسْ الما اتْمَرَّنْ ام جِلدن بشبه القاش البِقدُّوه سَورَّنْ عنَّافِيَّة اب روف الوَرَقْها مقرَّنْ خلَّت قلبى فييِ رادى و كِلابْ ؤ طورَّنْ الشاعر ،الراحل إبراهيم صالح العوني الكبَّاشي "توية" ، كان شاعرا صاحب طُرفة وحاضر البديهة،ولكنه يكون شقيَّا ،عندما يشدو ب"توية" ، ومع أنَّه إشتهر بفن "توية"،حتيَّ صارت كنيته إبراهيم "توية"، لكنه إيضا، كان شاعر دوبيت ،وعندما أناخ بعيره "الفرُّوج" ، وأراد ان يترك مطايا "الشَّيوم" ، لم يتقبَّل الأمر بعيره "الفرَّوج" ، حيث دار بينه وبين بعيره، هذا الحوار الشِّعري. الشاعر يُفلي عُرف بعيره، وذروة سنامه، ثم يخبره، بأنه لم يمتطيه منذ فصل الدَّرت، حيث يدَّخره لوقت "الشَّيوم" ،لأنه عندما يمتطيه، ويتجه صوب فرقان اللائي يفرشن "الهِدب"، ، ويترقبن قدومه، يصبح رسنه كطارة السيَّارة وأرجله كعجلاتها عذرا البورد أحيانا لا يقبل الكتابة كاملة لذا سون ننزلها تباعا

---

Post: #75 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 08-31-2014, 09:33 AM Parent: #74 الأخوة الكرام البورد أصبح سيئا جدا لذا سأحاول تكملت الحوار بوسيلة أخري لذا نرجو المعذرة

---

Post: #76 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 08-31-2014, 10:01 AM Parent: #75

---

Post: #77 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 08-31-2014, 10:13 AM Parent: #76 يقول مظعن السراجابي الكباشي: أبو رقَبَة العمل هِدَبو ورقادو مطارِح نازل كركـَر اللَّيد الدِّروبها مَقَارِح رَقيت يا شرقى راريتْلُو وقِمـِح لا البارح خازين النّجوس... عرفوكا بيهن سارح لكن الفرُّوج يخاطب صاحبه قائلا: ما تريده سوف أفعله ، لكنني ألومك يا صاحبي ، لأنك تركت الخرعبة العيطبول البهنانة، والتي تشبه الغزال "الدَّيفة"، ثم أخبرني ماذا فعلت لتهجرها؟ لأني أعرفك جيدا! الفي نيتك إت سوِّيها حَدْ ما تْشوف مَرَة بَسْ نِيتَكْ تِلا;قِيها الدّيفِي النّقَّتْ :النَّوَّاشِي جّكْ بارِيهَا كدي وريِّنا نَعْرِف ذنْبَها وخلِّيها ¤¤¤¤¤ وكأني بالراحل "توية" باسما ، وهويغمز بطرف جفنه، ويذكَّر الفروج ، بأيَّامٍ خلت، و"مساسقة" الفروج، مابين وادي "مرمار"، ومدامر أضاة "القاشطة" فروج النِّعام وكَتْ تِدُور تَهْدِيهو بعاند بي الرَّسَن البدورو هُو بِسَوِّيو الدِّيف النقَّا والنَّوَّاشِي جك باريهو أخدنا ثمارو عُقبان إن مِزِيتَكْ فيهو لكن الفرَّوج يرزم ويُكْثر من الحنين، ويذكِّر صاحبه بآهاته ، التي كثيرا ما يأِنُّ بها في الهذيع الأخير من اللَّيل، حتي صار قلبه منها، كنجم الثُّريَّا ،من كثرة الثقوب، ويخبره بخدِّها الصحراوي، وعلامة وشم "درب الطير" علي كوادمها ، مصتصحبا صوت صاحب الحنجرة العجيبة ، أبوداؤود ..... "ودرب الطير سمح في سكينة "ويستشهد بقول الشاعر القديم: "نقَّل فؤادك حيث شأت من الهوي وما الحبُّ إلاَّ للحبيب الأوَّلِ" بي طول السنين عُقْبَانِي ريْدْنَا أجَّدَّدْ القلب ضَلَّ كيف نجم التِّريَّا مَقَدَّدْ ود ام سادِغ المِنْ الكِ لا ;ب بِتْمدَّدْ فيهو رِشُوم دِروب الطير و تاني مَخَدَّدْ وهنا نجد الشاعر، يرجع للوقار، ويقول لبعيره بإعجاب، يا "المسنوح" ..! :إنَّ أكثر الناس اصبحوا يعرفون، لذا أخاف أن هؤلاء البدو ، وهم أهل قيافة، أن يقصُّوا أثرك، حتي يصلوا لفرقاننا، ولا تنسي أن زوجها إذا رأنا ، سوف يستعمل السّلاح النَّاري نَانْ آ المسنوح النَّاس بِقَت عَلْماني و دربك داكو قَصّوا جابُوا للبيت تاني بت ام سادغ الفوق الكِريب عَجْزانِي جوزها ان شافنا يا موت يا ضَرِب جُبخاني ولكن "الفرُّوج" يخبر صاحبه ، أن الخوف يكشف المستور، وحتما سوف يلقي العبد ماقسم له،ومن عاش في الدنيا، يوما سيشرب العذب، ويوما، يشرب الحنظل، ولكننا يا صاحبي لم نسمع، من ضامرة الحشا، لفظا نابيا....! الخوف بفك الجبارة والعَب ْقِسمتو واص لاه و الحي كلُّو بلقي المُر و بشرب ماه هواب أم مزاريق الرَّقيق متناه قولت ما تجي من خشمو ما سمعناه ولكن الشَّاعر ، يتوجس خيفة، ويقول لبعيره: أخاف ان ينحروك، لذا بالرغم من جمال هذه الفتاة،فدعنا نترك "شيوم" فرقانها... الفروج إت عوير الناس ديل بضربوني و إت بضبحوكا عديل الزول العالي صدرو و فوقو شبه الرَّيل ريدا في قبيلتو خلو زاتو يطير ولكن الفروج، يذكَّر صاحبه ، بأنه يساسق علي فرقانها ، سبع سنوات، حتي شاب عُرف سنامي من طاف السَّرج، لذا سوف لا نتركها حتي يؤتي ب"سليبنا" غنيمة... سبعة سنين اني سقديب وكرب الغردة و الطاف فيا عامل شيب هوابة السَّقدي الهباب مو لتيب ما منخليها عيل يرقد هِدمنا سليب وهنا يبتسم الشاعر، حيث يقول لبعيره: أظنَّك أنت وصاحبة "الرِّشوم"، سوف تدخلوني في الغريق،وترموني في المحِن، لذا من الأفضل، ان نودعها الوداع الأخير الفروج مع ام رشَّام ترا بترموني في مِحَنن كُبار لُزَّام ديفة الجك لي النَّواشي من قِدَّام ما تخلينا ندِّيها الوداع و س لام وهنا يعاند الفروج صاحبه، ويقول له: ماذنبها حتي نتركها، ويستدرجه بمكرٍ، عندما يذكره بأن بيتها مازال، ممدودة طنائبه، وإن البيوت الممدودة طنائبها ، إذا خلت من رعابيب صاحب بادية السماوة ،مع مطايبة النفوس، فسوف تكون كفجٍ عند خط الأفقِ،ثم يقول الفروج لصاحبه ،: إذا رأيته قد تظنَّه بيت شيخٍ، ما سوَّت ذنب البيت مكجَّر و ضالِم و شوفتك ليه يا بيت شيخ و يا بيت عالم هواب ام مزاريق الهباب مو قارم ما منخليه نِمِدْ طيبين و الجلد سالم وهنا يتَّهم الشاعر بعيره، بأن علوق الذُّرة، ملأك شحما، حتي صرت تستنط للأصوات البعيدة، فدعك من مبرومة الحشا، ودعنا نبحث عن أُخري....! اكل الفيتريت لي عروتك ربَّاها قعدت تتسنط الحركة البعيد تعناها هوابة ام مزاريق الرقيق متناها ما تخلينا يا الفروج نشوف غيراها وعندما صرَّح الشاعر لبعيره، بأنَّه ترك تلك الفتاة، وطلب من بعيره ان يبحثا عن أُخري ، أنظروا ماذا قال الفروج : عاد حاول ليك طريقي و سو ليكا حمار اني and#65275; بسرح في فand#65276; وand#65275; بلم في جمال والله العظيم ما توقف ليا صغار! أجي في فريقهن كان يضبحوني نهار كأنّه يستشهد بقول المنخَّل اليشكري: "أحبّها وتُحبني وتحبُّ ناقتها بعيري" حتي ان الفرُّوج قال لصاحبه :إن تركتها فسوف لا تمتطي ظهري مُطلقا ... و أبحث لك عن حمار....! بل ذهب أبعد من ذلك وقال لصاحبه: إن لم تجعل لي صغارا وأطفالا ليراقبوني، سوف أذهب لبيتها نهارا " والله العظيم ما توقف ليا صغار أجي في فريقهن كان يضبحوني نهار" لكن صاحبه أخبره، بأنًَّه سوف يقصُّ أثره، فإذا نحروك أولم يفعلوا سوف أجدك...! لكن مادام هذا الفراق، سوف يذهب بروحك، وانت عزيز ، فدعنا نذهب لفرقانها، والحُبُّ يركب العواتي: وكذاك الحُبّ ما أشجعه يركب الهولَ ويعصي من وَزَع بقُص دَرْبك و بجي بي قفاكا و كان ميِّت ببينك و كان نصيح بلقاكا وكت شيتنْ بروِّح عمرك علي بتهاكا نرجع دارها عيل تتلزم الجاياكا وكأنِّي بالفروج ، يرزم ويدور حول مربطه ، وهو يردِّد اني الجاياني ليها لزوم و الفرقة البعيد بدناها من ما اقوم الزول العالي صدرو و قطعولو رشوم من تاand#65275;ه سهران لي الصباح ما بنوم وبعد سماع هذه المربوعة، طرب صاحبه طربا شديدا ، وأخبر بعيره ، بموافقته علي الذهاب لفرقانها ، وأصبح يردِّ مع صاحب التّوبادِ: تعلَّقْتُ ليلي وهي ذات تمائمٍ ولم يبد للأتراب من ثديها لحمُ صغيرين نرعي البهم ياليت أننا إلي اليومِ لم نكبر ولم تكبر البهمُ ثم قال مخاطبا بعيره ،وهو يزيل من عُرف سنامه، ماعلق ،من أوراقِ نفلٍ وخزامي وصيليان: فروج النعام اللّي البِكار كرَّاف السويتها اني وايَّاك ما في خِ لا ;ف هواب ام مزاريق الشَّرف لي قناف نرجع دارها يا سلق السموع اللّ لا ف "كرَّاف أي يستنشق رائحة عبس الإبل ، وأم مزاريق هي الغزال، والشرف لي قناف اي طلع العُلو، والسلق نوع من الضباع ،وقيل هو قائد الذئاب ودليلها وهنا فرح "الفرُّوج"، وشكر صاحبه ، علي رضاءه، وأخبره بأنه، سوف يسرح لوحده، وفي الرّواح سوف يرجع للبيت هني مشكور عليَّ رضيت بسرح في الفلاة وبصُد لي البيت الزول الفاطرو براقن بجيب ساهيت ك لامك لي القبيل اني منو ما انسريت وهنا نجد الشاعر ، يخبر بعيره ، بأنه سوف يُسرجه ، ويمتطي ذروة سنامه، ويتجه صوب المحبوبة ، ذات القرون المعبقة بالروائح، ولكي يحثَّه للإسراع في الخبب، يُخبره بأن بينه وبين فرقانها، تلال وعلو ووعرٌ.... فيكا لفحت كور ملسة و كربت حِزامَكْ أركز قوِّي يا الدَّفَق الحَروتْ جّمَّامَكْ الجاهْل البِرُشُّو قُرونُو كان في اقسامَكْ بينك و بينو سامين و القِناف قِدَّامك الدَّفق الحروت جمَّامك ،اي سالت دوماته، والجاهل يقصد به الكواعب من النساء، والقرون هي الشعر، وهي مفردة فصحي، و"برشو قرونو " يقابلها قول صاحب العينية ، سويد بن عامر : وقروناً سابقا أطرافها علّلتها ريح مسكٍ ذي فنع والسام والقناف ،هي الأماكن العالية التي تلوح بعيدا عند خط الأفق

---

Post: #78 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 08-31-2014, 10:36 AM Parent: #75 . .اللَّيل كُلُّو نومى خَزازْ فاقد العينو ساعة و فصْ خلقتو قَزَازْ ؤكت يفكر عَلَىْ نوم قرنها النزَّازْ بتطلق فيَّا كِبْرِيتى و صفيحتين جازْ وحتى يرضى علينا كي بورد ود المقدم ليواصل هذا السرد الماتع يبقى حالنا حال هذا الذي لا يزور النوم جفنيه إلا هنيهة ( نومي خزاز )، وما أظنه إلا رأى بنيتنا موضوع البوست حين قال (فص خِلِقتو قزاز ) وعندما يتذكر مسيرتها المنسدله المضمخة بالطيوب والعطور ، والتي تقطر من فرط ارتوائها بالطيوب والكركار ، عندما يجول ذالك بخاطره تنطلق فيه (ناريه ) حمى سهراجة من ذلك النوع الذي يسكن العظام ، وتتمنع حرارتها على الإنخفاض ، فكأنما صُبَّت عليه صفيحتين من الكيروسين وأدوها كبريت..., وكأني به من خلال هذيانه يقول : طِريت الزول اللذيذ نضمو وحالي قصيدو طِريت الضـامِر اب ديسـاً بِكَتِّف سـيدو وكِت ليلي انقَسَم والسهراجه حَمَّت ريدو مكتـولاً جفـل مجنـون وكاسِـر قيـدو

---

Post: #79 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-31-2014, 10:51 AM Parent: #78 Quote: فيكا لفحت كور ملسة و كربت حِزامَكْ أركز قوِّي يا الدَّفَق الحَروتْ جّمَّامَكْ الجاهْل البِرُشُّو قُرونُو كان في اقسامَكْ بينك و بينو سامين و القِناف قِدَّامك هيييييييييييييييييييع نضمي يخليك تتجغم العنكوليب بلا حساب

---

Post: #80 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: مني عمسيب Date: 08-31-2014, 11:04 AM Parent: #78 صباحكم خير عليكم .. يا وشوش الخير .. ود شيقوق .. Quote: عاد وقت جابت ليها نميم صلحي القعدة عشان تسمعي الكلام الفيك بت عمسيب في نص البنات حاشاها مي مهبولة سمحة خصالا مي قوالة طاعم قولة الديفة الرزينة الفي القعاد معدولة ست كل الحريم طيبة وعتيقة اصولة تسلـم يا رزين هيبــة وكمــان حنيـة والقول الصريح الرافقو حسـن النيـة نفسي اقول كتيـر واديك فـوق المـئـة خاشية من الدواس وادفع كمان الديـة بت عمسيب .

---

Post: #81 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-31-2014, 11:43 AM Parent: #80 بت عمسيب الفي الرقه والزوق كملت تأهيله الخلاني من دون الحسان ساعيله ملكت قلبي بدري ووثقت توكيله عييييييييييييك اكان سمعت ام عبد الله الكلام دا بتلحقنا الاتنين امات طه

---

Post: #82 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: Abdlaziz Eisa Date: 08-31-2014, 11:54 AM Parent: #81 Quote: فوووووق للمزيد من العصر على شيقا .! آيي يا توحي.. يعني هو جالون البنزين بكم ..!!! مني عشرة على عشرة.... مودتي

---

Post: #83 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: Abdlaziz Eisa Date: 08-31-2014, 11:58 AM Parent: #82 Quote: أي - يا عزو - اصلي بخيت بس ما تلبهوني يقوم الجمل ينكّس يشتت العن###### في الصقيعة هووووي يا شيقا.. مستشار ليه شنة ورنة وكمان لسة بتركب جمال!!!!!! منك للمهدي وخليفته..........

---

Post: #84 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 08-31-2014, 04:18 PM Parent: #83 عزيز Quote: مستشار ليه شنة ورنة وكمان لسة بتركب جمال!!!!!! نحن اصلو عاداتنا من يوم تقرح بلهموك ركوب الجمال وكان غلبك بعدوك وليدا نيي سااااااااى

---

Post: #85 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: Abdlaziz Eisa Date: 09-01-2014, 03:30 AM Parent: #84 Quote: نحن اصلو عاداتنا من يوم تقرح بلهموك ركوب الجمال وكان غلبك بعدوك وليدا نيي سااااااااى عرفنا بيفطموك بلبن الجمل.............. طيب يوم تفرح ده ختان ولا عرس!!!!!!!!!!!!! هسي بعد ده ات يا شيقا بيلزمك جمل ابو سنامين داك..

---

Post: #86 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عمر علي حسن Date: 09-01-2014, 05:20 AM Parent: #85 Quote: يا قلبي اللِّنهَرَد وكيف فشفاش المرض أبوجبَّة كاك كان ورد مابقضالكُن غرض فتجاريها صاحبتها يا ودعِي الكشكشتو والهدَّاي عطشتو الصيد بايت فتشتو ونضرك مادقشتو اسمعوا كلكم .. انا ما قدركم خلوني اتوحوح ساي .. اظن التوبه راحت في حق الله .. وبعد قربنا من جنة عدن جرّوها من تحت ايدي ناس ود المقدم وشيقا والجنرال .. عنكوليبه ما ادوني .. ويعلم ربي شواطين الجن قدرنا عليهم .. لكن ديل الثلاته مرقوني بي تحت الصريف ايد ورا وايد قدام .. لاخلو لي قلم لا كيبورد اتنفس به .. الكرساب الما يفضل ليكم نقطة حبر خالكم المفرمل وفاقد بوهيتين ومستني ربه يمرقه من نيران الدنيا بالاول .. عمر علي حسن

---

Post: #87 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-01-2014, 05:29 AM Parent: #85 Quote: [Qهسي بعد ده ات يا شيقا بيلزمك جمل ابو سنامين داك.. أهااا يا أبو عزيزه .... الجمل ابو سناميين دا تلزمو إتنين ( شِبرية ) يعني دبل قبين ! الورانية دي أكيد المزنوح دا بعمل فيها عمله ، ولا بد من تنبيه أم عبدالله للقيام بتفتيش مفاجيء على الشبرية الورانيه .. لاكين الزول دا ما مضمون ، يقوم يعمل بنظرية ( تقولُ وقد مال الغبيطُ بنا معاً ) .. يعني يكون رادِف في الشبرية القِدام !ّ وبياكُل في العنكوليب .

---

Post: #88 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-01-2014, 07:13 AM Parent: #87 نعم سعادتك Quote: تقولُ وقد مال الغبيطُ بنا معاً وقولي للبو عزيزي عقرت بعيري يا عزيزي فانزلِ فقلت لها سيري وأرخي زمامهُ ولا تبعديني من جناك المعلل فمثلك حبلى قد طرقت ومرضع فألهيتها عن ذي تمائم محول اها لقيتني كيف يا سعادتك؟

---

Post: #90 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-01-2014, 07:46 AM Parent: #88 Quote: خلوني اتوحوح ساي .. اظن التوبه راحت في حق الله .. وبعد قربنا من جنة عدن جرّوها من تحت ايدي ناس ود المقدم وشيقا والجنرال .. عنكوليبه ما ادوني .. ههههها اتوحوح ساي طالما طبقت الحاجة ومسكّتها شباك الرسول ياكا المتجغم عنكوليب جنة عدن طااااااب

---

Post: #89 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: Abdlaziz Eisa Date: 09-01-2014, 07:34 AM Parent: #87 Quote: أهااا يا أبو عزيزه .... الجمل ابو سناميين دا تلزمو إتنين ( شِبرية ) يعني دبل قبين ! الورانية دي أكيد المزنوح دا بعمل فيها عمله ، ولا بد من تنبيه أم عبدالله للقيام بتفتيش مفاجيء على الشبرية الورانيه .. لاكين الزول دا ما مضمون ، يقوم يعمل بنظرية ( تقولُ وقد مال الغبيطُ بنا معاً ) .. يعني يكون رادِف في الشبرية القِدام !ّ وبياكُل في العنكوليب . الاخ العزيز محمد فضل الله المكي سلام المسنوح اعتبر طلبي مزعج بالنسبة له وقال بيكفيه قعود.. الحمدلله جات منك انت ياخوي وخليه في شبرية وحيدة.. لا وراء ولا قدام.. وكدا أكون قد نلت براءة من غضب أم عبدالله مودتي

---

Post: #91 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-01-2014, 07:49 AM Parent: #89 Quote: وكدا أكون قد نلت براءة من غضب أم عبدالله وكان كمان ام عبد الله سمعت كلامك دا ياها الجايبا ليك تبروقة ملفوف جدييييييييييدة للصلاة - باقي انت صلاي بالحيل

---

Post: #92 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-01-2014, 09:24 AM Parent: #91 Quote: [Qخلوني اتوحوح ساي .. اظن التوبه راحت في حق الله .. وبعد قربنا من جنة عدن جرّوها من تحت ايدي ناس ود المقدم وشيقا والجنرال .. عنكوليبه ما ادوني .. مرحب مرحب سعادتو عمر والله ود اختك مافيهو فايده .. ياكل في العنكوليب وخالو في جنبو؟ أمانه مااااااا اتلوم ! الفاروق سلام هاك مني ليك تحيَّه حباب ود الكِرام قَدَحُم صباح وعشيه يا عمر الأصم بديكَ صافي النيَّه ود شيقوق قِبِض ودّوهُ للظبطيَّه أها .. عليك الله كان تتوسط ليه تفِكو .. مشى ام بادِر يشاغل هناك وبِقت فوقو .

