Post: #1
Title: غداً إن شاء الله صدور أول قصـة مصـورة للأطفال - تأليف العبد لله.
Author: Abureesh
Date: 08-06-2014, 04:14 AM
ستكون متوفرة على حسابى في قوقل بلاى.. حاليا تثبت في أجهزة أندرويـد.. وقريبا بإذن الله ستصـدر نسخـة الأى فون والأى بـاد.
الطفلـة ميمـا بطلـة القصــة.
|
Post: #2
Title: Re: غداً إن شاء الله صدور أول قصـة مصـورة للأطفال - تأليف العبد لله.
Author: خالد العبيد
Date: 08-06-2014, 04:27 AM
Parent: #1
سلام يا ابوالريش
ايام السودان بخير كنت احد كتاب مجلة الصبيان
اذكر ان احدى القصص التي كتبتها استوحيتها من حكاية قصيرة حكتها لي فتاة جنوبية
قالت لي ان الفيل هرب من البيت للغابة لانو خاف من الدجاجة
فالدجاجة كانت تاكل طول اليوم ولا تكبر .. اما هو فقد كان ياكل مرة او مرتين في اليوم ولكنه ضخم جدا
فظن ان في الامر سحر ففر بجلده من البيت الى الغابة
فكتبت قصة اسميتها حكاية الفيل الاليف
ولا تزال النسخة من المجلة معي حتى الان
وياريت لو اقدر القى زمن احملها هنا
وكنت قبلها كتبت قصة اسمها حكاية الفيل الذي طار
وقصصي كان يرسمها الاستاذ الضخم شرحبيل
فقال لي احد التشكيليين : انت شنو يا خالد العبيد شابكنا الفيل الفيل الفيل
فقل له شرحبيل : انا ما مستغرب يكتب عن الفيل ما شايف خالد حجمو زي زي السوسيو
فقد كنت ولا زلت ضعيف البنية
لذا اتمنى ان تكتبوا للاطفال عن حكاويكم المحلية
تحياتي
|
Post: #3
Title: Re: غداً إن شاء الله صدور أول قصـة مصـورة للأطفال - تأليف العبد لله.
Author: Abureesh
Date: 08-06-2014, 04:36 AM
Parent: #2
سلام يا خالد وشكرا على الطلـة والتعليق..
ياخ انا خاش المجال دا بحذر شديد ومتهيب منه.. والفكرة دى من سنين احوم حول حماها ولا أدخله.. كويس إنك عندك باع فيها
وأكيد نقدك سيفيـدنى كثيراً..
بالمناسبـة الناس في جنوب البطانة وشرق النيل الأزرق لما يسافروا يشيلوا معاهم جداد.. لأن الفيل يخاف من صوت الجداد.. وأول
ما يهاجمهم فيل يقوموا قارصين ليك الجدادة ... ومع أول كاااك الفيل ينفض اضانو ويفرتك.. جـد مع كل غربتها..
|
Post: #4
Title: Re: غداً إن شاء الله صدور أول قصـة مصـورة للأطفال - تأليف العبد لله.
Author: عبدالعزيز عثمان
Date: 08-06-2014, 05:00 AM
Parent: #3
سلام يا ابوالريش،،،ده عمل جميل
في انتظارك لاني برضو حاولت
مع الاحاجي كتير..
ماظبطت لانو بقولو لي غايتو...
خالد التحايا،،نزل الشغل ده ياخ...
تعرف ودعمتي دائما بقول لي الزول السمين خواف
اصلك ماتلاوز منو،،
اها في الاولية واحد سمين من حلة جنبنا..
قلنا نخوفو...
وقال كدي لمه فينا..
وفرد سكة ورانا ساعتين
زول شراني..من ديك ختيت السمان
بس الفيل البخاف من الجداد ده خويويف تب..
|
Post: #5
Title: Re: غداً إن شاء الله صدور أول قصـة مصـورة للأطفال - تأليف العبد لله.
Author: خالد العبيد
Date: 08-06-2014, 05:03 AM
Parent: #3
بالمناسبـة الناس في جنوب البطانة وشرق النيل الأزرق لما يسافروا يشيلوا معاهم جداد.. لأن الفيل يخاف من صوت الجداد.. وأول
ما يهاجمهم فيل يقوموا قارصين ليك الجدادة ... ومع أول كاااك الفيل ينفض اضانو ويفرتك.. جـد مع كل غربتها..
-----------------------------
دي زااااتا حدوتة حلوة ممكن بي شوية خيال تنسج منها قصة جميلة للاطفال
لا تتهيب ولا تخت أي محاذير اكتب بتلقائية زي الاطفال بتنجح اكيد
|
Post: #6
Title: Re: غداً إن شاء الله صدور أول قصـة مصـورة للأطفال - تأليف العبد لله..
Author: Abureesh
Date: 08-06-2014, 05:44 AM
Parent: #5
شكرا يا عبد العزيز وخالد.. شكرا على التشجيـع يا خالد والإنتاج الأول طلع غايتو.. سجن سجن غرامة غرامة.. شويـة رتوش وبرفعو باقى الليل
دا..
المناسبـة التي ساعدت على بلورة الإتجاه دا إنى لقيت عندى مادة ضخمـة من الصور والفيديوهات أخذتها في اسفارى في الصين (معظمها).. حوالى
10 الف صورة رقميـة وقريب من ميتين تسجيل فيديو خلال ستـة سنوات.. ما كنت أصل لنقطة إلا وثقتها بالصــور.. والقصـة هي عبارة عن سرد صورى pictorial لزواج
صيني تقليدى في قريـة نائيـة في جنوب وسط الصين، دعيت له بواسطـة موظفين في مصنع كنت اتعامل معه، وكان على إنتظار أسبوعين حتى يخلص المصنع
من المهمة، لذلك قبلت الدعوة.. ومنذ خروجنا من المطار وحتى العودة كنت اخذ الصـور لإجراءات الزواج.. والان وجدتها قصـة جاهزة ما على إلا ان ارتبها
فقط وأعلق على الصـور وفى الذهن المتلقين الصغار.. هي الان باللغـة الإنجليزية وسوف أصدرها بالعربيـة أيضـا فيما بعـد..
ليست مجانا ولكن سعرها ضئيل للغايـة وفى متناول الجميـع.
|
|