يـا سِـيـدي الـرئـيـس، كِـدي قُـوّم اقـيّـف . اشـعـار ود الـمـديـر وشـقـشـقـة الـزرازيّـر ...

http://www.gulfup.com/?YfP3Vy

وين الهجيج وين الرقيص
والعسكر اللآبسين نضيف
وتعظيم سلآم
والهيلمان والصولجان
والعظمة يا سيدي الرئيس ؟
يا حامي لدينا الحنيف
وين الجللآت والطلآقات
والهتافات والجِنس اللطيف ؟
يوم تمسى زي حمل الخريف
وتصبح عريس، وين يا رئيس ؟
يا سيدي قالوا الدنيا ما بتدي الحريف
كدي قُوّم اقيّف
خلِي النشوف الركبة
والشغل النضيف
مستشفى كيّر !
إن شاء الله خير ؟
وسرير نضيّف
وغطاك حرير
وعشاك خفيف
ونومك لطيّف
وظِلّك وريّف
كدي قُوّم اقيّف
خلِي النشوف الرُكبة
والشغل النضيّف
ما كلموك، ما قالوا ليك
الدنيا برّا بِقت خريف ؟
كدي قُوّم اقيّف
وبالراااحة تاوِق يابا شُوّف
الصاقعة لا خلّت حِيط جالوص
ولا خلّت صرِيّف
ما كلموّك، ما قالوا ليك
الدنيا برّا بِقت خريف ؟
ما قالوا ليك،
كلّ الغلابا الكادحين
متوسدين طِين الوطن
متغتغتين بجناح بعوض
فوقهم تزمجِر يوّت رُعُوّد
والدنيا قايمة وقاعدة موّت
واطفال يشيلآ السيل يفُوّت ؟
قوليا ليّه ما قالوا ليك ؟
خايفين يزيدُوهو العليك
ما رضينا وجع الرُكبة ليّك
يا سيدي تبرا من الألم
غلطان يجيّك
غلطان يتاورك ويصطفيك
عميان من الخلق البُيوتا اتهدّمت
عميان من الخلق النُفوسا اتحطّمت
عميان من الخلق الهُموما اتردّمت ؟
ما يمشي يسكن في مواجعا يستكين
ويزيدا الآم فوق ألم يمسي ويصبّح
فوقا عشرات السنين
ما يمشي يسكُن في الأنين
ما يمشي يسكُن في نفوس الكادحين
البائسين الجائعين
ليه يعني يختار الرئيس ؟
ليه يحرم القايد المشير طعم الرقيص ؟
مستشفى كير !
إن شاء الله خير ؟
يا سيدي لِسّع لِسّع الراجيك كتيّر
من المظاليم البيدعو عليك في حرّ الهجيّر
من المظاليم البيدعو عليك
في ليلاً شديد الزمهرير
من المكاليم البيدعو عليك
في المطر الغزير
يا سيدي لِسّع لِسّع الراجيك كتيّر
ما بين دُعاء المظلوم ورب العِزّة
ما مضروب حجاب
وفي الدِنيا قبل الآخرة
يا ما تضوق عذآب
دعوآت مظليم البلد
يا سيدي ما بتروح سرآب
حا يلآزمك المرض العُضال
لآمِن تعافك بُكرة أنجاس الـكِـلآب
ويكون في عِلمك يا ظلوُّم
الدنيا آخرتا كوم تُرآب ...


ود المدير...

