اهداء الى صديق ود الموج ..الزمن الجميل... فيديو

عبد المنعم سيد احمد الزول الجميل سلام
وحاتك ماسك لى موية بى غادى لم الحظ هذا الخيط الفلته الا الان
وعدى بى ياشوقى عدى من كلمات الشاعر الصادق الياس، والصادق
من اصول مصرية ومحسوب على الجريف بحكم النشأة والمنبت وهو
شاعر مرهف،كليماته حنينة وحديثه طلى كتب للكثيرين وخص الجابرى
برسائل والجريف واللوبيا ونفح على ابراهيم اللحو التوب وكما اهدى
ابن البادية هدى بى يا شوق هدى وكان هذا قبل عهد تتر ومغولى السودان
وكانت ام درمان مثل عروس غضة الاهاب مكحلة الاهداب وكان ذلك
منسجماً مع منطق الاشياء يومئذ ، كان هذا قبل زمن ينتهى العزاء بانتهاء
مراسم الدفن هذه فنحن فى ايام مسكت ماء ولا انبتت كلأ..
منعم شكراً هذا الاهداء الجميل وزيدنى من دلك شوية ويبقى الود،،،

ود الموج ..لك التحايا
سوداننا كان سودانا ..جميلا راقيا
مبدعا فى كل مجال
كانت الخرطوم ..زهرة للمدائن
كانت اندية الجاليات ..كالثريات الذهب
تضىء ليالى ..الخرطوم الحالمة المبتهجة
وكنا هناك ..من مسرح الى سينما الى نادى
ليس هناك من عسس.. يحسب خطوك الرزين
يا للحزن