الحل فى نظـــرى...

حكومــة مؤقتـة قوامها الحزب الجمهــورى، ويطهر الجيش من (كل الأحزاب) ثم توكل اليه مهمـة حماية الدستـور.
هـذا الإقتراح مصـدره ان الجمهوريين لا يتصرفون بدافع الأحقاد والضغائن.. ثم انهم يشتركون مع القوى السياسيـة الأخرى في الخطوط
الرئيسيـة.. إضافـة الى انهم مقبولون كقاسم مشترك أعظم ومحايد، ومقبولون دوليا مما يعجل بفك عزلة الســـودان.
وبمجرد تكوين حكومة الجمهوريين، تبدأ المفاوضات فورا مع كل الفصائل والأحزاب في مؤتمر جامع مثل الذى ظل يدعو له السيـد الصادق المهدى.
الحكومة الجديدة ستطلب من العالم إحترام سيادة السودان القوميـة، وان الدولة السودانية ستكون مسؤولة عن مواطنيها المتهمين بجرائم وصلت للمحكمة
الدولية، وتطلب ملفات تلك القضايا حتى يكون التحقيق معهم وتكون محاكمتهم داخل السودان وبواسطـة قضاة ســـودانيين.
الحكومة الجديدة ستعلن وقف إطلاق النار من طرف واحد في كل بقاع السودان وإعادة إنتشار الجيش والقوات الأخرى بحيث لا تأخذ أوضاع هجوميـة.

وعلى الله قصـد السبيل ومنها جائر ولو شاء لهداكم اجمعين.

والله برضو رأي

معليش يا ابوريش، بس كلامك ده كله غير واقعي ..
** حكاية لا يتصرفون بدافع الأحقاد والضغائن دي براها أكبر جملة غلط .. مافي زول بيكره الكيزان أكثر من الجمهوريين والشيوعيين .. ودونك مشاركات زميلك عبدالله عثمان كمثال .. ودونك كتاباتك إنت ذاتك كجمهوري ضد المراغنة آل البيت زعماء حزب الوسط الإتحادي الديمقراطي ..
** حكاية إنهم مقبولين دي خت تحتها خطين .. فالجمهوريون فئة غير مستساغة عند عوام الشعب السوداني وذلك بسبب بسيط وهو أنه شائع عند الجمهور السوداني أن أباهم الروحي محمود محمدطه كان ما بيصلي .. يصلي بكيفية كيف كيف أو بدون كيفية كيف كيف دي مافي زول عادي عنده إستعداد يناقش فيها ولا عنده بيها شغلة - المهم العنوان العريض ..
** الدول المعادية للسودان لن تحترم سيادة السودان القومية ولا يهمها من يحكم بقدر ما يهمها أن يظل السودان محطماً .. لو أصلو كان بيهمهم السودان كان دعموا حكومة الصادق المهدي الديمقراطية ولكنهم بالعكس دعموا جون قرنق..
** المحكمة الدولية أساساً ليس الغرض منها العدالة والمحاكمة العادلة بقدر ما إبقاء السودان ورئيس السودان تحت التهديد والإبتزاز المستمر .. وإلاّ فإن مجرمي الحرب الدوليين يسرحون ويمرحون ويقتلون الأطفال أمام شاشات العالم جهاراً نهاراً ومافي راجل قادر يقول ليهم عينكم في راسكم .. إذن حكاية محكمة دولية وإنصياع ليها سواء بالداخل أو الخارج شيلها من راسك ..
** وتعلن وقف إطلاق النار من جانب واحد ليه؟؟ أرفع راسك شوية وقول وقف إطلاق النار من كل الجوانب ..
** ثم أين مصداقية زعمائهم وهم قد تخلوا عن زعيمهم وهربوا وتركوه وحيداَ يذهب لحبل المشنقة ..؟؟
** أخيراً الجمهوريين كلهم كم عشان يستلموا بلد قدر السودان؟؟

Quote: ودونك كتاباتك إنت ذاتك كجمهوري ضد المراغنة آل البيت زعماء حزب الوسط الإتحادي الديمقراطي ..

