Post: #1
Title: تعالوا شوفوا الناس البلحسوا السحاب في سماهو قبال يتلب عليهم ( فديو)
Author: الطيب شيقوق
Date: 08-11-2014, 08:05 PM
ديل اهلكم ناس اليابان
مش عشان تطلع ليك جواز سفر لازم تركب العربية يومين عشان تصل محل استخراج جوازك
ما عندك مشكلة تسافر كيف وتنزل عند منو في اهلك عشان تطلع الجواز
مش مهم تجيب جواز خالك او عمك او حبوبتك عشان يدوك الجواز
مش مهم يجري تحقيق معاك عشان يدوك الجواز
مش مهم تقيف ليك في صف طوييييييييل لحدي يندهوك لاستلام الجواز
مش مهم تكوس ليك واسطة قوية او ............ عشان يدوك الجواز
يلا تعالوا معاي شوفو الفديو دا عشان تعرفوا نحن وين والناس ديل قفزوا لوين
ديل ناس اليابان - لو عايز تطلع جواز او تجدد جواز ما عليك الا تشوف اقرب ماكنة شبيهة بماكينة الصرف الالي معصورة على حيطة و تدخل بياناتك وتلاتة دقايق بس تقدل شايل جوازك في اباطك
|
Post: #2
Title: Re: تعالوا شوفوا الناس البلحسوا السحاب في سماهو قبال يتلب عليهم ( فديو)
Author: الطيب شيقوق
Date: 08-11-2014, 08:12 PM
Parent: #1
جواز زى دا بطلعوهو برسوم ولا ملح ساي ؟
ياخ حتى الرسوم اظن تنتكي جنب الحيطة وتكبها في صندوق و تمشي
|
Post: #4
Title: Re: تعالوا شوفوا الناس البلحسوا السحاب في سماهو قبال يتلب عليهم ( فديو)
Author: عبدالعزيز عثمان
Date: 08-11-2014, 08:31 PM
Parent: #2
الطيب اخوي المطر ده نعل ما لولو كديب السمسم والعيش...
بعدين ياخي ميز اكل التاية بقي غالي خلااااس..
الزيت طار طيران...
البصل رفع رويسو...
اسمع،،،قلت ناس اليابان ديل مالا مجارين..
|
Post: #3
Title: Re: تعالوا شوفوا الناس البلحسوا السحاب في سماهو قبال يتلب عليهم ( فديو)
Author: محمد المرتضى حامد
Date: 08-11-2014, 08:25 PM
Parent: #1
حكى لي صديقنا ودالسعيد وقال في واحد من قريتهم كان معروفا بالكذب الحميد والمبالغات
ذهب إلى الحج وعاد يحكي لأهله أن مواسير زمزم تصب الماء بمجرد مد يدك لها وهذه حقيقة بالطبع
وحكى لهم أن أبواب الفندق تفتح لوحدها بمجرد أن يقترب منها أو يلمسها وهذه حقيقة بالطبع
إلا أن أهله لم يصدقوه وقالوا والله الزول دا ضيَّع قروشو ساكت ، الحج ما هداهو يبطل كِضبو..
هسه إنت لو مشيت حكيت ليهم كلامك دا إلا يقيِّدوك عديييل يا شيقا وياخدوك لفكي كاااارب.
قلت لي 3 دقايق؟
قول لناس الفكي هيتاشي ديل يشوفوا لينا واحد لجهاز المغتربين ولو لقيت لينا روبوت عوضا
عن زولك تكون في ميزان حسناتك ..
هييييع
|
Post: #5
Title: Re: تعالوا شوفوا الناس البلحسوا السحاب في سماهو قبال يتلب عليهم ( فديو)
Author: الطيب شيقوق
Date: 08-11-2014, 08:36 PM
Parent: #3
Quote: هسه إنت لو مشيت حكيت ليهم كلامك دا إلا يقيِّدوك عديييل يا شيقا وياخدوك لفكي كاااارب.
قلت لي 3 دقايق؟
قول لناس الفكي هيتاشي ديل يشوفوا لينا واحد لجهاز المغتربين ولو لقيت لينا روبوت عوضا
عن زولك تكون في ميزان حسناتك ..
|
هههههههههههههها والله يا المرتضى عندي واحد من اولادي اشترى ليهو عربية على قدر حالو عشان يتحرك بيها لشغلو والعكس - وحياتك العربية بقت شغالة خدمات بس ( جوازات و مستشفيات ) ليل ونهار علا ارسل ليهو حق البنزين من هنا عشان يستر حالنا مع عولنا
|
Post: #6
Title: Re: تعالوا شوفوا الناس البلحسوا السحاب في سماهو قبال يتلب عليهم ( فديو)
Author: الطيب شيقوق
Date: 08-11-2014, 08:45 PM
Parent: #5
يا اعز عزيز
Quote:
الطيب اخوي المطر ده نعل ما لولو كديب السمسم والعيش...
بعدين ياخي ميز اكل التاية بقي غالي خلااااس..
الزيت طار طيران...
البصل رفع رويسو...
