أم درمان القرية الطفيلية

لا حبذا أنت يا أم درمان من بلد
أمطرتني نكداَ، لا زارك المطر

محمّد (الواثق)
ناس ميتافيزكس الأشعار قالوا: قصيدة محمّد الواثق دي، غزلية.

نكتة ما عندها علاقة مُباشرة بموضوع البوست:
ناس بلدية أم دُر كانوا لحدي التمانينات معلقين ليهم تمساح في حيطة البلدبة
واحد أروش جاء مع أخوانو لغرض بالبلدية، سأل واحد من أخونو: إتّا يا حمّد، الفيل دا، معلقنو هنا ليش؟
محمّد ردّ ليهو: لكن دا ما فيل، دا تمساح!!
الأروش: يعرفوهم ليكم كيف؟ يتشابهو تعاريف بس.

القرادة قالت: أنا والبعير أخوي دا تعبنا تعب شديد في ترجيل العبش من القضارف لأم درمان!

بنات أم در غنن ليها:
أنا أم درمان أنا السودان

حجزت قطر الليبرالية سكتنا
أكلت الجمال جزر قلنا ممكن
طلعت يونس ودخلت ايوب الحوت صبرنا
تشيل التمساح من الأوسط تختوا في البلديه وتتكلم عن ام القرى فدونها خرط القتاد

مدخل ضبابي متركش خط الرجعة ...

متابعين ...






... المهم ....

و الرصة دي كلها يا منتصر و الحالة حردان:)

يا بكّور جهجهتنا يوم الجمعة! خليتنا نساسق بين المطعم و الصالة كايسنكم انت وود الزبير :)

ما حردان يا ود البشرى لو بروفيل

المؤسس:
"كان محمّد أحمّد المهدي عند المذاكرة (قراءة الراتب) يبكي بعين واحدة يجري منها الدمع علي خده، و أحبته الخلق (الناس) محبة عظيمة، ولما تمكن من محبتهم فيه؛ أظهر لهم أمر المهدي: أنه خليفة رسول الله وعبده بالمهدية في الجلسة النبوية بحضور الاربعة الأقطاب وبحضور نبي الله الخضر عليه السلام، وقال لهم: اني علي قدر ما تجزعت منها، قال لي رسول الله (ص): ما لها إلا انت يا فلان"

مذكرات يوسف ميخائيل
شاهد على العصر المهداوي

دامت لمؤسس أم درمان السيطرة علي عموم كردفان بعد القضاء علي حملة هكس باشا في كردفان و بدأ التفكير للتحرك ناحية الخرطوم بعد أن جمع جيوشه في الرهد.
يقول صديقنا يوسف ص 112 - 113 :
"و من بعد أكام يوم نشر أوامره لكافة القبايل وأمرهم بأن يكونوا مستعدين للسفر كونه حضرت عندنا حضرة نبوية، وأخبرنا نبي الله الخضر عليه السلام بالهجرة للخرطوم ومن خالف أو تخلف عن السفر يذوق سوء العذاب و يندم أشد الندم.....
قامت الدنيا بأسرها و تزلزلت الأرض جميعها من كثرة الجيوش حتى صار ثمن الجمل بمائة ريال و الحصان خمسين"

تحرك المهدي للخرطوم راكباً على بعير هجين، وكان في ركوبه يرخي الرجلين من قدام علي المخلوفه وكل رجل علي كتف واحد من الملازمية بالمناوبا، و من بعد شرب المويه قال: يا بخيت أطلع... يحضر يوسف (يوسف ميخائيل كاتب المذكرات) عوضا عنك، قال يوسف: أخذت رجله ووضعتها علي كتفي والجمل يمشي الهوينا.

يا أخوانا، منتصر دا، ما لو واقف لي كدا زي وقوف ابو الحسين لود الصائم؟!
المهم، قالوا: الوقفة محبة وقديماً وقف الشاعر بباب حبيبته وقوف شحيح ضاع في الترب خاتمه

مشتاقين يا ود البشرى، وبرضو يا تبارك.

نسيت
شكراً يا منتصر على تصحيح المعلومة

وصل المؤسس ومعه الجيوش الجرارة من المغيّبين التاركين لوسائل كسب رزقهم الحالمين بالحور العين للبقعة المُباركة.
حطّت هذه الجيوش الكثيفة بأبي سعد كسرب من الجراد يتوعد خيرات الجزيرة قبل غردون بالويل والهلاك.
قتل غردون وأكتسحت الجيوش كل ما هو أخضر جنوباً ورفرفت رايات الخليفة السبعة عاليات بالبقعة العشوائية المباركة.

