شوفو ولد الميرغني الناطق الرسمي للاتحادي مرطب كيف ... ( صورة )

احداث كثر مرت علي البلاد ولم نسمع له صوتا

لقد شغله الترطيب عن الاحداث

ابراهيم الميرغني في رحلة صيد بشرق السودان
وطبعا الشرق حصنهم المنيع

اصطياد الكيزان اوجب من اصطياد الغزلان لو تعلم

الله يبارك له في ما رزقه،
ويرزقنا خيرا منه،
إن شاء الله بس عينك بارده!

Quote: اصطياد الكيزان اوجب من اصطياد الغزلان لو تعلم

أنت بذلك تدعو وتنشر فكر ومنهج قتل مؤيدوا الأحزاب الحاكمة في المستقبل!
لأن ذهاب الكيزان يعني جواز اصطياد مؤيدوا الحزب الحاكم التالي!

صلاح جادات...

هذه الصورة لّخصت المشهد السياسى السودانى بدقة وبراعة..
أبناء النظام وكيف يعشون..
والشعب السودانى كله خارج المشهد..
هذا هو النظام..
الذى هرمنا ونحن ننازعه..
وتتبارى بعض الاحزاب فى التطيبع معه..
واللعب غير الكريم والضحك على الذقون..

الحل الوحيد بيد الشعب السودانى...
مزيدا من الصمود..
وأنتفاضة تزلزل أركان هذا النظام...
ولا شئ سواه..

وقد ورد الأمر بتعلم الرمي في حديث صحيح رواه البخاري عن سلمه بن الأكوع رضي الله عنه قال: مر النبي صلى الله عليه وسلم على نفر من أسلم ينتضلون، فقال النبي صلى الله عليه وسلم: ارموا بني إسماعيل، فإن أباكم كان رامياً. وفي صحيح مسلم عن أبي علي ثمامة بن شفي أنه سمع عقبة بن عامر يقول: سمعت رسول الله صلى الله عليه وسلم وهو على المنبر يقول: وأعدوا لهم ما استطعتم من قوة، ألا إن القوة الرمي، ألا إن القوة الرمي، ألا إن القوة الرمي.

هسع يا جادات المرطب منو انت ولا هو؟؟؟؟؟

دا زول بياخد ليه شهر شهرين فى الخلا ...وانت قاعد فى غرفة مكيفة تنقل وتلصق فى الصور ..وتعالو شوفوا دا وتعالو عاينو دا ..

وبعدين من نفس المحل الاخدت منو الصورة دى فى صور كتيرة غيرها تورى انو الزول دا بركب خيل وابل وزول خلا ..وزول بطانة وعنده مهارة فى مختلف انواع الاسلحة النارية ..وفك السلاح وتركيبه عنده اسرع من اللصق والتركيب عندك ..

يبقى المرطب منو ...

الكلمة امانة يا اخونا جادات .... ارجو ان ترعاها ...

لو كان في دولة محترمة ما كان بقدر يجاهر بصيدته الثمينة دي
معروف انو للصيد قوانين واجراءات تتبع قبل الشروع فيه
بلد لا تحترم حقوق الانسان كيف نتوقع منها احترام حقوق الحيوان
كان الله في عون انسان وحيوانات بلدنا من هؤلاء البشر

-
تذكرت قضية الممثل الهندي سلمان خان المتهم بإصطياد حيوانات برية في رحلة صيد والتلتلة اللقاها بعد داك

http://classic.aawsat.com/details.asp?section=31andarticle=434208andissueno=10498#.U_wSjKNmMhshttp://classic.aawsat.com/details.asp?section=31andarticle=434...o=10498#.U_wSjKNmMhs

-
سلامات صلاح

بارك الله فيك يا قصي

Quote: اصطياد الكيزان اوجب من اصطياد الغزلان لو تعلم

حتماً جائر، برغم الأناقة والشياكة..

المعني ما ولد محمد عثمان الميرغني

للتوضيح فقط

وله مواقف تحسب له من مشاركة الحزب في الحكومة...

