Post: #1
Title: تحــــــــــــــــــــــــــــــــــــذير من الواتس أب وشبكات التواصل الاجتماعي
Author: عبدالعزيز حسين عبدالرحيم
Date: 08-27-2014, 06:33 PM
في أعلان في الواتس اب عن تبرع سعودي لزراعة كلى لعدد كبير من المصابين ولم يحضر إلا عدد قليل مع ارقام تلفونات للأتصال
والاعلان منتشر في المنتديات كمان والفيس بوك وفي اعلانات تانية بنفس الصغية
صديقي وصلة الاعلان بحسن نية وطيبة ارسلة لقريبة وقام بدورة بالاتصال في أسرة في السودان لديهم مريض بالفشل الكلوي وقاموا بالاتصال على الارقام الزودهم بها قريب صديقي ورد عليهم شخص بمجرد ما سألوه واضح لهم
انه الموضوع عبارة عن كذبة وانه شخص فقير ولا علاقة له بالمال ولا بالطب ويعمل في مجال توريد مواد يتم طلبها بواسطة الهاتف ويعتمد في عمله على هاتفه قام منافسوة بعمل هذه الحركة ووضعوا تلفونه وتلفون زوجته وأنه أستقبل اكتر من 800 مكالمة من دول كثيرة واعتذر ليهم واوضح انه هو بنفسه شاهد نفس الاعلان بارقام مختلفة وظنه حقيقة
الجماعة زعلو ووبخوا قريب صديقي الهو برضه زعل وتخاصم مع صديقة
مع الاسف نحنا بي حسن نية بنمرر الاذى على الناس دون ان نشعر أو نتحقق او نتمحص نرجوا من الاخوان يتحققوا من الاخبار دي قبل نشرها لانها غير أنها اكاذيب مؤذية بتسبب الاحراج والخصام برضه بتكلف المرضى واهلهم وقتهم واموالهم وهم في حوجة ليها
----------
لو جاكم فيديو او صورة لشخص تم تصويرة غير علمه يجب عليكم مخافة الله ومسحها ولو ما بتخاف الله خاف من القانون لانه قانون انتهاك الخصوصيات بقي شغال تش في حكاية الفيديوها وغراماته تقيلة في واحد في دولة خليجية صور واحد بتكلم مع زوجته وبكورك فيها في التلفون من غير علمه ونشرها بالواتس اب حكموا عليه بالسجن سنتين وغرامة بمئات الالاف البتساوي مليارات بالسوداني والناس المر بيهم الفيديو ومرروه لي غيرهم برضه انقبضوا واتجرجروا شديد
من المفروض نستخدم الواتس اب والماسنجرات وشبكات التواصل الاجتماعي في حاجات مفيدة وفي الخير بدل أذية الناس وتحقق من الاخبار والاعلانات قبل تمريرها للغير والناس الما بشتخوا او يخافوا الله أحسن يخافوا القانون بعد دا
----------
تحذير للطرابيد عليهم اللعنة قسماً بالذي رفع السماء من غير عمد لو واحد نشر حاجة او انتهك خصوصيتي إلا أطاردة واقاضية وما اخليه حتى اخر يوم في حياتي ما حا اتردد فارعوا وأبعدوا من حسابي في الفيس بوك لانه باب من ابواب جنهم عليكم
|
Post: #2
Title: Re: تحــــــــــــــــــــــــــــــــــــذير من الواتس أب وشبكات التواصل الاجتماعي
Author: محمد المسلمي
Date: 08-27-2014, 11:10 PM
Parent: #1
ياعبدالعزيز ده تحذير وتوعية للناس
-----
لو عندك كلام كبه هنا بدل اللفة الكبيرة دي
عندك شنو الجماعة ديل صوروك ورينا
الحاصل هل تم تصويرك عندما تم القبض عليك
ورينا واشرح الحاصل كله هنا خليك شجاع
عشان الناس تاني ماتلومك ولو تم تصويرك
ونشره انت ليس عليك شي وأكرر طلبي تاني
ورينا الحاصل شنو من الكلام حقك وتهديدك
|
Post: #3
Title: Re: تحــــــــــــــــــــــــــــــــــــذير من الواتس أب وشبكات التواصل الاجتماعي
Author: عبد الله شم
Date: 08-28-2014, 06:27 AM
Parent: #2
Quote: لو عندك كلام كبه هنا بدل اللفة الكبيرة دي
عندك شنو الجماعة ديل صوروك ورينا
الحاصل هل تم تصويرك عندما تم القبض عليك
ورينا واشرح الحاصل كله هنا خليك شجاع
عشان الناس تاني ماتلومك ولو تم تصويرك
ونشره انت ليس عليك شي وأكرر طلبي تاني
ورينا الحاصل شنو من الكلام حقك وتهديدك |
|
Post: #4
Title: Re: تحــــــــــــــــــــــــــــــــــــذير من الواتس أب وشبكات التواصل الاجتماعي
Author: عبدالعزيز حسين عبدالرحيم
Date: 10-21-2014, 11:12 AM
Parent: #3
|
|