Quote: مستشفى كير ! إن شاء الله خير ؟ يا سيدي لِسّع لِسّع الراجيك كتيّر من المظاليم البيدعو عليك في حرّ الهجيّر من المظاليم البيدعو عليك في ليلاً شديد الزمهرير من المكاليم البيدعو عليك في المطر الغزير يا سيدي لِسّع لِسّع الراجيك كتيّر

ما عصرت عليه شديد
كدي ال يكرمو له وبعدين يفك لينا المسجونين والله كريم

شغل نضيف يا ود المدر و بعدين اصلن
لزوما شنو العملية والبلد فى حالة نكبة ورعاياه يعانون الامرين
العملية فى الظروف دى تعتبر هروب من المسئولية التى افتقد ادواتها
هذه بعد السلام يا حبيب

سيدي الرئيس

Quote: قُوّم

لف
...............
بعدين الدكتور دا بتكبكب كدة مالو، امشي نيابة عنو عليك الله، ويفتح في باب العربية، انت خلاص عملت العملية وامنا ،
الكبكبة دي خليها للمبارينو ديل، عالم وهم ...
..............
متعة، شكرا يا ود المدير،

Quote: لقد أسمعت لو ناديت حيا ولكن لا حياة لمن تنادي ولو نار نفخت بها أضاءت ولكن أنت تنفخ في رماد

Quote: ما عصرت عليه شديد كدي ال يكرمو له وبعدين يفك لينا المسجونين والله كريم

أصعب إحساس يا إخلاص أن يحس الإنسان بأنه مسجون
وهو طليق في رحاب بلدو. الكل مساجين وفك المسجونين
يكون بالخلآص من هذه العاصبة الغادرة الغاشمة...

http://www.gulfup.com/?sC6J0r

Quote: كدي قُوّم اقيّف خلِي النشوف الركبة والشغل النضيف مستشفى كيّر ! إن شاء الله خير ؟ وسرير نضيّف وغطاك حرير وعشاك خفيف ونومك لطيّف وظِلّك وريّف كدي قُوّم اقيّف خلِي النشوف الرُكبة والشغل النضيّف

Quote: شغل نضيف يا ود المدر و بعدين اصلن لزوما شنو العملية والبلد فى حالة نكبة ورعاياه يعانون الامرين العملية فى الظروف دى تعتبر هروب من المسئولية التى افتقد ادواتها هذه بعد السلام يا حبيب

سلآمات يا جلال.
العملية في النملية. يا اخي الموضوع وما فيهو إنو
الحكاية أصبحت لا تعدو كونها إستهتار. وآحد
يعمل عملية، ووآحد يقول أُكلو ضفادع ووآحد
ما عارف شنو كدي !!!. حيرونا يا اخ.
والله صحي...

قسم مدير...
وشقشقة الزازير حت كمان





بديع والله يا معاوية
بديع جد



تحياتي، محبتي واحترامي...

Quote: بعدين الدكتور دا بتكبكب كدة مالو، امشي نيابة عنو عليك الله، ويفتح في باب العربية، انت خلاص عملت العملية وامنا ، الكبكبة دي خليها للمبارينو ديل، عالم وهم ... .............. متعة، شكرا يا ود المدير،

شكراً عبد المنعم.

بالمناسبة دا إنتهاك لحُرمة مهنة الطب. الزول دا بدل
الكبكبة البيسوي فيها دي كان يفترض يرفض يعالجوا
تضامناً مع الناس الما لاقيين حق مقابلة الدكتور وحق
الدواء، لكن لا بُدّ ان يكون هنالك معتوهين محسوبين
علي المِهن الشريفة وأصحابها...

Quote: دعوآت مظليم البلد يا سيدي ما بتروح سرآب حا يلآزمك المرض العُضال لآمِن تعافك بُكرة أنجاس الـكِـلآب ويكون في عِلمك يا ظلوُّم الدنيا آخرتا كوم تُرآب ... ود المدير...

ياسلام علي الأبداع
و علي محاولاتك الجريئة و الناجحة
لتطويع الكلمة و اخراجها بشكل جميل
لك كل الود و آسف لعدم تمكني للحضور لكم مرة أخري
و ننتظر قدومك النهائي للمدينة بفارغ الصبر

دمت و دامت ايامك سعيده

Quote: دعوآت مظليم البلد يا سيدي ما بتروح سرآب حا يلآزمك المرض العُضال لآمِن تعافك بُكرة أنجاس الـكِـلآب ويكون في عِلمك يا ظلوُّم الدنيا آخرتا كوم تُرآب ... ود المدير...