ممكن جداً يكون في اجازة وطلع تصاريح صيد من الشرطة ..

المشكلة شنو؟؟

المشكلة يا ياسر الغزالة المسكينة دي ذنبها شنو؟؟؟
لكن برضه نقول لذا جينا للحق فهو افضل من الذين يصطادون الاطفال النساء
باسلحة الدمار الشامل
والله يديك العافية

..
.
ممكن جداً يكون في اجازة وطلع تصاريح صيد من الشرطة ..


يعني يا ياسر منصور ( اولاد الذوات ) حلالٌ عليهم لحم الغزال .
ونحن حلالٌ علينا لحم القعونج من كُلِّ جِنسِ ؟

مع الإعتذار لسعادتو دكتور حِميضة

قصي
- بياتو فهم ؟
- اذا افترضنا ان النظام الذي سوف يأتي بعد الكيزان نظام عادل وايجابي
فهل يستدعي ذلك اصطيادهم ؟
- شايفك عملت ليها منهج وفكر عجبي

Quote: الله يبارك له في ما رزقه، ويرزقنا خيرا منه، إن شاء الله بس عينك بارده! Quote: اصطياد الكيزان اوجب من اصطياد الغزلان لو تعلم أنت بذلك تدعو وتنشر فكر ومنهج قتل مؤيدوا الأحزاب الحاكمة في المستقبل! لأن ذهاب الكيزان يعني جواز اصطياد مؤيدوا الحزب الحاكم التالي!

الاخت نور تاور
- الانتفاضة والعمل المسلح جنبا الي جنب

Quote: صلاح جادات... هذه الصورة لّخصت المشهد السياسى السودانى بدقة وبراعة.. أبناء النظام وكيف يعشون.. والشعب السودانى كله خارج المشهد.. هذا هو النظام.. الذى هرمنا ونحن ننازعه.. وتتبارى بعض الاحزاب فى التطيبع معه.. واللعب غير الكريم والضحك على الذقون.. الحل الوحيد بيد الشعب السودانى... مزيدا من الصمود.. وأنتفاضة تزلزل أركان هذا النظام... ولا شئ سواه..

التحية لك اخي صلاح ..
دي صورة نادرة ..
الشاب يشبه أمراء الخليج ..
كنت أمزح مع زملائي السعوديين في المكتب واقول ليهم نحن كمان عندنا أمراء في السودان هوايتهم الصيد
لأنه شكله كده عندو حضور وبرستيج .. رب ضارة نافعة يا صلاح .. ها لقينا حاجة نرفع بيها ضغط أخوانا السعوديين
بس هم ما مصدقين انه الزول ده سوداني ..
شكراً صلاح كثير .. على هذه الصورة

محمد الحسن
- مابتخجل تسأل سؤال زي ده .. ها ها ها
- الرمي ده الا يكون رمي الجمرات .. وين رمي ؟
في حلايب ولا في الفشقة والاتنين اغلب سكانهم اتحادين علي السكين
- يا اخ اخجل : قاعد يمشي الخلا بحثا عن الماء ام الكلا ام عن الرزق ؟؟؟
- بمشي الخلا عشان يرفه .. ( وده شغل الملوك والامراء وغيرهم من الذين لا يمثل لهم الرزق هما )
وبرضو بتتحدث عن امانة الكلمة .. ( قرقري او لا تقرقري لن تشبعي حتي يشبع الناس )
الناس اكلوها الحمير والكلاب والقعونج .. وغير ذلك اعظم