المتصفح لخريطة google earth ناحية أم بدّة، الثورات والصالحة ح يشوف سيرة المهدي بسناريو آخر

"حدثت الكارثة في عام 1888م عندما نفذ مخزون الذرة من "بيت المال" وكان من المستحيل الحصول على أي كمية من الذرة بسعر رخيص وزمن معقول من أي مصدر. سرعان ما غدت أمدرمان مسرحا لأحداث رهيبة. كان أنصار المهدي فيما مضى يسخرون من المصريين الذين حاصروهم في مدينة الأبيض وأجبروهم على أكل الكلاب والحمير والجلود والقاذورات، واليوم أجبرتهم المجاعة هم أنفسهم على فعل كل ذلك، بل وأكل حتى أطفالهم.
نجا الأغنياء من آثار تلك المجاعة بشرائهم، وفي الوقت المناسب، لكميات كافية من الذرة. بيد أن الفقراء لم يكن بوسعهم التحسب أو الاستعداد لتلك الكارثة، فقد قفز سعر إردب الذرة من 60 ليرة إلى 250 ليرة. رأيت في عيون تلك الحشود الهزيلة ذات الغور الذي رأيته في عيون الناس وهم يهيمون على وجوههم وهم تحت الحصار في الأبيض...ولكن فقط مع اختلاف الأعداد. رأيت في أمدرمان أيضا جموعا كثيرة من البشر يبحثون عن أي شيء يدخلونه في أفواهم ... فقط لمجرد حفظ مهجهم، وشاهدت مئات من جثث من قضوا جوعا ملقاة على الطرق لم تجد من يلقيها في النهر أو لذلك المكان الذي اختاره الخليفة كمقبرة. اليوم هنالك تلال من العظام المبيضة هي كل ما بقي من اولئك الذين ماتوا من الجوع. تكاثرت الضباع في أمدرمان واكتسبت جرأة عجيبة فصارت تجوس خلال شوارع المدينة، وذكر لي الأب أورفالدر أن ضبعة وجدت طريقها ذات مرة للعشة الحقيرة التي اتخذها سكنا له. كذلك تكاثرت الجوارح والطيور الأخرى فغطت سماء المدينة المنكوبة. كذلك شاعت عمليات خطف الأطفال، فقد حدث ذات يوم أن أفلحنا في تخليص طفل من "براثن" رجل جائع، ولم يكن ذلك ليتم لولا أنه طرقت مسامعنا صرخات ذلك الطفل اليائسة. وحدث أيضا أن اقتحمت المحكمة امرأة وهي في أشد حالات الفزع تطلب الحماية من والدتها التي زعمت أنها قد التهمت ولدها الأصغر، وذكرت إنها ستكون الضحية المقبلة دون ريب. قبض على تلك الأم البائسة وأودعت السجن حيث فقدت عقلها وفارقت الحياة بعد أيام قلائل. تقاطرت علينا عدد من الأمهات يعرضن أطفالهن (للبيع أو الإهداء) بعد أن عجزت أثدائهن المتغضنة عن إطعامهم، وجاءت ذات يوم امرأة للأب أورفالدر وعرضت عليه شراء أطفالها فأبى ولكنه أعطاها قليلا من الذرة وصرفها بعد أن دعا الله أن ييسر حالها. عادت المرأة في اليوم التالي ومعها طفلين فقط بعد أن مات الثالث من الجوع، ثم أتت في اليوم الذي يليه ومعها طفل واحد. تلك كانت آخر زيارة لها لنا"

ــــــــــــــــــــــــــــــــــــ
*أمدرمان أيام المهدية: ملخص لبعض ما جاء في كتاب للأسير الإيطالي روزيقونولي. ترجمة: بدر الدين الهاشمي

Quote: ناس بلدية أم دُر كانوا لحدي التمانينات معلقين ليهم تمساح في حيطة البلدبة

Quote: ناس بلدية أم دُر كانوا لحدي التمانينات معلقين ليهم تمساح في حيطة البلدبة

أبوبكر سلامات ،

التمساح ماكان معلقنو ناس البلدية ! .. التمساح كان معلق في مركز الشرطة الأوسط بأمدرمان !!!