ياسلام علي الأبداع
و علي محاولاتك الجريئة و الناجحة
لتطويع الكلمة و اخراجها بشكل جميل
لك كل الود و آسف لعدم تمكني للحضور لكم مرة أخري
و ننتظر قدومك النهائي للمدينة بفارغ الصبر

دمت و دامت ايامك سعيده

Quote: وين الهجيج وين الرقيص والعسكر اللآبسين نضيف وتعظيم سلآم والهيلمان والصولجان والعظمة يا سيدي الرئيس ؟

Quote: لقد أسمعت لو ناديت حيا ولكن لا حياة لمن تنادي ولو نار نفخت بها أضاءت ولكن أنت تنفخ في رماد

Quote: أَفَلَمْ يَسِيرُوا فِي الأَرْضِ فَتَكُونَ لَهُمْ قُلُوبٌ يَعْقِلُونَ بِهَا أَوْ آذَانٌ يَسْمَعُونَ بِهَا فَإِنَّهَا لا تَعْمَى الأَبْصَارُ وَلَكِنْ تَعْمَى الْقُلُوبُ الَّتِي فِي الصُّدُورِ

هاشم يا صديق،
أخبارك ؟...

يسلم فخامة الرئيس عمر حسن أحمد البشير ،
الفارس المغوار ،
فارس الحديد ،
الرئيس التقي الورع المتواضع ،
تجده في السراء والضراء وسط شعبه ،
وفي الأتراح والأفراح ،
وصيوانات العزاء ،
يسلم البشير ،
،،،،


***
سلام أخي معاوية ،







عزالدين عباس الفحل
ابوظبي

Quote: ما كلموك، ما قالوا ليك الدنيا برّا بِقت خريف ؟ كدي قُوّم اقيّف وبالراااحة تاوِق يابا شُوّف الصاقعة لا خلّت حِيط جالوص ولا خلّت صرِيّف ما كلموّك، ما قالوا ليك الدنيا برّا بِقت خريف ؟ ما قالوا ليك، كلّ الغلابا الكادحين متوسدين طِين الوطن متغتغتين بجناح بعوض فوقهم تزمجِر يوّت رُعُوّد والدنيا قايمة وقاعدة موّت واطفال يشيلآ السيل يفُوّت ؟ قوليا ليّه ما قالوا ليك ؟ خايفين يزيدُوهو العليك

الأخ معاوية المدير
لك السلام و الأشواق قبل و بعد التحايا النواضر لشخصك الكريم
المناظر بحق مؤلمة و لقد رأيتها رأى العين في آواخر رمضان و العيد و بعده
من لم تقع داره بفعل المطر في بربر و ما جاورها من القرى لا يأمن الجلوس داخل بيته ذي الحيطان المائلة
سألتهم لماذا لا تكركوا كما كان بفعل الأباء في زمان مضى فإن الكرك يمنع الحيطان من التمايل و السقوط
أفادوني بأن شوال الزبالة تجاوز الخمسة الآف و هم أحوج لمثل هذا المبلغ للأكل و الشراب
بؤس و موت في كل بقعة في نهر النيل و معظم السودان
العسياب محتها السيول من الوجود كأن لم يكن بها بيوت و ناس و شجر
كل المناطق غرب النيل من بداية الولاية من الجنوب و حتى تخوم الرباطاب
تأثرت بدرجات متفاوتة و بعضها محى من الوجود
الأغرب من كل هذا أن أئمة الجوامع يتحدثون في منبر الجمعة أن الأمطار خير و بركة
و يتناسون عمداً تكملة الحديث عن أهمية محاسبة المسئولين صغيرهم و كبيرهم عن الدمار الحاصل
بل و لا يذكرون مطلقاً مسئولية الدولة عن تخفيف و إعانة هؤلاء المنكوبين و تعويضهم
فلك الله يا وطن