Quote: وقد ورد الأمر بتعلم الرمي في حديث صحيح رواه البخاري عن سلمه بن الأكوع رضي الله عنه قال: مر النبي صلى الله عليه وسلم على نفر من أسلم ينتضلون، فقال النبي صلى الله عليه وسلم: ارموا بني إسماعيل، فإن أباكم كان رامياً. وفي صحيح مسلم عن أبي علي ثمامة بن شفي أنه سمع عقبة بن عامر يقول: سمعت رسول الله صلى الله عليه وسلم وهو على المنبر يقول: وأعدوا لهم ما استطعتم من قوة، ألا إن القوة الرمي، ألا إن القوة الرمي، ألا إن القوة الرمي. هسع يا جادات المرطب منو انت ولا هو؟؟؟؟؟ دا زول بياخد ليه شهر شهرين فى الخلا ...وانت قاعد فى غرفة مكيفة تنقل وتلصق فى الصور ..وتعالو شوفوا دا وتعالو عاينو دا .. وبعدين من نفس المحل الاخدت منو الصورة دى فى صور كتيرة غيرها تورى انو الزول دا بركب خيل وابل وزول خلا ..وزول بطانة وعنده مهارة فى مختلف انواع الاسلحة النارية ..وفك السلاح وتركيبه عنده اسرع من اللصق والتركيب عندك .. يبقى المرطب منو ... الكلمة امانة يا اخونا جادات .... ارجو ان ترعاها ...

Quote: محمد الحسن - مابتخجل تسأل سؤال زي ده .. ها ها ها - الرمي ده الا يكون رمي الجمرات .. وين رمي ؟ في حلايب ولا في الفشقة والاتنين اغلب سكانهم اتحادين علي السكين - يا اخ اخجل : قاعد يمشي الخلا بحثا عن الماء ام الكلا ام عن الرزق ؟؟؟ - بمشي الخلا عشان يرفه .. ( وده شغل الملوك والامراء وغيرهم من الذين لا يمثل لهم الرزق هما ) وبرضو بتتحدث عن امانة الكلمة .. ( قرقري او لا تقرقري لن تشبعي حتي يشبع الناس ) الناس اكلوها الحمير والكلاب والقعونج .. وغير ذلك اعظم

نعود ونقول لك الكلمة امانة ...وان كان من خجل فاولى به الذى يخوض فى خصوصيات الناس بالباطل ...


بعدين مين قال ليك انو الخلاء دا حق الملوك والامراء.. كدى امشى السبلوقة و النقعة والمصورات و الجبل ..شوف الناس ا البتمشى ترفه هناك دى ...سلاطين ولا ملوك ؟؟؟؟

الاخ حيدر سلام
ولك التحية
وينك اختفيت
- وشكرا لتنزيل المقال

( علموا أولادكم السباحة والرماية وركوب الخيل)

أها الزمن ده ما في خيل تحارب، لكن في طيارات

وعليه فبنفس المنطق الغريب لأخونا محمد الحسن في أعلاه..

يصح لهذا الأمير الذي هبط بطائرته الخاصة في البر لحضور مناسبة ووقفت دوريات الشرطة تسد الطريق وتؤمن سلامة هبوط وإقلاع سموه

يصح لطويل العمر ده برضو أن يتذرع ويبرر فعلته هذه بالدين..



أنا متأكد إنو لو سألت سلفي فلن يتعذر عليه ايجاد التخريج الشرعي لهذا الأمير على طريقة اخونا محمد الحسن في اعلاه

Quote: أنا متأكد إنو لو سألت سلفي فلن يتعذر عليه ايجاد التخريج الشرعي لهذا الأمير على طريقة اخونا محمد الحسن في اعلاه

الاخ الهادى لاعلاقة او اوجه شبه اطلاقا بما اوردته وبما لفحه صاحب البوست انت تتحدث عن امير لديه سلطة وحرس وشرطة وامن وخلافه ...وانا اتحدث عن انسان سودانى ليس لديه حرس او امن او شرطة اوجيش يقضى اوقاته الخاصة فى ممارسة هواية الصيد والتنزه ويحب ان يتمتع بطبيعة بلاده ...

بعدين الرمى بالاسلحة النارية لا ااطنك تختلف معى على انه التطور الطبيعى للرمى بالسهام ...يبقى ما المانع فى ان يكون يجيد استعمال الاسلحة او الرمى ليس من باب التخريج الدينى الذى استنكرته ...وانما من باب التردى والانفلات الامنى الخطير و الذى اصاب كل السودان ...؟؟؟

اعتقد ان الاداء السياسي لابراهيم المرغني والموقف السياسي للمنظومة التي يمثلها بها اوجه قصور كبيرة جدا وجديرة بالمناقشة اكثر من تفاصيل حياته الخاصة

انا عندي اصحابي ما عندهم التكتح كلو فترة بمشوا غرب امدرمان يصطادوا غزلان..