---

Post: #93 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-01-2014, 09:48 AM Parent: #92 Quote: والله ود اختك مافيهو فايده .. ياكل في العنكوليب وخالو في جنبو؟ أمانه مااااااا اتلوم ! الفاروق سلام هاك مني ليك تحيَّه حباب ود الكِرام قَدَحُم صباح وعشيه يا عمر الأصم بديكَ صافي النيَّه ود شيقوق قِبِض ودّوهُ للظبطيَّه الموت ما شمت غاية البخود والببروا والحد والحزن ما جابو خال من قبرو الخال في الشدايد أولي يلزم صبروا يترجي الكريم مولاه كسرو يجبروا

---

Post: #94 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 09-01-2014, 11:53 AM Parent: #93 Quote: خلوني اتوحوح ساي .. اظن التوبه راحت في حق الله .. وبعد قربنا من جنة عدن جرّوها من تحت ايدي ناس ود المقدم وشيقا والجنرال .. عنكوليبه ما ادوني..... سماحة خالنا اللواء سلاااام ومعزة صادقة الدرفونة دي الجابها الجنرال ... ماعندها عنكوليب بس......كمان عندها عكودة المها والجآذر..! قدمها حمامي مو الدُّرشابي وإيدينها مخسلة وألْيَن من العكداوي ريقها عكودة الكاكليتها فيها بحاوي ونفس الصَّب عِشي واصبح دعاشو مناوِي Quote: ويعلم ربي شواطين الجن قدرنا عليهم .. لكن ديل الثلاته مرقوني بي تحت الصريف ايد ورا وايد قدام .. لاخلو لي قلم لا كيبورد اتنفس به وقديما قال كباشي قديم إن جنّيت فقرة الخلوة ما بداووني وإن غنيت فقرة الخلوة ما بغانوني إن دايرنِّي ابلغ الصحَّة وتعرفوني حتَّة قليلة من ريق البريدها أدوني Quote: الكرساب الما يفضل ليكم نقطة حبر خالكم المفرمل وفاقد بوهيتين ومستني ربه يمرقه من نيران الدنيا بالاول... خالنا سماحة اللواء لانزكيه علي الله ولكننا نسحبه وهيطٌ وفوقو النور مجرور يُبهر اصحاب مجلسه بنور المحبة والمعرفة بل تدثر وإكتسي من السماحة جلبابا ومن الدِّربة والتجارب ملفحة وشال، لذا القشور والبُهيات شُلَّ سوقها بحوشه الوهيط واصابها الكساد ، لأن رأس ماله عند ربه القناعة واليقين، محبتي

---

Post: #95 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-01-2014, 02:36 PM Parent: #94 سلام سيد الديوان وحباب ضيوفو ويا ود المقدم وشيقوق المرابيع التحت ديل من بوست سابق، علا لقتن ظابطاط زبط في الخيط العجيب ده حاكم إنو الشافعة مو شافعة نصاح، البشع من وجيها مو سماحة (وعاء الطين الحاويها) دي بشع منها شيئ ما بتمسك باليد ولا بالقاموس .... السترة بس آ رجال السترة بس كَــشّمَنّ وفَــــــاطِّرِنْ شَـــلَعّ البَرِّقْ هـــرّاجْ بالـــوِيِّحْ والـــوَنِيّنْ كَبْدِّي الـمَفَــــصْدّ وَاجّْ قِصِّيبْةِ الـجَـنْكّـبُو وشِّـــربَ التّقَانِّتْ وهَاجّْ مِنُوسّـربِي الـمَبْنّتْ التِحّتَّ الـمَقّــــلمْ مَـاجّْ مــــــن بينهن تويمتي العـــــالية فــرع البانة إن عاينّ تصيدك من الـمقل جبخــــانة دي البسامها فـرطق قلبي بي كــــم دانة ؤحـــاليّ كلامـها زيّ ريقَّ البِســــوُيّ النَانّة تَلّــــــتْ مِـعْـصّمَــــا وبُوبّحْ ورِيّدَا النّــادِّي والــدِيسّ الـمخَمّر ينّدَه للفَراشْـــة وِيَنادِّي تَمشِّي القِيّدْ حَرّنْ مِتّلَ القَيّدَا الحَدّادِّي يا (شيقوق) أخُويّ زِحّ مـن كَهَارِبّا غَــــــادّي Post: #96 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عمر علي حسن Date: 09-01-2014, 03:33 PM Parent: #94 ولاد العز .. ود المكي وودشيقوق وود المقدم عارفكم ايدكم طايله .. الزول كان جبدتوه الا يحله حلال بله وانا ربي عالم كان فكيت الكتاب والسبحه الا تجيبوني من درب المكحله سمحه في الايدين كلابيش وفي الكرعين جنازير وفوق راسي سوط الشيخ بينتح نتحه ياولاد الكرام المتلي ما بجروه جر المتلي كان دودرته بي فد بيت شعر تلقاه لهلب كله والقيد انكسر تلقاه فارس . تلقاه بس اسدا نتر كان تبّ قوّم في المحله علاله لي رب السما وهز السحاب نزل مطر ياولاد الحلال مالكم قصدتوا وداري بي درفونه لي مجري العروق بتباري تقود الزول ق و اد ه وهو الجهول ماداري الشافها ضاع نص عمره والماشافها ضاع طوالي وشيقوق ماهو عارف بي وراه سواري وام عبدالله بالماسوره الا تجيبه يرمح جاري عمر علي حسن Post: #97 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: مني عمسيب Date: 09-01-2014, 03:44 PM Parent: #96 حباب الكلس \ راشد .. Quote: كَــشّمَنّ وفَــــــاطِّرِنْ شَـــلَعّ البَرِّقْ هـــرّاجْ بالـــوِيِّحْ والـــوَنِيّنْ كَبْدِّي الـمَفَــــصْدّ وَاجّْ قِصِّيبْةِ الـجَـنْكّـبُو وشِّـــربَ التّقَانِّتْ وهَاجّْ مِنُوسّـربِي الـمَبْنّتْ التِحّتَّ الـمَقّــــلمْ مَـاجّْ مــــــن بينهن تويمتي العـــــالية فــرع البانة إن عاينّ تصيدك من الـمقل جبخــــانة دي البسامها فـرطق قلبي بي كــــم دانة ؤحـــاليّ كلامـها زيّ ريقَّ البِســــوُيّ النَانّة تَلّــــــتْ مِـعْـصّمَــــا وبُوبّحْ ورِيّدَا النّــادِّي والــدِيسّ الـمخَمّر ينّدَه للفَراشْـــة وِيَنادِّي تَمشِّي القِيّدْ حَرّنْ مِتّلَ القَيّدَا الحَدّادِّي يا (شيقوق) أخُويّ زِحّ مـن كَهَارِبّا غَــــــادّي راشد يا زول يا رائع .. لو سمحت طالبة منك طلب من غير اوامر ولو موافق . اكتب بـ خط صغير عشان نستمتع اكتر بروائعك البتشبهك هههههه . ومعذرة . وتسلم . Post: #98 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الفاتح ميرغني Date: 09-01-2014, 03:44 PM Parent: #96 Quote: قال لازْمَ الحـدود لا آهَـه لا تنهيده إلا السرقه بي طرف العيون هو بريده لالالا.. هنا السرقة أو النظرة بتصبح حدية عديل كده، على الأقل في نظر ام عبدالله. بالمناسبة يا شيقا أعمل حسابك من عبدالعزيز سنغافورة وود البوش. الناس ديل عاوزين يلحقوك غنم زهرة! محبتي Post: #99 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-01-2014, 04:15 PM Parent: #98 حباب بت عمسيب حبابا شن قدرني ما أجيب طلبك؟ كنداكة وشاعرة؟ طلباتك أوامر يا ست البنات ومنو وجاي بالخط البوافقكم. والسبب طنقعة مني سااااااي وعدم عرفة بي جخانين الدهية المسكونة دي ... سعيد باللمة الباذخة في حوش جنابو ده، وكلما اللّيد تنطلق ... بندي النقارة عصا ... والحلة عيطة. أقعدو عافي Post: #100 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: مني عمسيب Date: 09-01-2014, 04:31 PM Parent: #98 سماحة العشرة والنضـمي البلا تكليـف مــع الناس العزاز اللـرويحتي حليــف عاشقيين الجمال من غير كذب او زيف ود البوش شرد يا ربي عامل كيييــف ؟ بت عمسيب .. Post: #101 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: مني عمسيب Date: 09-01-2014, 04:52 PM Parent: #100 حباب الكلس \ الرشيد .. Quote: شن قدرني ما أجيب طلبك؟ ودي المحرية فيك فارسآ بتملئ العيــن مطواع الآدب ....حشاااااك قولآ شيــن الجـــايبني ليـــك قـــولك دوامــــآ زيــن وطاعتك لي ات في عنقي اصبح ديــن . بت عمسيب . Post: #102 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-01-2014, 05:09 PM Parent: #101 يا بت الكــــرام أم كلمــــــةً دغرية يمين السمتة هيلتك وعزوتك محرية أبواتنا القبيل ختولنا شـــــيمة أبية نرايم الناس محبة لا جبري لا زندية Post: #103 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-01-2014, 05:54 PM Parent: #102 شيخ راشد مــــــن بينهن تويمتي العـــــالية فــرع البانة إن عاينّ تصيدك من الـمقل جبخــــانة دي البسامها فـرطق قلبي بي كــــم دانة ؤحـــاليّ كلامـها زيّ ريقَّ البِســــوُيّ النَانّة Quote: كَــشّمَنّ وفَــــــاطِّرِنْ شَـــلَعّ البَرِّقْ هـــرّاجْ بالـــوِيِّحْ والـــوَنِيّنْ كَبْدِّي الـمَفَــــصْدّ وَاجّْ قِصِّيبْةِ الـجَـنْكّـبُو وشِّـــربَ التّقَانِّتْ وهَاجّْ مِنُوسّـربِي الـمَبْنّتْ التِحّتَّ الـمَقّــــلمْ مَـاجّْ والله دا راشد اخوي باااااااااااااااااااااااااااالغ بالله تصور عمق خيال العربي دا - قصيبة الجنكبو ( السكبوهو يعني لكن خلوا القعرية غازة في تربتها فاقدة ليها رشيشة بموية عشان تتجنن وتفتق تاني ) هههههههههههههههههههههههههههههههها شنو يا راشد المنوسر بي زولك دا ؟ على الطلاق اكان بكري ناقش كلامو دا كان قبيل كشح البوست في الخور عليك الله يا راشد امشى القيد حرن كية على المابينا هههههههها قال المبنت تحت المقلم ماج عييييييييييييييييييييييييييييييييييييك Post: #104 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-01-2014, 06:09 PM Parent: #103 Quote: ياولاد الكرام المتلي ما بجروه جر المتلي كان دودرته بي فد بيت شعر تلقاه لهلب كله والقيد انكسر تلقاه فارس . تلقاه بس اسدا نتر كان تبّ قوّم في المحله علاله لي رب السما وهز السحاب نزل مطر هييييييييييييييييييييع خالي انا الزمن دا كلوووووووووو متورت فيك لشنو ما للحارة دي عارفك : ضرغام الرجال الفارس الجحجاح تمساح الدميرة الما بيصده سلاح المال ما بيهمك إن كتر وإن راح *** بطناً جابتك والله ما بتندم ويا أسد الكداد الفي خلاك رزم ويا رعد الخريف الفوق سماك دمدم *** بابك ما انقفل ونارك تجيب اللم وما بتحلف تقول غير استريح حرم *** أبواتك قبيل بيسدوا للعوجات ومطمورتك تكيل للخالة والعمات وفي الجود والكرم إيديك دوام بارزات ويا أب قلباً حديد في الحوبة ما بتنفات *** صدرك للصعاب دايماً بعرف العوم وفي وسط الفريق في الفارغة ما بتحوم لا تتلام ولا بتعرف تجيب اللوم تفخر بيك بنات البادية والخرطوم Post: #105 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-01-2014, 06:13 PM Parent: #104 Quote: بالمناسبة يا شيقا أعمل حسابك من عبدالعزيز سنغافورة وود البوش. الناس ديل عاوزين يلحقوك غنم زهرة! ديل يا العشاء انساهم تاني ما فيهم عمار حررررم اب سنامين ما بقدروا يناطوا ليهو Post: #106 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-01-2014, 06:46 PM Parent: #105 ههههههههه يا الطيب أخوي أنا ما بفسر ... وإتا ما تقصر ..... وقعلك آ ضراع؟ تعرف يا الطيب المرابيع ديل كانن قطع أخدر في بوست العبيد الزمان داك، أتاريني لميتن كلهن في ملف واحد، ويومداك بقلب كان ألقاهن ليك ولقيت موضوع البوست مناسب أدفهن هنا وكان لي بكري داك تلقاهو يتكشم متل نار القصب وعامل فيها رايح من المبنت والتاني الفي علبو لامن يجي طلبو هههههههه يا خي الشعر البوافي عفو الخاطر ده ما بتحركو إلا اللمات والبوش ووجود الناس السمحين الفي البكان دا. أقعدو عافي لامن اللّيد تنطلق والخواجة أبعيون خدر ده يدينا خاطرو. Post: #107 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-01-2014, 07:05 PM Parent: #106 Quote: ويومداك بقلب كان ألقاهن ليك ولقيت موضوع البوست مناسب أدفهن هنا اتجدع ساي زول جايب لينا خبر مافي - حتى كان جاء واحد مسنوح يلشق بهنا ما تخاف اخوك محامي حرم اديهو تفسير من راسي ساااااي اخليهو ليك يصنقع ويدنقر Post: #109 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-01-2014, 07:17 PM Parent: #107 هههههههه عفيت منك الماصع شُكال العردة بس تسويلم نظرية (أصدرني وأورك نفسك وأجنح الباقين؟) لكن باقيلك القطر ده ما فيه مفتشين؟ كان لي ود الحلفاية داك بيقرا سطر ويفط سطر علا ناس سيد الحوش وخالك الجنرال وبت عمسيب ديل بفوتم شي؟ ياخي الهمبريب أماني ما سمح غايتو علا نسويلم مقالة الحكامة (أنا تراترا الجرت بمبرا لا أم تقهرا لا أبو ينهرا) ههههههههه Post: #110 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-01-2014, 07:23 PM Parent: #109 Quote: علا ناس سيد الحوش وخالك الجنرال وبت عمسيب ديل بفوتم شي؟ لا لا يا ود الشيخ ديل ما منهم خوف - قولهم و قولنا محسوب كسر كاجريب في ترس Post: #108 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-01-2014, 07:11 PM Parent: #106 . كشمن فاطِرِن شلع البرِق هَرّاج بالويح والونين كبدي المَفَصَّد واج قِصيبة الجنكبو وشِرب التقانِت وهاج مِنوسِر بي المنبَّت التِحت المقلَّم ماج من بينهِن تِويمتي العاليه فرع البانه إن عايَنْ تصيدك من المُقل جبخانه دي البسّامها فرطق قلبي بي كم دانه وحالي كلامها زي ريق البِسوّي النانه تلَّت مِعصما وبوبح وريدا النادي والديس المخمَّر ينده للفراشه ينادي تمشي القيد حرن مِتْلَ القيَّدا الحدادي يا شيقوق اخوي زِح من كهارِبا غادي لأن كلام ود الشيخ طاعم لا يقاوم ، ولأن الماجده بت عمسيب لا يُرد لها طلب ، فإن أحلى الكلام لا يُمل ، وإن تكرر .. Post: #111 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-01-2014, 07:33 PM Parent: #108 حبابك يا جنابو، حباب ودالمكي في حوشو حرم نكرمك من مراحك ... إت ماك خابر؟ بصد راجع ليكم لا قدام كان بقيتو في مع فارق الزمن... تصدق وتآمن يا دوبو الخواجة قال لي إنكشح وإنقل! بسارق في البوست في (البريكات) الصغنونة صغنونة، حاكم 8 لي 8 علا نباصرا بي ربع ساعة ربع ساعة زي كستليتة الضلع القصار. Post: #112 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-01-2014, 07:38 PM Parent: #108 Quote: . إن عايَنْ تصيدك من المُقل جبخانه دي البسّامها فرطق قلبي بي كم دانه وحالي كلامها زي ريق البِسوّي النانه يا سعادتك الناس ديل احلف عديل كدا أصلا ما براهم قالوا ود االشلهمة شاعر البطاحين جاء زيارة للشيخ الحسن ود طلحة اها قال للشيخ عن اذنك انا ماشي البنية حقت ابونا الشيخ ديك ازور وارجع ليك وقت رجع يا ود المكي قطع قصيدة وجاب في مطلعها كلمة (البرطنوا العبرية) قال الشيخ يا سيدي انت البرطنوا العبرية ديل منو الكلمة دي جاتني في النمة سااااي وما جايب ليها خبر Post: #113 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-01-2014, 07:48 PM Parent: #112 Quote: بسارق في البوست في (البريكات) الصغنونة صغنونة، انت زول البريكات دي كويس نان كان شفت حالي انا في الدوام حرم صفحة المنبر دي عندي شغالة زي البرق اب وسيعة ماكزيمايز مينيمايز النهار كلو دافس ليك الصفحة تحت ولاصق حداها W للتمويه مما الناس تفوت من مكتبي نقرة واحدة و الصفحة تشلع قدامي غايتو بكري شكيتو على الله جننا جن Post: #114 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-01-2014, 11:37 PM Parent: #113 هههههه شكيت عوجك ... فرقتن قدر ده آ بنلقاها ... والخواجة أبعيونن خدر ما بديك فرقة أها ساعتك التفتح ليك صفحتن كتر في الكمبيوتر يوقر فيك بي عيونو المتل بت التبخ التقول ماكل منو نص الألف. Post: #115 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 09-02-2014, 05:21 AM Parent: #114 Quote: كشمن فاطِرِن شلع البرِق هَرّاج بالويح والونين كبدي المَفَصَّد واج قِصيبة الجنكبو وشِرب التقانِت وهاج مِنوسِر بي المنبَّت التِحت المقلَّم ماج كَشَمَن فاطِرِن برق العِشِي الوجَّاج ضمَّر خلقة كيف شوفت المِنِسِّم هاج حِجول الفضّة رطَنَن ؤزرَّدَنُّو العاج ؤطال شوق البريدِهن مانْلِقَالو علاج راشد أخوي سلااااام ومعزة القلوب شواهد أمس بسمع لي في كاسيت ولقيت المربوعة دي يومنا القمنا نحن التسعة جندي معاكي وودقدال خبيرِك بي العدل بــِقــَدَاكي أعـَدْلي مَشيكي داكْ شارع الملوَّح جاكي ؤطال شوقـِك علي القش القبيل في مناكى طوالي أتذكرتك ومربوعتك القديمة العجيبة الفيها "كسَّارة الحدود ماتغفري يا سكلابه" محبتي Post: #116 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 09-02-2014, 06:15 AM Parent: #115 Quote: سماحة العشرة والنضـمي البلا تكليـف مــع الناس العزاز اللـرويحتي حليــف عاشقيين الجمال من غير كذب او زيف ود البوش شرد يا ربي عامل كيييــف ؟ بت عمسيب .. هذه المربوعة ،كالديوان الذي يُضرب أمام خيام البادية، للضيف وعابر السبيل، فالديوان يدل علي الكرم ، والمربوعة دي عنوان للسماحة والتواضع والطيبة وان صاحبها،نافلتو سمحة وقديما قال أستاذنا ودالمر: سماحة الزول عفيف ونضيف يحفظ إيمانو لا بُدَّاني يبقي شريف إنت يا أم فرَّا بريقات البجيب الزِّيف أصلو الرادي مِن تحرق حجارو بقيف معزتي Post: #117 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 09-02-2014, 06:26 AM Parent: #116 Quote: كَــشّمَنّ وفَــــــاطِّرِنْ شَـــلَعّ البَرِّقْ هـــرّاجْ وفي يومٍ شفيف ، يا راشد أخوي رزم قلبنا وحنَّ لصاحبة الفاطر الذي يحاكي نوَّار التَبَر فقلنا: الحماني الهجعة ماغطَّن رموشي المايِقْ فاطْرَن فرُّو كيف برق اُم رويق السَّايِقْ الشِّعر النَّضمتو لقيتو دُون مُو لايِقْ ومَمْحُوق قولي في نََفََل أُم عروض مُو حَايِقْ ************************ *"الفاطر هو الفم فرّ أي البسمة وأم رويق هي السَّارية التي يكون برقها فاجّا لعتمتها وظلامها وهنا تشبيه لبسمتها بلمعان برق السّواري ..... والنَّفل هو سماحة النفس والخلق والخُلق وأُم عروض كناية عن كل فتاة عفيفة وجميلة الخلق والخُلق لذا أجد كل شعري الذي نظمته في مدحك مقصرا ولا يوفي جمالك" مُو حايق" تِقن في مَشيك تِتَاتٍي وحتّي بالك رايِِقْ وفي تِنيَة نَداْيدك مِحتْ تضْحَك فايِقْ غروز قلبك خََلِيْ ريدة وأنين مو ضََايِقْ وقلبي مَعالقو جزّيتها ورسمتو بَنِايِقْ والبنايق علامة حمراء صغيرة في شكل مثلث يخيطها أهل البادية في "الجلابية أو العراقي" معزتي Post: #118 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-02-2014, 06:53 AM Parent: #115 Quote: [Qلالالا.. هنا السرقة أو النظرة بتصبح حدية عديل كده، على الأقل في نظر ام عبدالله. نعم الفاتح ميرغني اخوي إختلاس النظر سرقة ، تستوجب ما ذهبت إليه ، والزول دا قطّاع محافض عديل كِده .. لا أمان له إن أصبح في مواجهة ذلك الصدر المتمرد على ( السِّدرانة ) ، فهو قطعاً ضعيف أمام تلك النعمة النافِرة .. يسهل ضبطه رانياً إلى تلك المهلَكَه التي لا تقاوم ! وإن تمثَّل البراءة بزعمه عدم إطلاق آهة أو تنهيدة مصحوبة بزفرة حرّى تحكي عن احتراق الدواخل التي لا ينطفي لهيبها إلا بالتمعن في ذلك الجمال الرباني، وهنا تستحق المسألة القطع من خلاف لأنها ستدخل في باب التحرش و ......... ياخ كفاه أكاد اسمعه يهذي إذ يقول : الزردت السِّدرانه واتلافت سِهامنا بإيده زادت حراق الروح وفي قلبي شعلل ريده فارق عيني المنام ما السمحه مُهره عنيده وجفلت على الفريق صياد وناشِد صيده Post: #119 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-02-2014, 07:34 AM Parent: #118 Quote: [Q. كشمن فاطِرِن شلع البرِق هَرّاج بالويح والونين كبدي المَفَصَّد واج قِصيبة الجنكبو وشِرب التقانِت وهاج مِنوسِر بي المنبَّت التِحت المقلَّم ماج وكأني يا راشد كنت حاضراً تلك المجاراة الرائعة التي حدثت في بوست ود المقدم .. وقد استعرتُ الشطرة الأخيرة منك فقلت : كَشَمَن فاطِرِن برق العِشا الوجواج هدر رعدو ونزل اب سِحاباً فاج طِريت الطلق في جِسمِنا السهراج مِنوسر بي المنبَّت التِحت المقلم ماج وسلامتكم Post: #120 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-02-2014, 08:48 AM Parent: #119 الجنرال ود المكي صباحك خير العبيد اخوي Quote: وأم رويق ام رويق دي عندنا هي سحابة من قدام رقيقة وماشة افقيا ممتدة في السماء من قدام افقيا من سافل للصعيد ولاكزها ليك برق صغير قبلي من تحت ام رويق دي بعد ما البرق القبلي يزيد لكزو ليها بتتحرك من قدام متلهمة الغرب وبعد شوية تربط في رؤوس الناس تبقى قريبة تشرب منها التاورية اها بتقوم تنقط نقطة نقطة وبعد شوية بتسمع صخب المعزة باع باع كايسة محل الضراء بطرف الحيطان او البرندات الكاشفة وبعد شوية المطرة بتاخد ليها صنة زى صنة الطيارة لما تكمل الرن وي وناوية الاقلاع اها ساعة الصنة دي - الله يحفظكم - بشلع برق حااااااااااااااااار وتعقبه صاقعة التلوي اها بعد الصاقعة اكان بيتك معروش بزنكي بتحس بتنقط كبار كبار وعييييييييك تنبهل فيكم السارية وبعد شوية بتسمع السباليك كررررررررررررر كابة الموية وبعد شوية الزول المايل الما مجيه سقف بيتو فوق يبدأ ينقط فيهو ويسيل مشهاد السباليك من جوة وبعد المطرة خلاص تقيف تسمع عاد اناكعيج مامون حميدة في المطامير غاق غاق وواحدات بخلفن الغاقا كمان و الصوت دا حلاتو في اضنين الرعاة والمزارعين عندهم احلى من سمفونية بتهوفن اخوك شيقا دا كان نجيض بالحيل مجرد ما الواطة تصبح بلبس العراقي والسروال الطويل وبدرع البندقية في كتفو وبتلهم ميع الضهاري لصيد الفكج وام جليلي وبرجع بلقى ليك ناس الحلة كووووولهم في حدبة الجزارة منتظرين شيقا يرجع من الضهاري عشان يوريهم المطرة خفت وين وتقلت وين - الناس العندهم جمال في الحلة بودوها الخراشة او الشقلة في طرف القرية عشان تفك الريق - والجمل الماصع بتلقى دوماتو خارة ودلاعتو انبوبة بس و يرفع في ضنبو وينزلو عشان يرش ال ....... Post: #121 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 09-02-2014, 08:55 AM Parent: #120 [QUOTEام رويق دي عندنا هي سحابة من قدام رقيقة وماشة افقيا ممتدة في السماء من قدام افقيا من سافل للصعيد ولاكزها ليك برق صغير قبلي من تحت ام رويق دي بعد ما البرق القبلي يزيد لكزو ليها بتتحرك من قدام متلهمة الغرب وبعد شوية تربط في رؤوس الناس تبقى قريبة تشرب منها التاورية اها بتقوم تنقط نقطة نقطة وبعد شوية بتسمع صخب المعزة باع باع كايسة محل الضراء بطرف الحيطان او البرندات الكاشفة وبعد شوية المطرة بتاخد ليها صنة زى صنة الطيارة لما تكمل الرن وي وناوية الاقلاع اها ساعة الصنة دي - الله يحفظكم - بشلع برق حااااااااااااااااار وتعقبه صاقعة التلوي اها بعد الصاقعة اكان بيتك معروش بزنكي بتحس بتنقط كبار كبار وعييييييييك تنبهل فيكم السارية وبعد شوية بتسمع السباليك كررررررررررررر كابة الموية وبعد شوية الزول المايل الما مجيه سقف بيتو فوق يبدأ ينقط فيهو ويسيل مشهاد السباليك من جوة وبعد المطرة خلاص تقيف تسمع عاد اناكعيج مامون حميدة في المطامير غاق غاق وواحدات بخلفن الغاقا كمان و الصوت دا حلاتو في اضنين الرعاة والمزارعين عندهم احلى من سمفونية بتهوفن اخوك شيقا دا كان نجيض بالحيل مجرد ما الواطة تصبح بلبس العراقي والسروال الطويل وبدرع البندقية في كتفو وبتلهم ميع الضهاري لصيد الفكج وام جليلي وبرجع بلقى ليك ناس الحلة كووووولهم في حدبة الجزارة منتظرين شيقا يرجع من الضهاري عشان يوريهم المطرة خفت وين وتقلت وين - الناس العندهم جمال في الحلة بودوها الخراشة او الشقلة في طرف القرية عشان تفك الريق - والجمل الماصع بتلقى دوماتو خارة ودلاعتو انبوبة بس و يرفع في ضنبو وينزلو عشان يرش ال .... اي تعليق يُفسد هذا التداعي والصبيب........... يسلم يراعك ويسلم كتفك البشيل الطبيق والرفيق والبندقية ويسلموا عولك الراجنك لي الخبر السمح والله التعديل ولَّع السرَّاجة فينا قلت لي دي ... التَّيس العلي أم زانوق تعلِّي الروب اصبح عيل إحشِّر منهَّهن مكروب معزة صادقة

