هل صار الشعب السوداني انتهازيا

هل صار الشعب السوداني انتهازيا ؟!
في اسبيان شملت عددا من مختلف من قطاعات المجتمع وجه لهم السؤال اعلاه ضمت عمال وموظفين وطلاب وقوات نظامية رجال ونساء ، وصلتني ردود 210 من الذين ارسلت لهم هذا الاستبيان الصغير المختصر ..
القصد من هذا الاستبيان ليس تقليل من شاننا كوطن او مواطنين ، ولكن الانتباه الي هاوية سحيقة نكاد ننزلق اليها راغبين بغير وعي ،.
النتيجة كانت مفاجأة لي فلم اعتقد في اسواء الاحوال ان نصل الي درجة يقر بها الكثيرين دون تردد بان وباء الانتهازية قد عشعش فينا وافرخ صغاره ، ..
ليس القصد من هذا البوست اتهام او تقبيت شئ بقدر ماهو رفع علامة حمراء تنبهنا الي الخطر القادم الذي يجب ان نعالجه في انفسنا قبل ان نسعي لعلاج الاخرين ..

هناك 210 من العينة اجابت اجابات مباشرة كالاتي :-
** 145 شخص قالوا نعم نحن شعب انتهازي بنسبة 69,1%
** 65 شخص قالوا لا نحن شعب غير انتهازي بنسبة 30,9%

وكانت هناك اجابات غير مباشرة نشرككم فيها كما هي بلا تعديل ..:-

__________

نعم ل أبعد الحدود وفوق التصور كمان.. دا زيادة من عندي

____
في كل شعب يوجد إنتهازيون.. هم في تزايد..
حمدالله على شوفتك يا عزيزنا..

_____
ده سؤال يصعب الاجابة عليه بنعم ام لا

______
من الحوجه والاوضاع الاقتصاديه الغير مستقره والخوف من عدم امكانيه تعويض مافات ..
وليس طبع لديناااا مع استقرار الوضع تعود المياه لمجاريها للقناعه التي يتصف بيها السوداني تأكيدا لي قله هذه الظاهره للعاملين بالخارج

_____
والله ياالعوض اخوى ليس (نعم ) بذلك اand#65275;طand#65275;ق وand#65275; ( لا )كذلك بذلك اand#65275;طand#65275;ق ..
لكن هناك تغير طرأ في المجتمع واand#65275;خand#65275;ق السودانية وظهرت سلوكيات لم تكن موجودة من قبل وانعدمت اand#65275;مانة بصورة ملفتة واصبح اand#65275;نسان and#65275;يثق في شقيقه ناهيك صديقه او قريبه ..

___
اكيد بقينا شعب انتهازي وبتاع فرص زينا وزي اليهود واحد..
الشعب يشمل الحكومة برضو..
اتلفت حواليك .. اي زول لو لقي فيك فرصة بيضربك..
اي زول بقي همو مصلحتو..

___
و لو ان كلمة انتهازيا.، لا تصف الحالة على الوجه المطلق

____

الاستاذ العوض المسلمي
مرحب بعودتك ولو تفضلت لي بالاجابه علي هذه الاسئله حتي يمكن القبول او الرفض للنتيجه.

ما هي المنهجيه الاحصائيه والمعادلات + الجدول الاحصائي المستخدمه في هذا الاستبيان؟
كيفيه تم اختيار العينه؟

هل كل المشتركين في هذا الاستبيان يعلموا معني كلمه انتهازيه.

تحياتي

سلام للجميع
نعم وللاسف
ولي بوست هنا اظن اسمه
صرنا تجارا
وقلت لو رسلت شافع لكيس صعوط بطلع حقو
كدي واحد فيكم يوصي صاحبو ود جيرانو قريبو
قول ليهو داير لي عربيه ولا قطعه واطه
وتابع بالتحري
تلقاهو تحول لسمسار وغازي عودو
ساء الوضع
فساءت اخلاقنا
بدون زعل

تحية طيبة

العزيز / العوض المسلمي - اسعد الله اوقاتك بكل خير

والعيد مبارك عليك

....

اتفق مع الذين قالوا نعم

في الغربة بلاوي على الانتهازية جابت ليها كضب وسرقة عديل

وبرضو في الناس الدغرية بس ما كتار


ربك يلطف

Quote: تلقاهو تحول لسمسار وغازي عودو

اخونا عبدالحفيظ

انا اختلف معاك قليلا.
المثل بيقول حبيبك لو عسل ما تلحسوا كلو.
كمان صاحبك ده لازم يضوق خيرك ، ماممكن تملحو ساكت كده

حب الملح بيضيع. ما ممكن تطالب صاحبك ده يمشي يفتش ليك قطعه ارض وفي مكان سمح وبسعر معقول ويتأكد من الاوراق ويضرب مشاوير علي حسابو و زمن عيالو وفي النهايه تقول ليه شكرا

تعديل حرف

كيفك ود ابوزيد
والاسرة
مش افتش ليهم ساي وكمان يجي البيت اضبح ليهو الخروف ابو مليون ج
الصحبة عندها قيم , صحبي افديهو بنفسي ومالي
مش كدة انزل لدرجة موبايل
برضو بغز عودو

نعم يا عبد الحفيظ ابوسن موضوعنا ان هناك ظواهر سلبية اناخت بمجتمعنا واقامت براحتها ولهذا لابد من الانتباه قبل ان نفقد اهم ما يمتاز به السودانيين دون غيرهم من شعوب العالم ..
ولازم نعيد محاسبة انفسنا حتي نحاسب الاخرين ..

الاخ محمد هاشم حبابك وسعيد بعودتي وسطكم
ليس الامر بالدراسة العلمية ولكنه مؤشر اردت من خلاله ان انبه الي تغيير حادث في سلوكنا مخيف فاذا لم نضع له حدودا وحواجزا صرنا كغيرنا من الشعوب لا يثق بعضه في بعضه!!
فالملاحظ ان كل التجار الا من رحم ربي اصبح ينهز الفرصوالظروف ليرفع اسعاره ، واصحاب المركبات العامة والمطاعم واصبح كل خدمة تقدم لابد لها من مقابل !!
لا نريد دفن الراس في الرمل فلنبحث عن حلول لمشاكل صارت واقعا