اها شنو ليك؟؟

Quote: انا عندي اصحابي ما عندهم التكتح كلو فترة بمشوا غرب امدرمان يصطادوا غزلان.. اها شنو ليك؟؟

اولاد المصارين البيض

الفاتحة على الرعيل الاول من الاتحاديين

سلامات يا صلاح جادات

مافي مشكلة اذا كان ولد الميرغني مرطب ..(شوفوا ولد الميرغني الناطق الرسمي للإتحادي مرطب كيف) ..

دي ما المشكله ... المشكله في أن هذا الناطق الرسمي قفز ليصبح ناطق رسمي لأنه إبن الميرغني فقط !!
المشكله في الأداء الحزبي للحزب الذي يشغل فيه منصب ناطق رسمي (أتي الي المنصب البرشوت)..
كثير من الشباب الإتحادين الذين ضحوا وتعرضوا للتعذيب والتنكيل من قبل الأجهزة الأمنيه هم أحق منه
لينطقوا بإسم الحزب .. كثير من الشباب الإتحاديـن أحق بإعتلاء المناصب من إبراهيم الميرغني ...
هذه هي المشكله يا جادات (يبقي مرطب او مجفف دي اصلا ما مشكله)..

محمد الحسن
- وبرضو من غير خجلة بتتكلم عن ان الكلمة امانة .. وين خصوصيات الناس ؟ الظاهر عليك ما بتعرف معني خصوصيات
وكمان بالباطل ها ها ها ده معناه انت شغال بالباطل فكيف تنهي عنه غيرك ؟
انت نفسك قلت ان الزول ده بركب خيل وابل وزول خلا فكيف لك ان تتكلم في هذه الخصوصيات ؟
طبعا ده علي حسب فهمك ( اذا الصيد خصوصيات ونشره في صفحة عامة في الفيس بوك خصوصيات فعلي الدنيا السلام )
- يا اخ عاوز تقارن ده بترفيه ناس السبلوقة والنقعة ؟

Quote: نعود ونقول لك الكلمة امانة ...وان كان من خجل فاولى به الذى يخوض فى خصوصيات الناس بالباطل ... بعدين مين قال ليك انو الخلاء دا حق الملوك والامراء.. كدى امشى السبلوقة و النقعة والمصورات و الجبل ..شوف الناس ا البتمشى ترفه هناك دى ...سلاطين ولا ملوك ؟؟؟؟

ياسر
- غرب امدرمان دي بمشوها كداري ؟
- وبقعدوا فيها كم يوم ؟
- بصطادوا الغزلان بشنو ؟ بالسفروق ...
- اها شنو ليك

Quote: انا عندي اصحابي ما عندهم التكتح كلو فترة بمشوا غرب امدرمان يصطادوا غزلان.. اها شنو ليك؟؟

رغيم
- هذا البوست يناقش شيء عام وليس خاص
- طيب انت ناقش قصور المنظومة حدي حاشك ؟

Quote: اعتقد ان الاداء السياسي لابراهيم المرغني والموقف السياسي للمنظومة التي يمثلها بها اوجه قصور كبيرة جدا وجديرة بالمناقشة اكثر من تفاصيل حياته الخاصة

الاخ عبد العظيم سلام
المشاكل التي ذكرتها هي السبب في الترطيب ولو لا ذلك لما طرب هولاء

Quote: سلامات يا صلاح جادات مافي مشكلة اذا كان ولد الميرغني مرطب ..(شوفوا ولد الميرغني الناطق الرسمي للإتحادي مرطب كيف) .. دي ما المشكله ... المشكله في أن هذا الناطق الرسمي قفز ليصبح ناطق رسمي لأنه إبن الميرغني فقط !! المشكله في الأداء الحزبي للحزب الذي يشغل فيه منصب ناطق رسمي (أتي الي المنصب البرشوت).. كثير من الشباب الإتحادين الذين ضحوا وتعرضوا للتعذيب والتنكيل من قبل الأجهزة الأمنيه هم أحق منه لينطقوا بإسم الحزب .. كثير من الشباب الإتحاديـن أحق بإعتلاء المناصب من إبراهيم الميرغني ... هذه هي المشكله يا جادات (يبقي مرطب او مجفف دي اصلا ما مشكله)..