---

Post: #122 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-02-2014, 09:00 AM Parent: #121 Quote: اي تعليق يُفسد هذا التداعي والصبيب........... يسلم يراعك ويسلم كتفك البشيل الطبيق والرفيق والبندقية ويسلموا عولك الراجنك لي الخبر السمح الله يكرمك يا العبيد بس خمشتها ناقصة الحق راجعها تاني بتلقى ليك تعديل بيشعل نيران غربتك دي زيادة

---

Post: #123 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-02-2014, 09:04 AM Parent: #122 الجنرال ود المكي الله يكرمك في الدارين والله جمعتنا وونستنا حلاة ونسة بس خالي سعادة اللواء حاسي بيهو متعسم بالحيل ما ياهو الزمان داك وين ود الشيخ اوع الخواجة متشبح في راسو من الصباح ؟

---

Post: #124 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-02-2014, 09:21 AM Parent: #123 Quote: [Bبس خالي سعادة اللواء حاسي بيهو متعسم بالحيل ما ياهو الزمان داك والله يا شيقا أنا شايفو من مداخلتو الكاربه ديك بدا يسخَّن لاكين ان فرد جناحو تاني ما بتمسِك .. انت اعصر علي شويه بجي مارِق

---

Post: #126 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-02-2014, 09:30 AM Parent: #124 Quote: والله يا شيقا أنا شايفو من مداخلتو الكاربه ديك بدا يسخَّن لاكين ان فرد جناحو تاني ما بتمسِك خليهو ينجم شوية يمكن فيهو عتمة اصلا خالي دا انا عارفو بالحيل - فيهو الكرّة والدرّة يا ود المكي

---

Post: #125 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عادل ابراهيم احمد Date: 09-02-2014, 09:30 AM Parent: #122 تحياتي استاذنا محمد فضل الله مكي ولعموم المتداخلين الرائعين .. الليلة جمال البادية برقو صرع اصحاب الدبابير والدساتير ..هاهاهاهاها عرفنا ود شيقوق مكتول ومجندل في خدار البادية .. لكن اول مرة اعرف ان جنابو محمد فضل الله مكي متوك تب .. هاهاها ولكأنني بالشاعر الرهيف عبد الله ود حمد ود شوراني عناكم بهذه الابيات وهو يبتسم : قمر السبعتين نورك مضوى دجونك يقل ويقفد الحيا والصبر مسجونك واعى الناس يضيع ما بين قسام وهونك كل المالى مركزو صار قتيل مسنونك ذلك هو الجمال الفريد الذي احتوته التباريح .. وخفي عن المسانيح.. هاهاها

---

Post: #127 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 09-02-2014, 10:48 AM Parent: #125 المنبر مسكتو أم قنطو........! المفقوعة الجابة ود المكي دي .. وبشوفها ولعت تُقابة الناس الكبار أها شوف الشاعر دي قال فيها شنو قصبة وفوق مناصِح طينك ويا مفقوعة بنحر في فؤادي سنينك يا الغرَّزتي في الناس الكبار من حينك وكمان سويتي مُدقاق ود بدر في إمينك شاعرها لا أعرفه ولكنها ربع ماكن بلحيل..... المُدقاق بكون ك حرف تي ولكنه صغير ويوشم علي الكادم يعني الخدود من قدَّام

---

Post: #128 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: Abdlaziz Eisa Date: 09-02-2014, 11:19 AM Parent: #127 Quote: وكان كمان ام عبد الله سمعت كلامك دا ياها الجايبا ليك تبروقة ملفوف جدييييييييييدة للصلاة - باقي انت صلاي بالحيل والله يا شيقا وما طالبني حليفة.. انا بالنسبة للاخوان المسلمين من الشيطان حسن البنا الى الابليس الترابي.. نبي عدييييييييييييييييييل وبديك شفاعتي كمان

---

Post: #129 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-02-2014, 11:43 AM Parent: #127 يا ود شيقوق وحاتك أتاوق والآكولة في الأصابعين علا الخواجة (يباوع) متل المرضاعاهو البومة أها يا سيدي الأمانتيليك، أقولو بدور بريك هسعيتي، وكف أفتحلك البوست. قربت أقولو (عشرة في تربة ... ولا ريال في طُلبة) بس لزمتا الجابرة نعلت إبليس. الجنرال عمر علي حسن قال: Quote: خلوني اتوحوح ساي .. اظن التوبه راحت في حق الله .. وبعد قربنا من جنة عدن جرّوها من تحت ايدي ناس ود المقدم وشيقا والجنرال .. عنكوليبه ما ادوني .. أها دي زكرتني مربوعة سيتا في بوستينا القديم داك وفيها ذكر التوبة الستين نعم شــــــــــــــارفنا لي واديها إلا قلوبنا خدرا وريَّ الشباب سـاقيها حـــــالف بي اليمين إن قربت قاصيها أســوم الـروح يمين والتوبة مي طاريه ا Quote: كَشَمَن فاطِرِن برق العِشِي الوجَّاج ضمَّر خلقة كيف شوفت المِنِسِّم هاج حِجول الفضّة رطَنَن ؤزرَّدَنُّو العاج ؤطال شوق البريدِهن مانْلِقَالو علاج Quote: كَشَمَن فاطِرِن برق العِشا الوجواج هدر رعدو ونزل اب سِحاباً فاج طِريت الطلق في جِسمِنا السهراج مِنوسر بي المنبَّت التِحت المقلم ماج عفيت منكم ودالمكي وود العبيد يمين حج وعتق واسيتو المقال طااااب قالو الكلام بجيب الكلام .... أُمال أيه.

---

Post: #130 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-02-2014, 12:13 PM Parent: #129 Quote: الحماني الهجعة ماغطَّن رموشي المايِقْ فاطْرَن فرُّو كيف برق اُم رويق السَّايِقْ الشِّعر النَّضمتو لقيتو دُون مُو لايِقْ ومَمْحُوق قولي في نََفََل أُم عروض مُو حَايِقْ صُح لسانك آ ود المقدم ... ده الكلام، وهاك دي فوق البيعة: ناهمك يا العبيد قولك تسيهو علايق في جيد المبطر ديما حالي ورايق شاحد المولي ما تعوقنا دونو عوايق بس ساعتين أنول ليمو وتلاتة دقايق

---

Post: #131 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-02-2014, 12:57 PM Parent: #130 Quote: عرفنا ود شيقوق مكتول ومجندل في خدار البادية .. لكن اول مرة اعرف ان جنابو محمد فضل الله مكي متوك تب .. هاهاها المدارس العسكرية يا عادل اخوي بتعلم الناس تحمل المشاق المادية والمعنوية والعاطفية متوك وبس؟

---

Post: #132 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-02-2014, 12:59 PM Parent: #131 Quote: وبديك شفاعتي كمان تعرف تكتب بخرات ma7aba ولا أبو الرقيع ساي ?

---

Post: #133 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-02-2014, 03:08 PM Parent: #132 Quote: تعرف تكتب بخرات ma7aba ولا أبو الرقيع ساي ? يمين حِجْ وعِتِقْ دي ما يعرفا ليك إلا زولاً من جيلنا ولا ورا، أب رقيع عدييييل؟ منشف ومدقق، وليلك كلو تباري بالخلا وتهابش محل لين لين، ههههه الله يخت رقعك آ المسنوح، وتاني يوم تقرش ليك ا كعكول قوروو؟ وحاتك عنافي قاطع الجرة. دحين آ الطيب بتخبر (البانقيقا)؟ دي هيلة أولاد بحر أبيض، ناس بحر (العاديك) ما بخبروها.

---

Post: #134 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: mustafa mudathir Date: 09-02-2014, 04:04 PM Parent: #133 الجماعة لسع ما وصلوا ال (بوتكس)؟ لسع في شيقا؟

---

Post: #135 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: وضاحة Date: 09-02-2014, 04:36 PM Parent: #134 يا سعادة شيقا شنو البعرف البوتكس ، ميزوثيربي ، فيلر شيقا دا بعد دا يرجع الطهارى الجاء منها ويشوف مصلايتوا وين وابريقوا بتاع الصلاة

---

Post: #137 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-02-2014, 05:00 PM Parent: #135 لع ..... لسع يا مصطفى شيقا مذكورة تلاتة مرات في العنوان ... ونحنا لسع في شيقا الأولي الفيها ألف واحد بعد نخلص منها نمشي الفيها تلاتة وبعدييييين للفيها تسعة، لوك الصبر لو منتظر مرحلة البوتكس.

---

Post: #138 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-02-2014, 05:01 PM Parent: #135 . . الجماعة لسع ما وصلوا ال (بوتكس)؟ هههههههههاهاها السايقه واصله يا ود مدثر التقيل ورى سعدنا بطلتك

---

Post: #142 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-02-2014, 08:17 PM Parent: #135 دكتور مصطفى Quote: الجماعة لسع ما وصلوا ال (بوتكس)؟ لسع في شيقا؟ انت بتقصد اب راجمات هولكتم ولا ال manual ?

---

Post: #136 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-02-2014, 04:52 PM Parent: #134 . العزيز عادل في البادية يا عادل النقاء في كل شي ، الناس والطبيعه والهواء ، والناس على بساطه في حياتهم وجمالهم .. حبوبين وترحابين ، وناس شهامه وكرم ، وأنت أدرى مني بأصالة أهل البادية .. ولواعجهم يسكبونها في شعرهم .. باللهِ خلينا نتأمل في كلام ود شوراني ده : قمر السبعتين نورك مضوى دجونك يقل ويقفد الحيا والصبر مسجونك واعى الناس يضيع ما بين قسام وهونك كل المالى مركزو صار قتيل مسنونك كلامك الجميل دا يسعد القلب ويسر الخاطر .. داوم يا الحبيب .

---

Post: #139 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: وضاحة Date: 09-02-2014, 05:55 PM Parent: #136 فيك دغمه مها العشنوق وفيك هديل وفيك بسماً متل فجاج سحاب الليل وفيك هضليم نعاماً زعزعنو الخيل وفيك لون التليب الجف من السيل

---

Post: #140 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-02-2014, 07:41 PM Parent: #139 . فيك دغمه مها العشنوق وفيك هديل وفيك بسماً متل فجاج سحاب الليل وفيك هضليم نعاماً زعزعنو الخيل وفيك لون التليب الجف من السيل أكيد بتستاهل دا كلام قوي خلاص ، وأنا شايف شيقا يكتِب ويشرِّط ! ماسكاهو رجفيبه .. بفتش لي كلام قدر الجبتيهو دا . الله يكون في عونك .. بس تعال مارِق . أها دي مجرد محاوله ، لكن ما قدر الكلام الفوق : عاليه عديله سمحه ومن وسِط مقسومه إن مرقت تبهر القمرا وتحاحي غيومه غزال الريـل المفروده ترتـع يومـه حامياني المنـام القايله شُفت نجـومه تسلمي لينا وضاحه

---

Post: #141 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-02-2014, 08:14 PM Parent: #140 Quote: يمين حِجْ وعِتِقْ دي ما يعرفا ليك إلا زولاً من جيلنا ولا ورا، أب رقيع عدييييل؟ منشف ومدقق، وليلك كلو تباري بالخلا وتهابش محل لين لين، ههههه الله يخت رقعك آ المسنوح، وتاني يوم تقرش ليك ا كعكول قوروو؟ وحاتك عنافي قاطع الجرة. دحين آ الطيب بتخبر (البانقيقا)؟ دي هيلة أولاد بحر أبيض، ناس بحر (العاديك) ما بخبروها. ههههههههههههههههههههههه خصمتك بالنبي يا راشد تختاني حرررررم تتعقبني كدا اخلي ليكم المنبر دا واتلهم ام عبد الله

---

Post: #143 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-02-2014, 08:21 PM Parent: #141 وضاااااااااااااااااحة ذااااااااااااااتا Quote: فيك دغمه مها العشنوق وفيك هديل وفيك بسماً متل فجاج سحاب الليل وفيك هضليم نعاماً زعزعنو الخيل وفيك لون التليب الجف من السيل عييييييييييك يا جنرال النار ولعت طالما جاتك وضاحة تنقز بى فد كراع بختك - يا جنابو - مايكرو ويف البوستات جاك

---

Post: #144 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-03-2014, 06:30 AM Parent: #143 Quote: فيك دغمه مها العشنوق وفيك هديل وفيك بسماً متل فجاج سحاب الليل وفيك هضليم نعاماً زعزعنو الخيل وفيك لون التليب الجف من السيل أكيد بتستاهل دا كلام قوي خلاص ، وأنا شايف شيقا يكتِب ويشرِّط ! ماسكاهو رجفيبه .. بفتش لي كلام قدر الجبتيهو دا . الله يكون في عونك .. بس تعال مارِق . يا جانبك شيقا ما بتحير هاك رسل ليها دا : المضمر هافو زي طي الحجاب تمثيلو في البدو والحضر دايماً عفافو دليلو ردفولو الطلح ملص عقودو وتيلو طبق البوخة قام عرقو الصفيح ما يشيلو

---

Post: #145 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-03-2014, 08:17 AM Parent: #144 . Quote: [Qيا سعادة شيقا شنو البعرف البوتكس ، ميزوثيربي ، فيلر يااااا وضاحة شيقا دا كان برضع من شطر الناقة مباشرة ، ما بنتظر يحلبوه في ماعون .. باقي ليك بيرجع الضهاري تاني ؟ لِقى الدليفري دا تاني (حلب الناقة في الشُنقاقة ) مافي الجمعه الفاتت دي كان عامل باربكيو في البيت ، دا تاني بمشي ؟

---

Post: #146 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-03-2014, 09:43 AM Parent: #145 Quote: ههههههههههههههههههههههه خصمتك بالنبي يا راشد تختاني حرررررم تتعقبني كدا اخلي ليكم المنبر دا واتلهم ام عبد الله ههههههة إنتا أقعد هابش كدة ولامن تجيك تارة تدرّق بي أم عبدالله، أم عبدالله حبابا وحرم ما نخانف كلمتا علا ما تمرقلنا تصريح أم عبدالله متل شهادة الإيزو كلما دربك دخل في الطين هووووي يا الطيب أخوي أم عبدالله ما تسوها زواغة زي دو الهارت .... ههههة ليها القومة والإحترام تعديل كلمة زي

---

Post: #147 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-03-2014, 10:00 AM Parent: #146 Quote: ههههههة إنتا أقعد هابش كدة ولامن تجيك تارة تدرّق بي أم عبدالله، هها حررررم كان ختيتني انت دا عوجة واحدة تجيني مافي شايفك - يا مسنوح - بتدودر في الانتاية بالمقصات الطويلة فاكرها اوردولب تقع ليك

---

Post: #148 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-03-2014, 11:26 AM Parent: #147 هههههههههاا عاد الروب ده كيفنهو؟ رلا بالبخسة ولا السعن؟ ما قتا الككو الفجغ الطين ولا رسمو شنوو داك خلاص يا سعادتك عوفا المرة دي اقعد عافي Quote: هها حررررم كان ختيتني انت دا عوجة واحدة تجيني مافي

---

Post: #149 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: Abdlaziz Eisa Date: 09-03-2014, 12:06 PM Parent: #148 هسي نحن وصلنا وين من ركوب الجمال!!!!!!!!!!!!!!!!!!

---

Post: #150 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-03-2014, 02:47 PM Parent: #149 يا جنابو ود المكي وود شيقوق وود المقدم رجعت أتاوق للصورة و أتعجب من البيرشح منها، فيها شئي مو شي شيتاً آ بخبرو، أها كان يجيني المربع ده دافر براهو : الريما أم رشوم رامياني بي قريافّه والرُمّان رمى الرايماهو عين ما خافّه والكفل الرمى الأردام فدع أكتافّه نُجُل وُقّال دُغُس عُسال خدود لصافه

---

Post: #151 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: وضاحة Date: 09-03-2014, 04:10 PM Parent: #150 Quote: عاليه عديله سمحه ومن وسِط مقسومه إن مرقت تبهر القمرا وتحاحي غيومه غزال الريـل المفروده ترتـع يومـه حامياني المنـام القايله شُفت نجـومه كتفا عالي ظاهر كوم رقد تكويشو والديس منطلق نعام نفض لي ريشو الصدر الطمح ياخوي حلاه هبيشو ردفا لهو كوع غربال بسوق في عيشو

---

Post: #152 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: وضاحة Date: 09-03-2014, 04:20 PM Parent: #151 Quote: المضمر هافو زي طي الحجاب تمثيلو في البدو والحضر دايماً عفافو دليلو ردفولو الطلح ملص عقودو وتيلو طبق البوخة قام عرقو الصفيح ما يشيلو المضمر هافو سايل ديسو خات في حجولو من أمو وابوه زوقو وعفافو دليلو ردفولو الطلح بالشملة تب ساجولو طبق البوخة سال عرقو ونزل بي رجولو

---

Post: #153 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-03-2014, 04:45 PM Parent: #152 Quote: هسي نحن وصلنا وين من ركوب الجمال!!!!!!!!!!!!!!!!!! انت وقت ما جيت دارع عقالك في كتفك مالك بتسال منها ؟ عالم عجيبة بالحيل - الواحد يسال ساي بدون يجهز رسنو ههههههههههها

---

Post: #154 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-03-2014, 05:39 PM Parent: #153 . الريما أم رشوم رامياني بي قريافّه والرُمّان رمى الرايماهو عين ما خافّه والكفل الرمى الأردام فدع أكتافّه نُجُل وُقّال دُغُس عُسال خدود لصافه صح لسانك يا ود الشيخ بوصيك يا البلوم زور التقيله اردافه مرضان السِّنين يطيب بالزياره مُعافى والطيب يقع مرضان شديد لو شـافه خلوني النزور بـاقي الملامه بخـافه

---

Post: #155 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-03-2014, 05:55 PM Parent: #154 . كتفا عالي ظاهر كوم رقد تكويشو والديس منطلق نعام نفض لي ريشو الصدر الطمح ياخوي حلاه هبيشو ردفا لهو كوع غربال بسوق في عيشو الصدر الطمح ياخوي حلاة هبيشو ...... آآآآآآ هاااااااا يا وضاحه صاحبنا بدوخ عديل كده من الكلام الزي دا ؛ خليني أشوف ليهو دبوس ضغط تاني ، إلا مابكون في قوة كلامك دا : هبوب الدَغَش الأحيت مواجعاً ليـّا توَّرت الجروح والحُمه جات فجريه الصِّدير نبَّت وحُراسو منعو الجيَّـه شِن طعم السباتـه ام لمبـةً مطفيَّـه

---

Post: #156 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-03-2014, 08:40 PM Parent: #155 Quote: . كتفا عالي ظاهر كوم رقد تكويشو والديس منطلق نعام نفض لي ريشو الصدر الطمح ياخوي حلاه هبيشو ردفا لهو كوع غربال بسوق في عيشو ااااااااااااااااااااااااه ود المكي الله يجازي محنك الجبت لي ضقلا يتلولح دي مسنوووووووووووووووحة ما بتعرف دين ولا قرات ليها قران ولا سمعت بقوله تعالى ( لا يكلف الله نفسا الا وسعها)

---

Post: #157 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-03-2014, 08:42 PM Parent: #156 Quote: المضمر هافو سايل ديسو خات في حجولو من أمو وابوه زوقو وعفافو دليلو ردفولو الطلح بالشملة تب ساجولو طبق البوخة سال عرقو ونزل بي رجولو اها تاني حرررررررررم خالي دي شوفتكم ليهو

---

Post: #158 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-03-2014, 08:45 PM Parent: #157 Quote: الريما أم رشوم رامياني بي قريافّه والرُمّان رمى الرايماهو عين ما خافّه والكفل الرمى الأردام فدع أكتافّه نُجُل وُقّال دُغُس عُسال خدود لصافه خلفت الكي يا راشد اخوي اخوك رقد ستيتة

---

Post: #159 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-04-2014, 04:29 AM Parent: #158 . . ديانا الوصيفـه والرايقـه هيَّ الملْكه ناعِم جيده من صنف الحرير والسِّلكه وكْتَ النَّم حِلا مفدوعه جادعه الفِركه يااااا ستارعليْ سطلتني الخُمَر والدِّلكه بدون عنوان!