Quote: Bomedian Mohamed · جامعة الخرطوم الـمدهش ، الـرائـع ، مـتـعــدد الـمـواهـب ( عـيني عـليك بارده ) الـمـدير ظـاطـو .. كـم كـانت هـذه الـزفـرة الـحـري صـادقه ومـعـبره عـن الـجـوانا .. أنطقك الله بلســان الـغـبش الـغـلابه ، فكــنت صــوت مـن لاصــوت لـهـم كمنبركـم الـعـامــر .. إعـجـاب مـني بهـذه الـصـرخـه الـصـادقـه ، قـمـت بنشــرهـا عـلي صـحـيفـة الـراكـوبه ( البشير يُغادر رويال كير إلي منزله بعد عملية جراحية ناجحة ) ( يـا سِـيـدي الـرئـيـس ، كِـدي قُـوّم اقـيّـف . اشـعـار ود الـمـديـر ) ؟؟. وتم نشـرهـا اعـلي قصــيدة ( and#65197;ُand#65243;and#65170;ـــand#65172; and#65203;ِand#65268;ـــand#65194;and#65263; ) .. للشاعر الكبير and#65259;and#65166;and#65207;and#65250; and#65211;and#65194;and#65267;and#65238; !!. وفـي إنتظـار الـمـزيد .. الـي الأمــام .. الـغـضـب الـسـاطـع آت .. الـثورة الـشـعـبية آتيه لا ريب فـيهـا .. الغضب الساطع آتٍ و أنا كلي إيمان الغضب الساطع آتٍ سأمر على الأحزان من كل طريق آتٍ بجياد الرهبة آتٍ و كوجه الله الغامر آتٍ .. آتٍ .. آتٍ

بومدين يا صديقي،
لك ألف شكر علي الإطراء الذي تتقاصر قامتي
أمامه، وشاكر لك ايضاً نشرك للقصيدة في الراكوبة.

ألف شكر يا عزيز...

Quote: قسم مدير... وشقشقة الزازير حت كمان بديع والله يا معاوية بديع جد تحياتي، محبتي واحترامي...

أُستاذنا بلة محمد الفاضل.
حياك الغمام يا زول يا زين.
كتّر خيّرك كتير علي الإشادة الطيبة
البتشبهك وتبرز معدنك الأصيل.
إن شاء الله ابقى قدُر كلآمكم دا...

Quote: ياسلام علي الأبداع و علي محاولاتك الجريئة و الناجحة لتطويع الكلمة و اخراجها بشكل جميل لك كل الود و آسف لعدم تمكني للحضور لكم مرة أخري و ننتظر قدومك النهائي للمدينة بفارغ الصبر دمت و دامت ايامك سعيده

يسعد أيامك رب العالمين يا ود الصاوي.
يا سيدي ولا يهمك، كلها إسبوعين وأكون معاكم
إن شاء الله.
شكراً جزيلاً علي الإطراء، ونشوفك بخير
في القريب العاجل إن شاء الله...

Quote: Alamin Ibrahim · متابعة · الأكثر تعليقا · ‏محاسب‏ في ‏محاسب بالسعودية‏ في الاتراح والافراح و( صيوانات العزاء ) الفحل قوم لف ، تحياتي معاوية

حياك الله يا اللمين،
ومشكور علي الطلّة.

ود الفحل دا خلّو بفهمو، هههههههه...