ابراهيم الميرغنى ....تلومنى الدنيا اذا احببته

تلومنى الدنيا اذا احببته
بينما نشد الرحال من ( الصباغ ) قاصدين وادى ( الرويان ) فى صحبة نفر من كرام (البوادره ) لنلحق ( السعيه ) فى نشوقها نحو الشمال ونحمل ( للأبالة ) بعض ما يعينهم على استكمال رحلتهم المضنيه ، وصلتنى الصورة مع التعليق ادن...اه وعرفت انها انتشرت فى الاسافير وخاض في التعليق عليها جنيات ( الخرتوم ) وجلاس شارع النيل وكثير من ساكنى دبى والرياض ولندن وبوسطن وباريس ..ضحكت قليلا وحزنت عميقا ورثيت حالهم وودت ان اقول لهم:
اما فى شان ترحالنا فى ربوع سوداننا الحبيب فنعم قطعناه طولا وعرضا من هضاب البجا الى مضارب الميدوب ومن تخوم السكوت والمحس الى احراش الزاندى واللاتوكا والفرتيت وتسفارنا هذا لو بسطنا لكم دواعيه لما استوعبته مخيلتكم سجينة كهوف الاسمنت بل ربما ساقكم تصوركم السطحى عن السودان الى ما هو اشنأ..
واما فى شأن الصيد الذى ترونه ترفا فربما كان مكوثكم الطويل عند عربان الخليج واحساسكم بالقهر نظرا لما ترونه عندهم من مظاهر الترف والدعه متناسين انه ارث ابائكم واجدادكم رغم بساطة الحال الا ان الرجل السودانى الحق لا يتخلى عن بندقيته وصيده وفى هذا قال الخليل ( للقنيص الخيل خف راسن ونحن ما بنخاف من مراسن المجاهل مين غيرنا ساسن والمكارم غرقنا ساسن ) وقد كفانا قوله قومو خلو الضيق فى المداين وشوفو عز الصيد فى العساين
واما قولكم ان الصورة تستفز جماهيرنا الكادحين ..فما اخالها الا استفزتكم انتم فهم كانو معنا وكنا بينعم نقاسمهم حياتهم فى نجوعهم ووديانهم وفرقانهم الا ان كنتم تحصرون السودان فيكم انتم وفى نمط حياتكم فهذا شانكم وموتو بغيظكم وسنظل نجوب السودان ونحب السودان كما نعرفه نحن لا كما تتخيلونه انتم بين جدرانكم المصمته و لا يعنينا لومكم ولا التبرير لكم فنحن مدينون للذين طوقونا بكرمهم ونبلهم وصفاء نفوسهم لكننا بالقطع لسنا مدينون لكم بشئ والولد البخاف من القبيله تلومو يخلف ساقو فوق تيسا سنين قدومو M

محمد الحسن
- قول لصاحبك هل قطعت ربوع السودان :
معمر ومصلح
ام
محرر ومقاتل من اجل الحق
ام
معلم ومتفقد لحال الناس
- كهوف الاسمنت انتو اتربيتو فيها عندما كان كل الناس عايشة في الجالوص والقش وليتها من عرق جبينكم
- احساسك بالقهر خلاك تهرب الي الترفيه لتنسي
- الناس بتموت وبتغتصب وبتعذب . وانت شايل بندقيتك للصيد فبئس البندقية هي
- الرجل السوداني الحق فعلا لا يتخلي عن بندقيته ولكن عندما تترك البندقية العدو وتوجه للصيد فهي ليست بندقية رجل
- قوم لف .. انت ناسي انك ناطق رسمي لاكبر التنظيمات السياسية في البلد
البلد بتحترق وانت بتتباهي بالصيد يا لبؤسك