يا منير ما تلخبط.. فأولا لم أكتب ضـد المراغنـة (ال البيت)، ولكنى كتبت ضـد المراغنـة الزعماء السياسيين الفاشلين والذين أضروا البلاد والعباد.. فهل ترى
ان لا ننتقـد رؤساء الأحزاب المراغنـة لأنهم ال البيت، ويمكن ان ننتقد رؤساء وزعماء الأحزاب الأخرى؟
في البوستات المعنية انا قلت بالحرف ان الختمية وشيوخها على العين والرأس، وهى مكون ثقافى سودانى وقد ساهمت في حفظ الأجيال في بوتقـة الدين.. فأرجع
الى الأرشيف.. ولكنى قولا واحد ضـد الأكروبات السياسيـة.. والواحد يشتغل سياسـة وزعامة سياسيـة وليته فعلها بمهنية ودراية وحكنة، وحين يتعرض للنقـد يقوم
يشيل الزانـة ويروح قافز في جانب الزعامة الدينية يحتمى بها من النقـد.. الجمباز دا مفروض ينتهى تانى..

أنتظر إجابتك على السؤال أعلاه ثم نواصل...

يا أبوريش .. كلامك متناقض .. كيف الختمية وشيوخها علي العين والراس وإنت تصف شيوخ شيوخ الختمية بالأكروباتية .. ده لا فيهو احترام للختمية ولا فيهو إحترام لشيوخ الختمية ولا فيهو إحترام لشيوخ شيوخ الختمية ..

Quote: يا أبوريش .. كلامك متناقض .. كيف الختمية وشيوخها علي العين والراس وإنت تصف شيوخ شيوخ الختمية بالأكروباتية .. ده لا فيهو احترام للختمية ولا فيهو إحترام لشيوخ الختمية ولا فيهو إحترام لشيوخ شيوخ الختمية ..

مافى اى تناقض.. بل انت الذى لا يريد مواجهة الحقيقة.. شوف السؤال بتاعى الفوق ورد عليه.. هل نتركهم ليتحكموا في مستقبل بلاد بسياسات داخلية وخارجية وإقتصادية فاشلة
فقط لأنهم ال البيت؟ أم هم (كسياسيين) عرضـة للنفد وللمحاسبـة وحتى للمحاكمة إن اجرموا.. مثلهم مثل أي مواطن؟

ومرة أخرى أقول لك.. هم على العين والرأس لو التزموا بنهج السيـد على الميرغنى، (زعيم دينى) وما في زول حيحاسبهم حتى لو سيروا السياسـة من الخارج مثلما كان يفعل السيد على
لأنه دائما الرجل التنفيذي هو المسؤول في النهايـة وليس المسشار او السيـد على..

الأخ الكريم / محمد عثمان (ابوالريش)
وضيوفه الكرام
تحية طيبة
الأخ / منير
تحية خاصة..
ياخوي عبارتك دي

Quote: ** ثم أين مصداقية زعمائهم وهم قد تخلوا عن زعيمهم وهربوا وتركوه وحيداَ يذهب لحبل المشنقة ..؟؟

دعني في البداية اكون صريح معاك، واسمي الاشياء بمسمياتها، فلو انت بتعتقد انو ما ورد في عبارتك الفوق دي هو الحقيقة، بتكون انت (شاهد زور) ولو ما كنت متأكد انها الحقيقة وكتبتها، بتبقي انت (مزور) لسبب بسيط جدا، وهو:
(في يوم الخميس 17 يناير 1985 ما بين الساعة 12 ظهرا، وقبل اذاعة بيان الرئيس نميري الخاص بتنفيذ حكم الاعدام في الاستاذ/ محمود ( في الساعة العاشرة صباحا غدا الجمعة 18 يناير 1985) اقتحمت قوات الأمن جميع بيوت الجمهوريين في ام درمان (البيوت أ ، ب، ج، د) واعتقلت جميع من فيها، يعني بعبارة بسيطة كده(معظم الجمهوريون (ما عدا قلة قليلة لم تكن متواجده ساعتها في البيوت) كانوا في المعتقلات، يبقي كيف يمكنك ان تفسر هذه العبارة (قد تخلوا عن زعيمهم وهربوا وتركوه وحيداَ) ؟