يسلم فخامة الرئيس عمر حسن أحمد البشير ،
الفارس المغوار ،
فارس الحديد ،
الرئيس التقي الورع المتواضع ،
تجده في السراء والضراء وسط شعبه ،
وفي الأتراح والأفراح ،
وصيوانات العزاء ،
يسلم البشير ،
،،،،


***
سلام أخي معاوية ،








http://www.gulfup.com/?DvdxjA







عزالدين عباس الفحل
ابوظبي

عبد المنعم يا صديق،
تشكر علي الكراكتير المُعبر عن الحالة المتردية التي
وصل إليها البشير. في السودان بشر يدعون عليه
لم يطرق لهم الحرام باب، فوالله إنه الخسران المُبين.
ناس دعاهم ما بيقع وآطة...

http://www.gulfup.com/?DvdxjAhttp://www.gulfup.com/?DvdxjA







عزالدين عباس الفحل
ابوظبي

الأخ عز الدين عباس لك وللأخ معاوية والمشاركين والقراء التحية
أخي ليس السيد الرئيس رجل عادي ومواطن عادي ليتكلم الناس عن أنه كان رجل طيب وذو خلق
لا يكفي أن يكون الرئيس طيب وذو خلق الموضوع أعقد من ذلك بكثير يا أخي...
فهل يعقل أن يسأل عن رئيس السودان شغالة في منزله من بلد آخر ؟!
يا سبحان الله
ولماذا لم يسأل رعاياه الذين سيسأل عنهم يوم يلقاه!

Quote: *** سلام أخي معاوية ،

تسلم من كل شر وبلاء يا صديق.
مشكوور علي المرور.

مشتاقين، والله.

ود المدير انشاء الله خير
شايفك تكوس وقْفة رئيس
قسماً بِقيفْ وكمان يقيفْ
لامَنْ تقول قُعادو كيف
ود المدير خليك شفيف
وكمان ظريف
ضُم الكُراع صَفا وانتباه
حيِّي الرئيس
مَطَرَ الخريف عمَّ المكان
وانتوا وين خلي الرئيس
واقفين بعيد بِتاوقوا ليه
زي ما تقول سالخين كديس
انتو الرئيس سعيو الحثيث
كنكشكو ليه كينكيش تعيس
نِعَمَ الامان في امدُر أمان
تلقاها وين وسط الزحام
ومتين بننضم في الاكل
والشرفة ليه يا مُنكسر
قسماً بقيف ولابُد يقيف

Quote: ود المدير انشاء الله خير

سلآمات أخي وائل.

عفواً الصحيح، إن شاء الله.
إنشاء يمكن أن يكون إنشاء مبنى، إنشاء حزب، إنشاء كُبري...إلخ.
معليش، كتير من الناس بيغلتو فيها دون قصد لكنها غلطة فادحة
أتمنى أن نحاول تجنبها.
مودتي،
وبجيك صاد إن شاء الله...

يا ود المدير القصيدة دي جاتني زي عشرين مرة في الواتساب ولا واحدة عليها توقيعك, واشيل وارد ليهن القصيدة دي كاتبها معاوية المدير و لا أنسى أن أقشر بيك واختم رسالتي بـ صاحبي :)

Quote: يـا سِـيـدي الـرئـيـس، كِـدي قُـوّم اقـيّـف

سلام ياقريبي
تصدق قوم اقيف دي قريتا قوم لِف

ود المدير ،
عمر البشير البعدل الكيف ،
الرئيس التتر الوقف ع القيف ،
الدرق البيسد الصيف ،
مقنع الكاشفات البيصم السيف ،
ما إنكسر تب واقف للضيف ،
ما قال تعبت ،
مقلاع جعل لسدود وقيف ،
نواصل ،
،،،،


***
أول محاولة شعرية،
سلام أخي معاوية ،








http://www.gulfup.com/?DvdxjAhttp://www.gulfup.com/?DvdxjAhttp://www.gulfup.com/?DvdxjA