بعدين يا زول إنت من مدني ، مالك ومال أمدرمان ؟!!! أحكي لينا عن مدني السني يا أبوبكر !


تحيات ماطرة


مامون ( حي الأمراء )

أها يا أمبيكي جاك ود الأمرا!
الليلة عاد وين؟
أمدر دي عشان نوعك دا ما سووا فيها قطر!
وبعدين إنتو ما تلحقوا مدني! محسن خالد قال هي مدين حقت سيدنا
شعيب في القرآن وكان يسكنها رباطون وقطّاع طرق. كدا كويس
معاكم يا ناس مدني؟ أنحنا أم در دي كان سفيت سعوط ساكت (ما معاهو
عرقي) التعايشي كان بيرجمك! عليك الله شوف ناس مدني!
لكن بناتكم مرحات جد!

Quote: لتمساح ماكان معلقنو ناس البلدية ! .. التمساح كان معلق في مركز الشرطة الأوسط بأمدرمان !!!

الأمير مامون
سلام
يا زول، أنا أم درمان دي غير عدم حبي ليها، ما عندي فيها معرفة، والتمساح دا كنت بشوفوا لمان نجي ببص البطري من الكلية ماشين السلخانة وبنغني لثنائي العاصمة، وتحديداً اغنية المناظر على التلال والعيون طابعا الدلال، وكنت بستغرب وين شعراء أم درمان شافوا المناظر الجميلة في هذه المدينة التعيسة د]؟؟ اللهم إلا يكون كانوا بحششوا في شاطئ أبروف وبتفرجوا على جناين شمبات...

Quote: لكن بناتكم مرحات جد!

سلام مصطفى،
بناتنا مرحات وحلوات وبرقصن مفتحات (أعني الرقيص الزمان الكانن فيهو البنات بغمضن عيونن).
يا أخي، ديل بنات وأحفاد متعلمي غردون وموظفي وزرارة الري ومشروع الجزيرة.
مدني الجديدة (بعد 1926) هي وعطبرة وبورتسودان وجزء من الخرطوم هن المدن الحقيقيات بالسودان وقامن وفق دراسة إقتصادية.

Quote: والتمساح دا كنت بشوفوا لمان نجي ببص البطري من الكلية ماشين السلخانة وبنغني لثنائي العاصمة، وتحديداً اغنية المناظر على التلال والعيون طابعا الدلال، وكنت بستغرب وين شعراء أم درمان شافوا المناظر الجميلة في هذه المدينة التعيسة د]؟؟ اللهم إلا يكون كانوا بحششوا في شاطئ أبروف وبتفرجوا على جناين شمبات... ______________________________________________________________________________- أبوبكر سلامات يا عزيز ،، شكلك شفتا أمدرمان دي في زمن أغبر يا حبيب ! عشان كده عذرك معاك آبوي ! .... حقو تستعين بى صديق .... محجوب شريف انتقل عليه الرحمة ... ممكن تسأل هاشم صديق أو ولدكم أبواللمين ،،، الله يديهم طولة العمر !! تحيات مطر

---

Post: #18 Title: Re: أم درمان القرية الطفيلية Author: مامون أحمد إبراهيم Date: 08-23-2014, 03:54 PM Parent: #17 Quote: والتمساح دا كنت بشوفوا لمان نجي ببص البطري من الكلية ماشين السلخانة وبنغني لثنائي العاصمة، وتحديداً اغنية المناظر على التلال والعيون طابعا الدلال، وكنت بستغرب وين شعراء أم درمان شافوا المناظر الجميلة في هذه المدينة التعيسة د]؟؟ اللهم إلا يكون كانوا بحششوا في شاطئ أبروف وبتفرجوا على جناين شمبات... أبوبكر سلامات يا عزيز ،، شكلك شفتا أمدرمان دي في زمن أغبر يا حبيب ! عشان كده عذرك معاك آبوي ! ... حقو تستعين بى صديق ... محجوب شريف انتقل عليه الرحمة ... ممكن تسأل هاشم صديق ، او ابن مدني العملاق أبواللمين ،،، الله يديهم طولة العمر !! والله اقول لك : أسأل حبيبنا وأستاذنا أبوعركي البخيت ،،، فلطالما شدا بأمدرمان !