الأخ / منير
تحياتي مرة اخري..
انت قلت :

Quote: حكاية لا يتصرفون بدافع الأحقاد والضغائن دي براها أكبر جملة غلط .. مافي زول بيكره الكيزان أكثر من الجمهوريين والشيوعيين .. ودونك مشاركات زميلك عبدالله عثمان كمثال .. ودونك كتاباتك إنت ذاتك كجمهوري ضد المراغنة آل البيت زعماء حزب الوسط الإتحادي الديمقراطي ..

احب اوضح ليك خلط في عبارتك دي.. وهو ان المراغنة (ال البيت) ليسوا كيزانا..
تاني: نحن لا نكره (الكيزان) كبشر، وانما فكرهم وسلوكهم موضع (حربنا) لأن فكرهم شائه، وسلوكهم يفوق سوء الظن العريض، وكما اتيت بمشاركات الأخ / عبد الله عثمان ، للتدليل بها، دعنا ندلل لك باقوال احد (كبار الكيزان) ا ( وهو ألان بين يدي) ربه عن الجمهوريات:

Quote: بعد التنفيذ تم اطلاق سراح الاخوات الجمهوريات من سجن النساء بأم درمان وهو كان هناك ينتظر زوجته وطفلها آنذاك.. قال: فجأة ظهر ذلك الأخ (الكوز) وقال: اطلقتوا سراحهن ليه.. أسبوهن ..أسبوهن..

عارف يا منير (اسبوهن) قاصد بيها شنو؟
اكيد انك بتعرف معني عبارة (سبي النساء) وما تحمله من دلالات سيئة..
الفهم والسلوك السيء الزي ده.. ده هو موضع حربنا..
ارجو ان اكون اوضحت لك ولو ببسيط العبارة بعض مما تطلب توضيحه.
وشكرا

يا أخ جمال المنصوري تحياتي ..
لو قعدنا نتكلم عن شهادات الزور فبالله من منا هنا يشهد زوراً .. ؟؟ .. هل تعني مثلاً أن جميع الجمهوريين كانوا ذلك العدد الصغير المحصور في عدة بيوت؟؟!! .. بعدين التخلي عن الزعيم وعدم الإستمساك بالفكرة ظهر عند الإستتابة حيث نط الجميع من معتقدهم وثبت الزعيم فقط ليذهب لحبل المشنقة بينما نفد الأخرون بجلدهم .. ألا تسمي ذلك خذلاناً وهروباً ؟؟ ..
أما كلامي عن الكراهية فإنه واضح .. طبعاَ أي زول ممكن يقول ليك أنا لا أكره الكيزان إنما أكره أفكارهم من باب المقولات الفضفاضة بتاعة أنا لا أكره فلان ولكن أكره أفكاره .. وهذا شئ طبيعي .. ولكن القتل والإنتقام يحدث عندما تُلبِس ذلك الشخص الأفكار التي تكرهها ثم تقوم تطبق عليه ما تريد أن تطبقه علي تلك الأفكار التي تكرهها .. فإن كنت تريد إزالة تلك الأفكار من سطح الأرض لأنها حسب مفاهيمك أنها أفكار هدامة ومدمرة للمجتمع وووو .. فإنك قطعاً ستستأصل أصحابها من سطح الأرض .. ولذلك أنا أؤمن بأنه من الصعوبة لأي مجموعة تستلم السلطة أن تترك خصومها في سلام .. وذلك بديهي لأن الخصوم ذاتهم لن يتركوا تلك المجموعة التي في السلطة بسلام .. وتلك سنة الحياة وصراع الأضداد ..
شايف؟ من الصعوبة أن تزور طبيعة الأشياء ..