عزالدين عباس الفحل
ابوظبي

Quote: الأخ معاوية المدير لك السلام و الأشواق قبل و بعد التحايا النواضر لشخصك الكريم المناظر بحق مؤلمة و لقد رأيتها رأى العين في آواخر رمضان و العيد و بعده من لم تقع داره بفعل المطر في بربر و ما جاورها من القرى لا يأمن الجلوس داخل بيته ذي الحيطان المائلة سألتهم لماذا لا تكركوا كما كان بفعل الأباء في زمان مضى فإن الكرك يمنع الحيطان من التمايل و السقوط أفادوني بأن شوال الزبالة تجاوز الخمسة الآف و هم أحوج لمثل هذا المبلغ للأكل و الشراب بؤس و موت في كل بقعة في نهر النيل و معظم السودان العسياب محتها السيول من الوجود كأن لم يكن بها بيوت و ناس و شجر كل المناطق غرب النيل من بداية الولاية من الجنوب و حتى تخوم الرباطاب تأثرت بدرجات متفاوتة و بعضها محى من الوجود الأغرب من كل هذا أن أئمة الجوامع يتحدثون في منبر الجمعة أن الأمطار خير و بركة و يتناسون عمداً تكملة الحديث عن أهمية محاسبة المسئولين صغيرهم و كبيرهم عن الدمار الحاصل بل و لا يذكرون مطلقاً مسئولية الدولة عن تخفيف و إعانة هؤلاء المنكوبين و تعويضهم فلك الله يا وطن

الأخ الحبيب،
الوليد الشيخ، سلآمات يا زول يا سمح يا زين.
يعني طلعت من عندنا ؟، والله فخر كبير لينا.
حتي الزبالة الكنا بنلقطا من البرود ؟! عجيب يا زمن !.
نسأل الله أن يغيث الناس ويرفع عنهم البلاء.

مودتي، وأنا متلوم معاك
اعفى لي...

Quote: الأخ عز الدين عباس لك وللأخ معاوية والمشاركين والقراء التحية أخي ليس السيد الرئيس رجل عادي ومواطن عادي ليتكلم الناس عن أنه كان رجل طيب وذو خلق لا يكفي أن يكون الرئيس طيب وذو خلق الموضوع أعقد من ذلك بكثير يا أخي... فهل يعقل أن يسأل عن رئيس السودان شغالة في منزله من بلد آخر ؟! يا سبحان الله ولماذا لم يسأل رعاياه الذين سيسأل عنهم يوم يلقاه!

؟؟؟؟؟؟؟؟؟؟؟؟؟؟؟؟؟؟؟؟؟؟.

سلآمات يا منتصر.
الرجل تشهد له 25 سنة قضاها في دفة الحكم
دعك من الشغالة التي كانت تعد له القهوة الحبشية
وترتب سريره...

Quote: ود المدير انشاء الله خير شايفك تكوس وقْفة رئيس قسماً بِقيفْ وكمان يقيفْ لامَنْ تقول قُعادو كيف ود المدير خليك شفيف وكمان ظريف ضُم الكُراع صَفا وانتباه حيِّي الرئيس مَطَرَ الخريف عمَّ المكان وانتوا وين خلي الرئيس واقفين بعيد بِتاوقوا ليه زي ما تقول سالخين كديس انتو الرئيس سعيو الحثيث كنكشكو ليه كينكيش تعيس نِعَمَ الامان في امدُر أمان تلقاها وين وسط الزحام ومتين بننضم في الاكل والشرفة ليه يا مُنكسر قسماً بقيف ولابُد يقيف

يا زول اقيف
اُخُدلك نفس كِدي واستريح
القصة ما قصة حماس
القصة ما قصة هُتاف
والقصة ما قصة نبيح
يا زوا اقيف
القصة ما قصة رقيص
القصة قصة دِين حنيف
وحديث شريف
بين دعوة المظلوم ورب العِزّة
عارض ما بيقيف
شُوف كم مظاليم ليل نهار
دآعين علي عُمر الرئيس
تقول لي يقيف ؟
إن كان وقف الليلة
باكر في الفراش بيقع فطيس
تقسم بوقفة زول عضير ؟!
تقسم بوقفة زول كسيح ؟!
قسمك دا ما قوّل زول نصيح
حاكم بيدعي عليهو مظلوم،
قسماً برب العِزّة
لا دنيا يهنأ
لا آخرة ينجو
لا يسترح
راقب وشوّف
كيف دعوة المظلوم تبين
وكيف يستجيب لدعاهو رب العالمين
وكيف زولك البرقص سنين
يشبع ألم
يشبع مرض
يشبع انين
ويرقد مغبي من الدعاء
ويجهل شمالوا من اليمين
يا زول اقيف،
وإستغفر الله العظيم
القصة ما قصة رقيص
القصة قصة دِين حنيف
وحديث شريف...