---

Post: #160 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-04-2014, 07:44 AM Parent: #159 Quote: ديانا الوصيفـه والرايقـه هيَّ الملْكه ناعِم جيده من صنف الحرير والسِّلكه وكْتَ النَّم حِلا مفدوعه جادعه الفِركه يااااا ستارعليْ سطلتني الخُمَر والدِّلكه يا اخوانا فكوا الدرب دا عليكم النبي

---

Post: #161 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-04-2014, 03:42 PM Parent: #160 . فُراق الطريفي لي جملو !! بدَّرنا ابتدينا يا شيقا عاقْلَ الجافله جملك إن شرد خلُّو والْفى الحافله المجلِس عَمَر والسايقه لابُد واصله وان فاتك فَرِض ما ظِن تجُبرو النافله البـارِح طِـريت ناسـاً فُراقُم قاسي كاتِلني الغرام بحـراً ما ليهو مراسي المواجِع صَدَّت وصِبِحتَ ماسك راسي يا لحّاق بعيد عارف الدرِب ولا ناسي

---

Post: #162 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-04-2014, 06:38 PM Parent: #161 يا سعادتك تعالوا استريحوا هنا شوية مع مجادعة ود مسيخ + ود الخاويه كلام ممتع جدا

---

Post: #163 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عمر علي حسن Date: 09-04-2014, 06:39 PM Parent: #161 Quote: . طبق البوخة سال عرقو ونزل بي رجولو الغزااااااااااااااااااااااااااااااااااااااااالل عمر علي حسن

---

Post: #164 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-04-2014, 07:28 PM Parent: #163 الخال Quote: الغزااااااااااااااااااااااااااااااااااااااااالل اهااااااااااااااااااااااااااااا الدخلك الكنجة شنووووووووووووووووووووووو؟

---

Post: #165 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عمر علي حسن Date: 09-04-2014, 08:34 PM Parent: #164 Quote: اهااااااااااااااااااااااااااااا الدخلك الكنجة شنووووووووووووووووووووووو؟ افو .. ياخال انت قايلني بمشي بعيد من النيران المولعه دي .. لكن مقطعو في مصاريني ساكت .. بس وكت مايتقطع اسوي شنو .. اسكت يعني ؟ عمر علي حسن

---

Post: #166 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-04-2014, 10:10 PM Parent: #165 Quote: انت قايلني بمشي بعيد من النيران المولعه دي .. لكن مقطعو في مصاريني ساكت .. بس وكت مايتقطع اسوي شنو .. اسكت يعني ؟ لا لا لا يا خال علا تكون ناوي تتني عينك للحجة انا خايف نلهمك جهنم معانا - انت فاكر ساي؟

---

Post: #167 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: Abdlaziz Eisa Date: 09-05-2014, 07:56 AM Parent: #166

---

Post: #168 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-05-2014, 08:01 AM Parent: #167 تسلم يا عزو نهديك هذا النغم مع صبيحة هذا اليوم

---

Post: #169 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-05-2014, 05:35 PM Parent: #168 . شكراً أبو عيسى على هذه الإطلالة البهية في هذا اليوم السعيد . بعدبن يا شيقا بتنا دي تكون هسع عروس ، دي من زمن دكتور ( صيف ) وبت المنصوري . جمعه مباركة

---

Post: #170 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-05-2014, 08:25 PM Parent: #169 Quote: . بعدبن يا شيقا بتنا دي تكون هسع عروس ، دي من زمن دكتور ( صيف ) وبت المنصوري . بتنا خليها الساعة دي تكون في نعيمها انت دا نشقت ولا الجماعة جدعوا منك الكمبيوتر خلوك تعاين لبوستيك بالطوالة ؟ انت ما شفت خالي كيف حررررررم فريق كامل ما يسندو من الكمبيوتر وقت ينوي يتلهموا للكتابة

---

Post: #171 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: وضاحة Date: 09-06-2014, 05:49 PM Parent: #170 المضمر هافو شاغل فكري ديمة يختفو كل الشافو اتشهد وقف لي حتفو ردفولو الطلح غتوهو لا عن كتفو طبق البوخة قام لي قلبي ناوي يكتفو المضمر هافو زي فرخ الحمام في قِديلو خلف الكية في قلبي الدوام قاديلو ردفولو الطلح دخانو جاو راديلو طبق البوخة قام توبو العليو شاديلو

---

Post: #172 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-06-2014, 07:45 PM Parent: #171 شايفين البنية كيفن تدوبي قصيدا عقابلها الطلح والدلكة والزغريدا الزي الغزال نافرة وحلاتها أكيدة يا ريت بالنفور ما تبقى إنتي بعيدة هيييييييييييييييييييييع كع

---

Post: #173 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: وضاحة Date: 09-06-2014, 07:46 PM Parent: #172 دى لطشتها من وين مسنوح

---

Post: #174 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: مني عمسيب Date: 09-07-2014, 11:28 AM Parent: #173 سلالالالالالالالالام آآآآآآآآ السمحين . وكمان شوق . يا ود فضل لقيتك بكاي لكن هههههههههههه . Quote: بوصيك يا البلوم زور التقيله اردافه مرضان السِّنين يطيب بالزياره مُعافى والطيب يقع مرضان شديد لو شـافه خلوني النزور بـاقي الملامه بخـافه رد : يا ست الحسـان جابلي النسيم خبــــاااااارو ود فضل السكر وزاد في الغرام عبااااارو وفي خمرة هواك يا السمحة زاااااد اوزارو ولا تزر الوزار يا اخوانا مااااالنا ومااااالو؟ بت عمسيب .

---

Post: #175 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-07-2014, 12:13 PM Parent: #174 Quote: خلفت الكي يا راشد اخوي اخوك رقد ستيتة خلف الكية ياشيقوق وهبهب نارو نفخ ويقودو حضر للوسم محوارو ودالمكي والخال باالسكات إتضارو نعلّ ود المقدم طيبة؟ صنه خبارو؟

---

Post: #176 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-07-2014, 12:30 PM Parent: #175 Quote: بوصيك يا البلوم زور التقيله اردافه مرضان السِّنين يطيب بالزياره مُعافى والطيب يقع مرضان شديد لو شـافه خلوني النزور بـاقي الملامه بخـافه مبرومة الحشا الهوابّة جيدا زرافة متبورة قِدِيم سال ديسّا فوق أردافة وفدياس يمين إن كان نظرها وشافه كان صباها عجوة وبرتكان وخشافة

---

Post: #177 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عمر علي حسن Date: 09-07-2014, 02:27 PM Parent: #176 Quote: وفدياس يمين إن كان نظرها وشافه كان صباها عجوة وبرتكان وخشافة يا شيخنا راشد انت قالو لك فيدياس ده طباخ الملك فاروق ؟ الهقلااااااااااااااااااااااااال عمر علي حسن

---

Post: #178 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-07-2014, 03:53 PM Parent: #173 Quote: دى لطشتها من وين مسنوح قالت لطشتها من وين؟ هو الزمن دا اللطش قالوا ليك صعب ؟ مشيت قوقلتها كتبت في خالك قوقل ( الطلح + وضاحة) طوالي جاتني متسربلة حتك

---

Post: #179 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-07-2014, 04:01 PM Parent: #178 Quote: خلف الكية ياشيقوق وهبهب نارو نفخ ويقودو حضر للوسم محوارو ودالمكي والخال باالسكات إتضارو نعلّ ود المقدم طيبة؟ صنه خبارو؟ ود القدم طاش - اظن الأيام دي أيام الضمي بتاعو

---

Post: #180 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-07-2014, 04:06 PM Parent: #179 Quote: وفدياس يمين إن كان نظرها وشافه كان صباها عجوة وبرتكان وخشافة والله مبااااااااااااااالغة - الناس ديل ما براهم ابدا

---

Post: #181 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-07-2014, 04:51 PM Parent: #180 يا جنرال لو قلنا رخام كنا نتاوق بس ونتوهدب ونتعجب ونعضي البنان ... حفففففففا لكن تمثال العجو قالونا الكبار بستاكل وبنبلع زووومبط ،، والخشاف أريتو في حشا البريده والبرتكان قال عليهو أبو صلاح الوصاف الما خمج: نورتي يالخد الجُليّ تخفي الجواهر و الحُلي خبرني يا اب صدراً عُليّ البرتكان ليك والا ليّ ههههههااا في ظمتك كان جدعتا التوب ده وملصتا منها الحدوقة ما بتنبلع بلا لوك؟ الله يمحنن المحننا وسمحن. ود أختك شديع مقطع في كلاهو طااااب غايتو يمرقو الشيخ فلاح من هادي المسرة.

---

Post: #182 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: وضاحة Date: 09-07-2014, 04:54 PM Parent: #180 Quote: قالت لطشتها من وين؟ هو الزمن دا اللطش قالوا ليك صعب ؟ مشيت قوقلتها كتبت في خالك قوقل ( الطلح + وضاحة) طوالي جاتني متسربلة حتك ههههههههههههههههههههههههههههههههههههههه الله يكتلك ضحكت لما شرقنى اليوسفي والله انت مسنوح هاك دى ضامر هافو دأ ال لي قلبي كسر ودمر مبروز الصدير مدفع ملان ومعمّر سولو الدخان واللون عجيب ومقمّر طبق البوخة قام خلاني لوح ومسمر المضمر هافو عالى قوامو مال من طولو من امو وابوه مشربكنو حلولو ردفولو الطلح من راسو حتى رجولو طبق البوخة فوق قلبى وعرقو كحولو

---

Post: #183 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: وضاحة Date: 09-07-2014, 04:55 PM Parent: #182

---

Post: #185 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-07-2014, 07:39 PM Parent: #182 وضاحة المسنوحة ود البنا مبالغة لكن ما عافي منك اكان ما نزلتي لراشد دا الابيات البتقول ( زي ###### القنيص ...)

---

Post: #198 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-08-2014, 02:22 PM Parent: #185 Quote: ود البنا مبالغة فعلاً عاصم البنا غناياً ماصع وحافض لوحو في الحقيبة الحقيبة طاااااب لكن رمية الفاح لِيّ كبريته، خريدة ود الرضي تسمعا عِنْ مبارك حسن بركات كاملة. لو عرفت درب نزيل الفيديوهات كان ختيتا ليك يا أفاكاتو هنا، سئيلك الله شوف الوصيف ده: Quote: راضية خداما ظاهرة مهدولةعالية أرداما ست قديم وجديد عزها مداما وستي خشم الحوش يشتهي أقداما فاح لي كبريته وكبدي كالبنزين قادحة كبريتة أصلو هالكاني علّي ما نجيتا ياجرح غوّر إنشا الله ما بريتا الريدو عطشني جمّرو الصافي فيك درعو الدشني الحكاية شِنّي إنتا شن إيدك أنا الله حنتشني السرة سُريهن قومي عومي عليك الله وريهن جمعي الحزاز ثم فريهن ينضح الستة الخافي تبريهن الكترااااابة ال ...

---

Post: #184 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-07-2014, 04:58 PM Parent: #180 Quote: والله مبااااااااااااااالغة - الناس ديل ما براهم ابدا أمال إيه؟ يا ود شيقوق المربوعة لامن تجي دافرة تعشرق للزول التقول عنكوليب البردانة أمانة ما بتفشك جنش فش لامن تطلع منك بس غرقان وشمَّ الناسم.

---

Post: #186 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-07-2014, 07:41 PM Parent: #184 راشد أمال إيه؟ يا ود شيقوق المربوعة لامن تجي دافرة تعشرق للزول التقول عنكوليب البردانة هههههههههههههههها يجازي محنك البتعرف حتى عنكوليب البردانة - دا بكون ود المنسي سجم الرماد كلمك

---

Post: #187 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عمر علي حسن Date: 09-07-2014, 09:12 PM Parent: #186 Quote: ود أختك شديع مقطع في كلاهو طااااب غايتو يمرقو الشيخ فلاح من هادي المسرة. يابا بي عافيتكم .. اتجوغروا انت وخالي .. واحد خشاف وواحد عنكوليب .. لكن خالكم باصوهو علي الشيخ فلاح يرجع ليه عيونه الحوّصن وبقي يشوف خزاز ... كمان فيدياس كان دخل بي جاي لا بمرقوا شيخ فلاح ولا غيره .. الله يعلم جنس ده بربّط وما منه فكه .. وبيغرّق وما منه مرقه وانا لابد مستنيكم . عمر علي حسن

---

Post: #188 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-07-2014, 09:12 PM Parent: #186 آ زول كمان بدور لي زولاً يوريني البردانة؟ عمك قوقل الويكبيديا قالو البردانة أشهر من لاس فيغاس ذاتة، إت ماك خابر، أمال إيه؟ في الهُـويّ والشِرِقْ قالوا البُلُـودْ مَطـرانّة من سَــدّرَ البَحَـرْ لا عِنّْ حِـــــدّا البَرّدَانّة أمّ رِيقّانْ تقــلب بلا خِيْلَّ الضّرَى التَريّانّة وقاطــّـعْ الجـرّة يحواهو السديرتو مـلآنة يلاقْنّكْ بِي حَبَابْ متلّ التْقُول وَدْ خَالهِّنْ وعِينْننّ في التُرابْ مَخْبُور عَفْـافْهِّنْ وحَالهِّنْ مــِـــنْ كُتْرَ الحَيّا مِتْلّ التَكِنُو وأخَـــالهِّنْ إِتْبَكْمّ لِسّـانْهِّنْ ونَطّقّـــنْ خَـلّخَالهِّـــنْ

---

Post: #189 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: صديق الموج Date: 09-08-2014, 01:43 AM Parent: #188 ود المكى شــــاهد الكريــم ليك علينا حقــوق يبكى الـــعاج شاكى فى اليدين مزنـــــــوق بين الصدر والردف ضاع الخصر ممـحوق دى الجننت عبد الله و بــــــــــهدلت شيقوق ----------------------------------- جلت قدرته شــــوف كــــيف الخشــــيم مشقوق تقول سحابك الشال منيل واتشحطنلو بروق شايل طعـــم العسل و سمـــــرة كباد النوق اســــــتر يا باريــــها و ترفق على المـخلوق

---

Post: #190 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبد المنعم سيد احمد Date: 09-08-2014, 02:02 AM Parent: #189

---

Post: #191 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبد المنعم سيد احمد Date: 09-08-2014, 03:00 AM Parent: #190

---

Post: #192 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-08-2014, 05:59 AM Parent: #191 الخال Quote: وانا لابد مستنيكم . عييييييييييييييك نحن نجدع ساي وما عارفنّك رامي سنارتك ولابد تحت العشرة اعمل حساب عيونك ديل من لبن العشر ما تقوم ترفع راس لا فوق وتقع فيك انبوبة عشر ملبّنة دي تيوة خالك زمان

---

Post: #193 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-08-2014, 06:04 AM Parent: #192 Quote: آ زول كمان بدور لي زولاً يوريني البردانة؟ عمك قوقل الويكبيديا قالو البردانة أشهر من لاس فيغاس ذاتة، إت ماك خابر، أمال إيه؟ في الهُـويّ والشِرِقْ قالوا البُلُـودْ مَطـرانّة من سَــدّرَ البَحَـرْ لا عِنّْ حِـــــدّا البَرّدَانّة أمّ رِيقّانْ تقــلب بلا خِيْلَّ الضّرَى التَريّانّة وقاطــّـعْ الجـرّة يحواهو السديرتو مـلآنة والله نجضها نجاض وكمان فايتة لاس فيغاس بعنكوليبها اللا بتنقى لى شافع ولا لى مسن

---

Post: #194 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-08-2014, 06:06 AM Parent: #193 الموج Quote: ود المكى شــــاهد الكريــم ليك علينا حقــوق يبكى الـــعاج شاكى فى اليدين مزنـــــــوق بين الصدر والردف ضاع الخصر ممـحوق دى الجننت عبد الله و بــــــــــهدلت شيقوق اتاريك عراف بتعرف محلات خريف اب سعن السرفة وجرادة اصبر وضاحة جاياك

---

Post: #195 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-08-2014, 06:11 AM Parent: #194 منعم دحين البنية دي واقفة كدا صحصح ولا من تقنياتك التصويرية ؟

---

Post: #196 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-08-2014, 06:30 AM Parent: #195 Quote: [B جلت قدرته شــــوف كــــيف الخشــــيم مشقوق تقول سحابك الشال منيل واتشحطنلو بروق شايل طعـــم العسل و سمـــــرة كباد النوق اســــــتر يا باريــــها و ترفق على المـخلوق ياجماعة الخير اخدت لي زوغه على البحرين 72 ساعة بس ، والله جيت صاد لقيت الدار عامره عمار جد : ودالشيخ وسعادته عمر ، يقصِّر الملح . آآآآآآآآ زول أمانه ماظهروا ناس كبار خلاس ..ود الموج بي جلالة قدرو .. جا وجاب معاه النضِم السمح دا. ود شيقوق لابس السديري ومشنِّق طاقيتو وماسك عصاتو ، عفيت منك مرحب واللهِ

---

Post: #197 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-08-2014, 10:19 AM Parent: #196 حباب الخال الابد ويعاين بالصريف سااااكت، ما يدا الودر عليك الشوف قرب ووقر فيها زين يمين وجيها مرواد عافية وقميص يوسف ... صدق كلامي دا يا مومن وحباب ود الموج في الدارة دي. وهاكم ديل: بشوف سن فيلها حاكم معصما المخنوق متل مسجون مصابح محكمة زانوق وباسماً عجوة المحس اللذيذ في الضوق وحالي قوامها من طرف القدم لافوق ودالموج مدستر جرولو خيط القوق و ود المكي يشهق والعجب شيقوق وكان للخال وِدِر ما أظني ليك ملحوق ينقزو زي دراويش المسيد في السوق

---

Post: #199 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-08-2014, 03:07 PM Parent: #197 يا أفوكاتو فعلاً عاصم البنا غناياً ماصع وحافض لوحو في الحقيبة الحقيبة طاااااب لكن رمية الفاح لِيّ كبريته، خريدة ود الرضي تسمعا عِنْ مبارك حسن بركات كاملة. لو عرفت درب نزيل الفيديوهات كان ختيتا ليك يا أفاكاتو هنا، سئيلك الله شوف الوصيف ده: Quote: راضية خداما ظاهرة مهدولةعالية أرداما ست قديم وجديد عزها مداما وستي خشم الحوش يشتهي أقداما فاح لي كبريته وكبدي كالبنزين قادحة كبريتة أصلو هالكاني علّي ما نجيتا ياجرح غوّر إنشا الله ما بريتا الريدو عطشني جمّرو الصافي فيك درعو الدشني الحكاية شِنّي إنتا شن إيدك أنا الله حنتشني السرة سُريهن قومي عومي عليك الله وريهن جمعي الحزاز ثم فريهن ينضح الستة الخافي تبريهن الكترااااابة ال ...

---

Post: #200 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: صديق الموج Date: 09-08-2014, 03:34 PM Parent: #199 http://www.gulfup.com/?11voa2 راشد المشوطن سلام شوف دى اقل من ديك كتير ياخى العبادى ما صدق وكتين قال: شوف جمال البدو مو مضاره .. شوف دى صفره الفضحت نضاره هادى نادى الغامق خضاره ..دون تكلف لهج الحضاره شفت فيها البهاء والنضاره .. شئ يعيد الروح فى احتضاره الخضار والماء والجمال واقسم انه يعيد الروح فى احتضاره...