اسمع،،،قلت ناس اليابان ديل مالا مجارين..
|
والله يا عزيز المطر اتلهم البنادر ساي ونحن في الخلاء عطشانين - دا مش غضب عديل ؟
اخوك اتشهل من بدري قبال الأدوات ترفع راسا كدا - انت فاكر ساي؟
ديل ناس الفاتح ميرغني و عمك جعفر مشنقين الطواقي في الهامة ساكنين طوكيو الواحد يوقف سيارتو قرييييييييييييب الجهاز و يمد يدو بس يتناول جهازو ويعصر بنزين - لا يا وليد امشي ودي خالك دا لا عمك دا عشان يطلع ليهو جواز للحج او العمرة
|
Post: #7
Title: Re: تعالوا شوفوا الناس البلحسوا السحاب في سماهو قبال يتلب عليهم ( فديو)
Author: يوسف أبو صالح
Date: 08-11-2014, 08:54 PM
Parent: #1
السلام عليكم ورحمة الله
الخلايجة برضهن ما هن هينين فى المجال دا بس الفرق بينهم وبين ناس هيتاشى زى ما قال ود المرتضى انو اليابنيين عندهن السندالة والشاكوش بسووا حاجتهن براهن وجماعة الخليج بشتروا بما وهبهم الله من مال وكلو فى سبيل راحة المواطن
http://portal.www.gov.qa/wps/portal/topics/visas,%20passport...fSDE4v0C7IdFQGhYY8N/
كدى شوف الرابط دا
|
Post: #8
Title: Re: تعالوا شوفوا الناس البلحسوا السحاب في سماهو قبال يتلب عليهم ( فديو)
Author: الطيب شيقوق
Date: 08-11-2014, 09:20 PM
Parent: #7
اخي يوسف
كل عام وانتم بالف خير
| Quote: الخلايجة برضهن ما هن هينين فى المجال دا بس الفرق بينهم وبين ناس هيتاشى زى ما قال ود المرتضى انو اليابنيين عندهن السندالة والشاكوش بسووا حاجتهن براهن وجماعة الخليج بشتروا بما وهبهم الله من مال وكلو فى سبيل راحة المواطن |
فعلا أهلنا الخلايجة هكذا لكن ناس هيتاشي عندهم السدالة والشاكوش
في دبي قالوا لو عندك معاملة امام موظف مجرد ما جات نمرتك العداد الزمني ببدا يحسب عشان يعد كم استغرق الموظف من الوقت عشان يخلص معاملتك
طبعا عندنا في السودان صاحب المعاملة بحاول تلطيف الزمن مع الموظف يسالوا ليك انت ود منو؟ و حلتكم ياتا؟ وقبيلتكم شنو؟
ولو بقت موظفة عييييييييييييييييييييييك تاني ما بنقل من كرسيهو
|
Post: #9
Title: Re: تعالوا شوفوا الناس البلحسوا السحاب في سماهو قبال يتلب عليهم ( فديو)
Author: خالد علي محجوب المنسي
Date: 08-11-2014, 09:22 PM
Parent: #7
Quote: ديل ناس اليابان - لو عايز تطلع جواز او تجدد جواز ما عليك الا تشوف اقرب ماكنة شبيهة بماكينة
الصرف الالي معصورة على حيطة و تدخل بياناتك وتلاتة دقايق بس تقدل شايل جوازك في اباطك |
سمح وزي ما بتقول اسيا ربيع ثمح
سمح العز الفوق اباتو
وسمح الخمج الفوق اجادو
يا اللخو الرسوم بدخلها ولا الشي مجاني لله سيدم
قطع شك مجاني
نحن ديل قطعو قلبنا بي رسوم الجواز وضرايبو وتجديو
التقول ضاقوها معنا بردة وجليد ولا حراية ورطوبة وتنوم مع النجمة وتصحى مع النجمة بس تزح شوية
|
Post: #10
Title: Re: تعالوا شوفوا الناس البلحسوا السحاب في سماهو قبال يتلب عليهم ( فديو)
Author: الطيب شيقوق
Date: 08-11-2014, 09:27 PM
Parent: #9
Quote: يا اللخو الرسوم بدخلها ولا الشي مجاني لله سيدم
|
الرسوم بيكون عندها مخلاية ملصوقة مع الماكنة دي ذاتا يا المنسي اخوي
اوع بس ترمي برة !!