ود المدير ،
كدي إنت أقيف ،
عمر البشير البعدل الكيف ،
شن تقول كيف ،
الرئيس مو بحتاج للتعربف ،
راجم المحن البعدل الصيف ،
طارد الغشيم شغل مو لهيف ،
الأسد التتر بيهز العدو الحريف ،
نواصل ،
،،،،


***
سلام أخي معاوية ،








http://www.gulfup.com/?DvdxjAhttp://www.gulfup.com/?DvdxjAhttp://www.gulfup.com/?DvdxjAhttp://www.gulfup.com/?DvdxjAhttp://www.gulfup.com/?DvdxjA







عزالدين عباس الفحل
ابوظبي

معاوية صاحبي ..

سلام واحترام ولضيوفك الكرام .

Quote: يا سيدي لِسّع لِسّع الراجيك كتيّر ما بين دُعاء المظلوم ورب العِزّة

يمهل ولا يهمل .

ولي قدام .

Quote: يا ود المدير القصيدة دي جاتني زي عشرين مرة في الواتساب ولا واحدة عليها توقيعك, واشيل وارد ليهن القصيدة دي كاتبها معاوية المدير و لا أنسى أن أقشر بيك واختم رسالتي بـ صاحبي :)

ههههههههههههههههه،

يا ود البشرى يا اخ نسأل الله أن يديم بيناتنا الصُحبة والمودة،
ويجمعنا في ها الزايلة في ساعات الخير.
عدم التوقيع دقسة مِني، لكن جات معاك في السِلِك.
مرّة لقيت قصيدة حقتي وآحد ناسبا لمحمد بادي، يا اخي
إتكيفت جِنِس كيّف !.

شكراً للتوضيح...

Quote: مرّة لقيت قصيدة حقتي وآحد ناسبا لمحمد بادي، يا اخي إتكيفت جِنِس كيّف !.

كويس المانسبها لي ابوهريرة
إنتا ياود المدير خبارَكْ بترد علي الجَنّون جت وبتفطني
مداخلتي الفوق دي دار تسويها خَمّار؟ ولا عشان ودالبشري هلالي زيك؟

Quote: كويس المانسبها لي ابوهريرة إنتا ياود المدير خبارَكْ بترد علي الجَنّون جت وبتفطني مداخلتي الفوق دي دار تسويها خَمّار؟ ولا عشان ودالبشري هلالي زيك؟

هههههههههههههههه،

يا قريبي خاتيك تحلية، يعني رُز بالكستر.
الردود فنون، يعني لآزم ترد بحرفنة عشان تمنح فرصة
أكبر للناس تقرأ.
حقك علي يا زول يا سمح، أنا كان زعلتك
إنت شِن فايدتي ؟.

عندك قلبين بينططو فوق.

Quote: سلام ياقريبي تصدق قوم اقيف دي قريتا قوم لِف

هو قادر يقيف لآمن يلِف ؟...

معاوية مساء الخير
أقول :
ود المدير ..
كان الكلام قُدرة وقوف
الكل بِقيف بنشيلو سيف
قدام رئيسنا منو البقيف
ود المدير ..
هاك الدليل على الوقوف
كل السودان مع البشير
واقفين وقوف
تقدر تقول منوا البعارض يقدر يقيف

Quote: معاوية صاحبي .. سلام واحترام ولضيوفك الكرام . يمهل ولا يهمل . ولي قدام .

نِعمَ المولى ونِعمَ النصير.

سلآمات يا بت عمسيب...