---

Post: #201 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-08-2014, 03:55 PM Parent: #200 ود الموج حبابك النحدسك العبادي ده في نظري تالت تلاتة واقعين لي في الأتو بتاعي ودالرضي وأبو صلاح والعبادي ده ما تقليل للشوامخ التانيين سيد وعتيق وبطران وباقي العقد النضديد شوف عمك ود الرضي في الرمية دي قال شنو: النظر جرسة في نظر إنسان كيف يروق يرسى طنبرولو وعام جمع البرسة إنعقد جانا صدرو موج كرسة قام علي التاكل نور على وجانا ساطعاً عاكل تارة يتهبع وتارةً شاكل والعقود حولو بتلعب الثاكل شفتا العقود دي بتسوي في الحييي ووووب كيف؟ وشوف اللعب بين مفردة اللعب ومفردة الثاكل؟ اللعب والمرح جنب الثكل والنواح؟ زي ده يسوو ليهو شنو؟ ياخي ديل التقول معاهم بسمالله> وكل ما تتأمل في كلامم إنتا ذاتك تقرب تطش شبكة حوووولااااا

---

Post: #202 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-08-2014, 03:58 PM Parent: #201 وهاكم دي ... يلا ... خمو وصرو: قمنا نتشرف نور الحفلة و للمكان شرف بشرى يا عاشقة اوعى تتطرف سن سيف لحظه ولى النفوس ظرف ديسو فوق درعو من حجابو يميل خيزران فرعو جيده جيد غزلان فى العسين برعو و النهيد رمان ما انهشم ضرعو

---

Post: #203 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-08-2014, 04:59 PM Parent: #202 يا راشد وو الموج حرام عليكم ياخ بتكتلوا ليكم زول البوست دا الواحد كان دخلو متوضي عيييييييييييييييييييييييييك

---

Post: #204 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-08-2014, 05:02 PM Parent: #203 Quote: البوست دا الواحد كان دخلو متوضي عيييييييييييييييييييييييييك هههههههه إتا آ المسنوح ما تصلي باللول بتن سمي وأفتح البوست شفقة بغارة ،،، السوت شنو كده آ بخبرو.

---

Post: #205 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبد المنعم سيد احمد Date: 09-08-2014, 05:08 PM Parent: #203 .الرائع ود شيقوق الزوله دى زولة البل ساكت من فطموها ختوها فوق القعود تحواهو وتسوقو وتسقيه شفته الوقفه دى بى شموخ كيف.

---

Post: #206 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: صديق الموج Date: 09-08-2014, 05:16 PM Parent: #202 Quote: و النهيد رمان ما انهشم ضرعو راشد يا الحبيب..... حرم وعلى الطلاق ازيك بالله الكلام ده ما شرح رصين لى قول المولى سبحان وتعالى (كواعب اترابا) ويجو يقوليك كلام غناء الحقيبه ده شعر حسى!!! اسمع ود الرضى: تعطل ....البارزات.....ايابا .......... (ده نوع الصدر البصل فى الاول كوفد مقدمة وبعدين تجى ستو لاحقاهو اورورووووك) وكمن تشحتف.. عريض تيابا ........ ( اعرض توب يتشحتف ويتمحق وينحسر شديد لما ما يغطى الكرعين لى تحت قادر الله!!) تهم... بسرعه... رديفا يـــــابا.......... ( هميمة جدا لكن ثقل الارداف هو ما يمنعها عن استقبال ضيوفها والترحاب والحباب ) الجمال... قــال.. قفلـنا بـــــــابا.......... ( مافى لابعدها ولا قبلها,,,, وأشهد أن لا إمراة الا انت)

---

Post: #207 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-08-2014, 06:26 PM Parent: #206 ود الموج الناس ديل ما براهم أبداً ... وجدنا العبادي له ولع خاص بالبادية وجمالا وذكرها في الكثير من شعره وعندما رد عبيد عبد الرجمن علي قصيدة الخليل في الضواحي وطرف المداين بي قصيدته من محاسن حسنو المحاسن يتغزل فيها ببنت الحضر والمدنية ويقلل من شأن البادية وجمال بناتها كتب العبادي قصيدة شوف محاسن حسن الطبيعة التي أوردت أنت منها بعض الأبيات، مؤازراً للخليل إذ ذكر فيها العبادي: فوق هضاب الوادى الوثيرة . .الزهور منظومة ونثيره عن جمال البدو تبدو سيره . .وعن محاسن البادية الكثيره والجداول فى حال مسيره .. فى جبين التل ازى مسيره أو غداير حول الهلال بالله تخيل بعد مطرة كاربة خرت سيولها ودفرت علي سفح تلّ رملي مصوبر، وقامت الموية سالت وحوت التل وحاصرته بالجانبين، فصارت مياه السيل كالمساير التي تحف بالوجه (التل) الجداول في حين مسيره في جبين التل زي مسيرة أو غداير حول الهلال ياخي ده خيال مساطيل من قبيلة (رجال الفضاء) وعمك ود الرضي في أغنية (ليلة بروقة تلوح في غمامة، وبالله أسمعها من بادي في اليوتيوب) شَمِس فِى نِيل وزِلاَل فى جَامَه صَباحْ فِى لَيل وشُهُب رجَّامَه دِيَباج مِن غُوفْ وثِمارْ أعجَامَه يَمُوج وتَمُوج ودِمُوعْنا سَجَامَه العبادي وكمثال آخر على ذكره للبادية قال في أغنية يا حليل رياضنا الغنا: فقتى الحضر والبادى فقتى الختم والبادى سهمك برق عبادى يمطر جمر فى اكبادى وذكر البادية أيضاً في أغنية شموس عفة: وبينن تمشي متهادية زهيرة غصننا النادية تضلم وفي الظلام بادية سايدة حضورا والبادية وشموس عفة دي بالذات فيها إشارة ما زالت تدهشني وهي في المقطع البقول: حليل الدر حليل حورن (من الحور العين أو بنات الحور والنون هنا للجمع كقولك حورهن) سحر هاروت سكن حورن (وهاروت وماروت هما الشخصياتان التوراتيتان المذكورتان في القرآن والموصومتان بالسحر، وحورن في هذه الشطرة تعني سكنى هاروت في أشجار الحور، فإرتباط سحر هاروت بأشجار الحور أثار دهشتي لانه في الميثولوجيا الأوربية وخاصةً في وسط أوربا إرتباط أشجار الحور بالأرواح والسحر، وأشجار الحور هي الصنوبر والشربين وما يشابههما من الأشجار، ولو لاحظت في أفلام الرعب مثل دراكيولا دائما ما تكون لوحات الدعاية فيها هذه الأشجار والقمر في تمامه وحوله الوطاويط تحوم، هل هي مصادفة أن يربط جدنا العبادي بين السحر عند هاروت وأشجار الحور أم كان له إطلاع بمحكيات وسط أوربا؟ أم هو إلهام الشعر الذي ذكره ودشيقوق في مداخلة سابقة؟ فؤادي الضلّ مسحورن لابسات روحي في نحورن الكتراااابة ال التعديل لإضافة حرف الراء لدراكيولا

---

Post: #208 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-08-2014, 08:34 PM Parent: #207 منعم Quote: الزوله دى زولة البل ساكت من فطموها ختوها فوق القعود تحواهو وتسوقو وتسقيه شفته الوقفه دى بى شموخ كيف. يا منعم والله نحن بجوا العرب ناشقين البطانة قدام بيوتنا والعرائس السمحات بيعملوا ليهن هودج مزين باجمل الحلي لكن الغزال الجوة ما بتشوفوا أصلا مرة كنت بعاين في جمال الهودج وفجاة بنت عشرين كشفت عن عينيها الكتراااااااااااااااااااااااااااابل والله لحظ عينيها في الحالين يلحقك امات طه

---

Post: #209 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-08-2014, 08:40 PM Parent: #208 Quote: تعطل ....البارزات.....ايابا .......... (ده نوع الصدر البصل فى الاول كوفد مقدمة وبعدين تجى ستو لاحقاهو اورورووووك) وكمن تشحتف.. عريض تيابا ........ ( اعرض توب يتشحتف ويتمحق وينحسر شديد لما ما يغطى الكرعين لى تحت قادر الله!!) تهم... بسرعه... رديفا يـــــابا.......... ( هميمة جدا لكن ثقل الارداف هو ما يمنعها عن استقبال ضيوفها والترحاب والحباب ) الجمال... قــال.. قفلـنا بـــــــابا.......... ( مافى لابعدها ولا قبلها,,,, وأشهد أن لا إمراة الا انت) غايتو جنس شلاقة انت هسه القال ليك اشرح منوووووووووووووو؟ ما تخلي أولاد البندر ينعمون بتفسيراتهم

---

Post: #210 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-08-2014, 08:47 PM Parent: #209 Quote: سحر هاروت سكن حورن (وهاروت وماروت هما الشخصياتان التوراتيتان المذكورتان في القرآن والموصومتان بالسحر، وحورن في هذه الشطرة تعني سكنى هاروت في أشجار الحور، فإرتباط سحر هاروت بأشجار الحور أثار دهشتي لانه في الميثولوجيا الأوربية وخاصةً في وسط أوربا إرتباط أشجار الحور بالأرواح والسحر، وأشجار الحور هي الصنوبر والشربين وما يشابههما من الأشجار، ولو لاحظت في أفلام الرعب مثل دراكيولا دائما ما تكون لوحات الدعاية فيها هذه الأشجار والقمر في تمامه وحوله الوطاويط تحوم، هل هي مصادفة أن يربط جدنا العبادي بين السحر عند هاروت وأشجار الحور أم كان له إطلاع بمحكيات وسط أوربا؟ أم هو إلهام الشعر الذي ذكره ودشيقوق في مداخلة سابقة؟ يا سلالالالالالالالالالالالالالالالالام يا راشد اخوي على هذه الدرر واللآلي لله درك يا مبدع لقد عدت بنا لايام الدكتور احمد القرشى في هذا المنتدى وهو يكتب عن الحزن في شعر الحقيبة يا ريت احمد يكون متابع كلامك دا ولو ما متابع بكرة بتصل عليهو بلفت نظره لهذا الكلام الممتع حقا

---

Post: #211 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عمر علي حسن Date: 09-09-2014, 05:17 AM Parent: #210 Quote: عمل حساب عيونك ديل من لبن العشر ما تقوم ترفع راس لا فوق وتقع فيك انبوبة عشر ملبّنة يا خال خالو لبن العشر ما بحوّص العينين الا الهوركين البيطلق فيه ود الموج وراشد الخطرين يطوطحك بين سما وواطه ما تعرف بلادك وين لاتعرف تقوم لاتعرف تقنّب لا تحلك الووب ولا الووبين الناس دي ياخال قلوبهم قاسية تب أكنّهم ما مسلمين يغمتوا ليك بيت الشعر في صرتك متل التقول سكين انا كان عميت هين بس وين اقبّل كان بقيت مجنون وامسكوا مني الحمار الجابه منعم وامسكوا الراكبين يا منعم حمار الجن ده كيف شايل فريع ياسمين وانا التقول اسمي اللدر فوقي الخبوب والطين والله بس حظ الغشيم ونحن نتلفت شمال ويمين انا اول اساسق بي بعيد عارف العذاب مضمون قت ليكم اتوحوح براي اقول يا ارحم الراحمين ثبت عقلي ثبت توبني ما تمرقني من الدين لكن قدرتو عليّ جبتوني تارس .. ابقوا فرحانين ربي الكريم يخلف علينا جميع بي كم حمار شايلين عمر علي حسن

---

Post: #213 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-09-2014, 06:10 AM Parent: #211 Quote: يا خال خالو لبن العشر ما بحوّص العينين الا الهوركين البيطلق فيه ود الموج وراشد الخطرين يطوطحك بين سما وواطه ما تعرف بلادك وين لاتعرف تقوم لاتعرف تقنّب لا تحلك الووب ولا الووبين الناس دي ياخال قلوبهم قاسية تب أكنّهم ما مسلمين يغمتوا ليك بيت الشعر في صرتك متل التقول سكين انا كان عميت هين بس وين اقبّل كان بقيت مجنون وامسكوا مني الحمار الجابه منعم وامسكوا الراكبين يا منعم حمار الجن ده كيف شايل فريع ياسمين وانا التقول اسمي اللدر فوقي الخبوب والطين والله بس حظ الغشيم ونحن نتلفت شمال ويمين انا اول اساسق بي بعيد عارف العذاب مضمون قت ليكم اتوحوح براي اقول يا ارحم الراحمين ثبت عقلي ثبت توبني ما تمرقني من الدين لكن قدرتو عليّ جبتوني تارس .. ابقوا فرحانين ربي الكريم يخلف علينا جميع بي كم حمار شايلين هييييييييييييييع مرحب بيك سعادتك شايل السلام بي شوقو مرحب بي العزاز في الدار تقعدو تروقو يا راشد تعال جـُرْ في النضم واسوقو امسك في العبيد في العترة صلّحو سوقو

---

Post: #212 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 09-09-2014, 05:25 AM Parent: #210 Quote: يا منعم والله نحن بجوا العرب ناشقين البطانة قدام بيوتنا والعرائس السمحات بيعملوا ليهن هودج مزين باجمل الحلي لكن الغزال الجوة ما بتشوفوا أصلا الوادي المنيِّل وفرعو شايل دوبوُ أهل البادية رحلو وقالو بتنايوبو الصَّاول رفيقو وهاج مِنسِّم دوبو الهِدَب أُم شلايِل كاشه في عرقُوبو النور شيخ إدريس مستمتع ب مداخلات أهل الخندريس........... راشد وودالموج وبجيكم بي رواقة.........

---

Post: #214 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: صديق الموج Date: 09-09-2014, 06:20 AM Parent: #212 Quote: يا خال خالو لبن العشر ما بحوّص العينين الا الهوركين البيطلق فيه ود الموج وراشد الخطرين يطوطحك بين سما وواطه ما تعرف بلادك وين لاتعرف تقوم لاتعرف تقنّب لا تحلك الووب ولا الووبين جنابو عمر جابلو خبراً زين قال لبن العشر مو ضار فيه كم فتمين بس خايف من الطوطيح والهوركين ندهتلك الاولياء اهل الصلاح والدين يقيفولك جمله يكفوك شر العين الناعسة خلقه ما بقصد عيون واحدين الدغس البعقبن الطلقه بالطعين سلاحاً امضى من النووى وافتك من المرتين منو عاد يا عمر اخوى تطير وين؟ عاد يا رب العباد يا كريم وحنين احفظ ود على حسن بى برا ويسن

---

Post: #215 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-09-2014, 07:55 AM Parent: #214 . Quote: ياجرح غوّر إنشا الله ما بريتا آمنت بالله .. الشي جرِح سكري ولا شنو ؟ ههههههههههه وبي مناسبة الشعراء العمالقة ديل يا راشد مرة قلت لود الموج الجماعة ديل الواحد فيهم تشكيلي قبل ما يكون شاعر ، يعني بعاين للموصوف بعين التشكيلي ، بعدين بقول الداير يقولو . بعدين شوف حكاية : الجرحو نوسر بي .. غور في الضمير فوق قلبي خلف الكي ياخ دا حُب شايل سكينو وحايم . وبمناسبة الجروح دي شوف الخليل كيف ابدع : نِجومك يا ليل ، ولا جيش معبى وغاير ومشتاق مِتلي يا ليل ، ولاّ ساكِت غاير طويل ومسيخ ومعتم ، لاك مريِّح غاير أضاير في همومك ويمشي جرحك غاير أما غاير الأولى فمن الإغارة وهي أحد أساليب الهجوم ، وأما غاير الثانية فمن الغيرة ، وأما الثالثة فتعني ( قا طع وشَّك ) وأما الرابعة فخلِّيها ساي ! بس ما متذكر كويس ( مريِّح أم مروِّح ) وعند ود الموج الخبر اليقين . وعلى نهج الخليل قلت : يوم قسَّـموهُ النـوم للخِلـوق أنا ليْ لا الحُمى الفي العُضام ساكنه من كم ليله في الليالي بدور وانا ليلتي حالكه وليلا المارِضني دا الجنن قبيل قيـس ليلى فأما آخر الشطرة الثالثة فالليلة الليلاء ‘ الشديدة الظلام وقد حُذِفت الهمزة لضرورات القافية .

---

Post: #216 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-09-2014, 10:36 AM Parent: #215 Quote: بعدين شوف حكاية : الجرحو نوسر بي .. غور في الضمير فوق قلبي خلف الكي ياخ دا حُب شايل سكينو وحايم . وبمناسبة الجروح دي شوف الخليل كيف ابدع : نِجومك يا ليل ، ولا جيش معبى وغاير ومشتاق مِتلي يا ليل ، ولاّ ساكِت غاير طويل ومسيخ ومعتم ، لاك مريِّح غاير أضاير في همومك ويمشي جرحك غاير أما غاير الأولى فمن الإغارة وهي أحد أساليب الهجوم ، وأما غاير الثانية فمن الغيرة ، وأما الثالثة فتعني ( قا طع وشَّك ) وأما الرابعة فخلِّيها ساي ! بس ما متذكر كويس ( مريِّح أم مروِّح ) وعند ود الموج الخبر اليقين . وعلى نهج الخليل قلت : يوم قسَّـموهُ النـوم للخِلـوق أنا ليْ لا الحُمى الفي العُضام ساكنه من كم ليله في الليالي بدور وانا ليلتي حالكه وليلا المارِضني دا الجنن قبيل قيـس ليلى ومن ذلك القول الرائع - يا سعادتك - والذي يتميز بالمحسنات البديعية ، لا سيما الجناس بانواعه ، هو ما قاله " الصادق حمد علي الحلال الشكري " وهو يتحدث في الشطر الأكبر منه عن جمال محبوبته : ساقك شمعدان عرافة مو مطَّقـــــــــــــــــــــق مشيك سنيد وحاة الله وعليه محــــــقق سلاحك جوه في ريشات قلوبنا يشقق نويح الليل عليك صبح لساني ميقق *** قلبي مفشل المدره أم سحابتن عاتمة ودوقي مبرجة الدرعة أم سماحتن خاتمة فرت باسمه تحل الضماير الكاتمة ضراب اب سنونا هاتمة وايضا ما قاله الشاعر الحاردلو : الليلة المعيز ما ظني أنا ملاقيهن ناطحات البطَّين أدن قليلة قفيهن سمعن طنت الشادي وكتر صفيهن وعند الأصفرار جِفْلَن بشوف لصفيهن

---

Post: #217 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 09-09-2014, 10:45 AM Parent: #216 Quote: ساقك شمعدان عرافة مو مطَّقـــــــــــــــــــــق مشيك سنيد وحاة الله وعليه محــــــقق سلاحك جوه في ريشات قلوبنا يشقق نويح الليل عليك صبح لساني ميقق *** قلبي مفشل المدره أم سحابتن عاتمة ودوقي مبرجة الدرعة أم سماحتن خاتمة فرت باسمه تحل الضماير الكاتمة ضراب اب سنونا هاتمة وايضا ما قاله الشاعر الحاردلو : الليلة المعيز ما ظني أنا ملاقيهن ناطحات البطَّين أدن قليلة قفيهن سمعن طنت الشادي وكتر صفيهن وعند الأصفرار جِفْلَن بشوف لصفيهن جميل ماتنتقي يا الطيب أخوي ذوقك والله رااااااائع وذائقتك عالية .. تسلم كل الشارحين لأدب الحاردلو أوردوها كما تفضلت "كتر صفيهن" لكنني أظن أن شيخ الحردلو قال " كتر صنفيهِن" لأن بعد سماع الطنَّة الصيد بتصنف اي ترخي السمع.... ! وأيضا قد تصف رجلها معزتي

---

Post: #218 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-09-2014, 10:53 AM Parent: #216 سلام أهل الدار من جم الخواجة الله يقصو ماسكني أم عضيم ومشاغل أخري أنفض منها الليد وأتكاملكم أقعدو عافي.

---

Post: #219 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-09-2014, 11:09 AM Parent: #218 Quote: كل الشارحين لأدب الحاردلو أوردوها كما تفضلت "كتر صفيهن" لكنني أظن أن شيخ الحردلو قال " كتر صنفيهِن" لأن بعد سماع الطنَّة الصيد بتصنف اي ترخي السمع.... ! تسلم يا العبيد - كلامك صاح بقصد الصنفة وهي وقفة الصيد صامتا و متلفتا يمين وشمال عند سماعه الاصوات الغريبة . دي اللحظة ، يا العبيد اخوي، البنقر فيها الصياد الحريف تتق البندقية على راحتك يا راشد لكن ود الموج صانف ليك

---

Post: #220 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-09-2014, 11:53 AM Parent: #219 يا أفوكاتو ود شيقوق سرقتا الباك دقائق وغفلت أب عيوناً خدر، خصماً علي البريك. ودي لي ود الموج لامن أصد، قلتا فوق الثلاثي العجيب ود الرضي والعبادي وأبو صلاح ديل ما براهم ...... هبشنا نماذج من الإتنين ودالرضي والعبادي، بس شوفو الإقتصاد في المفردة والسهولة الممتنعة في الوصف والدقة وال Images عند صالح عبد السيد أبو صلاح، والكتير منها للغرابة ... في أغانيه قليلة الترديد مثلاً في أغنية يا أم جبين بدري قال: الادين فطره .........من حرير اطري والضمير قبضه ......ما بزيد قطــره جــل أنشاك.........رقق أحشاك من تقل ردفك .....الضــمير شاكى النظم كاري .........واصله تذكاري حُقْ نهد فيهو ……..طابله افكـــارى قلبي لا تهدوا.......والمنام زهدوا يا نسيم أغشا ....والســـلام أهدوا طبعاً يا شيقا وكلم أولاد البندر مفردة الحُق الذي يحفظ فيهو عطر وعداد الجرتق (سبحة اليسر والجعارين والخرزة والحريرة والهلال وريال المشاهرة وجنيه الملك جورج الفضي ،،، إلخ) يمثل به النهد الصبي، (حق نهد فيهو طابلة أفكاري) وقال أيضاً في قصيدة جافي المنام لاسعني حييّ: خليك حنين رايـق بُنـي لاتتنـي قامـة الدابـو نـي املد خصـر خاتـي التُنـي حُـقْ نـهـدو يلعبـو التُنـي لا قدام ... البوست ده حيفتح سحارة الشعراء الآباء وممكن منو نلقي نظرة على الأوضاع الإجتماعية حينها ونتعرف على بعض ملامح البني الفوقية لمجتمع وسط السودان في عشرينات وثلاثينات وأربعينات القرن الماضي ونشوف كنا وين وهسع وين؟ نحنا إتراجعنا وإرتدينا لا ورا ... وبعيييييد كمان. قال مظفر النواب: قتلتنا الردة قتلتنا أن الواحد منا يحمل في الداخل ضده. برجع مع توفر البراح أقعدو عافي

---

Post: #221 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: صديق الموج Date: 09-09-2014, 01:04 PM Parent: #45 يا جماعه ود شيقوق وعمكم عمر على حسن ديل ناس كبار مابقدرو على المساسقة دحين فى كل صفحة الصورة دى ختو منها اتنين تلاته فكثيرها لا يضر.... ياشافعه بينا وبينك برير والتوم،،،

