الي عناية الاستاذ يوسف الموصلي/بريمة/محمد سليمان/دينق وكل من يهمه الامر

الشاب معتصم الفائز باللوتري بتمني انو واحد من الشباب يستقبلو في المطار ، ورسل رسالة فيها بطلب مني ارسال رسالة داخلية بالتحديد للاستاذ يوسف الموصلي عشان يعمل يوست بموضوع استقبالو واستضافتو

حاولت ارسلها بس لم اتمكن اما لاني ما بعرف لنظام المسنجر او لخلل في الخدمة ، ياريت لو واحد من الناس العندها اتصال بالاستاذ وقرا البوست يديهو خبر برغبة الشاب معتصم او لو الاستاذ قراهو اها الزول دا قاصدك عدييييييييييييل

بقية الشباب ترشيح من عندي ساكت انشاء يجد من يساعده ويقدم له العون

تحت رسالة الشاب معتصم من الفايبر
لكم الود وله التوفيق

Quote: رسل رسالة داخلية ليوسف الموصلي قول وريه بيعاد سفري وخلي يعمل بوست في الموقع and#65275;نو معارفو في نيويورك كبيرة

انو انا محتاج لزول يستقبلني يوم 14الساعة 2ظهر في مطار نيويورك


ولحين استand#65275;م الورق والحصول علي العمل

جزء من مكاتبات مع الشاب معتصم

Quote: اتصل لي ضروري. (معتصم) بكرة انشاء الله الاولاد نايمين. (انا) خير انشاء الله. (انا نمت ولا شنو ؟( انا ) المهم ممكن تكتب لي الموضوع شنو بكرة انا شغال من الصباح بخلص الساعة تلاتة ونص نحاول نتصل عليك( انا ) الموضوع انو انا حتي الان ما لاقي زول يستقبلني في نيويورك. (معتصم ) فالموضوع دا مقلق بي شديد.( معتصم ) يا راجل قول بسم الله وما تقلق سفرك لسع ليهو زمن انشاءالله كل بترتب بس خلي ثقتك في الله قوية عوجة تب ما تجيك. ( انا )

بالجد مسألة تقلق لزول اول مرة في حياتو يطلع وكمان امريكا يعني دول ما عربية وتحدي اللغة نتمني من الشباب مساعدتو هي طبعا مسالة نفسية اكتر من اي حاجة تانية اول ما يصل وياخد ليهو يومين تلاتة المسألة ترتب في راسو امورو تسلك بس ضربة البداية وخاصة بالنسبة لثقافتنا الاغلبها ام بعولو وام كروتو والغول وهواجز وصورة الاخر الاجنبي المهولة والمضخمة جدا تعشعش في مخ الواحد في البدايات فالراجل قلقه عافية بس يحتاج شوية مساعدة

لكم الود وله المستقبل الناجح باذن الله

تلفونات ناس امريكا ممكن تطمنو شوية
انا متخيل ولغاية اسع انو اللوتري دا برنامج الامريكان موفرين ليهو كل ما يلزم من مساعدة للوافد الجديد او اللوترابي من الاسقبال في المطار والتعريف بالمدينة اللحيسكن فيها والسكن والاعانة الاجتماعية واللغة الي ان يقف الانسان برجلينو ويستقل بذاتو ويصبح دافع ضرائب او طالب علم !!!!!!

بالجد بحاول اقدم للشاب معتصم كل ما نعتقد انو ممكن يساعدو في التاقلم مع الحياة في الغرب بس ياها معلومات قوقل وجزء تجارب في غير القارة الامريكية
بفتكر الشاب محتاج لشخص له التجربة في الديار ديك ونظامها وتحديدا البداية من اول ساعة للدخول .


تمنيت لو كنت مقيم في امريكا لكان كسرنا راسو بالتنظير والاب لاب لاب فهو في حوجة لاي معلومة ليها علاقة باللوتراب والسيستم الاميركاني له التوفيق

شكرا ياحامد والحقيقة الرجل أرسللي ايميل بهذا المنى
وأنا ساعي في الأمر
لكن ما دام نزل بوست فاننا ناشد اخواننا في نيويورك
استقبال هذا الرجل الذي
ساهمت سودانيس اونلاين في جهوده بالحضور
وانا متأكد من كرم كل الزملاء بنيويورك
مع عاطر التحايا

الأخ حامد عبد الله.

للاسف الشديد أنا ساكن بمنطقة واشنطن.

أتمنى لهذا الأخ الوصول بالسلامة.