إشارتي لكتابة ابوريش عن المراغنة ليس معناها أن المراغنة كيزان، بل هو ضرب لمثال آخر لتضاد الجمهوري أبوريش مع مجموعة أخري بمهاجمته لزعامتها ووصفها بالأكروباتية - وتلك قمة الإستخفاف والإستهانة بكل الختمية علي الخصوص والحزب الإتحادي الديمقراطي علي العموم - .. والغرض من ذكر المثالين هو دحض مقولة أبو الريش بأنكم محايدين ووو ..

Quote: لو قعدنا نتكلم عن شهادات الزور فبالله من منا هنا يشهد زوراً .. ؟؟

الأخ / منير

تحياتي
اتكلم يا منير
اصلوا ما تتردد ، لو عندك اي دليل انو انا شهدت شهادة زور، ولا اوردت شهادة كاذبة، نزلها هنا طوالي..
شوف يا منير،،
كتن في امكانك تقول انك ما كنت حاضر، ولا شفت ولاعرفت الحاصل شنو، وانك سمعت سمع، عندها ممكن نكتب ليك الحقائق كما تمت علي الارض، ويمكنك ان تستشير فيها الذين حضروا الواقعة كما هي...
لأنو الشيء الانت بتكتبوا ده ماصحيح، والشيء الما صحيح افتكر الناس تعارفت علي تسميته بالكذب، او الزور والبهتان. عشان كده انا قلت ليك دي شهادة زور، لأنك استشهدت بي شيء ماصحيح ، ولا ما كده..
الحصل يا سيدي.. انو في مثل هذه الاوقات الحرجة، بيجوا الاخوان الجمهوريون من جميع انحاء السودان عشان يكونوا حضور مع الاستاذ في اي محنة، ومنزلتهم بتكون في هذه البيوت الاربعة، وزي ما الناس كلها بتعرف انو عددنا نحن الجمهوريين ما كبير، يعني ما كتار، وانت نفسك اجبت علي هذا امر بي صيغة سؤال

Quote: * أخيراً الجمهوريين كلهم كم عشان يستلموا بلد قدر السودان؟؟

وبعدين شايفك مصر انك تمشي في الطريق ده (الزور) للأخر، شوف انت كتبت شنو؟

Quote: بعدين التخلي عن الزعيم وعدم الإستمساك بالفكرة ظهر عند الإستتابة حيث نط الجميع من معتقدهم وثبت الزعيم فقط ليذهب لحبل المشنقة بينما نفد الأخرون بجلدهم .. ألا تسمي ذلك خذلاناً وهروباً ؟؟

الكلام ده يا منير ما صحيح بالمرة، ومش حقيقي، تفتكر الشيء الما حقيقي نسميه شنو؟
الحصل انو النظام قام باعتقال الجمهوريين اولا، ثم اصدر الرئيس في نشرة الساعة الثانية مساءا قراره بتنفيذ الاعدام في الاستاذ محمود في غدا، وامهل الجمهوريين الاربعة ثلاثة ايام تبدأ من مساء الخميس.. وحتي لحظة التنفيذ لم يتراجع جمهوري واحد عن موقفه، والاربعة الذين استتيبوا كانوا موجودين خلف المشنفة ساعة التنفيذ، مكبلين يرسفون في قيودهم، فلم يهرب منهم احد، ولم يكن الاستاذ / وحيدا امام المشنقة، بل ان الاحداث تخبرنا بأنه في مقابل هتافات الاخوان المتأسلمين، نهض السفير/ بشير بكار وهتف،(وما قتلوه وما صلبوه ولكن شبه لهم) ولو ان الامر كان استتابة الجمهوريين اولا، ثم اعدام الاستاذ، انا كنت باكد ليك انو ما كان حيكون في جمهوري واحد حي حتي الان، كان كلهم اختاروا الاعدام علي الاستتابة، ولكن لحكمة يعلمها الله سبحانه وتعالي، انو يتم الاعدام اولا، ومن ثم الاستتابة..
لو عندك كلام غير ده جيبو، ولو ما عندك يبقي انت ما بتكتب الحقيقة