---

Post: #222 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-09-2014, 06:46 PM Parent: #221 ود المكي ود الموج ، ودشيقوق ود المقدم، والخال الجنرال سلام الكوبلي التحت ده برضو محسكن لي في نافوخي، حاكم سمعتو من تسجيل الأغنية بصوت الحاج سرور زي طرطومية مرة، ومقروء أو مسموع مع مقطع شموس عفة الوارد أعلاه (حليل الدُرْ حليل حُورّنْ ...... سِحِرْ هاروت سكن حُورِن) خلاني أقول جدنا العبادي ده ثقافتو مو ثقافة محلية، ولا أدري إن كان علي إطلاع وقراءة متعددة خارج نطاق الأدب العربي، الشطرة المقصودة كما أوردها ود الموج ومرقونة في أكثر من سجل بتقول: هادى نادى الغامق خضاره ..دون تكلف لهج الحضاره Quote: شوف جمال البدو مو مضاره .. شوف دى صفره الفضحت نضاره هادى نادى الغامق خضاره ..دون تكلف لهج الحضاره شفت فيها البهاء والنضاره .. شئ يعيد الروح فى احتضاره الخضار والماء والجمال وسمعتها من سرور كالآتي: هادي نادي الغامق خداره دون (تجندر) ولهجة حضارة عشمي الإستماع لها من سرور (اليوتيوب) وإفادة دكتور أحمد القرشي وود الموج ربما أجلت هذا الأمر وربما فتحت الباب لإعادة البحث في سيرة العبادي تحت أضواء جديدة أنا أقرأ في نصوص وإنتاج هذا الجيل أكثر من مجرد الإمتاع والدهشة و(النيرفانا) الفنية بالبحث الجواني ممكن نتعرف علي سمات وعلامات ثقافية إجتماعية إقتصادية ... إلخ لم يتيحها لنا الإعجاب الظاهري والقشري بمنتوجهم والرائج الآن في كثير من المحافل أبادر بالإعتذار من ود المكي والأحباب لو (التمبو) بتاعي في البوست بقى معسم وكُتر كُتُر حاكم بغية البحث عن فهم باطني لي مجتمعنا السوداني من خلال تجليات فنو ولغتو وأكلو ولبسو ...وووو .... مهجسة بي من زمان أقعدو عافي لامن نلقى الفرقة

---

Post: #223 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-09-2014, 07:06 PM Parent: #222 http://www.youtube.com/watch?v=KfyeJCSeoUshttp://www.youtube.com/watch?v=KfyeJCSeoUs ده رابط الأغنية في اليو تيوب وده نص الأغنية (بعد تصحيحة من خلال قراءة سرور عن العبادي) شوف محاسن حسن الطبيعة العبادي شوف محاسن حسن الطبيعة ..تلقى هيبة وروعة وجلال صاحي شاهد هاهي الطبيعة ..زاهية زاهرة في زهور ربيعة دون سواقي يسرف نبيعه .. ما في شتلة السائم يبيعه ما في صيدة انقادت تبيعه .. دون مجالب حسن الطبيعة لا تصنع صبغة دلال شوف نواحي الوادي الخديره .. والحمائم يشجيك هديره تلقى بدر التم في غديره ..دي المحاسن وانا قلبي ديره صاحي املأ عيناك وديره .. شاهد ايد الصانع القديره تُملا بهجة وعظمة وجلال فوق هضاب الوادي الوثيرة ..الزهور منظومة ونثيره عن جمال البدو تُبدي سيره ..وعن محاسن البادية الكثيره والجداول في حال مسيره ..في جبينه التل زي مسيره والغداير حول الهلال شوف هداك الصيد لجّ شارف ..يرعى ناله الحول المسارف اوعى من الخور سيلو جارف ..ميل شمالك وابرى المصارف عُجّْ على السيال ظلو وارف.. دائي بنت البدو وانت عارف بل شفاي من دائى العضال بهوى يا اخي السكنت براحه .. في هدوها وعز انشراحه في غدوها وساعة مراحها بهوى فيها الحيا والصراحه ما بتجول بكرب خاضبه راحه ..يا خي بعشق جارة مراحه في ربوعه الخلف التلال شوف جمال البدو مو مضارى .. شوف دى صفره الفضحت نضاره هادي نادي الغامق خضاره ..دون تجندر لهجة حضاره شوف طبيعة البدو والنضاره .. شئ يعيد الروح في احتضاره الخضار والماء والجمال دون فصاده سواك الهك ..والابار ما لمسن شفاهك بي فظاظه ما فاها فاهك .. فطره ادبك وطبع انتباهك دون تعلم مثبوت نباهك .. ما بيدروا ديل جهلوا جاهك الحقيقة تناجي الخيال

---

Post: #224 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبد المنعم سيد احمد Date: 09-09-2014, 08:10 PM Parent: #223

---

Post: #225 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبد المنعم سيد احمد Date: 09-09-2014, 08:20 PM Parent: #224 هذه الاغنية مهداة للزعيم ود شيقوق

---

Post: #227 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-09-2014, 08:42 PM Parent: #225 ود الموج Quote: يا جماعه ود شيقوق وعمكم عمر على حسن ديل ناس كبار مابقدرو على المساسقة دحين فى كل صفحة الصورة دى ختو منها اتنين تلاته فكثيرها لا يضر.... ياشافعه بينا وبينك برير والتوم،،، هههههههههههههههها منو القال ليك عندو صبر لحدى يفتش ليها الصفحات يا مسنوووووووح برنت اوت وامامي في الطاولة شوف خالي فدياس عامل معاها شنو؟

---

Post: #226 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-09-2014, 08:34 PM Parent: #224 اخي راشد الله يخليك فقد امتعتنا بدرر ولآلي دهاقنة شعر الحقيبة Quote: قلتا فوق الثلاثي العجيب ود الرضي والعبادي وأبو صلاح ديل ما براهم ...... هبشنا نماذج من الإتنين ودالرضي لقد ذكر الأخ الدكتور احمد القرشي في سياق حديثه عن الحزن في اغنية الحقيبة السودانية بان أول أغنية سودانية صرخ فيها العبادى بأعلى صوته باكيا نائحا...... ببكى وبنوح وبصيح ........للشوفتن بتريح فرع النقا المميح ......منه المسك ....يفيح وقتين صباحه يبيح........بلبل قلوبنا يصيح و أضاف القرشي قائلا : التعبير عن الحزن بالبكاء بالصوت العالي عند السودانيين مألوف عند الرجال والنساء خاصة عند الوفيات ..ولكن العبادى بكى في ساحة الجمال..ولم يقف العبادى عند هذه الأغنية بل استصحب معه دموعه في معظم أغانيه ..وفى أغنيته الرائعة حليل رياضنا الغنا ...صداح هزارها لغنا..... زرف الدموع كثيرا..... عمل الدهر دى العملة.................جرد على الحملة فارقت دورن جملة....................تفرغ عيوني وتملا مر يانسيم بى جارى.................واحكيله كل الجاري قول ليه دمعه الجاري...........في خدوده سوى مجارى ذكرى الحبيب عاطرانى...........كابه الدموع ماطرانى الزما......والاطرانى.............سيان....... لو تطرانى ياريته لو.... وافاني ..........قبل اندرج في اكفانى أنا كنت أعده لفاني ...............وما كان منامي جفاني كلمات مشحونة بالشجون سكب فيها العبادى أحاسيسه ومشاعره إبداعا .....لتهطل الدموع أمطارا تغمره وترسم مجارى على خدوده .....صورة إبداعية جميلة..... ويواصل العبادى... فقت الحضر والبادي......وفقت الختم والبادي ثغرك برق عبادي........ويمطر جمر في كبادي هذه الجمرة لاتطفبها إلا هذه الدموع الغزيرة.... البادي الأولى يقصد بها البدو والثانية من البداية هذا جناس تام....... لحن هذه الأغنية الحاج محمد احمد سرور وسجلها للإذاعة أولاد شمبات وبالموسيقى عبدا لعزيز محمد داود.....نواصل... تسلمي اخي راشد ولله درك يا ود القرشي

---

Post: #228 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-10-2014, 02:05 PM Parent: #226 أخوي ود شيقوق مشكور علي جلب الشذرات الهامة والموحية أعلاه، تابعت كتابات الإسطين الدكتور أحمد القرشي، وهو في نظري من أعمق الباحثين في تراث الحقيبة، ربما أفدت منه في تحليل الملاحظات التي أوردتها أنا بشأن جدنا إبراهيم أحمد بابكر العبادي والسؤال: (هل كلمة تجندر) الواردة في الكوبلي المشار إليه في مداخلة سابقة في هذا البوست تحمل ذات المعنى في اللغة الإنجليزية Gender أم لها معنى آخر؟ وإن كلن لها معنى آخر ما موقعة من الشطرة (دون تجندر لهج الحضارة) أو (دون تجندر ولهجة حضارة)؟ قد يبدو الأمر كسلخ الناموسة بشأن كلمة واحدة، لكنه، في نظري قد يؤشر لأشياء عديدة ويؤثل لزاوية نظر في التأمل في تراث العبادي. إن صح زعمي أو إحترازاً -ظني- سيسهل فهم مواقف ورؤي إجتماعية أومأ لها العبادي في شعره منها شذرات في ذات القصيدة كتغزله وإستملاحه للبنت (المرها) غير المشلخة وغير مدقوقة الشفة: الإبار ما لمسن شفاهك بي فظاظة ما فاها فاهك أي لم تدق شفاهك (بالإبار) في هذه الممارسة التي وصفها بالفظاظة التي لا تستحقينها ولا يستحقها (فاهك) الذي لم يتلفظ أو يستخدم الفظاظة قط، وضمناً، تأكيد وإشارة لحسن الخلق واللطافة والحياء، ربما نمد كشاف التحليل ونتجاسر بالقول أن العبادي الذي يستفظع مجزد (دق) الشفاه (بالإبار) قطهاً سييستبشع الخفاض الفرعوني وختان الإناث وكل الممارسات الشبيهه ضد المرأة التي يكِّن لها الإحترام والتبجيل أنظر: شوف هداك الصيد لجّ شارف ..يرعى ناله الحول المسارف اوعى من الخور سيلو جارف ..ميل شمالك وابرى المصارف عُجّْ على السيال ظلو وارف.. دائي بنت البدو وانت عارف بل شفاي من دائى العضال أو المقطع الآخر الذي يمجد فيه الفتاة المليحة التي تسعي لكسب عيشها وتشارك في العمل والإنتاج وفقاً لنمط الإنتاج السائد في محيطها وزمانها: بهوى يا اخي السكنت براحه .. في هدوها وعز انشراحه في غدوها وساعة مراحها بهوى فيها الحيا والصراحه ما بتجول بكرب خاضبه راحه ..يا خي بعشق جارة مراحه في ربوعه الخلف التلال أتعشم أن يتثير هذا الزعم الدكتور القرشي والأخ الباحث المدقق أحمد الأمين أحمد وإضافة ما لديهما من نظر ورؤى هي محل التقدير. يا سيد الحوش ود المكي وكل المشاركين معليش لو شحنت البوست بهذا القدر من الطنقعة كان ودرت الدرب في الموية ... قولو لي وأقعدو عافي

---

Post: #229 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-10-2014, 03:19 PM Parent: #228 . كان ودرت الدرب في الموية ... قولو لي لا واللهِ .. بالعكس فأنت قد أعطيت البوست بعداً إضافياً زاده ثراءً ، فلا بأس أن تشمل سياحتنا هذه كل ضروب الفن والأدب والجمال ، والعبادي نفسه شاعر دوبيت لا يُشق له غبار .. كما رفد الغناء بأجمل الأغاني التي ظلت خالدة مع تعاقب الأجيال ، وتغير الزمن وأدواته . وبالمناسبة أخونا ود الموج من المهتمين والباحثين في هذا الضرب من الفنون ، بحسب متابعاتي فالرجل له صولات وجولات في هذا المجال ، وشارك في الكثير من الليالي واللقاءات متحدثاً عن فن الغناء وبالتحديد ( الحقيبة ) .. وأظنه الآن يتابع .. وحتماً سيأتي. كثيرون أثروا الساحة بالكتابة عن فن الغناء الشعبي : معاوية حسن يس كتب (من تاريخ الموسيقى والغناء في السودان ) جاء في ما يقارب السبعمائة صفحة ، لم يغفل أي شاعر من شعراء الحقيبة ، وقد تصدرهم العبادي . الأستاذة فاطمة مدني وندوتها التي كانت تقيمها في بيتها كان العبادي فارسها في تقديري وقد وثقت لها في كتابها ( لمحات من الأدب الغنائي الشعبي ) . ولي عودة

---

Post: #230 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-10-2014, 04:28 PM Parent: #229 ود المكي بالحيل خابرو ود الموج ومعاوية ياسين قريت مساهماته التوثيقية وغيرهم لكنني لم أطلع على كتاب فاطمة المدني، دلني على كيفية الحصول عليه وينوبك ثواب، وشاكر علي تفضلك بالترحيب علي شقيق الدروب ده. وأكون سعيد ممنون لو الذكرتهم ديل جونا بي هنا، موضوع معارف الأعملم ديل الكوزموبولوتينية ده هو الماكل معاي سبيكة. يلا لي قدام وأخوك مغروض في رفد العندو بالجديد. أقعد عافي يا ود المكي أخوي

---

Post: #231 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-10-2014, 07:03 PM Parent: #230 Quote: يا سيد الحوش ود المكي وكل المشاركين معليش لو شحنت البوست بهذا القدر من الطنقعة كان ودرت الدرب في الموية ... قولو لي لا لا يا أستاذ راشد شطحت شنو يا العشاء ؟ والله متابعة لهذا الكلام الجميل الرائع السلس والسليم لغة و موضوعا بكل شغف

---

Post: #232 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: صديق الموج Date: 09-11-2014, 01:25 AM Parent: #223 راشد يا الحبيب ده تصحيح لتصحيحك لا ندعى فيه الكمال ولكنه زعم من ترتيب الكلام يبدو فيه شى من المعقولية وسماحة غناء الحقيبة ده كل زول بعاين ليه من زاويته وده من اجمل الاشياء فيها، والكلمات التى تم تصحيحها سوف اضعها لكم ين قوسين بعد الكلمه الواردة فى نص اخونا راشد واتمنى ان تجد التدقيق والتصحيح الكافى لاننا نوثق لسنوات قادمات كتار لكى لا يندثر هذ الجمال: Quote: ده رابط الأغنية في اليو تيوب وده نص الأغنية (بعد تصحيحة من خلال قراءة سرور عن العبادي) شوف ( من ) محاسن حسن الطبيعة العبادي شوف (من ) محاسن حسن الطبيعة ..تلقى هيبة وروعة وجلال صاحي شاهد هاهي الطبيعة ..زاهية زاهرة في زهور ربيعة دون سواقي يسرف نبيعه .. ما في شتلة السائم يبيعه ما في صيدة انقادت تبيعه .. دون مجالب حسن الطبيعة لا تصنع صبغة دلال شوف نواحي الوادي الخديره .. والحمائم يشجيك هديره تلقى بدر التم في غديره ..دي ( هن محاسن ) المحاسن وانا قلبي ديره صاحي املأ عيناك وديره .. شاهد ايد الصانع القديره تُملا بهجة وعظمة وجلال فوق هضاب الوادي الوثيرة ..الزهور منظومة ونثيره عن جمال البدو تُبدي سيره (تروى سيرة ) ..وعن محاسن البادية الكثيره والجداول في حال مسيره ..في جبينه (جبين) التل زي مسيره والغداير حول الهلال شوف هداك الصيد لجّ شارف ..يرعى ناله الحول المسارف اوعى من الخور سيلو جارف ..ميل شمالك وابرى المصارف ( المطارف) عُجّْ على السيال ظلو وارف.. دائي بنت البدو وانت عارف بل شفاي من دائى العضال بهوى يا اخي السكنت براحه .. في هدوها وعز انشراحه في غدوها وساعة مراحها بهوى فيها الحيا والصراحه ما بتجول بكرب خاضبة راحه ..يا خي بعشق جارة مراحه في ربوعه الخلف التلال شوف جمال البدو مو مضارى .. شوف دى صفره الفضحت نضاره هادي نادي الغامق (غامق) خضاره ..دون تجندر (تجنتل) لهجة حضاره (لهج الحضارة) شوف طبيعة البدو والنضارة (شفت فيها البهاء والنضارة) .. شئ يعيد الروح في احتضاره الخضار والماء والجمال دون فصاده سواك الهك ..والابار ما لمسن شفاهك بي فظاظه ما فاها فاهك .. فطره ادبك وطبع ( و طبعه ) انتباهك دون تعلم مثبوت نباهك .. ما بيدروا ديل جهلوا جاهك الحقيقة تناجي الخيال (الحقيقة بناجو الخيال)

---

Post: #233 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-11-2014, 08:01 AM Parent: #232 Quote: الناس ديل ما براهم أبداً ... وجدنا العبادي له ولع خاص بالبادية وجمالا وذكرها في الكثير من شعره وعندما رد عبيد عبد الرجمن علي قصيدة الخليل في الضواحي وطرف المداين بي قصيدته من محاسن حسنو المحاسن صحيح يا راشد فقد بدا الحملة على الشلوخ شيخ ‏شعراء الحقيبة ابراهيم العبادى غير ان الشاعر عبيد عبدالرحمن قد ذهب الى غير ذلك عندما تغنى للشلوخ في ‏اغنية من محاسن حسن المحاسن عندما قال قال ...‏ بين خدودن وبين انفصادن يجرى بحر السيف يروى صادن ‏ شوف عيونه الاكباد حصادن والبطير ما طار من مصادن ‏ ناعسات كاحلات صابنى صادن كيف اطيق الموقف قصادن ‏ ما بطيق رميات النبال ‏

---

Post: #234 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-11-2014, 09:41 AM Parent: #233 Quote: هادي نادي الغامق (غامق) خضاره ..دون تجندر (تجنتل) لهجة حضاره (لهج الحضارة) شوف طبيعة البدو والنضارة (شفت فيها البهاء والنضارة) .. شئ يعيد الروح في احتضاره الخضار والماء والجمال ود الموج يا حبيب ... أقبل وبلا منازعة كل التصحيحات التي أوردتها، بإعتبار أنها في جلها لم تخرج عن تعدد قراءات عدا شطرة في (جبينه) أو (جبين) التل وروايتك هي الأصح عروضاً ومعني وهكذا فهمتها أنا بأمارة محاولة الشرح التي أوردتها عن تشبيه الجداول حول التل بالمساير. نجي للكنتة ذاتها، وهي لفظة (تجندر/تجنتل) وكلاهما يومئ لتعريب لفظة إنجليزية!!!! ولكنني أرجح تجندر - إذا أسلمنا بمعرفة شيخ العبادي وإلمامه بمفردات اللغة الإنجليزية- بدالّة أن المشار إليها فتاة/أنثي، أولاً وإن كان تجنتل مستولدة من جنتل/جنتل مان سيكون مخالفاً لذوق العبادي وذائقة مستمعية تعريف أو وصف فتاة بما درج الناس على وصف الرجال به. وطالما ـ قراءتي ـ تنحى نحو الإعتقاد بأن للعبادي مفاهيم ورؤي تناصر المرأة، وبما أن كلمة (جندر) مصطلح معروف كمصطلح قاموسي (قبل حقنه بحمولات مفاهيمية وإيدولوجية حديثة)، أقول، يمكن للقارئ للكتابات المتعلقة بالسياسة وعلم الإجتماع العثور عليها حتى في زمن شيخ العبادي، يبقى السؤال: في كلتا الحالتين تجندر أو تجنتل ... ألا يشي ذلك بمعرفة العبادي لمفردات متخصصة في لغة أخري، وأعني الإنجليزية؟ وإن كان الأمر كذلك، فحري به إستخدام تجندر وليس تجنتل لمطابقة مقتضي حال القصيدة والمضمر من رسائل فيها ومحمولات لفظة (تجندر). عموماً ليست هذه رؤيا وثوقية حول الأمر، بل هي مقاربة لقراءة العبادي من خلال فرضية أنه يمتلك معرفة موسوعية وإلمام باللغة الإنجليزية (لغة المستعمر حينها، ولغة التعليم العالي في ذلك الزمان) تجلت في شذرات أخري في كتاباته، الميثولوجيا الأوربية، الإنحياز الواعي لقضايا المرأة، إستلهام صور شعرية غير مألوفة في ذلك الزمان ... إلخ. سينسف فرضيتي هذه حقيقة عدم معرفة شيخ العبادي باللغة الإنجليزية ـ حال إثبات ذلك ـ أنقل هذه المقتطفات من عدة مصادر مع العلم بأنه لم يتوفر لها تحقيق رصين، كل ما أقوم به هو مضاهاة النصوص المكتوبة بالنصوص المغناة بواسطة الأساطين (سرور، كرومة، برهان، أولاد شمبات، أولاد الموردة، عوض الجاك ... وطبعاً بادي ومبارك حسن بركات) فجلهم غنى في حياة العبادي وأجزم بأنه حرص على تصحيح أي زحاف أو تصحيف. إعتبروآ ما أوردته من - زعم - قابل للدحض مجرد Food For Thoughts أقعدو عافي

---

Post: #235 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-11-2014, 10:11 AM Parent: #234 أخي الطيب الطيب، Quote: غير ان الشاعر عبيد عبدالرحمن قد ذهب الى غير ذلك عندما تغنى للشلوخ في ‏اغنية من محاسن حسن المحاسن عندما قال قال ...‏ تصور يا شيقوق أخوي هذا الموقف (ضمن مؤشرات أخري) هو ما دفعني للتأمل في شعر الحقيبة بتعمق يتجاوز متعة الشعر والغناء عبيد كتب قصيدته التي أوردت آنت مقاطع منها أعلاه معارضة لقصيدة الخليل (في الضواحي وطرف المداين) ومزريا أو منتقصاً من المميزات التي احتفى بها الخليل في البادية وساخراً من تغزله في البادية وصيدها ورمالها وجمال فتياتها حيث أورد: مالى والغزلان فى تلالن ايه ينيل قناص غير علالن كيف أطيق وأتحمل ملالن بعشق الغانيات فى ظلالن بعشق التايهات فى دلالن بعشق الهيباتن جلالن بعشق الأخلاق والكمال فكتب العبادي قصيدته( شوف محاسن حسن الطبيعة) مؤكداً لموقف الخليل ومعدداً ما يجذبه هو إلي البادية ومن زاوية النظر التي يراها بها! There is no point of view, Except from a view point ويتضح لي هنا بأن عبيد عبد الرحمن، رغم نشوءه في المدينة وشاعريته العالية إلا إنه كان أكثر محافظة في رؤاه الإجتماعية من العبادي والخليل. محاولة سبر أغوار الدوافع المسببات لهذين الموقفين هو ما دفعني لطرح الفرضية أعلاه، علماً بأن الخليل خريج كلية غردون ومناصر الحركات الوطنية ضد الإستعمار لا يُستنكف أو يُستغرب منه هذا الموقف. وهل لمساندة العبادي للتيار الإستقلالي وللسيد عبد الرحمن دلالة في هذا الشأن؟ أقعدو عافي

---

Post: #236 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-11-2014, 10:16 AM Parent: #235 أها البريك خلص وبصدلكم بتن في العشية الخواجوووووووو الله يصرف الخاواجات وياحليل حُميّد.