الأخ حامد عبدالله
لك التحية و الإحترام

أولاً التهنئة للأخ معتصم باللوتري ( و دي تقريباً أكثر مشاكله تعتبر حُلّت) ...
أنا في الجانب الآخر من البلد (الساحل الغربي - المحيط الهادي) ... و لكن في كل الأحوال يجب أن لا يخشي الأخ معتصم من الضياع طالما أوراقه كلها موجودة .. و بالتأكيد الأخوة في نيويورك يكونوا قروا البوست هذا... و علي أسوأ الفروض فإن هناك كثير من الأخوة يعملون في المواصلات من المطار الي المدينة و يمكن أخذ الأخ معتصم الي أقرب بيت عزّابة .. فالأخوة هناك متكاتفون و مثل حالته هذه تكاد تكون يومية ... و كما قلت طالما أوراقه سليمة (اللوتري) الباقي إن شاءالله هيّن ... لأن أمريكا هي أكثر دولة مرحّبة بالمهاجرين من جميع الأجناس و منذ كولمبس.

Quote: الأخ حامد عبدالله لك التحية و الإحترام أولاً التهنئة للأخ معتصم باللوتري ( و دي تقريباً أكثر مشاكله تعتبر حُلّت) ... أنا في الجانب الآخر من البلد (الساحل الغربي - المحيط الهادي) ... و لكن في كل الأحوال يجب أن لا يخشي الأخ معتصم من الضياع طالما أوراقه كلها موجودة .. و بالتأكيد الأخوة في نيويورك يكونوا قروا البوست هذا... و علي أسوأ الفروض فإن هناك كثير من الأخوة يعملون في المواصلات من المطار الي المدينة و يمكن أخذ الأخ معتصم الي أقرب بيت عزّابة .. فالأخوة هناك متكاتفون و مثل حالته هذه تكاد تكون يومية ... و كما قلت طالما أوراقه سليمة (اللوتري) الباقي إن شاءالله هيّن ... لأن أمريكا هي أكثر دولة مرحّبة بالمهاجرين من جميع الأجناس و منذ كولمبس.

الاخ محمد سليمان لك كل التحايا والاحترام وتشرفنا
وتُشكر علي التفصيل هذا ما يعطيه فكرة عن المسالة واكيد التهنئة توصل للشاب وحيفرح

والود للجميع

Quote: الأخ حامد عبد الله. للاسف الشديد أنا ساكن بمنطقة واشنطن. أتمنى لهذا الأخ الوصول بالسلامة.

الاخ دينق لك الشُكر الجزيل ويشرفنا
ونتمني ايضا للاخ معتصم الوصول بالسلامة
والود للجميع

Quote: شكرا ياحامد والحقيقة الرجل أرسللي ايميل بهذا المنى وأنا ساعي في الأمر لكن ما دام نزل بوست فاننا ناشد اخواننا في نيويورك استقبال هذا الرجل الذي ساهمت سودانيس اونلاين في جهوده بالحضور وانا متأكد من كرم كل الزملاء بنيويورك مع عاطر التحايا

الاخ يوسف الموصلي لك الشُكر الجزيل ويشرفنا واكيد زي ما قلت الشباب ما حيقصرو منو له التوفيق انشاءالله

والود للجميع

الأخ حامد عبد الله
سلامات .. وألف شكر

أنا أيضاً اسكن فى واشنطن دى سى ..

أتمنى حينما يصل دكتور معتصم .. يقوم الأخوة فى نيويورك بفتح حساب حتى يتثنى لنا مساعدته حتى يقيف على أرجله.

وما تخاف، بإذن الله تسمع عنه كل خير .. نحن هنا فى الغرب ما زلنا محتفظين بنخوتنا السودانية الأصيلة ..

بريمة

Quote: الأخ حامد عبد الله سلامات .. وألف شكر أنا أيضاً اسكن فى واشنطن دى سى .. أتمنى حينما يصل دكتور معتصم .. يقوم الأخوة فى نيويورك بفتح حساب حتى يتثنى لنا مساعدته حتى يقيف على أرجله. وما تخاف، بإذن الله تسمع عنه كل خير .. نحن هنا فى الغرب ما زلنا محتفظين بنخوتنا السودانية الأصيلة .. بريمة

الاخ بريمة تُشكر وتشرف
اكيد محتفظين بالنخوة والاصالة حفظكم الله جمعيا ورزقكم واوسع فيه اكيد ما بتقصرو من الشاب معتصم
وللجميع الود