Quote: ابراهيم الميرغنى ....تلومنى الدنيا اذا احببته تلومنى الدنيا اذا احببته بينما نشد الرحال من ( الصباغ ) قاصدين وادى ( الرويان ) فى صحبة نفر من كرام (البوادره ) لنلحق ( السعيه ) فى نشوقها نحو الشمال ونحمل ( للأبالة ) بعض ما يعينهم على استكمال رحلتهم المضنيه ، وصلتنى الصورة مع التعليق ادن...اه وعرفت انها انتشرت فى الاسافير وخاض في التعليق عليها جنيات ( الخرتوم ) وجلاس شارع النيل وكثير من ساكنى دبى والرياض ولندن وبوسطن وباريس ..ضحكت قليلا وحزنت عميقا ورثيت حالهم وودت ان اقول لهم: اما فى شان ترحالنا فى ربوع سوداننا الحبيب فنعم قطعناه طولا وعرضا من هضاب البجا الى مضارب الميدوب ومن تخوم السكوت والمحس الى احراش الزاندى واللاتوكا والفرتيت وتسفارنا هذا لو بسطنا لكم دواعيه لما استوعبته مخيلتكم سجينة كهوف الاسمنت بل ربما ساقكم تصوركم السطحى عن السودان الى ما هو اشنأ.. واما فى شأن الصيد الذى ترونه ترفا فربما كان مكوثكم الطويل عند عربان الخليج واحساسكم بالقهر نظرا لما ترونه عندهم من مظاهر الترف والدعه متناسين انه ارث ابائكم واجدادكم رغم بساطة الحال الا ان الرجل السودانى الحق لا يتخلى عن بندقيته وصيده وفى هذا قال الخليل ( للقنيص الخيل خف راسن ونحن ما بنخاف من مراسن المجاهل مين غيرنا ساسن والمكارم غرقنا ساسن ) وقد كفانا قوله قومو خلو الضيق فى المداين وشوفو عز الصيد فى العساين واما قولكم ان الصورة تستفز جماهيرنا الكادحين ..فما اخالها الا استفزتكم انتم فهم كانو معنا وكنا بينعم نقاسمهم حياتهم فى نجوعهم ووديانهم وفرقانهم الا ان كنتم تحصرون السودان فيكم انتم وفى نمط حياتكم فهذا شانكم وموتو بغيظكم وسنظل نجوب السودان ونحب السودان كما نعرفه نحن لا كما تتخيلونه انتم بين جدرانكم المصمته و لا يعنينا لومكم ولا التبرير لكم فنحن مدينون للذين طوقونا بكرمهم ونبلهم وصفاء نفوسهم لكننا بالقطع لسنا مدينون لكم بشئ والولد البخاف من القبيله تلومو يخلف ساقو فوق تيسا سنين قدومو M

Quote: الا ان كنتم تحصرون السودان فيكم انتم وفى نمط حياتكم فهذا شانكم وموتو بغيظكم وسنظل نجوب السودان ونحب السودان كما نعرفه نحن لا كما تتخيلونه انتم بين جدرانكم المصمته و لا يعنينا لومكم ولا التبرير لكم فنحن مدينون للذين طوقونا بكرمهم ونبلهم وصفاء نفوسهم لكننا بالقطع لسنا مدينون لكم بشئ والولد البخاف من القبيله تلومو يخلف ساقو فوق تيسا سنين قدومو

محمد الحسن ان شاء الله تكون وصلت ليهو الرد

فوق

الزول مفتكر انو حسدناه
لن نموت بقيظنا ان شاء الله

Quote: الا ان كنتم تحصرون السودان فيكم انتم وفى نمط حياتكم فهذا شانكم وموتو بغيظكم وسنظل نجوب السودان ونحب السودان كما نعرفه نحن لا كما تتخيلونه انتم بين جدرانكم المصمته