---

Post: #237 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 09-11-2014, 10:42 AM Parent: #236 سلاااام العاجبني في الناس ديل مع شعرهم الرزين ومفردتهم الرائعة قالوا أكثر شعرهم دي ... لأن البيوت فضت بعد معركة كررري وأم دبيكرات وتلقي البيت فوقو سبعة إلي تمانية بنات...... واولاد العمومة والخؤولة أكثرهم إستشهد في المعارك لذا كان لابد من مدح البنات حتي يتم زواجهن................ لذا سخروا أكثر شعرهم ل المرأة السودانية وإظهار صفاتها الحميدة خلقا وخلقا وأظن شعرهم ساهم كثيرا في زواج الفتيات دي محمدة ما أظن حتي سياسي بلادي ولا علماء الإجتماع والدين إلتفتوا لها............ لله درهم من قوم ملأوا البيوت والقلوب فرحا...........

---

Post: #238 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-11-2014, 12:59 PM Parent: #237 حباب ود المقدم جيتاً جيت، ملاحظتك ربما كانت صائبة في عمومها من جهة الأمهات البحرصن على جمال بناتن يوم اللعبة عسى أن (يقطع) فيهن شاعر غنوة ربما كان في دواخل بعض هؤلاء الشعراء ما تفضلت به من تفسير لكن الراجح (في ظني! مع تناقض العبارة) أن هؤلاء الشعراء يعشقون الجمال في روحم الغالية دي ويتبارو في الوصف من أجل إبراز المواهب، خاصة بعد إنقسامهم لمعسكرين، معسكر سرور ومعسكر كرومة - وده بطول فيهو الكلام - بالتأكيد هنالك أكثر من سبب وملاحظتك واحد منهم تقديري الذي تعلم

---

Post: #239 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الفاتح ميرغني Date: 09-11-2014, 04:16 PM Parent: #238 " يا ام ضفاير قودي الرسن" الجنرال الاديب محمد فضل الله المفروض نطلق على هذا الربع : " رباعيات شيقوق". شكرا عزيزنا عبد المنعم. لقيتك زول غوّاص وختري لوووووووول. محبتي

---

Post: #240 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: وضاحة Date: 09-11-2014, 04:54 PM Parent: #239

---

Post: #241 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-11-2014, 05:41 PM Parent: #240 يا راشد الله يطول عمرك Quote: ويتضح لي هنا بأن عبيد عبد الرحمن، رغم نشوءه في المدينة وشاعريته العالية إلا إنه كان أكثر محافظة في رؤاه الإجتماعية من العبادي والخليل. صحيح - يا استاذي - الشاعر عبيد عبد الرحمن من عمالقة شعر الحقيبة ولقد سبق معاصريه بالأخيلة المدهشة والصياغة المحكمة والكلمات الرقيقة المهذبة ويكفي ان وصفه الشاعر عبد الرحمن الريح بقوله : كم عبيد فى شعره الرصين كان مثال اللبق الأمين منه تظهر فى كل حين تحفه تشجى الناس أجمعين فان كان هو - أي العبيد - اكثر محافظة في رؤاه الاجتماعية ففي تقديري ان الخليل ،رغم انه من الناطقين بغيرها ، ولكنه اكثر عمقا في رؤاه البيئية ويكفي وصفه لمفردات طبيعة خارج البيئة التي نشأ فيها ويبرز ذلك بوضوح في قصيدة الضواحي وطرف المدائن .

---

Post: #242 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-11-2014, 05:46 PM Parent: #241 الفاتح طوكيو والله بكري كان ........... ما يسميهو ليك كدا

---

Post: #243 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-11-2014, 05:48 PM Parent: #242 وضاحة المسنووووووووووووووووحة خمشتي الفديو دا من وين اها سمعتي غناء عمك في خالك شيقا كيف ؟ بالمناسبة الجلسة دي كانت في البردانة

---

Post: #244 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-11-2014, 06:13 PM Parent: #240 . تترنَّع تقول البانة نديان خدها الطربانة زي الزهرة في إبانه جات تتمايل العرجونة قول لأهلنا ما ترجونا ما بضوق السراح مسجونا آه من طلعتا البدريَّة واعضاها اللطيفة طريَّة فاها من الفظاظة بريَّة يتلالا كأنو ثُريا وهذه من رميات العبادي التي اشتهر بها ، لكنها في تقديري ليست في جمال الرمية التي اصبحت على لسان كل محبي فن الحقيبة ، وما صعد فنان حقيبة على مسرح ، أو غنى في بيت عرس إلا و افتتح بها غنائه : الجرحو نوسر بي غور في الضمير فوق قلبي خلف الكيْ يا ناس الله ليْ كان ما الشي قِسم وانا عقلي مُدّاير ليش عاشق المدلل بيهو شِن داير يمشي الكيْ قبل وينسِّف الداير والديس الغزير لي قامتُه يضاير والمَحيَ المِتِل قمر العِشا الداير يَتِب في عَجَن ويقول لِي شِن داير حِماك بالعزول طاش الفِكِر حاير ويا ناس الله لي شيقااااااااااا ويا سلا م عليك الفاتح ميرغني اخوي .. وبتنا الطالعة في ضهر الجمل دي واثقة من نفسها شديد ،ومعتده بنفسها ( دي طبعاً شهادة ولدنا د. ياسر وهو إخصائي نفسي معاي في ها اللحظة ) . ويا العبيد اخوي ناس العبادي ديل أول ما البنات يجمعن في السباته ، شيطان شعرهم بيجي، وخلال الرقيص كذلك ، كثير من القصائد الرائعة ولدت قطع اخدر أثنا ء الحفله . والله يا وضاحة ما عارفك مِحن العجايز دي بتجيبيها من وين ؟ ههههه وباللهِ يا ود الموج اضبط الرميات دي أكون شترت فيها شي كامِل المحبة

---

Post: #245 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: صديق الموج Date: 09-11-2014, 06:24 PM Parent: #234 Quote: نجي للكنتة ذاتها، وهي لفظة (تجندر/تجنتل) وكلاهما يومئ لتعريب لفظة إنجليزية!!!! ولكنني أرجح تجندر - إذا أسلمنا بمعرفة شيخ العبادي وإلمامه بمفردات اللغة الإنجليزية- بدالّة أن المشار إليها فتاة/أنثي، أولاً وإن كان تجنتل مستولدة من جنتل/جنتل مان سيكون مخالفاً لذوق العبادي وذائقة مستمعية تعريف أو وصف فتاة بما درج الناس على وصف الرجال به. وطالما ـ قراءتي ـ تنحى نحو الإعتقاد بأن للعبادي مفاهيم ورؤي تناصر المرأة، وبما أن كلمة (جندر) مصطلح معروف كمصطلح قاموسي (قبل حقنه بحمولات مفاهيمية وإيدولوجية حديثة)، أقول، يمكن للقارئ للكتابات المتعلقة بالسياسة وعلم الإجتماع العثور عليها حتى في زمن شيخ العبادي، يبقى السؤال: في كلتا الحالتين تجندر أو تجنتل ... ألا يشي ذلك بمعرفة العبادي لمفردات متخصصة في لغة أخري، وأعني الإنجليزية؟ وإن كان الأمر كذلك، فحري به إستخدام تجندر وليس تجنتل لمطابقة مقتضي حال القصيدة والمضمر من رسائل فيها ومحمولات لفظة (تجندر). عموماً ليست هذه رؤيا وثوقية حول الأمر، بل هي مقاربة لقراءة العبادي من خلال فرضية أنه يمتلك معرفة موسوعية وإلمام باللغة الإنجليزية (لغة المستعمر حينها، ولغة التعليم العالي في ذلك الزمان) تجلت في شذرات أخري في كتاباته، الميثولوجيا الأوربية، الإنحياز الواعي لقضايا المرأة، إستلهام صور شعرية غير مألوفة في ذلك الزمان ... إلخ. سينسف فرضيتي هذه حقيقة عدم معرفة شيخ العبادي باللغة الإنجليزية ـ حال إثبات ذلك ـ راشد الحبيب ياخى سلام من هنا لاعندك وللناس السمحين الملمومين حول شهدك المدفق ده. ده كلام مؤسس وحكى طاعم ونضم لا يمل وظللت استمع الى الحقيبه وانا ابن 12 عام والى الان اكتشف كل يوم جديد فيها واثمن لك هذا الاجتهاد المحمود والى منطلق اخر اخبرك لماذا رجحت انا دون تجنتل بدل دون تجندر لان تجندر من افرازات العولمه ولا اظنها كانت مستعمله فى ذلك الزمان و لاننى خلته فسر الجنتل بان هذه العظمة سواء ان كانت عند الرجال او عند النساء مفترض ان يواخيها غرور وهو يريد ان يظهر تواضعها مع كل مقومات تحضرها لذا قال دون تجنتل لهج الحضارة والله اعلم.. وثانياً لان جنتل هذه وردت عند ابوصلاح فى قصيدة سبعه ام صدراً علا حيث يقول ابو صلاح: شوف لحاظه البتتكلا **** حالفه تاذى الناس تكتلا...... والتمايل و الخنتلا ***** و الترهف (والجنتلا) والصدير المال فاتلا ***** الرديفه بناتلا اما معرفتهم بلغة المستعمر انذاك فى ذلك عجب بالاخص عند العبادى ولاحظ اعزك الله فى قصيدة حفلة خضر عمك العبادى بقول: الحفلة كانت حاجه بون شيكات الوف ماهن كوبون اشياء عزيزة على الجبون بروحك اقدم يا زبون شيكات وكوبون وبون كلها كلمات انجليزية طوعها العبادى حتى كأنك لا تحس بغربتها او غرابتها بل ود الرضى ذهب بعيدا وعرف بعض مفردات الانجليزية حيث يقول: تاتى القوده اتهادى امشى يا الفرى قودة ولى عودة مطولة ان شاء الله لاستعمالهم للمفردات الغير عربية بل تطويع العربيه نفسها قبل ان تدخل اضابير النحويين وسوف اتيك بما لا يمكن ان يخطر على بال الا مثل هولاء الافذاذ. ارقدو عافية،،،

---

Post: #246 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبد المنعم سيد احمد Date: 09-11-2014, 07:57 PM Parent: #245 Quote: نظرة يالسمحة أم عجن -- سيد عبد العزيز لو كان قليل تبرى الشجن أعرف صفا الأيام أفيقن أنظر جمال تلك الوجن دولات صدودك ماوعن ألامى وبى اتدرعن أبكى واصيح متضرعاً يا ناس دموع عينى ترعاً أرحمونى مارضنى الظعن أمالى جور لى قاطعن أحشاي هديل أتقطعن وبالفرقة نشابك طعن يا منبع النور والفطن يا الفقتى يعرب والرطن فى جوفى من حبك قطن يا جاهلة مليون ألف طن كيف أسلى عينيك والوجن يالبسمتك نور الدجن جسمك حرير ناسجة العجن ناضر وباللون انعجن الضاوية زى خديك من فى الدنيا يا نور الزمن أرواح نسائمك لى رمن نرجس مزج لى مسك اليمن ما احلاك يا الجيدك شدن يالعمرى فيك ضائع سدىً انا عندى شوفتك يا اللدن أحسن من الروح فى البدن يا منبع الذوق آه يا من حبك غرز فى الجوف كمن يا غالية قط ما ليك تمن إن هب او جار الزمن ليك السلام ما ولعن خديك بالنور يلمعن وعدد النجوم ما يطلعن يرضيك وبيك لى يجمعن سيد عبد العزيز ..يكون مر بذلك الفريق ولا كيفن كلامو طاعم خلاص.

---

Post: #247 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبد المنعم سيد احمد Date: 09-11-2014, 07:59 PM Parent: #246 يا أنة المجروح يالروح حياتك روح الحب فيك يا جميل معنى الجمال مشروح للحب زناد فى الجوف زى الزناد مقدوح منه الجبابرة تلين لصوت بلابل الدوح وتصاحب النسمات تفضل معاها تروح بين نغمة الأشواق ومحاسن الممدوح الناس تحب رؤياك بالخاطر المشروح يا ملفت الأنظار يابسمة المفروح وانا أهدىليك الحب حب من فؤاد مجرود حب الشحيح للمال حب ال######## للروح سورية فى السودان بحبى ليكى أبوح عنب جناين الشام أتمنى منه صبوح وانشد فؤادى الضال بين الرياض مذبوح وأرى الهلال فى ظلال تلك الخميلة يلوح أنا لو ضمنت رضاك اكون سعيد ممنوح يا من تسر رؤياك تفرح وتنسى النوح تكسى النهار بجمال خديك جمال ووضوح منه الغزالة تقيف فى موقف المفضوح من الوله للقاك دمعى الغزير مسفوح ناقم على الأيام مع أنه طبعى صفوح انا والخيال فى جدال وانت بنداك منفوح كل ما النسيم يغشاك زى الحديقة تفوح رايق كحيل نعسان انسان رقيق وجموح ساحر العيون بجمال فى سواك ما مملوح ان كان تميس بنميس ان كان تموج بنموج عدل الطبية جعل جور الحبيب مسموح

---

Post: #248 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-11-2014, 09:30 PM Parent: #247 يا ود الموج (بنكو) يا ركين ... ياخ علي النعمة حبابك مليون وأظنك وقعتا لي في الأتو بتاعي ... أعني شوارد الحقيبة ووحايدها الغرائبية بس اليومين ديل أخوك في بير ووقع فيهو فيل ... مشغوليات لامن غلط بس خت عندك في الحساب حفلة خدر (خدر حسن) الكاملين بلد أبو عثمان جقود وأبجوتار وهي بلدي أنا ومسقط رأس أبي ودرست فيها الثانوي حفلة خضر هذه (جيبو ليّ عقلي الودر يا أحوانا من حفلة خدر) سمعت تفاصيلها وأنا طفل من جدتي لأبي الزهراء بت علوب وكانت حضوراً ومن نجماتها كما يروى وفيها إشارات رمزية لحسناوات الكاملين من جداتنا وكان العبادي كثير الزورة للكاملين بحكم صداقات له فيها وقرابات في الحقيقة هو قريب جدي لأمي (إبراهيم شمعون) ولجدنا إبراهيم العبادي الآخر بالكاملين. كلامك صحيح مية في المية بخصوص إستخدام المفردات الإنجليزية وتعريبها كمان وللشاعر ود الرضي شعر بالفصحى ذو مستوي عالي لغةً وأخيلةً وعروض أما سلطان إستيلاد مفردات جديدة وتطويع الفصيح وسبكه في قوالب العامية السودانية فهو أبو صلاح بلا منازع . تنطلق الليد وأكون معاك بي (عدلّي) في البوش الباذخ ده، بس ما تنقطع يا موج ... الموج ما بكف عن الحراك المثابر وبجيك بالرواقة لملاحظاتك اللماحة. أقعدو عافي

---

Post: #249 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: صديق الموج Date: 09-12-2014, 06:15 AM Parent: #248 Quote: كلامك صحيح مية في المية بخصوص إستخدام المفردات الإنجليزية وتعريبها كمان وللشاعر ود الرضي شعر بالفصحى ذو مستو ي عالي لغةً وأخيلةً وعروض أما سلطان إستيلاد مفردات جديدة وتطويع الفصيح وسبكه في قوالب العامية السودانية فهو أبو صلاح بلا منازع . تنطلق الليد وأكون معاك بي (عدلّي) في البوش الباذخ ده، بس ما تنقطع يا موج ... الموج ما بكف عن الحراك المثابر وبجيك بالرواقة لملاحظاتك اللماحة. تسلم يا راشد وتسلموا كلكم بداية من عمدة البوست ود المكى وصمد ساقيته مولانا الطيب شيقوق وحراسه الذين يوالونه بالرعايه والسقايه عمر على حسن والترابله عبد المنعم وجماعته.. لنبداء ليك بادخال بعض الكلمات الانجليزية فى القصائد وجعلها مستساقة حتى فهمتها ورقصت معها و عليها حبوبتى وحبوبتك وحبوباتهم اجمعين ولا اغالى ان قلت ان بعضهن استعملنها واصبحت من مفرادتهن ولم يحسسن باختلاف طعمها عن ما آلفن وهى تجرى على السنتهن، بالاضافه على ما زكرنا فى المداخلة السابقة تجد ان عمك عتيق ابل الله تربته يقول: مين سواك يتجسّر.. على فؤادي وحسنك ليهو عامل (سنسر..) قلبي بيك تأثر.. فيهو حبك أثر.. نوم عيوني تعسر.. بانكسار لحظاتاك..حظي أضحى مكسر.. يا رفيع يا سامي... شوف ليك جنس سنسرة (Sensor ) ورقابة وكشف .... ونأتى لعمك محمد ود الرضى و تأمل يا رعاك الله هذا الابداع: أهيم ملتاح وارتاح بفنون *** يا بدر منير وحاجب نون الماظ و الدر والجواهر دون *** والتبر يقول للون ( بردون) بالله شوف عمك ده وضع بردون ( pardon ) بعناية فائقة كيف؟ وايضاً فى قصيدته نور جنانى وقبلة حنانى يبتدرها ويضع لنا كلمة انجليزية: بغبتتي ان لم تعلمان هاك شرحي وهاك ( فيرماني) ديمه ساكن دمعا عماني كيف اصنع؟ كيف علماني formal letter وهو الخطاب الرسمى الصادر لعرض مسألة ، او لعلها من forming بمعنى صاغ والجاغريو يقول: دي البسمـــــــاتها حـــــــــاليه ............. مهـــــــــــــذبه روحها عـــاليه فى الحى الامـــــــــــــــــامى ........... جوار الاســـــــــــــــــــــبتـــاليه Hospital حتى اضحت من عاميتنا الشائعه يعرفها اهل القرى والحضر وان كان بعض اهل القرى يبدلون فى الحروف كما اهل قريش قديماً فيقولون الاستباليه.. وخليل فرح يتحدث عن مرضه ودائه العضال فيورد ايضاً مفردة انجليزية: تلك ستُُّون ليلةً هي كالسجــــــنِ أو أشدْ صدمةٌ ليتها صدمة (الأتومبيل) أو الأسدْ عِلتى وهي علتى قصةُ الناسِ في البلد هاك الاوتومبيل ده... ثم نأتى على الكلمات التركية التى ادخلها شعراء الحقيبة ومزجوها مزجاً بديعاً باللغه العربية. ود الرضى ادخل الاسكله فى قصيدته من الاسكله وحلا والاسكله باللغه التركيه هى مرفأ البواخر والسفن. سيد عبد العزيز فى قصيدة مسو نوركم شوفو المن جبينها صباح. ايضا ادخل مسو وهى كلمة تركية تعنى اطفئوا او اخمدوا وعندما كانت الانوار التى فى الشوارع تضاء وتخمد بخشبه طويلة وهى مسؤولية اقرب منزل لعمود الكهرباء،و كان المفتش التركى يتجول على حصان فى الصباح الباكر فى شوارع العاصمة وهو يصيح (مسو النور) يعنى اطفئوا النور. وجاييك للعربى وعلى بال ما اجيك شوف عمك المساح فى قصيدة زمانك والهوى اعوانك استنبط ليه كلمه عربيه جديدة ولم يحس اى انسان بوحشتها او غرابتها بل تحس بها لذاذة وحداقة مستساغة وهى تشبه كلام الاطفال فى طعامته حيث يقول المساح: هاروت سحره ماخوذ من سحر عينانك ظلموك لو يقولوا الدر شبيه اسنانك بالله شوف طلاوة عينانك دى؟ والكلمه الصحيحه عيناك او عيينيك ولكن المساح اعطاها بعدا خرافياً بهذه المعالجة ولم يدخلها دهاليز النحويين و لم يهمه كثيراً تنطعهم فجاءت بطعم البهار، اخخ من سحركم رحمكم الله اجمعين بقدر ما شكلتم وجدان الناس ببديع النظم. راشد يا الحبيب حتى يمتلىء الدن مجدداً البوست ده اوصيك وود المكى حافظوا علية من ارشفة او شحتفة بكرى فنحن مغرودين فيه وخلو بالكم منه ومنكم سلمتم،،،

---

Post: #250 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: صديق الموج Date: 09-14-2014, 06:59 AM Parent: #249 الصفحة دى يخيل لى محتاجة لحاجة زى دى وكده: http://www.gulfup.com/?UokUdU

---

Post: #251 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 09-14-2014, 08:32 AM Parent: #250 Quote: هاروت سحره ماخوذ من سحر عينانك ظلموك لو يقولوا الدر شبيه اسنانك أهل الخندريس الناس السمحين سلاااااام يا ود الموج ليت المسَّاح قال "عيَّانِك " بدل عينانك لأنها أجمل وأشمل ..... لكي يقول في الشطرة الثانية "سنَّانك" بدل اسنانك لأن المفردتين "سنَّانِك وعيَّانك" وردتا كثيرا في شعرنا الدارجي .. والمفردتين توأمتين في كثير من أدب الموروث وفي رأي الشخصي آنق وأجمل....... ولكن أظن أبدلها ب عينانك لأنه قال في الشطرة التي تليها "اسنانك معزتي

---

Post: #252 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-14-2014, 09:07 AM Parent: #251 ود الموج الله يخليك ويخدر ضراعك مزحوووووووووووم جدا ساعود في الوقت المناسب للتعليق على المداخلة الثرة التي تفضلتم بيها يا العبيد اربط ود الموج دا بالمحويب ما تخليهو يشرد مننا