Quote: الاخوان الكرام التقطت اليوم الحديث من لسان الاخ عادل الباهى وأدهشتنى مروته التى تمنيتها فى نفسى فى الوقوف مع الاخوان ، كتبت فى صفحة التواصل للدفعة 46 كلية الشرطة على الواتساب ( هم برتبة اللواء الان منذ 5 سنوات ) منهم من قضى نحبه ومنهم من ينتظر وما بدلو تبديلا !! فكان حافظ الامين كرم الله الصديق وزميل العمل بجوازات مطار الخرطوم فى الثمالنيات وقد فرقتنا المهاجر فقد يمم شطر الولايات المتحدة وعمل وما زال ( فى تاكسى نيويورك ) إلا أنه هذه الايام ضارب السمك فى السودان فى برى بين اهله وضارب السمك والمطره ليهو 4 شهور وعودته ما قريبة !! الحمد لله رد على يستفسر من شركة الطيران ومطار الوصول والساعة للوصول والاسم بالكامل الى حين وصول هذه المعلومات الاخ الكريم حافظ الامين سوف يجد من يكلفه بهذه المهمه ، التحية لكل الاخوان الذين وقفوا مع الاخ الفائز باللوترى أسأل الله لهم الفوز بالجنة والتوفيق فى الدنيا والاخرة ، وأسأل الله أن لا تنعدم المرؤة بين الناس والتى ما زالت بحمد الله متواجده ومتوفرة بين السودانيين والتحية للأخ بكرى أبوبكر وللأخ عادل الباهى والذى أدخل سهمى المتواضع فى هذا الخير ولكم جميعاً الشكر والتقدير .

الحمد لله والشُكر له ياها زي ما قال بريمة النخوة السودانية
مداخلة للاخ بشري مبارك ود السقاي في البوست الفاتحو الباشمهندس بكري الرجل امور بعد ظبطت نسأل الله له التوفيق والنجاح والمستقبل الباهر
الود للجميع

الحمدلله نحن كسودانيين نادراً ونادراً جدا ما تموت فينا النخوه تجاه بعضنا
نتمنى ان يكون هذا البوست قد ازاح القلق من دواخل الاخ حامد عبد الله

Quote: الحمدلله نحن كسودانيين نادراً ونادراً جدا ما تموت فينا النخوه تجاه بعضنا نتمنى ان يكون هذا البوست قد ازاح القلق من دواخل الاخ حامد عبد الله

يديك العافية وتشُكر يا امير وتشرف ياها دي السودانية والتي نتمني ان تتحرك من الشعبي وتترسمن اي تصبح الملهم للقرار العام

والود للجميع

Quote: Hassan Shrafdeen نرحب بالأخ معتصم في انديانابلس-انديانا... بلد مفتوح وشغل مضمون 3176012090 منذ 2 ساعات

تسلم يا امير اكيد شئ يفرح ويسعد ويطمئن الشاب معتصم وسنبلغه بذلك وانشاء الله كلكم موفقين يارب


الود للجميع

Hassan Shrafdeen
العفو يا حامد وشرف ان يكون الاخ بيننا وسيجد ادوات الابتداء ... والتحية لك وللاخوة المتداخليين النخويين




الاخ حسن من نافذة الفيس
لك الورد والود وكل ما تشتهي

الاتصالات جاريه لكن عشمنا في ناس نيو يورك ما انقطع
اسامه خلف الله وصبري الشريف

Quote: الاتصالات جاريه لكن عشمنا في ناس نيو يورك ما انقطع اسامه خلف الله وصبري الشريف

لقد تم اللازم وتكفل صديقي الفنان محمد خليفه
باستقبال الرجل في المكار
وترتيب بعض آموره الى حين
والتفاصيل قادمه

Quote: لقد تم اللازم وتكفل صديقي الفنان محمد خليفه باستقبال الرجل في المكار وترتيب بعض آموره الى حين والتفاصيل قادمه

الاستاذ الانسان يوسف الموصلي

لك التحية وكل الاحترامات وانت لا تزال تنُثر الجمال شدواً وموقفاً ولحناً ايها الانسان بوزن الذهب وطعم العسل، ليست غريبة وانت من غني حلو الكلام واطرب النفس وادخل البهجة فيها والجمال

(رسالة لي امي )

لك الود والورد وكل ما هو جميل وما تشتهي ودُمت مُحبا ومحبوباً بين شعبك ومعجبيك