|
Post: #11
Title: Re: تعالوا شوفوا الناس البلحسوا السحاب في سماهو قبال يتلب عليهم ( فديو)
Author: عبدالعزيز الفاضلابى
Date: 08-11-2014, 09:44 PM
Parent: #10
قالوا اليابانيين ديل قصوا اتر اهلك المابان لقوهن بلدياتم
عشان كدي حايعملو مكنة زي دي في الكرمك والبردانة
|
Post: #12
Title: Re: تعالوا شوفوا الناس البلحسوا السحاب في سماهو قبال يتلب عليهم ( فديو)
Author: الطيب شيقوق
Date: 08-11-2014, 09:50 PM
Parent: #11
| Quote: عشان كدي حايعملو مكنة زي دي في الكرمك والبردانة |
علا يعملوا ليهم حارس للمظلة من الحمير يا عزيز
|
Post: #13
Title: Re: تعالوا شوفوا الناس البلحسوا السحاب في سماهو قبال يتلب عليهم ( فديو)
Author: عبدالعزيز الفاضلابى
Date: 08-11-2014, 10:28 PM
Parent: #12
معليش نسيت اسلم ـ سلام ياشيقا
| Quote: علا يعملوا ليهم حارس للمظلة من الحمير يا عزيز |
ويكتبوا فوقها:
ممنوع الـ بول يا حـ مار
الخطاب عندنا جاف جداً يالطيب
مساخة ماتعرفاااا ـ فلس ماتعرفو
المهم:
في البصات العامة هناـ في ستة كراسي متقابلات
ورا السواق مباشرة ـ مكتوب عليها :
Won't you please give this seat to the disabled or elderly person
والـ O في كلمة You راسمنها في شكل قلب ـ تعبيراً عن التفضل بحب.
ناسنا نحن كان عاوزين يعملوا شئ زي ده يكتبوا ليك حاجة زي:
ممنوع الجلوس ولا اي كلام جاف لايخاطب فيك الانسانية.
انا ماعارف المسعولين عندنا بحبوا كلمة ممنوع دي كتير كده ليه؟
هنا نامن تقدم لأي غرض تلقي الموظف عاوز يساعدك ويبسط ليك الاجراءات ـ عندناالموظف يفلفل مستنداتك عشان يلقي حاجة ناقصة
كي يرفض الطلب او عشان يخليك تسولِتْ.
مرة محفظتي ضاعت في القطر .. فيها حوالي اربعتاشر من بطاقة ائتمان لي هوية ومستندات اخري.
تعرف يالطيب طلبت بدل مفقود لها جميعاً الا واحد بالتلفون وارسلت لغاية بيتي بالبريد.
ياخ مشيت وزارة الداخلية عشان احصل علي تأشيرة لزوجتي قالوا الا ولي امرها يجي ـ ياجماعة الخير انا زوجها ـ لا علا ابوها يجي.
ياناس دي وثيقة الزواج ـ لا علا ابوها يجي ـ تعرف علا الاستاذ قدورة
مرقني بره واتولي الموضوع هو ـ اكنت داير اعمل فيهن عملتي في محكمة سنجة مع عباس ابكر وبيومي الله يرحمه.
|
Post: #14
Title: Re: تعالوا شوفوا الناس البلحسوا السحاب في سماهو قبال يتلب عليهم ( فديو)
Author: الطيب شيقوق
Date: 08-12-2014, 09:12 AM
Parent: #13
يا عزيز
عفوا للتاخير بسبب زحمة الشغل
Quote: ويكتبوا فوقها:
ممنوع الـ بول يا حـ مار
الخطاب عندنا جاف جداً يالطيب
مساخة ماتعرفاااا ـ فلس ماتعرفو
المهم:
في البصات العامة هناـ في ستة كراسي متقابلات
ورا السواق مباشرة ـ مكتوب عليها :
Won't you please give this seat to the disabled or elderly person
والـ O في كلمة You راسمنها في شكل قلب ـ تعبيراً عن التفضل بحب.
ناسنا نحن كان عاوزين يعملوا شئ زي ده يكتبوا ليك حاجة زي:
ممنوع الجلوس ولا اي كلام جاف لايخاطب فيك الانسانية.
انا ماعارف المسعولين عندنا بحبوا كلمة ممنوع دي كتير كده ليه؟
هنا نامن تقدم لأي غرض تلقي الموظف عاوز يساعدك ويبسط ليك الاجراءات ـ عندناالموظف يفلفل مستنداتك عشان يلقي حاجة ناقصة
كي يرفض الطلب او عشان يخليك تسولِتْ.
مرة محفظتي ضاعت في القطر .. فيها حوالي اربعتاشر من بطاقة ائتمان لي هوية ومستندات اخري.
تعرف يالطيب طلبت بدل مفقود لها جميعاً الا واحد بالتلفون وارسلت لغاية بيتي بالبريد.
ياخ مشيت وزارة الداخلية عشان احصل علي تأشيرة لزوجتي قالوا الا ولي امرها يجي ـ ياجماعة الخير انا زوجها ـ لا علا ابوها يجي.
ياناس دي وثيقة الزواج ـ لا علا ابوها يجي ـ تعرف علا الاستاذ قدورة
مرقني بره واتولي الموضوع هو ـ اكنت داير اعمل فيهن عملتي في محكمة سنجة مع عباس ابكر وبيومي الله يرحمه. |
انت عارف يا عزو ليش موظفينا كعبين كدا ؟ لانو اهلنا البراجعوهم ذاتم مسيخين
يعني ممكن يجيك واحد يتحكر ليك في الكرسي وعايز يحكي ليك سيرة حياته كوووووووووولها او يمسك في اسم الفاضلابي دا يقعد يحسب ليك في كل الوزراء الفاضلاب
لكن بيني وبينك النوع القال ليك جيب لي ولي امر زوجتك دا انت والله طولت ليهو نفسك بالحيل - لو الفاضلابي الزمان داك اكان كان لحقتو امات طه .
|
|