شكلك كده يا جمال المنصوري إنك ناوي تتلولو إلي مالانهاية ..
ناس استتابوهم وتابوا جاي تغالط في دي؟؟ جاي تقول بدأوا بالإعدام ثم أستتابوهم؟؟ عاوز تلولو التاريخ القريب؟؟ .. أها الكانوا خلف الحبل ديل نطوا واللا تم إعدامهم ..؟؟

نطوا واللا تم إعدامهم ..؟؟!!

Quote: شكلك كده يا جمال المنصوري إنك ناوي تتلولو إلي مالانهاية .. ناس استتابوهم وتابوا جاي تغالط في دي؟؟ جاي تقول بدأوا بالإعدام ثم أستتابوهم؟؟ عاوز تلولو التاريخ القريب؟؟ .. أها الكانوا خلف الحبل ديل نطوا واللا تم إعدامهم ..؟؟ نطوا واللا تم إعدامهم ..؟؟!!

يا منير..
كدي اثبت ليك علي واحدة..
هل الموضوع الانت كتبتو في الأول كان كده؟

Quote: ناس استتابوهم وتابوا جاي تغالط في دي؟؟ جاي تقول بدأوا بالإعدام ثم أستتابوهم؟؟ عاوز تلولو التاريخ القريب؟؟ .. أها الكانوا خلف الحبل ديل نطوا واللا تم إعدامهم ..؟؟

ولا كان كده؟

Quote: * ثم أين مصداقية زعمائهم وهم قد تخلوا عن زعيمهم وهربوا وتركوه وحيداَ يذهب لحبل المشنقة ..؟؟

اذا انت شايف الموضوع ده ما فيه فرق ابقي انا ملولو
وان بقي في فرق..
كمان ربنا يابرك ليك في لولوتك..

يا منصوري يا أخونا .. كما توقعت أنا تماما .. أنت تريد أن تلولو العبارات .. العبارتين الذكرتهم ليك متكافئات .. يعني تركوه يذهب للمشنقة براهو عبارة صحيحة سواءً كانت قبل الشنق أو بعده .. المحصلة للحصل أن رفاق محمود نطوا من الفكرة حينذاك.. الكلام ده حصل واللا ما حصل .. ؟؟؟ جاوب علي هذا السؤال البسيط ..

يبدو لي أنا كان مفروض أكتب ليك بالBoolean logic عشان اللولوة وكده ..

Quote: يا منصوري يا أخونا .. كما توقعت أنا تماما .. أنت تريد أن تلولو العبارات .. العبارتين الذكرتهم ليك متكافئات .. يعني تركوه يذهب للمشنقة براهو عبارة صحيحة سواءً كانت قبل الشنق أو بعده .. المحصلة للحصل أن رفاق محمود نطوا من الفكرة حينذاك.. الكلام ده حصل واللا ما حصل .. ؟؟؟ جاوب علي هذا السؤال البسيط .. يبدو لي أنا كان مفروض أكتب ليك بالBoolean logic عشان اللولوة وكده

منير
شوف يالحبيب..
انا شخصيا ما عارف اللولوة انت قاصد بيها شنو ؟
لكن للضمان كده، انا فهمت انو اللولوة دي هي التلاعب بالعبارات، ولا ما كده؟
طيب كدي خلينا نمشي حبة حبة ونشوف منو (الملولو) البداية كانت منك انت كده:

Quote: ** ثم أين مصداقية زعمائهم وهم قد تخلوا عن زعيمهم وهربوا وتركوه وحيداَ يذهب لحبل المشنقة ..؟؟

انا رديت ليك كده:

Quote: (في يوم الخميس 17 يناير 1985 ما بين الساعة 12 ظهرا، وقبل اذاعة بيان الرئيس نميري الخاص بتنفيذ حكم الاعدام في الاستاذ/ محمود ( في الساعة العاشرة صباحا غدا الجمعة 18 يناير 1985) اقتحمت قوات الأمن جميع بيوت الجمهوريين في ام درمان (البيوت أ ، ب، ج، د) واعتقلت جميع من فيها، يعني بعبارة بسيطة كده(معظم الجمهوريون (ما عدا قلة قليلة لم تكن متواجده ساعتها في البيوت) كانوا في المعتقلات، يبقي كيف يمكنك ان تفسر هذه العبارة (قد تخلوا عن زعيمهم وهربوا وتركوه وحيداَ) ؟

قمت انت رديت كده:

Quote: . بعدين التخلي عن الزعيم وعدم الإستمساك بالفكرة ظهر عند الإستتابة حيث نط الجميع من معتقدهم وثبت الزعيم فقط ليذهب لحبل المشنقة بينما نفد الأخرون بجلدهم .. ألا تسمي ذلك خذلاناً وهروباً ؟؟

انا رديت ليك كده:

Quote: الحصل انو النظام قام باعتقال الجمهوريين اولا، ثم اصدر الرئيس في نشرة الساعة الثانية مساءا قراره بتنفيذ الاعدام في الاستاذ محمود في غدا، وامهل الجمهوريين الاربعة ثلاثة ايام تبدأ من مساء الخميس.. وحتي لحظة التنفيذ لم يتراجع جمهوري واحد عن موقفه، والاربعة الذين استتيبوا كانوا موجودين خلف المشنفة ساعة التنفيذ، مكبلين يرسفون في قيودهم، فلم يهرب منهم احد، ولم يكن الاستاذ / وحيدا امام المشنقة، بل ان الاحداث تخبرنا بأنه في مقابل هتافات الاخوان المتأسلمين، نهض السفير/ بشير بكار وهتف،(وما قتلوه وما صلبوه ولكن شبه لهم) ولو ان الامر كان استتابة الجمهوريين اولا، ثم اعدام الاستاذ، انا كنت باكد ليك انو ما كان حيكون في جمهوري واحد حي حتي الان، كان كلهم اختاروا الاعدام علي الاستتابة، ولكن لحكمة يعلمها الله سبحانه وتعالي، انو يتم الاعدام اولا، ومن ثم الاستتابة..

انت رديت كده:

Quote: ناس استتابوهم وتابوا جاي تغالط في دي؟؟ جاي تقول بدأوا بالإعدام ثم أستتابوهم؟؟ عاوز تلولو التاريخ القريب؟؟ أها الكانوا خلف الحبل ديل نطوا واللا تم إعدامهم ..؟؟

يا منير:
انت كلامك الاولاني كان انهم (هربوا وتركو وحيدا يواجه المشنقة) وانا قلت ليك الكلام ده ما صحيح الناس ديل لحدت ما تم تنفيذ الاعدام كانوا مع الاستاذ ولم يخذلوه ولم ينكره احد.. بعد داك كلامك بقي غير.. جيت قلت: الكلام ده:

Quote: ناس استتابوهم وتابوا جاي تغالط في دي؟؟ جاي تقول بدأوا بالإعدام ثم أستتابوهم؟؟ عاوز تلولو التاريخ القريب؟؟ أها الكانوا خلف الحبل ديل نطوا واللا تم إعدامهم ..؟؟

اها كلامك الاخير ده انت حذفت منه الكلام ده:(قد تخلوا عن زعيمهم وهربوا وتركوه وحيداَ)
وده تطور مهم جدا لأنو بيشير لي انك تخليت عن قولك الاول بهروبهم وتخليهم عن الاستاذ، وحصرت الموضوع في الاستتابة ونطوا وما اعدموهم، ودي بتفرق كتير..
شوف براك كيف انت مشيت بعيد شديد من عبارتك الأولي، وخطواتك دي ودتك وين؟
اذا ما قدرت تفرق بين الاتنين اديني خبر، عشان اجي اساعدك ووريك الفرق شنو؟
سلام