---

Post: #253 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-15-2014, 06:06 AM Parent: #252 . يا راشد ماااااا تقول طنشتك في سؤالك عن كتاب فاطمه مدني ، والذي جاء توثيقاً للمنتدى الذي الذي ينعقد في بيتها بامدرمان ‘ والذي كان يؤمه العديد من الشعراء والمثقفين ، وهي تنتمي إلى ذلك الجيل الواعي المثقف المُشرف لمسيرة المرأة ، كيف لا وهي زوجة الشاعر الصاغ محمود ابوبكر ( صه يا كنار ) و( الزاهي في خِدرو) وهو صاحب ديوان أكواب بابل. عندما استرد النسخة من الصديق الذي استعارها سأوافيك بتفاصيل أكثر.. وبالمناسبة هي خالة لاعب الهلال الأشهر محمد حسين كسلا. بالعودة للعبادي ، فبالرغم من انه من مواليد ام درمان ، إلا ان شاعريته بدأت بالدوبيت وهو صبي، فعندما تم ختانه وهو في الحادية عشرة من عمره ، كان هنالك عرس في الحي لأحدهم يدعى عثمان لم يتمكن من حضوره فأنشأ يقول : أصبح لي صباح واصبحت أنا مرضان وما شُفـت الدهيـم البـلعب الهويـان ما تجيب ليْ خبارو البي الخَمُر رويان ومُتأسف كتير ما حِضِر عِرس عثمان

---

Post: #254 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-15-2014, 07:33 AM Parent: #253 الجنرال ود المكي الاحباب الكرام طالما نحن في سياق الحديث عن اهل البادية وعن العبادي دعوني انتقل بكم لظاهرة منتشرة وسط العرب الرحل تسمى ( التتور او ال removal بالانجليزي ) التتور عند أهل البادية ظاهرة معروفة جدا وهي أن تكون البنت متزوجة شرعا ويجي واحد مشوطن يبلفها ( بلفة الرأس يعني يلخبط أفكارها ) ووردت كلمة البلفة دى في قصيدة شاعرنا الراحل ابراهيم العبادي ( السايق الفيات ) حينما قال : ما نفرن تقول سابق الكلام إلفة عطشان قلت ليهن و صحت البلفة مافيش كاس قريب قالن لى دون كلفة تشرب بى كفوفنا لما تتكفى ( اخخخخخخخخخ شوفوا كرم بنات الصعيد كيف تقول لي الابيض جنب رفاعة!!) أها نعود لموضوعنا : في صباح باكر كنت جالس في مكتبي للمحاماة بمدينة السوكي . جابوا لي القهوة المتنتنة في صينية نضيفة وفنجان ابيااض ووقاية تقول يا ليل . كبيت الفنجان الاول وكنت بتصفح في مجلة التضامن لفؤاد مطر ( اخخخخخخ من الزمن الجميل زمن الصحافة وبشير محمد سعيد والايام وسيد احمد نقد الله الرجل المشلخ الوجيه ومحجوب احمد محمد صالح وإدريس حسن ولهذا الاخير (إدريس) كتاب بعنوان الانقلابات العسكرية في السودان صدر حديثا وهو من اروع الكتب التي قرأتها هذا العام والان متوفر في المكتبات السودانية ) اها في اللحظة ديك شايف ليك عربي كبير جاي شايل عكازو المضبب وتابعاتنو إمرأتان إحداهن زوجته والاخرى بنته وبعد شوية جاء لاحقهم ولد صبي ووجيه بالحيل . البنت كانت وربما ما زالت غاية في الجمال ( يعني جمال ما شاف بدرة ) أخوكم إتصلح في القعدة لكن صمد بالحيل ! بدأوا بالتحية . الراجل قال لي نحن جينا لود شيقوق المحامي . قلت ليهو إتفضل يا عمو وصلت طاب . قال لي عندنا قضية . قلت ألف مرحب بيكم إتفضلوا جوا المكتب . أها يا أخونا إن شاء الله خير ؟ قال لي خير بس البنية دى ( يقصد بنتو الجات معاهو) متزوجة واحد من اولادنا وبالحيل مقصر في حقها لا بجيب ليها زيت مسوحة ولا كمان شايل همو زى الرجال عشان كدا عايزين نطلقها منو بواسطة المحكمة . قلت ليهم قضيتكم فتحتوها ولا عايزني أبداها ليكم ؟ قالوا لا القضية اصلا نحن فتحناها امام القاضي وعايزنك تمسكها لينا . قلت ليهم ابشروا انا محتاج اول حاجة أمشي المحكمة وأطّلع على اوراقها وبعد داك بديكم الراي القانوني فيها . بس اليوم الدنيا خميس ممكن أطلع عليها فقط لكن بسافر اهلي في البردانة وبجي يوم السبت وانتو تجوا برضو عشان نتفاكر حولها . قالوا لي كويس ولملموا أطرافهم وإتكاملوا عولهم ومعاهم الشاب الوجيه إياهو . العرب ديل ومن خلال إستجوابي ليهم عرفتهم ساكنين في فريق عرب قريب من حلتنا البردانة وأهلنا كوووولهم بيعرفوهم وبعرفوا البت السمحة الطالبة الطلاق دي . أنا مشيت سوق الخضار والفواكة إتسوقت كويس وخمشت من سمك السوكي المكان ( بضم الميم) ويلا إتكاملت عولي ناس البردانة مسافة 20 كيلوا من مدينة السوكي . يوم الخميس دا اصلا بلقى الناس متوقعني اجيهم عشان كدا بيكونوا متلمين تحت راكوبة ديوان ود شيقوق فارشين السباتات ومتجدعين للشمارت . وهم مسانيح خلاص بيكونوا عارفين القضايا الجاتني في المكتب ( باقي البلد ضيقة بالحيل) وأحينا يملكون من المعلومات حول أي قضية أكثر من علمي انا بيها دا بسبب انهم بيمشوا سوق الدندر بتلاقوا مع عرب البادية البجوا يتسوقوا برضو في سوق الدندر . أها يا اخوانا وصلت البردانة ولقيت ليك الجماعة متجدعين تحت الراكوبة - ما شاء الله كلهم اولاد واحفاد شيقوق - لما وصلت جروا لي الهباب عشان اصنقر و احكي ليهم بسوالف المدينة . قلت ليهم الليلة جوني ناس كيت وكيت وقالوا لي كيت وكيت ومعاهم بنت حورية بس ومعاهم ولد شاب وجيه خلاص ما شاء الله . والله يا اخوانا اهلي ديل قعدوا يضحكوا ويتقارصو ويعينوا لبعض . انا قلت ليهم مالكم يا ناس ؟ قالوا لي بوب بوب بووووووب يا الطيب . مالكم يا اخوانا وروني فاصل و نواصل

---

Post: #255 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-15-2014, 07:39 AM Parent: #254 أها يلا - الجماعة الجالسين تحت الراكوبة كوووووولهم قعدوا يتهامسوا ويضحكوا أها قلت ليهم مالكم ؟ قالوا لي نسعلك سعال الناس الجوك ديل جاء معاهم شاب صبي وحسييييييييين ( باقي العرب ما بيعرفوا وجيه للرجل ولا سمحة للمرأة بقولوا للرجل الوجيه حسين وللمرأة السمحة حسينة ودا كلو لزوم الحياء شفتوا عولنا كيف طيبين ؟ قلت ليهم نعم نعم . قالوا لي وصفوا لينا - وصفتوا ليهم وتاني ضحكوا قالوا لي عيييييييك العرب يا الطيب دقسوك تدقسة شينة خلاص . قلت ليهم كيف ؟ قالوا البت الحسينة الجاتك معاهم دي زوجها الحالي لا مقصر معاها ولا حاجة والله مكمّل معاها من جميع اللوازم . بس أم البت دي وابوها عايزين بأي طريقة يطلقوها منو ويعرسوها للشاب الحسين الجاء معاهم لمكتبك دا . وبعدين يا الطيب اخوي الناس ديل لو إتفقوا معاك بأتعاب المحاماة الشاب دا هو ملتزم يدفعها كوووووولها واى مصاريف محكمة هو بيدفعا كمان لحدى ما المحكمة تصدر الحكم بطلاقها ويروحوا اهلها مصافحنها ليهو . براي في نفسي قلت أفو افو افو يا ودشيقوق يلعبوا بيك العريب ديل . امانة ما اديهم درس عمرهم ما شافوهو . اها يوم السبت سافرت السوكي لمكتبي وجابوا لي القهوة شربتها طااااااااب وبعد شوية الجماعة جوا ومعاهم بتّهم السمحة والشاب الوجيه والاب والام كمان . بعد السلام والتحايا وكدا قالوا لي قريت القضية ؟ قلت ليهم بالحيل قريتا وفهمتها كويس وناضمت القاضي فيها _ قالوا لي أها رأيك شنو والقاضي رأيه شنو ؟ قلت ليهم دي أسرار مهنة ما ممكن احكيها ليكم انتو إلا للبت برااااااااااااااااااااها . قالوا لي سمح نحن نطلع من المكتب ونخليها معاك . قلت ليهم كويس خلوها وخلو معاها سكرتيرتي بس واطلعوا و تركشوا الباب معاكم . فعلا طلعوا وتركشوا الباب معاهم وبقت معاى البت والسكرتيرة بس . قلت للبت والله يا أختي انا قريت قضيتك كويس وانت فعلا مظلومة ظلم الحسن والحسين والقاضي عرف ضيمك ( ظلمك يعني) وقرر في اول جلسة يطلقك من راجلك الحالي بس بشرط واااااااااااااااااااحد بس . يا اخوانا كوووووولكم وسرييييع انقروا الشرط الواحد دا شنو ؟

---

Post: #256 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-15-2014, 07:50 AM Parent: #255 لانكم مسانيح بالحيل وظنكم في شيقا ما طيب عشان كدا قلت اوريكم سدا للذرائع . دعوني ، احبتي ، أضيف معلومة هامة جدا وهي ان هولاء العرب قد قصدوا إخفاء معلومة عن محاميهم رغم ما يضفيه القانون من حصانة لأي معلومة يفصح بها العميل لمحامية . بمعنى ادق لو إتصل العميل بالمحامي وقال ليهو انا سرقت أموال فلان وفتح ضدي بلاغ سرقة وعايز منك تدافع عنى فلا يجوز لأي محكمة في الدنيا قبول شهادة هذا المحامي امام المحاكم فالمعلومة للمحامي من العميل حسن النية شأنها شأن المعلومة التي تصل للطبيب من مريض بمرض معدي أو منفر إجتماعيا فلا يجوز للطبيب ان يمثل امام المحاكم او اي جهة اخرى ويكشف لها المعلومة التي وصلته من ذلك المريض . صحيح انا علمت سالفة الولد الوجيه من اهلي التي ابلغوني بها بتلقائيتهم وبراءتهم المعهودة . وبعد إدراكي بأن هولاء العرب قد إتصلوا بي ليس بغرض تولي قضية صادقة وإنما للتعاون معهم في إرتكاب مخالفة شرعية ضحيتها ذلك الشاب الذى ما زالت البنت في عصمته . والحمد لله استطعت ان اواجه ذلك السيناريو بسيناريو آخر وهو إدعائي لهم بأن القاضي قد وافق على طلاق البنت من زوجها بشرط واحد وهو أن تتزوج ، بعد طلاقها ، أي إنسان في الدنيا ما عدا ذلك الشاب الوجيه وقد كان ردها لي ( لا لا لا دا حكم شنو ؟ انا عمري ما شفت لي قاضي بصدر ليهو حكم طلاق مشروط هكذا) عندها تبين لي جوهر السيناريو وابلغتهم جميعا بقولي ( آسف يا اخوانا فأنا لا املك إستصدار قرار قضائي أطيب من هذا القرار وطلبت منهم الانصراف ) لو عندكم مزاج تسمعوا - على سبيل الاستراحة - عن حصانة اقوال عميل المحامي ، عن افصاح محاميه بها امام المحاكم ، قولوا لي فانا جاهز يا جنرال .

---

Post: #257 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 09-15-2014, 07:57 AM Parent: #256 Quote: طالما نحن في سياق الحديث عن اهل البادية وعن العبادي دعوني انتقل بكم لظاهرة منتشرة وسط العرب الرحل تسمى التتور)) التتور عند أهل البادية ظاهرة معروفة جدا وهي أن تكون البنت متزوجة شرعا ويجي واحد مشوطن يبلفها دي عندنا في البادية الغربية إسمو "الطُماح" بضم الطاء وأخوك العبيد حافظ دوبيت وتوية وغنا جراري وجابودي" كتيييييير خلاس عن هذه الظاهرة الإجتماعية.....! شوف الشاعر الكبير ودقدال الكباشي : دولابى الكِمِل لحمو وفضل لى بوُّو فى البِحَلمبهن سيدك مــَرادو وهــَوُو سبــَق البى دخاينو ونصارتو بِعوُو على الزول الطمح جوزو ومِراكــِب توُّو شوف الربع الأخير علي الزول الطَّمح جوزو ومراكب توُّو أها دي التتور عندكم يا الطيب أخوي.... قبل شهر بحاول أكتب في مقال عن هذه الظاهرة بالبادية ومداخلتك دي وقعت لي في جرح..................... والله يا ودشيقوق إنت أخو شُكلة وأخو القدالة وأُم عروض. تسلم

---

Post: #258 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-15-2014, 08:00 AM Parent: #257 والله يا العبيد اخوي حيرتني وشهيتني الونسة معاك بالتلفون ساي عليك النبي ارمي رقمك انا مستعجل داخل اجتماع خليني اوضبو واجيكم صاد لكلامك الحلو دا

---

Post: #259 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-15-2014, 10:18 AM Parent: #258 . . . Quote: and#230; إلا للبت برااااااااااااااااااااها

---

Post: #260 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-15-2014, 10:35 AM Parent: #259 Quote: إلا للبت برااااااااااااااااااااها This is our code of ethics انت فاكر الشغلانية مبهولة في الصقية سااااي بدون ديسبلنات وكدا؟ هههه

---

Post: #261 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: عبيد الطيب Date: 09-15-2014, 11:27 AM Parent: #260 Quote: اها في اللحظة ديك شايف ليك عربي كبير جاي شايل عكازو المضبب وتابعاتنو إمرأتان إحداهن زوجته والاخرى بنته وبعد شوية جاء لاحقهم ولد صبي ووجيه بالحيل . البنت كانت وربما ما زالت غاية في الجمال ( يعني جمال ما شاف بدرة ) سأل بدويا بدويّ آخر قائلا البرد شن دواه......؟! ليرد علي صاحبه الكيخ أبو ملاحَن حداه لا لا مو دواه كنتوش مريسة وفوقو شاه.... لا لا مو دواه..... صدر أم عريساً طامحاه......! والقصة طويلة ولكن الذي يعنينا.... أم عريسَن طامحاه.....! ودي الدرفونة الصغيرونة الخُرعبة العيطبول والتي تم زواجها لي واحد قلبها نافر منُّو وروحها ما رايمتو ،وهي من صويحبات عمر ود إبي ربيعة... ومكتولة صاحب اليتيمة، دوقلة المنبجي... تلك الحسناء، التي تترك الرياح، ان تعبث بنهديها التي كحُقِّ العاج..... يا منهدن مدردم غير لبن ب الحينة بي الولع المحندَّد روسو بتجودينا البدو يا الطيب أخوي مولعين بالطُماح... حتي يسمون به جمالهم النجائب صدر الطامحة راجلها" شوف زول توية البدني الطَّامح ؤ مطلِّق بلا الشرشوفو متعلِّق حتي عصاة توية ، وهي من فنونهم الجميلة وينشدونها في الأفراح والناس مجتمعة وطربانة..... وهاكم دي عن الطُماح ..... جمعة ودعاقل، الكباشي، عاش في فترة التركية ،وكان غنيَّا وجميلا ،حتي عذاري البادية ، كن يطمحن ،أزواجهن له ، وفي خريدة طويلة ، نغرف منها ما ذكره في طماح النساء لأجله فقال : ومن أجل هذا الثروة طمحت العذاري لأجله... جميع بت المكان الطاحني سِنْبِلْها لي زملي الغلاد هي طامْحِي راجلها في شاني عريسها يوت بكاتلها وكان قولي كضب دقني أسلِّلها طاحني سنبلها اي العطور اليابسة ، وبت المكان اي الدرجة والرفعة ، طامِحي راجلها اي رفضتو وطقتو في حنكو...............................! أها نقيف هني عشان مانحرب لي راشد والموج غنا الناس السمحين وعذرا يا ودالمكي كان تركشنا البيت وكسرنا طنيبتو... لكن دي كلُّو من الدرفونة أم حدق الجبتها دي .. وأظنها هي ذاتها طامحة.................

---

Post: #262 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: راشد سيد أحمد الشيخ Date: 09-15-2014, 12:05 PM Parent: #261 سلام آ ناس المجلس المحضور أول تبادي يا ود المكي ما خزِّ جوفي شكك في إهتمامك وخابرك حارص، وتراني في رجا المعلومات عن الكتاب. ويا شيخ العرب شيقوق .. أمانيّ ما عندك المحن والدقق، والبتكتبو فيهو ده كلو قاعد للدنيا والزمان ويقروهو جنى جنانا ويعرفو كيف كانت بلد أم سودان زمان، وكيف دخلوها المابعرفوها في الطينة للكة دي. سو آ زول وأرم لا قدام. ويا ود المقدم أفووووو إت كلامك بخربولو مجلس ولا شورة؟ كن ما جيت بي عدلك المبهول قدح ود زايد نان منو البفك الصرمة؟ ود الموج كارس لو في شيتاً كتر ظنيتو! بشرانا باللقي أخوكم موهدب ومزرور زرة مقس. كان الخواجة رخى الغرزة تاااااب متكامل البوش ده وأجدع لكم حيلتي في قدح الشوبش أشيل شبالي. أقعدو عافي

---

Post: #264 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 09-16-2014, 10:16 AM Parent: #262 . . Quote: and#211;وعذرا يا ودالمكي كان تركشنا البيت وكسرنا طنيبتو... سو سواتك العبيد اخوي نحن لن نرتوي من منابع الجمال وكلما نهلنا منها نقول هل من مزيد ؟

---

Post: #263 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-16-2014, 10:09 AM Parent: #261 Quote: سأل بدويا بدويّ آخر قائلا البرد شن دواه......؟! ليرد علي صاحبه الكيخ أبو ملاحَن حداه لا لا مو دواه كنتوش مريسة وفوقو شاه.... لا لا مو دواه..... صدر أم عريساً طامحاه......! والقصة طويلة ولكن الذي يعنينا.... أم عريسَن طامحاه.....! ودي الدرفونة الصغيرونة الخُرعبة العيطبول والتي تم زواجها لي واحد قلبها نافر منُّو وروحها ما رايمتو ،وهي من صويحبات عمر ود إبي ربيعة... ومكتولة صاحب اليتيمة، دوقلة المنبجي... تلك الحسناء، التي تترك الرياح، ان تعبث بنهديها التي كحُقِّ العاج..... يا منهدن مدردم غير لبن ب الحينة بي الولع المحندَّد روسو بتجودينا البدو يا الطيب أخوي مولعين بالطُماح... حتي يسمون به جمالهم النجائب صدر الطامحة راجلها" شوف زول توية البدني الطَّامح ؤ مطلِّق بلا الشرشوفو متعلِّق حتي عصاة توية ، وهي من فنونهم الجميلة وينشدونها في الأفراح والناس مجتمعة وطربانة..... وهاكم دي عن الطُماح ..... جمعة ودعاقل، الكباشي، عاش في فترة التركية ،وكان غنيَّا وجميلا ،حتي عذاري البادية ، كن يطمحن ،أزواجهن له ، وفي خريدة طويلة ، نغرف منها ما ذكره في طماح النساء لأجله فقال : ومن أجل هذا الثروة طمحت العذاري لأجله... جميع بت المكان الطاحني سِنْبِلْها لي زملي الغلاد هي طامْحِي راجلها في شاني عريسها يوت بكاتلها وكان قولي كضب دقني أسلِّلها طاحني سنبلها اي العطور اليابسة ، وبت المكان اي الدرجة والرفعة ، طامِحي راجلها اي رفضتو وطقتو في حنكو...............................! أها نقيف هني عشان مانحرب لي راشد والموج غنا الناس السمحين وعذرا يا ودالمكي كان تركشنا البيت وكسرنا طنيبتو... لكن دي كلُّو من الدرفونة أم حدق الجبتها دي .. وأظنها هي ذاتها طامحة................. ربنا يخدر ضراعك يا العبيد على هذا الكلام الممتع لكن بيني وبينك حاسي من كلامك دا عندك كلام كتييييييييييييير عايز تقولو لكن الحياء غلب يا العشاء

---

Post: #265 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: الطيب شيقوق Date: 09-17-2014, 05:49 AM Parent: #263 Quote: ويا شيخ العرب شيقوق .. أمانيّ ما عندك المحن والدقق، والبتكتبو فيهو ده كلو قاعد للدنيا والزمان ويقروهو جنى جنانا يطول عمرك يا شيخ راشد خليك متابع بس ما تجينا يديك فاضيات متى ما اب عيون خدر دا غفل منك ارمينا بكلمة كلمتين

---

Post: #266 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 10-03-2014, 05:40 AM Parent: #265 . ,وأحيراً أخي راشد الشيخ أُعيد الكتاب .

---

Post: #267 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: صديق الموج Date: 10-03-2014, 05:47 AM Parent: #266 محمد فضل الله عيدك سعيد بالله ماتحندك فرتق كتاب فاطمة مدنى ده وشوف ليك اسكانر وسكرنو لينا هنا،ماعافى ليك كان ما شفت لينا طريقه،،،

---

Post: #268 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 10-03-2014, 05:47 AM Parent: #266

---

Post: #269 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 10-03-2014, 05:59 AM Parent: #268 . والله غالي يا الصديق ، وإن شاء الله ستتم الإستعانة بجهبذة التقنيين ، وإن تعذَّر سأرسل لك النسخة بعد تصويرها .

---

Post: #270 Title: Re: شــيقا .... شــيقااا .... شــيقاااااااا ............. بوتكس ، ميزوثيربي ، فيلر ( يمتنعن ) Author: محمد فضل الله المكى Date: 10-06-2014, 10:08 AM Parent: #269 . منتدى الأستاذة فاطمة مدني يعتبر منتداً راقياً ، اجتمع فيه من الشعراء : الشيخ محمد ود الرضي أحمد حسين العمرابي محمد بشير عتيق عبيد عبدالرحمن عمر البنا سيد عبدالعزيز علي محمود التنقاري ابراهيم العبادي عبدالرحمن الريح أما حضور المنتدى من رموز الأدب والفن : الأستاذ التربوي عبدالقادر شيخ ادريس ( أبو هالة ) الأستاذ التشكيلي ابراهيم الصلحي الأستاذ المربي حسن نجيلة الأديب الإعلامي المبارك ابراهيم البروفيسور علي المك الأستاذ اسماعيل العتباني الأستاذ صلاح احمد ابراهيم الأستاذ صلاح المليك